གཉའ་འབྲོང་ཐུ་བུའི་ཟིན་བྲིས་ལས་བཤུས།
བཀུར་བར་འོས་པའི་བཀའ་ཁྲི་དང་། བོད་མི་མང་གི་འཐུས་ཚབ་ཉན་པའི་འཐུས་མི་འདེམ་བསྐོའི་བྱ་འགུལ་བསླེབ་ལ་ཉེ་བའི་སྐབས་འདིར། མང་གཙོའི་ཁེ་དབང་ལོངས་སུ་སྤྱོད་པའི་བོད་མི་སུ་ཡིན་ཡང་ཁ་ཞིག་གྲག་ན་དོན་ཞིག་གོ་རྒྱུ་ཡོད། བདག་ལྟ་བུ་ལ་མཚོན་ན། ད་རེབ་ལས་ཀ་དེའི་སྔ་གཞུག་ཚང་མ་ཚགས་ཚུད་པོ། མི་མང་གི་འདོད་བློ་དང་འཚམ་པ། རྗེས་མར་འགྱོད་མི་དགོས་པ་ཞིག་ཡོང་ན་བསམ་པའི་རེ་བ་ཙམ་ལས་དེ་ལ་ནུས་པ་འདོན་ཐུབ་པའི་དབང་ཚད། ཆབ་སྲིད་ཀྱི་ཀླད་པ་མྱུར་མོ་དེ་འདྲ་གང་ཡང་མེད། ཡིན་ནའང་། རང་ཉིད་བོད་མིའི་ངོ་བོར་གྲུབ་ཚར་བ་དང་། སྐྱབས་བཅོལ་བའི་གྲས་ལ་འཚང་ཡོད་པ། ༧ གོང་ས་མཆོག་གི་དགུང་ནའི་བབ། ད་ལྟའི་བོད་མི་རིགས་ཀྱི་འཇིག་ཉེན་སོགས་ཕྱོགས་ཡར་མར་ལ་བསམ་བློ་བཏང་ན། སེམས་ན་ནད་མེད་ཀྱང་གཏིང་ཞིག་ནས་ན་ཟུག་ལང་གི་འདུག
འདས་པའི་ལོ་རྒྱུས་དང་། རྒྱ་ནག་གི་ཆབ་སྲིད། ད་ལྟའི་བོད་ཀྱི་གནས་བབ་དང་། ཆོས་དང་ཆབ་སྲིད་ཀྱི་གནད་དོན། མི་མང་གི་རྣ་ལམ་གྱི་གྲྭ་བའི་གཡོ་འགུག་རང་བཞིན་གྱི་སྐད་ཆ། སྲིད་དོན་ཁ་ལ་འཁྱེར་བའི་གྲྭ་བའི་གྲངས་འབོར་སོགས་སྔ་འདང་ཕྱི་འདང་མང་པོ་བརྒྱབ་ན། ད་རེབ་འདམ་ག་མ་ནོར་བ་བྱེད་རྒྱུ་ནི་མང་གཙོའི་ཁེ་དབང་ལོངས་སུ་སྤྱོད་པའི་བོད་རྒྱ་ཆེས་མི་མང་གི་ཕྲག་ཏུ་བབ་འདུག
མ་གཞི་ནས་ང་ཚོས་ཅི་ཞིག་རྩོད་ཀྱིན་ཡོད། ཅི་ཞིག་མ་ལོན་པར་ཡོད། ཆོས་རྩོད་ཀྱིན་ཡོད་དམ། སྲིད་རྩོད་ཀྱིན་ཡོད། ཆོས་མ་ལོན་པར་ཡོང་ངམ། སྲིད་མ་བརྟན་པར་ཡོང་། དེ་ལ་མི་མང་གིས་བསམ་བློ་གཏོང་དགོས་བསམ། ཆོས་མ་ལོན་པར་ཚོས་རྩོད་ཀྱིན་ཡོད་ན་བཀའ་ཁྲི་དང་སྤྱི་འཐུས་ལ་བླ་མ་གྲྭ་བ་འོས་བླུགས་རོགས་གནོངས་དང་། བོད་ཀྱི་གྲྭ་བས་མི་ཚེ་གང་ལ་ཆོས་བརྩད་པས་ཆོས་རྩོད་རྒྱག་ཤེས་ཀྱི་རེད་ལ། ཆོས་ལེན་ཡང་ཤེས་ཀྱི་རེད་སྙམ། སྔོན་ཆད་ཀྱང་ཆོས་མང་པོ་བླངས་མྱོང་ཞིང་དར་ཡང་མྱོང་། སྲིད་རྩོད་ཀྱིན་ཡོད་ན་གྲྭ་བས་ནམ་ཡང་སྲིད་རྩོད་མི་ཤེས་ལ། སྲིད་རྩོད་ཁུལ་ཙམ་བྱེད་པ་དེར་ཡང་དམིགས་ཡུལ་གཞན་ཞིག་ཡོད་ངེས་ཡིན།
