བོད་མི་མང་སྤྱི་འཐུས་ཚད་ལྡན་ཞིག་དགོས་པ་ནི་མི་མང་གི་མངོན་འདོད་ཡིན་མོད། སྤྱི་འཐུས་སྐབས་རེ་རེའི་མཇུག་ཏུ་སྤྱི་འཐུས་ཚད་ལྡན་དགོས་གལ་ཆེ་བའི་གླེང་སློང་ནི་སྐབས་སྔོན་མའི་སྤྱི་འཐུས་ཀྱིས་འདོད་བློ་མ་ཁེངས་པའི་རྟགས་མཚན་གསལ་པོ་རེད། སྤྱི་འཐུས་ཚད་ལྡན་དགོས་པར་བཤད་ནས་ལོ་ངོ་ལྔ་བཅུ་འགྲོ་ཟིན་ལ། མི་རབས་རྒན་པའི་དུས་ཚོད་དེ་གླེང་སློང་དང་མེད་མུག་གི་ངང་ནས་མཇུག་རྫོགས་ལ་ཉེ།
བོད་མི་མང་སྤྱི་འཐུས་སྐབས་བཅུ་བཞི་བར་མི་རབས་གསར་བའི་གཞོན་སྐྱེས་མང་པོ་སླེབས་ཡོད་ལ། འདི་ནི་གསར་རྙིང་བོད་མི་ཀུན་གྱི་རེ་ལྟོས་དང་མངོན་འདོད་ཞིག་ཀྱང་ཡིན་པ་རེད། སྟབས་མ་ལེགས་པར་སྐབས་བཅུ་བཞི་བའི་གྲོས་ཚོགས་ཀྱིས་ཕྱི་ནང་བོད་མི་ཀུན་ལ་བློ་ཕམ་རང་བཞིན་གྱི་ཟིང་ཆ་ཚ་བོ་ཞིག་སྤྲད་སོང༌། ལྷག་པར་གྲོས་ཚོགས་ནང་གི་མི་རབས་གསར་པ་ཚོ་དང་འབྲེལ་བ་ཡོད་པ་ཞིག་ཀྱང་རེད། དེའི་ཕྱིར་སྐབས་བཅོ་ལྔ་བའི་འཐུས་མི་གདམ་ལ་ཉེ་སྐབས་འདིར་ཡང་སྔར་སྲོལ་ལྟར་སྤྱི་འཐུས་ཚད་ལྡན་དགོས་པའི་སྡུག་སྐད་དེ་མུ་མཐུད་བསྐྱོན་བཞིན་ཡོད།
ད་ནི་སྤྱི་འཐུས་གདམ་སྲོལ་ལ་འགྱུར་བ་ཞིག་གཏོང་དགོས་ཀྱིན་འདུག ད་སྔར་སྤྱི་འཐུས་ཚང་མར་ཚོགས་སྡེ་ག་གེ་མོས་འོས་གཞི་བཏོན། མི་མང་གིས་ཀྱང་དངོས་ཡོད་ལ་རྒྱུས་མངའ་གང་ཡང་མེད་པར་ནག་ཁུང་ནང་ནས་འོས་ཤོག་བླུགས། རྒྱབ་རྩ་སུ་མཐུག་དང༌། དཔལ་འབྱོར་སུ་ཡོད། སྐད་གྲགས་སུ་ཆེ། དགེ་ཕྲུག་སུ་མང༌། འགྲེལ་བཤད་སུ་ཡག་ལ་ལྟས་ནས་འོས་ཀྱི་རྒྱལ་ཁ་ཐོབ།
སྤྱི་འཐུས་ཐོབ་རྗེས་རང་ཉིད་སྤྱི་འཐུས་སུ་སྡོད་འདོད་མེད་ཀྱང་མི་མང་ནས་སྡོད་དུ་མ་བཅུག་པའི་ཡུད་བཤད་ཞུས། མི་མང་གི་སྐུ་ཚབ་ཡིན་པ་དང༌། མི་མང་གི་རེ་བ་ཡིན་པའི་དྲན་པ་ཉམས། ཟླ་དྲུག་གི་ཚོགས་འདུའི་ཆ་ཤས་ཙམ་ཡང་ལེན་ཐུབ་དང་མི་ཐུབ་ལྟ་བུས་དུས་ཚོད་བསྐྱལ།
