མེལ་ལེ་ ༡༥༠ ཡི་རང་བཙན་གོམ་བགྲོད།

རྒྱལ་སྤྱིའི་བོད་རང་བཙན་ལས་འགུལ་ཚོགས་པས་ ༢༠༡༠ ལོའི་ ཟླ་ ༧ ཚེས་ ༤ ནས་མགོ་འཛུགས་ཀྱིས་ རང་བཙན་གོམ་བགྲོད་བྱེད་བཞིན་ཡོད་པ་དང་། དེ་ཡང་ཨ་རིའི་ཕེ་ལེ་ཌེ་ཕེ་ཡ་ན་ཡོད་པའི་ རང་བཙན་ཁང་ཞེས་པ་ནས། རྒྱལ་ས་ཝ་ཤིན་ཊོན་གྱི་རྒྱ་ནག་གཞུང་ཚབ་ཁང་བར་དུ་རྒྱང་ཐག་ མེལ་ལེ་ ༡༥༠ ལ་བསྐྱོད་རྒྱུ་ཡིན་པ་དང་། ཟླ་ ༧ པའི་ཚེས་ ༡༣ ཉིན་གོམ་བགྲོད་མཇུག་སྒྲིལ་རྒྱུ་ཡིན་པ་རེད།

ཐེངས་འདིའི་རང་བཙན་གོམ་བགྲོད་དུ། བཀའ་ཟུར་ཞེ་བོ་བློ་བཟང་དར་རྒྱས་ལགས་དང་། སྐུ་ངོ་སྣར་སྐྱིད་ངག་དབང་དོན་གྲུབ། སྤྱི་ཟུར་དབང་ཕྱུག་རྡོ་རྗེ། ལྟག་མཚེར་རིན་པོ་ཆེའི་སྲས་ཆུང་བ་འཇིགས་མེད་ནོར་བུ་སོགས་ཞུགས་གནང་མཛད་ཡོད་ལ། མཚམས་རེར་བོད་མི་ ལྔ་རེ་དང་མཚམས་རེར་བཅུ་གྲངས་རེ་ཡོད། ལོ་ཆུང་ཤོས་དེ་བྱིས་པ་ལོ་བརྒྱད་ཅན་ཞིག་ཡིན།  དེ་རིང་བར་དུ་མེལ་ལེ་ ༨༠ ཙམ་ལ་གོམ་བགྲོད་བྱས་ཟིན་པ་ཡིན།
ཉིན་རེར་མེལ་ལེ་ ༡༨ ཙམ་རེར་གོམ་བགྲོད་བྱེད་སྐབས་ གནམ་གཤིས་ཧ་ཅང་ཚ་བའི་སྐབས་ལ་འཁེལ་བ་དང་།  གོམ་བགྲོད་ཡུན་རིང་བྱས་པར་བརྟེན་ནས་རྐང་པར་ཆུ་ལྒང་ཐོན་པ་སོགས་ནི་སྤྱིར་བཏང་གི་གནས་ཚུལ་ཞིག་རེད།
མཱེ་རེ་ལཎ་ཌི་ནས་ཡིན་པའི་གོམ་བགྲོད་པ་རྡོ་རྗེ་མཚོས་བརྗོད་པ་ལྟར་ན།“ང་རྒྱ་གར་དུ་འཚར་ལོངས་བྱུང་བ་དང་། གོམ་བགྲོད་འདི་ལ་ཞུགས་ནས་ངས་བོད་ཀྱི་སྐོར་ལ་སློབ་སྦྱོང་མང་པོ་ཐོབ་བྱུང་། དེ་རིང་ཚད་པ་ཆེན་པོ་འདུག”ཅེས་བཤད། ཚད་པ་ཆེ་ན་ཅིའི་ཕྱིར་གོམ་བགྲོད་བྱེད་ཀྱི་ཡོད་དྲིས་སྐབས། མོས། “བོད་རང་བཙན་རེད། ཕ་ཡུལ་ན་སྤུན་ཟླ་ཚོས་སྡུག་བསྔལ་མྱོང་བཞིན་་་་” རྡོ་རྗེ་མཚོ་ངུས་ནས་སྐད་ཆ་མུ་མཐུད་བཤད་མ་སོང་། གོམ་བགྲོད་སྐབས་ ལམ་དུ་བསྐྱོད་བཞིན་པའི་རླངས་འཁོར་བ་ཚོས། “བོད་ཀྱི་ཆེད་དུ་རླངས་འཁོར་གྱི་སྒྲ་སྐད་སྒྲོགས།”ཞེས་ པའི་བྱང་བུ་མཐོང་སྟེ། སྒྲ་སྐད་སྒྲོག་བཞིན་འདུག ཧ་ལམ་ཐེངས་སུམ་བརྒྱ་ཙམ་རེར་སྒྲ་སྐད་སྒྲོག ངོ་མི་ཤེས་པའི་མི་རྣམས་ང་ཚོའི་གོམ་བགྲོད་ཀྱི་མདུན་དུ་ཡོང་ནས་འཐུང་ཆུ་སྤྲོད་ པ་སོགས་བྱེད།
དགུང་ལོ་ ༦༧ ལ་ཕེབས་པའི་སྤྱི་ཟུར་དབང་ཕྱུག་རྡོ་རྗེ་ལགས་ཀྱིས། “ད་ང་ཚོ་ མང་ཆེ་བའི་རྐང་པ་ལ་ཆུ་ལྒང་ཐོན་འདུག ཆུ་ལྒང་ཐོན་པའི་སྐབས་ལ་ན་བའི་ཚབ་ལ་ཚ་གི་འདུག ཡིན་ན་ཡང་། བོད་ནང་གི་ད་ལྟའི་གནས་སྟངས་སྐྱོ་པོ་དེ་དག་ལ་བསམས་དུས། ང་ཚོའི་ཆུ་ལྒང་གི་ན་ཟུག་དེ་ཆུང་ཆུང་རེད། དེ་ལ་བཟོད་སྒོམ་བྱེད་མི་ཐུབ་པ་གང་ཡང་མི་འདུག ང་ཚོས་འདི་ལྟར་གོམ་བགྲོད་བྱས་ནས་ བོད་ནང་གི་དཀའ་སྡུག་དང་ང་ཚོས་རང་དབང་བརྩོན་ལེན་བྱེད་བཞིན་པ་དེ་ ཁྱབ་བསྒྲགས་བྱེད་ཀྱི་ཡོད།”

