ཁ་སང་ཕྱི་ཚེས་ ༦ ཉིན་བོད་མིའི་ཆོས་སྲིད་གཉིས་ཀྱི་དབུ་ཁྲིད། སྤྱི་ནོར་༧གོང་ས་མཆོག་གི་སྐུའི་འཁྲུངས་སྐར་དང་བསྟུན་ཏེ། འདི་ག་དུས་བབ་ཟིན་བྲིས་ཚན་པར་ཀུན་སྤྱོད་སྐོར་གྱི་བགྲོ་གླེང་ཞིག་གནང་ཡོད་ལ། དྲ་ཐོག་བགྲོ་གླེང་དེ་གོ་སྒྲིག་ཞུ་མཁན་༼ ཀུན་སྤྱོད ༽ ཚགས་པར་གྱི་རྩོམ་སྒྲིག་པ་ཧར་གདོང་ཨ་འཇིགས་ལགས་ཡིན། ཁོང་གིས་ཐེངས་འདིའི་བགྲོ་གླེང་བརྒྱུད་དེ་བཙན་བྱོལ་བོད་མིའི་སྤྱི་ཚོགས་ཁྲོད་ཀྱི་ཤེས་ལྡན་མི་སྣ་དག་དང་ཀུན་སྤྱོད་སྐོར་ལ་བསམ་བློ་བརྗེ་རེས་བྱས་པ་ཞིག་ཡིན་འདུག
དྲ་ཐོག་བགྲོ་གླེང་སྟེང་གདན་ཞུའི་སྐུ་མགྲོན་དག་ལས་བོད་མི་མང་སྤྱི་འཐུས་བེ་རི་འཇིགས་མེད་དབང་རྒྱལ་མཆོག་གིས་༼ ཕྱི་ནང་གི་ཀུན་སྤྱོད་འདྲ་མཚུངས་དགོས་གལ ༽ ཞེས་པ་དང་། དུས་བབ་རྩོམ་སྒྲིག་པ་ལུང་རིག་རྒྱལ་ལགས་ཀྱིས་༼ ཀུན་སྤྱོད་ཀྱི་མི་རིགས ༽ ས་ར་མཐོ་སློབ་ཀྱི་དགེ་རྒན་བསོད་ནམས་རྒྱལ་མཚན་མཆོག་གིས་༼ ཀུན་སྤྱོད་སྐོར་ལ་རང་ཉིད་ཀྱི་ལྟ་ཚུལ ༽ ཨ་མཆོག་ཀླུ་སྒྲུབ་བསྟན་དར་ལགས་ཀྱིས་༼ ཀུན་སྤྱོད་རིག་པའི་རྨང་གཞི ༽ སེར་ཤུལ་རིན་ཆེན་དོན་གྲུབ་ལགས་ཀྱིས་༼ ཆེས་མཁོ་གལ་ཆེ་བའི་ཀུན་སྤྱོད་བཟང་པོ ༽ བགྲོ་གླེང་མགོ་འཛིན་པ་ཨ་འཇིགས་ལགས་ཀྱིས་༼ རྨི་ལམ་འདི་ཡང་མ་འོངས་པའི་འཚོ་བ་ཡིན་མཆོག ༽ ཅེས་ཀུན་སྤྱོད་སྐོར་གྱི་ཆེད་རྩོམ་ ༦ ཙམ་གྱི་ཐོག་བགྲོ་གླེང་གནང་ཡོད་ལ། ཚོགས་ཞུགས་པ་ ༢༧ ཙམ་གྱིས་དཔྱད་གཏམ་སུམ་བརྒྱ་སོ་གཅིག་ཙམ་སྤེལ་ཏེ་དྲ་ངོས་ ༢༨ ལས་བརྒལ་ཡོད།
གསར་འགོད་པ། དོན་འགྲུབ་བཀྲ་ཤིས།
