བོད་རང་བཙན་དང་། དེ་སྒྲོག་མཁན་ཚོ། བློ་གྲོས་རབ་བརྟན་གྱིས།

ཁོ་བོས་བློ་བརྟན་ལ་འབོད་པ་བཏང་ནས་ད་ནི་བདུན་ཕྲག་གཅིག་སོང་རུང་ད་དུང་མཇལ་རྒྱུ་མི་འདུག གཅིག་བྱས་ན་ང་འབོད་པ་པོ་ཆུང་དྲགས་པས་ཡིན། གཅིག་བྱས་ན་ཁོང་ལ་ཕྱག་ལས་གལ་ཆེན་རེ་བྱུང་བ་ཡིན་རྒྱུ་རེད། ཡང་གཅིག་བྱས་ན་ལན་མེད་པར་ས་འོག་ཏུ་ཡིབ་ནས་ཡོད་ས་རེད། ཨ་ལ་དེ་འདྲ་ཡིན་དོགས་མེད། ཁོང་ལ་རྒྱུ་མཚན་དང་དགོས་པ་མེད་ན་ཁོང་གིས་རྒྱལ་ཁབ་ཅིག་གི་སེམས་པ་གསོད་པའི་འཆལ་གཏམ་དེ་འདྲ་ཞིག་སྤེལ་ནས་གར་སོང་ཆ་མེད་དུ་འགྲོ་བ་ནི་རིག་པ་ཅན་ཞིག་གི་བྱེད་ཚུལ་མིན།
ཁོང་གི་སྐུ་ཚབ་ལ་ཀརྨ་ལགས་ཁོ་བོའི་ཟིན་བྲིས་འདིར་ཕེབས་མི་ཐུབ་ན་ཡང་ཟིན་བྲིས་དེའི་མཇུག་ཏུ་ཡང་ཡང་ཕེབས་ནས་རང་ཕྱོགས་འཛིན་གནང་གི་འདུག སྤྱིར་ཁོ་བ་དག་གིས་གཞན་གྱི་ལྟ་བ་ལ་དམའ་འབེབས་བྱས་པ་སོགས་ལ་ལན་འདེབས་རིན་མེད་མོད་དོན་གནད་རེ་ཟུང་ནི་ལན་འདེབས་ཞུ་དགོས་ངེས་རེད།
ཀརྨ་ལགས་ཀྱི་གསུང་སྔ་ཕྱི་དག་གི་ནང་དུ་ལན་འདེབས་དགོས་པ་ཕྱོགས་བསྡུས་བྱས་ནཿ
༡། འབྲུག་སོགས་ལ་དཔེ་བླངས་ན་རྒྱལ་ཁབ་ཆུང་ན་དཔལ་འབྱོར་ཡར་རྒྱས་མི་ཡོང་བའི་དགོངས་ཚུལ་གཅིག
༢། གཞོན་ནུའི་ལངས་ཕྱོགས་ཀྱིས་དབུ་མའི་ལམ་འགྲུབ་པར་ལ་གནོད་ཀྱི་ཡོད་པ།
༣། དབུ་མའི་ལམ་འདི་ལོ་ཤས་ནང་ཡོང་རྒྱུ་ཡིན་པ་ བཅས་གསུམ་འདུག
དང་པོ་ལཿ གུས་པ་ནི་དཔལ་འབྱོར་རིག་པ་སྦྱང་མྱོང་མཁན་ཞིག་མིན་པས་འདིའི་ཐད་དུ་ཚོད་དཔགས་བྱེད་རྒྱུ་ཙམ་ལས་མེད་པར་དགོངས་དག་ཞུ། ཚོད་དཔགས་དེ་གང་ཡིན་ཞེ་ནཿ འཛམ་གླིང་གི་ཕྱུགས་ཤོས་སུ་བརྩི་བའི་རྒྱལ་ཁབ་ནོར་ཝེ། སཝེ་ཌན། སུ་སི་སོགས་ལ་ས་ཁྱོན་བོད་ལས་བཅུ་འགྱུར་གྱིས་ཆུང་བ་དང་མི་འབོར་སུམ་ཆ་གཅིག་གིས་ཉུང་བ་ཡོད། ཨེ་ཤི་ཡ་ཡི་ནང་ལ་མཚོན་ན་སིང་ག་པུར་ལ་ས་ཁྱོན་ཀི་ལོ་མིར་ཏར་གྲུ་བཞི་མ་༧༠༠་ཙམ་དང་མི་འབོར་ས་ཡ་༥་ལས་མེད་པ་དང་ལྷོ་ཀོ་རི་ཡ། ཐའེ་ལནཌ་འཇའ་པན་སོགས་དྲགས་རིགས་དྲགས་ཚད་ལ་ས་ཁྱོན་བོད་ལས་ཆུང་ན་ཡང་དཔལ་འབྱོར་འཛམ་གླིང་གི་རྩེ་མོ་ན་འགྲོ་བཞིན་འདུག མདོར་ན་རྒྱལ་ཁབ་ཆུང་ན་དཔལ་འབྱོར་ཡར་རྒྱས་མི་འགྲོ་བའི་སྤྱི་འགྲོས་དེ་དཔལ་འབྱོར་རིག་པའི་ཐོག་ནས་གསུང་རོགས་ཞུ། ཞོར་ལ་མིའི་ཚོགས་སྡེ་ཞིག་ལ་མཚོན་ན་འཚོ་གནས་ཀྱི་འཕྲོར་རང་བཙན་ལས་གལ་ཆེ་བ་ཞིག་མེད་ཅེས་ཞུ་རྒྱུ་ཡིན། རྒྱལ་ཁབ་ཅིག་ལ་མཚོན་ན་འཚོ་གནས་ནི་རང་བཙན་རེད།
མདོར་ན་བོད་ལ་རང་བཙན་རག་དུས་དཔལ་འབྱོར་ཉམས་འགྲོ་བ་དང་། ལྷག་པར་དུ་དཔལ་འབྱོར་ཐོག་སུ་ལ་ཡང་འབྲེལ་བ་བྱེད་ཆོག
