ལྡི་ལི་བོད་སྒར་བསམ་ཡས་གླིང་དང་སྣེ་ལེན་ཁང་བྷོ་རྡུ་བྷེ་ཡའི་ཉེ་འགྲམ་དུ་ཡོད་པའི་ཡཱ་མུའུ་ནཱ་གཙང་པོ་རྒྱས་པའི་དབང་གིས་ཉེ་འགྲམ་དུ་ཡོད་པའི་རྒྱ་གར་དང་བོད་པའི་སྡོད་ཁང་དུ་ཆུ་ཤོར་ཡོད་པ་དང་། དེར་ཡོད་བོད་མིའི་ཅ་དངོས་མང་པོ་ཞིག་འཕྲོ་བརླག་ཏུ་ཕྱིན་ཡོད་པ་མ་ཟད། ཁྱིམ་ཚང་མང་པོ་ཞིག་གནས་སྤོ་དང་ཅ་དངོས་དབོར་འདྲེན་བྱེད་དགོས་བྱུང་འདུག
ཟླ་འདིའི་ཕྱི་ཚེས་ ༡༠ ཉིན་ལྡི་ལི་བོད་སྒར་བསམ་ཡས་གླིང་གི་ཉེ་འགྲམ་དུ་ཡོད་པའི་ཡཱ་མུའུ་ན་གཙང་པོ་རྒྱས་ཏེ། རྒྱ་གར་དང་བོད་པའི་སྡོད་ཁང་མང་པོ་ཞིག་ཏུ་ཆུ་ཤོར་ཡོད་པ་དང་། ཁྱིམ་ཚང་མང་པོ་ཞིག་གནས་སྤོར་དང་ཅ་དངོས་དབོར་འདྲེན་བྱས་དགོས་བྱུང་ཡོད་འདུག ལྡི་ལི་བོད་སྒར་བསམ་ཡས་གླིང་དང་བོད་གཞུང་ལྡི་ལི་སྣེ་ལེན་ཁང་། དེ་བཞིན་བྷོ་རྡུ་བྷེ་ཡའི་ཁྲོམ་ལམ་དུ་ཆུས་ཁེངས་ཏེ་བོད་པའི་ཚོང་ཁང་མང་པོ་སྒོ་རྒྱག་དགོས་བྱུང་ཡོད་པ་མ་ཟད། ཁི་ཉིན་ནས་ཁང་པ་མང་པོའི་ནང་ཆུས་གང་བ་དང་དང་གློག་གི་ཉེན་ཁ་འགོག་ཆེད་གློག་ཀྱང་གཏོང་མཚམས་བཞག་སྟེ་ས་གནས་མང་ཚོགས་ལ་འཐུང་ཆུ་སོགས་ཀྱི་དཀའ་ངལ་ཕྲད་ཡོད་ཅིང་། རྒྱ་གར་གསར་ལམ་ཁག་ཏུ་གནས་ཚུལ་ཐོན་པ་ལྟར་ན། ཐེངས་འདིར་ཡཱ་མི་ནཱ་གཙང་པོའི་ཆུ་རྒྱས་པའི་རྒྱུ་རྐྱེན་གཙོ་བོ་ཧཱ་རིས་ཡ་ནཱ་མངའ་སྡེའི་ཆུ་མཛོད་ཁ་ཤས་ཤིག་ཤོར་ཉེན་ཡོད་པར་དོགས་ཏེ་གློད་ཡོད་པའི་དབང་གིས་ཡིན་རབས་དང་། ཐེངས་འདི་ནི་མི་ལོ་ ༤༦ རིང་གི་ཡཱ་མི་ནཱ་གཙང་པོ་རྒྱས་ཐེངས་ཆེ་ཤོས་དེ་ཆགས་ཡོད་སྐོར་བརྗོད།
དེ་རིང་སྔ་དྲོ་འདི་གའི་གསར་འགོད་པའི་ཁ་པར་བརྒྱུད་ལྡི་ལི་ས་གནས་མགོ་འཛིན་སྐུ་ཞབས་ལེགས་སྐྱེས་རྡོ་རྗེ་ལགས་སུ་གོང་གི་གནས་ཚུལ་དེའི་སྐོར་ལ་བཅར་འདྲི་ཞུས་པར་ཁོང་གིས་ངོ་སྤྲོད་གནང་དོན། ཕྱི་ཚེས་ ༡༠ ཉིན་གྱི་དགོང་མོ་ནས་བཟུང་བསམ་ཡས་གླིང་དང་སྣེ་ལེན་ཁང་གི་ཉེ་འགྲམ་དུ་བཞུར་གྱིན་པའི་ཡཱ་མུ་ནཱ་གཙང་པོའི་ཆུ་ཕེ་ཊི་གསུམ་ལྷག་རྒྱས་ཏེ། བོད་སྒར་བསམ་ཡས་གླིང་གི་མི་ཚང་ ༡༦ ལྷག་གིས་ཁང་པའི་ཞབས་འོག་ཚང་མ་ཆུའི་ཁེངས་ཏེ་ཅ་དངོས་ཚང་མ་ཉེ་འགྲམ་གྱི་སློབ་གྲྭའི་ནང་དབོར་འདྲེན་བྱ་དགོས་བྱུང་ཡོད་ནའང་། ཁྱིམ་ཚང་ཁག་ཅིག་གི་ཅ་དངོས་དང་མལ་གདན་སོགས་དངོས་པོ་མང་པོ་ཞིག་འཕྲོ་བརླག་ཏུ་ཕྱིན་འདུག དེ་བཞིན་བྷོ་རྡུ་བྷི་ཡའི་མི་ཚང་མང་པོ་ཞིག་གི་ཅ་དངོས་ཁང་པའི་ཐོག་དུ་དབོར་འདྲེན་བྱས་ཡོད་ཀྱང་། ཚོང་ཟོག་མང་པོ་ཞིག་འཕྲོ་བརླག་ཏུ་ཕྱིན་ཡོད་པ་རེད། ཉིན་གྲངས་གཉིས་ལྷག་གི་རིང་མི་མང་ལ་གློག་དང་འཐུང་ཆུའི་དཀའ་ངལ་འཕྲད་ཡོད་ཀྱང་། ཁ་སང་ནས་བཟུང་ཆུ་ཅུང་ཙམ་ཆུང་དུ་ཕྱིན་དེ་མང་ཚོགས་ཀྱིས་གཙང་མ་བཟོ་བ་དང་ཅ་དངོས་ཉི་མར་ལྡེ་བ་སོགས་བྱེད་ཀྱི་འདུག ཐེངས་འདིར་གནོད་སྐྱོན་ཤུགས་ཆེ་ཤོས་བྷོ་རྡུ་བྷི་ཡར་ཆགས་འདུག་ཅེས་བརྗོད་བྱུང།
ཁོང་གིས་མུ་མཐུད་དུ་ངོ་སྤྲོད་གནང་དོན། ཐེངས་འདིའི་གནོད་སྐྱོན་བྱུང་བའི་སྐབས་སུ་རྒྱ་གར་གཞུང་གི་དམག་མི་དང་ཉེན་སྐྱོབ་མི་སྣ་སོགས་འབྱོར་མ་སོང་ཡང་། ས་གནས་སྐོར་སྲུང་དམག་མི་ཁག་ཅིག་སླེབས་ཏེ་ཉེ་འགྲམ་གྱི་མི་མང་བཀག་འགོག་སྲུང་སྐྱོབ་དང་ཅ་དངོས་དབོར་སོགས་ཀྱི་ཐད་རོགས་རམ་བྱས་སོང་། ང་ཚོ་ལ་མཚོན་ན་ཡང་། ཉེ་ཆར་བྲེལ་འཚུབ་ཀྱི་དབང་གིས་གཞུང་ལ་སྙན་སེང་ཞུ་བའི་གོ་སྐབས་བྱུང་མ་སོང་། དེ་རིང་དངོས་སུ་པར་རིས་དང་གནོད་སྐྱོན་གྱི་ལས་བསྡོམས་སོགས་བསྡུ་རུབ་བྱས་ཏེ་ཕུལ་འཆར་ཡོད། ང་ཚོའི་གཞུང་གི་ངོས་ནས་ཀྱང་ད་སྔ་དམིགས་བསལ་བཀའ་ལན་དང་མཐུན་རྐྱེན་སྦྱོར་བའི་གོ་སྐབས་བྱུང་ཡོད་པ་མ་རེད། ད་ལྟའི་ཆར་མི་ཤི་རྨས་དང་ཁང་པ་བརྡིབ་པ་སོགས་ཀྱི་གནོད་སྐྱོན་ཚབས་ཆེན་བྱུང་མེད་ལ། མི་ཚང་ག་ཚོད་ལ་གནོད་འཚེ་ཐེབས་ཡོད་མེད་སོགས་ཀྱང་གསལ་བོ་ཤེས་ཐུབ་ཀྱི་མི་འདུག ཅེས་ངོ་སྤྲོད་གནང་བྱུང་།