སྐུ་ཞབས་དོན་འགྲུབ་བཀྲ་ཤིས་ལགས། ཁྱེད་ཀྱིས་བགྲོ་གླེང་སྐོར་ལ་གསལ་བཤད་བྱས་པ་ཐུགས་རྗེ་ཆེ་ཞུ་བཞིན་ཡོད། ཉིན་འགའི་སྔོན་དུ་ཁྱེད་ལ་འབྲེལ་མཐུད་བྱ་བསམ་ནས་ཟིན་བྲིས་ནང་་དུ་བཙལ་མོད་བརྙེད་མ་སོང། ཁ་པར་ཡང་ཐེངས་འགའ་ཤས་བཏང་ཡང་འགྲོ་ཀི་མི་འདུག ཐེངས་འདིའི་ལྟ་ཕྱོགས་རྣམས་ལ་དགོངས་ཚུལ་གནང་རྒྱུ་མཁྱེན།
ནོར་ བཅོས་
རྨི་ལམ་འདི་ཡང་མ་འོངས་པའི་འཚོ་བ་ཡིན་མཆོག ༽ ཡིན་ཆོག
གཞན་ཕ་རོལ་པོའི་ལུས་ངག་ཡིད་གསུམ་གྱི་འགུལ་ཤུགས་ཀྱི་བཟང་ཕྱོགས་སུ་སྐུལ་ལྕག་དང་ངན་ཕྱོགས་ནས་སྲབ་ཁ་ཚུར་འགུག་བྱ་རྒྱུ་དེ་གནད་དོན་གཙོ་བོ་ཞིག་རེད། དེ་ནས་རིམ་པར་སྤྱི་ཚོགས་ཀྱི་བཟང་ངན་གྱི་ཆ་རྣམས་གླེང་སློང་དང་དག་ཐེར་གྱིས་རང་སྐྱིད་མི་སྨོན་ཡོང་བའི་ཀུན་སྤྱོད་ལྡན་པའི་སྤྱི་ཚོགས་ཤིག་བསྐྲུན་རྒྱུ་དེ་རེད།།
དོན་བཀྲ་ལགས། ཡང་ཨ་འཇགས་ཞེས་བྲིས་འདུག།
དྲ་ཐོག་ཀུན་སྤྱོད་སྐོར་གྱི་བགྲོ་གླེང་གོ་སྒྲིག་པ་ཨ་འཇིགས་ལགས་དང་། བགྲོ་གླེང་གཏམ་བཤད་པ་རྣམས་ལ་འཚམས་འདྲི་ཞུ་རྒྱུ་ཡིན།
དྲ་ཐོག་ཀུན་སྤྱོད་ཀྱང་མི་རང་རང་སོ་སོའི་ལུས་ངག་ཡིད་གསུམ་གྱི་འགུལ་ཤུགས་བཟང་ཕྱོགས་དང་ངན་ཕྱོགས་ལ་དག་ཐེར་དང་། དེ་རྗེས་གཞན་ཕ་རོལ་པོའི་ལུས་ངག་ཡིད་གསུམ་གྱི་འགུལ་ཤུགས་ཀྱི་བཟང་ཕྱོགས་སུ་སྐུལ་ལྕག་དང་ངན་ཕྱོགས་ནས་སྲབ་ཁ་ཚུར་འགུག་བྱ་རྒྱུ་དེ་གནད་དོན་གཙོ་བོ་ཞིག་རེད། དེ་ནས་རིམ་པར་སྤྱི་ཚོགས་ཀྱི་བཟང་ངན་གྱི་ཆ་རྣམས་གླེང་སློང་དང་དག་ཐེར་གྱིས་རང་སྐྱིད་མི་སྨོན་ཡོང་བའི་ཀུན་སྤྱོད་ལྡན་པའི་སྤྱི་ཚོགས་ཤིག་བསྐྲུན་རྒྱུ་དེ་རེད།།