དུས་བབས་ཚགས་པར་ལས་ཁུང་གིས་རང་ཅག་ཟིན་བྲིས་ཀྱི་ལམ་ནས་རང་སེམས་ཕྱི་རུ་སྟོན་འདོད་པ་དག་ལ་འདི་འདྲའི་རྒྱུད་ལམ་ཞིག་བཞག་པར་བཀའ་དྲིན་ལྷག་པར་དུ་ཆེ།
ཡར་རྒྱས་ལ་མཐའ་མེད་པས་ད་དུང་ཡར་རྒྱས་རེ་ཟུང་ཛ་དྲགས་ཀྱིས་གཏོང་བའི་རེ་སྐུལ་ཞིག་ཞུ་རྒྱུ་ཡོད།
ད་ལྟའི་ཟིན་བྲིས་འཇོག་སྟངས་འདི་ལ་བཟོ་བཅོས་ཤིག་དགོས། ད་ལྟའི་ཚུལ་འདི་ལྟར་ན་རྩོམ་བཟང་ངན་ལ་མ་ལྟོས་པར་གྲངས་མང་བ་ཞིག་ཡོད་ན་དྲ་ངོས་དང་པོར་སླེབས་ཡོང་བ་ཡིན། ང་ཚོ་ཟིན་བྲིས་བ་ཞིག་གིས་རྩོམ་གསར་རེ་སྤེལ་དུས་དྲ་གྲོགས་ཕན་ཚུན་ལ་inboxལྟ་བུ་ཞིག་ཏུ་རྩོམ་གསར་བ་རྣམས་འབྱོར་རྒྱུ་ཡོད་པ་ཞིག་བཟོས་ནི་ཇི་འདྲ་ཡོང་།
དེ་མིན་ང་ལྟ་བུ་རྩོམ་གྱི་ཁ་གྲངས་མེད་ལ་མིང་དང་ལུང་ཡང་མེད་པའི་ཟིན་བྲིས་པ་དག་གིས་རྩོམ་གསར་བ་རེ་སྤེལ་རུང་ཀློག་མཁན་མི་རག་པའི་དཀའ་ངལ་ཆེན་པོ་འདུག གང་ལགས་ཤེ་ན་ངེད་ཟིན་བྲིས་བ་གསར་བ་རྣམས་དྲ་ངོས་ཀྱི་མདུན་ངོས་སུ་ཤར་ཐུབ་ཀྱི་མེད་པས་སོ། ཀློག་མཁན་མེད་པའི་རྩོམ་ཞིག་སྤེལ་ནས་ཅི་བྱེད།
ད་ལྟ་ཟིན་བྲིས་པ་དེ་ཙམ་གྲངས་མང་མེད་སྟབས་ཟིན་བྲིས་པ་ཡོངས་རྫོགས་ཟིན་བྲིས་མདུན་ངོས་སུ་ཤར་ཐུབ་པ། དཔེར་ན་twitterཚང་གི་following people གྱི་ཐོ་འཇོག་སྟངས་བཞིན་རྟགས་ཆུང་ཆུང་རྣམས་དཀྱུས་གཅིག་ཏུ་ཤར་ཐུབ་པ་དང་། རྩོམ་གསར་བ་ཡོད་ན་དེ་ལ་རྟགས་དམིགས་བསལ་རེ་མཐོང་རྒྱུ་ཡོད་པ་ཞིག་བཟོས་ཀྱང་ཆོག་སྙམ། ཡང་ན་རྩོམ་གསར་བ་ཡོད་ན་མདུན་ངོས་སུ་སླེབས་པ་སོགས་མདོར་ན་ད་ལྟའི་འདི་ལས་གཞན་ཞིག་དགོས་ཀྱི་འདུག
དེ་མིན་ཁ་སང་ཟ་ལེ་རྒྱལ་དང་ཟ་མོ་རྒྱལ་རེ་ཟུང་གིས་གཞན་ལ་བསྟུན་པའི་ཆེད་དུ་ཟིན་བྲིས་ལ་ཚད་བཀག་དགོས་ཚུལ་སོགས་བསམ་ཚུལ་འབྱུང་གི་འདུག འདི་ཀུན་སྤྱོད་རིག་པའི་ཐོག་ནས་བལྟས་ན་འགྲིག་པ་ལྟར་སྣང་མོད། ཟིན་བྲིས་ཀྱི་རྒྱུད་ལམ་འདི་སྤེལ་བའི་རིག་པའི་རྨང་གཞི་ལ་འགལ་ཡོད།
ང་ཚོ་ཟིན་བྲིས་པ་དག་གི་མངོན་འདོད་ནི་རང་རྩོམ་གཞན་གང་མང་གིས་ཀློག་རྒྱུ་དང་། གཞན་རྩོམ་གང་མང་རང་གིས་ཀློག་རྒྱུ་དེ་ལོས་ཡིན། མདོར་ན་བསམ་ཚུལ་བརྗེ་ལེན་བྱེད་རྒྱུ་དེ་རེད།
དེ་བཞིན་ཟིན་བྲིས་ཀྱི་ ‘ངའི་ཟིན་བྲིས་ཀྱི་ངོས་སྤྲོད་བཟོ་བཅོས’་ ཀྱི་ནང་དུ་ཡང་ (hyperlink) དྲ་འབྲེལ་བྱེད་ཐུབ་པའི་ཆ་རྐྱེན་དགོས་ཀྱི་འདུག
ད་དུང་ཟིན་བྲིས་ནང་དུ་དྲ་གྲོགས་རྣམས་ཡུད་ཀྱིས་འཚོལ་ཐུབ་པའི་འཚོལ་ལམ་ཞིག་ཀྱང་དགོས་ངེས་འདུག