དེང་ནས་བཟུང་བོད་མི་མང་སྤྱི་འཐུས་དང་བླངས་ངང་ཐོན་པའི་རེ་བ་བྱེད། འབོད་སྐུལ་བྱེད། སུ་ཞིག་དང་བླངས་ངང་ཐོན་ན་ཚང་མས་དེ་ལ་རྒྱབ་སྐྱོར་བྱེད། དང་བླངས་པ་བཅུ་སླེབས་སོང་ན་ཐེ་ཚོམ་མེད་པར་ང་ཚོས་འཐུས་མིར་གདམ། དང་བླངས་བ་གཅིག་གཉིས་ཤིག་ལས་མ་བྱུང་ན་གཅིག་དང་གཉིས་དེ་ང་ཚོས་སྤྱི་མི་དང་པོར་འདེམས། དེ་ལྟར་བྱས་ནས་སྐབས་རྗེས་མ་ནས་དང་བླངས་པ་རྐྱང་རྐྱང་ཐོན་པའི་རེ་བ་བྱེད། དང་བླངས་པ་ཉི་ཤུ་སླེབས་སོང་ན་ང་ཚོར་གདམ་ཀ་བྱེད་རྒྱུའི་གོ་སྐབས་ཡོད། དེ་ལྟར་དཔའ་ཁས་བླངས་དང༌། མདུན་སྐེད་བཟུང་བྱས་པའི་དང་བླངས་འཐུས་མི་ཚོར་ང་ཚོས་རེ་བ་བྱེད། ཡིད་ཆེས་བྱེད། གལ་སྲིད་དང་བླངས་བ་སུ་ཞིག་བོད་མི་མང་སྤྱི་འཐུས་ཐོབ་རྗེས་ཐོག་མའི་ཁས་ལེན་དང་ཆ་རྐྱེན་ལས་འགལ་ན་ང་ཚོས་བགྲོ་གླེང་བྱེད། འགལ་ཚབས་ཆེ་ན་འོས་ཤོག་ཕྱིར་འཐེན་བྱེད།
ད་ལྟའི་དང་བླངས་བཀའ་བློན་ཁྲི་བའི་འོས་མི་ཚོར་ང་ཚོས་བསྔགས་བརྗོད་བྱེད། ཡི་རང་བྱེད། རེ་བ་བྱེད། མིག་ལྟོས་བྱེད། མཐའ་མའི་རྒྱལ་ཁ་ཐོབ་པའི་རྟེན་འབྲེལ་ཞུ།
རྣམ་པ་གང་རུང་ཞིག་གི་སྒོ་ནས་་་་
རྒན་རྨོག་རུ་བསྟན་པ་ལགས།
ཁྱེད་ཀྱི་གསུངས་པ་གོ་སོང་། ངས་རང་གི་བསམ་ཚུལ་ཙམ་ཞུས་པ་ལས་དམིགས་བསལ་གྱིས་ནན་བསྐུལ་ཞུས་མེད། དགོས་དབང་གིས་དེ་ལྟར་ཡིན་ན་དེ་ག་རེད།
ཁྱེད་རང་སྒེར་ལ་དེ་འདྲའི་འགྲན་རྩོད་ཀྱི་བསམ་བློ་མེད་པར་ང་ལའང་ཡིད་ཆེས་ཡོད། འོན་ཀྱང་སྤྱི་དོན་ལ་ལྷག་བསམ་དང་སེམས་ཤུགས་ཡོད་མཁན་ཁྱེད་རང་ཚོར་ལས་འགན་དེ་མ་སྤྲད་ན་ཅུང་ཕངས་པའི་གནས་རེད།
དང་བླང་དུ་ཐོན་རུང་མ་ཐོན་རུང་དེ་ལ་ཁྱད་པར་གང་ཡང་མེད་མོད། དེར་སླེབས་ཚར་བའི་རྗེས་ལ་ལྷག་བསམ་ཟོལ་མེད་གནང་རྒྱུ་དེ་གལ་ཆེན་པོ་རེད་སྙམ།
