༢༠༡༡ ལ་ཕམ་སྲིད་པའི་བློ་བཟང་སེང་གེ རྟ་ནག་སྐལ་བཟང་ལུང་རིགས།

སུ་རྒྱལ་རུང་སུ་ཕམ་རུང་། བཀའ་ཁྲི་དེས་རང་གི་ལྷག་བསམ་དང་། འབྱོན་ཐང་། བློ་ཁོག་བཅས་ལ་བརྟེན་ནས་བོད་ཀྱི་རྩ་དོན་ལ་ནུས་པ་ཐོན་པ་ཞིག་དང་། གནས་སྐབས་རིང་གི་བཙན་བྱོལ་བའི་སྒྲིག་འཛུགས་དེ་བརྟན་པོ་བཟོ་དགོས་པ་གལ་ཆེའི་ནང་གི་དོན་ཆེན་ཆགས་ཡོད། དེར་བརྟེན་བཙན་བྱོལ་ནང་གི་གཞོན་སྐྱེ་འདི་ཚོར་བལྟ་བཟོ་འདུག་བཟོ་གང་ཡང་མེད་པས། ད་ནི་གསར་འབྱོར་བར་གཞིས་ཆགས་སོགས་གནས་གཞི་བརྟན་པོ་ཞིག་མ་སྤྲད་ཚེ་བཙན་བྱོལ་བའི་སྒྲིག་འཛུགས་འཐོར་ཞིག་ཏུ་འགྲོ་བའི་ཉེན་ཁ་ཆེན་པོ་འདུག དོན་དེར་དགོངས་ནས་བཀའ་ཁྲིའི་འོས་གཞིར་ལང་བཞིན་པ་རེ་ཟུང་གིས་དེའི་ཐད་བསམ་གཞིགས་གནང་གི་ཡོད་པར་ངེས།

དཔེ་དེ་དག་དག་རེད། བཙན་བྱོལ་དཔལ་འབྱོེར་ཡར་རྒྱས་སུ་གཏོང་རྒྱུ་ཡིན་ཞེས་ལ་དགས་ཁུལ་ལི་ཚོང་མཁན་བར་ནས་འབུམ་ཉིས་བརྒྱ་་་་རྐུས་སམ་བརླག་་་བྱུང་སོང་ཁ་མ་འདུམ་ནས་ཨ་རིར་་་་་་་
ངོ་ནས་དབུས་པ་དང་ཕྱོགས་ཞེན་ནམ་རྙིང་ཞེན་པ་ཚོས་རའྒྱལྦ་རིན་པོ་ཆེར་བསམ་ཤེས་ཏོག་ཙམ་བྱེད་རགས། གཞོན་སྐྱེས་ཤིག་་་་་་་་

གཙོ་བོ་མང་ཚོགས་ལ་སེམས་ཁྲལ་ཤུགས་ཆེན་པོ་ཡོད་པ་དེ་ནི་སྔོན་ཆེད་ཀྱི་སྐུ་དྲག་དེ་ཚོས་བཟོས་པའི་བྱས་ངན་གྱིས་འབྲས་བུ་རང་རེད་ལ། ད་ལྟ་ཡིན་ནའང་མི་མང་མང་ཚོགས་གཟབ་ནན་གྱིས་བཀའ་ཁྲི་མ་གདམ་པ་ཡིན་ན་ད་དུང་བོད་མིས་སྡུག་བསྔལ་མུ་མཐུད་ནས་མྱངས་རྒྱུ་ཡིན་གསལ་བོ་རེད།

བློ་བཟང་སེང་གེ་ལྟ་བུའི་མཁས་དབང་ཞིག་བོད་བཀའ་ཁྲིར་ལངས་ན་འོས་ཤིང་འཚམས་པ་ལས་མི་འཚམས་ཤིག་སུས་ཀྱང་བརྗོད་མི་ཤེས་ལ་བརྗོད་དགོས་དོན་ཡང་མི་འདུག

ཤེས་འཇོན་གཉིས་ལྡན་གྱི་བཀའ་ཁྲི་ཞིག་བཀའ་ཁྲིིའི་འོས་གཞི་ལ་ལངས་པ་ཡིན་ན་མི་མང་གིས་དགའ་བསུ་བྱེད་རྒྱུ་ལས་མི་དགའ་བ་བྱེད་དགོས་དོན་རྩ་བ་ནས་ཡོད་པ་མ་རེད་བསམ་རྒྱུ་ཡོད།

གཙོ་བོ་ང་ཚོ་ལ་རིགས་རུས་དང་། ཕྱོགས་ཞེན་གྱི་རིགས་ཁ་ལ་མི་འཁྱེར་མཁན་དང་སྐབས་བབ་ཀྱི་མང་ཚོགས་སྡུག་ལས་སྐྱོབ་པའི་ནུས་པ་ཡོད་ན་དེ་ལ་ཐད་ཀར་དགའ་བསུས་ཐལ་མོ་རྡེབ་པ་ལས་མི་དགའ་པའི་སྡང་མིག་བལྟ་དགོས་དོན་རྩ་བ་ནས་མི་འདུག

གལ་སྲིད་བློ་བཟང་སེང་གེ་ལ་བཀའ་ཁྲིའི་འོས་གཞི་མ་ཐོབ་པ་ཡིན་ནའང་བོད་མི་རིགས་ཕམ་པ་རེད་ཟེར་ན་ཏོག་ཙམ་འགྲིག་གི་ཡོད་ན།
སྐད་ཆ་བཤད་དུས་བསམ་བློ་སྔོན་ལ་བཏང་ནས་སྐད་ཆ་ཤོད་དགོས་པ་དེ་ནི་ཤིན་ཏུ་ལས་ཀྱང་གལ་ཆེན་པོ་མཐོང་གི་འདུག

སྔོན་ཆེད་བཤད་སྲོལ་ཞིག་ལ།
མཁས་པ་འཆུག་ན་འདོམས་གང་དང༌༎
བླུན་པོ་འཆུག་ན་ཐོ་གང་ཞེས་པའི་དཔེ་ལྟར།
སྤྱིར་བཏང་ང་ཚོས་བློ་བཟང་སེང་གེ་ལྟ་བུའི་མཁས་པ་ཆེན་པོ་ཚོར་གུས་བཀུཀར་དང་ཡིད་རངས་བྱེད་དགོས་མོད།་ ཡིན་ནའང་ཁོ་གཅིག་པོ་འོས་གཞི་ཤོར་ན་བོད་མི་རིགས་ཕམ་པ་རེད་ཟེར་ན།
དེ་ལས་ལྷག་པའི་ཤེས་འཇོན་ཅན་ཞིག་བོད་རིགས་ཀྱི་ཁྲོད་ན་མེད་པ་རེད་ཟེར་བ་དང་གཅིག་པ་མ་ཡིན་ནམ།

ང་སྐུ་དྲག་ཚོར་ཞེད་ཀིན་འདུག

སྐུ་དྲག་གི་རྨུ་ཐག་ནག་པོ་འདི་མ་བཅད་ན་ནམ་ཞིག་བཙན་བྱོལ་བོད་གཞུང་འདི་ཡང་ལུང་ཤར་བའི་མིག་འབྲས་བཞིན་སྐྱོ་གར་གྱི་དབྱིངས་སུ་ཐིམ་འགྲོ། དེའི་ཕྱིར་བློ་བཟང་སེང་གེ་རྒྱལ་དགོས།

༑ ལྷུན་མིང་ཅན་དང་བྱུང་བུ་གཉིས།
” ཁོང་གཉིས་ཁྱི་སྤྱང་ངན་འབྲེལ་བྱས་ཏེ་བླ་མ་དེ་སྔ་ལམ་དུ་བརྫངས་ཡོད་པའི་ལོ་རྒྱུས་ ཤིག་སྲང་དང་ཁྲོམ་ལམ་ཀུན་ལ་ས་ཁྱབ་རྡོ་ཁྱབ་ཀྱང་བྱུང་མྱོང་ཡོད་པ་རེད།”
དེ་འདྲའི་གནས་ཚུལ་སྲང་ལམ་གང་ན་ས་ཁྱབ་རྡོ་ཁྱབ་རེད། བཤད་མཁན་གྱི་གང་ཟག་ཚོ་བཤད་མི་ཉན་པའི་དབང་དུ་བྱས་ཀྱང་ས་ཆ་གང་གི་སྲང་ལམ་ལ་གྲགས་འདུག གླེང་གཞི་བཟོ་དགོས་ཡོད་ཀྱང་འདི་འདྲ་ཞིག་ཚབ་ཆེ་དྲགས་མི་འདུག་གམ། མི་བསད་པ་རེད་ཟེར་གྱི་ཡོད་རེད་ད།