ད་དུང་ཟིན་བྲིས་སྤེལ་བའི་རྒྱུད་རིམ་ཁྲོད་དབྱིན་ཡིག་གི་ལམ་སྟོན་མང་དག་ཅིག་ཀྱང་ལེན་དགོས་ཀྱི་འདུག འདི་ཡང་བཟང་རྟགས་ཤིག་མིན། གོང་ཞུས་འདི་དག་བཟོ་བཅོས་ཤིག་རྒྱབ་ན་རང་ཅག་གི་ཟིན་བྲིས་འདི་སྔར་བས་ཡར་རྒྱས་སུ་འགྲོ་ངེས་སྙམ།
བདག་གི་བསམ་ཚུལ་འདི་ལ་དྲ་གྲོགས་ཚོས་མོས་མཐུན་ཡོད་ན་དྲ་བདག་ཚང་ལ་ཞུ་བར་ང་དང་ལྷན་དུ་ཕེབས་རོགས།
ཁྱེད་ལ་རྒྱབ་སྐྱོར་ཡོད།
ང་ལ་མཚོན་ན་ནམ་རྒྱུན་མདུན་ངོས་ཀྱི་ཟིན་བྲིས་གསར་ཤོས་ནང་དུ་ཞུགས་སྐབས། ཁ་བྱང་ལ་བལྟས་ནས་འགྲོ་དགོས་པ་མ་གཏོགས། རྩོམ་ལུས་ཤེས་གི་མི་འདུག མཐའ་མ་དེར་ཁོང་ཚོས་ཞེད་པོ་ཞིག་ཡིན་ཟེར་བཞིན་པའི་སྙན་ངག་གི་རྐང་པ་དེ་ཚོར་ལག་པ་འཆང་དགོས་གི་འདུག འདི་ངོ་མ་ཡག་པོ་མི་འདུག ང་ལྟ་བུ་ཡིན་ན་དྲ་ཐོག་འདི་ན་སྙན་ངག་པ་ཞིག་མེད་པ་ཡང་ཤེས་མཁན་དང་། གང་ཡོད་པ་དེ་ཚོ་ཀློག་འདོད་ཀྱང་མེད་པའི་གྲས་ཡིན། དེ་དོན་སྔ་ཕྱི་ཐེངས་མང་པོར་བཤད་པ་ཡིན། ཐག་གཅོད་འདྲ་མི་འདུག ད་ནི་ཁྱེད་ལ་རྒྱབ་སྐྱོར་བྱེད་པ་མ་གཏོགས་ཅི་གང་ལྷག་མི་འདུག དཔེར་ན། སྐབས་ཐོག་གི་གནས་ཚུལ་དང་འབྲེལ་བའི་ཆེད་རྩོམ་དང་། ཞིབ་འཇུག་རྩོམ་ཡིག དཔྱད་རྩོམ། མཚམས་རེར་རང་མོས་ཀྱི་རྩོམ་ཡིག་རེ་ཡོད་ན་ཀློག་སྙིང་སྤྲོ་ཞིང་། དེ་དག་ལ་དེང་རབས་ཀྱི་རྩོམ་གཤིས་དང་ཁྱད་ཆོས་གཉིས་ཀ་འདུག
དེ་ཙམ་ཡིན།
ཕྱིར་བོད་ཀྱི་དུས་བབས་སོགས་དྲ་ཚིགས་གང་ཡིནའང་དགའ་བསུ་ཡོད། ཐ་ན་བོད་ཡིག་གསར་སྦྱངས་མཁན་སོགས་ཀྱིས་ཀྱང་བསམ་ཚུལ་དང་རང་གི་ལྟ་བ་འབྲི་རྒྱུའི་གོ་སྐབས་ཞིག་རེད། འོན་ཀྱང་སྐབས་འགའ་རེར་རྒྱུ་མཚན་ཡང་དག་མེད་བཞིན་དུ་རིག་པ་འདོན་མཁན་འགའ་རེའི་ཟིན་བྲིས་བསུབ་པ་དང་། ཡང་དྲ་གྲོགས་འགའ་རེའི་ཟིན་བྲིས་གཏན་ནས་འཇུག་མི་ཐུབ་པར་བཟོས་པ་སོགས་ཐོས་མྱོང་། རྗེས་མར་རྒྱུ་མཚན་ཡང་དག་མེད་བཞིན་དུ་རང་གི་ལྟ་བ་དང་མ་མཐུན་ཙམ་གྱིས་འགོག་སྡོམ་མི་བྱེད་པའི་རེ་བ་ཞུ།
རང་རྩོམ་ཡིག་ཀློག་མཁན་དགོས་ན་མི་གཞན་གྱི་རྩོམ་ཀྱང་དེ་བས་ཀློག་མཁན་དགོས །
རྩོམ་ཡིག་ལེགས་ཤོས་མདུན་ངོས་སུ་འཇོག་པའི་ལུགས་ཀྱང་མེད་པ་མིན་མོན ། གསར་རྩོམ་གྱི་ལམ་ལ་ཞུགས་ཀྱིན་པའི་ཟིན་བྲིས་པ་དག་གི་རྩོམ་ཀློག་མཁན་མ་རེག་པ་ན་ཁོང་ཚོའི་རྩོག་ཡིག་དེ་ཡང་གད་སྙིགས་སུ་གྱུར་བ་རེད །
ད་ལྟའི་དུས་བབ་ཚང་བྱེད་སྒོ་འདི་ལ་མོས་པ་ཆེས་ཤུན་ཏུ་ཆེ་བས་ཨ་མཆོད་ལ་དགོངས་དག་ཞུ །
