ཕྱི་ཚེས་ ༢ ཉིན་ནི་གཞོན་ནུ་ལྷན་ཚོགས་ཀྱི་ཚོགས་ཆེན་ཐེངས་ ༡༤ པའི་ཉིན་དང་པོ་ཡིན་ལ། ཉིན་དེའི་ཚོགས་ཐུན་གཉིས་པ་དང་གསུམ་པ། བཞི་བ་བཅས་ནི་ཉེ་ཆར་ཕྱིར་འཕུད་བྱས་པའི་བོད་ཀྱི་གཞོན་ནུ་ལྷན་ཚོགས་ཀྱི་དབུས་སྤྱི་ཁྱབ་རྒྱུན་ལས་ཁང་གི་ཚོགས་གཞོན་དོན་གྲུབ་རྡོ་རྗེ་ཡི་གནད་དོན་སྐོར་ལ་བགྲོ་གླེང་བྱས་པར་མ་ཟད། ཁ་སང་དགོང་མོའི་ཆུ་ཚོད་ ༩ དང་སྐར་མ་ ༣༠ ཡས་མས་བར་དུ་གནད་དོན་དེ་གླེང་སློང་བྱས་ཏེ། མཇུག་མཐར་གནད་དོན་ཐག་གཅོད་བྱེད་ཐུབ་པ་བྱུང་འདུག
དེ་རིང་ཞོགས་པར་འདི་གའི་གསར་འགོད་པས་གཞོན་ནུ་ལྷན་ཚོགས་ཀྱི་ཚོགས་གཙོ་ཚེ་དབང་རིག་འཛིན་ལགས་སུ་གནད་དོན་དེའི་སྐོར་བཅར་འདྲི་ཞུས་ནའང་། ཁོང་གིས་གསར་འགོད་པའི་བཅར་འདྲི་དང་ལེན་གནང་མེད་མོད། བོད་རང་བཙན་འཐབ་རྩོད་པ་བསྟན་འཛིན་བརྩོན་འགྲུས་ལགས་ཀྱིས་དེའི་སྐོར་གསུངས་དོན། ཁ་སང་ང་ཚོས་ཉིན་གང་བོར་གནད་དོན་དེའི་ཐད་སྦྱང་བཤད་དང་ས་གནས་ཁག་ནས་ཡོང་བའི་ཚོགས་ཞུགས་པའི་བསམ་ཚུལ་ལ་ཉན་པ། དབུས་རྒྱུན་ཟུར་པ་རྣམས་དང་ཚོགས་ཞུགས་པ་ཚང་མས་བརྩི་བཀུར་བྱེད་སའི་རྒན་ལྷ་བཟང་ཚེ་རིང་ལགས་དང་བོད་མི་མང་སྤྱི་འཐུས་ཚོགས་གཞོན་རྒྱ་རི་སྒྲོལ་མ་ལགས། བོད་མི་མང་སྤྱི་འཐུས་ཀརྨ་ཡེ་ཤེས་དང་ཀརྨ་ཆོས་འཕེལ་ལགས། ཚོགས་གཞོན་ཟུར་བ་སྒོ་དྲུག་སྐལ་བཟང་ལགས་བཅས་ཀྱིས་བཀའ་སློབ་གནང་བ་དང་། ཁོང་ཚོ་ནང་ཁུལ་གྱིས་གྲོས་བསྡུར་གནང་སྟེ་ལམ་སྟོན་གནང་བས། ལམ་སྟོན་གནང་བ་དེ་ཧ་ཅང་གི་ཕན་ཐོགས་ཆེན་པོ་བྱུང་ཞེས་གསུངས།