བསམ་བློ་ཞིག་ཐོངས་དང་། ཕྱིང་བ་འདྲ་ས་ན་སྡེར་མོ་ཅན་ལ་ལས་ཀ་མེད་པའི་གནས་ལུགས་འདི་ཙམ་བོད་མི་མང་གིས་ཤེས་དགོས་པ་ཞིག་མ་རེད་དམ། ༧ གོང་ས་མཆོག་གིས་ང་ཚོར་སྲིད་རྐམ་པོ་ཞིག་ཡིན་ན་འབད་བརྩོན་དེ་འདྲ་གནང་མི་འདོད་པའི་གོ་བརྡ་བརྒྱབ་མེད་དམ། མི་མང་ལ་གོ་རྟོགས་སྐྱོ་དྲགས་པ་ཡིན་ནམ། ང་ལ་ཚོར་རྟོག་རྣོ་དྲགས་པ་གང་ཡིན་མི་ཤེས་ཀྱང་གསུང་སྐད་འདི་བསྐྱར་ཟློས་ཤིག་བྱེད་དགོས་ཆགས་སོང་། བོད་མི་མང་མགོ་རྨོངས་སོང་བ་དང་། གྲྭ་རྒན་ཚོ་སྐབས་འཚོལ་ལ་མཁས་སོང་བས་བོད་མི་མང་གིས་གནའ་ནས་བཟུང་གྱོང་ཞིག་རེག་སོང་སྙམ་པའི་བློ་ཕམ་དང་ཡིད་འགྱོད་སྐྱེ་མྱོང་བ་ནི་གཅིག་བྱས་ན་ང་རང་གི་སྡུག་གྱོང་ཡིན་ཡང་སྲིད།
ཆོས་ཀྱི་བསླབ་བྱས་སྲིད་སྤོང་ཐབས་དང་། དགྲ་གཉེན་ཀུན་ལ་མའི་འདུ་ཤེས་འཛིན་སྟངས་ཀྱི་བག་ཆགས་དེས་མ་བསླད་པའི་གྲྭ་བ་ཞིག བཀའ་ཁྲི་དང་སྤྱི་འཐུས་ལ་བསླེབ་མི་ཐུབ། དེ་ནི་ཤེས་ཡོན་འདེམ་སྟངས་ལས་གྲྭ་བ་ཆོས་ཕྱོགས་ལ་མཁས་པ་ཞིག་ལས་མི་མང་གིས་འདེམ་རྒྱུ་མེད་པས་རྒྱུ་མཚན་ལ་ཐུག་ཡོད། དེའི་ཕྱིར་སེམས་ཅན་ཐམས་ཅད་ལ་མའི་འདུ་ཤེས་དང་། སྲིད་སྤང་བྱར་ལྟ་བའི་གྲྭ་བ་སུ་འདྲ་ཞིག་བཀའ་ཁྲི་དང་སྤྱི་འཐུས་ལ་བསླེབ་ནའང་སངས་རྒྱས་ཨ་མའི་རོ་ཐོག་ལ། དགེ་འདུན་ཨ་མའི་རོ་ཡིན་པ་སྨོས་ཅི་དགོས།
མི་རིགས་བྱེ་བྲག་པ་ལ་རིགས་ཞེན་གྱི་འདུ་ཤེས་མེད་པ་དང་། རང་རྒྱལ་གཞན་ཕམ་གྱི་བསམ་བློ་ཉག་ཕྲ་བའི་གྲྭ་བ་དེ་དག་གིས་མི་རིགས་བྱེ་བྲག་པའི་རང་དབང་ལ་དེ་ཙམ་མཐོང་ཆེན་བྱེད་སྲིད་དམ། དེ་ཙམ་ནུས་པ་འདོན་ཐུབ་བམ། དེ་ལའང་ཁོང་ཚོར་རྒྱུ་རྐྱེན་མེད་པ་ག་ལ་ཡིན་ཏེ། དེ་ནི་ཁོང་ཚོའི་ཚེ་འདི་དང་ཕྱི་མ་གཉིས་ལས་ཕྱི་མ་གལ་ཆེ་ཚུལ་དང་། ཕུགས་རྒྱང་རིང་ཚུལ་གྱི་ལྐོག་གྱུར་གླེང་བའི་གཞུང་ལུགས་ལས། རྒྱ་ཆེ་བ་དང་ གྲངས་མང་བའི་སྲོག་ལྡན་ཀུན་པོས་ད་ལྟའི་མ་བཞིན་བྱམས་པས་བསྐྱངས་ཚུལ་གྱི་བག་ཆགས་དེས་ཡོངས་སུ་ཟིན་ཡོད་པས་ཡིན། ཆོས་པ་ཞིག་གི་ངོས་ནས་གླེང་ན་དེ་ནི་ངེས་པར་ཡོད་དགོས་པའང་ཡིན་མོད། འུ་ཆག་གི་འཚོ་གནས་ཙམ་པོ་བ་འདི་བསྐྱར་འཛུགས་བྱེད་པ་ལ་ཁ་གཏད་ངོ་མ་དེ་ཆགས་ཡོད།
