ཨ་རིའི་བྱང་ཁ་ལས་ཧྥོ་ནི་ཡའི་བོད་རིགས་ཚོགས་པས་༧གོང་ས་མཆོག་གི་འཁྲུངས་སྐར་དུས་ཆེན་སྲུང་བརྩི་གཟའ་ཉི་མའི་ཉིན་གནང་སོང་ལ།སྐབས་དེར་སྨན་པ་སྐལ་བཟང་དབྱངས་སྒྲོན་ལགས་ནས་ཕྲུ་གུས་དབྱིན་སྐད་བཤད་ཡོང་ནའང་ཕར་ཨ་མ་ཚོས་བོད་སྐད་བཤད་དགོས་པའི་རེ་འབོད་གནང་སོང་།
ཟླ་འདིའི་ཚེས་ ༡༠ ཉིན་བྱང་ཁ་ལས་ཧྥོ་ནི་ཡའི་བོད་རིགས་ཚོགས་པས་༧གོང་ས་མཆོག་གི་འཁྲུངས་སྐར་སྲུང་བརྩི་གནང་སོང་ལ།སྐབས་དེར་བོད་རིགས་མང་པོ་འདུ་འཛོམས་ཀྱི་གོ་སྐབས་དང་བསྟུན་ནས་སྨན་པ་སྐལ་བཟང་དབྱངས་སྒྲོན་ལགས་ནས་འཆར་ཅན་གཟའ་ཉི་མའི་ཉིན་གྱི་བོད་ཡིག་འཛིན་གྲའི་སྐབས་ག་འདྲ་བྱས་ནས་མོ་རང་གིས་བོད་པའི་ཕྲུ་གུ་ཚོར་བོད་ཡིག་སློབ་ཚུལ་དཔེ་མཚོན་དང་བཅས་བསྟན་སོང་ལ།དེ་དང་མཉམ་དུ་མོས་བོད་པའི་ཨ་མ་ཚོར་རེ་འབོད་གནང་དོན།ཕྲུ་གུ་ཚོར་མཚོན་ན་དབྱིན་ཡིག་བདེ་བོ་ཡོད་པ་རེད།ཡིན་ནའང་ཕ་མ་ཚོས་ཕྲུ་གུ་ལ་བོད་སྐད་བཤད་རྒྱུ་གལ་ཆེན་པོ་རེད་འདུགམཚམས་རེར་བོད་སྐད་ཀྱི་དོན་དག་?བྱིན་སྐད་དང་སྦྲགས་ནས་བཤད་ན་གོ་བདེ་བ་འདུགཡང་དབྱིན་སྐད་ཀྱི་དོན་དག་དེ་བོད་སྐད་དུ་ཡག་པོ་ཤེས་ཀྱི་མེད་ན་ཚིག་མཛོད་ལ་བལྟས་ནས་མིང་ཚིག་དག་དག་ཅིག་བཤད་རྒྱུ་གལ་ཆེན་པོ་རེད་ཅེས་བཤད་སོང་།མོས་གཟའ་ཉི་མའི་འཛིན་གྲའི་སྐབས་སུ་བོད་ཕྲུག་ཚོར་བྱིས་སྒྲུང་ཀློག་བཤད་དང་།གླུ་གཞས།ཚིགས་བཅད་སྐྱོར་ནས་གོ་དོན་འགྲེལ་བ།ཞབས་བྲོ་འཁྲབ་པ།རི་མོ་འབྲི་བ་སོགས་སློབ་ཁྲིད་གནང་གི་ཡོད་འདུག
སྨན་པ་སྐལ་བཟང་དབྱངས་སྒྲོལ་ལགས་ནི་བོད་ནས་ཕེབས་པའི་སྨན་པ་ཞིག་རེད་ལ།མོས་བྱང་ཁ་ལས་ཧྥོ་ནི་ཡར་སྒེར་གྱི་བོད་སྨན་ཁང་ཞིག་བཟུང་ཡོད་པ་དང་།མོས་གཟའ་ཉི་མ་འཆར་ཅན་ལ་བོད་པའི་ཕྲུ་གུ་ཚོར་བོད་ཡིག་ཁྲིད་བཞིན་ཡོད་ལ་གླ་ཆ་གང་ཡང་མི་འདུགམོ་ནི་བོད་སྨན་དང་བོད་ཡིག་ལ་ཤེས་ཚད་ཡག་པོ་ཡོད་མཁན་ཞིག་རེད།
ཕྱི་རྒྱལ་ཁག་ཏུ་༧གོང་ས་མཆོག་གི་འཁྲུངས་སྐར་དུས་ལྟར་སྲུང་བརྩི་བྱེད་ཐུབ་ཀྱི་མེད་ལ།འཁྲུངས་སྐར་ཉིན་རིང་ལ་རྟེན་འབྲེལ་གྱི་བྱེད་སྒོ་ཆུང་ཆུང་ཞིག་ལས་མེད།འཁྲུངས་སྐར་སྲུང་བརྩི་རྒྱས་ནི་གཟའ་ཉི་མའི་ཉིན་བྱེད་བཞིན་ཡོད།ཉིན་དེར་མི་ཚང་མ་གུང་གསེང་ཡིན་སྟབས་ཚང་མ་འཛོམས་ཐུབ་ཀྱི་ཡོད།