ཡང་ཁོང་གིས། ཁ་སང་གནད་དོན་གཙོ་བོ་དབུས་རྒྱུན་གྱིས་ཚོགས་གཞོན་དོན་གྲུབ་རྡོ་རྗེ་ལགས་ཕྱིར་འཕུད་བྱས་པ་ནོར་མེད་ཅེས་ལབ་པ་དང་། དོན་གྲུབ་རྡོ་རྗེ་ལ་རྒྱབ་སྐྱོར་བྱེད་མཁན་རུ་ཁག་ཅིག་གིས་ཕྱིར་འཕུད་བྱས་པ་འགྲིག་མི་འདུག་ཅེས་ཉིན་གང་བོར་བགྲོ་གླེང་དང་བཤད་རེས་ཤུགས་ཆེར་བྱས་མཐར། མཇུག་སྡོམ་ལྟ་བུར་ང་ཚོ་ཚང་མའི་འདོད་པ་ཁེངས་པ་བྱུང་སོང་། དེ་ནི་ཐེངས་འདིའི་ཚོགས་ཞུགས་པ་སྤྱི་མོས་ ༼ བརྒྱ་ཆ་བརྒྱ་ཡིས་ ༽ ཀྱིས་ཚོགས་གཞོན་ཟུར་པ་དོན་གྲུབ་རྡོ་རྗེ་ཡིས་ལས་ཀ་བྱས་ཐལ་ཤོར་འདུག་ལབ་པ་དང་། ཡང་དབུས་རྒྱུན་ལས་ཀྱིས་ཁོང་ཚོགས་གཞོན་ནས་ཕྱིར་འཕུད་བྱས་པ་འགྲིག་མིན་ཐད། ཚོགས་ཞུགས་པ་མང་མོས་ཀྱི་ངོས་ནས་དབུས་རྒྱུན་ལས་ཀྱིས་སྒྲིག་གཞི་དང་འགལ་ཏེ་ཕྱིར་འཕུད་བྱས་འདུག་ཅེས་ཐག་བཅད་དེ། གཞོན་ནུའི་ཚོགས་གཞོན་དོན་གྲུབ་རྡོ་རྗེས་བྱས་ཐལ་ཤོར་བར་བཟང་སྤྱོད་ཐོག་དགོངས་པ་ཞུ་དགོས་ཞེས་བརྗོད་པ་དང་། དབུས་རྒྱུན་ལས་ཀྱིས་ཀུན་སློང་ལ་སྐྱོན་མེད་ནའང་སྒྲིག་གཞི་དང་མ་མཐུན་སྟབས། ༧གོང་ས་མཆོག་གི་སྐུ་པར་ལ་ཕྱག་གསུམ་འཚལ་ཏེ་མཇལ་དར་ཕུལ་ནས་དགོངས་སེལ་ཞུ་རྒྱུ་བཅས་ཀྱི་ཐག་གཅོད་བྱུང་།
ཡིན་ནའང་། ཚོགས་གཞོན་གྱིས་བཟང་སྤྱོད་ཐོག་དགོངས་པ་མ་ཞུས་པར་མ་ཟད། སྤྱི་འཐུས་ཚོགས་གཞོན་རྒྱ་རི་སྒྲོལ་མ་ལགས་ཀྱིས་དམིགས་བསལ་ཐོག་ཐེངས་འདིའི་སྤྱི་མོས་ཀྱིས་ཐག་ཆོད་བཞིན། རང་འགུལ་གྱིས་དགོངས་པ་ཞུ་རྒྱུའི་རེ་འདུན་ཞུས་ནའང་དང་ལེན་བྱས་མ་སོང་། དེར་བརྟེན་མཇུག་མཐར་ཁོང་རྩ་དགོངས་ཞུ་དགོས་པའི་ཐད་མང་མོས་ཀྱི་རྒྱབ་སྐྱོར་བྱུང་སྟབས། ཁོང་གིས་གཞི་ནས་དགོངས་པ་ཞུས་པ་རེད་ཅེས་གསུངས།