དེ་རིང་གི་གོམ་བགྲོད་པའི་ ཁྲོད་དུ་བོད་ཀྱི་གལ་ཆེའི་མི་སྣ་ཞིག་ཕེབས་ཡོད། ཁོང་ནི་བཙན་བྱོལ་བོད་གཞུང་གི་བཀའ་ཟུར་དང་ཁྲིམས་ཞིབ་པ་ཟུར་བ་ཞེ་བོ་བློ་བཟང་ དར་རྒྱས་ལགས་རེད། ཁོང་ད་ལོ་དགུང་གྲངས་ ༧༨ ལ་ཕེབས་ཡོད། ཁོང་ ཉིན་དང་པོའི་གོམ་བགྲོད་སྐབས་སུ་ཆེད་དུ་ཕེབས་ཡོད་པ་རེད། ཁོང་དེ་སྔ་བོད་ནང་དུ་ མི་ལོ་ ༢༧ རིང་རྒྱ་གཞུང་གིས་བཙོན་འཇུག་བྱས་ཡོད་པ་རེད། ཁོང་གིས་གསུངས་དོན། “ང་ཚོ་བོད་ ཀྱི་འཐབ་རྩོད་འདི་དྲང་བདེན་གྱི་འཐབ་རྩོད་ཅིག་རེད། ༧རྒྱལ་བ་རིན་པོ་ཆེས་ཡང་ཡང་གསུངས་པ་བཞིན་བདེན་པའི་འཐབ་རྩོད་འདི་མཐའ་གསལ་ཡོང་ གི་རེད། ༧རྒྱལ་བ་རིན་པོ་ཆེས་གཙོ་བྱས་པའི་བཙན་བྱོལ་བོད་མི་ཚོས་བདེན་པའི་འཐབ་རྩོད་ འདི་འཛམ་གླིང་མི་དམངས་ལ་གསལ་བསྒྲགས་གནང་ཡོད་པ་རེད། ད་དུང་ཡང་མུ་མཐུད་ནས་གནང་དགོས་པ་ཞིག་རེད། ལྟག་མཚེར་རིན་པོ་ཆེ་སྐུ་གོང་མས་རང་བཙན་འཐབ་རྩོད་ཀྱི་ལས་འགུལ་འདི་གནང་བ་རེད། ད་མུ་མཐུད་ནས་འདི་ལྟར་ལས་འགུལ་གནང་ཡོང་དུས་དངོས་གནས་སེམས་པ་དགའ་བ་ཞིག་རེད། ད་ང་ཡང་ཤི་རན་པ་རེད། ཡིན་ན་ང་ལ་བུ་ཡོད་རེད། བདེན་པའི་འཐབ་རྩོད་འདི་མུ་མཐུད་དགོས་པ་རེད། འདི་མི་རིགས་གཅིག་གི་འཐབ་རྩོད་རེད། མི་ཐོག་གཅིག་གི་འཐབ་རྩོད་མ་རེད། བྱས་ཙང་། ང་གོམ་བགྲོད་འདི་ལ་ཞུགས་ཐུབ་པ་དེ་ཧ་ཅང་སེམས་པ་དགའ་ནས་ཡོད།” ཅེས་གསུངས་སོང་།
 
