རྒྱ་རི་སྒྲོལ་མ། “ང་བཀའ་བློན་ཁྲི་པའི་འོས་གཞིར་ལངས་པ་ཡིན”

གལ་སྲིད་མི་ཞིག་ལ་བློ་དང་རིག་པ། ད་དུང་རང་གི་སྙིང་དེའི་གསེང་ན་རུས་པ་ཞིག་ཡོད་ན་དྲི་བ་འདི་འབུལ་རོགས། ( ཁྱོད་རང་བཀའ་ཁྲིར་ལངས་པ་རེད། དེས་ན་བོད་པའི་སྤྲུལ་སྐུའི་ལམ་ལུགས་འདི་ལ་དགོངས་ཚུལ་ཅི་ཡོད། དཔེར་ན། རྒྱ་རི་ཚང་གི་བུ་དང་ཚ་བོ། དེ་ནས་ཡང་ཚ་དང་བཅས་པ་སྤྲུལ་སྐུ་རྐྱང་རྐྱང་ཡིན་པ་འདིར་དགོངས་ཚུལ་ག་རེ་ཡོད། དེ་བཞིན་དུ་སྤྲུལ་སྐུ་མིན་པའི་བོད་པའི་བྱིས་པ་ཚོ་དང་། མི་སྐྱ། མི་རྐྱང་དེ་དག་གི་མི་ཚེ་རིན་ཐང་ལ་ཁྱེད་སྒེར་ངོས་ནས་ལྟ་ཚུལ་ཅི་ཞིག་ཡོད། བོད་པའི་མི་ཚང་དཀྱུས་མ་དེ་དག་གི་ནང་དུ་སྤྲུལ་སྐུ་འདི་འདྲའི་མང་པོ་མང་པོ་ཞིག་འཁྲུངས་སྲིད་གི་རེད་དམ།

ད་དུང་སྒེར་གྱི་དྲི་བ་མང་པོ་ཞིག་སྟར་སྒྲིག་ནས་ཡོད་པ་དེ་དག་རེ་རེ་ལ་བཀའ་ལན་གྱི་གོ་སྐབས་རེ་གནང་རྒྱུའི་རེ་བ་ཤིན་ཏུ་ཆེ།

རིན་ཆེན་ཚེ་རིང་། (ལྡི་ལི།)

བཀུར་འོས་རྒྱ་རི་སྒྲོལ་མ་ལགས་ཁྱེད་རང་བཀའ་ཁྲི་གནང་ན་བོད་ཀྱི་བུད་མེད་ཚོའི་ཆེ་མཐོང་དང་ ཁ་མིག་ཡར་ལྟ་བྱེད་ས་ཞིག་བརྒྱ་ཆ་བརྒྱ་ཆགས་ཀྱི་རེད་ འོན་ཀྱང་ང་ཚོའི་རྩ་དོན་ལ་སྔར་གྱི་འགྲོ་སྟངས་དེ་ལས་འགྱུར་བ་ཞིག་གཏན་ནས་ཡོང་གི་མ་རེད་བསམ་གྱི་འདུག།
བུད་མེད་ཞིག་བཀའ་ཁྲི་ལ་ཕེབས་པ་བོད་མི་མང་གི་གཟི་བརྗེད་རེད་དེ་ གུས་ལ་དགོས་པ་ནི་འགྱུར་བ་ཞིག་དགོས་ཡ་དེ་རེད་། གྲགས་འགུལ་དང་ ཚོར་ཤུགས་ཅི་ཡང་མེད་པའི་ད་ཡོད་བོད་ཀྱི་འཐབ་རྩོད་འདི་ལ་བལྟས་བལྟས་ནས་ང་སྨྱོན་པ་ཆགས་གྲབས་བྱེད་ཀྱི་འདུག་། དངོས་གནས་ཡིན་ བཀུར་འོས་རྒྱ་རི་སྒྲོལ་མ་ལགས་དང་ བཀུར་འོས་བཀྲས་མཐོང་ལགས་སོགས་མི་ལོ་མང་པོ་རིང་སྤྱི་དོན་ལ་དཀའ་ལས་བརྒྱབས་པ་དེར་སྙིང་ཐག་པ་ནས་ཐུགས་རྗེ་ཆེ་ཞུ་ཡ་ཡིན། འོན་ཀྱང་ཡང་བསྐྱར་ཕེབས་ན་རང་འཇགས་རེད་།
འོན་ཀྱང་གུས་པས་རེ་བསྐུལ་ལ་བཀའ་ཁྲི་འོས་གཞི་ནས་ཕྱིར་འཐེན་གནང་རོགས་ཞེས་ཞུ་བ་འཐེན་བརྒྱི་ཡོད་།
ད་རེས་བློ་རིག་བཀྲ་བའི་གཞོན་ནུ་བློ་བཟང་སེང་གེ་ལ་གོ་སྐབས་སྤྲད་གོས་
དགོས་པ་རྒྱུ་མཚན་ནི་གུས་ཀྱིས་གཤད་མི་དགོས་པ་གཤམ་གྱི་མཆན་དག་ལས་གཟིགས་རོགས།