རི་བོང་བློ་ལྡན་ལགས།
ང་རང་སྤྱི་འཐུས་སུ་ལངས་ཀྱང་མ་ལངས་ཀྱང་ངའི་ལས་འགན་དང་། དམིགས་ཡུལ།
བསྒྲུབ་བྱ་གཅིག་པ་ཡིན། དེའི་ཕྱིར། ང་རང་སྤྱི་འཐུས་སུ་ལངས་དགོས་པའི་རྩོད་ལེན་མེད།
དཀོན་མཆོག་དབང་བཙུགས་ཡིན།
སྤྱིར་ང་རང་གིས་བསམ་ཚུལ་བཏོན་པ་ཡང་དངོས་ཡོད་ཡིན།
དང་བླངས་མང་པོ་ཞིག་ཐོན་ན་ལོ་རྒྱུས་དང་ཁས་ལེན་ཆ་རྐྱེན་ལ་ཞིབ་འཇུག་བྱེད་རྒྱུ་ཞིག་ང་ཚོར་རེག་གི་རེད། དེ་རེག་པའི་རྗེས་སུ་གདམ་ག་བྱེད་རྒྱུ་དང་།ཁོ་རང་གིས་ཀྱང་ཁས་ལེན་དམ་བཅའ་ལ་དྲན་གསོ་རེ་དང་། གལ་སྲིད་མ་བྱས་ན་ངོ་ཚ་རེ་ཡོང་གིན་རེད་བསམ་གྱིན་འདུག
ཡིན་ནའང་། དགོས་དབང་ཞིག་གིས་ང་རང་དང་བླངས་ཐོན་མིན་དེར་ཁྱེད་ལ་ལན་འདེབས་བྱེད་ཐུབ་མ་སོང་། དགོངས་དག་ཞུ་རྒྱུ་ཡིན།
དྲ་གྲོགས་རྨོག་རུ་བསྟན་པ་ལགས།
ངས་ཞིབ་མོ་ཀློག་ཡོད་ཁྱེད་ཀྱི་དེ་ལ་གནས་ལུགས་དང་རྒྱུ་མཚན་འདུག ཡིན་ནའང་ད་རེབ་ང་ཚོའི་ས་གནས་འདིར་སྔོན་འགྲོའི་ཚོད་ལྟའི་འོས་ཤོག་བསྡུ་བཞིན་པའི་སྒང་རེད། ཕལ་ཆེར་ཁྱོད་རང་སྐབས་བཅོ་ལྔ་བའི་སྤྱི་མཐུས་ལ་གཏན་ཁེལ་བ་འདྲ་ཞིག་འདུག ཅིའི་ཕྱིར་ཞེ་ན། སྐབས་འདིར་སྐུ་ཉིད་སྤེན་ཚེ་རིང་སོགས་དང་དཔུང་བ་མཉམ་གཤིབ་བྱས་ནས་འགྲོ་བཞིན་འདུག མི་དམངས་ཀྱི་སྒྲོགས་གཏམ་ལ་ཉན་ནའང་རྒྱབ་སྐྱོར་གྱི་རྣམ་པ་ཤུགས་ཆེན་པོ་རེད། ས་གནས་འདི་ནི་མདོ་སྨད་མི་དམངས་མང་ཤོས་ཀྱི་ས་གནས་ཤིག་རེད། དེ་རྒྱུ་མཚན་ཡང་དག་ལ་འགྲོ་ས་རེད་དམ། དེས་སྐུ་ཉིད་འཆར་གཞི་དང་བཅས་དམ་བཅའ་དང་བཅས་དང་བླངས་དུ་ཐོན་ན་གང་འདྲ་འདུག ང་དང་ང་ལྟ་བུ་མང་བོ་ཞིག་གིས་ཡིད་ཆེས་དང་རེ་བས་བསྒུག་ཡོད་པས། ཁྱོད་རང་ཡང་སྤོབས་པ་དང་དཔའ་གདེང་གིས་ཕེབས་ཤོག བཀྲ་ཤིས་བདེ་ལེགས།