མ་གཞི་མི་གསར་བ་ཞིག་བཀའ་ཁྲིར་ཡོང་ན་བསམ་ཡོད་ཀྱང་། ངས་བློ་བཟང་སེངྒེ་ལ་རེ་བ་བྱེད་དཀའ། སློབ་གྲྭ་མང་པོར་སོང་སོང་བ་ཙམ་གྱིས་མི་རང་གི་ལྷན་སྐྱེས་ཀྱི་རྣམ་དཔྱོད་ལ་འགྱུར་བ་གཏོང་མི་ཐུབ། ལྷན་སྐྱེས་ཀྱི་མི་གཞི་དང་རྣམ་དཔྱོད་ནི་རྩ་བ་ལྟ་བུ་དང་ཡོན་ཏན་སློབ་སྦྱོང་ནི་རྒྱན་ཙམ་རེད།
ཁོའི་གཏན་བཤད་ཉན་མྱོང་ཡོད། མཁས་དབང་ཙམ་གྱི་མིང་ཡང་འཐོབ་དཀའ་མོ་རེད། ད་ཕལ་ཆེར་ང་རང་བཀའ་ཁྲི་བྱེད་ན་ཡག་ས་རེད།

བོད་མིའི་བཀའ་ཁྲིར་མཁས་དབང་བློ་བཟང་སེངྒེ་འགྱིང་པར་ཤོག་
བོད་ལ་མི་རབས་གསར་བའི་རང་དབང་ཐོབ་པར་ཤོག
བོད་ལ་བདེ་སྐྱིད་ཉི་མ་ཤར་བའི་རྟེན་འབྲེལ་ཞུ།
༸ཡིད་བཞིན་ནོར་བུའི་སྐུ་ཚེ་བརྟན་གྱུར་ཅིག
བོད་མིའི་ཅི་བསམ་ལྷུན་འགྲུབ་ཡོང་བའི་བཀྲ་ཤིས་ཤོག

ཁྱེད་རྩོམ་ཡིག་འདི་ལ་བསྔགས་བརྗོད་ཡོད།

ངས་སྤྱི་ཚོགས་ལ་རྒྱུས་ལོན་བྱས་ཤིང་སྤྱི་ཚོགས་ཀྱི་སྐད་ཆ་ཉན་ཏེ། ཚངས་ཐིག་གི་ལམ་བུ་བརྒྱུད་ནས་བཀའ་ཁྲིའི་འོས་མི་རྣམས་ལ་ཤེས་རྟོགས་བྱས་པས་༢༠༡༡ལོའི་བཀའ་ཁྲི་ལ་མི་ཚང་ཕལ་པ་ཞིག་ནས་ཚར་ལོང་བྱུང་ཞིང་གཞི་རིམ་གྱི་མང་ཚོགས་ཀྱི་འཚོ་བ་བརྒྱུད་ནས་སླེབས་པའི་མཁས་དབང་བློ་བཟང་སེང་གེ་ཉིད་འོས་ཤིང་མཚམས། འོན་ཏང་སྐུ་དྲག་རིང་ལུགས་ཀྱི་ཁྱིམ་ཚང་ཆེན་མོ་རྣམས་ཀྱིས་ཐབས་འཕྲུལ་སྣ་ཚོགས་ཀྱིས་ཁོང་ཕམ་ཉེས་སུ་བཏང་ནས། ཤེས་ཡོན་དང་འཇོན་ཐང་ལ་མ་ལྟོས་པར་རྒྱབ་རྩ་དང་དཔལ་འབྱོར་གྱིས་སླར་ཡང་ཁྱིམ་ཚང་ཆེན་མོས་བཀའ་ཁྲི་གནང་ན། རྒྱ་ནག་གིས་ང་ཚོའི་མང་གཙོར་བརྗོད་བཞིན་པའི་སྐྱོན་བརྗོད་ལ་རྒྱབ་སྐྱོར་བྱས་པ་ཤུགས་སུ་འགྲོ་བ་ནི་གོར་མ་ཆགས།

བོད་ཀྱི་བང་ཆེན་ནང་གི་བྱང་བུའི་ཟིན་བྲིས་ནས་བླངས།

བཀའ་ཁྲིའི་འོད་མིའི་ལོ་རྒྱུས་ཁ་ཤས།

བཀའ་ཁྲིའི་འོས་མི་ལས་འཕྲོས་པའི་བསམ་ཚུལ་དམར་རྗེན་མ།

བཀའ་ཁྲིའི་འོས་མི་ལས་འཕྲོས་པའི་བསམ་ཚུལ་དམར་རྗེན་མ། སྤེན་པ་ཚེ་རིང་ལགས་ལ་མཚོན་ན་ཤེས་ཡོན་དང་བཙན་བྱོལ་གཞུང་ལ་རྒྱུས་མངའ་ཡོད་པ་སོགས་ཀྱི་ཐད་ནས་བསམ་ན་བཀའ་ཁྲི་ལ་རེ་བ་བྱས་པར་དམིགས་བསལ་གྱི་མི་འོས་པ་ཞིག་མཐོང་མ་སོང་།

ཡིན་ཡང་ཤེས་ཡོན་དང་རྒྱུས་མངའ་ཡོད་པའི་ཆ་རྐྱེན་ཙམ་གྱིས་བཀའ་ཁྲི་ལ་འདེམས་འོས་པའི་ཚད་འཛིན་བྱེད་མི་རུང་། ཕྱིར་ མི་སུ་འདྲ་ཞིག་ཡིན་རུང་གཙོ་བོ་དེ་མི་གཞི་དང་ཀུན་སྤྱོད་ཚད་ལྡན་ཞིག་ཡོད་པའི་ ཐོག་ཤེས་འཇོན་ཉམས་མྱོང་གིས་ཕྱུག་པ་ཞིག་ཡིན་ཚེ་མི་དེ་ལ་ཚད་མཐོའི་གདེང་འཇོག་ དང་ཡིད་ཆེས་བྱ་རིན་ཡོད།

འོན་ ཀྱང་སྤེན་པ་ཚེ་རིང་ལྟ་བུ་ལ་མཚོན་ན་ཁོའི་མི་གཞི་དང་ཀུན་སྤྱོད་ལ་དོགས་པ་ཡོད་ པ་ཙམ་གཅིག་པོ་མ་ཡིན་པར་གླེང་ཕྱོགས་འདྲ་མིན་ཞིག་ཡོད་པ་རྒྱ་གྲགས་བོད་གྲགས་ རེད། དཔེར་ན་སྤེན་པ་ཚེ་རིང་གིས་བླ་མ་ག་གེ་མོ་ཞིག་གི་སྐྱེ་དམན་ལ་ཚུལ་མིན་གྱི་འབྲེལ་བ་བྱས་པ་མ་ཟད་སྐྱེ་དམན་དེ་དང་བླ་མ་དེའི་རྒྱུ་ནོར་རག་ཆེད། ཁོང་ གཉིས་ཁྱི་སྤྱང་ངན་འབྲེལ་བྱས་ཏེ་བླ་མ་དེ་སྔ་ལམ་དུ་བརྫངས་ཡོད་པའི་ལོ་རྒྱུས་ ཤིག་སྲང་དང་ཁྲོམ་ལམ་ཀུན་ལ་ས་ཁྱབ་རྡོ་ཁྱབ་ཀྱང་བྱུང་མྱོང་ཡོད་པ་རེད།

གལ་སྲིད་དེ་འདྲའི་ལོ་རྒྱུས་དེ་བདེན་པ་ཡིན་ཚེ་ཁོ་ནང་སྟོང་ཁོག་རུལ་དུ་སོང་བའི་མི་ངན་ཞིག་ཡིན་པ་ཚོད་དཔག་བྱེད་ཐུབ། དེ་ ལ་ཤེས་ཡོན་ཅུང་ཙམ་ཞིག་དང་ཁ་བདེ་བོ་དང་རང་ཉིད་ཀྱི་མངོན་འདོད་ཅིག་ལ་འབད་མཁས་ བོ་ཡོད་པ་ཙམ་གྱིས་བཀྱགས་ནས་གནམ་ལ་འཇོག་རིན་ཡོད་པ་མ་མཐོང་།

དེ་ ལྟར་བྱས་ན་དུས་རྒྱུན་ང་ཚོས་ཁ་ནས་མ་ཎི་བགྲང་བགྲང་བྱེད་བཞིན་པའི་བོད་སྤྱི་ བའི་རྩ་དོན་དང་མང་གཙོ་འགན་མི་མང་རང་གིས་ཁུར་དགོས་ཞེས་པ་དང་ཡང་འགལ་འགྲོ་བ་ རེད། དེར་བརྟེན་ཚང་མས་གང་ཟག་སུ་ཡིན་དང་རང་ཉིད་ཀྱི་ཕྱོགས་གཏོགས་རེད་འདུག་མིན་ཙམ་ལ་མི་ལྟ་བར། དངོས་ཐོག་བདེན་འཚོལ་ངང་བཀའ་ཁྲི་ཚད་ལྡན་ཞིག་ཡོང་ཐབས་སུ་དྲང་བདེན་ལ་རྒྱབ་བརྟེན་ཏེ་འབད་བརྩོན་བྱེད་དགོས།