གསར་འགོད་པ། དོན་གོ
རྒྱ་གར་ལ་ཆུའི་འཇིགས་པ་མང་བོ་ཡོང་གི་རེད་ཅེས་ད་ལོའི་ལོ་མགོ་ནས་ཚོད་དཔག་བྱེད་མཁན་མང་བོ་བྱུང་ཡོད།
ད་དུང་འདིས་མི་ཚད་པ་ཡོང་གི་རེད།
ཟུར་མཁར་བ་ལགས། ཧ་ཧ་འདི་ནི་རང་རིགས་ལ་དུངས་པའི་ཕ་སྐད་སྨྲ་མེད་ཞིག་ལས་རང་རིགས་ལ་སྡང་པའི་ཚིག་མཚོན་ཞིག་མིན་པ་བོད་ཡིག་ཤེས་མཁན་དང་བོད་སྐད་སྨྲ་མཁན་ཀུན་གྱི་གོ་བདེ་པ་ཤ་ཚ་ཞིང་སྙིང་ཉེ་བའི་གཏམ་ཞིག་ཡིན།
ཡིན་ཀྱང་ཁྱེད་རང་གི་ཐུགས་ལ་ཚོར་བ་མྱོང་སྟངས་མ་འདྲ་བ་ཞིག་བྱུང་འདུག
དྲ་གྲོགས་མཁས་དབང་རྣམ་པ། རང་གི་མི་རིགས་ལ་འདི་འདྲའི་སྡང་སེམས་སྐྱེ་དགོས་དོན་གང་བྷ། རང་གི་འཚོ་ཐབས་ཁུངས་མ་འཁྱོལ་ན་གཞན་གྱི་འབྱོར་བ་ལ་མི་བཟོད་པའི་བློ་སྐྱེ་བ་ནང་ཆོས་ཁས་ལེན་མཁན་ཞིག་གི་བྱེད་བབ་རང་མིན་ལས་ཆེའོ།
ངོ་མ་ཡག་སོང་ད་དུང་ས་ཀང་ཞིག་རལ་རྩ་གཏོར་དུ་ཕྱིན་ནས་བོད་མི་རྣམས་གནས་དེར་བསྡོད་ཐབས་མེད་པ་ཞིག་ཆགས་པའི་སྨོན་འདུན་ཡོད། གནས་དེ་ངེད་བོད་མི་རྣམས་ལ་མིང་ཆད་བཟོ་ཡུལ་གྱི་བོད་པའི་རྐུན་ཇག་ཚོ་དང་། ཡུལ་ཁྲིམས་རྒྱལ་ཁྲིམས་ལ་རྩིས་མེད་རྡོལ་རོལ་གྱིས་མི་ཚོང་བྱ་ཡུལ་དང་། ནག་ཚོང་བྱ་ཡུལ་གྱི་བོད་མི་རིགས་ལ་ཆེས་ཐབས་སྡུག་གི་མིང་ཆད་བཟོ་ཡུལ་ཞིག་མེད་པ་ཆགས་ན་དཀོན་མཆོག་རང་གི་དྲང་པོ་བྱས་པ་རེད། འོན་ཀྱང་གོང་དུ་བསམ་ཚུལ་བཀོད་པ་ལྟར་མིའི་སྲོག་ལ་བར་ཆད་མི་ཡོང་བའི་རེ་བ་ཡོད།
ད་ཡིན་ན་༸རྒྱལ་བའི་གསུངས་ཅི་བསྒྲུབ་མ་བྱས་ན་ཡོང་རྒྱུ་དེ་རེད།བོད་པ་ཚང་གི་མི་སེར་དཀྱུས་མ་དག་གི་སྡུག་གྱོང་རེད།བོད་མི་རེ་ཟུང་གིས་སྤྱི་ཚོགས་སྟེང་ནས་ཞབས་འདྲེན་སྣ་མང་བྱས་བཤུལ་༸གོང་ས་མཚོག་གིས་མགོ་གསེར་མིག་ལྗང་ཚོའི་འདུན་ནས་ཕྱག་ཐལ་མོ་སྙིང་ལ་སྤྱར་ཏེ་དགོངས་དག་ཞུ་བཞིན་པའི་འབྲས་བུ་ཡག་ཤོས་དང་རྔན་པ་ལེགས་ཤོས་དེ་ནི་འདིའོ།ཕན་པོ་བྱུང་།དག་དག་རེད།
