དེ་རིང་བཞུགས་སྒར་ངྷ་ས་ཀིརྟི་དགོན་གྱི་གྲྭ་ཀ་ཉག་ཚེ་རིང་ལགས་ཀྱིས་འདི་གར་བཏང་གནས་ལྟར་ན། འདི་ལོའི་ཟླ་གསུམ་པའི་ནང་འབར་ཁམས་མི་རིགས་མཐོ་འབྲིང་གི་སློབ་གྲྭའི་ནང་འདོན་སྤེལ་བྱེད་ཀྱིན་པའི་ ༼ གནམ་ལྕགས་ཚགས་ཤོག་ ༽ ཅེས་པའི་རྩོམ་སྒྲིག་པ་བཞི་འཛིན་བཟུང་བཀག་ཉར་དང་བཙོན་འཇུག་ཁྲིམས་ཐག་བཅད་འདུག
ཁོང་ཚོ་ལོ་འདིའི་ནང་འབར་ཁམས་མི་རིགས་མཐོ་འབྲིང་སློབ་གྲྭ་ནས་སློབ་མཐར་ཕྱིན་གྱི་ཡོད་འདུག
འཇུ་བཟུང་བཀག་ཉར་དང་ཁྲིམས་ཐག་བཅད་པའི་གནམ་ལྕགས་ཚགས་པར་གྱི་རྩོམ་སྒྲིག་པ་བཞི་ནི། བསོད་ནམས་རིན་ཆེན་དང་བསོད་ནམས་དོན་གྲུབ། ཡར་རྒྱས། གྲགས་ལྡན་བཅས་ཡིན་འདུག
རང་ལོ་ ༡༩ ཡིན་པའི་རྩོམ་སྒྲིག་པ་བསོད་ནམས་རིན་ཆེན། འབར་ཁམས་མི་རིགས་མཐོ་འབྲིང་སློབ་གྲྭར་སློབ་གཉེར་བྱེད་བཞིན་པ་དང་འདི་ལོའི་མཐར་ཕྱིན་སློབ་མ་ཡིན། མདོ་སྨད་རྔ་པ་ཁུལ་མཛོད་དགེ་རྫོང་བྱམས་མེ་ཡུལ་ཚོའི་དགའ་ཆོམ་སྡེ་བ་ནས་ཡིན་ཞིང་། ཕ་མིང་ལ་རིན་རྡོར་དང་མ་མིང་ལ་རྟམ་རྡོ་ཟེར། དེང་སྐབས་ས་གནས་གཞན་ཞིག་ཏུ་བསྐྱལ་ཡོད་ཚུལ་ཙམ་ལས་གནས་ཚུལ་གསལ་བོ་ཤེས་རྟོགས་བྱུང་མེད།
རྩོམ་སྒྲིག་པ་ཡར་རྒྱས། མདོ་སྨད་རྔ་པ་ཁུལ་རྔ་པ་རྫོང་གི་ཡིན་ཞིང། འབར་ཁམས་མི་རིགས་མཐོ་འབྲིང་སློབ་གྲྭར་སློབ་གཉེར་བྱེད་བཞིན་པ་དང་འདི་ལོའི་མཐར་ཕྱིན་སློབ་མ་ཡིན། འབར་ཁམས་ནས་ལོ་གཉིས་ཀྱི་བཙོན་འཇུག་ཁྲིམས་ཐག་བཅད་འདུག་ལ། དེང་སྐབས་ས་གནས་གཞན་དུ་བསྐྱལ་ཡོད་ཚུལ་ཙམ་ལས་གནས་ཚུལ་གསལ་བོ་ཤེས་རྟོགས་མ་བྱུང།