དེ་ལྟར་བོད་རང་བཙན་འཐབ་རྩོད་པ་བསྟན་འཛིན་བརྩོན་འགྲུས་ལགས་ཀྱིས། གཞོན་ནུའི་ཚོགས་ཆེན་ཉིན་དང་པོར་ཚོགས་གཞོན་ཁོང་མང་མོས་ཀྱི་ཐག་གཅོད་ལྟར། དབུས་རྒྱུན་གྱིས་ཚོགས་གཞོན་ནས་ཕྱིར་འཕུད་བྱས་པ་ཕྱིར་འཐེན་དང་ཚོགས་གཞོན་གྱིས་བཟང་སྤྱོད་ཐོག་ཚོགས་གཞོན་ནས་དགོངས་པ་ཞུས་སྟབས། ཚང་མ་འདོད་པ་ཁེངས་པ་བྱུང་སོང་ཞེས་གསུངས་ཡོད་ལ། ཨ་རིའི་ནེའུ་རྗར་སི་ནས་ཕེབས་པའི་ས་གནས་ཀྱི་ཚོགས་གཙོ་ཟུར་བ་ཕུར་བུ་ཚེ་རིང་ལགས་ཀྱིས་ཀྱང་། ང་ཨ་རི་ནས་ཚོགས་འདུ་འདིར་བཅར་སྐབས་ནས་མིང་ཡོད་པའི་བོད་ཀྱི་གཞོན་ནུ་ལྷན་ཚོགས་འདི་བཞིན། ནང་ཁུལ་དུ་རྩོད་རྙོག་མེད་པ་ཞིག་བྱུང་ན་བསམ་ནས་བཅར་བ་ཡིན་ལ། དེ་གཞིར་བཟུང་མཐའ་མའི་ཐག་གཅོད་དེ་ཧང་སང་དགོས་པའི་ཡག་པོ་བྱུང་སོང་། འདོད་པ་ཁེངས་པ་མ་ཟད་ཁ་སང་དགོང་མོར་གཉིད་ཀྱང་ཧ་ཅང་ཡག་པོ་ཁུག་ཐུབ་པ་བྱུང་སོང་ཞེས་གསུངས།
དེ་ལྟར་ཕྱི་ཚུལ་ནས་བལྟས་ན་གནད་དོན་འདི་ལྟར་མཇུག་སྒྲིལ་ཚར་བའི་རྣམ་པ་འདུག་ཀྱང་། ཝར་ཎ་ས་གནས་ཀྱི་གཞོན་ནུའི་ཚོགས་གཙོ་ཟུར་པ་བཅོ་ལྔ་ཚེ་རིང་ལགས་ཀྱིས། ཐེངས་འདིར་ཚོགས་གཞོན་གྱི་གནད་དོན་ཐག་གཅོད་བྱེད་སྟངས་ཐད་འདོད་པ་ཁེངས་ནའང་། ཚོགས་གཞོན་གྱིས་དགོངས་པ་ཞུ་སྟངས་ཐད་འདོད་བློ་ཁེངས་པ་གཏན་ནས་བྱུང་མེད་སྐོར་གསུངས་དོན། ཁོང་གཞོན་ནུ་ཚོགས་གཞོན་ནས་དགོངས་པ་ཞུ་གི་ཡོད་ཟེར་བ་ཙམ་ལས། རྒྱུན་ལས་དང་ཚོགས་མི་ནས་དགོངས་པ་ཞུ་གི་ཡོད་ཅེས་དགོངས་པ་ཞུ་སྟངས་ཁ་གསལ་བོ་མེད་པ་བཟོས་ཐོག ཁོས་རང་གི་ཕྱོགས་གཏོགས་ཀྱི་མི་དེ་ཚོས་ལས་ཀ་གང་འདྲ་ཞིག་བྱེད་ཀྱིན་འདུག ཁོ་རང་ཉིད་ཀྱིས་ཀྱང་དེ་འདྲ་ཞིག་བྱས་ཏེ་སྤྱི་ཡོངས་ཀྱི་གཞོན་ནུ་ལྷན་ཚོགས་ཀྱི་སྒྲིག་འཛུགས་ལ་བརྩི་བཀུར་དང་བསམ་བློ་བཏང་མ་སོང་། ཞེས་གསུངས།