གསར་འབྱོར།
༢༠༡༠/༠༨/༠༤ ཉིན་འདོན་སྤེལ་བྱས། ད་ལྟའི་འཛམ་གླིང་གི་དབུ་ཁྲིད་འདེམས་པའི་འཕོ་འགྱུར་གྱི་ཁ་ཕྱོགས་ནི་མི་རབས་གསར་བའི་སྣེ་ཁྲིད་ཐུབ་མཁན་གྱི་ན་གཞོན་འཛམ་གླིང་རང་བཞིན་གྱི་མཁྱེན་རྒྱ་དང་ཤེས་རྟོག་ཡོད་མཁན་གྱི་མི་སྣ་ཞིག་རྒྱལ་ཁབ་ཀྱི་དབུ་ཁྲིད་དུ་བདམས་ཏེ། ཁོང་གི་ཤེས་འཇོན་ལ་བརྟེན་ནས་མིག་སྔའི་ཛ་དྲག་གི་གནས་བབས་དང་འབྱུར་འགྱུར་གྱི་བྱ་བཞག་མཐའ་དག་འཆར་གཞི་ལྡན་པའི་སྒོ་ནས་ལེགས་འགྲུབ་ཡོང་རྒྱུར་རེ་བ་བྱེད་བཞིན་ཡོད་པ་ནི་ཨ་རི་དང་དབྱིན་ཡུལ་གྱི་ད་ལྟའི་འོས་བསྡུའི་རྒྱལ་ཁ་ལས་ང་ཚོས་གསལ་བོར་རྟོག་ནུས། དེ་མཚུངས་ང་ཚོ་བོད་མི་གཞོན་སྐྱེས་དག་གིས་ཀྱང་འདས་ཟིན་གྱི་ཉམས་མྱོང་གཞིར་བྱས་ཏེ་འབྱུར་འགྱུར་གྱི་བཀའ་བློན་ཁྲི་བ་དེ་གཞོན་ཤེས་འཇོན་ལྡན་པ་ཞིག་ཡོང་རྒྱུར་རེ་བ་བྱེད་བཞིན་ཡོད་པ་ལྟར། འཛམ་གླིང་ཁྲིམས་ལུགས་ཀྱི་མཁྱེན་ཡོན་ལྡན་ཞིང་། རྒྱ་བོད་དཔོན་རིགས་ཀྱི་འབྲེལ་བ་ཟབ་པ། འཕོ་འགྱུར་མདུན་སྐྱོད་ཀྱི་སྤོབས་པ་ཡོད་ལ། བཀའ་སློབ་ལམ་སྟོན་གྱི་སྨྲ་ལྕེ་བདེ་བ། ལྷག་བསམ་རྒྱལ་ཞེན་གྱི་ལྟ་བ་བརྟན་ཅིང་། འདས་ཟིན་ལོ་རྒྱུས་ཀྱི་སྤྱོད་ལམ་གཙང་བ། བོད་མིའི་སྤྱི་ཚོགས་ཀྱི་ཤེས་རྟོག་ཟབ་ལ། རྒྱ་མིའི་ཆབ་སྲིད་ཀྱི་གཡོ་ཅུས་མཁྱེན་པ། སྔོན་བྱུང་ལོ་རྒྱུས་ཀྱི་མཁྱེན་རྒྱ་ཆེ་ཞིང་། ད་ལྟའི་འཕོ་འགྱུར་གྱི་ཁ་ཕྱོགས་ཟིན་ལ། འབྱུར་འགྱུར་ལས་འཆར་གྱི་དམ་བཅའ་བརྟན་པ། རྒྱལ་བའི་དགོངས་དོན་བཞིན་དབུ་མ་སྐྱོང་བ། ཆོས་ལུགས་རིས་མེད་ལ་དད་སེམས་ཆེ་ཞིང་། ཆོལ་གསུམ་ཁ་ཁ་ཡི་བསམ་ཚུལ་མེད་པ། གསར་རྙིང་དབྱེ་འབྱེད་ཀྱི་ཕྱོགས་ཞེན་མེད་ལ། བོད་མིའི་སྤྱི་ཚོགས་ཀྱི་ནད་རྙིང་མེད་པ། འཛམ་གླིང་ཤར་ནུབ་ཀྱི་མཐོང་རྒྱ་ཆེ་ཞིང་། ཧར་ཝར་སློབ་ཆེན་གྱི་ཐོས་རྒྱ་ཆེ་བ། མ་འོངས་ཕུགས་འདུན་གྱི་ལྟ་རྒྱ་ཆེ་ལ། འབྱུང་འགྱུར་བཀའ་བློན་ལ་རེ་བ་ཆེ་བ། སོགས་ཀྱི་ཡོན་ཏན་བརྗོད་ཀྱིས་མི་ལོངས་པ་ཡོད་པའི་མཁས་དབང་བློ་བཟང་སེང་གེ་མཆོག་བཀའ་བློན་ཁྲི་བར་ཕེབས་རྒྱུའི་རེ་བ་དང་རྒྱབ་སྐྱོར་ཞུ་རོགས་ཤེས་དམིགས་གསལ་བོད་མི་གཞོན་སྐྱེས་ཚོ་ལ་རེ་སྐུལ་ཞུ་བཞིན་ཡོད།

