ས་སྐྱ་གོང་མ་རིན་པོ་མཆོག་གིས་ཡུ་རོབ་ཀྱི་མཛད་འཆར་ཁག་ལེགས་པར་གྲུབ་རྗེས་ཕྱིར་ཁོང་གི་བཞུགས་སྒར་དུ་ཕེབས་ཡོད་འདུག
དགྲ་བཅོམ་པ་ཆོས་སྐྱབས་ལགས་ཀྱིས་འདི་ག་གསར་ཁང་དུ་གནས་ཚུལ་མཁོ་སྤྲོད་བྱས་པ་ལྟར་ན། ས་སྐྱ་གོང་མ་རིན་པོ་ཆེ་མཆོག་གིས་ཕྱི་རྒྱལ་ཡུལ་གྲུ་ཁག་གི་མཛད་འཕྲིན་རྣམས་ལེགས་པར་བསྐྱངས་རྗེས། ཕྱི་ཚེས་ ༡༨ ཉིན་ཕྱིར་ཁོང་གི་བཞུགས་སྒར་ར་ཛ་སྤུར་དུ་ཞབས་སོར་བདེ་བར་འཁོད་ཡོད་འདུག
སྐབས་དེར་ས་སྐྱ་སྒྲོལ་མ་ཕོ་བྲང་གི་འཁོན་གདུང་སྐུ་བགྲེས་རིན་པོ་ཆེ་མཆོག་དང་ཕུན་ཚོགས་ཕོ་བྲང་གི་གདུང་སྲས་ཨ་སང་གྷ་རིན་པོ་ཆེ་རྣམ་གཉིས་གཙོས་གདན་ས་ཁག་གི་མཁན་པོ་རྣམ་པ། གྲྭ་བཙུན་དང་ཚོགས་པ་ཁག་གི་སྐུ་ཚབ་བཅས་ནས་ཕེབས་བསུ་གཟབ་རྒྱས་ཤིག་ཞུས་འདུག
ཕྱི་ཟླ་༥པའི་༢༠ཉིན་ནས་བཟུང་ས་སྐྱ་གོང་མ་རིན་པོ་ཆེ་མཆོག་ར་ཤི་ཡ་དང་དབྱིན་ཡུལ།ཧོ་ལེན་སོགས་སུ་ཆིབས་བསྒྱུར་གྱིས་ཆོས་ཕྱོགས་དང་འབྲེལ་བའི་མཛད་འཕྲིན་ཁག་ཅིག་བསྐྱངས་ཡོད་པ་དང་། ཟླ་༧པའི་ཚེས་ ༡༢ ཉིན་ཧྥ་རན་སིའི་ strqsbourg ཞེས་པའི་མངའ་སྡེར་ཕེབས་ཏེ། མཁན་ཆེན་ཤེས་རབ་རྒྱལ་མཚན་ཨ་མི་པ་རིན་པོ་ཆེས་ཕྱག་གཏབ་པའི་ས་སྐྱ་བརྩེ་ཆེན་གླིང་དུ་དཔལ་ས་སྐྱ་པའི་ཡབ་ཆོས་བསྟན་པའི་སྙིང་པོ་གསུང་ངག་རིན་པོ་ཆེ་ལམ་འབྲས་སློབ་བཤད་ཀྱི་བཀའ་ཆོས་གསུངས་ཡོད།
དེ་བཞིན་སིད་སིར་ཆིབས་བསྒྱུར་གྱིས་མཛད་འཕྲིན་ཁག་ཅིག་བསྐྱངས་ཏེ། ཕྱི་ཚེས་ ༡༨ ཉིན་མཛད་འཆར་ཁག་ལེགས་པར་གྲུབ་སྟེ་མཁའ་ལམ་བརྒྱུད་རྒྱ་གར་དུ་བདེ་འབྱོར་བྱུང་ཡོད་ཟེར།
བསྐྱར་འགོད་པ།དཔལ་ལྡན།
རིས་སུ་མ་འཆིས་གངས་རིའི་ཆོས་རྒྱུད་ཆེན་པོ་རྣམས་ཀྱི་བསྟན་འཛིན་གྱི་སྐྱེས་བུ་རྣམས་སྐུ་ཚེ་བརྟན་པར་ཤོག།། །
སྐུ་ཚེ་བརྟན་པར་ཤོག
ཚེ་རབས་ལས་ཀྱི་བླ་མ་རིན་པོ་ཆེ། ཚེ་རབས་ཀུན་ཏུ་རྗེས་སུ་འཛིན་གྱུར་ཅིག
ར་ལུག་ལྷན་དུ་བསྡེབས་པའི་འཇིག་རྟེན་ནས། དད་པའི་རྟེན་དུ་བཞུགས་པ་བཀའ་དྲིན་ཆེ། སྐུ་ཚེ་ཡུན་དུ་བརྟན་པའི་སྨོན་འདུན་ཞུ། བདག་སོགས་འགྲོ་བ་སྒྲོལ་བའི་བྱིན་གྱིས་རློབས།
ཕན་བདེའི་འབྱུང་གནས་བསྟན་པ་དར་རྒྱས་ཤོག །
ཁྲི་འཛིན་མཆོག་སྐུ་ཚེ་བརྟན་ཅིང་བཞེད་དོན་མཐའ་དག་གེགས་མེད་ལྷུན་གྱིས་གྲུབ་པའི་སྨོན་འདུན་ཞུ།།
དཔལ་ལྡན་བླ་མའི་སྐུ་ཚེ་བརྟན་ཅིང་མཛད་འཕྲིན་རྒྱས་གྱུར་ཅིག།
བོད་བསྟན་སྲིད་ཀྱི་སླད་དུ་གོང་མ་རིན་པོ་ཆེ་སྐུ་ཚེ་ཁྲི་ལོ་ནས་ཁྲི་ལོ་བརྟན་པར་ཤོག
གནས་ཚུལ་ཡག་པོ་འདུག་ད་དུང་ཡིན་ད་རིམ་པ་བཞིན་དུ། ཐུགས་རྗེ་ཆེ།
གོང་མ་རིན་པོ་ཆེ་སྐུ་ཚེ་བརྟན་པ་ཤོག་
ལྔ་བརྒྱ་མཐའ་མ་རུ
ངེས་པ་དོན་གྱི་བླ་མའི་ནང་གོང་མ
འདི་ཕྱི་ཚེ་རབས་ཀུན་གྱི་སྐྱབས་མགོན
ཁྱེད་སྐུ་ཚེ་བརྟན་ཅིང
མཛད་འཕྲིན་རྒྱས་གྱུར་ཅིག
ཉམ་ཐག་བུ་སློབ་ང་ཐུགས་བརྩེ་བས་ནམ་ཡང་མི་བར་གསོལ་བ་འདེབས་སོ
བྱིན་གྱིས་བརླབ་ཏུ་གསོལ།