ཡང་ཁོང་གིས་མང་མོས་ཐོག་དབུས་རྒྱུན་ལས་ཀྱིས་ཐག་གཅོད་བྱེད་སྟངས་འགྲིག་མེད་པར་ཐག་བཅད་པའི་ཐད། ངས་བསམ་བློ་བཏང་ན་གཞོན་ནུ་ལྷན་ཚོགས་ནང་དུ་ཡོད་པའི་ཚོགས་མི་ཚང་མས་ད་དུང་ཡང་གཞོན་ནུ་ལྷན་ཚོགས་ཀྱི་སྒྲིག་གཞི་དེ་ཡག་པོ་ཞིག་ཤེས་རྟོགས་བྱུང་མེད་སྟབས། ལྟ་བ་མང་བོ་ཞིག་ལྷག་འདུག་བསམ་པ་ཞིག་འདུག སྒྲིག་གཞིའི་ནང་དུ་དབུས་སྤྱི་ཁྱབ་རྒྱུན་ལས་རྣམས་ཀྱིས་ཐག་གཅོད་ཅིག་བྱས་ན་དེ་ག་རང་ལ་བརྩི་བཀུར་བྱ་དགོས་པ་གསལ་ཡོད། དཔེར་ན། མི་ཞིག་འཆི་གྲབས་ཡོད་སྐབས་དང་ཐོག་མི་རང་ཉིད་གཤག་བཅོས་བྱ་རྒྱུ་ལས། མི་དེས་འགེངས་ཤོག་བརྒྱངས་ཡོད་མེད་ཀྱི་སྐད་ཆ་བཤད་རྒྱུ་ལྷག་མེད་ལ། མ་ཤི་བར་འཇོག་ཐབས་མེད་པ་དེ་ཤེས་དགོས་ཞེས་དཔེ་མཚོན་གྱི་སྒོ་ནས་གསུངས།
གསར་འགོད་པ། ཨ་རིག་འགྱུར་མེད།
སྤྱིར་བཏང་ང་ལ་མཚོན་ན་གཞོན་ནུ་་ལྷན་ཚོགས་ནི་ཡིད་ཆེས་དང་རེ་བ་ཆེ་ཤོས་བྱེད་སའི་ཚོགས་པ་ཞིག་ཡིན་འོན་གྱང་ན་ནངས་དོ་ཚིགས་འདི་ཚོར་་ོབཤད་རྒྱུ་གཏམ་རྒྱུ་ཇེ་མང་ཇེ་མང་རེད།ཡང་་་་་་་་་་་་་་་་་
ལས་དོན་འདི་རིགས་ལམ་འགྲོ་ཡོང་བ་ལ་བཀྲ་ཤིས་བདེ་ལགས་ཡོད།
གསར་འགོད་པས་ས་མཚམས་ལས་བརྒལ་འགྲོ་ཀྱིན་འདུག རྒྱལ་ཁབ་ཚང་མར་གསང་བ་ཡོད་པ་རེད། དེ་སྤྱི་འགྲོས་རེད། འོན་ཀྱང་དུས་བབ་ཚང་ལ་ཞུ་རྒྱུར་ཁྱེད་ཚོས་གསར་འགྱུར་ལ་ས་མཚམས་ཏོག་ཙམ་ཡང་མིན་འདུག
ཕྱོགས་གཅིག་ནས་བཤད་ནས་ཁྱེད་ཚོས་གསར་འགོད་བརྒྱུད་བསྒྲགས་བྱེད་སྟངས་དེས་སྤྱི་ཚོགས་ཐུག་པ་བཞིན་དཀྲུག་གིན་འདུག
སྔོན་མ་སྤྱི་འཐུས་ཀྱི་རྙོག་གླེང་སྐབས་གནས་ཚུལ་གསལ་པོ་མ་ཆགས་གོང་ནས་ཁྱེད་ཚོས་གསར་འགྱུར་སྤེས་ཚར་འདུག ཤེས་པར་གྱིས་ཤིག ཁྱེད་ཚོར་གསར་འགོད་ལས་རིགས་ཀྱི་ཟབ་སྦྱོང་མང་ཙམ་བྱ་དགོས་པ་འདུག ཁ་ཞེ་གཉིས་མེད་ཡིན།
བཟང་སྤྱོད་དང་ལུགས་མཐུན་ཐོག་ཟེར་བ་ནི་ཕྱི་ཚུལ་གྱི་བཤད་སྟངས་ཤིག་ཏུ་གྱུར་འདུག ངས་ཀྱང་བཅར་འདྲིའི་སྐབས་དེ་ལ་དོགས་འདྲི་བྱས་མོད། ཁོང་ཚོས་བཙན་གྱིས་དེ་ལྟར་འགྲེལ་གྱིན་འདུག