རང་ལོ་ ༡༨ ཡིན་པའི་རྩོམ་སྒྲིག་པ་བསོད་ནམས་དོན་གྲུབ། མདོ་སྨད་རྔ་པ་ཁུལ་མཛོད་དགེ་རྫོང་བྱམས་མེ་ཡུལ་ཚོའི་བུམ་སྐོར་སྡེ་བ་ནས་ཡིན་ཞིང་། ཕ་མིང་ལ་འབྲུག་མཁར་དང་མ་མིང་ལ་འོ་ཕྲུག འབར་ཁམས་མི་རིགས་མཐོ་འབྲིང་སློབ་གྲྭར་སློབ་གཉེར་བྱེད་བཞིན་པ་དང་ད་ལོའི་མཐར་ཕྱིན་སློབ་མ་ཡིན། ད་ལྟ་ད་དུང་འབར་ཁམས་སུ་བཀག་ཉར་བྱས་ཡོད་ཚུལ་ཙམ་ལས་ཞིབ་ཕྲའི་གནས་ཚུལ་ཤེས་རྟོགས་མ་བྱུང་།
རྩོམ་སྒྲིག་པ་གྲགས་ལྡན། མདོ་སྨད་རྔ་པ་ཁུལ་རྔ་པ་རྫོང་གི་ཡིན། འབར་ཁམས་མི་རིགས་མཐོ་འབྲིང་དུ་སློབ་གཉེར་བྱེད་བཞིན་པ་དང་འདི་ལོའི་མཐར་ཕྱིན་སློབ་མ་ཡིན། ད་ལྟ་ད་དུང་བཀག་ཉར་འོག་ཡོད་པ་ལས་གཞན་གནས་ཚུལ་གང་ཡང་ཤེས་རྟོགས་མ་ཐུབ།
ཐེངས་འདིར་ཁོང་ཚོ་བཞིར་ཕོག་པའི་ནག་ཉེས་ཆེ་ཤོས་ནི། འདི་ལོའི་ཟླ་ ༣ ཚེས་ ༡༧ ཉིན་མི་རིགས་ཁ་བྲལ་རིང་ལུགས་དང་སློབ་མར་ངན་སྐུལ་གྱི་སྣེ་ཁྲིད་བྱས་པ་སོགས་ཡིན།
ད་ཅི་བྱེད་དགོས་མི་ཤེས་དུ།ང་ཚོས་སྤུན་ཟླ་ཟེར་ནས་ཅི་ཙམ་གུས་ཞབས་བྱེད་ན་དེ་ཙམ་གྱིས་སྡུག་རེ་མ་རེད་དམ།ལོ་ན་ཆུང་བའི་མི་བུ་ཁྱེད་ཚོ་ལ་ངས་ཅི་བཤད་དགོས་མི་ཤེས་དུ་ང་ངུ་ནས་སྡད་པ་ལས་གཞན་ཐབས་ཤེས་གང་ཡང་མི་འདུག།ཁྱེད་ཚོ་སྤྲོ་མ་ལོང་།
ཁ་སྟོང་བཤད་ནས་མི་སྡོད་པར། ཁོང་རྣམས་མྱུར་དུ་བཙོན་འགྲོལ་ཐོབ་པར་གང་འདྲ་བྱེད་དགོས་སམ།
ཁོང་ཚོར་གདུང་སེམས་མཉམ་སྐྱེད་བྱེད་དོ།།
ས་རང་ཡུལ་དགྲ་བོས་འཕྲོག་སོང་ལྭོ།
བུ་དཔའ་པོ་དགྲ་བོས་བསད་སོང་ལྭོ།
ང་སྡར་མ་ས་མཐར་བྲོས་ཡོད་ལྭོ།
འདིར་བསམ་དུས་སེམས་པ་སྐྱོ་བྱུང་ལྭོ།
བོད་གངས་ཅན་ལོ་རྒྱུས་བསུབས་སོང་ལྭོ།
བུ་མཁས་པ་བཙོན་དུ་བཅུག་སོང་ལྭོ།
ང་གླེན་པས་ཡིག་ནོར་བྲིས་ཡོད་ལྭོ།