གཉིས་པ་ལཿ སྤྱིར་ན་ཀརྨ་ལགས་ཀྱི་རྩོམ་གཤིས་སུ་བལྟས་སྐབས་རང་ཉིད་ཀྱི་རྣམ་རྟོག་གི་མཚོན་མང་ཙམ་བཀུས་ཡོད་པའི་སྣང་བ་ཞིག་བདག་གི་ཁྱི་ཁོག་ཏུ་འཆར་གྱི་འདུག དེ་ནི་ནོར་འཁྲུལ་ཡིན་སྲིད་ན་ཡང་གཞོན་ནུའི་ལངས་ཕྱོགས་ཀྱིས་དབུ་མའི་ལམ་གྱི་འབྲས་བུ་སྨིན་པར་གནོད་གསུང་བ་བརྒྱ་ཆའི་0.01ཙམ་གྱི་གནོད་པ་ཡོད་སྲིད། འོན་ཀྱང་གནོད་པ་བརྒྱ་ཆའི་99.99་ནི་རྒྱ་གཞུང་རང་ཉིད་ཡིན། གལ་སྲིད་རྒྱ་གཞུང་ལ་གྲོས་མོལ་དུ་ཞུགས་པའི་འདུན་པ་ཡོད་ནས་གཞོན་ནུའི་ལངས་ཕྱོགས་དེས་བྱེད་མི་བདེ་བ་ཞིག་ཡོད་ན་རྒྱ་གཞུང་གིས་ཁ་གསང་གི་རེད། སྔོན་མ་སྲིད་བློན་ཀླུ་ཁང་བ་ཁོ་བོ་ཅག་ལ་གནོད་ཀྱི་འདུག་པས་དགོངས་པ་ཞུ་བཅུག་དགོས་ཞེས་༧གོང་ས་མཆོག་ལ་ཞུས་ནས་ཁོང་གིས་དེ་ལྟར་གནང་ཡོད། དེ་འདྲ་བ་ཞིག་ད་ལྟའི་སྐབས་སུ་ཡང་ཡོང་ཆོག མདོར་ན་རང་ཅག་བསམ་བློ་འཁྱེར་ཕྱོགས་མི་འདྲ་བ་འདི་ཡ་མཚན་ཞིག་རེད། ངའི་སྣང་ངོ་ལ་ནི་ “གལ་སྲིད་ཏཱ་ལའི་བླ་མས་ཐེ་ཝན་རྒྱ་ཁུངས་ཡིན་པ་ཁས་བླངས་ན་དང་བོད་འདི་ལོ་རྒྱུས་ཐོག་རྒྱ་ཁོངས་ཡིན་པར་ཁས་བླངས་ན་གྲོས་མོལ་གྱི་སྒོ་ཕྱེས་ཡོད་དོ།”་རྒྱ་མིའི་ཚིག་དུམ་བུ་འདིས་འོག་ནས་ “ཏཱ་ལའི་བླ་མ་དང་ལྷན་དུ་སྐད་ཆ་ནམ་ཡང་ནམ་ཡང་བཤད་འདོད་རྩ་བ་ནས་མེད་དོ།”་ཞེས་པ་ཞིག་དངོས་སུ་བསྟན་པ་ལས་གསལ་བ་ཞིག་གོ་གི་འདུག་ན་ཡང་ཁྱེད་ཅག་གིས་དེ་ལྟར་མི་གོ་བ་འདི་ཡ་མཚན། དེ་ལྟར་ད་ལྟ་བར་དུ་གྲུབ་འབྲས་མ་སོན་པ་དེ་གཞོན་ནུ་སོགས་མིན་པར་རྒྱ་གཞུང་ཁོ་རང་ལ་ལན་པར་མཐོང་།
མདོར་ན་གཞོན་ནུ་དང་༧གོང་ས་མཆོག་གཉིས་དབུ་མའི་ལམ་གྱི་ཐོག་འབྲེལ་བ་རྩ་བ་ནས་མེད། དེ་ཁོ་ཚོས་ཧ་ཡང་གོ་གི་ཡོད། གལ་སྲིད་འབྲེལ་བ་ཡོད་ཟེར་ན་༧གོང་ས་མཆོག་ཁ་ཞེ་མི་མཚུངས་བར་སྒྲུབ་པ་ཡིན།
གསུམ་པ་ལཿ ཁྱེད་ཀྱིས་“ང་ཚོ་དབུ་མའི་ལམ་ལ་བརྟེན་ནས་ལོ་ཤས་ནང་ལ་གྲུབ་འབྲས་ཐོན་པ་ཡིན་ན།་་་”ཞེས་ཧ་ཅང་བསམ་བློ་སྟབས་བདེ་ཞིག་བཏང་འདུག་པ་འདི་མཐོང་སྐབས་ངས་གོང་གི་ལན་གཞན་དག་འདེབས་པའི་ངལ་བ་འབྲས་མེད་མིན་ནམ་སྙམ་པ་ཞིག་བྱུང་། བཤད་སྟངས་འདི་རིགས་ཀྱིས་དབུ་མའི་ལམ་འདི་ཇི་འདྲའི་ཁ་ཡོད་ལག་ཡོད་མིན་པ་མཐོང་བ་ལྟ་བུ་ཞིག་འདུག གལ་སྲིད་ངོ་མ་དབུ་མའི་ལམ་འདི་ལོ་ཤས་ནང་གྲུབ་འབྲས་སོན་རྒྱུ་ཞིག་ཡིན་པའི་རྟགས་དང་རྒྱུ་མཚན་ཡང་དག་གསུང་རྒྱུ་ཡོད་ན་ངས་དེ་རིང་ནས་རང་བཙན་གྱི་ལྟ་བ་སྐྱུར་ངེས་ཡིན།
མདོར་ན་གལ་སྲིད་ལོ་ཤས་ནང་གྲུབ་འབྲས་སོན་པ་ཡིན་ན་ངོ་མ་ཁྱེད་ཀྱིས་གསུང་རྣམས་འོང་ཐུབ་སྲིད། འོན་ཀྱང་དབུ་མའི་ལམ་ནང་དུ་དེ་དག་གསལ་ཡོད་དམ། མེད་པའ།
གསུང་ལན་ལྷུག་པོ་ཡོང་ཆེད་ཁོ་བོའི་ཟིན་བྲིས་ནང་དུ་ཕེབས་པར་ཞུ།
https://tibettimes.net/wordpress/blogs.php?id=343&post_id=11002