༥༨༽ སྟག་སྨྱོན་ནས།
སྤྱི་ལོ་ ༢༠༡༠ ཟླ་ ༨ ཚེས་ ༡ གི་ཆུ་ཚོད་ ༣ སྐར་མ་ ༡༣
༡། རྩ་དོན་༧གོང་ས་མཆོག་གཙོའི་གནད་ཡོད་མང་པོས་བཀའ་ཁྲིའམ་དབུ་ཁྲིད་ན་གཞོན་ཞིག་སླེབས་རྒྱུ་ཧ་ཅང་གལ་ཆེན་པོ་གཟིགས་ཀི་ཡོད་རེད། འདི་ཆེས་མཐར་ཐུག་གི་གལ་ཆེའི་རྩ་དོན་ཞིག་ཆགས་ཡོད་པས་བོད་མི་ཚོས་ངེས་པར་ལག་ལེན་ཁེལ་དགོས་པ་ཞིག་རེད། བྱས་ཙང་བློ་བཟང་སེང་གེ་ལ་རྒྱབ་སྐྱོར་མེད་མཁན་ཚོས་འོས་མཚམས་ཀྱི་ན་གཞོན་གཞན་ཞིག་གི་མིང་བཏོན་ཤོག གང་ལྟར་བསྟན་འཛིན་རྣམ་རྒྱལ་ལྟ་བུ་མི་རྒན་སྔ་མོ་ནས་ལས་འཁྱུར་ཟིན་པ་ཞིག་སླར་ཡང་སླེབས་རྒྱུའི་རེ་གནང་གི་ཡོད་མ་རེད།
༢། ངས་བློ་བཟང་སེང་གེའི་ཆ་རྐྱེན་གསུམ་ལ་ལྟ་གི་ཡོད། དང་པོ་ཤེས་ཡོན་གྱིས་འདང་བ་ཡོད་པ། གཉིས་པ་༧གོང་ས་མཆོག་གཙོའི་ང་ཚོའི་རེ་བ་བརྒྱག་བཞིན་པ་ནང་བཞིན་གྱི་ལོ་ཚོད་དག་དག་ཡིན་པ། གསུམ་པ་ཁོ་རང་ལ་བཀའ་ཁྲི་བྱེད་རྒྱུར་སེམས་ཤུགས་དང་གསོན་ཤུགས་འདང་བསྡད་པ་བཅས་རེད།
༣། ངོས་སུ་ཁོས་བཀའ་ཁྲི་གང་འདྲ་ཞིག་བྱེད་ཐུབ་མིན་ང་ཚོས་བཤད་མི་ཐུབ། ག་འདྲ་བྱས་ཡོང་བསམ་པའི་སེམས་ཁྲེལ་ཡང་ཡོང་གི་འདུག འོན་ཀྱང་འདི་ལྟར་ང་ཚོས་ཐེ་ཚོམ་བྱས་བསྡད་ན་ནམ་ཡང་མི་གསར་བ་ཞིག་སླེབས་ཐབས་ཡོད་པ་མ་རེད། ད་ལམ་བློ་བཟང་སེང་གེ་ཚོད་ལྟ་བྱེད་སྤྱད་ལ་འོས་མཚམས་མཐོང་གི་འདུག གལ་སྲིད་ཁོས་སྡུག་པོ་ཞིག་བྱས་པ་ཡིན་ནའང་ཧ་ལས་ས་མ་རེད། ནམ་རྒྱུན་ནང་བཞིན་རེད། ང་ཚོ་ད་བར་དེ་འདྲའི་དཀའ་སྡུག་འཕྲད་འཕྲད་པར་ཡོང་བ་རེད། མུ་མཐུད་རྨ་ཁ་ལག་པར་སྐྱོར་ཞོར་ལ་རེ་བ་གསར་བ་ཞིག་བཙལ་ནས་འགྲོ་རྒྱུ་རེད། གང་ལྟར་རེ་ཡག་ས་ནས་བརྒྱབ་གྲ་སྒྲིག་སྡུག་ས་ནས་བྱེད་བཞིན་བློ་སེང་འདེམས་ན་མ་རེད་པས།

༥༩༽ སྟག་སྨྱོན་ནས།
སྤྱི་ལོ་ ༢༠༡༠ ཟླ་ ༨ ཚེས་ ༡ གི་ཆུ་ཚོད་ ༣ སྐར་མ་ ༡༥
ངས་བློ་བཟང་སེང་གེའི་ཆ་རྐྱེན་གསུམ་ལ་ལྟ་གི་ཡོད། དང་པོ་ཤེས་ཡོན་གྱིས་འདང་བ་ཡོད་པ། གཉིས་པ་༧གོང་ས་མཆོག་གཙོའི་ང་ཚོའི་རེ་བ་བརྒྱག་བཞིན་པ་ནང་བཞིན་གྱི་ལོ་ཚོད་དག་དག་ཡིན་པ། གསུམ་པ་ཁོ་རང་ལ་བཀའ་ཁྲི་བྱེད་རྒྱུར་སེམས་ཤུགས་དང་གསོན་ཤུགས་འདང་བསྡད་པ་བཅས་རེད།

རྒྱང་རིང་།
༢༠༡༠/༠༧/༢༩ ཉིན་འདོན་སྤེལ་བྱས། བོད་པ་ལ་ཤུལ་འཛིན་དགོས་ན་གཞོན་རབས་འདི་ཁྲི་པར་དགོས།
བོད་པ་ལ་གསར་གཏོན་དགོས་ན་གཞོན་རབསའདི་ཁྲི་པ་དགོས།
བོད་པ་ལ་རེ་བ་དགོས་ན་གཞོན་རབས་འདི་ཁྲི་པ་དགོས།
བོད་པ་ལ་སྙིང་སྟོབས་གསར་པ་དགོས་ན་བཞོན་རབས་འདི་ཁྲི་པ་དགོས།

བྱམས་རྒྱལ།
༢༠༡༠/༠༧/༢༨ ཉིན་འདོན་སྤེལ་བྱས། གསར་གཏོད་གྱི་རང་བཞིན་ དེང་རབ་ཀྱི་འགྲུས་དང་མཐུན་པ་ དེང་དུས་ཀྱི་ཤེས་ཡོན་དང་ དེའི་ཁར་བློ་རིག་བཀྲག་བ་དང་ ལྷག་བསམ་ཡང་ཡོད་མཁན་ རྒྱལ་སྤྱིའི་སྟེང་འབྲེལ་ལམ་ཡང་ཡོད་མཁན་ དངས་བླངས་ཀྱི་བཀའ་ཁྲི་མཁས་དབང་བློ་བཟང་སེང་གེ་ལགས་ཁྱེད་དུས་ལ་བབ་འདུག་དྲན། ཁྱེད་ལ་འཆར་གཞི་འདུག་ལ་ དཀའ་ལས་ཀྱང་བརྒྱབ་སོང་། དཀའ་ལས་ལ་འབྲས་བུ་ཞིག་ཡོད་ངེས་
གང་ལྟར་རང་རེའི་རྩ་དོན་འདི་འགུལ་བསྐྱོད་ཏོག་ཙམ་ཞིག་ཐེབས་ན་ཅི་མ་རུང་།
དེ་མིན་བཀའ་ཁྲི་སུ་ཕེབས་ནའང་བོད་དོན་ལ་འགྱུར་བ་ཞིག་ཐེབས་ཡོང་བསམ་པ་མི་དྲན་འདུག་།།