འཇམ་དཔལ་ཚུལ་ཁྲིམས་ལགས་ཀྱིས་དགོངས་ཚུལ་བཏོན་པ་འདིར་རྒྱབ་སྐྱོར་ཡོད། དཀའ་ངལ་མང་པོ་ཞིག་བགྲངས་འདུག་ལ། སེལ་ཐབས་འཚོལ་ཕྱོགས་རེའང་བསྟན་འདུག དུས་བབ་དྲ་ཚིགས་འདི་ལོ་ངོ་གཉིས་འཁོར་བའི་རིང་ལ་ཕྱིར་མིག་ཅིག་བལྟས་པ་ཡིན་ན། ད་ལྟ་འཇམ་ཚུལ་ལགས་ཀྱིས་དགོངས་ཚུལ་བསྟན་པ་འདི་དཀའ་ངལ་གཅིག་རེད། ཡིན་ནའང་། འདི་ནི་བཟོ་སྒྲིག་གི་དཀའ་ངལ་ཞིག་ཡིན་སྟབས། བཟོ་རྩལ་བ་ཞིག་ལ་སྐད་ཆ་བཤད་པ་ཡིན་ན། དཀའ་ངལ་དེ་སེལ་འགྲོ་བ་ཞིག་རེད།
དཀའ་ངལ་གཞན་ཞིག་ཡོད་པ་ནི། ཀློག་མཁན་མང་ཉུང་གི་གནད་འགག་དེ་རེད། ང་ཚོའི་དྲ་ངོས་འདིའི་རྩོམ་ཡིག་མང་ཆེ་བ་ནི། རྩོམ་མཁན་གྱི་རེ་བ་ནང་བཞིན་གྱི་ཀློག་མཁན་མེད་པར་གནས་ཡོད། ཀློག་མཁན་གྱི་དཀའ་ངལ་སེལ་བ་ལ། རྩོམ་མཁན་ཚོས་དང་པོ་ནས་དགོངས་པ་བཞེས་དགོས་པ་ཞིག་རེད། དཔེར་ན། བརྗོད་གཞི། གླེང་སྟངས། རིང་ཐུང་སོགས་ནི་ཀློག་མཁན་ཨང་དང་པོར་བཞག་ནས་ཚོད་ཐིག་པ་ཞིག་དགོས་པ་དེ་རེད།
དཔེར་ན། ང་ནི་ཀློག་མཁན་ཞིག་ལས་ཟིན་བྲིས་པ་ནི་མ་རེད། མཚམས་ལན་རེར་བསམ་ཚུལ་རེ་འདོན་གྱི་ཡོད་པ་ལས། གཞན་གང་ཡང་འཇོན་གྱི་མེད་མཁན་ཅིག་གི་ངོས་ཐད་ནས་བཤད་ན། རྩོམ་ཡིག་རིང་པོ་དེ་ཚོ་ནི་མགོ་ནས་ཚིག་ཕྲེང་བཞི་ལྔ་རེ་དང་། བར་ནས་བཞི་ལྔ་རེ། མཇུག་ནས་བཞི་ལྔ་རེ་བཀླགས་ནས་ཆོག་པ་བྱེད་ཀྱི་ཡོད། དྲ་ངོས་ནས་རྩོམ་ཡིག་རིང་པོ་ཀློག་ཐུབ་ཀྱི་མི་འདུག དེབ་ཅིག་ཡིན་ན། ག་དུས་ཁ་ཕྱེས་ཕྱེས་ཡིན་ནའང་། དྲ་ངོས་ནས་དེ་ལྟར་མ་རེད།
ང་ལ་བསམ་ཚུལ་ཞིག་ཡོད་པ་ནི། རྩོམ་མཁན་ཚོས་བརྗོད་གཞི་གང་གླེང་ནའང་འདྲ། རྒྱས་བསྡུས་འཚམ་པ་ཞིག་འབྲི་བ་དེ་གནད་འགག་རེད། སྐད་ཆ་ཐད་ཀར་བཤད་པ་ཡིན་ན། ཀློག་མཁན་གྱི་འདོད་པར་བསྟུན་པ་ཨང་དང་པོར་འཇོག་པ་ཞིག་དགོས་པར་མཐོང་གི་ཡོད།
ང་ལ་རྒན་ལགས་ཤིག་ཡོད། ཁོང་གིས་དྲ་ངོས་ཀྱི་རྩོམ་ཡིག་ཀློག་མཚམས་བཞག་སོང་། ཡུན་རིང་པོ་ཞིག་ཕྱིན་སོང་། ཁོང་གིས་གསུང་གསལ་ལ། ཆོ་ཡོད་པ་ཞིག་ཡིན་ན་ཀློག་གིན་ཡོད། ཆོ་མེད་པ་ཞིག་ཡིན་ན་ཀློག་གིན་མེད། ད་གང་ཡང་ཀློག་གིན་མེད། ཆོ་ཡོད་མེད་ཀྱི་སྐད་ཆ་མ་རེད། གནད་དོན་གཞན་ཞིག་གི་རྐྱེན་གྱིས་ཀློག་འདོད་མེད་པ་ཆགས་སོང་ཟེར། རྒྱུ་རྐྱེན་དེ་ག་རེ་རེད་དྲིས་པར། ཁྱེད་རང་གིས་ཞིབ་ཀློག་གྱིས་དང་དེ་ནས་ཤེས་ཀྱི་རེད། གཞན་ནས་བཙལ་དགོས་པ་མ་རེད། ཁྱེད་རང་གིས་བྲིས་པའི་བསམ་ཚུལ་ནང་ལ་ལྟོས་དང་དེ་ནས་ཀྱང་མཐོང་གི་རེད་ཅེས་གསུངས་ཀྱི་འདུག ཕྱོགས་གཞན་ཞིག་ནའང་ཀློག་མཁན་ཚོའི་དང་བ་འགག་འགྲོ་གཞི་ཞིག་ཡོད་པ་རེད་འདུག