འདིར་བསམ་དུས་སེམས་པ་སྐྱོ་བྱུང་ལྭོ།
རྗེ་རྒྱལ་བ་དགུང་ལོ་མཐོ་སོང་ལྭོ།
ལམ་དབུ་མ་ཁ་ཐག་རིང་སོང་ལྭོ།
ང་གཞོན་ནུ་འགྲོ་འདོད་མི་འདུག་ལྭོ།
འདིར་བསམ་དུས་སེམས་པ་སྐྱོ་བྱུང་ལྭོ།
བོད་སྤྱི་དངུལ་ལྐོག་ཟ་བྱས་སོང་ལྭོ།
སྤུན་གསར་འབྱོར་འཚོ་བ་སྐྱོ་སོང་ལྭོ།
ང་ས་མཐར་གཡོག་ལ་བསྡད་ཡོད་ལྭོ།
འདིར་བསམ་དུས་སེམས་པ་སྐྱོ་བྱུང་ལྭོ
ཐུགས་རྗེ་ཆེ། ནག་ནེས་ནག་ཉེས་ལ་བཅོས་ཟིན།
ནག་ནེས། ནག་ཉེས། འདི་དངོས་གནས་བཏགས་ནོར་ཤོར་བ་རེད།
བོད་མིར་རྒྱ་ནག་གཞུང་གིས་ཇི་ཙམ་གྱིས་སྡུག་སྦྱོང་མནར་གཅོད་བཏང་བ་དེ་ཙམ་གྱིས་བོད་མིའི་སེམས་ཁམས་ཀྱི་རྨ་ཁ་དེ་ཆེ་རུ་འགྲོ་ངེས་རེད། དེར་བརྟེན་བོད་རྒྱ་མཉམ་གནས་དང་། འཆམ་མཐུན་གྱི་སྤྱི་ཚོགས་ཇི་ལྟར་ཡོང་གི་རེད་དམ།
ཁོང་དང་ཁོང་རྣམས་ཀྱི་ཕ་མ་བུ་རབས་ཚ་རྒྱུད་དང་བཅས་པས་རྒྱ་ནག་གཞུང་གི་ཁྲིམས་ཆད་བཏང་བ་དེ་བརྗེད་ག་ལ་ཐུབ་སྟེ་མི་ཐུབ་བོ། །
རྒྱ་ནག་གཞུང་གིས་ཀྱང་ཁོང་རྣམས་ལྟ་བུའི་གཞོན་སྐྱེས་ཤེས་ཡོན་ཅན་གྱི་ཁྱིམ་རྒྱུད་བཅས་པ་ཁ་བྲལ་རིང་ལུགས་པའི་ཁྱིམ་རྒྱུད་དུ་བལྟ་ངེས་རེད། འདི་ནི་སྔར་ནས་ད་བར་གྱི་རྒྱ་ནག་གཞུང་གི་བྱ་སྤྱོད་ལ་བརྟེན་ནས་སྐད་ཆ་འདི་བཤད་པ་ཡིན།།
དཔེར་ན། བཙོན་ཁང་ནས་ཐར་ཟིན་པའི་ཆབ་སྲིད་བཙོན་པ་མང་པོ་ཞིག་ས་མཐར་གྱར་ན་ཡང་ཁོང་རྣམ་པའི་ཁྱིམ་ཚང་དང་སྤུན་ཉེ་སོགས་ལ་ད་དུང་ཡང་གསུན་གཙེར་བཟོས་དང་བཟོ་མུས་ཡིན་པ་དེ་ནི་ས་རིས་ཐང་གསལ་རེད།
ཡིད་མི་ཆེས་མཁན་ཡོད་ན། བཙོན་པ་དེ་རིགས་ལ་ནང་མོལ་ཐོག་བཀའ་འདྲི་གནང་དང་། ཡོངས་ཁྱབ་ཏུ་བསྒྲགས་དགོས་པའི་གནད་དོན་མ་རེད། །