༸གོང་ས་མཆོག་གིས་ཐེངས་འདིའི་འབྲུག་ཆུ་རྫོང་གི་ས་རུད་ཀྱི་དོན་རྐྱེན་ཁྲོད་འདས་གྲོངས་སུ་གྱུར་བ་རྣམས་ལ་བསྔོ་སྨོན་དང་རྗེས་ཤུལ་ནང་མི་ཚོར་སེམས་གསོ་དང་ཐུགས་གསོའི་འཚམས་འཕྲིན་ཕུལ་ཡོད།
ཟླ་འདིའི་ཕྱི་ཚེས་ ༧ ཉིན་གྱི་དགོང་མོར་ཀན་ལྷོ་བོད་རིགས་རང་སྐྱོང་ཁུལ་འབྲུག་ཆུ་རྫོང་དུ་ས་རུད་ཀྱི་རྐྱེན་པས་ཚེས་ ༡༢ བར་མི་ ༡༡༤༤ འདས་གྲོངས་དང་། མི་ ༦༤ ལ་རྨས་སྐྱོན་ཚབས་ཆེན་ཕོག་པ། མི་ ༦༠༠ ལྷག་གར་སོང་ཆ་མེད་དུ་གྱུར་བར་བརྟེན། ཕྱི་ཚེས་ ༡༤ ཉིན་༸གོང་ས་མཆོག་དང་རྒྱལ་བ་ཀརྨ་པ་རྣམ་གཉིས་དབུས། བཙན་བྱོལ་བོད་གཞུང་གི་ཆེས་མཐོའི་ཁྲིམས་ཞིབ་པ་ཆེ་བས་དབུས་ཁྲིམས་ཞིབ་པ་གཞན་དང་། བཀའ་བློན་ཁྲི་པ་མཆོག་གིས་དབུས་བཀའ་བློན་རྣམ་པ། བོད་མི་མང་སྤྱི་འཐུས་ཚོགས་གཙོ་མཆོག་གིས་དབུས་སྤྱི་འཐུས་རྒྱུན་ལས་རྣམ་པ། ངྷ་སའི་ཉེ་འགྲམ་གྱི་དགོན་སྡེ་ཁག་གྲྭ་བཙུན་དང་སློབ་མ། སེར་སྐྱ་མི་མང་འདུ་འཛོམས་ཀྱིས་སྨོན་ལམ་གསོལ་འདེབས་གནང་ཡོད།
༸གོང་ས་མཆོག་གིས་ཉེ་ལམ་ཆུ་རུད་ཀྱི་གོད་ཆག་ཕོག་པ་རྣམས་ལ་ཐུགས་སྨོན་མཛད་ཡོད་པ་མ་ཟད། སེམས་གསོའི་གསུང་འཕྲིན་ཞིག་ཀྱང་བསྩལ་ཡོད་པ་རེད། གསུང་འཕྲིན་དེའི་ནང་འཁོད་དོན། ཉེ་ཆར་རྒྱ་གར་དང་པ་ཀི་སི་ཐན་ནང་ཆུ་རུད་ཀྱི་གོ་ཆག་འོག མི་མང་པོའི་ཚེ་སྲོག་ཤོར་བ་དང་རྒྱུ་དངོས་རྩ་འཐོར་ཕྱིན་པར་ངོས་རང་ཧ་ཅང་བློ་ཕམ་ཆེན་པོ་བྱུང། ངོས་ནས་རྗེས་ཤུལ་རྣམས་ལ་སེམས་གསོ་དང་ཚེ་འདས་རྣམས་ཀྱི་ཆེད་སྨོན་ལམ་རྒྱག་རྒྱུ་ཙམ་མ་ཟད། ངལ་སེལ་དང་རོགས་སྐྱོབ་ཀྱི་ལས་གཞིར་ཞལ་འདེབས་ཀྱང་ཕྲན་བུ་ཞིག་སྤྲོད་རྒྱུ་བྱུང། ཕྱོགས་མཚུངས་ཀན་སུའུ་ཞིང་ཆེན་གྱི་ཀན་ལྷོ་བོད་རིགས་རང་སྐྱོང་ས་ཁུལ་གྱི་ལྷོ་ཤར་མཚམས་སུ་ཡོད་པའི་འབྲུག་ཆུ་རྫོང་དུ་ས་རུད་ཤུགས་ཆེ་བྱུང་བའི་གོད་ཆག་དེའི་འོག་མི་གྲངས་མང་པོའི་ཚེ་སྲོག་ཤོར་ཡོད། གནས་ཚུལ་ཤེས་རྟོགས་བྱུང་བར་གཞིགས་ན་ལོ་ངོ་བཅུ་ཕྲག་མང་པོའི་རིང་བྱུང་མ་མྱོང་བའི་རྐྱེན་ངན་ཚབས་ཆེ་ཤོས་ཤིག་ཆགས་ཡོད་འདུག སྲིད་བློན་ཝུན་ཅ་པའོ་ནས་ངལ་སེལ་དང་རོགས་སྐྱོབ་ཀྱི་ལས་གཞིར་གཟིགས་རྟོགས་ཆེད་འབྲེལ་ཡོད་ས་གནས་ལ་གཟིགས་སྐོར་གནང་བ་ངོས་ཀྱིས་ཤེས་བྱུང།