བོད་ལ་རང་བཙན་མེད་ན་ཡང་རང་བཙན་ཡོད་པ་ལས་ལྷག་ཙམ་བདེ་སྐྱིད་བསྐྲུན་མི་ཐུབ་པ་དང་ལམ་ཁ་མེད་པ་མ་རེད། གསུང་བ་འདིའི་གནད་དོན་ཁོ་བོས་ཡེ་ནས་མི་རྟོགས། འདི་ཐམས་ཅད་དེར་ཕེབས་ནས་གསུང་རོགས་ཞུ།
གསུངས་པ་འདི་ལ་རོབ་ཙམ་ཞུ་ན། ༡༽ང་ཚོ་དབུ་མའི་ལམ་ལ་བརྟེན་ནས་ལོ་ཤས་ནང་ལ་གྲུབ་འབྲས་ཐོན་པ་ཡིན་ན། ང་ཚོའི་འདས་པའི་དཀའ་ངལ་འགའ་ཞིག་ལམ་སེང་བརྗེད་མི་ཐུབ་ན་ཡང་།
༢༽གཉིས་མོས་བྱུང་བའི་ཉིན་འདི་ནས་བོད་མིའི་ཆབ་སྲིད་བཙོན་པ་རྣམས་ཕྲལ་དུ་གློད་གྲོལ་ཐོབ་བགྱི་རེད། དེས་ང་ཚོའི་སྙིང་གི་ན་ཚ་གཉིས་པ་དེ་ཡང་བསང་སོང་ང་།
༣༽ཡང་དེ་ནས་པཎ་ཆེན་ཡང་སྲིད་སོགས། ང་ཚོའི་རྒྱའི་ཆབ་སྲིད་ལ་ད་ཕན་འདོགས་མི་འདུག་ཟེར་ནས། དེ་ཡང་ང་ཚོར་ཆོས་དད་རང་དབང་ཐོབ་བགྱི་རེད།
༤༽དེ་ནས་བོད་རིགས་མིན་པའི་ཕྱི་སྡོད་མི་རིགས་གནད་དོན་དེ་ཡང་རིམ་པས་སེལ་ངེས་པ་མ་རེད་པེ། ཐུགས་སེམས་ཡག་པོ་བཞེས་རོགས་གནང་དང་། འདི་ཚོ་ངའི་སྨིན་ལམ་རེད། ང་མ་ཤི་གོང་དུ་འདི་འདི་ཐམས་ཅད་མཐོང་འདོད་ཡོད་མཁན་ཅིག་ཡིན། འོན་ཀྱང་རང་བཙན་ནི། ངས་མི་ཤེས། འདི་ལ་སླར་ཡང་དགོངས་འགལ་མེད་པ་ཞུ་རྒྱུ་ལས་མ་འདས། དགོངས་དག

དུས་བབས་ཚང་ལ།
དྲ་ཐོག་འདིར་དགོས་ངེས་བྱུང་ན་ཁ་པར་ཨང་གྲངས་འཇོག་གི་ཡིན་ཟེར་མཁན་དེ་དག་གི་བསམ་འཆར་འདིར་བཀོད་འདུག་ཀྱང་ངས་གནས་ལུགས་བརྗོད་པའི་བསམ་ཚུལ་ཁ་ཤས་བྲིས་ཡོད་ཀྱང་དེ་དག་འདོན་སྤེལ་མི་བྱེད་པའི་རྒྱུ་མཚན་གང་ཡིན་ནམ། འདི་ཡང་འཐེན་འཁྱེར་དང་འབྲེལ་བའི་རྒྱུ་མཚན་ཡོད་པ་མ་རེད་དམ། དགོངས་དག 

ཀརྨ་ལགས་སོགས་ཁྱེད་ཅག་ད་གླེང་འདོད་མེད་ན་མ་གཏོགས། ང་ཚོའི་བསམ་ཚུལ་ཐད་བརྗེ་རེས་བྱེད་བདེ་ཆེད་དུ་འདིའི་སྐོར་ལ་བདག་གི་ཟིན་བྲིས་ནང་དུ་དྲ་ངོས་ཞིག་བཟོས་ཡོད། གནད་དོན་མང་པོ་གླེང་རྒྱུ་ཡོད། ཁ་ཞེ་གཉིས་མེད་ཡིན། དེར་ཕེབས་པར་ཞུ། ཁ་བྱང་ནི་འདི་ཡིན། https://tibettimes.net/wordpress/blogs.php?id=343&post_id=11002
དེར་ཁོ་བོས་ཁྱེད་ཅག་ལ་དྲི་བ་ཁ་ཤས་ཤིག་དྲིས་ཡོད། ལན་དུས་ཐོག་ཏུ་མ་ཐེབས་ན་ཁྱེད་ཅག་གིས་གསུང་བཞིན་པ་ཁ་ཁོག་མི་མཚུངས་བའམ་སྐྱོན་གཞན་ཞིག་ཡོད་པར་ཆ་འཇོག་བྱེད་ཀྱི་ཡོད། དེ་གཅིག་ཡིན།
ཁྱེད་ཀྱིས་རྒྱ་གཞུང་རྡུག་ཅག་རེད། རང་བཙན་བརྩད་ན་བེད་མེད་རེད། གསུང་བ་ལ་དབུ་མའི་ལམ་བརྩད་ན་རྒྱ་གཞུང་ཡག་པོ་ཆགས་འགྲོ་བ་ཡིན་ནམ་གསལ་བཤད་ཅིག་གནང་ཐུབ་ཚེ་བཟང་།