རིག་པའི་རལ་གྲི།
༢༠༡༠/༠༨/༠༣ ཉིན་འདོན་སྤེལ་བྱས། མཁས་དང་གྲུབ་པའི་བཀའ་བློན་གདམ་བརྩིས་མེད། །ཀླད་རྙིང་ཕྱོགས་ཞེན་ཅན་ལ་རེ་བ་མེད། །རང་ལྟ་བརྟན་པོ་མེད་ལ་ཡིད་ཆེས་མེད། །གང་ནས་བལྟས་ཀྱང་མཚམ་ཤོས་ཁྱེད་རང་རེད།
ཡོང་ཁུང་གང་ནས་ཡིན་ཡང་ཇུས་དོག་མེད། །ཚར་ས་ག་བར་ཡིན་ཡང་ཁྱད་པར་མེད། །དགོས་པའི་མཁྱེན་རྒྱ་ཆེ་བའི་གཞོན་ནུ་ཁྱེད། །ཐེང་འདིའི་བཀའ་བློས་འོས་ཤོས་ཁྱེད་རང་རེད།

༡༡༽ ཀླུ་སྨྱོན་ནས།
སྤྱི་ལོ་ ༢༠༡༠ ཟླ་ ༨ ཚེས་ ༤ གི་ཆུ་ཚོད་ ༡༢ སྐར་མ་ ༣༦
རྒྱ་རི་སྒྲོལ་མ་རྒྱ་གར་མི་སེར་རེད། །
བསྟན་འཛིན་རྣམ་རྒྱལ་ཉམས་མྱོང་རྙིང་པ་རེད། །
བློ་བཟང་སེང་གེ་གངས་སེང་དངོས་མ་རེད། །
བཀའ་ཁྲིའི་འོས་ཤོག་འཕེན་ན་ཁོང་ལ་འཕོངས། །
རང་གིས་བཀའ་ཁྲིའི་འོས་ཤོག་མི་འཕེན་པའི་དམ་བཅས་ན་ཡང་འོས་ཤོག་འཕེན་འདོད་ཡོད་མཁན་དག་ལ་ངར་ཆུ་བླུགས་པ་ཙམ་ཞིག་གོ

ད་ཡིན་ན་རྩིས་ཤིག་སྐོར་དགོས་པ་འདྲ།

ལོ་ ༡༨ ནས་ ༣༨ བར་གྱིས་གཙོ་ཆེ་བར་བློ་བཟང་སེང་གེ་ལ་འོས་འཕེན་གི་རེད། བཙན་བྱོལ་བོད་མིའི་མི་འབོར་གྱི་བརྒྱ་ཆ་ ༤༠ ཡིན་པ་ཡོད།

ལོ་ ༣༨ ནས་ ༥༨ བར་གྱིས་རྒྱ་རི་སྒྲོལ་མ་ལ་འོས་འཕེན་པར་ཆ་ཞོག (མ་མཐར་ཡང་) བོད་མིའི་མི་འབོར་གྱི་བརྒྱ་ཆ་ ༣༥ ཡིན་པ་ཆ་ཞོག

ལོ་ ༥༨ ནས་ ༧༨ བར་དུ། བཀྲས་མཐོང་བསྟན་འཛིན་རྣམ་རྒྱལ། བརྒྱ་ཆ་ ༢༥ མ་གཏོགས་ལྷག་མི་འདུག

འདི་ཚོ་ཚོད་རྩིས་ཡིན་ད།

རྒྱ་རི་སྒྲོལ་མ་བཀའ་ཁྲི་འོས་གཞི་ནང་སླེབས་པ་ཐུགས་རྗེ་ཆེ། ཉིད་ཀྱི་རྒྱལ་ཁབ་ཐོབ་པའི་སྨོན་འདུན་ཞུ་གིན་ཡིན།་ཤུགས་རྒྱོབ་ཨ།

མི་ལོ་ཉི་ཤུའི་ནང་གོ་མ་མྱོང་བ་དང་བཤད་མ་མྱོང་བའི་སྐད་ཆ་གསར་པ་མང་པོ་ཐོན་ཡོང་གི་འདུག ད་བར་དུ་འགམ་འཁུར་བ་ཞིག་གི་མིང་ཐོག་ནས་བསྡད་ཀྱང་བོད་དོན་ལ་འདི་ཕན་སོང་སྙམ་པའི་ལས་ཀ་ཞིག་སྟོན་རྒྱུ་ཨེ་ཡོད་ན། ད་གང་ལྟར་བཀའ་ཁྲི་ཟེར་བ་འདི་ལྟར་ང་ཡིན་ཁོ་ཡིན། ང་ལ་འོས་ཕངས་ཤོག ཟེར་མཁན་དག་ཐོན་ཡོང་པ་དགའ་བའི་གནས་རེད།

ཨོ་ཡ་་་་་ ད་ཡིན་ན་ངའི་ལག་གི་འོས་ཤོག་གཅིག་དེ་་་་་་་ ད་སུ་ལ་འཕེན་དགོས་མ་ཤེས་པ་འདྲ་ཞིག་ཆགས་སོང་། རྒྱ་རི་སྒྲོལ་མ་ཡང་འོས་ཁུངས་སུ་ལངས་ཆོག་ཆོག་ཅིག་རེད། དེ་ཙམ་དུ་མ་ཟད། བུད་མེད་ཅིག་འདི་ལྟར་ལངས་པ་ཐོག་མ་ཡིན་པས། ངས་འོས་ཤོག་འདི་་་་་་་ ཨ་་་ཡ་་་་ ད་ངོ་མ་མགོ་རྙོག་སོང་་་་་་།