ཨ་མཆོག་ཚངས་ཐིག་ལགས།
ཀརྨ་དགེ་ལེགས་ཀྱིས་དང་བླངས་བྱེད་བཞིན་ཡོད་ན་ངེད་རང་ནས་རྒྱབ་སྐྱོར་བྱེད་ཐག་ཆོད་ཡིན།
གཅིག་ན་གོང་དུ་བཤད་པའི་ངེད་ཀྱི་བསམ་ཚུལ་ལ་ང་རང་གིས་བརྩི་བཀུར་དང་། དང་ལེན་བྱེད་བཞིན་ཡོད་ལ། གཉིས་ན་ཀརྨ་དགེ་ལེགས་ཁོང་ཡང་གཞིས་ཆགས་མི་མང་གི་ཁོར་ཡུག་ནས་མཚར་ལོངས་བྱུང་བ་དང་། རང་ཉིད་དང་མི་མང་གི་བདེ་སྡུག་མཉམ་རོལ་བྱེད་མཁན་ཞིག་རེད།
ལྷག་པར་ཁོ་བོས་སྤྱི་ཚོགས་ཆེད་ལོ་ངོ་སུམ་ཅུ་ལྷག་ཅིག་ཞབས་ཞུ་ཞུས་པའི་ཉམས་མྱོང་དང་འགན་ལེན་གང་ལ་བལྟས་ན་ཁོ་ལ་སྤྱི་འཐུས་ཀྱི་ཚད་གཞི་མི་ལྡན་པ་ཞིག་རྩ་ནས་མ་རེད།
གསུམ་ནས་ཁོ་རང་བྷན་རྡ་ར་གཞིས་ཆགས་ཀྱི་ས་གནས་འཐུས་ཚོགས་ཀྱི་ཚོགས་གཙོ་སོགས་ཆབ་སྲིད་ཀྱི་སྣེ་མོ་སྣ་མང་ཞིག་ཏུ་འགན་ལེན་གནང་མྱོང་ཡོད་འདུག
གསུམ་ནས་ཤེས་ཡོན་ཀྱང་ཚད་ལྡན་རེད།ལོ་རྒྱུས་ཞིབ་ཚགས་ལ་ཁྱོད་རང་ཚོས་ཀྱང་དོ་སྣང་བྱེད་ཐུབ་པའི་རེ་བ་ཡོད།
བཞི་ནས་ཉེ་ཆར་ཁོང་མདོ་སྨད་དབུས་རྒྱུས་ཡིན་པས་ཚོགས་བཅར་སྐབས།
བྷན་རྡ་ར་གཞིས་ཆགས་སུ་རྒན་གསོ་ཁང་ཡག་པོ་ཡོད། རྗེས་ཕྱོགས་ང་ཚོའི་ཁོངས་ནས་ཀྱང་བདག་མེད་རྒན་རྒོན་འདྲ་ལྷག་ཡོད་ན་རྒན་གསོ་ཁང་དུ་འཇུག་རོགས་ཀྱི་ཞལ་གཞེས་གནང་སོང་།
ང་རང་ཡང་རྗེས་མ་རྒན་གསོ་ཁང་ཞིག་ཏུ་འཛུལ་རྒྱུར་གྲ་སྒྲིག་བྱེད་དགོས་མིན་ནམ་བསམ་གྱིན་ཡོད།
དེའི་ཕྱིར་ད་ལྟ་ནས་་་་་་་་དོན་ཚན་བཞི་བ་ཀུ་རེ་དང་འབྲེལ་བ་ཡོད།
ཨ་ཁུ་བསྟན་པ་ལགས།
ཁྱེད་ལ་ཕལ་ཆེར་མདོ་སྨད་སྤྱི་འཐུས་ཀྱི་རྒྱལ་ཁ་ཐོབས་ངེས་ཡིན་ས་རེད། གོ་ཐོས་ལ་དེང་སེང་རྡ་ས་རུ་ཁྱོད་ཀྱི་མཛད་འཕྲིན་རྒྱས་ཆེན་པོ་འདུག་ཟེར།
ཁྱོད་ལ་བཀྲ་ཤིས་བདེ་ལགས་ཞུ་པ་དང་ཆབ་གཅིག་སྤྱི་འཐུས་ཐོབ་ཀྱང་མ་ཐོབ་རུང་སོ་སོའི་བལྟ་བ་དོར་མི་རུང་།