བོད་ལ་རང་བཙན་མེད་ན་ཡང་རང་བཙན་ཡོད་པ་ལས་ལྷག་ཙམ་བདེ་སྐྱིད་བསྐྲུན་མི་ཐུབ་པ་དང་ལམ་ཁ་མེད་པ་མ་རེད། གསུང་བ་འདིའི་གནད་དོན་ཁོ་བོས་ཡེ་ནས་མི་རྟོགས། འདི་ཐམས་ཅད་དེར་ཕེབས་ནས་གསུང་རོགས་ཞུ།

རང་བཙན་རྩོད་མཁན་ཚོ་སྡུག་ཆག་ཡིན་རྒྱུ་མ་རེད། རང་བཙན་ཁ་ལ་ཁྱེར་ནས་རང་དོན་རྩོད་མཁན་ཚོ་སྡུག་ཆག་རེད།

ལན་གསུམ་ཡོད་པ་ནི།
གཞོན་ལྷན་གྱིས་དབུ་མའི་སྲིད་ཇུས་ལ་ཤར་བསྐྱོད་མ་ཐུབ་པ་ནི་མིག་རྒྱངས་ཐུང་བས་ལན།
གཞོན་ལྷན་གྱི་ལངས་ཕྱོགས་དེ་བོད་གཞིས་བྱེས་གཉིས་ལ་ཕན་ལས་གནོད་ཆེ།
གཞོན་ལྷན་གྱི་རང་བཙན་དེ་ཁ་ཡོད་ལག་ཡོད་ཅིག་མིན་པ་ཕྱི་གསལ་ནང་གསལ་རེད།

དྲི་བ་དང་པོར་།
དབུ་མའི་ལམ་དེ་སྲིད་ཇུས་ཡང་དག་ཅིག་ཏུ་མཐོང་བས་དབང་གིས་ཡིན་ངེས།
དྲི་བ་གཉིས་པར་།
ཕན།
དྲི་བ་གསུམ་པར་།
དབུ་མའི་ལམ་དེ་ཇི་ཙམ་ཁ་ཡོད་ལག་ཡོད་ཡིན་པ་དེ་ཙམ་རང་བཙན་གྱི་བལྟ་བ་ཡང་ཡིན། ཁྱད་པར་ནི་རང་བཙན་དེ་ད་ལྟ་མ་འོངས་བའི་བོད་རིགས་ཀྱི་མངོན་འདོད་རེད། དབུ་མའི་ལམ་ནི་ད་ལྟའི་མི་ཐོག་འདིའི་འགྲོ་ལམ་རྙེད་ཙམ་ཞིག་རེད། ཡང་གཅིག་བཤད་རྒྱུར་འབྱུང་འགྱུར་བོད་རིགས་ཀྱི་མདུན་ལམ་ལ་ཐེལ་ཙེ་རྒྱག་པའི་དབང་ཆ་སུ་ལ་ཡང་མེད།
ཞོར་དུ་ཁ་སྔོན་ངས་དབུ་མའི་ལམ་དང་རང་བཙན་གཉིས་ཐག་ཉེ་རིང་ཡོད་པའི་སྒྲུབ་བྱེད་འགོད་རོགས་ཞུས་ཡོད་མོད་དུང་མཐོང་མ་བྱུང་། དེ་གནད་འགག་ཆེན་པོ་ཡིན། རྒྱུ་མཚན་ཚད་ལྡན་ཡོད་ན་ང་རང་ཡང་རང་བཙན་འདོར་བའི་གྲ་སྒྲིག་ཡོད། བློ་གྲོས་རབ་བརྟན་སོགས་ཁྱེད་རྣམས་གྲོས་བྱ་དགོས་བྱས་ནས་ཁོ་བོའི་དྲི་བ་དེར་ལན་འདེབས་རོགས། གལ་སྲིད་མེད་ན་འདི་བོད་ཀྱི་རྩ་དོན་ཡིན་པས་སྤྱི་ཚོགས་ཀྱི་གླེང་སྟེགས་སུ་ཐོན་ནས་གང་བྱུང་མ་གསུང་རོགས།

ངས་འདིར་མཁས་དབང་དགེ་ཆོས་ཀྱིས་ཆེད་དུ་བཞག་པའི་ཞལ་ཆེམས་འདི་བཀོད་དགོས་པའི་དམིགས་ཡུལ་གཙོ་བོ་དེ་བོད་རིགས་སུ་ཞིག་ཡིན་ཀྱང་སོ་སོའི་འཇོན་ཐང་ལ་དཔག་ནས་རང་ཡུལ་ཁ་བ་ཅན་གྱི་རྗེ་འབངས་རྣམས་ལ་གང་ཐུབ་ཀྱིས་སྲི་ཞུ་སྒྲུབ་རྒྱུ་དེ་གལ་ཆེ་ཡིན་སྐོར་བརྗོད་ཀྱིན་ཡོད།

དེ་མིན་ང་ཚོད་དབུ་མའི་ལམ་དང་། བོད་རང་བཙན། རང་ཐག་རང་གཅོད། བདེན་པའི་དབུ་ཚུགས་སོགས་ཆབ་སྲིད་ཀྱི་འགྲོ་ལམ་གང་ཞིག་བདམས་ཀྱང་དགག་བྱ་བྱེད་ཀྱི་མེད།

འོན་བཏང་ཆབ་སྲིད་ཀྱི་ཐབས་ཇུས་དེ་མ་ནོར་བ་ཞིག་བྱེད་དགོས་ལ་ལྷག་བོད་མི་རྒྱལ་གཅེས་རིང་ལུགས་པ་ཡག་པོ་གཅིག་ཡིན་ཕྱིན་ང་ཚོས་དགྲ་དགའ་གཉེན་སྡུག་གི་ལས་ཀའི་རིགས་བྱེད་རྒྱུ་མེད་ལ་དགྲ་འདུལ་གཉེན་སྐྱོང་གི་ཆེས་རླབས་ཆེན་གྱི་བོད་རིགས་ལ་རྒྱ་ཡོད་མཁན་ཞིག་ཅི་ནས་ཀྱང་བྱེད་དགོས་ཞེས་ཞུ་བཞིན་ཡོད།