ངོས་ཀྱིས་འབྱུང་བའི་གོད་ཆག་དེའི་འོག་ཚེ་སྲོག་ཤོར་བ་རྣམས་ལ་སྨོན་ལམ་རྒྱག་རྒྱུ་དང། རྗེས་ཤུལ་ནང་མི་ཚོར་སེམས་གསོ་དང་གདུང་སེམས་མཉམ་སྐྱེད་ཞུ་རྒྱུ་ཡིན། ཆེད་ལས་པ་ཚོས་གསུངས་པར་གཞིགས་ན་སྔར་མ་གྲགས་པའི་ཆུ་རུད་དེ་འདྲ་བྱུང་བ་དང། ཨུ་རུ་སུའི་ནང་ཤིང་ནགས་ལ་མེ་སྐྱོན་ཚབས་ཆེ་ཤོར་བའི་འབྱུང་རྐྱེན་གཙོ་བོ་ནི་སྔར་མ་བྱུང་བའི་གོ་ལའི་ཚ་དྲོད་རྒྱས་པ་དང་ཁོར་ཡུག་གི་གནད་དོན་མང་པོར་ཐུག་པ་ཞིག་ཡིན་འདུག དེར་བརྟེན་ང་ཚོས་ཐུན་མོང་ཐོག་ནས་ཁོར་ཡུག་གནས་སྟངས་ཉག་ཕྲ་བོ་དེ་དག་བདག་སྲུང་བྱེད་རྒྱུར་རྒྱལ་སྤྱིའི་རང་བཞིན་ལྡན་པའི་འབད་བརྩོན་དགོས་རྒྱུ་དེ་དུས་ཀྱི་དགོས་མཁོ་ཞིག་ཆགས་ཡོད། དེ་རིང་སྔ་དྲོ་སླར་ཡང་དམིགས་བསལ་སྨོན་ལམ་གོ་སྒྲིག་ཞུས་ཏེ། ཐེག་ཆེན་ཆོས་གླིང་གཙུག་ལག་ཁང་གི་རྟེན་མཆོག་སྤྱན་སྔར་འབྱུང་བའི་གོད་ཆག་འོག ཚེ་སྲོག་ཤོར་བ་དང་གོད་ཆག་འོག་དཀའ་ངལ་མྱོང་བཞིན་པའི་རྗེས་ཤུལ་ཚོར་སྨོན་ལམ་འཚོགས་སྐབས་ངོས་ཀྱང་མཉམ་ཞུགས་བྱས་ཡོད་ཅེས་ཐུགས་གསོའི་འཚམས་འཕྲིན་ཞིག་ཕུལ་ཡོད་པ་རེད།
གསར་འགོད་པ་དོན་གོ།
ཚེས་ 14 ནི་རེས་གཟའ་སྤེན་པ་གཉིས་པ་དགུང་སེང་དང༌། ཚེས་ 15 རེས་གཟའ་ཉི་མ་ཡིན་ས་རེད། ཕལ་ཆེར་ཁྱོད་ཚོ་ཡང་ལས་ཁུངས་ན་ཡོད་རྒྱུ་མ་རེད་བསམ། འོ་ན་གཞན་ལ་ཅིའི་ཕྱིར་འཁང་ར་བྱེད་ཀྱི་ཡོད།?????? ངོ་མ་ཡ་མཚན་རེད།
གསར་འགོད་པ་དོན་གོ་ལགས།
འདིར་གཟིགས་དང་། འདིར་གཟིགས་དང་། ཉེ་ཆར་ས་རུད་རྐྱེན་པས་འབྲུག་ཆུའི་གོད་ཆག་བྱུང་ནས་ཉིན་ ༡༠ ལས་ཕྱིན་མེད། གནས་ཚུལ་དེ་ཟླ་འདིའི་ཚེས་ ༨ ཀྱི་ཐོ་རེངས་ལ་བྱུང་བ་ཞིག་རེད། འོན་ཀྱང་ཁྱེད་ཉིད་ཀྱིས་ཚེས་ ༧ བསྐྱོན་འདུག་པས། ནོར་བཅོས་འཕྲལ་དུ་འོང་བ་ཞུ།