ད་ཐེངས་ཀྱི་གོམ་བགྲོད་ འདི་ནི་ རྒྱལ་སྤྱིའི་བོད་རང་བཙན་ལས་འགུལ་ཚོགས་པས་གོ་སྒྲིག་བྱས་པའི་གོམ་བགྲོད་དམ་ཡང་ ན་ལྕགས་རྟ་ཞོན་བགྲོད་ཀྱི་ལས་འགུལ་ཐེངས་ ༡༥ པ་དེ་ཡིན་པ་དང་། ལས་འགུལ་གྱི་གནས་ཚུལ་དག་བོད་ཡིག་གི་དྲ་དེབ་ www.bodrangzen.org དང་། དེ་བཞིན་དབྱིན་ཡིག་གི་དྲ་ཤོག www.rangzen.orgའདི་ནས་གཟིགས་ཐུབ། དེ་བཞིན་གོམ་བགྲོད་པ་ཚོར་འབྲེལ་གཏུགས་གནང་ཚེ། གློག་འཕྲིན།rangzen@aol.com ཁ་པར། 317-506-2249 འབྲེལ་བ་གནང་འཐུས། གསར་འགྱུར་འདི་ཕྱོགས་སྒྲིག་བྱེད་པོ་ དགེ་འདུན་རབ་གསལ་ཡིན།

རྒྱལ་སྤྱིའི་བོད་རང་བཙན་ ལས་འགུལ་ཚོགས་པས་ ༢༠༡༠ ལོའི་ ཟླ་ ༧ ཚེས་ ༤ ནས་མགོ་འཛུགས་ཀྱིས་ རང་བཙན་གོམ་བགྲོད་བྱེད་བཞིན་ཡོད་པ་དང་། དེ་ཡང་ཨ་རིའི་ཕེ་ལེ་ཌེ་ཕེ་ཡ་ན་ཡོད་པའི་ རང་བཙན་ཁང་ཞེས་པ་ནས། རྒྱལ་ས་ཝ་ཤིན་ཊོན་གྱི་རྒྱ་ནག་གཞུང་ཚབ་ཁང་བར་དུ་རྒྱང་ཐག་ མེལ་ལེ་ ༡༥༠ ལ་བསྐྱོད་རྒྱུ་ཡིན་པ་དང་། ཟླ་ ༧ པའི་ཚེས་ ༡༣ ཉིན་གོམ་བགྲོད་མཇུག་སྒྲིལ་རྒྱུ་ཡིན་པ་རེད།
ཐེངས་འདིའི་རང་བཙན་གོམ་ བགྲོད་དུ། བཀའ་ཟུར་ཞེ་བོ་བློ་བཟང་དར་རྒྱས་ལགས་དང་། སྐུ་ངོ་སྣར་སྐྱིད་ངག་དབང་དོན་གྲུབ། སྤྱི་ཟུར་དབང་ཕྱུག་རྡོ་རྗེ། ལྟག་མཚེར་རིན་པོ་ཆེའི་སྲས་ཆུང་བ་འཇིགས་མེད་ནོར་བུ་སོགས་ཞུགས་གནང་མཛད་ཡོད་ལ། མཚམས་རེར་བོད་མི་ ལྔ་རེ་དང་མཚམས་རེར་བཅུ་གྲངས་རེ་ཡོད། ལོ་ཆུང་ཤོས་དེ་བྱིས་པ་ལོ་བརྒྱད་ཅན་ཞིག་ཡིན། དེ་རིང་བར་དུ་མེལ་ལེ་ ༨༠ ཙམ་ལ་གོམ་བགྲོད་བྱས་ཟིན་པ་ཡིན།