བསྟན་པ་ལགས། དེ་རིང་དང་བླང་བ་ཞིག་ཐོན་འདུག ཁྱེད་ཀྱིས་དེ་ལ་མཐའ་གཅིག་ཏུ་རྒྱབ་སྐྱོར་ཞུ་རྒྱུ་ཨེ་ཡིན། ཁོང་ནི་ད་ལྟའི་མདོ་སྨད་དབུས་སྤྱི་ཁྱབ་རྒྱུན་ལས་ལས་ཐོག་པ་ཀརྨ་དགེ་ལེགས་ལགས་རེད། དེ་རིང་ཞོགས་པ་ཁོང་གི་ལུས་རྒྱུས་དང་འབྲེལ་བའི་སྦྱར་ཡིག་འགྲེམ་སྤེལ་བྱེད་མཁན་ཞིག་གིས་ཁོང་རང་ཉིད་སྤྱི་འཐུས་ཀྱི་འོས་མི་ལ་དང་བླང་ཐོན་ཡོད་པ་རེད་ཟེར། ང་ནི་ཁོང་ལ་ཆ་རྒྱུས་གང་ཡང་མེད། ཡིན་ཡང་ཁོང་གི་སྙིང་སྟོབས་དང་ལྷག་བསམ་ཆེས་ཚད་ལྡན་ཞིག་ཡིན་པའི་རེ་བ་དང། ཁྱེད་ཀྱི་བསམ་སྤྱོད་དོན་སྨིན་གྱི་འགོ་འཛུགས་ཐུབ་པ་ཡིན་པའི་རེ་བ་བྱེད་བཞིན་ཡོད།
འབྲི་མཚོ།
ཁྱེད་ཀྱིས་འཕེལ་རྒྱས་སྒྲོལ་མ་ངེད་གཉིས་ལ་སྡང་པོ་བྱེད་ཀྱིན་འདུག
ཡིན་ཡང་མདོ་སྨད་མི་མང་གིས་ངེད་གཉིས་བོད་རྒྱ་ཆེའི་མི་མང་གི་མངོན་འདོད་བསྒྲུབ་ཐུབ་མཁན་ཞིག་ཏུ་ངོས་འཛིན་བྱེད་ཀྱིན་འདུག
ཁྱེད་ལྟ་བུ་ངེད་གཉིས་ལ་སྙིང་ན་མཁན་རེ་ཟུང་ཀྱང་ཡོད་པས། ཁྱོད་ཚོར་ཡང་ཁག་མེད།
སོ་སོ་སྐྱེ་བོ་ཡིན་པ་རེད། གང་ཐུབ་ཀྱིས་བསམ་བློ་བཏང་ཆོག
སེམས་ཁྲལ་མ་བྱེད།
བསྟན་པ་ལགས། ངས་ཁྱེད་ལ་རྒྱབ་སྐྱོར་བྱེད་། ཡིན་ནའང་ངས་བལྟས་ན་ང་
ཚོའི་མི་རིགས་ཀྱི་བསམ་བློའི་ཁོར་ཡུག་ན་ད་དུང་དེ་ལྟ་བུའི་སྤོབས་དེ་མི་འདུག ང་དང་ངའི་རོགས་པ་ཚོས་ཀྱང་ཁྱེད་ཀྱིས་བཤད་པའི་འོས་བསྡུའི་ལམ་ལུགས་དེ་ལ་འབད་བརྩོན་བྱེད་བཞིན་ཡོད། མུ་མཐུད་དུ་གསུང་རོགས། དང་ལེན་ཐུབ་པའི་བསམ་བློའི་ཁོར་ཡུག་དེའམ་སྙིང་སྟོབས་ཀྱི་ཁོར་ཡུག་ཇི་ལྟར་བྱས་ན་ཡོང་ཐུབ་རྒྱུ་རེད།
དྲ་གྲོགས་རྨོག་རུ་ལགས།
སྤྱི་མཐུས་རྙེད་པའི་ཐབས་ལམ་འདི་འདྲ་རིགས་མང་ཙམ་བེད་སྤྱོད་བྱེད་ན་ཚད་ལྡན་གྱི་སྤྱི་མཐུས་རག་པར་ཕན་ཐོག་ཏན་ཏན་ཡོང་གིན་སྙམས།
