འབྲེལ་ཡོད་མི་སྣས་ཕྱི་ཚེས་ ༧ ཉིན་ཁ་པར་བརྒྱུད་འདི་གར་གནས་ཚུལ་ངོ་སྤྲོད་བྱས་པ་ལྟར་ན། རྒྱ་ནག་གཞུང་གི་དམ་དྲག་དང་། གདུག་རྩུབ་ཀྱི་མནར་གཅོད་ཡོད་བཞིན་པར་མ་ལྟོས་པར་གཞིས་ལུས་བོད་མི་རྣམས་ཀྱིས་༧གོང་ས་མཆོག་གི་འཁྲུངས་སྐར་ཐེངས་ ༧༥ པ་བསུ་བའི་ཆེད་དུ་གླུ་གཞས་བླངས་ཡོད་པ་རེད། ཐེངས་འདིར་ཆེད་དུ་༧གོང་ས་མཆོག་གི་འཁྲུངས་སྐར་བསུ་ཆེད་མགོ་ལོག་རྨ་ཡུལ་གླིང་སེང་ཆེན་སྒྱུ་རྩལ་ཚོགས་པའི་ལས་ཐོགས་ཚོགས་གཙོ་གཙང་མཆོད་རྟེན་དང་། གཞས་མ་ཀུན་དགའ་སྒྲོལ་མ་བཅས་རེད།
དྲ་ངོས་ཀྱི་གནས་ཚུལ་ཚང་མའི་པར་དབང་བོད་ཀྱི་དུས་བབ་ལ་ཡོད།
གླུ་སྐད་དེ་ངས་སྒྲ་འཛིན་བུ་གར་མཐོས་བ་མཉམ་དུ་གླུ་བ་གླུ་མ་དག་གི་སྙིང་སྟོབས་དང་འཁྲེན་ཞེན་གྱི་སྟགས་བུ་སྟེ་ཅི་འདྲའི་རེ་སྒུག་གི་དུས་ཚོད་རིང་པོ་ཞིག་གམ།
དངོས་གནས་དཔའ་བོ་ཞིག་འདུག གཞིས་ལུས་མི་དམངས་ཀྱི་སྙིང་སྟོབས་འདྲི་འདྲ་ཞིག་ཡོད་རེད། ང་ཚོ་རང་དབང་ལུང་པར་སྡོད་མཁན་ཚོ་ལྟོ་གོས་འགྲིག་ཙམ་གྱིས་ཡིད་ཚིམ་སྟེ་སྡོད་པ་ཡིན་ན་ངོ་ཚ་ཡི་འདུག་ག
གླུ་བ་གླུ་མ་དེ་ཚོའོ་སྙིང་སྟོབས་ལ་རྗེས་སུ་ཡི་རངས་ཡོད་
ཁོང་ཚོའི་ལུས་སྲོག་ལོངས་སྤྱོད་དང་བཅས་པ་བོད་མི་རིགས་ཀྱི་རྩ་དོན་གྱི་ཆེད་དུ་ཕུལ་པ་རེད། དངོས་གནས་དོན་གྱི་དབའ་པོ་རེད། ཁོང་ཚོའི་བྱ་བཞག་ལ་བར་ཆད་ཅིག་མི་ཡོང་པའི་སྨོན་ལམ་སྙིང་ནས་ཞུ།།
ངོ་མ་མིག་ཆུ་འཆོར་གྱིན་འདུག དཔའ་བོ་དཔའ་མོ་དག་སྟག་མཆོང་མཆོང་བྱས་ཡོང་དུས། ང་རང་ཤུགས་ཀྱིས་འཁུམས་འགྲོ་གིན་འདུག སྙན་ངག་མེད་ལ་སྐད་ཆའང་མེད་པར་མགྲིན་པ་བརྣངས་ཡོང་གིན་འདུག གཞན་གནམ་ལྕགས་དང་དགྲ་ལྷ་རྩེ་རྒྱལ་གཉིས་ལ་རྒྱབ་སྐྱོར་ཡོད།
དཀོན་མཆོག་མཁྱེན་ཕ་ཡུལ་གྱི་དཔའ་བོ་དཔའ་མོ་ཚོར་རྐྱེན་ངན་པའི་བར་ཆད་ཅིག་མི་ཡོང་བར་ཤོག
དགྲ་ལྷ་རྩེ་རྒྱལ་ལགས། ཁྱེད་བཤད་པ་དེ་ངོ་ནས་རེད་ཡ།
བོད་འབྱོར་འཁྲུངས་སྐར་བསུ་གླུའི་ནང་།
ང་ཚོའི་སྐྱབས་མགོན་ཡིད་བཞིན་ནོར། །
གཞིས་བྱེས་བོད་མི་འཛོམས་ལུགས་སོགས། །
ང་ཡི་མིག་ཟུང་མིག་ཆུས་གང་། །
གཞས་པ་ཚོའི་རེ་འདོད་ཡིན་ན་མ་གཏོགས་
དགྲ་ལྷ་རྩེ་རྒྱལ་ལགས་བདེན་པ་རེད
གྲོགས་པོ་ཚོ།
