ཁ་སང་ཕྱི་ཚེས་ ༢ ཉིན་པཎ་ཆེན་རྒྱལ་མཚན་ནོར་བུས་ངོས་འཛིན་བྱས་པའི་སྡེ་དྲུག་སྐུ་ཕྲེང་དྲུག་པ་འཇམ་དབྱངས་ཤེས་རབ་དཔལ་ལྡན་ཞུ་བ་ཁོང་ལྷ་ས་ལྷོ་ཁ་ལྷུན་རྩེ་རྫོང་སྒྲ་འུར་དགོན་པ་རུ་ཁྲི་འདོན་མཛད་ཡོད་འདུག
སྡེ་དྲུག་སྐུ་ཕྲེང་དྲུག་པ་ནི་བོད་རང་སྐྱོང་ལྗོངས་མི་དམངས་སྲིད་གཞུང་གི་མངག་བཀོལ་ལྟར། རྒྱ་གཞུང་གིས་ངོས་འཛིན་བྱས་པའི་པཎ་ཆེན་རྒྱལ་མཚན་ནོར་བུས་ལྷ་ལྡན་གཙུག་ལག་ཁང་གི་ཇོ་
པཎ་ཆེན་རྒྱལ་མཚན་ནོར་བུས་སྡེ་དྲུག་སྐུ་ཕྲེང་དྲུག་པ་ངོས་འཛིན་བྱས་པའི་སྐོར་ལ་ཕྱི་ཟླ་ ༧ ཚེས་ ༧ ཉིན་བཙན་བྱོལ་བོད་གཞུང་ཆོས་རིག་ལྷན་ཁང་གིས་བསྒྲགས་གཏམ་ཞིག་སྤེལ་ཡོད་པའི་ནང་། བོད་པའི་སྤྲུལ་སྐུ་ངོས་འཛིན་བྱེད་ཕྱོགས་དེ་བླ་སློབ་དང་གདན་སའི་ལས་སྣེ་སོགས་ཀྱིས་སྤྲུལ་སྐུ་རང་ཉིད་ཀྱིས་སྔོན་གནས་རྗེས་དྲན་གྱི་དན་རྟགས་དང་། མངོན་ཤེས་ཅན་གྱི་བླ་མ་ལྷ་སྲུང། ཡང་ན་ཆོས་ཕྱོགས་ཀྱི་བརྟག་དཔྱད་བརྒྱུད་འཚོལ་དགོས་པ་ལས་སྲིད་གཞུང་སོགས་ཀྱི་ལས་འགན་ཞིག་མིན་སྐོར་དང་། རྒྱ་ནག་གིས་སྤྲུལ་སྐུ་ངོས་འཛིན་བྱེད་པའི་དམིགས་ཡུལ་གཙོ་བོ་སྤྲུལ་སྐུ་དག་བརྒྱུད་དེ། བོད་དབང་སྒྱུར་བྱ་རྒྱུའི་ཕུགས་རེ་བཅངས་ཡོད་པ་དང་། གསེར་བུམ་དཀྲུགས་ཏེ་སྤྲུལ་སྐུའི་ཡང་སྲིད་ངོས་འཛིན་བྱེད་པ་ནི། སྐབས་སོ་སོའི་སྲིད་དོན་གྱི་དགོས་མཁོ་དང་བསྟུན་ཏེ་ཐག་གཅོད་བྱ་ཐབས་ལ་དམིགས་པ་ཞིག་ཡིན་སྐོར་བསྒྲགས་ཡོད།
“ཁ་སང་ཕྱི་ཚེས་ ༢ ཉིན་པཎ་ཆེན་རྒྱལ་མཚན་ནོར་བུས་ངོས་འཛིན་བྱས་པའི་སྡེ་དྲུག་སྐུ་ཕྲེང་དྲུག་པ་འཇམ་དབྱངས་ཤེས་རབ་དཔལ་ལྡན་ཞུ་བ་ཁོང་ལྷ་ས་ལྷོ་ཁ་ལྷུན་རྩེ་རྫོང་སྒྲ་འུར་དགོན་པ་རུ་ཁྲི་འདོན་མཛད་ཡོད་འདུག ”
ཚིག་དུམ་འདིའི་ཁྲོད་ཞིབ་པར་གཟིགས་དང་། འདི་ནི་དུས་བབ་གསར་འགྱུར་ཁྲོད་ནས་ཐད་ཀར་པར་བཤུས་བརྒྱབ་པ་ཡིན། འདིའི་ནང་”ལྷ་ས་ལྷོ་ཁ་ལྷུན་རྩེ་རྫོང་”ཞེས་བྲིས་འདུག་དང་མི་འདུག ད་དུང་གསར་ཤོག་གཞན་དང་གཞན་ངས་འདིར་དཔེ་མཚོན་དུ་དྲངས་འདོད་མི་འདུག ཚང་མས་འདི་རིགས་ངག་ནས་གསུངས་ཀྱི་ཡོད་ཀྱང་ཡིག་ཐོག་འདི་ལྟ་བུ་བེད་སྤྱོད་གནང་ན་གང་འདྲ་ཡོང་ས་རེད་དམ།