ཉིན་རེར་མེལ་ལེ་ ༡༨ ཙམ་རེར་གོམ་བགྲོད་བྱེད་སྐབས་ གནམ་གཤིས་ཧ་ཅང་ཚ་བའི་སྐབས་ལ་འཁེལ་བ་དང་། གོམ་བགྲོད་ཡུན་རིང་བྱས་པར་བརྟེན་ནས་རྐང་པར་ཆུ་ལྒང་ཐོན་པ་སོགས་ནི་སྤྱིར་བཏང་ གི་གནས་ཚུལ་ཞིག་རེད།

མཱེ་རེ་ལཎ་ཌི་ནས་ཡིན་པའི་གོམ་ བགྲོད་པ་རྡོ་རྗེ་མཚོས་བརྗོད་པ་ལྟར་ན། “ང་རྒྱ་གར་དུ་འཚར་ལོངས་བྱུང་བ་དང་། གོམ་བགྲོད་འདི་ལ་ཞུགས་ནས་ངས་བོད་ཀྱི་སྐོར་ལ་སློབ་སྦྱོང་མང་པོ་ཐོབ་བྱུང་། དེ་རིང་ཚད་པ་ཆེན་པོ་འདུག”ཅེས་བཤད། ཚད་པ་ཆེ་ན་ཅིའི་ཕྱིར་གོམ་བགྲོད་བྱེད་ཀྱི་ཡོད་དྲིས་སྐབས། མོས། “བོད་རང་ བཙན་རེད། ཕ་ཡུལ་ན་སྤུན་ཟླ་ཚོས་སྡུག་བསྔལ་མྱོང་བཞིན་་་་” རྡོ་རྗེ་མཚོ་ངུས་ནས་སྐད་ཆ་མུ་མཐུད་བཤད་མ་སོང་། གོམ་བགྲོད་སྐབས་ ལམ་དུ་བསྐྱོད་བཞིན་པའི་རླངས་འཁོར་བ་ཚོས། “བོད་ཀྱི་ཆེད་དུ་རླངས་འཁོར་གྱི་སྒྲ་སྐད་སྒྲོགས།”ཞེས་ པའི་བྱང་བུ་མཐོང་སྟེ། སྒྲ་སྐད་སྒྲོག་བཞིན་འདུག ཧ་ལམ་ཐེངས་སུམ་བརྒྱ་ཙམ་རེར་སྒྲ་སྐད་སྒྲོག ངོ་མི་ཤེས་པའི་མི་རྣམས་ང་ཚོའི་གོམ་བགྲོད་ཀྱི་མདུན་དུ་ཡོང་ནས་འཐུང་ཆུ་སྤྲོད་ པ་སོགས་བྱེད།

དགུང་ལོ་ ༦༧ ལ་ཕེབས་པའི་སྤྱི་ཟུར་དབང་ཕྱུག་རྡོ་རྗེ་ལགས་ཀྱིས། “ད་ང་ཚོ་ མང་ཆེ་བའི་རྐང་པ་ལ་ཆུ་ལྒང་ཐོན་འདུག ཆུ་ལྒང་ཐོན་པའི་སྐབས་ལ་ན་བའི་ཚབ་ལ་ཚ་གི་འདུག ཡིན་ན་ཡང་། བོད་ནང་གི་ད་ལྟའི་གནས་སྟངས་སྐྱོ་པོ་དེ་དག་ལ་བསམས་དུས། ང་ཚོའི་ཆུ་ལྒང་གི་ན་ཟུག་དེ་ཆུང་ཆུང་རེད། དེ་ལ་བཟོད་སྒོམ་བྱེད་མི་ཐུབ་པ་གང་ཡང་མི་འདུག ང་ཚོས་འདི་ལྟར་གོམ་བགྲོད་བྱས་ནས་ བོད་ནང་གི་དཀའ་སྡུག་དང་ང་ཚོས་རང་དབང་བརྩོན་ལེན་བྱེད་བཞིན་པ་དེ་ ཁྱབ་བསྒྲགས་བྱེད་ཀྱི་ཡོད།”