བློ་གྲོས་རབ་བརྟན་སོགས་ཀྱིས་དབུ་མའི་ལམ་ལ་རྒྱབ་སྐྱོར་གནང་བར་དགག་བྱ་ག་ལ་ཡོད་དེ། དེ་ནི་རང་དབང་ཡིན་པས་སོ། འོན་ཀྱང་ཁོ་ཅག་གིས་རང་གི་ལྟ་བ་དང་མི་མཐུན་པའི་བསམ་ཚུལ་ལ་ལྟ་སྟངས་དེ་ཧ་ཅང་ཐ་ཤལ་རེ་འདུག ལྷག་པར་དུ་རང་བཙན་རྩོད་མཁན་དག་གི་བསམ་ཚུལ་སྒེར་དོན་ཡིན་པ་སོགས་གསུང་པ་དེ་ཧ་ཅང་མི་འོས། གལ་སྲིད་ཡིན་ན་ཡང་ད་དེ་ལྟར་མི་མདུན་དུ་སྒྲོག་མི་འོས། དོན་གནད་འགའ་རེ་ཆབ་སྲིད་ཀྱིས་དབང་གིས་སྐུམ་དགོས་པ་ཡོད་པ་ཤེས་ཀྱི་ཡོད་ཚོད།
བོད་ནང་གི་མི་མང་པོ་ཞིག་གིས་༧སྐྱབ་མགོན་རིན་པོ་ཆེས་གང་གསུང་པར་ཤར་སྐྱོད་བྱེད་ངེས་ཡིན་པ་ཁས་ལེན་གྱི་ཡོད། འོན་ཀྱང་ཁོང་ཚོས་༧སྐྱབ་མགོན་རིན་པོ་ཆེ་གལ་སྲིད་ཕེབས་ཐུབ་ན་བོད་མི་རིགས་འདི་རྒྱ་ནག་པོ་འདིའི་ལག་འོག་ནས་གང་མགྱོགས་ཐར་ཐུབ་པ་ཞིག་ཡོང་གི་རེད་བསམ་གྱི་ཡོད། འདི་ངས་ཤེས།
མདོར་ན་ཁོང་ཚོས་༧སྐྱབ་མགོན་རིན་པོ་ཆེ་རང་ཡུལ་ལ་ལོགས་པར་ཤུགས་གཙོ་བོ་བྱེད་པ་ནི་་་་་་་་་་་་་འོ་ཆབ་སྲིད་སྐད་ཆ་དང་ལས་ཀ་མང་པོ་ཞིག་ཁྲོམ་སྒྲག་བྱེད་མི་འོས་པ་ཁྱེད་ཅག་གིས་ཤེས་ཀྱི་ཡོད་ཚད།
མདོར་ན་ཁོང་ཚོས་༧སྐྱབ་མགོན་རིན་པོ་ཆེ་རང་ཡུལ་ལ་ལོགས་པར་ཤུགས་གཙོ་བོ་བྱེད་པ་འདིས་ཁོང་ཚོ་ལ་རང་བཙན་མི་དགོས་པ་ནམ་ཡང་སྒྲུབ་མི་ཐུབ།
དགེ་འདུན་ཆོས་འཕེལ་གྱིས་གསུང་ཐོལ་བུ་ཞིག་ལུང་དྲངས་ནས་ཁྱེད་ཅག་གིས་གནང་བ་དེ་ཡང་དག་ཏུ་སྒྲུབ་དགོས་བསམ་ཡོད་ལས་ཆེ་ཡང་དེ་ནམ་ཡང་མི་ཐུབ། གལ་སྲིད་དེ་ལ་རེ་བ་རྒྱག་ན་ང་ལ་དྲི་བ་ཞིག་ཡོད་པ་དེ་ལ་ལན་རྒྱག་རོགས།
དྲི་བ་ནི་ཁྱེད་ཅག་གིས་དབུ་མའི་ལམ་དེ་རང་བཙན་ལས་ཐག་ཉེ་བ་ཡོད་པའི་རྒྱུ་མཚན་ཁུངས་ལུང་ལྡན་པ་རེ་རེ་བཞིན་དྲངས་འདྲེན་གནང་རོགས་ཞུ་རྒྱུ་ཡིན།

དུས་རབས་ཉེར་གཅིག་པའི་བོད་རིགས་མི་དམངས་ལ་མཚོན་ན་མཁས་པའི་དབང་པོ་མདོ་སྨད་པ་དགེ་འདུན་ཆོས་འཕེལ་ཞེས་བྱ་བས་ཁ་ཆེམས་རྩ་ཆེ་ཞིག་འཇོག་གནང་མཛད་ཡོད་པ་སྟེ།

རང་གི་རིགས་ལ་ཞེན་པ་དཀར་པོའི་མདངས། །རང་བྱུང་སྙིང་གི་དབུས་སུ་གནས་པ་དེ། །རང་ཡུལ་ཁ་བ་ཅན་གྱི་རྗེ་འབངས་ལ། །རང་གིས་ནུས་པས་སྲི་ཞུ་ཅུང་ཟད་སྒྲུབས། །

ཞེས་ཁོང་སྐུ་མ་གཤེགས་པའི་གོང་ནས་རང་གི་མི་རིགས་ཀྱི་ལ་རྒྱ་དང་རྒྱལ་ཞེན་དེ་ལྷད་མེད་བློ་དཀར་གྱི་འོད་མདངས་དེ་རང་བྱུང་སྐྱེས་བུ་སོ་སོའི་སྙིང་ཁམས་སུ་བཞག་སྟེ།

རང་ཡུལ་ཁ་བ་ཅན་གྱི་རྗེ་བོའི་འགན་འཁུར་ལྕི་མོ་དེ་སྐྱེ་བོ་སུ་ཞིག་གིས་ཕྲག་པར་འཁུར་གྱི་ཡོད་ནའང་རང་གི་རྗེ་བོའི་བཀའ་ལ་གུས་བརྩི་དང་ལེན་བྱས་ཏེ། རང་རིགས་བོད་འབངས་དག་གི་དོན་དུ་ཁ་ཞེ་གཉིས་མེད་ཀྱིས་སྒོ་ནས་རང་རང་སོ་སོའི་ཤེས་ཡོན་འཇོན་ནུས་ལ་གཞིགས་ནས་རང་གིས་ནུས་པས་སྲི་ཞུ་ཅུང་ཟད་གཅིག་ལས་བསྒྲུབས་མ་ཐུབ་ཀྱང་ངེས་པར་སྒྲུབས་ཞེས་ཞལ་ཆེམས་འདི་བཞག་ཡོད།