གསར་འགྱུར་སྤེལ་མཁན། ཟླ་བ་ཆོས་འཛོམས།
![AfD party members celebrate victory in Saxony-Anhalt on Sunday [Matthias Schrader/AP]](https://tibettimes.net/wp-content/uploads/2026/09/WhatsApp-Image-2026-09-11-at-4.20.04-PM-360x180.jpeg)
ཟླ་བ་ཆོས་འཛོམས་ཟེར་བ་འདི་དུས་བབ་ཚང་གི་ལས་བྱེད་གསར་བ་ཡིན་ནམ།
གལ་ཏེ་བོད་མི་རིགས་འདི་མུ་མཐུད་ནས་འཚོ་དགོས་ཀྱི་ཡོད་ན་ནི་ཁོང་གི་ལས་འགུལ་འདི་ཆེས་རླབས་ཆེ་བ་ཞིག་ཡིན་པས་བོད་པའི་མི་རིགས་རིག་གཞང་དང་བཅས་པར་ཤ་ཞེན་ཡོད་པའི་བོད་རིགས་ཚང་མས་མཐུན་འགྱུར་སྡོང་གྲོགས་ལྷད་མེད་ཅིག་གནང་རོགས་ཞེས་ངས་ཀྱང་རེ་བ་ཞུ་བཞིན་ཡོད།
སྨན་པའི་ལྷག་བསམ་མཛེས་པའི་ཁ་ཡི་མདོག་ནི༎
པ་སངས་དཀར་པོའི་ལུས་ཀྱི་རྗེས་འབྲངས་ནས།།
སྐལ་བཟང་དམ་པའི་ལུགས་བཟང་སྐྱོང་བ་འདི༎
དབྱངས་ཅན་སྒྲོལ་མ་གཉིས་ཀྱི་སྤྲུལ་པར་དོགས༎
ཞེས་པ་འདི་ནི་འདོད་ཡོན་གྱི་སྨག་རུམ་ནང་ན་ཤེས་རིག་གི་སྒྲོན་མེ་སྤོར་བའི་སྤོབས་པ་དགེ་བ་ཅན། བོད་ཀྱི་དོན་དམ་གྱི་མཛངས་མ་དེར་བསྔགས་པའི་ཁུལ་ལགས་སོ༎
༄༅།། སྐུ་ཡི་འཁྲུངས་སྐར་བསྲུངས་བརྩི་ཞུས་པ་སྦྲགས་མཆོད་རྟེན་གཤིགས་པ།།
ཕྱི་ཟླ་7་པའི་ཆེས་6་ཉིན་རྒྱ་བལ་འབྲུག་གསུམ་དང་དེ་བཞིན་བོད་མི་གནས་སྡོད་ས་ཁུལ་ཡོངས་ལ་༸གོང་ས་མཆོག་དགུང་གྲངས་75་ལ་འཕེབས་པའི་འཁྲུངས་སྐར་བསྲུངས་བརྩི་ཟབ་རྒྱས་ཞུས་ཡོད། འོན་ཨའོ་སི་ཁྲོ་ལི་ཡ་སི་ནིའི་བོད་རིགས་མཐུན་ཚོགས་ཀྱིས་ཕྱི་ཟླ་7་པའི་ཚེས་10 རེས་གཟའ་སྤེན་པའི་ཉིན་བོད་ཀྱི་དུས་ཆེན་ཞེས་པའི་མིང་ཐོག་ནས་༸གོང་ས་མཆོག་དགུང་གྲངས་75བཞེས་པའི་འཁྲུངས་སྐར་སྲུངས་བརྩི་ཞུས་ཡོད། སྐབས་དེར་སྐུ་མགྲོན་གྱི་གཙོ་བོ་སྐུ་ཚབ་དོན་གཅོད་དགས་པོ་བསོད་ནམས་ལགས་དང་དེ་བཞིན་ས་གནས་དེར་ཡོད་པའི་བོད་དོན་རྒྱབ་སྐྱོར་ཚོགས་པའི་ཚོགས་གཙོ་༸གོང་ས་མཆོག་གདན་ཞུ་ཚོགས་པའི་འགན་འཛིན་སོགས་ཕྱི