དེ་རིང་གི་གོམ་བགྲོད་པའི་ ཁྲོད་དུ་བོད་ཀྱི་གལ་ཆེའི་མི་སྣ་ཞིག་ཕེབས་ཡོད། ཁོང་ནི་བཙན་བྱོལ་བོད་གཞུང་གི་བཀའ་ཟུར་དང་ཁྲིམས་ཞིབ་པ་ཟུར་བ་ཞེ་བོ་བློ་བཟང་ དར་རྒྱས་ལགས་རེད། ཁོང་ད་ལོ་དགུང་གྲངས་ ༧༨ ལ་ཕེབས་ཡོད། ཁོང་ ཉིན་དང་པོའི་གོམ་བགྲོད་སྐབས་སུ་ཆེད་དུ་ཕེབས་ཡོད་པ་རེད། ཁོང་དེ་སྔ་བོད་ནང་དུ་ མི་ལོ་ ༢༧ རིང་རྒྱ་གཞུང་གིས་བཙོན་འཇུག་བྱས་ཡོད་པ་རེད། ཁོང་གིས་གསུངས་དོན། “ང་ཚོ་བོད་ ཀྱི་འཐབ་རྩོད་འདི་དྲང་བདེན་གྱི་འཐབ་རྩོད་ཅིག་རེད། ༧རྒྱལ་བ་རིན་པོ་ཆེས་ཡང་ཡང་གསུངས་པ་བཞིན་བདེན་པའི་འཐབ་རྩོད་འདི་མཐའ་གསལ་ཡོང་ གི་རེད། ༧རྒྱལ་བ་རིན་པོ་ཆེས་གཙོ་བྱས་པའི་བཙན་བྱོལ་བོད་མི་ཚོས་བདེན་པའི་འཐབ་རྩོད་ འདི་འཛམ་གླིང་མི་དམངས་ལ་གསལ་བསྒྲགས་གནང་ཡོད་པ་རེད། ད་དུང་ཡང་མུ་མཐུད་ནས་གནང་དགོས་པ་ཞིག་རེད། ལྟག་མཚེར་རིན་པོ་ཆེ་སྐུ་གོང་མས་རང་བཙན་འཐབ་རྩོད་ཀྱི་ལས་འགུལ་འདི་གནང་བ་རེད། ད་མུ་མཐུད་ནས་འདི་ལྟར་ལས་འགུལ་གནང་ཡོང་དུས་དངོས་གནས་སེམས་པ་དགའ་བ་ཞིག་རེད། ད་ང་ཡང་ཤི་རན་པ་རེད། ཡིན་ན་ང་ལ་བུ་ཡོད་རེད། བདེན་པའི་འཐབ་རྩོད་འདི་མུ་མཐུད་དགོས་པ་རེད། འདི་མི་རིགས་གཅིག་གི་འཐབ་རྩོད་རེད། མི་ཐོག་གཅིག་གི་འཐབ་རྩོད་མ་རེད། བྱས་ཙང་། ང་གོམ་བགྲོད་འདི་ལ་ཞུགས་ཐུབ་པ་དེ་ཧ་ཅང་སེམས་པ་དགའ་ནས་ཡོད།” ཅེས་གསུངས་སོང་།

ད་ཐེངས་ཀྱི་གོམ་བགྲོད་ འདི་ནི་ རྒྱལ་སྤྱིའི་བོད་རང་བཙན་ལས་འགུལ་ཚོགས་པས་གོ་སྒྲིག་བྱས་པའི་གོམ་བགྲོད་དམ་ཡང་ ན་ལྕགས་རྟ་ཞོན་བགྲོད་ཀྱི་ལས་འགུལ་ཐེངས་ ༡༥ པ་དེ་ཡིན་པ་དང་། ལས་འགུལ་གྱི་གནས་ཚུལ་དག་བོད་ཡིག་གི་དྲ་དེབ་ www.bodrangzen.org དང་། དེ་བཞིན་དབྱིན་ཡིག་གི་དྲ་ཤོག www.rangzen.orgའདི་ནས་གཟིགས་ཐུབ། དེ་བཞིན་གོམ་བགྲོད་པ་ཚོར་འབྲེལ་གཏུགས་གནང་ཚེ། གློག་འཕྲིན། rangzen@aol.com ཁ་པར། 317-506-2249 འབྲེལ་བ་གནང་འཐུས།

གསར་འགྱུར་འདི་ཕྱོགས་སྒྲིག་བྱེད་པོ་དགེ་འདུན་རབ་གསལ་ཡིན།