ད་ལོའི་རྒྱལ་ཡུམ་ཆེན་མོའི་རྐང་སྤོལ་འགྲན་བསྡུར་ནང་ཁེ་ཎ་ཌ་དང་བྷེལ་ཀོལ་བོད་ཁྱིམ་གཙོས་པའི་རུ་ཁག་ ༡༨ ཙམ་མཉམ་ཞུགས་བྱས་ཡོད་འདུག
ད་ལོའི་༼རྒྱལ་ཡུམ་ཆེན་མོའི་དྲན་རྟེན་གསེར་གྱི་གཟེངས་རྟགས༽ཀྱི་རྐང་སྤོལ་འགྲན་བསྡུར་ཐེངས་ ༡༦ པ་དེ་ཟླ་འདིའི་ཚེས་ ༩ ཉིན་སྦེལ་ཀོབ་གཞིས་ཆགས་ YMCA རྩེད་ཐང་དུ་མགོ་འཛུགས་བྱས་ཡོད་ལ། མཛད་སྒོའི་སྟེང་གཞུང་དང་གཞུང་འབྲེལ་མིན་པའི་ཚོགས་པ་ཁག་གི་མགོ་ཁྲིད་དང་། སློབ་གྲྭ་དང་དགོན་སྡེ་ཁག་གི་གྲྭ་བཙུན། མི་དམངས་བཅས་ཁྱོན་མི་ ༣༠༠༠ ལྷག་འདུ་འཛོམས་བྱུང་ཡོད་འདུག ཉིན་དེའི་མཛད་སྒོའི་གཏམ་བཤད་ཁག་གྲུབ་རྗེས་སྦེལ་ཀོབ་གློ་ལ་ཐ་ལ་དང་ཁེ་ན་ཌའི་རྩེད་མོའི་རུ་ཁག་གཉིས་བར་ཐོག་མའི་འགྲན་བསྡུར་བྱས་ཏེ། གློ་ལ་ཐ་ལ་རུ་ཁག་གིས་སྤོ་ལོ་ ༡ བླུགས་ཏེ་རྒྱལ་ཁ་ཐོབ་ཡོད་འདུག གནད་དོན་གཞན་ཞིག་ལ་སྦེལ་ཀོབ་སྤོ་ལོ་རྩེད་ཐང་དེ་གསར་པ་བཟོས་ཤིང་། ཐང་ག་ཡོངས་རྫོགས་ས་དཀར་ཡིན་སྟབས། ཉིན་འདི་གར་ཆར་བ་བབ་སྟེ་སྤོ་ལོ་རྩེད་མཁན་རྣམས་ལ་དཀའ་ངལ་མི་ཉུང་བ་ཞིག་འཕྲད་བཞིན་ཡོད་འདུག
འགྲན་བསྡུར་ཁྲོད་ཉིན་རེར་རུ་ཁག་ ༣ རེ་འཛུལ་ཞུགས་བྱེད་ཀྱི་ཡོད་པ་དང་། ཁ་སང་ཕྱི་ཚེས་ ༡༣ ཉིན་རུ་ཁག་ ༣ ཞུགས་ཡོད་པ་ལས་དང་པོ་སྤོག་ར་དང་ལྡི་ལི་གཉིས་འགྲན་བསྡུར་བྱས་ཏེ། སྤོག་ར་རུ་ཁག་གིས་སྤོ་ལོ་ ༡ བླུགས་ཏེ་རྒྱལ་ཁ་ཐོབ་ཡོད་པ་དང་། གཉིས་པའི་ནང་ཁེ་ན་ཌ་དང་ཀ་ཐ་མན་ཌི་རུ་ཁག་གཉིས་འགྲན་བསྡུར་བྱས་ཏེ། སྤོ་ལོ་ ༡ རེ་བླུགས་ཏེ་འདྲ་མཉམ་ཆགས་ཡོད། རུ་ཁག་མཐའ་མར་ཧོན་སུར་དང་ཅཱན་ནི་གཉིས་འགྲན་བསྡུར་བྱས་ཏེ་ཧོན་སུར་ལ་རྒྱལ་ཁ་ཐོབ་ཡོད། ཐེངས་འདིའི་རྩེད་འགྲན་ཟླ་འདིའི་ཕྱི་ཚེས་ ༩ ནས་ ༡༩ ཉིན་བར་རྩེད་འཆར་ཡོད་པ་དང་། རྩེད་འགྲན་ནང་ཞུགས་མཁན་རུ་ཁག་ ༡༨ ཙམ་ཡོད་པ་དག་ཚོགས་ཆུང་ཁག་ ༦ ཏུ་བགོས་ཏེ་ཉིན་རེར་རུ་ཁག་ ༣ རེ་ཡིས་འགྲན་བསྡུར་བྱ་དགོས་ཀྱི་ཡོད་འདུག ཐེངས་འདིའི་འགྲན་བསྡུར་ནང་སྦེལ་ཀོབ་བོད་ཁྱིམ་སློབ་གྲྭའི་སློབ་མའི་རུ་ཁག་ཅིག་ཀྱང་མཉམ་ཞུགས་བྱས་ཡོད་འདུག
གསར་འགོད་པ། དཔལ་ལྡན།
བཀྲ་ཤིས་ལོ་ལེགས་ཡོང་བའི་སྨོན་ལམ་ཡོད།
གློ་ལ་ཐ་ལ་མ་རེད་་་གྷོ་ལ་ཐ་ལ་རེད།
དེ་རིང་སྦེལ་ཀོབ་ཀྱི་རུ་ཁག་གཉིས་ཆར་བུད་འདུག ཞིབ་ཕྲ་འདིར་གཟིགས། http://kyareng.yolasite.com/
དེ་དངོས་གནས་གལ་ཆེ་པོ་རེད། བསམ་ཚུལ་འདི་ཚོ་ཡག་པོ་རེད།
འཁྲུག་རྩོད་མེད་པའི་ཐོག་ནས་འཇུག་སྒྲེལ་བར་སྨོན།
བོད་མི་རིགས་ཀྱི་རང་དབང་འཐབ་རྩོད་ཐོག་འདི་འདྲའི་འགྲན་བསྡུར་གནང་ན་ཡག་པོ་ག་འདྲ།
བོད་ཀྱི་རང་དབང་འཐབ་རྩོད་བྱེད་ཡག་གོམ་བགྲོད་ཐོག་ཡིན་ནའང་འདྲ།
དེ་མིན་སྐད་འབོད་ཐོག་ཡིན་ནའང་འདྲ།
ཡང་ན་མ་འོངས་པའི་ལམ་བུའི་ཐོག་ཡིན་ནའང་འདྲ་གང་ལྟར་རང་དབང་འཐབ་རྩོད་ཐོག་འདི་དང་འདྲའི་འགྲན་བསྡུར་ཚོགས་པ་ཕན་ཚུན་ཡང་ན་སློབ་གྲྭ་ཕན་ཚུན། ཡང་ན་གཞིས་ཆགས་ཕན་ཚུན། ཁ་ཐོར་དུ་གནས་པའི་རྒྱལ་ཁབ་ཁག་ལ་བཞུགས་པའི་རང་རིགས་ཕན་ཚུན་གྱི་འགྲན་བསྡུར་ཞིག་གནང་དང་།
དེ་མིན་པོ་ལོ་དང་གླུ་གཞས་ཀྱི་བོད་མི་རིགས་ཀྱི་ངོ་བོ་སྲུང་ཐུབ་ཀྱི་མ་རེད།
གཙོ་བོ་རང་དབང་འཐབ་བརྩོད་དང་སྐད་ཡིག་གཉིས་འགྲན་བསྡུར་གནང་དང་དེས་བོད་མི་རིགས་ཀྱི་ཕུགས་ཀྱི་མདུན་ལམ་ལ་ཕན་པ་ཆེ་གི་རེད།
འདི་ངའི་བསམ་ཚུལ་ཡིན་དྲ་གྲོགས་ཚོས་དགོངས་བཞེས་གཅིག་གནང་དང་།