བོད་མི་མང་གིས་བསམ་བློ་ཞིག་ཐོངས་དང་། ཕྱོགས་ངོས་གཞན་ཏེ། ལས་རིགས་ཀྱི་ཆ་ནས་ང་ཚོས་བསྒོ་བྱ་ཞིག་བརྒྱབ་ན་སྲིད་ཀྱི་ལས་རིགས་འདི་གྲྭ་བའི་གཉེར་བྱ་ཞིག་ཡིན་ནམ་ཁྱིམ་པའི་གཉེར་བྱ་ཞིག་ཡིན། བདག་གིས་ད་བར་དུ་ནང་ཆོས་ལ་སློབ་སྦྱོང་ཅུང་ཟད་བྱས་པའི་འབྲས་རྟགས་སུ་ཆོས་དང་སྲིད་གཉིས་ནི་ལམ་དང་ལུགས་སྲོལ་ཁ་ཁ་ཡིན་པའི་འདུ་ཤེས་རྙེད་སོང་ལ། གྲྭ་བས་སྲིད་ལ་ཐེ་གཏོགས་བྱེད་པ་ནི་གཞན་གྱི་ངོ་བསྲུང་དང་། རང་གི་མཚན་སྙན། ཐོབ་ཆོག་ཆོག་གི་ཁེ་སྤོག་སོགས་ཀྱི་ཆེད་ཡིན་པའང་རྟོགས་སོང་། ངས་ནམ་རྒྱུན་གྲྭ་བས་ཆོས་རྩོད་སྒྲུབ་བྱེད་སྟངས་དང་། སྲིད་རྩོད་སྒྲུབ་བྱེད་སྟངས་ལ་དོ་སྣང་བྱེད་མྱོང་། ཁོང་ཚོས་སྲིད་རྩོད་སྒྲུབ་བྱེད་དུས་སྒྱིད་ལུགས་དང་སྣང་ཆུང་འབའ་ཞིག་བྱེད་ལ། དེ་ནི་ལས་ཞོར་ཙམ་ལ་བརྩིས་ཤིང་འཐུས་ཤོར་ལ་སོང་ནའང་བློ་འགྱོད་གཏན་ནས་མི་བྱེད། དེ་ནི་གྲྭ་བ་ལ་སྲིད་རྩོད་སྒྲུབ་ཀྱི་སེམས་ཁམས་མེད་པས་ཡིན། ཆོས་རྩོད་སྒྲུབ་བྱེད་དུས་རྣམ་རིག་གསལ་ཞིང་ཧ་ཅང་གྲུང་ལ་འུ་ཅག་གི་འཚོ་གནས་གླེང་མྱོང་བའི་མི་བུ་གང་མང་ཞིག་ལ་མི་འབབ་པའི་སྐད་ཆ་མང་དག་བཤད་ཡོད་ལ་ཕོག་ཐུག་ཀྱང་བཏང་ཡོད། དེ་ཙམ་མ་ཟད་ཆོས་རའི་ནང་དུ་ཁས་ལེན་ཙམ་དཀྱོག་ནའང་ཁོ་མཁས་ང་མཁས་མང་པོས་གཟན་སྐེད་ལ་དཀྲིས་ཏེ་གཅིག་ཤོར་གཉིས་ཤོར་བྱེད་ཀི། འདི་ནི་བོད་ཀྱི་གྲྭ་བས་གནའ་ནས་ད་བར་ཆོས་སྲིད་གཉིས་ལ་གལ་ཆེ་ཆུང་དང་། དམན་མཆོག་བཀར་བའི་བག་ཆགས་འཇོག་སྟངས་ཤིག་གོ། །