༼ཚད་ལྡན་ཞེས་པ་དེ་ཡང་ང་རང་ཚོ་བཙན་བྱོལ་ནང་ནས་ཨ་ཡོད་ནང་གི་དེ་ཡོད་དང་། ལུག་མགོའི་ནང་གི་མིག་ཚིར་དེ་རག་ཐབས་བྱེད་དགོས་པ་ལས། ཕྱིར་ཚད་ལྡན་ཞེས་པ་དེའི་ཚད་གཞི་ངེས་ཅན་ཞིག་འཇོག་ཅུང་ཟད་དཀའ་བར་སྣང་། ༽

དེ་བཞིན་ཨ་ ཅག་རྒྱ་སྒྲོལ་ལགས་ཀྱི་སྐོར་ལ་ཅུང་ཟད་གླེང་བར་འདོད། ཁོ་མོ་ལ་མཚོན་ན་ཤེས་ཡོན་དང་འཇོན་ཐང་སོགས་ཕྱོགས་གང་ཐད་ནས་བཀའ་ཁྲིའི་འོས་ཆོས་ ཡོངས་རྫོགས་ཚང་བར་མ་མཐོང་། དབྱིན་སྐད་དང་ཧིན་སྐད་སོགས་ཙ་ག་ཙིག་གེ་ཞིག་བཤད་ཤེས་པ་དང་ཁ་བདེ་མགོ་བདེ་ངུ་ སླ་སོགས་ཀྱི་ཕ་ རོལ་བོའི་སེམས་ཅུང་ཟད་འགུག་ཐུབ་པའི་གཡོ་ཇུས་ཕྲན་བུ་ཡོད་རུང་དེ་ཙམ་གྱིས་ སྐབས་གསུམ་པའི་བཀའ་ཁྲིའི་འོས་ཆོས་ཚང་བར་ངོས་འཛིན་བྱེད་ཀྱི་མེད།

ལྷག་ པར་ཉེ་ཆར་ཨ་ཅག་ལགས་ཀྱིས་ང་བཀའ་ཁྲིར་འོས་འདེམས་བྱུང་ན། གཞིས་ཆགས་ཡར་རྒྱས་གཏོང་རྒྱུ་ཡིན། གསར་འབྱོར་དཀའ་ངལ་སེལ་ཐབས་བྱེད་ཀྱི་ཡིན། ད་དུང་མང་པོ་ཞིག་ཕྱི་རྒྱལ་ལ་གཏོང་གི་ཡིན་སྐོར་སོགས་སྐྱ་སེར་ཕོ་མོ་ཡོངས་ལ་ འཚམ་པའི་སྐད་ཆ་སྙིང་རྗེ་བོ་ཞིག་ཤོད་ཀྱི་ཡོད་ཀྱང་།

དོན་ དངོས་ཐོག་ཁྱེད་རང་གིས་འོས་ཤོག་རེག་ཐབས་ཙམ་ལས་དེ་འདྲའི་ཕྱག་ལས་ཤིག་གནང་མི་ ཐུབ་ལ་མི་གནང་བ་ཡང་གསལ་བོ་རེད། གང་ཡིན་ཟེར་ན་འདས་ཟིན་པའི་ནང་ལོག་ཁྱེད་རང་མི་མང་གི་སྐུ་ཚབ་བྱས་ནས་ཁྲིམས་ བཟོ་ལྷན་ཁང་གི་རྐུབ་སྟེགས་མཐོ་ཤོས་ཐོག་ལོ་མང་རིང་བཞུགས་ཡོད། གལ་སྲིད་ནུས་པ་དང་འཇོན་ཐང་ལྷག་བསམ་བཤད་པ་ནང་བཞིན་སྨྲ་མེད་པ་ཞིག་ཡོད་ན་སྐབས་ དེ་དུས་ཨ་ཅག་ལགས་ཀྱིས་དེ་འདྲའི་ཕྱག་ལས་མ་གནང་བའི་རྒྱུ་མཚན་གང་ལ་ཐུག་ཡོད་དམ།

ད་ ཨ་ཅག་ཁྱེད་རང་གི་དམིགས་ཡུལ་ངོ་མ་དེ་མངོན་གྱུར་ཡོང་བར་འབད་རྩོན་བྱེད་འདོད་ན། དང་ཐོག་མདོ་ཁམས་ཆུ་སྒང་གསར་རྙིང་གཉིས་གཙོས་ཁྱེད་རང་གི་ཐེ་ཇུས་བྱེད་མྱོང་ སའི་རྩོད་རྙོག་དག་ནང་ཁུལ་མཐུན་འབྲེལ་ཡོང་ཐབས་ལ་འབད་རྩོན་ཁ་ཞེ་གཉིས་མེད་ ཀྱིས་བྱེད་རྒྱུ་ཡིན་པའི་མནའ་སྐྱེལ་དམ་འཇོག་དགོས་པ་མ་ཟད། ད་ནས་བཟུང་ནང་ཁུལ་གྱི་ཆིག་སྒྲིལ་དང་འཆམ་མཐུན་ལ་གཏོར་བཤིག་ནམ་ཡང་མི་གཏོང་ བའི་དམ་བཅའ་ཁ་གསལ་གདེང་གསལ་འཇོག་དགོས་གལ་མཐོང་།

མཚམས་ འདི་ནས་ངས་བཀྲས་མཐོང་བསྟན་རྣམ་ལགས་ཀྱི་སྐོར་ལ་རོབ་ཙམ་གླེང་བར་འདོད། ཁོང་ཡང་ཡང་བསྐྱར་བཀའ་ཁྲིའི་རྐུབ་སྟེགས་ཐེངས་གཅིག་འཛིན་པའི་འདོད་པ་ཤུགས་ཆེན་ ཡོད་ས་རེད། དེའི་རྒྱུ་མཚན་ནི་འདས་ཟིན་པའི་ནང་ལོག་ནག་ཉེས་དང་ནོར་འཁྲུལ་གང་སོང་ཡོད་པ་དེ་ ཚོ་གང་ཐུབ་དཀར་པོར་བཟོ་རྒྱུའི་ཐབས་ཇུས་སམ་སྲིད་བྱུས་སེམས་ནང་ཉལ་ནས་བཀའ་ ཁྲིར་སླེབས་ཐབས་ལ་རེ་བ་རྒྱབ་པ་ཞིག་ཡིན་པ་གོར་མ་ཆགས།

ཡང་ གཅིག་བཤད་ན། ཁོའི་རེ་བ་དེ་སྟོང་ཟད་མིན་པའང་ཅུང་ཟད་གདེང་སྤོབས་ཡོད་པ་རེད། གང་ཡིན་ཟེར་ན་ཚེ་འདི་ཕྱི་གཉིས་ཀྱི་ཡོད་ཚད་རྐུབ་སྟེགས་ལ་བཅོལ་ཡོད་མཁན་གྱི་ རྡ་སའི་ཁོར་ཡུག་གི་གཞུང་འཛིན་མི་སྣ་མང་ཆེ་བའི་རྐུབ་སྟེགས་སྒུལ་ཀྱོག་མི་ཡོང་ བའི་ཆེད་དུ་དངོས་སམ་བརྒྱུད་ནས་ཁོ་ལ་རྒྱབ་སྐྱོར་བྱེད་ཀྱི་ཡོད་པ་རེད།

དེ་ ཚོས་ཀྱང་བོད་སྤྱིའི་རྩ་དོན་ལས། སོ་སོའི་མི་ཚེའི་ནང་འབྲེལ་འདྲིས་ཆེ་བའི་རྐུབ་སྟེགས་དེ་བློས་གཏོང་མི་ཐུབ་པ་ ཞིག་དང་། གཞན་༧གོང་ས་མཆོག་དང་མཁས་དབང་ཟམ་གདོང་རིན་ཆེ་གཉིས་སྐུ་འཚོ་བཞུགས་སྐབས་མི་ རབས་གསར་བ་ཞིག་གིས་མཇུག་མཐུད་མ་ཐུབ་ན་བསམ་པ་ཡང་ཡིན་སྲིད་ཀྱི་མ་རེད་དེ།