ད་དུང་ང་ཚོས་འདང་རྒྱག་དགོས་པར་ཞིག་ནི།
གཞི་རིམ་མི་མང་གི་ཤེས་ཚད་ལ་བལྟ་དགོས་ངེས་ཤིག་ཀྱང་སེམས།
མ་གཏོགས་་་་མགོ་འཁོར་བའི་ཉེན་ཁ་ཞེ་དྲགས་རེད་དྲན།
རྨོས་རུ་བསྟན་པ་ལ་དང་བླངས་བྱེད་འདོད་པ་འདྲ་་་་་་་་་་་འོས་འཐོབ་པའི་རེ་བྲལ་བ་འདྲ
ཁྱེད་ཚང་མས་ཀྱང་གནས་ལུགས་དང་རྒྱུ་མཚན་གསུང་གིན་འདུག
ཐུགས་རྗེ་ཆེ།
ངས་བཤད་རྒྱུ་དོན་དག་དེ་སྤྱི་འཐུས་དང་བླངས་ཀྱིས་ཐོན་ཐུབ་ན་ཡག་པོ་འདུག་ལབ་པ་དེ་རེད།
དང་བླངས་ཀྱིས་ཐོན་པ་ལ་མགོ་བདེ་དྲན་འཕྲུལ་ཡིན་དགོས་ཀྱིན་ཡོད་ཀྱི་མ་རེད་བསམ་གྱིན་འདུག་་བློ་གྲོས་རྒྱལ་པོ་ནམ་རྒྱུན་མ་བརྟག་མ་དཔྱད་པ་ཏོག་ཙམ་ཤུགས་ཆེ་བ་འདུག
ང་ཚོ་ལ་དངོས་གནས་འཐུས་ཚད་ལྡན་རྙེད་པའི་ཐབས་ལམདགོས། འོན་ཀྱང་ཁྱེད་རྩོམ་འདིའི་འགོ་མཇུག་བར་གསུམ་ཀུན་ཏུ་མེད་མུག་དང་སྡུག་ཡུས་གང་མང་བརྗོད་པ་ལས་སྤྱི་འཐུས་ཚད་ལྡན་རྙེད་པའི་ཐབས་ལམ་གཅིག་ཀྱང་མཐོང་མ་སོང་།
སྤྱིར་ཁྱེད་ཀྱིས་སྤྱི་འཐུས་སྐབས་བཅུ་བཞི་བའི་གྲོས་ཚོགས་ཀྱིས་བོད་ཕྱི་ནང་ཀུན་ལ་བློ་ཕམ་རང་བཞིན་གྱི་ཟིང་ཆ་ཚ་བོ་ཞིག་སྤྲད་སོང་ཟེར་ནས་ཧ་ལས་མདོག་ཁ་བོ་གནང་གི་འདུག དེ་ནི་དམངས་གཙོའི་རྒྱལ་ཁབ་ཅིག་གི་འགྲོ་སྟངས་རེད། དམངས་གཙོའི་རྒྱལ་ཁབ་ཅིག་གི་གཟི་བརྗོད་རེད། གཅིག་སྡུད་སྒེར་གཅོད་པའི་སྲིད་དབང་འོག་ཏུ་དེ་འདྲ་གནང་མི་ཆོག་པ་ཡིན་དུ་སྲིད་ཀྱང་། དམངས་གཙོ་དང་རང་དབང་ལྡན་པའི་ཡུལ་ལུང་ཀུན་ཏུ་དེ་ནི་རྒྱུན་སྲོལ་ལྟ་བུ་ཞིག་རེད། ཧང་སང་དགོས་པ་དེ་སྤྱི་མི་ཚོས་གོང་མའི་བཀའ་མི་དམངས་ལ་བཙན་གྱིས་འགེལ་བ་དང་། མི་དམངས་ཀྱི་དཀའ་སྡུག་མཐོ་སར་ཞུ་མི་ཕོད་པ། སྤྱི་བའི་མིང་ཁྱེར་ནས་སྒེར་གྱི་ཁ་ཕོ་འཚོལ་མཁན་གྱི་སྐབས་འཚོལ་རིང་ལུགས་པར་གྱུར་བ། ལོ་འཁོར་སུམ་བརྒྱ་དྲུག་ཅུའི་ནང་དུ་གཞུང་དོན་ཁོ་ནའི་ཆེད་དུ་དངོས་གནས་ཆུ་ཚོད་ཇི་ཙམ་གཏོང་ཐུབ་གི་ཡོད་མེད་སོགས་རེད།