འདིཡང་དཀྲོགས་གཏམ་ཡིན་ནམ། ???????????????
་་་་། མཇུག་དེར་༧གོང་ས་མཆོག་གིས་གཞོན་ནུའི་ཚོགས་གཙོ་ཚེ་དབང་རིག་འཛིན་ལ་དངོས་ཡོད་དང་སྦྲགས་ནས་དྲི་བ་འདི་ལྟར་གནང་འདུག ང་ལ་མཚོན་ན་རང་བཙན་རྩོད་ཀྱི་མེད་ལ་རང་བཙན་ལེན་ཐུབ་པའི་ནུས་པ་ཕྱོགས་གང་ནས་བལྟས་ཀྱང་འདང་གི་མི་འདུག དེ་མཚུངས་སུ་རྒྱ་མི་ཡོངས་རྫོགས་བོད་ནས་ཕར་ཕུད་རྒྱུ་ལྟ་ཅི་མི་བྱེ་བྲག་པ་གཅིག་ཀྱང་ཕར་ཕུད་རྒྱུའི་ནུས་པ་མེད་པ་ཕྱོགས་གང་ནས་བལྟས་ཀྱང་དངོས་ཡོད་རེད། དེས་ན་ཁྱེད་ཀྱིས་རྒྱ་མི་ཕར་ཕུད་ཐུབ་པར་འདུག་གམ། རང་བཙན་ལེན་ཐུབ་བམ། ཞེས་གསུངས་སྐབས། ཚེ་དབང་རིག་འཛིན་གྱིས་རང་བཙན་ངས་ལེན་དགོ། རྒྱ་མི་ངས་ཕར་ཕུད་ཐུབ་ཅེས་ཞུས་ཡོང་དུས། ༧གོང་ས་མཆོག་གིས་སྐུ་ཁོང་འཛུམ་དང་བཅས་ཁྱེད་ཀྱིས་གང་འདྲ་བྱས་ནས་རང་བཙན་ལེན་ག ག་འདྲ་བྱས་ནས་རྒྱ་མི་ཕར་ཕུད་ཐུབ ཅེས་དངོས་ཡོད་དང་འབྲེལ་ནས་བཀའ་གནང་འདུག།་ད་དུང་ཞེད་སྣང་མེད་ནའང་འཚེར་སྣང་ཙམ་ཡང་མེད་པར། ཧམ་པ་ཆེན་པོས་རྒྱ་མི་ངོས་ཕུད་དགོ། རང་བཙན་ངས་ལེན་དགོ་ ངས་ལེན་ཐུབ་ཅེས་མགོ་མཇུག་དང་བཟང་སྤྱོད་ཀྱི་རྣམ་འགྱུར་གང་ཡང་མེད་པར་ཞལ་ལན་ཧམ་པ་ཆེན་པོས་སློག་ཡོད་འདུག དེ་བཞིན་ཕུར་བུ་ཟེར་བ་ཞིག་གིས་ཀྱང་འཇོན་མདོག་ཁ་པོས་མགོ་མཇུག་གོ་རིམ་གྱི་གུས་ཞབས་གང་ཡང་མེད་པར་ཧམ་བཤད་ཀྱིས་༧གོང་ས་མཆོག་ལ་དྲི་བ་འདྲ་ཞུས་འདུག དེར་བརྟེན་རྒྱུ་རྐྱེན་དེ་འདྲ་མང་པོ་ཞིག་གིས་མཐར་༧གོང་ས་མཆོག་སྐུ་རླུང་བཞེངས་ནས་ཁྱེད་ཚོ་ཚང་མ་ད་ལྟ་རང་ལོག་རྒྱུག་ང་ཡང་འདི་རུ་འདུག་འདོད་མེད་པས་ལོག་ཕེབས་གནང་གི་ཡིན་ཞེས་བཀའ་ནན་པོ་གསུངས་འདུག དེ་མིན་འཇུག་མཐར་ང་རྒྱལ་བ་རིན་པོ་ཆེས་བོད་མི་དམངས་ཀྱི་ཆེད་དུ་ཡོད་ཚད་བྱས་པ་ཡིན་ཀྱང་ད་དེ་ཚོ་ཕན་གྱི་མེད་པ་འདྲ།་ད་མ་ཕན་ན་བསྡད་ནས་ཅི་བྱེད། དེ་ལས་ཤི་ན་ཡག་གི་རེད།ཅེས་ཐུགས་ཕམ་པའི་བཀའ་སློབ་མང་པོ་གསུང་འདུག ་་་

ཁོ་རས་བློ་གྲོས་བརྟན་པར་ཁྱོད་ཀྱི་དགྱ་དམར་གྱི་སྐར་ལྔ་དར་མ་ལ་ཚར་ལོངས་བྱུ་ང་པའི་རྒྱལ་གཅེས་དཔའ་བོ་དག་མངོན་འདོད་ཧ་གིན་མི་འདུག་
ཁོང་ཚོས་རང་སྲོག་བློས་བཏང་སྟེ་བོད་བཙན་ཡིན་དགྱ་དམར་བོད་ན་ས་ཕྱིར་ལོག་ཟེར་དོན་གང་ཡིན་

དྲྭ་གྲོགས་རྣམས་ཐུགས་རྗེ་ཆེ་ཞུ། སྙིང་ནད་སངས་བ་ཞིག་གསུངས་འདུག ༸རྒྱལ་བ་ཐམས་ཅད་མཁྱེན་པའི་ཆེད་དུ་རང་སྲོག་དོར་དགོས་བྱུང་ཡང་ཕངས་སེམས་ཏིལ་འབྲུ་ཙམ་ཡང་མེད། དགོས་ངེས་བྱུང་ཚེ་ཕྲན་གྱི་ཁ་པར་ཨང་གྲངས་འདིར་འཇོག་ཆོག
ཕ་བཟང་བུ།