འབྱུང་ འགྱུར་གྱི་བཀའ་ཁྲི་དེ་གནའ་དེང་གི་ཤེས་བྱའི་གནས་ཐམས་ཅད་ལ་མཁྱེན་རྒྱ་ཡངས་ཤིང་ མ་འོངས་བོད་མི་རིགས་ཀྱི་སྲིད་འབྱོར་རིག་གསུམ་ཉམས་པ་སླར་གསོ་དང་མི་ཉམས་དར་ སྤེལ་གཏོང་རྒྱུའི་ཆོད་སེམས་བརྟན་པོ་ཡོད་པ་ལས། ཆོལ་ཁ་དང་ཆོས་ལུགས་དེ་བཞིན་ཁྱིམ་བརྒྱུད་སོགས་ཀྱི་ན་ཚ་མེད་མཁན་གྱི་གཞོན་ སྐྱེས་ཤེས་འཇོན་གཉིས་ལྡན་དང་ལྷག་བསམ་རྣམ་དག་ཅིག་བཀའ་ཁྲིར་སླེབས་ཡོང་ན་ངའི་ རྐུབ་སྟེགས་དེ་འགུལ་སྐྱོད་ཅིག་གཏོང་མི་ཡོང་ངམ་སྙམ་པའི་དངངས་འཚབ་དང་ཞེན་ཁོག་ འདྲེས་མ་ཞིག་གི་སྒང་ན་འགྲོ་གི་ཡོད་པ་ཟུར་བལྟས་ལེབ་མཐོང་རེད།

ལྷག་ པར་བཀྲས་མཐོང་ལ་མཚོན་ན་བདེན་མིན་ལ་མ་ལྟོས་པའི་གཞུང་དངུལ་ཕོན་ཆེན་ལྐོག་ཟ་ བྱས་སོང་བ་རེད་ཅེས་གླེང་གཞི་ཡོད་པ་མ་ཟད། སྐབས་དེའི་བཀའ་ཁྲིའི་ལས་ཡུན་མ་རྫོགས་སྔོན་ལ་ཨ་རིར་བྲོས་བྱོལ་ལྟ་བུ་འགྲོ་ དགོས་པའི་རྒྱུ་མཚན་སོགས་གསལ་བཤད་ཡང་དག་གམ་ཁ་གསལ་གཏིང་གསལ་གྱི་དཔང་རྟགས་ཤིག་ མི་མང་གི་མདུན་སར་སྟོན་རྒྱུ་མེད་ན་བཀའ་ཁྲིའི་འོས་ཆོས་ཚང་བ་ཕར་ཞོག་ངོ་ཚ་དང་ ཁྲེལ་གཞུང་སྤུ་རྩེ་ཙམ་མེད་པའི་མགོ་སྐོར་བསླུ་བྲིད་མཁན་ཞིག་ལ་ངོས་འཛིན་མི་ བྱེད་ཀ་མེད་རེད།

སྤྱིར་མི་སྐྱོན་མེད་འཛམ་བུ་གླིང་ན་མེད། ཤིང་འཛེར་མེད་རྒྱ་རྫོང་ནག་ན་མེད་ཅེས་པ་ལྟར་མི་སྐྱོན་ཆུང་ངུ་ཙམ་ཡང་མེད་མཁན་ཞིག་རག་ཁག་པོ་ཡིན་པ་མ་ཟད། མི་ ཞིག་གི་ལོ་རྒྱུས་ཀྱི་ངན་ས་དང་སྡུག་ས་དེ་བཞིན་མ་འགྲིག་མ་ཐོན་ས་རྐྱང་རྐྱང་ གླེང་ན་དེ་མི་འགྲིག་པ་ལྟ་བུ་ཞིག་རེད། འོན་ཀྱང་ཛ་དྲག་དང་གཉན་ཕྲང་ཅན་གྱི་སྐབས་འདིར་བཀའ་ཁྲིའི་འོས་གཞི་ལྟ་བུ་ལ་ མཚོན་ན་སྐྱོན་དང་ཉེས་པའི་ཆ་ལས་ལེགས་པ་དང་ཡོན་ཏན་གྱི་ཆ་མང་བ་ཞིག་འཚོལ་དགོས་ ཀྱི་ཡོད་པ་སོང་ཙང་། ང་ཚོས་འོས་མི་འདི་དག་ཕྱོགས་གང་ཐད་ནས་རྒྱུས་ལོན་བྱེད་རྒྱུ་ཧ་ཅང་གི་གལ་ཆེན་ ཆགས་ཡོད་པ་རེད།

དེ་ ཡང་ངས་མངོན་ལྐོག་དང་རྒྱབ་མདུན་འཛེམས་མེད་ཐོག་འདི་ལྟར་བྲི་དགོས་དོན་ནི་ཁོང་ ཚོར་མ་དགའ་བ་དང་། དེ་བཞིན་ཕྱོགས་རེས་དང་ཞེན་ཁོག་སོགས་ཀྱིས་ཀུན་ནས་བསླང་བ་ཞིག་རྩ་བ་ནས་མིན། སོ་སོར་ཡོད་མེད་དང་ཡིན་མིན་དབྱེ་འབྱེད་བྱེད་ཀྱི་བློ་ཞིག་འབྱར་ཡོད་པ་འདི་ སྔོན་དུ་སོང་བའི་ཐོག མང་ཚོགས་དཀྱུས་མ་ཚོར་དཔྱད་གཞིའི་རྒྱུ་ཆ་ཞིག་གི་ཆེད་དང་དངོས་ཐོག་བདེན་འཚོར་ ཞིག་ཡོང་ན་བསམ་ནས་འདི་ལྟར་བྲིས་པ་ཞིག་ཡིན།