བསམ་ཚུལ་ དེ་ཡང་ཡར་རྒྱས་ཀྱི་ཕྱོགས་སུ་བསམ་ཚུལ་བཏོན་པ་ཙམ་བློ་ཡུལ་དུ་མི་ཤོངས་པ་ཞིག་བྱེད་ཀྱི་མི་འདུག་གམ་སྙམ་པའི་ཡ་མཚན་ཞིག་དང་། ཆོག་ཤེས། ཆོག་ཤེས། ཆོག་ཤེས་ཞེས་པ་འདིས་ངོ་མ་འཕེལ་རྒྱས་ལ་འགོག་རྐྱེན་བྱེད་ཀྱི་འདུག་ཨང་སྙམ་པའི་ཚོར་སྣང་ཞིག་བྱུང་ནས་དེ་ལྟར་ཐལ། གནད་དུ་སོང་མེད་ན་དགོངས་ཡངས་གནང་རོགས་ལོས་ཞུ།
ཡག་པོ་རེད།
ཨ་མཆོད་ལགས་ཀྱིས་དགོངས་ཚུལ་ལ་རྒྱབ་སྐྱོར་ཡོད། ཅིའི་ཕྱིར་ཞེ་ན་དྲ་བ་འདི་ཡར་རྒྱས་ཀྱི་ཆེད་དུ་བསམ་བློ་བཏང་ནས་བསམ་ཚུལ་བཤད་པ་རེད། ལས་གཞི་གང་འདྲ་ཞིག་ཡིན་ན་དང་པོ་བསམ་དེ་ནས་བཤད་དེ་ནས་བསྒྲུབ་དགོས་པའི་གོ་རིམ་འདི་བརྒྱུད་དགོས་པ་ཞིག་རེད། དྲ་གྲོགས་སྤོབས་པ་སོགས་ཀྱིས་ང་ཚོ་ཡུལ་གྱར་བ་ཞིག་ལ་དཔག་པའི་འགྲིག་འདུག་རྩོམ་སྒྲིག་པ་བཀའ་དྲིན་ཆེན་པོ་རེད། ཅིག་འགྲིག་གི་མི་འདུག་ཅེས་ཞེ་དྲག་བཤད་མི་རུང་བསམ་པ་དེ་རེད། བསམ་བློ་གཏོང་སྟངས་དེ་ཡང་གོང་བཀུར་ཞུ་འོས་པ་ཞིག་ཡིན་པས། དེའི་བར་ན་རྩོད་རྡོ་ཞིག་མི་འདུག་མོད། རང་དང་ལྟ་ཚུལ་མི་མཐུན་པའི་མཆན་བུ་ཞིག་མཐོང་ཙམ་ནས་དྲ་ངོས་འདི་གྲོག་རོང་ཞིག་རེད་ཅེས་སྡུག་སྐད་རྒྱག་བཞིན་པ་འདི་ཅུང་ཁྱད་མཚར་རེད་སྙམ། དྲ་བ་འདི་ཡར་རྒྱས་ཀྱི་ཕྱོགས་ལ་ཚང་མས་བསམ་བློ་གཏོང་དགོས་པ་རེད། བསམ་ཚུལ་བཤད་དགོས་པ་རེད། དེ་ལྟར་བྱས་ན་རྩོམ་སྒྲིག་པའི་སྙིགས་དོར་བཅུད་ལེན་གྱིས་ཡར་རྒྱས་གཏོང་ངེས་རེད། དུས་བབ་ཚང་གི་དཔལ་འབྱོར་གྱིས་འདང་ན་ལུང་རིགས་ཀྱི་རྣམ་དཔྱོད་ལ་ཡིད་ཆེས་བྱས་ཆོག་གི་རེད། དེང་སྐབས་དུས་བབ་དྲ་ཚིགས་འདི་རྒྱལ་ཁབ་ཕྱི་ནང་གཉིས་ཀར་སྐད་གྲགས་འགྲོ་བཞིན་པའི་སྒང་རེད། འདི་ནི་རྩོམ་སྒྲིག་པའི་རྔུལ་ཆུའི་ཐིག་པ་རེ་རེ་དང་། རྩོམ་སྒྲིག་པ་དང་དྲ་བ་ཚོའི་རྣམ་དཔྱོད་ཀྱིས་ཐོན་དངོས་རེ་རེ་ཡིན་པ་དྲ་བ་ཚོས་མཁྱེན་དགོས་པ་རེད། དེ་ལྟར་མཁྱེན་པའི་ཐོག་ནས་དཔལ་འབྱོར་གྱིས་རམ་འདེགས་བྱེད་མཁན་གྱིས་དཔལ་འབྱོར་དང་། རྩོམ་ཡིག་གིས་རམ་འདེགས་བྱེད་མཁན་གྱིས་རྩོམ་ཡིག་གིས་རམ་འདེགས་གནང་ན། ད་གཟོད་ཡར་རྒྱས་ཀྱི་ཡང་རྩེར་སླེབས་ངེས་པས་དེ་དྲ་བ་ཚོས་ཐུགས་ལ་བཅང་རོགས།
སྔོན་མ་ཞིག་ལ་ངས་”ཆོས་ཤེས་ནི་འཕེལ་རྒྱས་ཀྱི་བཀག་རྡོ་ཡིན”་པར་འུར་འབྲི་བྱེད་མྱོང་། ད་ལྟ་སྤོབས་པ་ལགས་ཀྱི་གསུང་སྟངས་དེ་མཐོང་སྐབས་དེ་ནི་འུར་འབྲི་ཙམ་མ་ཡིན་པར་བདེན་པའི་ཧ་ཅང་ཆེ་བར་བསམ། ང་ཚོའི་མི་རིགས་ལ་དགོས་པ་ནི་ཆོག་ཤེས་དང་། རྩ་ཆེན་གྱི་བྱིན་རླབས་མ་ཡིན་པར་འདོད་འདུན་དང་མཐའ་ཡས་པའི་སྤོབས་པ་ཞིག་ཀྱང་དགོས།