རྨོག་རུའི་བཤད་པ་ལ་རྒྱུ་མཚན་འདུག ལོ་འགའི་བསྔོན། མདོ་སྨད་སྤྱི་མཐུས་འོས་གཞི་འགའ་ལ། ཨེ་ཤ་ཡ་རླུང་འཕྲིན་ཁང་གི་དཔལ་ལྡན་རྒྱལ་གྱིས་དྲི་བ་དྲི་ལན་བྱས་པ་ཞིག་དྲན་གྱིན་འདུག བསྟན་འཛིན་དགོན་པོ་ལས་གཞན་ཐམས་ཅད་ཀྱིས། སྤྱི་མཐུས་བྱེད་འདོད་མེད་མོད། འོན་གྱང་མི་མང་གི་རེ་བ་རྒྱབ་དུས་རེ་བ་གཅོག་མི་འདོད་ཅེས་འབྲེལ་བཤད་བྱས་སོང་།
སྤྱི་མཐུས་བྱེད་འདོད་མེད་མཁན་དང་། འཆར་གཞི་མེད་མཁན། ཐ་ན་དུས་ཙམ་གཏོང་འདོད་མེད་མཁན་ཞིག་སྤྱི་མཐུས་སུ་གྱུར་ན། མཇུག་འབྲས་གང་ཡོང་ཤེས་གསལ་རེད
རྨོག་བསྟན་ལགས་ཐུགས་རྗེ་ཆེ། ད་སྐབས་ལམ་སྟོན་རེ་ལ་རེ་བ་དང་རེ་ལྟོས་ཡོད་། ངོ་མ་སྤྱི་ཚོགས་འདིར་བཟང་ངན་གཉིས་ལས་གང་ཕན་ཧ་མི་གོ་གི ཁྱེད་ཀྱི་ལྷག་བསམ་ལ་བདག་ཡིད་ཆེས་དང་རེ་བ་ཡོད་། ད་དུང་མུ་མཐུད་ནས་ལེགས་ཉེས་ལ་དབྱེ་འབྱེད་བྱེད་དང་ང་ནམ་་ཡང་ཁྱེད་ཀྱི་ཉེ་ཁྲིས་ན་ཡོད།
རྨོག་རུ་འཕག་འཚག་རེ་བྱས་ན་གྲ་རྒོད་ཚོའི་སྙིང་ལ་ཨི་ཁུང་འབིགས་ཀྱིན་པ་འདྲ།
ད་གང་དྲག རྨོག་རུ་ལ་རྒྱབ་སྐྱོར་བྱེད་མཁན་ཚོར་འབོད་སྐུལ་རེ་ཞུས་ཏེ་རྨོག་རུ་འོས་འདེམས་མི་བྱེད་རྒྱུའི་གསོལ་འདེབས་ཞུ་ཡ་རང་རེད།
དཀོན་མཆོག་མཁྱེན།
ཕྲག་དོན་ཅན་ལ་བདེ་དུས་མེད།།
ཞེ་སྡང་ཅན་ལ་སྐྱིད་དུས་མེད།།
རེད་ཡ། མགོ་བདེ་དྲན་འཁྲུལ་དང་སྐབས་འཚོལ་རིང་ལུགས་པ་མང་པོ་ཞིག་སྤྱི་འཐུས་ལ་འདེམས་རྒྱུ་དེ་ཁྱེད་ཀྱི་ལྟ་བ་ངོ་མ་དེ་ཡིན་པ་འདྲ།
རྨོག་རུ་བསྟན་པ་ལགས། འོས་འཕེན་མི་དམངས་རྣམས་ཡག་ཉེས་དང་བཟང་ངན་གྱི་དབྱེ་བ་མི་ཤེས་པ་དང་། ཆུ་རྣ་གར་འཁྲིད་ཀྱི་བླུན་པོ་ཁྱུ་ཞིག་ལ་ངོས་འཛིན་མ་གནང་རོགས་གནང་།