བོད་ནང་ནས་གཅིག་བྱས་འདུག་ཟེར་ནས། ལམ་སང་དགོ་བ་འདྲོགས་འདྲོགས་བྱས་ནས་ཁྱབ་བསྒྲགས་བྱས་བཞག་ན། གླུ་པ་གླུ་མ་དེ་ཚོ་བོད་ནང་དུ་བསྡད་ཡོད་དུས་དེ་ཚོའི་གནས་སྟངས་ག་འདྲ་ཆགས་མིན་བསམ་བློ་གཏོང་དགོས་ཀྱི་རེད་ད།
གལ་སྲིད་རྒྱ་གཞུང་གིས་དངོས་སུ་འཛིན་བཟུང་བྱས་ཚར་བ་ཞིག་ཡིན་ན། ཁྱབ་བསྒྲགས་བྱས་ན་འགྲིག་གི་འདུག ཁོང་ཚོའི་གནས་སྟངས་ཇི་ཆགས་མ་ཤེས་གོང་ནས་ས་བསྒྲགས་རྡོ་བསྒྲགས་བྱས་བཞག་ན་འགྲིག་ཨེ་ཡོང་། དེ་གསར་འགྱུར་བརྒྱུད་ལམ་གིས་དོ་སྣང་དགོས་འདུག དེ་སྔོན་དེ་འདྲ་བྱུང་འདུག འདི་ནས་ཁ་དང་ལག་པ་འབྱར་ཚད་ཀྱིས་གཅིག་བསྒྲགས་བཞག་དུས་ཕ་གིར་དཀའ་ངལ་ནང་དུ་བརྫངས་བཞག་པ་ལྟ་བུ་ཆགས་འདུག་གཱ
ཕྱི་ཚེས་ ༦ ཉིན་༧གོང་ས་མཆོག་གིས་གཞིས་ལུས་མི་དམངས་ལ་གསུངས་པ།
༼བོད་ནང་དུ་ཡོད་པའི་གཞིས་ལུས་རྒྱ་ཆེ་མི་དམངས་ཚོ་ངོས་ཀྱི་སྐྱེས་སྐར་དུས་ཆེན་ལ་སེམས་ནང་ཚོར་བ་ཤུགས་ཆེན་པོ་ཞིག་ཡོང་གིན་ཡོད་ཀྱང་། ཕྱི་ལོགས་སུ་སྟོན་མ་ཐུབ་པ་ཆགས་བསྡད་ཡོད། སེམས་ནང་དད་པ་དམ་ཚིགས་གཡོ་བ་མེད་པར་བསྡད་ཡོད་སྟབས། ཁོང་ཅག་ལ་ཐུགས་རྗེ་ཆེ་ཞུ་རྒྱུ་ཡིན། ༽
ཁོང་རྣམ་པའི་སྙིང་སྟོབས་ལ་མངོན་པར་བསྟོད། ཡིན་ཡང་། ད་ནི་ཐར་ཁག་པོར་གྱུར་ཚར་བ་རེད། མདོ་དབུས་མཐོ་སྒང་གི་གཞས་པ་དང་གཞས་མ་གཉིས་ཀྱིས་སེམས་ཐག་ཆོད་པོའི་སྒོ་ནས་རང་རང་གི་མི་ཚེ་དེ་མི་རིགས་འདིར་སྐྱེས་སུ་བཏེགས་པ་རེད།
སྐབས་འདི་འདྲ་ཞིག་ལ་རང་རང་གི་ངོས་ནས་ཅི་ཞིག་བཤད་དགོས་མིན་དང་། བསམ་བློ་ཇི་ལྟར་གཏོང་དགོས་མིན་ཡང་མི་ཤེས་པའི་ཚོད་རེད།
གཞས་དེ་ཚོར་ཉན་སྐབས་སྤྲོ་སྣང་དང་སྡུག་སྣང་། ཞེད་སྣང་གང་ཡིན་བཤད་མི་ཤེས་པ་ཞིག་སྐྱེས་སོང་། གཅིག་བྱས་ན། ཚོར་སྣང་འདི་ཚོ་མཉམ་གཅིག་ཏུ་སྐྱེས་པའི་ཚོར་སྣང་དམིགས་བསལ་བ་ཞིག་ཡིན་ཡང་སྲིད།
འདིའི་སྐོར་ད་ནངས་ཞོགས་པར་ཨེ་ཤ་ཡ་རླུང་འཕྲིན་ཁང་ནས་རྒྱང་བསྲིངས་བྱས་སོང་། ཡིན་ནའང་ང་ལ་དཔལ་ལྡན་རྒྱལ་གྱི་དྲི་བ་འདོན་སྟངས་ཐད་ལ་བསམ་ཚུལ་ཞིག་ཡོད། དྲང་མོར་བཤད་ན། བོད་ནང་གི་གནས་ཚུལ་དམར་རྗེན་དུ་དེ་ལྟར་བཏོན་ཏེ་འཛིན་བཟུང་ཐེབས་ན་ཇི་ལྟར་བྱ། འདིའི་སྐོར་ནས་བསམ་ཚུལ་ཞིག་རྗེས་ནས་བཤད་འདོད་ཡོད།