བོད་ཀྱི་སྲིད་དོན་ལ་དཀའ་ལས་རྒྱག་མཁན་དང་སེམས་ཤུགས་ཅན། ལྷག་བསམ་ཆེ་བའི་བླ་གྲྭ་རེ་ཟུང་འདུག་མོད་དེ་ཙམ་གྱིས་བོད་ཀྱི་གྲྭ་བ་སྤྱིའི་ཚབ་མཚོན་བྱེད་མི་ཐུབ། ངས་བཀའ་ཁྲིར་འདི་དང་གན་འོས། སྤྱི་འཐུས་ལ་དེ་དང་ཁོ་འཚམ་ཞེས་མ་བཤད་ཀྱང་བོད་ཀྱི་སྲིད་དོན་སྡེ་ཁག་ལ་གྲྭ་རྒན་ཚོ་ལག་འཐེན་བྱས་ན་ཁབ་རྩེ་གཉིས་ཀྱིས་བཟོ་མི་ཡོང་བ་དང་། བློ་རྩེ་གཉིས་ཀྱིས་དོན་མི་འགྲུབ་པའི་དཔེ་ལྟར་དེ་ཚོས་ཆོས་སྲིད་གཉིས་ཀའི་གནད་དོན་གླེང་མི་ཕོད་པར་ཆོས་སྲིད་ཟུང་འབྲེལ་གྱི་རྨུ་ཐག་རབ་རིབ་པོ་འཐེན་ཏེ་ང་ཚོ་ད་དུང་གྱི་ནར་ལྷག་རྒྱུ་ཡིན་པ་གདོན་མི་ཟའོ། །
དྲ་གྲོགས་འབུར་ཐོ་ལགས། ༧གོང་ས་མཆོག་ལ་བོད་ཀྱི་ཆོས་སྲིད་གཉིས་ཀྱི་བླ་ན་མེད་པའི་དབུ་འཁྲིད་ཅེས་པའི་ཚིག་འདི་་གཞུང་འབྲེལ་ཡིག་ཆ་ཁག་ཏུ་གསལ་བོར་ཡོད་པར་མ་ཟད་བོད་རྒྱལ་ཡོངས་དམིགས་བསལ་ཚོགས་ཆེན་དང་སྤྱི་འཐུས་་་་་་་་གྲོས་ཚོགས་རིམ་པའི་སྐབས་སུའང་༧གོང་ས་མཆོག་ལ་ཆོས་སྲིད་གཉིས་ཀྱི་ཐུགས་འགན་མུ་མཐུད་བཞེས་དགོས་པའི་གསོལ་འདེབས་ལན་མང་བྱས་འདུག ཡིག་ཆ་འདི་ཚང་མ་མེར་སྲེག་ཐོངས་དང་་་་་་གཞི་ནས་ཁྱེད་རང་གི་༧གོང་ས་མཆོག་ཆོས་སྲིད་གཉིས་ཀྱི་དབུ་འཁྲིད་མ་ཡིན་པར་སྒྲུབ་ཐུབ་ཧཧཧཧཧཧཧཧཧཧ་་ད་དུང་བསམ་བློའི་སྐོར་བཤད་ཡོང་་ཧཧཧཧཧཧ
ཉི་མ་ལགས་ཀྱིས་དགོངས་ཚུལ་འབྱོར་བ་དགའ་བོ་བྱུང་། ༼ཁ་ཚུམས་ཤིག་ཅེས་ཞེན་སྐུལ་གནང་བར་ངོས་ལེན་ཐབས་མེད། ༽འདི་དངོས་གནས་བདེན་པ་རེད། ཁ་ཚུམས་ཞེས་བཙན་ཤུགས་ཀྱིས་བཀག་པའི་དུས་ལས་འདའ་ཡོད་ཉམས་མ་བསྟན་ན་ང་ཚོས་སྤྱི་ཚོགས་ཀྱི་རྗེས་ཟིན་པ་ཕར་བཞག་རྗེས་ཤུལ་ཙམ་ཡང་མ་མཐོང་བ་ཆག་གི་རེད། དེ་ན་ཁྱོད་ཀྱི་དགོངས་ཚུལ་ག་རེད་ཡོད་ན་ང་ལ་གསུང་ཆོག་མོད། དེ་ལ་ལན་འདེབས་དང་བདེན་ཁ་སྤྲོད་མིན་ང་རང་གི་ལག་པ་རེད། ༼༧གོང་ས་མཆོག་དང་ཟམ་དོང་རིན་པོ་ཆེ་སོགས་ལ་བལྟོས་དང་ཤེས་ཀྱི་རེད། གྲྭ་བས་ཆབ་སྲིད་ལ་འགན་ཁུར་ལེན་སྐབས་དཀའ་ངལ་མང་པོ་ཡོང་སྲིད་པ་རེད། དེ་ལ་གདོང་ལེན་བྱེད་དགོས་པ་མ་གཏོགས་དཀའ་ངལ་འཕྲད་ཀྱི་རེད་ཅེས་འཁུམ་སྡད་ན་ཆོས་དང་ཆབ་