རྟ་ནག་སྐལ་བཟང་ལུང་རིགས་ལགས་ཀྱིས་གསུངས་བ་ནི་དངོས་ཡོད་གནས་ཚུལ་ཡིན་པ་ལ་རྒྱབ་སྐྱོར་ཞུ་རྒྱུ་ཡིན།༧གོང་ས་མཆོག་གིས་དེང་དུས་ཀྱི་རྒྱལ་སྤྱིའི་ལམ་ལུགས་དང་མཐུན་པའི་ཐོག་མ་འོངས་པའི་བོད་མི་རིགས་གི་ཆེད་དུ།མང་གཙོའི་ལམ་ལུགས་ཡང་དག་པ་ཞིག་གསོལ་རས་གནང་བ་འདིར་དགོས་པ་དང་།རྒྱུ་མཚན་ཡོད་པའི་ཐོག་ནས་གནང་བཞག་པ་ཞིག་རེད་ཏེ།ང་ཚོ་བཙན་བྱོལ་བོད་མི་རྣམས་ད་དུང་ཡང་རྨོངས་གཉིད་ལས་སད་མེད་པའི་རྐྱེན་གྱི་དཔའ་འབྱོར་དང་མིང་གྲགས་ཡོད་པའི་ཁྱིམ་ཚང་དག་གི་གཡོ་འོག་ཏུ་འགྲོ་བ་ལས།མང་གཙོའི་ཁེ་དབང་ལོངས་སྤྱོད་དང་བེད་སྤྱོད་ཡང་དག་པ་ཞིག་གཏན་ནས་བྱེད་ཐུབ་ཀྱི་མེད།རྒྱུ་མཚན་ནི་འབྱོར་པ་ཅན་དང་།མིང་གྲགས་ཡོད་པའི་ཁྱིམ་ཚང་ཆེ་པོ་དེ་དག་གི་བྱ་བཞག་དང་གྲུབ་འབྲས།བག་ཆགས་ལ་རྟེན་ནས་བྱུང་བའི་ཆོལ་ཁ་དང་དགའ་ཉེའི་ཕྱོགས་ལྷུང་གི་རྣམ་པ་འཁྱེར་བ་ལས།བོད་སྤྱི་པའི་རྩ་དོན་ཐོག་འགན་འཁུར་དེ་ཙམ་བྱེད་ཀྱི་མེད་པ་ནི་ཀུན་གྱིས་ཤེས་གསལ་དང་བརྗོད་མ་དགོས་པ་ཞིག་རེད།རྒྱ་ནག་གཞུང་གི་དུས་རྒྱུན་བཤད་བསྡད་པ་ནི་བཙན་བྱོལ་བོད་གཞུང་ལ་མང་གཙོའི་མིང་ཙམ་ལས་དོན་དངོས་ཐོག་རྔ་བདག་ཆེ་པོ་གསུམ་གྱིས་དབང་སྒྱུར་བྱེད་ཀྱི་ཡོད་པ་རེད་ཟེར།དེར་ལ་རྒྱུ་མཚན་ཡོད་པ་ཞིག་དང་དངོས་ཡོད་ཡིན་པ་ནི་སྨོས་མ་དགོས།ད་དུང་མུན་མཐུད་དེ་ལམ་ལུགས་རྙིང་པའི་ཕྱོགས་སུ་བསྐྱོད་པ་ཡིན་ན།བོད་དོན་བདེན་མཐའ་གསལ་མི་ཐུབ་པ་མ་ཚད་ནམ་ཞིག་འགྱོད་པའི་གླིང་དུ་སྐྱེ་རྒྱུ་ལས་མ་འདས།ཉིན་དང་པོར་བཀྲས་མཐོང་གིས་གཏམ་བཤད་གནང་སྟངས་དེ་དག་ལ་གཟིགས་དང་།སྔ་མ་བཀའ་ཁྲི་དུས་ཡུན་མ་རྫོགས་གོང་ལ་ནང་མི་དཀའ་ངག་སེལ་ཆེད་དུ་རྩ་དགོང་ཞུས་ནས་ཨ་རིས་དུ་བསྐྱོད་པ་ཡིན་ཟེར།ཉིན་གཉིས་པ་ཉིན་ག་སྲིད་ཁོ་པ་སྐབས་གསུམ་པའི་བཀའ་ཁྲི་འཁོད་པ་དང་ནང་མི་དཀའ་ངག་འདྲ་བྱུང་བ་ཡིན་ན།སྔ་མ་ནང་བཞིན་ནང་མི་དང་ཕྲུ་གུ་ཆེད་དུ་བཀའ་ཁྲི་ནས་དགོང་པ་ཞུ་རྒྱུ་ཡིན།རྒྱུ་མཚན་ནི།ངས་བོད་མི་མང་གི་ཆེད་དུ་ཕྱག་ལས་གནང་བསྡད་པ་ཡིན་ན།ནང་མིའི་དཀའ་ངག་སུས་སེལ་གི་རེད་ཞེས་པའི་གཏམ་དེ་དག་གི་ཐོག་ནས།ཁོ་པའི་ནང་མི་གལ་གནད་ཆེ་བ་ལས་བོད་སྤྱི་པའི་རྩ་དོན་གལ་གནད་ཆེ་བ་ཞིག་མཐོང་གི་མེད་པའི་རྐྱེན་གྱི་གསུངས་བ་ཞིག་རེད།མ་ཟད་ཁོང་གི་འཇོན་རབས་ཀྱི་གཏམ་བཤད་གཅིག་ཀྱང་སྤེལ་མ་སོང།ཡ་མཚན་སྐྱེས་དགོས་པ་ཞིག་ལ་ད་དུང་ལུང་ཚན་དང་ཕྱོགས་ལྷུང་ཅན་གྱི་མི་སྣ་དེ་དག་གི་༧གོང་ས་མཆོག་དང་བོད་མི་རིགས་དང་སྤྱི་པའི་རྩ་དོན་ཐོག་ཐུགས་འཁུར་མེད་པའི་ཐོག་བཀྲས་མཐོང་ལ་རྒྱབ་སྐྱོར་དང་ཤེས་འཇོན་གཉིས་ལྡན་གྱི་མཁས་དབང་བློ་བཟང་སེང་གེ་ལྟ་བུ་ལ་རྒྱབ་སྐྱོར་མེད་པའི་སྒང་ལ་ངེན་སྨད་བྱ་དགོས་དོན་གང་ཡིན་ནམ།དངོས་གནས་དྲང་གནས་ཀྱི་བོད་མི་རིགས་དང་སྤྱི་པའི་རྩ་དོན་ཐོག་ལྷག་བསམ་རྣམ་དག་གི་འགན་འཁུར་མཁན་ཞིག་གི་ངོས་ནས་བཤད་པ་ཡིན་ན།སྐབས་གསུམ་པའི་བཀའ་ཁྲི་བྱེད་ཐུབ་མཁན་མཁས་དབང་བློ་བཟང་སེང་གེ་ལས་ལྷག་པའི་མི་སྣ་ཞིག་བཀའ་ཁྲིའི་འོས་གཞི་རུ་མེད་པ་ནི་ཚང་མས་ཟུར་ལྟས་ལེབ་མཐོང་རེད།དེ་འདྲ་སོང་ཙམ་ཁོང་ལ་རྒྱབ་སྐྱོར་བྱ་དགོས་ངེས་རེད་ལ།རྒྱལ་ཁ་ཡང་ཐོབ་དགོས་ངེས་རེད།

འདི་ནི་ཐོབ་ཤོར་གྱི་གནད་དོན་མ་རེད།
མི་མང་གི་རྣམ་དཔྱོད་ཀྱི་རྩལ་ལས་འདེམས་སྒྲུག་བྱེད་ཀྱི་རེད།
རང་གི་ཕྱོགས་གཏོགས་ལ་ཞེན་ཁོག་གིས་འོས་བླུག་ན། དེ་ར་སྤུས་བཟོས་པའི་འུར་རྡོ་ར་ཡི་མགོ་ཐོག་ཏུ་ཕོག་ཉེན་ཡོད།
དེ་དོན་མི་ཡོང་བ་རྒན་གཞོན་བར་གསུམ་གྱིས་ཐུགས་བསམ་བཞེས་དགོས་རེད།
བློ་གཟུ་བོར་གནས་རྒྱུ་གལ་ཆེན་པོ་རེད། འོས་མི་འདོན་མཁན་ཚོ་ཡོད་ཚད་ཞེན་ཁོག་དབང་གིས་རེད་ཅེས་བཤད་ནའང་དེ་ཡང་རྒྱུ་མཚན་འཐད་ལྡན་མ་རེད། །