དྲ་གྲོགས་ནད་པ་དང་དེའི་རིགས་མཐུན་པ་དག་ལ་ཞུ་རྒྱུ།
བོད་རང་བཙན་པ་ཚོ་ལ་མི་དམངས་ཀྱིས་རྡོ་དང་དབྱུག་པའི་རྡུང་ཡ་བཟོ་འདོད་ཡོད་ན་་་དང་པོ་ཁྱོད་རང་གི་དངོས་མིང་དང་རང་ཉིད་ངོ་སྤྲད་གནང་རོགས།
ཁྱོད་ཚོས་༧གོང་ས་མཆོག་ཁ་ལ་ཁྱེར་ནས་བོད་པའི་སྤྱི་ཚོགས་ནང་དུ་བོད་མི་དཀར་པོ་ལ་ཞྭ་མོ་ནག་པོ་སྐོན་པ་ཉུང་ཉུང་མ་རེད། ངས་ཤེས་ཀྱིས་ཡོད།

མ་ཟད་སྤྱི་ཚོགས་ནང་དུ་བོད་མི་ཉམ་ཆུང་ཚོའི་མངོན་འདོད་བཤད་ས་མེད་པ་དང་རང་བཙན་གླེང་ས་མེད་པ་བཟོས་མཁན་ཡང་ཁྱོད་ཚོ་རེད།
ད་དུང་གསོད་ཀྱི་ཡིན་དང་རྡུང་གི་ཡིན་ཟེར་བ་འདི་སེམས་ལ་བཟོད་དཀའ་སྡུག་ངལ་གཅིག་རེད། ཡིན་ནའང་སྡུག་ངལ་འདི་ལ་ཐར་ཐབས་ཡོད་པ་མ་རེད་སྙམ།
དེར་བརྟེན་རྡོ་དང་དབྱིག་པའི་བཅའ་རྡུང་ལ་གྲལ་སྒྲིག་ཨང་གསར་བྱས་ནས་བསྡད་ཡོད། ག་དུས་ཕེབས་ན་དངས་ལེན་ཞུ་གི་ཡིན། ཡིན་ནའང་དྲན་དགོས་པ་ཞིག་ལ་ང་ཚོ་བོད་རང་བཙན་པ་ཚོའི་ཚེ་སྲོག་ཡང་འགྲོ་བ་མི་ཞིག་གི་ཚེ་སྲོག་ཡིན་པར་དྲན་པ་མཛོད་རོགས། སྔ་ནས་ད་ལྟ་བར་དུ་བོད་རང་བཙན་པ་ཚོའི་ཚེ་སྲོག་ལ་འགྲོ་བ་མིའི་ཚེ་སྲོག་ཞིག་ལ་ངོས་འཛིན་མེད་པར་ཧ་གོ་གི་ཡོད།
ཅོ་རི་ཁྱི་ཕྲུག་ཞིག་གི་ཚེ་སྲོག་ཁྱོད་ཚོ་ལ་འབུལ་ཆོག ངས་ལྷ་དཀོན་མཆོག་གསུམ་པོ་དཔང་དུ་བཙུགས་་་་་་ཁ་བཤད་མིན་དངོས་གནས་ཡིན་་་་་་་ ལེན་འདོད་ཡོད་ན་ཕེབས་ཤོག

ངོ་མ་ད་ཡིན་ན་ཡིད་ཐང་ཆད་སོང་།་་་་

་་་་གཏམ་བཤད་སྐབས་གཞོན་ནུའི་དྲུང་ཆེ་དོན་གྲུབ་ལྷ་དར་གྱིས་༸གོང་ས་མཆོག་ནི་ “བོད་མི་སྤྱི་ཡོངས་ཀྱི་གནས་སྟངས་ཐོག་ནས་བལྟས་ན་བྱང་ཆུབ་སེམས་དཔའ་ཡང་མ་རེད་ལ་སྤྱན་རས་གཟིགས་ཀྱི་སྤྲུལ་པ་ཡང་མ་རེད། སྤྱི་ཡོངས་ཀྱི་གནས་སྟངས་ཀྱི་ཆ་ནས་མི་ཐ་མལ་པ་ཞིག་རེད།” ཅེས་བརྗོད་་་་་།བདེན་པ་ཡིན་ན། བོད་ཀྱི་རིགས་གཞུང་མེད་པའི་བོད་པའི་སྤྲང་ཕྲུག་ཚོགས་པ་བོད་ཀྱི་གཞོན་ལྷན་གྱི་ཚོགས་པའི་ཙིག་ཟུར་དུ་བོད་ཅེས་བརྒྱབས་ཡ་ཐོབ་ཐང་མེད་པ་རེད། ང་ཡང་སྔར་གཞོན་ལྷན་ཚོགས་མི་ཅིག་ཡིན་ནའང་། ད་གཞོན་ལྷན་ལ་རེ་བ་བརླགས་སོང་ངོ་། །

བློ་གྲོས་རབ་བརྟན་ལགས། ཁྱེད་ཀྱིས་དངོས་གནས་བསམ་ཚུལ་དྲང་པོ་ཙམ་དུ་མ་ཟད་བོད་རྒྱལ་ཁབ་ཐོག་ཏུ་ལ་རྒྱ་དང་། ཐུགས་འཁུར། ཐུགས་འཕྲེལ་ལ་སོགས་པ་མདོར་ན་མ་ཡི་བུ་ལ་བལྟ་བ་བཞིན་དུ་གསུངས་འདུག་པས་ཕྲན་ནས་དགའ་བསུ་དང་སྙིང་ཐག་པ་ནས་ཐུགས་རྗེ་ཆེ་ཞུ་ཡི་ཡོད། ཁྱོད་ཀྱི་དགོངས་ཚུལ་ལ་སྐྱོན་བརྗོད་ཞུ་མཁན་མང་པོ་ཡོད་བ་ངེས། གང་ཡིན་ཞེ་ན། དེང་སང་བོད་པའི་བཙན་བྱོལ་སྤྱི་ཚོགས་ནང་མ་ཤེས་ཤེས་མདོག མ་གོ་གོ་མདོག མ་འཇོན་འཇོན་མདོག བྱེད་མཁན་གང་མང་ཞིག་ཡོང་གི་འདུག་ལ། ཡོང་བ་བཞིན་དུ་དེ་ལྟ་བུའི་མི་ལ་དགའ་པོ་བྱེད་མཁན་ཡང་གང་མང་ཐོན་གྱི་འདུག ཐོན་འབྲས་ནི་ང་ཚོས་དྲ་རྒྱའི་ནང་གཟིགས་ན་ཤེས་ཐུབ། གང་ལྟར་གཙོ་བོ་ང་ཚོས་བོད་ནང་སྡོད་མཁན་གྱི་བོད་མི་ཚོའི་སྙིང་སྟོབས་ལ་གཟིགས་ན་དངོས་གནས་ཧ་ལས་དགོས་པ་ཞིག་ཡིན། རང་གི་སྲོག་འབེན་ལ་བཙུག་ནས་བོད་དོན་ཐོག་ལུས་ངག་ཡིད་གསུམ་གྱིས་ལས་འགུལ་བརྩོམ་གྱི་ཡོད་པ་རེད། ༸གོང་ས་མཆོག་གིས་གང་གསུངས་པ་ལུས་སྲོག་བློས་བཏང་ནས་ལག་བསྟར་བྱེད་ཀྱི་ཡོད་པ་ང་ཚོའི་མཐོང་ཐོས་ལ་ཡོད་པ་ཞིག་ཡིན། ད་དུང་མི་འགས་ཁྱེད་ཀྱི་དགོངས་ཚུལ་འདི་ལྟ་བུ་ལ་མི་དགའ་བ་བྱེད་མཁན་ཡོད་པ་ངེས། དེར་བརྟེན་ཁྱེད་ཀྱིས་དགོངས་ཚུལ་ལ་སྐྱོན་བརྗོད་ཞུ་མཁན་ལ་རྩ་བ་ནས་ཐུགས་ཕམ་མ་གནང་རོགས་ཞུ། བལ་ཡུལ་ལ་བཞུགས་མཁན་ཨ་ནེ་ཆོས་ཉིད་སྒྲོལ་མས་བལ་སྐད་ཐོག་གསུང་གཞས་ཤིག་བཏང་གནང་ཡོད་པ་དེའི་ནང་། མེ་ཏོག་གི་མིག་ལ། འཛམ་གླིང་ཡོངས་རྫོགས་མེ་ཏོག ཚེར་མའི་མིག་ལ། འཛམ་གླིང་ཡོངས་རྫོགས་ཚེར་མ་རེད། ཟེར་བ་བཞིན་མི་བློ་གཟུ་བོར་གནས་པ་ཞིག་ལ་ཁྱེད་ཀྱིས་དགོངས་ཚུལ་འདི་བདེན་པ་དང་། དེ་ལ་རྒྱབ་སྐྱོར་ཆ་ཚང་ཞུ་ཡི་རེད། ཐུགས་རྗེ་ཤེན་ཏུ་ཆེ།

ང་ཚོ་བསྟན་དགྲ་རྒྱ་དམར་ཀླ་ཀློའི་དཔུང་ཚོགས་ཞེས་འདོན་དུས་ཤིག་ན།
ཕྱི་རྒྱལ་དུ་ཡུལ་གྱར་བའི་བོད་རིགས་སྤུན་ཟླ་ཟེར་བ་ཞིག་ཐོས་མྱོང་།

ང་ཚོས་མེས་རྒྱལ་ཁྱིམ་ཚང་ཆེན་མོའི་ཁ་གཡང་ཤིག་སྒྲོགས་པས།
ཁ་བྲལ་རིང་ལུགས་པའི་ཆོ་ལོ་ཞིག་སྩལ་བྱུང།

ཀྲུང་དབྱངས་མི་མང་སྤྱི་མཐུན་རྒྱལ་ཁབ་ལ་བློ་གཏད་རེ་བཅོལ་ཀྱང་།
ཏཱ་ལིའི་རུ་ཚོགས་བཞེས་རྒྱུགས་པ་ལེབ་རྡུང་རེ་བཏང་བྱུང་།

ཕར་ཇི་ཙམ་སྟུན་ཀྱང་མཐུ་རུ་མཐུ་རུ་རེད།
གྱོང་པོ་ཇི་ཙམ་བྱས་ཀྱང་བྱམས་དུ་བྱམས་དུ་གཏོང་ངེས

བདེན་བརྫུན་གང་ཡིན་ཡང་བསམ་ཚུ་དེ་ལྟར་སྤེལ་བར་ཐུགས་ཆེ།

དོན་དང་མཐུན་པ་ཞིག་བྲིས་འདུག་དེར་རྒྱབ་སྐྱོར་ཡོད། དམིགས་བསལ་ཁྱེད་རང་གིས་སྟོན་པའི་དྲི་བ་དེ་དག་༼རྒྱ་ནག་གཞུང་གི་བོད་ཐོག་བཟུང་བའི་སྲིད་ཇུས་ག་འདྲ་རེད། བོད་དང་བོད་མིའི་གནས་སྟངས་ག་འདྲ་རེད། བོད་དུ་བོད་མི་ཚོར་ཅི་ཞིག་དགོས། ཉེན་ཁ་ཅི་ཞིག་བོད་ལ་འབྱུང་བཞིན་ཡོད༽ཧ་ཅང་གལ་གནད་དང་དུས་ལ་བབས་པའི་དྲིག་རྟགས་ཤིག་རེད། དེས་ན་ཡུལ་དུས་ཆབ་སྲིད་འགྱུར་འགྲོས་དང་བསྟུན་ནས་བོད་ཀྱི་རྩ་དོན་བསྒྲུབ་དགོས།