་སྲིད་གང་ཡང་བྱེད་ཐུབ་ཀྱི་རེད། བོད་བརྒྱུད་བསྟན་པ་དང་འབྲེལ་བའི་ཆབ་སྲིད་ཀྱི་ལས་དཀར་ཞུགས་པ་ལ་ཆོས་དོར་དགོས་ན་ང་ཚོའི་བླ་ན་མེད་པའི་དབུ་འཁྲིད་ཀྱིས་ཀྱང་ཆོས་དོར་ཚར་ཡོད་ཀྱི་རེད། ཡང་ན་ང་ཚོའི་དབུ་འཁྲིད་ཀྱིས་ཆབ་སྲིད་ཀྱི་ལས་དོན་གང་བྱས་མེད་པ་རེད་ཅེས་བརྗོད་ཐུབ་བབ།༽འདི་ནི་ཁྱོད་རང་གི་ལྟ་ཚུལ་དངོས་དེ་ཡིན་པ་འདྲ། དེའི་ཕྱིར་ངས་འདི་ལ་ལན་འདེབས་ཚ་བོ་ཞིག་བྱེད་ངེས་ཡིན། ༧གོང་ས་མཆོག་ང་ཚོའི་ཆོས་ཀྱི་དབུ་ཁྲིད་ཡིན་པ་ལས་སྲིད་ཀྱི་དབུ་།ཁྲིད་གཏན་ནས་མ་རེད། རྒྱ་ནག་གིས་རྒྱལ་བ་རིན་པོ་ཆེས་ཆབ་སྲིད་འཁྲབ་ཀྱིན་འདུག་ཟེར་བ་དེ་ངས་ནམ་ཡང་ངོས་ལེན་བྱེད་ཀི་མ་རེད། གལ་ཏེ། རྒྱལ་བ་རིན་པོ་ཆེས་བོད་མི་རེ་རེ་ལ་འགན་ཡོད་པ་རེད་གསུངས་པ་དེས་ང་ཚོ་ཚང་མར་ལེན་འགན་རེ་སྤྲད་ཚར་བ་རེད། འོན་ཀྱང་། འུ་ཅག་གིས་བླ་མས་རང་སྲིད་རང་སྐྱོང་བླང་ཡོང་བར་བསྙམས་ནས་ལྷིང་ལ་འཇགས་ཡོད་པ་རེད། ད་དུང་ནང་ཁུར་ལ་མཁས་མདོག་དང་འཇོན་མདོག་ཁོ་ནར་བྱེད་ཀྱིན་ཡོད་རེད། འདི་ནི་འུ་ཅག་གཉིད་མ་སད་པའི་རྟགས་མཚན་ཡག་ཤོས་ཤིག་རེད། སྲིད་རྩོད་རྒྱུར་རྒྱལ་བ་རིན་པོ་ཆེ་ལ་རེ་སྒུག་བྱེད་དགོས་པ་གང་ཡང་ཡོད་མ་རེད། སོ་སོས་རྣམ་དཔྱོད་ཀྱི་རྩལ་བཏོན་ནས་འཐབ་རྩོད་བྱེད་དགོས་པ་རེད། ཁྱོད་ཀྱིས་རྒྱལ་ཁབ་གཞན་གྱི་འཐབ་རྩོད་བྱེད་སྟངས་ལ་ཞིབ་འཇུག་ཅིག་བྱས་རྗེས་ང་ཚོས་འཐབ་བྱེད་སྟངས་དང་སེར་སྐྱ་མི་མང་གཡུང་ཚུལ་ལ་ཞིག་གཟིགས་དང་། ཆབ་སྲིད་མ་འཁྲབ་པར་རྒྱལ་ཁ་ནམ་ཡང་ཐོབ་རྒྱུ་ཡོད་མ་རེད། འཛམ་གླིང་ཞི་བདེར་གྱུར་ཚུལ་མང་པོ་ཞིག་ཁྱེད་ཀྱིས་བཤད་འདུག དེ་ཚོ་ནི་ང་ཚོས་རང་གིས་རང་སྐྱིད་པོ་བཤད་པ་ཙམ་ལས་ཡོང་རྒྱུ་མེད་པ་ཞིག་རེད། དཔར་ན། ཁྱོད་ཀྱིས་མ་མཐའ་ཡང་རྒྱ་ནག་གིས་བོད་ཀྱི་ས་ཐོག་ལ་མེ་ཤུགས་འཕུར་མདའི་གཏི་གནས་ག་ཚོད་ཡོད་རེད། འདི་ཚོ་མ་འོངས་པར་ཅི་ཞིག་ལ་དམིགས་ཀྱིན་ཡོད་རེད། ཐེ་ཝན་ལ་རྒྱ་ནག་གིས་ཐད་ཀར་བཙན་འཛུལ་བྱེད་མ་ཐུབ་པའི་རྒྱུ་རྐྱེན་ག་རེ་རེད། གོ་མཚོན་ལ་སྐྲག་གི་ཡོད་རེད། ང་ཚོས་ཞི་བདེ་ཡིན་ཚུལ་དང་བོད་པ་སྤྱོད་པ་ཡག་རབས་བཤད་ཀི་ཡོད་རེད་དེ། མི