རྒྱལ་རི་སྒྲོལ་མས་དང་ལེན་གྱིས་བཀའ་ཁྲིའི་འོས་གཞིར་བཞེངས་པར་རྗེས་སུ་ཡི་རངས་ཡོད། འོན་ཀྱང་། ང་ལ་མཚོན་ན་ནི། བུད་མེད་ཅིག་གིས་རྒྱལ་ཁབ་ཅིག་གི་དབུ་ཁྲིད་དགོས་པའི་དུས་སུ་སླེབས་སོང་བ་འདི་ནི། ངས་བུད་མེད་མཐོང་ཆུང་བྱས་པ་མིན་རུང་། ཉམས་ཆགས་མང་པོ་ཞིག་གི་སྔ་ལྟས་རེད་ཅེས་ཁ་ཚོད་གཅོད་ནས་བཤད་ཆོག དཔེར་ན། རྒྱལ་ཁབ་གཞན་དག་དུ་ཡང་བུད་མེད་ཀྱི་དབུ་ཁྲིད་བྱུང་ཡོད་ཀྱང་། བུད་མེད་ཀྱིས་དབུ་ཁྲིད་པའི་མཇུག་འབྲས་ནི་ནང་ཁུལ་ལ་རྙོག་དྲ་མང་པོ་ཞིག་བཟོ་རྒྱུ་དང་། ལས་གནས་མང་པོ་ཞིག་འཐུས་ཤོར་དུ་གཏོང་རྒྱུ། ད་དུང་གོམས་གཤིས་འཇགས་སྟངས་ཀྱི་དབང་གིས་བུད་ཀྱི་གཏམ་ལ་ཉན་མཁན་ཉུང་བ་སོགས་མང་པོ་ཞིག་གི་རྐྱེན་གྱིས་བོད་པ་ཚང་གི་མ་འོངས་པར་ལྟས་ངན་སྣ་དགུ་མང་པོ་ཞིག་འདྲེན་ངེས་ཞེས་མ་འོངས་སྔོན་འགོག་གི་ཚུལ་དུ་བཤད་པ་ཡིན།

༄༅། །རང་ལུགས་དྲི་མེད་རྣམ་དག་ཚུལ་ཁྲིམས་གཙང་། །གཞན་ལུགས་དགག་མེད་བརྩོན་པ་ལྷུར་མཛད་ཅིང་། །ཡང་དག་ཟུང་འཇུག་མཆོག་ལ་ཐུགས་སྐྱེས་པ། །ཕན་བདེ་ནུས་པའི་འགྲོ་ཀུན་ལམ་བཟང་མཆོག།

བཀྲ་ཤིས་བདེ་ལེགས།

ཨོ་ཧོ་་་་་་་ད་ཡིན་ན་རྒྱ་རི་སྒྲོལ་མས་བཀའ་ཁྲིའི་རྐུབ་སྟེགས་ལ་གོང་ཚད་སྒྲིག་གི་ཡོད་ས་རེད།

བྱེད་སྟངས་དེས་འུ་ཚོའི་བྱུང་རབ་ཁྲོད་ལམ་བུ་གསར་པ། ལུགས་སྲོལ་གསར་པ།སྙིང་སྟོབས་གསར་པ། རིག་པ་གསར་པ། གོམས་སྟབས་གསར་པ། རྣམ་པ་གསར་པ། མདུན་བསྐྱོད་གསར་པ་སོགས་ཀྱི་གསར་བྱུང་དངོས་རྫས་རིན་ཐང་ལྡན་པ་ཞིག་ཏུ་མཐོང་པས་ཆོད་སེམས་དེ་ལ་བསྔགས་བརྗོད་དང་ཡི་རང་ཡོད། ལར་ནས་༧གོང་ས་མཆོག་གིས་ལྷ་རབ་ན་བཀའ་ཁྲི་བུད་མེད་ཅིག་དགོས་པའི་ཐུགས་རེ་ཡོད་པ་ཀུན་གསལ་རེད། འོན་ཀྱང་ཁོ་མོ་ལ་མཚོན་ན་རྒྱལ་སྤྱི་དང་། རྒྱ་ནག རྒྱལ་ནང་སོགས་ཀྱི་འགྲོ་བ་མའི་ཐོབ་ཐང་དང་། ཁྲིམས་ལུགས་སོགས་ཀྱི་གནས་ལུགས་དང་གནས་བབ་སྐོར་རྟོགས་སད། དབྱེ་ཞིབ། མཁྱེན་རྟོགས། རྒྱུས་མངའ་ཇི་ཙམ་ཡོད་མེད་སོགས་ཀྱི་དངོས་དོན་ལོ་རྒྱུས་བལྟ་ན་འདོད་པས། དུས་བབ་གཙོ་གཉེར་པས་འཕྲལ་མར་ཞིབ་ཕྲའི་གནས་ཚུལ་སྒྲོ་འདོགས་བྲལ་བ་དྲ་ངོས་སུ་དྲ་གཉེར་པ་རྣམས་ལ་འགྲེམས་སྟོན་དང་། ཁྲོམས་དཀྱིལ་དུ་བཤམ་རྒྱུ་དགོས་གལ་ཆེ་བར་མཐོང་།