དཔེར་ན། ལུགས་མཐུན་དང་བཟང་སྤྱོད་ཐོག་དགོངས་པ་མ་ཞུས་སྟབས། མཇུག་མཐར་མང་མོས་ལྟ་སྐབས་མང་མོས་བྱུང་འདུག ཡིན་ནའང་། བར་སྐབས་དེར་མང་མོས་ཀྱིས་ཐག་གཅོད་པ་ཡིན་ཞེས་མ་བསྒྲགས་པའི་སྔོན་ཏག་ཏག་དེར། ཚོགས་གཞོན་གྱིས་རང་འགུལ་གྱིས་དགོངས་པ་ཞུས་པའི་བཟོ་ལྟ་བསྟན་འདུག འཁྲབ་སྟོན་ལྟ་བུ་རེད། ངོ་མ་ཡིད་སྐྱོ་གི
དེ་ཏག་ཏག་རེད། ང་ཚོས་བཀྲ་མི་ཤིས་པའི་དོན་དག་གཏན་ནས་མ་གོ་ཡག
གོང་ས་མཆོག་གི་སྐུ་པར་ལ་ཕྱག་གསུམ་འཚལ་ཏེ་མཇལ་དར་ཕུལ་ནས་དགོངས་སེལམ་ཞུས་པ་རེད་དམ་
ཚོགས་གཞོན་གྱིས་བཟང་སྤྱོད་ཐོག་དགོངས་པ་མ་ཞུས་པ་རེད
ཤེས་མ་སོང་།
དགོངས་སེལ་ཞུས་ན་ཚོགས་གཞོན་དུ་བཀོད་རྒྱུ་རེད་དམ་
བཟང་སྤྱོད་ཐོག་དགོངས་པ་ཞུས་ནས་ཚོགས་པ་ནས་ཐོན་འགྲོ་དགོས་པ་རེད
ཧ་གོ་མ་སོང་།
ལུགས་དང་མི་མཐུན་པའི་ལས་ཀ་བྱས་ནས། སྐད་ཆ་་བཤད་ཚར་དུས་ད་དུང་ལུགས་མཐུན་ཐོག་དགོངས་ཞུ་ཞེས་པ་ཞིག་ག་ནས་ཡོང་དགོས་པ་རེད།
བོད་ཕྱི་ནང་གཉིས་ཀྱི་སྤྱི་ཚོགས་ཀྱི་འགྲིག་མཐུན་གྱི་གསེར་ཟམ་དང་སྟོབས་ཤུགས་གཅིག་སྒྲིལ་ཀྱི་ལྕགས་རིའི་ངོ་གྱུར་ན་རྗེས་སུ་ཡི་རངས་ཞུ་ལ། དེ་མིན། ཉེ་བའི་ལོ་འདི་འགའི་རིང་ལ་བོད་ནང་དུ་དམྱལ་བ་མི་ཡུལ་དུ་འཕོས་པ་ལྟ་བུའི་དཀའ་ཁག་ཅིག་བྱུང་བཞིན་པའི་སྐབས་འདིར། གཞིས་སྲུང་སྤུན་ཟླ་དག་གིས་རང་གི་དམར་པོ་སྲོག་ཀྱང་གདའ་མར་བཞག་སྟེ་བཙན་གནོད་ཀྱི་བྲག་རི་གཏོར་བར་མ་གྲོས་གཅིག་མཐུན་གྱི་གདོང་ལེན་བྱེད་བཞིན་པར་ཟུར་བལྟས་དཔེ་ལེན་ཙམ་ཡང་མེད་པར། དབྱེན་དང་ཕྲ་མའི་རྒྱུ་རུ་གྱུར་ན་དེ་ཚོར་བོད་མི་ས་ཡ་དྲུག་གིས་གཏོར་ཟློག་དམོན་པ་དང་དགག་བཞག་མཆིལ་མ་ཕོངས་ཤིག