་ཚོས་ཞི་བདེ་མ་ཡིན་རང་ཡིན་རེད་བསམ་གི་ཡོད་རེ་ལ་དངོས་ཡོད་གནས་ཚུལ་རེད། གལ་ཏེ། བོད་པ་ལ་དམག་དོན་དང་ལག་ཆ་ལག་རྩལ་ཚན་རིག་གི་འགྲན་ཟླ་བྲལ་བ་ཞིག་ཡོད་ན།མི་ཚང་མས་དགའ་བོ་བྱེད་ཀི་རེད། དེ་ནི་ཁོང་ཚོས་དོག་གཟོན་བྱེད་ཀི་ཡོད་རེད། ཁྱོད་ཀྱི་བསམ་ཚུལ་གསུངས་པ་ཡག་པོ་རེད། ཡིན་ནའང་། རྩོམ་ཡིག་འབྲི་ཤེས་པ་ཙམ་གྱིས་ད་དུང་བསམ་བ་ཆག་རྒྱུར་ཐག་རང་པོ་ཡོད་རབས་འདུག ད་དུང་ཆབ་སྲིད་སྐོར་ལ་དོ་སྣང་བྱོས་ལོ། ང་སྤྱིར་བཏང་དམངས་ཁྲོད་པ་ཅང་མི་ཤེས་མཁན་ཞིག་ཡིན། འོན་ཀྱང་། ད་ལྟ་གང་ཐུབ་ཐུབ་ཀྱིས་དོ་སྣང་བྱེད་ཀི་ཡོད། ཁྱོད་ལ་བློ་ྦསྐྱེད་སྤྲོད་ཐུབ་མཁན་ཞིག་མིན། དྲ་ཁང་ནས་ཐོལ་བྱུང་དུ་སྤེལ་བ་ཡིན་ཡིག་ནོར་ཡོད་ན་དགོངས་སེལ་ཞུ། ཞུ་དག་བྱས་མེད།
དྲ་གྲོགས་འབུར་ཐོ་དང་ཧོར་བུ་ཡེ་ཤེས་ལགས་གཉིས་ལ། བླ་མ་དང་གྲྭ་བས་སྲིད་གང་འདྲ་བྱས་ནས་སྐྱོང་དགོས་པ་དང་བསྐྱངས་ཡོད་པ་༧གོང་ས་མཆོག་དང་ཟམ་དོང་རིན་པོ་ཆེ་སོགས་ལ་བལྟོས་དང་ཤེས་ཀྱི་རེད། གྲྭ་བས་ཆབ་སྲིད་ལ་འགན་ཁུར་ལེན་སྐབས་དཀའ་ངལ་མང་པོ་ཡོང་སྲིད་པ་རེད། དེ་ལ་གདོང་ལེན་བྱེད་དགོས་པ་མ་གཏོགས་དཀའ་ངལ་འཕྲད་ཀྱི་རེད་ཅེས་འཁུམ་སྡད་ན་ཆོས་དང་ཆབ་
་སྲིད་གང་ཡང་བྱེད་ཐུབ་ཀྱི་རེད། བོད་བརྒྱུད་བསྟན་པ་དང་འབྲེལ་བའི་ཆབ་སྲིད་ཀྱི་ལས་དཀར་ཞུགས་པ་ལ་ཆོས་དོར་དགོས་ན་ང་ཚོའི་བླ་ན་མེད་པའི་དབུ་འཁྲིད་ཀྱིས་ཀྱང་ཆོས་དོར་ཚར་ཡོད་ཀྱི་རེད། ཡང་ན་ང་ཚོའི་དབུ་འཁྲིད་ཀྱིས་ཆབ་སྲིད་ཀྱི་ལས་དོན་གང་བྱས་མེད་པ་རེད་ཅེས་བརྗོད་ཐུབ་བབ། ཁ་ཚུམས་ཤིག་ཅེས་ཞེན་སྐུལ་གནང་བར་ངོས་ལེན་ཐབས་མེད། མང་གཙོའི་སྤྱི་ཚོགས་ནང་ངའི་ལྟ་ཚུལ་དང་མི་མཐུན་པས་ཁ་ཚུམས་ཞེས་པའི་ཚིག་དེ་མེད་པ་རེད། དེ་ནི་ཆེས་གོ་རྟོགས་དམའ་བའི་མགོ་མཁྲེགས་ཚོའི་བརྗོད་སྟངས་ཤིག་རེད།
ཉི་མ་ལགས་བླ་་གྲགས་ཚོས་རྒྱལ་ཁབ་སྲུང་སྐྱབས་ལ་ཕན་ཐོག་ཅི་འདྲ་ཡོད་ཅིག་གསུང་དང་།ངས་ནི་འཛམ་བུ་གླིང་འདིའི་ཐོག་རྒྱལ་ཁབ་སྲུང་སྐྱབས་བྱེད་མཁན་ཚང་མ་སྐྱ་བོ་ཞིག་མ་གཏོགས་རྩ་ནས་མཐོང་གི་མི་འདུག།