འདིའི་ནང་གི་མཆན་འབྲི་མཁན་མང་ཆེ་བ་ཀློའུ་རྒན་དང་བླུན་རྒན་རྐྱང་རྐྱང་རེད། རྒྱ་རི་ཟེར་ན་མི་ཚང་གི་མིང་རེད། མི་ཚང་གི་མིང་མེད་མཁན་བོད་ནང་ཕལ་ཆར་མེད་ལབ་ན་འགྲིག་གི་རེད། རྒྱ་རི་ཚང་དེ་སྔོན་གྱི་སྡེ་བ་གཞུང་གི་གཞུང་ཞབས་ནང་འབྲེལ་བ་སྤུ་ཙམ་འདུག། བཀྲས་མཐོང་ཚང་རྒྱལ་དབང་བཅུ་གསུམ་པ་ཚང་གིས་གཙང་གི་མི་ཚང་དཀྱིལ་མ་ཞིག་གཞུང་ཞབས་ནང་བཅུགས་པ་རེད་ཟེར། དེའི་ཕྱིར་སྐུ་དྲག་ཕྱེད་ཀ་ཡིན་ས་རེད། མ་གཞི་བླུན་པོ་མང་ཆེ་བས་སྐུ་དྲག་ཟེར་བ་ཞིག་གུང་ཁྲན་ཏང་གི་ཁ་ནས་གོ་བ་ལས། སྐུ་དྲག་གི་ངོ་བོ་དང་དེའི་རྒྱབ་ལྗོངས་སོགས་གང་ཡང་མི་ཤེས་གི

རེད་རེད་ངོ་མ་འདོད་པ་ཡོད་ན་གསུང་ན་ཡག་པོ་འདུག ད་ངུང་མུ་མཐུད་ནས་མོ་རང་ལ་དྲི་བ་གང་མང་དང་ལས་འཆར་ཅི་ཡོད་སོགས་ཀྱི་དྲི་བ་འདོན་དགོས།

དེ་རིང་ད་བཙན་བྱོལ་བོད་གཞུང་གི་ཕྱི་དྲིལ་ལྷག་པ་ཚེ་རིང་དུ་གསར་འགྱུར་ཐུང་ངུ་ཞིག་གིས་རྟོགས་དཀའ་བའི་གནད་དོན་ཞིག་ཁད་ཀྱི་བསྒྲགས་སོང་།

བུ་མེད་ཞིག་གིས་གཡོ་རྒྱུ་དེ་་་་་་སྐྱེས་པ་བརྒྱ་ཡི་རྟོགས་མི་ཐུབ་ཞེས་པའི་ཚིག་ཏུམ་དེ་ཡིད་ལ་ཤར་།།།

ད་ལྟའི་ཆར་མང་པོ་ཞིག་ནས་རྒྱ་རི་སྒྲོལ་མར་ངེས་ཅན་གྱི་ཆབ་སྲིད་རྒྱབ་ལྗོངས་དང་དམིགས་ཡུལ་རེ་ཡོད་རྒྱུ་རེད་ཟེར་བ་དེ་ཚོད་དཔག་རང་རེད། གང་ལྟར་བདག་གིས་འདི་ནི་ང་ཚོའི་དམངས་གཙོའི་འཕེལ་རིམ་གྱི་གོམ་སྟབས་གསར་བ་ཞིག་རེད་ཅེས་བརྗོད་འདོད་བྱུང་།

ཨ་ཅག་སྒྲོལ་མ་ལགས། རྡ་སའི་འཁོར་ཡུག་ན་བུད་མེད་ཀྱི་ནུས་ཤུགས་གོང་མཐོར་གཏང་དགོས་པའི་འབོད་སྒྲ་ཞིག་སྒྲོག་བཞིན་ཡུན་རིང་ཕྱིན་སོང་བའི་མཐའ་མར། ཕྲན་རང་ཉིད་ཀྱང་བཀའ་ཁྲི་ཞིག་ལང་ན་བསམ་བཞིན་དུ་ཁྱེད་ཅུང་མགྱོགས་བྱུང་བས་ངས་མི་ཟུར་ཐབས་མེད་བྱུང་སོང། ཨ་ལས་སྐུ་རྩེད་ཡིན། བུད་མེད་ཡིནའང་ཆང་རག་དང་ཐ་མའི་བཟི་ཤུགས་རེག་མ་རེག་ལ་ཁྱད་ལོས་ཡོད།
ཁྱེད་ཀྱིས་མ་འོངས་བཀའ་ཁྲི་གནང་གི་ཡིན་གསུངས་པ་དེར་མི་གཞན་གྱི་ལམ་ཀ་བཀག་པ་ཞིག་དང་རང་ལ་ལས་གནས་གཞན་དག་ཅིག་རེག་འདོད་ཀྱི་ཀུན་སློང་མེད་པའི་རེ་བ་ཡོད།
ཁྱེད་ཀྱི་སེམས་སུ་དང་ཐོག་ང་བཀའ་ཁྲིར་འཁོད་ཀྱི་མ་རེད་ཀྱང་ག་འདྲ་ཞིག་ཡོང་གི་འདུག མི་ཚོས་ཅི་ཟེར་གྱི་འདུག རང་གི་ཕྱོགས་གཏོགས་ག་ཚད་འདུག དཔུང་ཞིག་སྒྲིག་ན་རང་དང་ལྟ་བ་མི་མཐུན་པ་དེ་ཚོ་རྩ་མེད་གཏང་ཐུབ་ས་ཨེ་འདུག་སོགས་ཀྱི་ཉམས་ཚོད་ཀྱི་ཀུན་རྟོག་ཅིག་མེད་པའི་རེ་བ་ཡོད་ལ། གལ་སྲིད་དེ་ལྟར་མེད་ཚེ། ཁྱེད་ལ་དང་ཐོག་མ་འོངས་ཀྱི་བཀའ་ཁྲིས་ཅི་ཞིག་བྱ་དགོས། ད་ལྟའི་བོད་ཀྱི་གནས་སྟངས་དེ་གང་འདྲ་ཞིག་ལ་སླེབས་འདུག རང་གི་མི་རབས་གསར་པ་ཚོའི་ཤེས་ཡོན་དང་ཆབ་སྲིད་ཀྱི་གོ་རྟོགས། རྒྱ་ནག་གི་དཔོན་རིགས་ཚོས་ཉིན་རེ་ལས་ཉིནརེར་སྡུག་ཏུ་ཕྱིན་པའི་བོད་ལ་བཟུང་བའི་སྲིད་བྱུས། དེ་དང་དེ་འདྲ་བ་ལ་ཐུགས་བསམ་ཞིག་བཞེས་ཡོད་རྒྱུ་རེད།
མ་འོངས་པའི་བཀའ་ཁྲི་ཁྱེད་ཀྱིས་འདི་དག་ལ་འགྱུར་བ་ཞིག་ངེས་པར་དུ་གཏང་མ་ཐུབ་ན་ད་དུང་མི་ལོ་ལྔ་བཅུ་ནས་བརྒྱ་ཕྲག་མང་པོར་བཙན་བྱོལ་དུ་གྱར་ན་བོད་མི་རིགས་ཀྱི་ཕུག་བསམ་དང་གོམ་གཤིས། རིག་གཞུང་དང་ཆོས་ལུགས་ཀྱི་དད་འདུན་རྣམས་ཆུ་ཁའི་ལྦུ་བ་བཞིན་དུ་རྨིངས་མེད་འགྲོ་བས་བཀའ་ཁྲི་སུས་བྱ་ཡང་ཁྱད་པར་སྤུ་རྩེ་ཙམ་ཞིག་མེད། ཅེས་ཞུ་བཞིན་ཡོད་པས། ཐུགས་བསམ་སྔོན་ལ་བཞེས་ན་སྤྱང་པོ་དང། འགྱོད་པ་རྗེས་ནས་བསྐྱེ་ན་བླུན་པོ་རེད་དོ། །