ད་ནས་བཟུང་བོད་ནང་ནས་སྤྲུལ་སྐུ་ངོས་འཛིན་བྱེད་མཁན་རྣམས་ནི་རྒྱ་མིའི་ཆོ་འཕྲུལ་དང་།
རྒྱ་བལ་སོགས་ཕྱིའི་རྒྱལ་ཁབ་ཁག་ནས་སྤྲུལ་སྐུ་ངོས་འཛིན་བྱེད་མཁན་ཚོ་ནི་རང་ཉིད་ཀྱི་ཆོ་འཕྲུལ་ཞིག་རེད།
བོད་ནང་ནས་སྤྲུལ་སྐུའི་མིང་ཙམ་མེད་མཁན་ཁ་ཤས་ལོ་ན་ཡང་སུམ་བཅུ་དང་བཞི་བཅུར་སླེབ་ཡོད་པའི་བླ་རྒན་དང་གྲྭ་རྒན་མང་པོས་རྡ་ས་ནས་སྤྲུལ་སྐུའི་མིང་རགས་ཐབས་བྱས་དེ་བྱ་བ་འདྲ་མིན་སྣ་ཚོགས་བྱེད་བཞིན་པ་ཐོས་བྱུང་།
ད་དངོས་གནས་བླ་མ་རྫུས་མས་བླ་མ་རྫུས་མ་ངོས་འཛིན་བྱས་ཏེ་བླ་སྤྲུལ་རྫུས་མས་ས་སྟེང་ཁེངས་ས་རེད།
རྫུན་མས་རྫུན་མ་རྫུན་མའི་ཁྲི་ལ་བཞག །
རྫུན་མའི་ཐབས་ཀྱིས་བཅིངས་པའི་རྫུན་མའི་གཞུང་། །
རྫུན་ལ་དགའ་བའི་རྒྱ་མར་འདྲེ་ཚང་དེ། །
རྫུན་མའི་ལས་ཀྱིས་རྫུན་མའི་དམྱལ་་བར་རྫོངས། །
སྲིད་གཞུང་རྫུན་མས་བླ་མ་རྫུན་མ་བཙལ༎
བླ་མ་རྫུན་མས་ཡང་སྲིད་རྫུན་མ་བདམས༎
འདི་དང་འདི་འདྲའི་གངས་ཅན་བོད་པ་རྣམས༎
ཐལ་བའི་རྡུལ་ཕྲན་བཞིན་དུ་བརླག་ཉེན་འདུག །
བོད་པའི་མི་ཡིས་བོད་ས་མ་ཟིན་དུས༎
རྒྱ་ནག་དམར་པོའི་བཀའ་རྒྱ་རེ་རེའི་འོག །
རྩི་རྩི་ར་མ་ཆར་པས་དེད་པ་བཞིན༎
དེ་ཡིས་འོག་ཏུ་མ་འཛུལ་བྱ་ཐབས་མེད༎
ད་ནས་བཟུང་བོད་ནང་ནས་སྤྲུལ་སྐུ་ངོས་འཛིན་བྱེད་མཁན་རྣམས་ནི་རྒྱ་མིའི་ཆོ་འཕྲུལ་དང་།
རྒྱ་བལ་སོགས་ཕྱིའི་རྒྱལ་ཁབ་ཁག་ནས་སྤྲུལ་སྐུ་ངོས་འཛིན་བྱེད་མཁན་ཚོ་ནི་རང་ཉིད་ཀྱི་ཆོ་འཕྲུལ་ཞིག་རེད།
བོད་ནང་ནས་སྤྲུལ་སྐུའི་མིང་ཙམ་མེད་མཁན་ལོ་ན་ཡང་སུམ་བཅུ་དང་བཞི་བཅུར་སླེབ་ཡོད་པའི་བླ་རྒན་དང་གྲྭ་རྒན་མང་པོས་རྡ་ས་ནས་སྤྲུལ་སྐུའི་མིང་རགས་ཐབས་བྱས་དེ་བྱ་བ་འདྲ་མིན་སྣ་ཚོགས་བྱེད་བཞིན་པ་ཐོས་བྱུང་།
བོད་མི་རྫུན་མས་པཎ་ཆེན་རྫུས་མ་བསྐོས། །
པཎ་ཆེན་རྫུན་མས་སྡེ་དྲུག་རྫུན་མ་བདམས། །
སྡེ་དྲུག་རྫུན་མས་གཞན་ཞིག་འདེམས་དུས་དཀའ། །
ཐམས་ཅད་དོ་རྒྱལ་འཁོར་དུ་སྐྱེ་བར་ངེས། །