སྤོབས་པ་ལགས་ཀྱིས་དགོངས་པ་འཁྱེར་ཕྱོགས་དང་ངའི་བསམ་ཕྱོགས་མ་མཐུན་པ་རེད། དེ་ཙམ་ལས་ང་ཚོ་གཉོམ་ཆུང་ཡིན་པའི་དབང་གིས་བསམ་ཚུལ་དེ་འདྲ་ཞིག་འདོན་མི་འོས་པ་ག་ལ་ཡིན་སྙམ།
བདག་ཉིད་ཆེན་པོ་རྒན་དི་སོགས་འཛམ་གླིང་གི་གཙུག་རྒྱན་མང་པོ་ཞིག་གི་གསུང་བ་རྣམས་རྦབས་ཆེན་གྱི་དགོངས་པ་དང་། གཞན་སེམས་གོང་དུ་སྤེལ་བའི་འབུད་ཤུགས་སུ་འགྲོ་ཡི་ཡོད་པས་ངོ་མ་རིན་ཐང་ཅན་ཡིན་ཡང་། དེ་དག་དངོས་ཡོད་དཀྱུས་མའི་ལག་ལེན་ནང་དུ་ཡོང་ཐབས་མེད་པ་མང་དག་ཅིག་ཡོད་པ་ཡང་དྲན་དགོས། རང་ཅག་ད་ལྟ་བར་དུ་ཁོང་དང་ཁོང་ལྟ་བུའི་སེམས་དཔའ་དག་གི་རྗེས་སུ་མ་འབྲེང་བ་མིན་ལ། འབྲེང་ནས་ལྷུང་ས་འདིར་ལྷུང་། ཡང་ན་ལྷུང་ས་འདི་ལས་དྲག་པ་ཞིག་མ་བྱུང་། ད་ནི་རང་ཅག་གི་གཞན་གྱི་རྗེས་སུ་འབྲེང་སྟངས་འདི་ལ་ཡང་ལེགས་བཅོས་ཤིག་བྱེད་རན་འདུག་སྙམ།
འཇམ་དཔལ་ཚུལ་ཁྲིམས་ལགས། ང་ཚོས་ཁྱེད་ཀྱིས་བསམ་ཚུལ་འདོན་ཆོག་དང་མི་ཆོག་ཅེས་ཤོད་ཀྱིན་མེད། ཁྱེད་ཀྱིས་བཤད་པ་དེ་ལ་རྒྱུ་མཚན་འདུག་དང་མི་འདུག་ཟེར་ནས་ཤོད་ཀྱིན་ཡོད། སྔོན་མ་ངེད་ཚོའི་ས་ཆ་རུ་མི་ཞིག་གིས། མི་ཚང་དབུལ་པོ་ཚོས་མཛོ་མོ་མི་ཉར་བ་ག་རེ་ཡིན་ནམ། མཛོ་མོ་ཉར་ན་ཡོང་སྒོ་ཆེན་པོ་རེད། ཅེས་བཤད་མྱོང་བ་རེད། ཁྱེད་ཀྱིས་ཀྱང་མི་དེའི་བཤད་སྟངས་ལྟ་བུ་ཞིག་བཤད་འདུག མི་ཤུགས་རྒྱུ་ཤུགས་ཡོད་ན་ཡར་རྒྱས་ཞེས་པ་ཞིག་གཏང་རྒྱུ་ཡོད་པ་ཚང་མས་ཤེས་ཀྱིན་ཡོད། ང་ཚོ་ལ་ང་ཚོའི་ཚོད་ཀྱི་དྲ་རྒྱ་ཞིག་ཡོད་པ་འདི་ཡང་སྐལ་བ་བཟང་པོ་རེད་བསམ་གྱིན་འདུག མ་གཞི་མིའི་འདོད་རྔམ་འདི་དང་བསྟུན་དགོས་ན་དེ་བསྐངས་ཐུབ་དུས་ཤིག་མེད་པ་རེད། སེམས་དཔའ་ཆེན་པོ་གྷན་དེས་ཀྱང་། འཇིག་རྟེན་འདི་ན་མི་ཚང་མའི་དགོས་མཁོ་བསྐངས་ནུས་པའི་དཔལ་འབྱོར་ཡོད་མོད་མི་གཅིག་གི་འདོད་རྔམ་སྐོང་ཐུབ་པའི་དཔལ་འབྱོར་མེད་ཅེས་གསུངས་པ་ལྟ་བུ་རེད
ཨ་མཆོད་ལགས།
ཁྱེད་ཀྱི་གཏམ་དེ་ལྷག་བསམ་གྱིས་བརྒྱན་པ་ཞིག་རེད་འདུག་། སེམས་ནང་གི་གཏམ་རེད་ དུས་བབ་ཚང་ལ་ འཁང་ར་བྱེད་པ་ག་ལ་ཡིན།
གུས་པས་ཁྱེད་ལ་རྒྱབ་སྐྱོར་ཡོད་
གུས་ནི་ཀློག་པ་པོ་ཞིག་ཡིན་པས་ཟིན་བྲིས་པ་ཚང་མའི་ས་གནས་ལ་ཉུལ་ཐུབ་ཀྱི་མི་འདུག་།
ཟིན་བྲིས་གསར་པ་འགའ་ཤས་མདུན་ཤོག་གི་གཤམ་ལ་ཤར་བརྒྱི་འདུག་ཀྱང་ ཚང་མ་ཤར་བརྒྱི་མི་འདུག་། དེ་གང་འདྲའི་ཡིན་ན་དྲན་མྱོང་།