རྒྱུ་རི་སྒྲོལ་མ་དཔའ་ཁེར་རྒྱུགས་ཀྱིས་བཀའ་ཁྲི་ལངས་ཀྱི་ཡིན་ཟེར་བའི་གསར་འགྱུར་འདི་ལ་བསམ་བློ་ཞིབ་མོར་གཏོང་རྒྱུ་གལ་པོ་ཆགས་ཡོད །

གཅིག འོས་གྲངས་ཀྱི་འཕེལ་འགྱུར་ལ་གནོད་ཚབ་ཆེན་པོ་ཞིག་ཏུ་གྱུར་ཡོད །

གཉིས ། ༧་གོང་ས་མཆོག་གིས་བུད་མེད་ཅིག་བཀའ་ཁྲིར་ཕེབས་ན་ཡག་པོ་འདུག་ཅེས་པའི་གསུངས་ཀྱི་ཤུགས་རྐྱེན་ཐེབས་པ་ལ་འགྲོ་ཉེན་ཆེ །
ཤུགས་རྐྱེན་དེ་ལ་རྒྱ་ནག་གིས་མང་གཙོ་མིན་པས་བསྒྲུབ་བྱེད་གཅིག་བགྲང་གི་ཡོད །
གསུམ །
དངོས་གཞིའི་བཀའ་ཁྲི་འོས་འཕེན་གྱི་ད་ཡོད་དེབ་སྐྱེད་བྱས་ཟིན་བརྒྱ་ཆ་༧༥་ཟིན་ཡོད་པ་དེ་དུམ་བུ་གསུམ་བསྒོས་ན་ཧ་ཅང་ཉུང་ཉུང་ཆགས་ཡོད་སྟབས ། ཐ་མའི་བཀའ་ཁྲི་གདམས་ཐོན་གྱི་བཀའ་ཁྲི་དེ་གདམས་མཁན་མི་འབོར་སྟེ་༣༠་ལས་མི་མང་བ་ཞིག་གིས་མང་གཙོའི་སྲིད་འཛིན་བསྒོ་བཞག་བྱས་པ་ཆགས་ཡོད །

ཆེས་མཆོག་ཏུ་བཀུར་འོས་བོད་མི་མང་སྤི་འཐུས་ཚོགས་གཞོན་རྒྱ་རི་སྒྲོལ་མ་ལགས་འབྱུང་གྱུར་༢༠༡༡་ལོའི་བཀའ་བློན་ཁྲི་པའི་འོས་གཞིར་ལངས་པར་དགའ་བསུ་ཡོད་། བཀྲིས་བདེ་ལེགས། ༸གོང་ས་ཡིད་བཞིན་ནོར་བུས་སྐབས་སྔོན་མའི་བཀའ་བློན་ཁྲི་པར་རབ་བྱུང་ན་བུད་མེད་གཅིག་སླེབས་ན་དགོངས་ཡོད་ཚུལ་གྱི་བཀའ་སློབ་འདས་པའི་བོད་གཞུང་མང་ཚོགས་ཆེན་སྐབས་གཙུག་ལག་ཁང་དུ་གསུངས་གནང་ཡོད་པས། རྗེས་ཕྱོགས་བཀུར་འོས་ཚོགས་གཞོན་མཆོག་སྐབས་རྗེས་མའི་བཀའ་བློན་ཁྲི་པར་འདེམས་ཐོན་བྱུང་ཚེ་རྒྱལ་བ་དགྱེས་པའི་མཆོད་སྤྲིན་དུ་འགྱར་ངེས་པས་བཀྲིས་བདེ་ལེགས་ཞུ།

ངས་བདམས་ནའི་བཀའ་ཁྲི་འོས་མི་རྒྱ་རི་སྒྲོལ་མ་ལགས།
ཆ་རྐྱེན་ཆང་དགོས་པ།

རྒྱ་ ལ་ཞེ་འཁོན་མ་བྱེད་རྒྱ་སྒྲོལ་ལགས། །
རི་ ལ་ཞེན་ཆགས་མ་བྱེད་རྒྱ་སྒྲོལ་ལགས། །
སྒྲོལ་ ལམ་དབུས་མ་མ་དོར་རྒྱ་སྒྲོལ་ལགས། །
མ་དང་སྲིང་ལྟར་སྒྲུབས་ཤིག་རྒྱ་སྒྲོལ་ལགས། །

