ཨ་རིའི་ཧོ་ལེ་ཝོ་ཌི་གློག་བརྙན་འཁྲབ་སྟོན་པ་རི་ཆར་ཌི་གྷེར་ལགས་ཀྱིས་ཟླ་རྗེས་མའི་ནང་ལ་དྭགས་ནས་བོད་ཀྱི་ནང་ཆོས་དང་འབྲེལ་བའི་གློག་བརྙན་ཞིག་འཁྲབ་རྒྱུ་ཡིན་འདུག
རྒྱ་གར་གྱི་དུས་བབ་གསར་ཤོག་སྟེང་གནས་ཚུལ་སྤེལ་བ་ལྟར་ན། དུས་ཡུན་རིང་བོར་བོད་དོན་ལ་རྒྱབ་སྐྱོར་གནང་མཁན་དང་ཨ་རིའི་གློག་བརྙན་འཁྲབ་སྟོན་པ་གྲགས་ཅན་རི་ཆར་ཌི་གྷེར་ Richard gere ལགས་ཀྱིས་འཆར་ཟླའི་ཟླ་མགོ་ནས་མགོ་འཛུགས་ཀྱིས་ལ་དྭགས་སླེ་ནས་བོད་དོན་དང་བོད་ཀྱི་ནང་ཆོས་བརྗོད་བྱར་བྱས་ཏེ་གློག་བརྙན་ཞིག་འཁྲབ་སྟོན་བྱ་འཆར་ཡོད་འདུག་ལ། ཐེངས་འདིའི་གློག་བརྙན་འདིའི་འཁྲབ་སྟོན་མི་སྣའི་ཁྲོད་ཧོ་ལེ་ཝོ་ཌི་གློག་བརྙན་སྒྱུ་རྩལ་གྱི་འཁྲབ་འཁྲིད་པ་ཆེན་མོ་སྐུ་ཞབས་རཱ་རྗེལ་ཁེན་ཆི་ Rajeiv Khinchi ལགས་ཀྱང་གདན་ཞུ་གནང་ཡོད་པ་དང་། དེ་ནི་འཁྲབ་འཁྲིད་པ་ཁོ་བོས་ཧོ་ལེ་ཝོ་ཌི་གློག་བརྙན་འཁྲབ་འཁྲིད་ཀྱི་ལས་ཀ་བྱས་ཐེངས་ཐོག་མ་ཆགས་ཡོད་པ་རེད།
འཁྲབ་འཁྲིད་པ་སྐུ་ཞགས་རཱ་རྗེལ་ཁེན་ཆི་ལགས་ཀྱིས་གློག་བརྙན་འདིའི་སྐོར་ལ་བརྗོད་དོན། རི་ཆར་ཌི་གྷེར་ལགས་དུས་རྒྱུན་དུ་བོད་དོན་དང་འབྲེལ་བའི་ལས་འགུལ་མང་པོའི་ནང་མཉམ་ཞུགས་གནང་མཁན་ཞིག་དང་། བོད་དོན་ལ་དོ་སྣང་བྱེད་མཁན་གྱི་མི་སྣ་ཞིག་ཡིན་སྟབས། བོད་ཀྱི་ནང་ཆོས་བརྗོད་བྱར་བྱས་པའི་གློག་བརྙན་འདི་བོད་ནང་འཁྲབ་སྟོན་བྱ་རྒྱུའི་གྲ་སྒྲིག་བྱས་ཀྱང་། དེའི་ཐད་ཀྱི་བཀའ་འཁྲོལ་མ་རག་སྟབས་གློག་བརྙན་འདི་ཟླ་རྗེས་མར་ལ་དྭགས་ཀྱི་རྒྱལ་ས་སླེ་ནས་མགོ་འཛུགས་གནང་ཆར་ཡོད་ཅེས་གསར་ལམ་ཁག་ཏུ་འགྲེལ་བརྗོད་གནང་ཡོད་པར་མ་ཟད། ཟླ་རྗེས་མའི་ཟླ་དཀྱིལ་ནས་དངོས་སུ་འཁྲབ་སྟོན་མགོ་འཛུགས་གནང་རྒྱུ་ཡིན་ཚུལ་དང་། ད་ལྟའི་ཆར་གློག་བརྙན་གྱི་མིང་ཕྱིར་བསྒྲགས་བྱེད་ཀྱི་མིན་ཅེས་འགྲེལ་བརྗོད་གནང་ཡོད་འདུག
ཐེངས་འདིའི་གློག་བརྙན་འཁྲབ་སྟོན་པ་སྐུ་ཞབས་རི་ཆར་ཌི་གྷེར་ལགས་ནི། བོད་བརྒྱུད་ནང་བསྟན་ལ་དད་མོས་བྱེད་མཁན་གྱི་མི་སྣ་ཞིག་དང་དུས་རྟག་ཏུ་༸གོང་ས་མཆོག་ལ་རྒྱབ་སྐྱོར་གནང་མཁན་གྱི་མི་སྣ་ཞིག་ཡིན་པར་མ་ཟད། ༢༠༠༨ ལོར་རྒྱ་ནག་ནང་ཨོ་རྩེད་འགྲན་ཚོགས་མ་ཚོགས་པའི་ཡར་སྔོན་ཏུ་རྒྱ་ནག་གཞུང་གིས་བོད་ནང་དྲག་གནོན་མཚམས་འཇོག་དང་བོད་ལ་རང་བཙན་སྤྲོད་དགོས་པའི་ཐད་རྒྱལ་སྤྱིའི་སྤྱི་ཚོགས་ལ་འབོད་སྐུལ་གནང་བ་དང་། ལོ་དེར་བོད་དོན་དྲིལ་བསྒྲགས་ཀྱི་ལས་འགུལ་ཐེངས་མང་སྤེལ་ཡོད་ལ། བོད་ཀྱི་འགྲོ་བ་མིའི་ཐོབ་ཐང་ལ་དོ་སྣང་དང་བོད་ཁྱིམ་གྱི་གསར་བསྐྲུན་གྱི་རོགས་འདེགས་རྒྱབ་སྐྱོར་གནང་མཁན་ཞིག་ཀྱང་རེད།
གསར་འགོད་པ་དོན་གོ།
བོད་མི་མང་གི་སེམས་གཏིང་གི་དཔའ་བོ་ལགས་ཐུགས་རྗེ་ཆེ། ཁྱེད་ཉིད་བོད་མི་རིགས་ཀྱི་ལས་དབང་དང་མཉམ་དུ་དཀའ་ངལ་ལ་མ་འཛེམས་པར་ད་ལྟའི་བར་མདུན་སྐྱོད་བྱེད་བཞིན་པའི་ལོ་རྒྱུས་ཀྱི་ལེའུ་འདི་ཉིད་ང་ཚོ་བོད་མི་རིགས་ཀྱི་ལོ་རྒྱུས་ཟིན་ཐོ་རུ་ངེས་པར་འགོད་ངེས། དེ་ནི་ཁྱེད་ལ་མཚོན་ན་འདི་ཕྱི་གཉིས་ཀར་ལྟ་ས་ཡོད་པ་ཞིག་ཡིན་པ་མཁྱེན་རྟོགས་ཡངས་པ་སྐུ་ཉིད་ཀྱིས་ལོས་ཤེས། ཐུགས་རྗེ་ཆེ། ཁྱེད་ཀྱིས་གློ་བརྙན་བདེ་ལེགས་ངང་འཁྲབ་ཐུབ་པར་འཁྱམས་པོ་ཧེ་ར་ངས་སྨོན་ལམ་འདེབས།
གློག་བརྙན་འཁྲབ་སྟོན་མཁས་ཆེན་སྐུ་ཞབས་རི་ཆར་ཌི་གྷི་རི་ལགས་ཀྱི་གློག་བརྙན་དེ་བཟོ་མཁན་གྱི་ཆ་ནས་བློ་ཤིན་ཏུ་བདེ་སོང་བས་དོན་དང་ལྡན་ལ་ཀུན་ལ་ཕན་པར་འགྱུར་ཅིག།
སེར་སྨད་བློ་དགའ་དང་སྒོ་མང་རྨོག་རུ་བསྟན་པ་རྡ་ས་རེ་གོང་ཨ་ལོ་མི་དག་ཚང་མ་འཁྲབ་སྟེང་གཅིག་པ་རེད་ལ། ཕུག་བསམ་ཡང་གཅིག་པ་རེད། ཚང་མའི་གཟབ་གནང་དགོས།
ད་ལོ་རི་ཆར་ཌི་གྷེར་དང་སེར་སྨད་བློ་དགའ་གཉིས་ཀྱི་སུ་འཁྲབ་ན་ཡག་མིན་ལྟ་དགོས་པར་སྣང་།
ད་ངུང་གྲགས་ཅན་གྱི་འཁྲབ་སྟོན་པ་གཞན་པ་མང་པོ་ཡོད་པ་རེད། དེ་དག་ལ་ཡང་འཁྲབ་སྟངས་སྣ་ཚོགས་ཡོད་པ་རེད། ལ་ལ་མི་མངོན་པའི་ཚུལ་གྱིས་འཁྲབ། ལ་ལ་མངོན་སུམ་རྗེན་པར་འཁྲབ། ད་ལྟད་མོ་ཡོད་རྒྱུ་རེད།
གྲགས་ཅན་གྱི་གློག་བརྙན་འཁྲབ་སྟོན་པ་རི་ཆར་ཌི་གྷེར་མཆོག་གིས་དུས་དང་རྣམ་པ་ཀུན་དུ་བོད་དོན་ལ་རྒྱབ་བསྐྱོར་གནང་བར་ང་ཚོས་སྙིང་ཐག་པ་ནས་
རྗེས་སུ་ཡི་རངས་ཞུ་བཞིན་ཡོད།
གློག་བརྙན་འཁྲབ་སྟོན་མཁས་ཆེན་སྐུ་ཞབས་རི་ཆར་ཌི་གྷི་རི་ལགས་ཀྱི་གློག་བརྙན་དེ་བཞིན་གང་མགྱོགས་ལམ་ལྷོང་ངང་ལེགས་གྲུབ་ཡོང་རྒྱུར་སྨོན་འདུན་ཞུ།
འཁྲབ་སྟོན་པ་རི་ཆར་ཌི་གྷེར་ལགས་ལ་སྙིང་ཐག་པ་ནས་དགའ་བསུ་དང་ཐུག་རྗེ་ཆེ་གྲངས་མེད་ཞུ།