ཁྱེད་ཀྱིས་གསུངས་ལྟར་ ཟིན་བྲིས་གསར་པ་ཚང་མ་མདུན་ཤོག་ལ་ཤར་རྒྱུ་ཡོད་པ་ཞིག་བྱུང་ན་ ཀློག་པ་པོ་ཚང་མས་ཟིན་བྲིས་པ་ཡོངས་རྫོགས་ཀྱི་ས་གནས་ལ་ལོངས་སུ་སྤྱོད་རྒྱུའི་གོ་སྐབས་བཟང་པོ་ཐོབ་ས་རེད་ལགས།
གཅིག་བྱས་ན་ངས་ནོར་ཡོད་འགྲོ་ དུས་བབ་ཚང་གི་མ་མཁྱེན་པ་ཞིག་ག་ལ་ཡིན་སྲིད་། འདི་ལ་བསམ་མནོ་གཏན་གཏན་བཏང་ཚར་ཡོད་འགྲོ་ ཟིན་བྲིས་གསར་པ་ཚང་མ་མདུན་ཤོག་ལ་འཁོད་ཡ་དེ་བདེ་པོ་ཞིག་མེད་ནི་ཡིན་བརྒྱི་རེད་དྲན།
ཁྱེད་ཀྱིས་བཤད་པར་རྒྱུ་མཚན་བརྒྱ་ཆའི་བརྒྱ་འདུག ང་ཚོར་ཀློག་མཁན་དགོས་ཀྱི་འདུག ཀློག་མཁན་མང་པོ་དགོས་ཀྱི་འདུག ཀློག་མཁན་མེད་པའི་རྩོམ་ཡིག་གིས་ཅི་བྱེད། ཐོག་མ་ནས་ང་ཚོས་ཀློག་མཁན་གྱི་ཆེད་དུ་རྩོམ་བྲིས་པ་ལས་རང་ཉིད་གཅིག་པའི་ཆེད་དུ་མ་བྲིས་པས་ན་ང་ཚོ་ལ་ཀློག་མཁན་དགོས་ཀྱི་འདུག ཀློག་མཁན་མེད་དུས་རང་གི་ཟིན་བྲིས་ནི་གད་ཁུག་ཅིག་ཡིན་པའི་ཚོར་སྣང་སྟེར། ཀློག་མཁན་གྱི་མཆན་མེད་ཀྱང་ཀློག་གྲངས་ཤར་ཐུབ་པ་ཞིག་བྱུང་ནའང་འགྲིག་ས་རེད། རང་གིས་རང་གི་ཟིན་བྲིས་སྒོ་ཕྱེ་བའི་གྲངས་ཀའང་ཉུང་ཉུང་མིན་པས་རང་སེམས་གསོ་ཐབས་གཞན་ཞིག་ཀྱང་རྙེད་སྲིད།
ང་རང་གཞི་ནས་དྲ་ཐོག་འདིར་ཐོ་འགོད་བྱེད་ཐུབ་པས་ད་ནི་ང་རང་གངས་ཅན་གྱི་སྨྱུག་ཐོགས་པའི་གྲལ་མཐའ་འདིར་ཚུད་སོང་བསམ་པའི་དགའ་ཚོར་དང་། ད་ནི་ང་རང་གུ་ཡངས་ནམ་མཁའི་དཀྱེལ་དང་འདྲ་བ་ཞིག་ཏུ་སླེབས་ཡོད་པས་རང་གཞན་གྱི་བདེ་སྡུག་སོགས་ཀྱི་སྐོར་ལ་རང་ཉིད་ཀྱི་བསམ་ཚུལ་འདྲ་ཡོད་ན་སྣང་དོགས་མེད་པར་འབུལ་ཆོག་སྙམ་ཡང་། དེ་རིང་ངའི་བསམ་ཚུལ་འདིར་མཆན་འཇོག་མཁན་རེ་ཟུང་ལ་ཉན་སྐབས”་ཨོ་ཧོ་ང་ད་དུང་གྲོག་རུང་ཞིག་ན་སྔར་བཞིན་ལུས་མི་འདུག་གམ”་སྙམ་པ་ཞིག་ཀྱང་བྱུང་། ཡར་རྒྱས་ཀྱི་བསམ་འཆར་བཏོན་པ་ཙམ་གྱིས་སྒྲུབ་ཐུབ་དགོས་པ་ཞིག་ག་ལ་ཡིན།
རང་ཅག་ནི་སྨྲ་བརྗོད་རང་དབང་གི་སྐོར་ཆེན་པོ་སྙན་པོ་བཤད་མཁན་གྲས་མ་ཡིན་ནམ། ངས་རང་གི་འཆར་སྒོ་ཙམ་སྨྲས་པ་ལ་ཅི་ནོངས།
ང་ཡ་མཚན་ཅུང་ཟད་སྐྱེས་སོང་། ངའི་བསམ་པར་དུས་བབས་དྲ་ཚིགས་སོགས་སུ་ཕེབས་པའི་མི་ཚོགས་འདི་བོད་མི་རིགས་ཀྱི་མི་ཡི་ཕུད་ཤེས་ཡོན་པ་ཤ་སྟག་ཡིན་པས་ངའི་འཁྱག་འཁྱོག་ཅིག་བྲིས་པ་དེ་འབྲི་བ་པོས་ཇི་བཞིན་བྲིས་མ་ཤེས་རུང་། ཞེ་ན་ཡོད་པའི་རྗོད་འདོད་དེ་ཀློག་པ་པོ་དག་ལ་ཁྲ་ལམ་མེར་འཆར་འགྲོ་བར་བསམ་མོད། འོན་ཀྱང་འགའ་རེ་ཞིག་གིས་ངས་ཧམ་སེམས་