གལ་སྲིད་བགྲེས་སོང་རྣམ་གཉིས་ཀྱི་སྐད་ཆ་དེ་འདྲ་བཤད་ཡོད་ན་དངོས་གནས་བློ་ཕམ་གྱི་རང་བཞིན་རེད།
དཀྲུག་ཤིང་གི་ཏེ་བོ་ཁྱོད་ཀྱིས་༼ཀྲས་མཐོང་ལ་ཤེས་འཇོན་ནུས་གསུམ་གང་ལྡན་ཡང་ཐོས་མ་སོང་།༽མངོན་སུམ་ལ་སྨྱོ་ལབ་རྒྱབ་ཀྱིན་འདུག
བཀའ་བློན་ཁྲི་ཟུར་བཀྲས་མཐོང་བསྟན་འཛིན་རྣམ་རྒྱལ་ལགས་ཀྱི་གལ་ཆེའི་མཛད་རྗེས་རགས་བསྡུས།
གློག་འཕྲིན། པར་འདེབས། ཕི་ཌི་ཨེཧཕ།
༡༽ ཕྱི་ལོ་ ༡༩༦༠ ལོར་མ་སུ་རི་གཏན་སློབ་ཏུ་སློབ་སྦྱོང་གནང་ཞིང༌། ཞོར་ལ་དགེ་རྒན་གྱི་ཕྱག་ལས་གནང༌།
༢ ༽ ཕྱི་ལོ་ ༡༩༦༧ དགུང་ལོ་ ༡༧ ལ་སོན་སྐབས་སེམས་ཤུགས་ཀྱིས་ཁེངས་པའི་ན་གཞོན་དེས་བོད་གཞུང་ཤེས་རིག་ལས་ཁུངས་ སུ་དབྱིན་དྲུང་དང་གསུང་སྒྱུར་གཅིག་ལྕོགས་ལས་འཁུར་བཞེས།
༣༽ ཕྱི་ལོ་ ༡༩༦༨ ལོར་ཁོང་དང་བཀའ་བློན་ཁྲི་ཟུར་བསོད་ནམས་སྟོབས་རྒྱལ་དང༌། བཀྲས་མཐོང་བསྟན་འཛིན་དགེ་བྱེད་བཅས་ཀྱིས་འགན་བཞེས་ཀྱིས་བཙན་བྱོལ་ཁྲོད་ཀྱི་ གསར་ཤོག་ཐོག་མ་ཤེས་བྱ་འདོན་སྤེལ་གནང༌། དེང་སྐབས་ཀྱང་གཞུང་འབྲེལ་ཐོག་འདོན་མུས།
༤༽ ཕྱི་ལོ་ ༡༩༧༠ ལོར་ཁོང་དང༌། གོང་གསལ་མཛད་གཙོ་གཞན་གཉིས། བཀའ་ཟུར་རྒྱ་རི་བློ་རྒྱན་བཅས་ཀྱིས་ལོ་རྒྱུས་ཐོག་བོད་ཀྱི་གཞོན་ནུའི་ཚོགས་ ཆེན་ཐེངས་དང་པོ་བསྐོང་འཚོགས་གནང་བ་དང༌། ཚོགས་ཆེན་གྱི་མཐའ་མའི་གྲུབ་དོན་དུ་བོད་ཀྱི་གཞོན་ནུ་ལྷན་ཚོགས་གསར་འཛུགས་དང་ འབྲེལ། ཁོང་སྐབས་དང་པོའི་དབུས་སྤྱི་ཁྱབ་རྒྱུན་ལས་སུ་འདེམས་ཐོན་བྱུང་ནས་ལས་འཁུར་ བཞེས། ད་ལྟའི་གཞོན་ལྷན་དེ་རང་ཡིན།
༥༽ དབྱིན་ཇིའི་གསར་དེབ་༼བོད་གནས་བསྐྱར་ཞིབ་༽(Tibetan Review) རྩོམ་སྒྲིག་པ་དཀོན་པའི་སྐབས་ལ་ཁོང་གིས་རྩོམ་སྒྲིག་པའི་འགན་བཞེས། (ད་ལྟ་འདོན་མུས།)
༦༽ ཕྱི་ལོ་ ༡༩༧༣ ལོར་བོད་ཀྱི་རྩ་དོན་སླད་བོད་རང་དབང་བདེན་པའི་ལས་འགུལ་གྱི་ཚོགས་ཆེན་བསྡུ་ བསྐོང་གནང་སྐབས། ཁོང་ཡང་གཞོན་ལྷན་གྱི་སྐུ་ཚབ་གནང་ནས་ཚོགས་ཆེན་དུ་མཉམ་ཞུགས་ཀྱིས་སྐབས་དེའི་ ཚོགས་ཐོག་ནས་དང་བླང་དཔྱ་ཁྲལ་ལག་དེབ་གསར་གཏོད་མཛད། བཙན་བྱོལ་གཞུང་གི་འགྲོ་གྲོན་ལ་དེང་སྐབས་ཀྱང་ཕན་ཐོགས་ཆེན་པོ་ཡོད།
༧༽ ཕྱི་ལོ་ ༡༩༧༣ ནས་ ༡༩༨༦ བར་ཨ་རིའི་གྲོང་ཁྱེར་ནེའུ་ཡོག་ཏུ་སྐུ་ཚབ་དོན་གཅོད་ཁང་གི་མཛད་འཁུར་བཞེས་ སྐབས་བོད་ཀྱི་ཐེབས་རྩ་ཁང་དང༌། པོ་ཏཱ་ལ་པར་སྐྲུན་ཁང༌། ནེའུ་ཡོག་བོད་ཁང༌། བྱང་ཨ་རིའི་ཁུལ་གྱི་བོད་དོན་རྒྱབ་སྐྱོར་ཚོགས་པ་དང༌། བོད་རིགས་མཐུན་ཚོགས་ཁག་བཅས་གསར་འཛུགས་གནང༌། གོང་གསལ་ཚོགས་པ་དེ་དག་ད་ལྟ་ཡོད་མུས།
༨༽ ཕྱི་ལོ་ ༡༩༧༥ ལོར་ཁོང་གིས་རོགས་རམ་དང་འབད་རྩོལ་གནང་བ་བརྒྱུད་ཐེངས་དང་པོའི་བོད་གཞུང་ཟློས་ གར་ཚོགས་པས་བོད་ཀྱི་རིག་གཞུང་ངོ་སྤྲོད་སླད་ཕྱི་རྒྱལ་ཡུལ་གྲུ་ཁག་ལ་བསྐོར་ བསྐྱོད་ལ་ཕེབས་ཐུབ་ཡོད།
༡༠༽ ཡང་ཕྱི་ལོ་ ༡༩༧༩ ལོར་ཨ་རིར་དོན་གཅོད་ཀྱི་མཛད་འཁུར་བཞེས་རིང་ཨ་རིའི་གཞུང་ལ་འབྲེལ་མོལ་གྱིས་ ྋགོང་ས་མཆོག་ཨ་རིར་ཐེངས་དང་པོའི་ཆིབས་སྒྱུར་དབུ་འཛུགས་གནང་ཐུབ་ཡོད།
༡༡ ༽ ཕྱི་ལོ་ ༡༩༨༧ ལོར་ཨ་རིའི་རྒྱལ་ས་ཝ་ཤིང་ཀྲོན་དུ་ྋགོང་ས་མཆོག་གི་དམིགས་བསལ་སྐུ་ཚབ་ཀྱི་མཛད་ ཁུར་བཞེས་སྐབས་རྒྱལ་སྤྱིའི་བོད་དོན་ལས་འགུལ་ཁང་ (International Campaign For Tibet) གསར་འཛུགས་མཛད་པ་དང༌། དེ་ལ་བརྟེན་ནས་རྒྱལ་སྤྱིའི་ནང་བོད་དོན་རྒྱབ་སྐྱོར་གྱི་ནུས་ཤུགས་ཇེ་ཆེར་ འཕེལ།
༡༢༽ དེ་བཞིན་ཁོང་ཝ་ཤིང་ཀྲོན་དུ་དམིགས་བསལ་སྐུ་ཚབ་ཀྱི་མཛད་འཁུར་བཞེས་རིང་ཨ་ རིའི་གཞུང་ལ་ཞུ་སྐུལ་གྱིས་བོད་མི་ཆིག་སྟོང་ཨ་རིར་གཞིས་ཆགས་སུ་བསྐྱོད་ཐུབ།
༡༣ ༽ ལྷག་པར་རྒྱལ་ས་ཝ་ཤིང་ཀྲོན་དུ་བཞུགས་རིང་ཁོང་གིས་ཨ་རིའི་གཞུང་ལ་ཞུ་སྐུལ་དང་ འབད་རྩོལ་གནང་བ་བརྒྱུད་བོད་སྐད་རླུང་འཕྲིན་ཁང་ཁག་གཉིས་(Voice of America and Radio Free Asia) གསར་འཛུགས་ཐུབ་ཡོད།
༡༤༽ རྒྱལ་སྤྱིའི་བོད་དོན་ལས་འགུལ་ཁང་གི་མཛད་འགན་བཞེས་རིང་ཨ་རིའི་གཞུང་ནས་ སྐྱབས་བཅོལ་བོད་མིའི་འཕྲོད་བསྟེན་དང་ཤེས་ཡོན་ཐད་རོགས་དངུལ་ཞུས་ཐོབ་བྱུང་ སྟེ་ད་བར་མུ་མཐུད་རོགས་རམ་ཐོབ་མུས་ཡིན། ལས་གཞི་ད་ལྟའང་གནས་མུས་ཡིན།
༡༥ ༽ ཕྱི་ལོ་ ༡༩༨༠ ལོར་ཁོང་གིས་ཚོགས་གཙོའི་འགན་བཞེས་ཐོག་བོད་ནང་གཟིགས་སྐོར་སྐུ་ཚབ་ཐེངས་གཉིས་ པ་ཕེབས་ནས་བོད་ས་སྟོད་སྨད་བར་གསུམ་དུ་གཟིགས་སྐོར་གནང༌།
༡༦༽ ཕྱི་ལོ་ ༡༩༩༠ ལོར་དགུང་ན་གཞོན་པའི་བསྟན་འཛིན་རྣམ་རྒྱལ་དམིགས་བསལ་གྱི་ཚོགས་འདུ་རྒྱལ་ འཛོམས་ཐོག་ནས་བཀའ་བློན་ལ་འོས་འདེམས་བྱུང་ཤིང་སྐབས་གསུམ་རིང་བཀའ་བློན་གྱི་ ལས་འཁུར་བཞེས།
༡༧༽ ཕྱི་ལོ་ ༡༩༩༤ ནས་ ༡༩༩༥ བར་བཙན་བྱོལ་བོད་གཞུང་གི་བཀའ་བློན་ཁྲི་པའི་མཛད་འགན་བཞེས།
༡༨༽ ཕྱི་ལོ་ ༡༩༩༥ ལོར་ཨ་རིར་གནས་སྤོས་སྐབས་༼བོད་ནང་ལོ་བདུན་༽ཞེས་པའི་གློག་བརྙན་གསར་བཟོའི་སློབ་སྟོན་པ་གནང༌།
༡༩༽ དེ་བཞིན་ཏཱ་ལའི་བླ་མའི་ཐེབས་རྩ་ཚོགས་པ་ཐོག་མར་གསར་འཛུགས་གནང་མཁན་གྱི་གྲས་དང༌། ད་ཆ་ཚོགས་པའི་འགན་འཛིན་གནང་མུས་ཡིན།
༢༠༽ དེ་བཞིན་ Committee of 100 for Tibet ཞེས་པའི་བོད་དོན་སྒྲིག་འཛུགས་ཀྱི་ཚོགས་གཙོའི་མཚན་གནས་ཐོག་བོད་དོན་ཕྱག་ལས་གནང་མུས།
༢༡ ༽ བོད་ཀྱི་རྩ་དོན་འཐབ་རྩོད་ཀྱི་ཐབས་ལམ་ཐད་རང་ཐག་རང་གཅོད་ཀྱི་ལྟ་གྲུབ་གསར་ གཏོད་མཛད་ཅིང༌། ད་ཆ་ལྟ་གྲུབ་དེའི་ཐོག་ནས་ལས་གཞི་སྤེལ་མུས། དེ་ནི་དབུ་མའི་ལམ་དང་འགལ་བ་མེད།
༢༢༽ ད་ཆ་ཨ་རིའི་སྙན་གྲགས་ཅན་གྱི་སུ་ཌན་ཕོ་ཌི་ (Stanford University) གཙུག་ལག་སློབ་གཉེར་ཁང་དུ་སློབ་དཔོན་གྱི་འགན་བཞེས་ཐོག སློབ་གཉེར་ཁང་དེར་བོད་ཀྱི་རྒྱལ་རབས་དང༌། ཆབ་སྲིད། ནང་ཆོས་བཅས་ཀྱི་ཞིབ་འཇུག་གི་ལས་གཞི་གསར་འཛུགས་དང་འབྲེལ། བོད་ཀྱི་རྒྱལ་རབས་དང་ཆབ་སྲིད་སྐོར་གྱི་སློབ་ཁྲིད་ཀྱི་ཕྱག་ལས་གནང་མུས།
༢༣ ༽ དེ་བཞིན་གཙུག་ལག་སློབ་གཉེར་ཁང་དེའི་ནང་སྤྱི་ནོར་ྋགོང་ས་ྋསྐྱབས་མགོན་ཆེན་ པོ་མཆོག་གིས་ནང་ཆོས་དང་ཚན་རིག་གི་བགྲོ་གླེང་གནང་བའི་མཛད་འཆར་དང་འབྲེལ། ཁོང་གིས་ཀྱང་སློབ་གྲྭ་དེའི་ནང་གི་ཚན་རིག་མཁས་པ་དང་མཉམ་དུ་ཀླད་ཁམས་ཞིབ་འཇུག་ དང་བགྲོ་གླེང་གི་ལས་གཞིར་རྒྱབ་སྐྱོར་དང་མཉམ་ཞུགས་གནང་མུས། དེ་རྣམས་བཀྲས་མཐོང་གིས་མཛད་རྗེས་མིན་ན་ཁྱོད་ཀྱིས་ལས་རྗེས་ཡིན་ནམ།