འདི་ཕྱི་གཉིས་ཀྱི་སྐྱབས་གནས་༸གོང་ས་༸སྐྱབས་མགོན་མཆོག་ནས་འབྱུང་བཞིའི་གནོད་འཚེའི་འོག་ཚེ་ལས་འདས་རྣམས་ལ་བསྔོ་སྨོན་དང་བཤུལ་ལུས་རྣམས་ལ་ཐུགས་གསོའི་མཚམས་འཕྲིན་གནང་འདུག་པས་གུས་པས་སྙིང་དབུས་ནས་ཐུགས་རྗེ་ཆེ་བ་ཞུ་བ་དང་བཤུལ་ལུས་ནང་མི་རྣམས་མགྱོགས་མྱུར་ཁྱིམ་ཚང་བསྐྱར་བཟོ་ཐུབ་པའི་སྨོན་འདུན་ཞུ།
འདི་ན་ཡང་གཅིག་འདུག གཟིགས་རྒྱུ་མ་བརྗེད་པ་གནང་རོགས། མི་ཁག་གཅིག་གིས་གནང་སྟངས་དེ་གཡག་ཞར་བས་རྩ་བཟའ་བ་དང་ཁྱད་པར་ག་རེ་འདུག ཉོབ་ཡག་རང་རེད།
http://www.dalailama.com/news/post/570-his-holiness-the-dalai-lama-prays-for-the-loss-of-lives-in-the-floods
༸གོང་ས་སྐྱབས་མགོན་ཆེན་པོ་མཆོག་གིས་འབྲུག་ཆུ་མི་མང་ཡོངས་ལ་ཐུགས་གསོའི་མཚམས་འཕྲིན་ཕུལ་བའི་མ་ཚད་བསྔོ་བ་སྨོན་ལམ་རྩེ་གཅིག་གསུངས་ཡོད་སྟབས་བཤུལ་ལུས་ནང་མི་ཚོར་དེ་ལས་མ་ཆོག་པ་མེད་གི་བསམ།
བཀའ་དྲིན་གསུམ་ལྡན་གྱི་བླ་མ་རིན་པོ་ཆེས་འདི་ལྟར་ཐུགས་འཚམ་འཕྲིན་ཕུལ་ན་སེམས་ཐམས་ཅད་སངས་རྒྱས་ཀྱི་ས་རུ་ཁྲིད་ངེས་ཡིན་པ་རེད།
གོང་ས་ྋསྐྱབས་མགོན་ཆེན་པོ་མཆོག་ནས་འདི་ལོ་འཛམ་གླིང་ས་ཕྱོགས་གང་སར་ཆུ་ལོག་དང་རང་བྱུང་གི་གོད་ཆགས་བྱུང་བ་རྣམས་ལ་སེམས་གསོའི་གསུང་འཕྲིན་བོད་ཟླ་༧ པའི་ཚེས ༥ སྤྱི་ཟླ་༨ ཚེས་༡༤ ཉིན་བསྩལ་བ་ཞིག་ཡིན་ནའང་། ཁོང་སྐུ་སྒེར་གྱི་དྲ་ཚིགས་སུའང་ཟླ་ཚེས་༡༦ བར་སྤེལ་མི་འདུག
དྲ་ཐག་འདི་ལ་གཟིགས་རོགས།
http://gyalwarinpoche.com/newsdetail.php?recordID=39
ཚུལ་ཁྲིམས་གཙང་ཞིང་འདུལ་བའི་ཆོ་ག་ཤེས།།
ནད་པར་སྙིང་བརྩེ་འཁོར་ནི་དག་པ་དང་།།
ཆོས་དང་ཟང་ཟིང་ཕན་འདོགས་ལ་བརྩོན་པ།།
དུས་འདོམས་པ་དེ་ཉིད་བླ་མར་བསྔགས།།
རྐྱེན་འདས་སུ་ཕྱིན་པའི་བོད་རིགས་སྤུན་ཟླ་རྣམས་སླ་ཡང་༸འཕགས་མཆོག་ཕྱག་ན་པདྨོའི་གདུལ་ཞིང་དམ་པར་འགྱུར་བའི་སྨོན་འདུན་ཞུ།།
གོང་ས་མཆོག་བྲེལ་བ་ཆེ་བ་ཤེས་མོད། ཐུགས་གསོའི་གསུང་འཕྲིན་ཅུང་འཕྱི་སོང་བ་འདྲ།