བྱས་པ་དང་དུས་བབས་ཚང་ལ་བསམ་ཤེས་མ་བྱས་པ་ལྟ་བུར་དགོངས་ཀྱིན་ཡོད་པ་འདྲ། ངའི་བསམ་འཆར་དེ་ནི་ཡར་རྒྱས་ཀྱི་ཆེད་ཁོ་ནར་དམིགས་པ་ལས་དམིགས་ཡུལ་གཞན་མེད་ལ། དུས་བབས་ཚང་ལ་དེའི་ཁ་ཐབས་མེད་རུང་ང་ལ་འཁང་ར་ཞིག་གང་ན་ཡོད། ཡང་གཅིག་བཤད་ན་”ང་ཚོ་དུས་བབས་ཚང་”ལ་ད་དུང་དེའི་ཁ་ཐབས་མེད་ན་འཁང་ར་ཞིག་གང་ནས་ཡོད། ངས་བྲིས་པ་དེ་ཟིན་བྲིས་པ་འགའ་རེའི་སེམས་ན་འདུན་པ་དེ་འདྲ་ཞིག་ཡོད་པ་ཤེས་ཆེད་ཙམ་ཡིན།
འདོད་པ་ལ་ཚོད་མེད་ཀྱང་རང་ཉིད་ནས་ཚོད་འཛིན་རྒྱུ་གལ་ཆེན་རེད
དུས་བབ་ཚང་ཡག་ཐག་ཆོད་རེད་
མགོ་ལ་བབ་པའི་ཞྭ་ཅོན་ན་ཞེས་གྲགས་གི་མཛེས་པ་རེད
སྟོབས་ཆེན་རྒྱལ་ཁབ་ཁག་དཔེ་མཚོན་དུ་བྱས་པ་དགའ་ཡོད་ འོན་ཀྱང་རང་ཉིད་ཀྱི་གནས་བབས་ལ་ལྟ་རྒྱུ་གལ་ཆེན་རེད་ མ་གཏོགས་རྟགས་མཆོངས་སར་ཝ་མོའི་དཔེར་མི་འགྲོ་བའི་ངེས་བ་མེད
དྲ་གྲོགས་སྤོབས་པ་མཐའ་ཡས་ལགས་ཀྱིས་བཤད་པ་ལྟར་འབྱོར་བས་ཕོངས་པའི་འུ་ཚོར་གན་བྱེད་འདི་སྒྲུབ་ཀྱི་གདེང་ཆེན་པོ་སླེབས་པའི་མཐུན་རྐྱེན་མེད་པ་ནི་ངོ་མ་ཡིན་པས།དུས་བབ་ཚང་ལྟ་བུ་ཞིག་འུ་ཚོར་ཟས་སྐལ་དུ་ལྷག་ཡོད་པ་དགའ་བའི་ཚོད་ཡིན་པས་རྒྱས་བཤད་ཆེན་པོ་བྱེད་མི་སྤོབས་ཀྱང་།ཟིན་བྲིས་འགོད་སྟངས་དང་རྣམ་པ་ཙམ་ལ་རེ་བ་བརྒྱབ་པ་ནི་ལུས་པོ་ལ་དཔགས་པའི་རྒྱན་ཆ་ཞིག་ཅི་ལ་མིན་བསམ་གི
སྤྱིར་དེང་སྐབས་དབྱིན་ཡིག་དང་རྒྱ་ཡིག་གི་ཟིན་བྲིས་ཁྱབ་ཆེ་ཤོས་དང་རྣམ་པ་མཛེས་ཤོས།སྟབས་བདེ་ཤོས་སོགས་ལ་མིག་དཔེར་བླང་དགོས་རྒྱུ་ནི་ཤིན་ཏུ་ནས་གལ་ཆེན་དུ་བརྩི་དགོས་པ་དང་རྣམ་པ་གསར་བར་ཕྱོགས་པའི་མཚོན་བྱེད་དུ་གོ་བས་ཅིས་ཀྱང་ཡིད་གཟབ་དང་དོ་སྣང་བྱ་དགོས་པ་ཞིག་ཡིན་པས་ཤུགས་བསྐྱེད་བྱ་དགོས་པ་ནི་འོས་སུ་བབ་པ་ཞིག་ཡིན།འོན་ཏེ་དེ་བཞིན་མ་འཁྱོངས་ན་ཀློག་པ་པོ་རྣམས་བཀླག་སྤྲོ་བ་དང་སྟབས་ཅི་བདེར་གཏོང་རྒྱུའི་རེ་བ་ནི་ཚད་ལས་བརྒལ་ཞིང་མཐུན་རྐྱེན་དང་མ་མཐུན་པའི་བསམ་ཚུལ་ཞིག་རེད་དྲན་སྣང་མི་འདུག་་
ཡང་རྩོམ་པ་པོ་ཞིག་ལ་མཚོན་ན་ཀློག་པ་པོ་ནི་མེད་དུ་མི་རུང་ཞིང་རྩོམ་ཡིག་གྲུབ་རྗེས་ཀྱི་སེསམ་ངལ་ཆེ་ཤོས་དེ་ཡིན།གུང་ཐང་བསྟན་པའི་སྒྲོན་མེས།ལེགས་པར་གདམས་པ་དག་ཉན་པོ་མེད་པས་ནི་ས་ཁྱོན་མེད་པའི་འབྲུག་སྐད་ཉིད་དོ།ཞེས་གསུངས་པ་ལྟར་རྩོམ་པ་པོ་སུ་ཞིག་གིས་རང་ཉིད་ཀྱིས་འབད་འབད་བསྒྲུབས་བསྒྲུབས་ཀྱི་ངང་ནས་དཀའ་ལས་བརྒྱབ་པའི་རེ་བ་ནི་མང་ཉུང་ལ་མ་ལྟོས་བར་ཀློག་པ་པོ་གཞན་ལ་བསམ་ཚུལ་འབུལ་རེས་བྱེད་པའི་ཆེད་ཁོ་ན་ལས་གཞན་མེད།འདི་ནི་མི་གཞི་དྲང་མོ་ཞིག་གི་སྐད་ཆ་ལས་དྲངས་ན་ཁེངས་སྐྱུངས་མེད་པར་བཤད་པའི་སྐད་ཆ་དྲང་མོ་ཞིག་རེད་ཟེར་རྒྱུ་དེ་ཡིན།དེ་མིན་མ་རྩོམ་རང་ཉིད་གཅིག་པུ་ཡིད་སྤྲོ་བར་བྱ་བའི་ཆེད་ཁོ་ནར་བྲིས་ཏེ་དམིགས་ཡུལ་གང་ཡང་མེད་ན་ས་སྟོང་ལ་ཀུ་སྟོང་བཏབ་པའི་འདུ་ཤེས་བཟུང་སྟེ་རང་ཁྱིམ་ནས་ཤུགས་ཆེན་པོས་ཐེངས་འགར་བཀླགས་རྗེས་གད་སྙིགས་སུ་འཕངས་ན་ཤིན་ཏུ་འོས།
ཁྱེད་ཀྱིས་རྩོམ་ཡིག་མང་པོ་བསྟུད་མར་དྲ་ཐོག་ཏུ་བཏང་སོང་། བསྟུད་མར་གཏོང་བ་འདི་བྱེད་སྟངས་དེ་ཙམ་བདེ་བོ་ཞིག་མ་རེད། གཅིག་ནས་ཁྱེད་ཀྱིས་རྩོམ་ཡག་པོ་བྲིས་ཡོད་ཀྱང་དེ་ལྟར་མང་པོ་ཞིག་ཀློག་དགོས་དུས་དུས་ཚོད་ཀྱིས་ཀྱང་འཁྱོལ་གྱིན་མི་འདུག གཉིས་ནས་དེའི་སྔོན་དུ་མི་གཞན་གྱིས་བཀོད་པའི་ཟིན་བྲིས་ཚང་མ་བསྒྲིབས་སོང་བས་ཟིན་བྲིས་འདིའིི་སྟེང་དུ་མི་གཅིག་གི་རྩོམ་གསར་པ་ཤ་སྟག་ལས་མ་མཐོང་དུས་ཉོབ་སྣང་འདྲ་ཞིག་བསླངས་ཡོང་གིན་འདུག
ཁྱེད་ཀྱིས་བཤད་པ་བདེན་པ་རེད། ཡར་རྒྱས་གཏོང་ལོས་དགོས། ཡིན་ན་ཡང་ངས་དུས་བབ་ཚང་གི་མི་ཤུགས་རྒྱུ་ཤུགས་ག་འདྲ་ཡིན་ཤེས་ཀྱིན་མེད་མོད་སྤྱིར་རང་རེའི་ཁ་སྟབས་འདི་ལ་འགོག་རྐྱེན་དང་ཚད་བཀག་མང་པོ་ཞིག་ཡོད་པ་མི་ཤེས་ས་མེད་པས་ཡར་རྒྱས་དགོས་ཞེས་པའི་བསམ་འཆར་ཡོད་ཚད་འདོན་རྐྱང་བྱེད་པ་དེ་ཡང་ལས་སླ་པོ་དེ་ཙམ་མ་རེད་སྙམ།
སྤྱིར་བོད་ཀྱི་མི་འབོར། ལྷག་པར་ཡང་བོད་ཡིག་ལ་དོ་སྣང་ཅན་གྱི་གྲངས་ཀ དེ་ལས་ཀྱང་དྲ་ལམ་ལ་ཆབ་སྲིད་ཀྱི་བཀག་རྒྱ་མ་ཐེབས་པའི་སྤྱི་ཚོགས་འདིའི་ནང་ན་བྲིས་བྲིས་ཚང་མར་ཀློག་མཁན་མང་པོ་ཞིག་མེད་པས་ཤེས་ལོས་དགོས། དེ་ལྟར་ཡིན་དུས་ང་ལྟ་བུ་ཡིན་ན་ངས་རྩམ་ཡིན་རིན་ཐང་ཡོད་པ་ཞིག་འབྲི་ཐུབ་མིན་གྱི་སེམས་ཁྲལ་མ་གཏོགས་ཀློག་མཁན་ཡོད་མེད་ལ་སེམས་ཁྲལ་གཏན་ནས་བྱེད་མ་མྱོང་། དགོངས་དག གཅིག་བྱས་ན་ངས་བཤད་སྟངས་འདི་ཡང་ཁྱི་བདག་པོས་བཀག་རྒྱུ་མགྲོན་པོས་བཀག་ཅེས་པ་ལྟར་གྱུར་ཡོད་ངེས།
དྲ་གྲོགས་རྣམ་པ་ལགས།
བདག་གི་བཤད་པ་འདི་གནས་ལུགས་ཅན་ཞིག་རེད་འདུག་གམ།
རྒྱབ་སྐྱོར་ཡོད། དུས་བབ་དྲ་བ་འདིར་ཡར་རྒྱས་ཡོད་པའི་བོད་ཡིག་དྲ་བ་ཡག་ཤོས་ཤིག་ཡིན་དོན་ཡང་ཟིན་བྲིས་པ་དང་མཆན་འདེབས་པ་མང་བས་རེད་འདོད།
དུས་བབ་ཚང་གི་ཟིན་བྲིས་དང་མཆན་བུ་ལ་རིན་ཐང་ཆེན་པོ་བརྩི་དགོས་ངེས་རེད་སྙམ། ཅི་དགའ་གང་ལེགས་བྱེད་དགོས་གསུངས་པར་རྒྱབ་སྐྱོར་ཡོད་དང་ཡོད།