སངས་རྒྱས་བཅོམ་ལྡན་འདས་ཀྱིས་སྲིད་དོར་ནས་རབ་ཏུ་བྱུང་།ང་ཚོའི་གྲྭ་བས་ཆོས་དོར་ནས་སྲིད་འཛིན་པ་དེ་ངོ་མ་དུས་རབས་ཉེར་གཅིག་པའི་ཆོས་པ་ལོས་ཡིན།ད་དུང་དགོན་པ་གྲྭ་ཚང་སྐྱོང་སྟངས་དང་སྲིད་སྐྱོང་སྟངས་གཅིག་པ་མཐོང་མཁན་ཡང་འདུག།ངོ་མ་དགོད་མོ་ཤོར་ཡག་རང་རེད།
ངས་དྲང་པོ་ཞིག་ཞུ།ང་ཚོའི་དབུ་ཁྲིད་ཆོས་པ་ཡིན་ཙང་དགྲ་བོ་ཧམ་པ་ཆེ་རེ་འགྲོ་ཡི་ཡོད་པ་རེད།ཁོང་ཚོས་མ་འོངས་པར་སྐྱ་བོ་ཞིག་སླེབས་སོང་ན་ཡག་པོ་ཞིག་ཡོང་གི་མ་རེད་དྲན་ཏེ་ད་ལྟ་ནས་དྲག་སྤྱོད་པ་ཞེས་མི་དེ་འཁྱེར་ཡོང་གི་ཡོད་པ་རེད།དེ་ནི་ང་ཚོས་ཆོས་བློས་མི་གཏང་བའི་ཐབས་ཤེས་ཤིག་རེད།ཆོས་བློས་མ་གཏང་ན་གཞན་གཅེར་འཛིན་བྱེད་དགོས་པ་རེད།གཞན་གཅེར་འཛིན་མ་བྱེད་ན་ཆོས་པའི་མིང་དོན་མི་མཚུངས།གཞན་གཅེར་འཛིན་བྱེད་ན་དགྲ་བོའི་ཅི་བསམ་བྱེད་ཆོག་པ་རེ།ཡིད་མ་ཆེས་ན་འདས་པའི་ལོ་ལྔ་བཅུ་ནང་ཕྱི་བལྟས་ཤིག་བྱོས་དང་གསལ་པོ་མཁྱེན་སྲིད།།
གང་བྱུང་བཤད་སྡད་མཁན་ཚོས་ཐུགས་བསམ་ལེགས་པོ་ཞིག་བཞེས་དང་སྲིད་ནི་རང་གཅེར་འཛིན་དང་ཆོས་ནི་གཞན་གཅེར་འཛིན་མ་རེད་དམ།
ཉི་མ་ལགས་ཀྱིས་ད་དུང་བསམ་བློ་ཏོག་ཙམ་ཆུང་མེད་དམ་སྙམ། གྲྭ་བ་སྲིད་སྟེགས་སྟེང་བུད་ན་དྲང་མོ་དྲང་རྐྱང་འགྲོ་དགོས་པ་ནི་སྲིད་ཀྱི་གནད་འགག་མ་རེད། གྲྭ་བ་རང་གི་ལངས་ཕྱོགས་རེད། རྒྱལ་ཁབ་ཀྱི་ཆེད་དུ་གྲྭ་བས་ཆབ་སྲིད་འཁྲབ་ཆོག་གི་རེད་ལབ་པ་དེ་ནི་ངས་གཏན་ནས་ཁས་ལེན་ཐུབ་ཀི་མི་འདུག ང་རང་ཡང་གྲྭ་བ་ཐེབ་ཆག་ཅིག་བྱས་ནས་འཚར་ལོངས་བྱུང་བ་ཡིན། སྲིད་དོན་ནང་གི་ལས་དཀའ་གནད་འགག་ཅན་ལས་རྒྱུར་དཀའ་ངལ་ཡོད་རེད། དེ་ཁྱེད་རང་གིས་ཕལ་ཆེར་ཉམས་མྱོང་བསགས་མེད་ན་ཐང་། གྲྭ་བ་ཆབ་སྲིད་ལ་ཞུགས་ཡོང་དུས་གྲྭ་བའི་མང་དེ་ཡང་ཁུར་དགོས་པ་རེད། དཔེ་ཆུང་ཆུང་ཞིག་བཞག་ན་། མི་སྐྱ་ཞིག་ངོ་རྒོལ་ལ་འགྲོ་སྐབས་རང་ཉིད་ཀྱི་སྡུག་བསྔལ་ཡོད་ཚད་ངར་ཤུགས་དང་ངུ་ངག་གི་ལམ་ནས་ཕ་རོལ་བོ་