ཕྱི་ཚེས་ ༡༨ ཉིན་འཛམ་གླིང་གང་སར་ལྷོ་ཨ་ཧྥི་རི་ཁའི་སྲིད་འཛིན་ཟུར་བའམ་ནོ་སྦེལ་ཞི་བདེའི་གཟེངས་རྟགས་བཞེས་མཁན་ནེལ་སིན་མན་ཌ་ལ་མཆོག་དགུང་ལོ་ ༩༢ ཕེབས་པའི་འཁྲུངས་སྐར་སྲུང་གཙི་ཞུས་ཡོད་འདུག
ཧྥ་རན་སིའི་གསར་ཁང་གིས་གནས་ཚུལ་སྤེལ་བ་ལྟར་ན། ཟླ་འདིའི་ཚེས་ ༡༨ ཉིན་ལྷོ་ཨ་ཧྥི་རི་ཁའི་རྒྱལ་ཡོངས་སུ་རང་ལོ་ ༩༢ ལ་སོན་པའི་མི་རིགས་ནག་པོའི་སྲིད་འཛིན་དང་པོའམ་ནོ་སྦེལ་ཞི་བདེའི་གཟེངས་རྟགས་བཞེས་མཁན་སྐུ་ཞབས་ནེལ་སིན་མན་ཌ་ལ་མཆོག་གི་འཁྲུངས་སྐར་སྲུང་གཙི་ཞུས་ཡོད་པར་མ་ཟད། འཛམ་གླིང་ས་ཕྱོགས་གང་སར་ཡང་ཐེངས་དང་པོར་རྒྱལ་སྤྱིའི་མན་ཌ་ལ་མཆོག་གི་ཉིན་མོ་ཞེས་པ་སྲུང་གཙི་ཞུས་ཡོད་འདུག འཁྲུངས་སྐར་གྱི་ཉིན་མོར་ཡུལ་དེའི་མཐོ་རིམ་དཔོན་རིགས་ཚོས་སྐར་མ་ ༦༧ ཙམ་གྱི་རིང་སྲིད་འཛིན་ཟུར་བ་མན་ཌ་ལ་མཆོག་གིས་མི་རིགས་དབྱེ་འབྱེད་ཀྱི་གནད་དོན་ལ་འཐབ་རྩོད་བྱས་ཏེ་མི་ལོ་ ༦༧ ཕྱིན་པར་རྗེས་དྲན་གུས་འདུད་བྱས་ཡོད་འདུག ཡིན་ནའང་མན་ཌ་ལ་མཆོག་གིས་ཁོང་གི་སྐྱེས་སྐར་དེ་རང་ཁྱིམ་ནས་སྟབས་བདེ་ཞིག་བཏང་ཡོད་ལ། སྐབས་དེར་ཁོང་གི་ཕ་ཡུལ་གཅིག་པའི་བྱིས་པ་ ༡༠༠ ཙམ་རང་ཁྱིམ་དུ་ཡོང་སྟེ་ཁོང་དང་ལྷན་དུ་སྐྱེས་སྐར་ལ་རོལ་འདུག་ལ། བྱིས་པ་ཚོས་སྐྱེས་སྐར་གྱི་ལག་རྟགས་སུ་མཉམ་རུབ་ཀྱིས་ཤིས་ཤོག་ཆེན་པོ་ཞིག་ཀྱང་ཕུལ་ཡོད་འདུག
སྐུ་ཞབས་མན་ཌ་ལ་མཆོག་གིས་སྐབས་དེའི་ལྷོ་ཨ་ཧྥི་རི་ཁའི་མི་རིགས་དཀར་པོའི་སྲིད་གཞུང་ལ་ངོ་རྒོལ་རྒྱུན་རིང་བྱས་སྟབས་མཐར་མི་ལོ་ ༢༧ རིང་བཙོན་འཇུག་བྱས་ཡོད་ལ། ཕྱི་ལོ་ ༡༩༩༠ ལོར་ཁོང་བཙོན་ཁང་ནས་གློད་གྲོལ་ཐོབ་ཡོད་པ་དང་། ལོ་ངོ་བཞིའི་རྗེས་སུ་ཁོང་ལ་རྒྱལ་ཡོངས་རང་བཞིན་གྱི་འོས་འདེམས་ཁྲོད་སྲིད་འཛིན་གྱི་གོ་གནས་ཐོབ་ཡོད་ལ། སྲིད་འཛིན་གྱི་ལས་འཁུར་སྐབས་ཁོང་གིས་མི་རིགས་དབྱེ་འབྱེད་ཀྱི་ལམ་ལུགས་དེ་རྦད་དེ་མེད་པ་བཟོས་ཡོད།