་རྒྱལ་གྱིོ་མི་སྣ་དང་དེ་མིན་རྒྱ་རིགས་སོགས་མི་གྲངས་300ཙམ་འདུ་འཛོམས་བྱུང་ཡོད་། ཉིན་དེ་ནི་སི་ནིའི་བོད་རིགས་མཐུན་ཚོགས་ཀྱི་ལོ་གཅིག་གི་དཔལ་འབྱོར་འདུ་འགོད་བྱ་རྒྱུའི་ཉིན་མོ་གལ་ཆེ་ཞིག་ཀྱང་ཡིན། སྐབས་དེར་སྐུ་ཚབ་དོན་གཅོད་དང་དེ་བཞིན་བོད་རིགས་མཐུན་ཚོགས་ཀྱི་ཚོགས་གཙོ་སོགས་ཀྱི་གསུང་བཤད་གནང་བ་དང་དེ་ནས་བོད་ཀྱི་མཐུན་མོངས་མ་ཡིན་པའི་གཞས་སྣ་འཁྲབ་སྟོན་ཞུས་ཡོད། མཛད་སྒོའི་སྐབས་(Cake)ཀེག་གིས་བཟོས་པའི་མཆོད་བརྟེན་འཁྲུ་གཉིས་ཙམ་བྱས་པ་ཞིག་སྐུ་ཚབ་དོན་གཅོད་དང་ཚོགས་གཙོ་དབུ་བཞུགས་ཐོག་གཤིགས་ཏེ་དགེ་འདུན་པ་དབུས་མང་ཚོགས་ལ་གསོལ་རས་གནང་ཡོད། མཆོད་བརྟེན་དེ་ནི་རྒྱ་རིགས་ཁག་གཅིག་ནས་བཟོས་ཏེ་བོད་རིགས་མཐུན་ཚོགས་ལ་ཕུལ་བ་ཞིག་ཡིན། སྐབས་དེར་མང་ཚོགས་མང་པོ་ཞིག་གིས་རྒྱལ་བའི་སྐུ་གསུང་ཐུགས་རྟེན་དག་རྒྱུ་དངོས་གང་ཞིག་ལས་བསྒྲུབས་ཀྱང་མཆོད་པའི་བརྟེན་ཡིན་པ་ལས་གཤིགས་ཏེ་ཟ་མི་ཉན་པ་དང་། དེ་ནི་སྤྱི་ལོ་1959་ལོར་རྒྱ་དམར་གཞུང་ནས་བོད་ནང་རྒྱལ་བའི་སྐུ་བརྟེན་གཤིགས་པ་གཅིག་པ་ཡིན་པས་དེར་བརྟེན་མཆོད་རྟེན་གཤིགས་ཏེ་བཟའ་མི་ཉན་པ་སོགས་ཀྱི་བསམ་ཚུལ་སྣ་ཚོགས་བྱུང་ཡོད།
༧རྒྱལ་བའི་འཁྲུངས་སྐར་གུང་སེང་ཉིན་བཏང་ཡང་རུང་།
ད་དུང་འགའ་རེས་འཁྲུངས་ཚེས་ལ་བཅར་མི་ཐུབ།
སྒྲོག་ལར་ཡུ་སྒོར་སྟོབས་ཤུགས་དེ་ཆེ་ངེས་ན་།
ཁ་ཐབས་འདི་ལས་བཟང་བ་ཞིག་མེད་དོན་ཅི།
སྨན་པ་སྐལ་བཟང་དབྱངས་སྒྲོལ་ལགས་གྱིས་གཟའ་ཉི་མ་འཆར་ཅན་ལ་དངས་བླངས་ཐོག་བོད་པའི་ཕྲུ་གུ་ཚོར་བོད་ཡིག་ཁྲིད་བཞིན་ཡོད་པ་གོ་ཐོས་བྱུང་བས་དགའ་སྤྲོ་རབ་ཏུ་འཕེལ་བྱུང་ ཐུགས་རྗེ་ཆེ་ ཞུ་འདོད་བྱུང་། འོན་ཀྱང་ཕ་མ་ཚང་མས་ཕྲུ་གུ་བོད་ཡིག་འཛིན་གྲ་གཏོང་གི་མེད་པ་ངས་ཚོད་དཔགས་བྱེད་ཐུབ་ཀྱི་འདུག་། འོན་ཀྱང་སེམས་ཤུགས་མ་ཆག་རོགས།
༄༅། །སྒྲོག་ལ་ལྗང་མོས་སྟོབས་ཤུགས་དེ་ཆེ་བྱུང།
༧རྒྱལ་བའི་འཁྲུངས་སྐར་ཉིན་ཤས་ཞིག་སྔ་སོང་།
དངུལ་དང་སྲོལ་རྒྱུན་བརྗེ་སྒྱུར་གྱིས་བསྟེ་གནས།
བཙན་བྱོལ་གཉིས་པའི་ཁ་ཐབས་ལ་གཟིགས་དང་།