རྟེན་འབྲེལ་བཟང་།
བཀྲིས་བདེ་ལེགས།
ད་ནི་གནས་སྤོས་བྱེད་ས་གཅིག་ལས་ཡོད་པ་མ་རེད། བོད། འདི་ནི་རང་ཅག་རྣམས་ཀྱི་རང་དབང་རང་བདག་གི་ཡུལ་ཞིག་རེད། ད་ལྟ་བོད་སྒར་དུ་འདི་འདྲའི་ཆུའི་འཇིག་པ་ཞིག་མ་བྱུང་ན་བོད་ཕལ་ཆེར་བརྗེད་ཉེན་ཆེ་ད་ལྟའི་ཆུའི་དཀའ་ངལ་འདི་འདྲ་ཞིག་ཡོང་ནས་བོད་པ་རྣམས་བསྡད་ས་མེད་པ་ཞིག་ཆགས་པའི་རེ་བ་ཡོད། ད་དུང་སྐྱབས་བཅོལ་བའི་གཞིས་ཆགས་ཚང་མར་ཁ་ཆགས་སྣ་རལ་གྱི་དཀའ་ངལ་སྣ་ཚོགས་ཤིག་ཡོང་བའི་སྨོན་ལམ་ཡོད། སྐབས་དེ་དུས་རང་ཉིད་མི་གཞན་གྱི་ལུང་པར་ཡོད་པ་དང་རང་གི་ཕ་མེས་ཡང་མེས་རྣམས་བོད་པ་ཡིན་པ་དང་བོད་སྐད་བཤད་པ་བོད་ཡིག་འབྲི་བའི་མི་བུ་ཞིག་ཡིན་པ་དྲན་གསོས་ཡོང་གི་རེད་ལ་ལྷག་པར་དུ་མི་གཞན་གྱི་ལུང་བར་བསྡད་འདོད་མེད་པར་རང་ཉིད་ཀྱི་ཕ་ཡུལ་དུ་ལོག་འདོད་པའི་སེམས་པ་ཞིག་ཡོང་གི་རེད།
དེ་མིན་གཞིས་ཆགས་ཁག་གི་འཚོ་བ་ཕུན་སུམ་ཚོགས་པོར་གྱུར་ན་བོད་དོན་རྦད་དེ་གཡུགས་ཀྱང་བྱེད་ཀྱི་རེད།
ང་རང་གི་འཚོ་བ་ནི་སེམས་ཕྲལ་མེད་བུ་ཕྲུག་དེ་དག་དབྱིན་ཡིག་ཡག་པོ་ཞིག་དང་མི་རིགས་གཞན་གྱི་བཟའ་ཚང་ཡག་པོ་ཞིག་རག་ན་འགྲིག་གི་རེད་སྙམ་པའི་བསམ་བློ་མ་གཏོགས་བོད་དོན་ཟེར་བ་སུམ་ཅུའི་དུས་དྲན་ལ་འགྲོ་ཙམ་འགྲོ་ཙམ་དང་ཁྲུངས་སྐར་དུས་ཆེན་བཏང་ཙམ་བཏང་མ་གཏོགས་གནང་གི་མ་རེད།
སྐྱབས་བཅོལ་བའི་འཚོ་བ་ཉམས་ཐག་གྱུར་ན་ད་གཟོད་བོད་དྲན་གྱི་རེད་ལ་བོད་དོན་ཐོག་ལ་རང་བཞིན་གྱིས་སེམས་ཤུགས་ཆེ་གི་རེད།
སྐྱབས་བཅོལ་བའི་ནང་གི་འབྱོར་ལྡན་དེ་དག་གི་བོད་དོན་ཐོག་ལ་ཞལ་འདེབས་འབུལ་མཁན་དཀོན་པོ་རེད་པ།
དེ་ལས་འཚོ་བ་སྐྱོ་ཙམ་ཆགས་ན་ཡག་པ་འདུག
ད་དུང་གཞིས་ཆགས་ཁག་ལ་མེ་ཤོར་བ་དང་ཆུ་ལུས་པའི་དཀའ་ངལ་ཡོང་བར་ཤོགས།
ཡིན་ན་ཡང་སྲོག་གི་བར་ཆད་མི་འབྱུང་བར་ཤོག