་ཚོ་གཞན་ལས་བླུན་པ་ཞིག་མིན་ན་གཞན་གྱི་བྲན་དུ་འགྱུར་མི་སྲིད་ལ། འུ་ཚོར་བསམ་བློ་འཐུས་སྒོ་ཚང་བ་ཞིག་ཡོད་ན་རྒུད་པའི་ལམ་དུ་ལྷུང་མི་འགྱུར། འུ་ཚོའི་དམངས་རྣམས་རྟོགས་སད་དང་ལྡན་པ་ཞིག་ཡིན་ན་སྤྱི་ཚོགས་རྙིང་བའི་བོད་ཕྱི་ནང་གཉིས་དང་། ད་ལྟའི་གྲོས་ཚོགས་སུ་ཆོལ་ཁ་ཆོས་ལུགས་ཀྱི་ཕྱོགས་འཐེན་དཔུང་སྒྲིག་ཡོད་མི་སྲིད། མ་གཞི་རང་སྐྱོན་རང་གིས་སྦས་ཏེ་རང་ཉིད་དཀར་འདོན་བྱེད་པ་ནི་མི་རིགས་འདི་དར་བའི་རྒྱུ་མ་ཡིན་པར་ཐུར་ནས་ཐུར་དུ་རྒུད་པར་འགྱུར་བྱེད་ཀྱི་ས་བོན་ཡིན་པས། རང་སྐྱོན་ཐེར་འདོན་བྱ་རྒྱུ་ནི་གལ་དུ་ཆེ། ནམ་ཞིག་རང་སྦས་སྐྱོན་གྱི་ཚང་དུ་གྱུར་ཏེ་གཞན་གྱིས་སློག་དགོས་པ་ཞིག་ཏུ་གྱུར་བ་ཡིན་ན། དེ་དུས་བོད་རྒྱལ་ཁབ་ལ་ཡང་བསྐྱར་ཡ་ང་བའི་ཆག་འཇིག་འཕར་མ་ཞིག་འབྱུང་ངེས་ལ། བོད་མི་དམངས་ལ་ཡང་བསྐྱར་རྨོངས་འཐོམ་མགོ་རྡིབ་ཀྱི་མཇུག་འབྲས་ཐེག་དཀའ་བ་ཞིག་ཕྲག་ཏུ་ལྷུང་ངེས་ཡིན། དགག་སྒྲུབ་ཐེར་འདོན་མེད་པའི་སྤྱི་ཚོགས་ནི་སྐྱོན་འཚང་བག་ལ་སྙལ་བའི་མུན་ནག་གི་གཡང་རོང་ཞིག་ཡིན་པས། ནམ་ཞིག་རྐང་པ་རྡོ་ལ་འཐོག་ཏེ་གཡང་དུ་ལྷུང་ངེས། སྤྱི་ཚོགས་འདིའི་ཡག་བཙོག་ཡོད་ཚད་དྲང་པོས་ལམ་ནས་བོད་མི་དམངས་ཀྱི་མཐོང་ལམ་དུ་མངོན་པར་བཤམས་ཏེ་བོད་མི་དམངས་མི་རེ་ངོ་རེ་ནས་བསམ་གཞིགས་གཏོང་བ་དང་འགན་ཁུར་ལེན་གྱི་འདུ་ཤེས་རྙེད་པ་ཞིག་བྱ་རྒྱུ་ནི་ཤེས་ལྡན་པའི་འགན་རེད།

འདི་སྤྱི་དོན་རྨེག་མེད་ཅིག་ལ་འགྲོ་བར་བརྗོད་པ་ནི་མགོ་མ་ཚེས་པ་རང་རེད། འོ་ན་མང་གཙོ་ཚོགས་པས་བློ་བཟང་སེང་གེ་ཁྱབ་བསྒྲགས་བྱས་པས་སྤྱི་དོན་རྨེག་མེད་དུ་སོང་བ་རེད་དམ། འདི་མང་གཙོའི་ཁྱད་ཆོས་ཤིག་རེད། མི་སྒེར་དང་ཚོགས་པ་སྐྱིད་སྡུག་སོ་སོར་འོས་མི་འདོན་པའི་ཐོབ་ཐང་ཡོད་ལ། རྒྱབ་སྐྱོར་བྱེད་རྒྱུའི་ཐོབ་ཐང་ཡོད། འདི་མི་འགྲིག་པར་འདོད་ན། ཁྱེད་ཀྱིས་བློ་སེང་ལ་རྒྱབ་སྐྱོར་བྱེད་པ་དང་ཁྱབ་བསྒྲགས་བྱེད་པའི་རྩོམ་ཡིག་འདི་འགྲིག་པའི་ཁྱབ་པ་ཅི་ཞིག་ཡོད།

འདི་འདྲའི་སྐབས་སུ་གཟབ་ཙམ་བྱེད་དགོས་པ་ལས། ཁ་ལ་ཐོན་ཐོན་དང་ལག་ལ་གང་ཡོང་འབྲི་མི་ཉན།

གནས་ལུགས་རི་འདྲ་བཤད་དུས།འཁྱོགས་བཤད་རྒྱུག་ཆུ་ལྟ་བུ་ཞིག་གིས་བསྐོར་འགྲོ་བ་ནི་འགྲོ་མིའི་ཤེས་རིག་ལོ་རྒྱུས་ཁྲོད་མདུན་སྐྱོད་ཀྱི་བཀག་རྡོ་བླ་ན་མེད་པ་དེ་ཡིན་པ་འུ་ཚོར་ར་འཕྲོད་དགོས་ཚོད་རེད།མ་ཟད་དེ་དག་ལ་ཆེས་ནད་རྙིང་ཞིག་ཡོད་པ་ནི་གནས་ལུགས་དང་དུང་ཞེན་གྱི་ཁྱད་ཙམ་ཡང་མི་ཁོར་བ་འདི་རེད་ལ།ཅི་ཁག་སྟེ།དེ་དག་གི་རྒྱུད་ན་ཡོད་པའི་ཤེས་རིག་ནི།ཨུ་ཚུགས་མཁྲེགས་འཛིན།དུང་ཞེན་ཕྱོགས་ལྷུང་།རྙིང་བ་ལྷ་སྲོལ།གསར་བ་བདུད་འཕྲུལ།རང་ལྟ་མཆོག་འཛིན།གཞན་ལྟ་ཚར་གཅོད་སོགས་ཀྱི་འདུ་ཤེས་རུལ་སུངས་དེ་དག་གི་ཡོལ་གསེབ་ནས་གནས་ལུགས་ཟེར་བ་ཞིག་ཡེ་ནས་མཐོང་མ་མྱོང་བ་དེ་རེད།རྟ་ནག་པས་གནས་ལུགས་དུང་ལྟར་བཤད་ཀྱང་།དེ་དག་གིས་སོལ་ནག་ཅིག་ལས་མཐོང་མི་ཐུབ་པ་དེ་མིན་ན་རྒྱུ་མཚན་ཅི་ཡིན་ནམ? གནས་ལུགས་ལ་མིག་བཙུམས་པ་དང་།རྒྱུ་མཚན་ལ་རྣ་མི་གཏོད་པ་ཅི་ཡིན་ནམ?གསར་བཏོད་ཀྱི་ཕོངས་པའི་མི་རིགས་ཤིག་ལ་གསར་འདོད་ཐུབ་མཁན་གྱི་དབུ་ཁྲིད་ཅིག་གདམ་མ་ཐུབ་ན།མི་རབས་གསར་བ་དང་མ་འོངས་བའི་བོད་ཕམ་པ་མིན་ན་སུ་ཕམ་པ་ཡིན་ནམ?དྲང་མོ་བྱོས།