བཞི་པོ་ཀུན་སློང་འཆང་ན་ཐོབ་ཀྱང་སྲིད། །

ད་ལོ་འདི་འད྄ྲའི་འཁ྄ྲུགས་པ་ལ། ཉིས་ས྄ྟོང་བར྄ྒ྄ྱད་ལོའི་ཨ་རིའི་འོས་འཕེན་ས྄ྐབས་
དང་ཆུ་ལ་ཆུ་བཞག་རེད། དཔེར་ན། བ྄ློ་བཟང་སེང་གེ་ནི་ཨ་རིའི་ཨོ་ས྄ྦ་མ་འད྄ྲ་ལ།
ར྄ྒ྄ྱ་རི་ས྄ྒ྄ྲོལ་མ་ནི་ཨ་རིའི་ལ྄྄ྕམ་ཧི་ལ་རི་ཁེན་ཁ྄ྲན་དང་། བཀ྄ྲས་མཐོང་བས྄ྟན་འཛིན་
ར྄ྣམ་ར྄ྒ྄ྱལ་ཨ་རིའི་འཇོན་མེ་ཁེན་དང་འད྄ྲ་ཆགས་སུ་མཐོང་།

ཡག་པོ་རེད་་་བུད་མེད་ཞིག་བཀའ་ཁྲིར་སླེབས་ཐུབ་ན་བོད་རྒྱལ་ཁབ་ཀྱི་བཀའ་ཁྲིའི་ཟིན་མཐོ་རེད།
དཔེར་ནབོད་ཀྱི་རྒྱལ་རབས་ནང་བྱུང་མ་མྱོང་བའི་བུད་མེད་༧སྐུའི་བླ་སྨན་ཐོགས་མ་སྨན་རམས་པ་ཟླ་སྒྲོན་ལགས་ལྟ་བུ་རེད།
བཀྲིས་བདེ་ལེགས།

འདི་ནི་རྒྱ་རི་སྒྲོལ་མའི་སྙིང་སྟོབས་ཀྱི་མཚོན་རྟགས་རེད།

རྒྱ་རི་སྒྲོལ་མ་ནི་རང་རེའི་བོད་གངས་ཅན་གྱི་བུད་མེད་སྲིད་བློན་ལ་ལངས་མཁན་ཐོག་མ་དེ་རེད། འདིས་ནི་སྲོང་བཙན་སྒམ་པོའི་མི་ཆོས་གཙང་མ་བཅུ་དྲུག་གི་ལྕགས་ཀྱི་དྲ་བ་དེ་གཏོར་ནས་སླེབས་པ་རེད། འདིས་ནི་བོད་ཀྱིས་ལོ་རྒྱུས་ཐོག་གི་མང་གཙོའི་མིང་བྱང་རྫིག་པོ་དེ་བཏེགས་ནས་སླེབས་པ་རེད།

ཁོང་མོར་མཐའ་མའི་རྒྱལ་ཁ་དེ་མ་ཐོབ་ཀྱང་དགའ་བསུ་ལོས་ཞུ།

ད་ནི་ལོ་རྒྱུས་ཤིག་གི་མགོ་བཙུགས་པ་རེད།

བོད་ཀྱི་ལོ་རྒྱུས་ཁྲོད་བཀའ་བློན་ཁྲི་པར་ལངས་མཁན་ཐོག་མ་ས་རེད། ག་དུས་རེད།

བོད་རིགས་བུད་མེད་རྒྱ་རི་སྒྲོལ་མ་ལགས་རེད། ལངས་དུས་ནི། ༢༠༡༠ ལོའི་ཕྱི་ཟླ་ ༨ པའི་ཚེས་ ༤ ཉིན་རེད།

འདི་ལོ་རྒྱུས་ཀྱི་ནང་དུ་འབྲི་དགོས་པ་རེད།

དུས་དེ་ནས་བཟུང་བོད་མི་རིགས་ཀྱིས་སླར་ཡང་དམངས་གཙོའི་གོམ་པ་གསར་པ་ཞིག་སྤོ་མགོ་བཙུགས་པ་རེད།

བློ་བཟང་སེང་གེ་དང་རྒྱ་རི་སྒྲོལ་མ་གཉིས། ན་ནིང་གི་ཨོ་སྦ་མ་དང་ཧི་ལེ་རི་ཁི་ལིན་ཁྲོན་གཉིས་འདྲ་བོ་ཆགས་ས་རེད།

དགའ་བསུ་ཞུ།

བོད་མི་རིགས་ཀྱིས་འཚོལ་མི་དགོས་པར། བོད་མི་རིགས་བཙལ་ནས་ཕེབས་པར་དགའ་ཡོད།

ད་བར་བཤད་ཀྱིན་པའི་བཀའ་ཁྲིའི་འོས་གཞིའི་ནང་གི་ཆ་རྐྱེན་ཁ་ཤས།

༡། ལོ་གཞོན་ནི་རེད།
༢། བུད་མེད་ཀྱང་རེད།
༣། གངས་སྐྱིད་ནས་ལོ་ ༢༠ རྩ་གྲངས་ལ་བཞུགས་པ།
༤། དང་བླངས་ཀྱིས་ཕེབས་པ།

ད་དུང་བརྩི་རྒྱུ་མང་པོ་ཡོད་ངེས།

ཁོང་ཉིད་གང་འདྲ་འདུག དུས་བབ་དྲ་ཚིགས་ཀྱི་བསམ་ཤོག་ནང་དུ་ཐེངས་སྔོན་མར་རྩེ་བཏོག་རེད། ད་ཐེངས་ཀྱང་ཨང་རིམ་གཉིས་པ་ནས་ཡར་འཕར་བཞིན་འདུག