ཨ་ཁ་ཁ་ང་ཚོའི་བོད་མིའི་ལས་དབང་འདི་ཅི་དྲག
༼ སྡེ་དྲུག་སྤྲུལ་སྐུའི་ལོ་རྒྱུས་གནད་བསྡུས། ༽
དགའ་ལྡན་ཁྲི་ཐོག་དོན་དྲུག་པ་སྡེ་དྲུག་ཧོ་ཐོག་ཐུ་སྐུ་ཕྲེང་དང་པོ་ཁྲི་ཆེན་མཁྱེན་རབ་དབང་ཕྱུག འཁྲུངས་ཡུལ་རྒྱལ་རོང་ཡིན་ཞིང་། སྐུ་གཞོན་ནུའི་དུས་སུ་འབྲས་སྤུངས་བློ་གསལ་གླིང་རྒྱལ་རོང་ཁང་ཚན་དུ་ཆོས་ཞུགས་ཐོག་གཞུང་ཆེན་སློབ་གཉེར་ལེགས་པར་གྲུབ་སྟེ། དགེ་བཤེས་ལྷ་རམས་པའི་མཚན་བཏགས་དང་དེ་ནས་རྒྱུད་སྨད་དུ་ཞུགས་ཏེ། གསང་སྔགས་ཀྱི་སློབ་གཉེར་དང་གསན་བཞེས་རྒྱ་ཆེར་མཛད། རིམ་བཞིན་བླ་མ་དབུ་མཛད་དང་། མཁན་པོ། བྱང་རྩེ་ཆོས་རྗེ་བཅས་ཀྱི་ཁྲིར་ཕེབས། རབ་བྱུང་བཅུ་བཞི་པའི་ཆུ་གླིང་ ༡༨༥༣ ལོར་དགའ་ལྡན་གྱི་ཁྲིར་ཕེབས་ཏེ། ཁྲི་ལོ་བདུན་རིང་གི་མཛད་སྒོ་རྣམས་ལེགས་པར་གྲུབ་ནས་ཟུར་བཞུགས་གནང་མུས་སུ་ཏཱ་ལའི་བླ་མ་སྐུ་ཕྲེང་བཅུ་གཉིས་པ་འཕྲིན་ལས་རྒྱ་མཚོའི་ཡོངས་འཛིན་དུ་ཕེབས།
རབ་བྱུང་བཅུ་བཞི་པའི་ཤིང་བྱི་ ༡༨༦༤ ལོར་ཡོངས་འཛིན་ཁྲི་ཟུར་མཁྱེན་རབ་དབང་ཕྱུག་ལ་གནས་སྐབས་རིང་སྲིད་སྐྱོང་གི་ལས་དོན་གནང་རྒྱུའི་སྐོར་སོགས་བོད་བཞུགས་ཨན་བན་གྱིས་ཐག་གཅོད་བྱས་ཐོག གོང་མ་ཐུང་ཁྲི་ལ་སྙན་ཞུ་ཕུལ་བ་བཞིན་རབ་བྱུང་བཅུ་བཞི་པའི་ཤིང་གླེང་ ༡༨༦༥ ལོར་སྲིད་སྐྱོང་ངོ་མའི་ཆོ་ལོ་དང་སྦྲགས་བསྐོ་གཞག་གནང་དོན་ལྟར། ལོ་བདུན་རིང་སྲིད་སྐྱོང་གནང་ཞིང། ལོ་ངོ་དྲུག་སོང་བའི་ལྕགས་ལུག་ ༡༨༧༡ ལོར་སྤྱི་ཁྱབ་མཁན་པོ་དཔལ་ལྡན་དོན་གྲུབ་དང་། བཤད་སྒྲ་བཀའ་བློན་ཚེ་རིང་དབག་ཕྱུག་མཉམ་འབྲེལ་ཐོག་བསླངས་པའི་དགའ་ལྡན་ཟིང་འཁྲུགས་ཟེར་བ་བྱུང་། དེར་ས་གནས་སྲིད་གཞུང་གིས་དྲག་གནོན་བྱས་རྗེས། དེའི་ཕྱི་ལོར་སྲིད་སྐྱོང་སྡེ་དྲུག་རིན་པོ་ཆེ་ཉིད་ཀྱང་སྐུ་གཤེགས། དེའི་རྗེས་སྐུ་ཕྲེང་རིམ་པར་བྱུང་བ་སྡེ་དྲུག་ཧོ་ཐོག་ཐུ་ཞུ་བ་དེ་ཡིན། ཁྲི་ཆེན་འདིའི་ལོ་རྒྱུས་སྐོར། འབྲེལ་ཡོད་བླ་མ་ཁག་གི་རྣམ་ཐར་ནས་ཟུར་ཙམ་ལས་མི་གསལ་ཞིང་། དེ་མིན་ལོ་རྒྱུས་ཡིག་ཆ་གཞན་དག་མ་རྙེད།