རྒྱ་གར་དབུས་མཐོ་འབྲིང་ཤེས་ཡོན་སློབ་འཛིན་ལྷན་ཁང་གིས་ཡོངས་བསྒྲགས་བྱས་དོན། ཉིས་སྟོང་བཅུ་ནས་བཅུ་གཅིག་གི་འཛིན་རིམ་བཅུ་གཅིག་དང་བཅུ་གཉིས་ཀྱི་སློབ་མ་ཚོར་ཆེད་དམིགས་ཀྱིས་སློབ་ཚན་གསར་བ་གསུམ་ཁ་སྣོན་བྱ་རྒྱུ་ཡིན་ཟེར།
གསར་དུ་ཁ་སྣོན་བྱ་འཆར་ཡོད་པའི་སློབ་ཚན་གསར་བ་གསུམ་ནི།རྒྱ་ཁྱབ་གསར་ལམ་རིག་པ ( Mass Media Studies )། དངོས་ཁམས་སྦྱོང་བརྡར་ ( Geospatial Practices )། མགྲོན་ཁང་དོ་དམ་དང་གསོལ་སྟོན་བཟོ་ལས་ ( Hotel Management and Catering Technology) བཅས་ཡིན་ཞིང་།
མགྲོན་ཁང་དོ་དམ་དང་གསོལ་སྟོན་བཟོ་ལས་ཀྱི་སློབ་ཚན་ཞིག་རྒྱལ་ཡོངས་མགྲོན་གཉེར་དང་གསོལ་སྟོན་བཟོ་ལས་ལྷན་ཚོགས་ཀྱིས། དབུས་མཐོ་འབྲིང་ཤེས་ཡོན་སློབ་འཛིན་ཁྱབས་ཁོངས་ཀྱི་སློབ་གྲྭ་ཁག་ལ་ཕུལ་བའི་ཚིག་ཐོ་དེར་ཕྱོགས་གཉིས་ཀས་ལག་བསྟར་བྱ་རྒྱུར་མཚན་རྟགས་བཀོད་ཡོད། དབུས་མཐོ་འབྲིང་ཤེས་ཡོན་སློབ་འཛིན་ཁྱབ་ཁོངས་ཀྱི་སློབ་གྲྭ་༢༦གིས་ལས་རིག་སློབ་ཚན་འདི་ལག་བསྟར་བྱ་རྒྱུའི་མགོ་བརྩམས་ཟིན། སློབ་གྲྭ་འདི་དག་ནི་ལྡི་ལི་གཞུང་འཛིན་སློབ་གྲྭ་ཁགབོད་གཞུང་གཏན་སློབ་ཁགཀེན་ཏིརེཡ་སློབ་ཚོགས། ཇ་བ་ཧ་སློབ་ཚོགས་བཅས་རེད།
སློབ་ཚན་འདི་དབུས་མཐོ་འབྲིང་ཤེས་ཡོན་སློབ་འཛིན་ལྷན་ཁང་དང་རྒྱལ་ཡོངས་མགྲོན་ཁང་དོ་དམ་དང་གསོལ་སྟོན་བཟོ་ལས་ལྷན་ཚོགས་གཉིས་མཉམ་འབྲེལ་ངང་གཏན་འབེབ་བྱ་རྒྱུ་དང་། ཕྱོགས་གཉིས་མོས་མཐུན་བྱུང་བའི་མཉམ་ལས་ཡིག་ཆ་ནི་སློབ་ཕྲུག་སོ་སོའི་བརྒྱ་ཆ་དང་གནས་རིམ་གྱི་ཚད་འཛིན་ཐད་བེད་སྤྱོད་བྱ་འཆར།
སློབ་ཚན་འདིའི་བཟོ་བཀོད་དང་། ཁ་སྐོང་། དགེ་རྒན་འོས་སྦྱོང་། སློབ་མའི་རིག་རྩལ་འཕེལ་རྒྱས་ཐད་ཀྱི་ཐབས་ཚུལ། འབྲི་རྒྱུགས་དང་ལག་བསྟར་རྒྱུགས་སྤྲོད་བཅས་དབུས་མཐོ་འབྲིང་ཤེས་ཡོན་སློབ་འཛིན་ལྷན་ཁང་ནས་གཏན་འབེབ་དང་ལག་བསྟར་བྱ་བར་དགོས་བསྟུན་གྱིས་རྒྱལ་ཡོངས་མགྲོན་ཁང་དོ་དམ་དང་གསོལ་སྟོན་བཟོ་ལས་ལྷན་ཚོགས་ལ་གོ་སྡུར་ཐག་གཅོད་བྱ་རྒྱུ་བྱས་ཡོད།
དེ་བཞིན་རྒྱ་ཁྱབ་གསར་ལམ་རིག་པའི་སློབ་ཚན་དེ་ད་ལྟ་སློབ་གྲྭ་ཁག་ཉི་ཤུའི་ནང་ལག་བསྟར་བྱ་འཆར་ཡོད་ཅིང་། དབུས་མཐོ་འབྲིང་ཤེས་ཡོན་སློབ་འཛིན་ཁང་གིས་སློབ་ཚན་འདི་ལྦེསུ་ཊི་ལུན་ལྦོ་ཙི་ (རྒྱ་ཁྱབ་གསར་ལམ་རིག་པའི་འཛིན་སྐྱོང་།བརྙན་བཟོའི་ལས་རིགརླུང་འཕྲིན་ལས་རིམ།གློག་བརྙན་འཁྲབ་ཁྲིད།སོགས་བརྒྱུད་ལམ་རིགས་ཀྱི་སློབ་གཉེར་སྡེ་ཚན་ཞིག) ཞེས་པའི་རྒྱལ་སྤྱི་རང་བཞིན་གྱི་སློབ་གཉེར་སྡེ་ཚན་ཞིག་དང་འབྲེལ་ལམ་དམ་པོ་བཞག་འདུག
དབུས་མཐོ་འབྲིང་ཤེས་ཡོན་སློབ་འཛིན་ཁང་གིས་རྒྱ་གར་རོལ་ཏཱ་ (འཛུགས་སྐྲུན་དང་རྒྱལ་སྲུང་བདེ་འཇགས།དངོས་ཁམས་དང་ས་ཁམས་རིག་པ་བཅས་ཀྱི་ཐད་ལ་ཞབས་ཞུ་དང་སློབ་སྟོན་བྱེད་པའི་སྡེ་ཚན་ཞིག) ཞེས་པར་འབྲེལ་བ་བཟུང་སྟེ་དངོས་ཁམས་སྦྱོང་བརྡར་གྱི་སློབ་ཚན་གསར་བ་འདིའི་ཁོངས་གཏོགས་སློབ་གྲྭ་བཅུ་གསུམ་གྱི་ནང་ལག་བསྟར་བྱ་རྒྱུའི་གཏན་འབེབ་བྱས་ཡོད།
གསར་འགོད་པ། བནྟེ་སྐྱབས།
སློབ་ཚན་གསར་བ་སྣོན་ན་ཡག་པོ་རེད་ལ། གཞི་རིམ་སློབ་གྲྭ་ནས་འཛིན་གྲྭ་བཅུ་གཉིས་བར་ཏུ་ཚག་ཚུད་པོ་ཞིག་ཡོངས་རྒྱུ་ཡང་གལ་ཆེན་པོ་རེད།
ང་ཚོའི་གཞི་རིམ་སློབ་ཚན་ཁག་ལ་ཁ་སྣོན་དང་བསྐྱར་བཅོས་རེ་བྱ་ཐུབ་ན་ཅི་མ་རུང་།