ལ་འགྲ་མཉམ་ཐོག་ནས་བཤད་ཆོག་གི་རེད། གྲྭ་བ་ཞིག་ཡིན་ན་རང་ཉིད་ཞི་བདེ་བག་ཡོད་ཅིག་མིན་ནའང་ཚུལ་ཆོས་མི་བྱེད་ཐབས་མེད་རེད། དེ་ལ་སོགས་པ་མང་པོ་ཡོད་རེད། འོན་ཀྱང་། སྐུ་ཉིད་ཀྱིས་དགོངས་ཚུལ་གསུངས་སྟངས་ལ་བལྟས་ན་ད་དུང་ཁྱེད་ཀྱི་ཆབ་སྲིད་གོ་རྟོགས་ལ་ཏག་ཏག་འཚམ་པོ་མེད་པས་གནས་སྐབས་མ་སྤྲོས།
ཉི་མ་ལགས་ལ་གུ་ཡངས་ཀྱི་བསམ་བློ་དེ་འདྲ་ཞིག་ཡོད་ན་ངས་དགོངས་དག་ཞུ་ག་ལ་དགོས། ཁྱེད་ཀྱི་ལྟ་ཚུལ་འདོན་རྒྱུའི་ཐོབ་ཐང་ལ་ངས་རྒྱབ་སྐྱོར་ཞུ་དང་ཞུ། ད་རེས་ལྷོད་ལྷོད་བྱས་ནས་༼བཏགས་པ༽ཡིན་ནམ་གཏགས་པ་ཡིན། ཀུ་རེ་ཡིན། ད་ང་ལ་ཡང་དམིགས་བསལ་ཞུ་རྒྱུ་མི་འདུག བསམ་ཚུལ་རེ་ཡོད་ན་གོང་གི་༼བོད་ནི་མི་རིགས་གཡུང་མ་ཞིག་རེད།༽ཅེས་པའི་ནང་སྤེལ་རོགས།
བདེན་པ་རེད། རྒྱལ་ཁབ་ཅིག་ལ་གྲ་སྒྲིག་དགོས་དང་དགོས། ཆོས་པ་ལ་འཚོ་གནས་དགོས་པས་རྒྱལ་ཁབ་སྲུང་སྐྱོབ་ཀྱི་འགན་ཁུར་དོར་ན་མི་འགྲིགས། འཚོ་གནས་བསམ་བློ་དང་ཆོས་པའི་བསམ་བློ་གཉིས་ལ་ཧེ་བག་ཡོད་པ་ཁས་ལེན་དང་ལེན། ངའི་བཤད་རྒྱུ་ནི་མདོར་བསྡུས་ན་སྲིད་ཀྱི་སྟེགས་བུ་མཁོ་བའི་བླ་གྲྭ་ཚོར་གོ་སྐབས་ཐོབ་ན་ང་ཚོའི་རྒྱལ་ཁབ་སྲུང་སྐྱོབ་ལ་ཕན་ཐོགས་འདུག་ཟེར་བ་ཡིན། དགོངས་དག་རྩ་ནས་ཞུ་མི་དགོས། གུ་དོག་གི་བསམ་བློ་དེ་འདྲ་ཞིག་ཁུར་ནས་འདིར་འཚང་ཡོང་གི་མ་རེད། ད་རེས་ལྷོད་ལྷོད་བྱས་ནས་བཏགས་པ་ཡིན།
ཉི་མ་ལགས་ཡང་བསྐྱར་ཕེབས་ནས་བསམ་ཚུལ་གསུངས་པར་དགའ་བོ་བྱུང་། རྒྱལ་ཁབ་ཅིག་ལ་གྲ་སྒྲིག་ཅིག་ངེས་པར་དགོས། རྒྱལ་སྲས་བྱང་ཆུབ་སེམས་དཔའི་སྨོན་ལམ་ལ་མི་འགྲུབ་དུ་མ་སྲིད་པས་ན་ཆོས་པའི་བསམ་བློ་དང་། འཚོ་གནས་སྨྲ་བའི་ལྟ་ཚུལ་ཁ་ཁ་ཡིན་པའི་ཧེ་བག་ཁས་ལེན་དགོས་སྙམ། དེ་གཉིས་ནི་ནམ་ཡང་གཞི་གཅིག་ཏུ་བསྡུ་མི་ཐུབ་པས་ཡ་མཚན་དང་དགོད་བྲོ་ཡང་བསྒྱུར་ཐབས་མེད་པས་དགོངས་འགལ་མེད་པ་ཞུ། རིག་གཞུང་སྲུང་སྐྱོབ་ལ་དམིགས་བསལ་གཏོང་ས་མེད་ན་མཆན་གཉིས་པ་ཡང་ཅུང་ཟད་མགྱོགས་སོང་བ་མིན་ནམ། ཞིབ་ཏུ་བལྟ་རོགས།