ད་ལོར་ལྷོ་ཨ་ཧྥི་རི་ཁར་གོ་སྒྲིག་ཞུས་པའི་འཛམ་གླིང་རྐང་རྩེད་སྤོ་ལོའི་འགྲན་བསྡུར་གྱི་དབུ་འབྱེད་མཛད་སྒོའི་སྟེང་སྤྱིར་ཡིན་ན་མན་ཌ་ལ་མཆོག་ཕེབས་རྒྱུར་གཏན་འཁེལ་འདུག་ཀྱང་། ཁོང་གི་ཚ་མོ་ཞིག་བརྡབ་སྐྱོན་ཁྲོད་འདས་གྲོངས་སུ་ཕྱིན་པའི་རྐྱེན་གྱིས་ཁོང་མཛད་སྒོའི་ཐོག་ཕེབས་ཐུབ་མེད་པ་རེད།
སྐུ་ཞབས་ནེལ་སིན་མན་ཌ་ལ་མཆོག་ནི་འཛམ་གླིང་ཐོག་མི་རིགས་དབྱེ་འབྱེད་དང་འགྲོ་བ་མིའི་ཐོབ་ཐང་ཐད་བྱས་རྗེས་ཆེ་བའི་གྲགས་ཅན་གྱི་མི་སྣ་ཞིག་ཡིན་ལ། ཕྱི་ལོ་ ༡༩༩༣ ལོར་ཁོང་ལ་ནོ་བྷེལ་ཞི་བདེའི་གཟེངས་རྟགས་དེ་ཐོབ་ཡོད་འདུག
གསར་འགོད་པ། དཔལ་ལྡན་རྒྱ་མཚོ།
སྐུ་ཞབས་ནིལ་སོན་ལཊ་སུ་འཚམས་འདྲི་དང་སྦྲགས་༸གོང་ས་མཆོག་ཀུང་དགུང་གྲངས་བརྒྱ་ཕྲག་ཁ་ཤས་བཞུག་པའི་སྨོན་འདུན་ཞུ། །
འཁྲུངས་སྐར་ཉིན་གྱི་རྒྱ་གར་ཨིན་ཌེ་ཊེ་ཝེ་བརྙན་འཕྲིན་གྱི་བཅར་འདྲི་ལེ་ཚན་ནང་། མགོ་སེར་བུད་མེད་ཅིག་གིས་༧གོང་ས་མཆོག་ད་དུང་ཡང་དགུང་ལོ་༧༥བཞུགས་ཐུབ་གི་རེད་ཅེས་ཞུས་སྐབས། ཁོང་ནས་དེ་རྦད་དེ་རིང་དྲགས་པ་རེད། ཡིན་ནའང་། ད་ལྟའི་ངོས་ཀྱི་སྐུ་གཟུགས་ཀྱི་བདེ་ཐང་ལ་བལྟས་ཡོང་ན་ཏན་ཏན་ལོ་༡༠ ནས་ ༢༠ སྡོད་ཀྱི་རེད་ཅེས་གསུངས་སོང་། དེ་དང་མཉམ་དུ་ཁོང་གིས། བཅོམ་ལྡན་འདས་དང་མགོན་པོ་ཀླུ་སྒྲུབ་སོགས་ལའང་རང་རང་གི་སྒྲིག་འཛུགས་ཟེར་བ་གང་ཡང་མེད་པས། ཏཱ་ལའི་བླ་མའི་སྒྲིག་འཛུགས་ཟེར་བ་དེའང་གལ་ཆེན་མིན་ལུགས་གསུངས་སོང་། ལྷག་པར་དུ་ཁོང་ནས་དེབ་གང་འཚམ་བྲིས་ཡོད་པ་དེ་མ་འོངས་པའི་ལོ་བརྒྱ་ཕྲག་ཁ་ཤས་ནང་སྡོད་སྲིད་པས་ཕན་ཐོགས་ཀྱི་ཡོད་ལུགས་དང་དེ་གས་འགྲིག་གི་ཡོད་ཚུལ་ཡང་གསུངས་སོང་། དེར་བལྟས་ཡོང་ན། ཁོང་ནི་ཏཱ་ལའི་སྐུ་ཕྲེང་མཐའ་མ་ཡིན་སྲིད་པའི་སེམས་ཁྲལ་ཞིག་ཀྱང་ཡོང་གི་འདུག
༧གོང་ས་མཆོག་ལྟར་དགུང་ལོ་ ༡༡༣ བཞུགས་ཐུབ་པའི་སྨོན་འདུན་ཞུ།