ངས་མི་རབས་གསར་བའི་བཀའ་བློན་འཁྲིད་པ་བློ་བཟང་སེང་གེ་ལ་འོས་བླུག་གི་ཡིན དབུས་ཀྱི་དཔོན་པོ་མང་པོ་ཞིག་གིས་སྔོན་མ་ཡང་ལས་དོན་ཆེན་པོ་ཞིག་བསྒྲུབས་ཡོད་ནི་མ་རེད་ བོད་ཤོར་དུས་མ་ཅིང་བརྒྱབ་ནས་ཡོད་མཁན ་ཡང་དབུས་ཀྱི་དཔོན་པོ་དེ་ཚོ་རེད་ དེང སྐབས་ཡང་དབུས་ཀྱི་ཚོང་དཔོན་དང་དཔོན་པོ་མང་པོ་ཞིག་གིས་བོད་མི་བདེ་སྡུག་ལ་བསམ་བློ་བཏང་མཁན་མེད་ ང་དངོས་གནས་དབུས་གྱི་དཔོན་པོ་འཁུར་མྱོང་མཁན་ཞིག་དང་བཀྲས་མཐོང་ལྟ་བུ་ལ་རྩ་་བ་ནས་བླུག་གི་མིན ཁོས་འཇོན་གྱི་ཡོད་ན་འཇོན་ཚར་བ་རེད་ ད་དམིགས་བསལ་ཅིག་བྱ་མི་ཐུབ་ཀུན་གྱི་ཤེས་གསལ་རེད ཧིན་སྒོར་འབུམ་དགུ་ཡི་རྙོག་དྲ་མི་བདེན་མིན་མི་ཤེས་ཡང་ཁོང་ལ་ཇོད་འཛུག་བྱེད་མཁན་དེ་ཚོར་རྙུང་ནད་མི་རྩོད་པ་མི་སྲིད་ ངས་བཤད་ཀྱི་གཙོ་བོ་དེ་ངས་བཀྲས་མཐོང་འོས་མི་བླུག་ཟེར་བ་དེ་ཡིན བཀྲས་མཐོང་གལ་སྲིད་ཐོབ་པ་ཡིན་ན་ དབུས་གཙང་གི་མི་རྣམས་ཆོལ་ཁའི་ཕྱོགས་རུས་ཤུགས་ཆེན་ཡོད་པར་ངོས་འཛིན་ཡོད

བོད་འདི་ཕམ་ཕམ་པ་རེད། དུས་ནམ་ཡང་འདི་འདྲ་བསྡད་ན་རྒྱལ་ཁ་ཐོབ་ཡག་ཡོད་པ་མ་རེད། ངའི་འོས་མི་ཁོའི་འོས་མི་ངའི་ཤོག་ཁག་ཁོའི་ཤོག་ཁག་འདི་འདྲ་བྲིས་ནས་ད་དུང་བོད་སྤྱི་པའི་སྐོར་ཞིག་བཤད་འཕོད་པ་དངོས་གནས་ངོ་མཚར་རེད་ལ་དངོས་གནས་ངོ་ཚ་ཡང་རེད།
གལ་སྲིད་བོད་འདི་རྒྱལ་དགོས་བསམ་ན་སོ་སོས་འདེམས་པའི་བཀའ་ཁྲིའི་ཡོན་ཏན་དང་བྱས་ཚར་བའི་ལོ་རྒྱུས་བྱེད་བཞིན་པའི་ལས་དོན་བྱ་ངེས་པའི་དམ་བཅའ་སོགས་དྲང་གཏམ་གྱིས་ངང་ནས་འཆར་ཞི་རྣམས་གཅིག་གཉིས་གཉིས་ཀྱི་དྲ་ཐོག་ཏུ་ངོ་སྤྲོད་གནང་ད་གཟོད་མི་ཤེས་པ་རྣམས་ཀྱི་ཤེས་ཤིང་ཤེས་པ་རྣམས་ཀྱི་དངོས་བདེན་ཡིན་པའི་འཆར་སྣང་ཞིག་ཡོང་གི་རེད།
དེ་མིན་ང་དང་ཁོ་ང་ཚོ་དང་ཁོ་ཚོ་མི་རབས་གསར་པ་དང་རྙིང་པ་སྟོད་དང་སྨད་སོགས་གཉིས་འཛིན་གྱི་ཆགས་སྡང་ངང་ནས་བོད་སྤྱི་པའི་ལས་ཀའི་འགན་ཞེས་པཧཧཧཧཧཧཧཧཧཧཧཧཧཧཧཧཧཧཧཧཧཧཧཧཧཧཧཧཧཧཧཧཧཧཧཧཧཧཧཧཧ

ཕྱོགས་ཞེན་དང་འཐེན་ཁྱེར་རིང་དུ་འདོར་ནས་ཞིབ་ཏུ་དཔྱད་ན།
བློ་བཟང་སེདྒ་ལས་ལྷག་པའི་བཀའ་ཁྲི་ཞིག་རྙེད་དཀའ་མོ་རེད།།

གྲོགས་པོ་རྟ་ནག་ལགས། ཁྱེད་ཀྱིས་གོང་དུ་གང་གསུངས་པ་དེ་ལ་ཐེངས་ཁ་ཤས་ཤིག་ལྟ་བཀློགས་བྱས་པས་ན། ཁྱེད་ཀྱི་གོང་གི་རྩོམ་ཡིག་དེ་ནི་རང་སྣང་གང་འཆར་གྱི་སྒྲུང་རྩོམ་འདྲ་བོ་ཞིག་འདུག་ལ། དེ་ནི་དཀྲོགས་ཤིང་གི་རྒྱུ་ཞིག་ཏུ་འགྱུར་མི་སྲིད་རྒྱུ་མི་འདུག་ལ། ལྷག་པར་ཏུ་རྩོམ་ཐུང་འདི་ནི་བློ་བཟང་སེངྒེ་ལ་བཀའ་བློན་འཐོབ་ཐབས་བྱེད་པའི་གཡོ་རྒྱུའི་རྕོམ་ཡིག་ཅིག་ཀྱང་མིན་རྒྱུ་མི་འདུག གྲོགས་པོ་ཁྱོད་ཐབས་ཤས་བཟང་གི་ཨཱ

ཅི་བཤད་ལ་སྙིང་པོ་དེ་ཙམ་མི་འདུག “ཕྱོགས་ཁག་ཆེན་པོ་ཞིག་གིས་དཔུང་བསྒྲིགས་ནས་སྤྱི་དོན་ཞིག་རྨེག་མེད་དུ་གཏོང་རྩིས་ཡོད་པ་དེ་རེད། བཀའ་ཁྲིའི་འོས་གཞིར་འགྲེང་ཟིན་པ་ཀུན་གྱི་རྒྱབ་དཔུང་དུ་འདི་ལྟར་ཕྱོགས་ཁག་གཏོས་ཆེ་བ་རེ་བསྒྲིགས་དང་སྒྲིག་བཞིན་པ་ཡིན་ན་ངའི་བློ་བཟང་སེང་གེ་ཕམ་སྲིད། གལ་སྲིད་བློ་བཟང་སེང་གེ་ཕམ་པ་ཡིན་ན་དེ་ནི་ང་ཚོ་མི་རབས་གསར་བ་རྣམས་ཕམ་པ་དང་། མ་འོངས་པའི་བོད་ཕམ་པ་རེད། “འདི་ནི་སྨྱོ་ནད་ཀྱིས་བཏབ་པའི་གང་ཟག་གམ་ཡང་ན་འབྱུང་བོས་བརྒྱུད་བརླམ་པའི་གང་ཟག་ཅིག་གིས་མ་གཏོགས་བཤད་མི་སྲིད་པ་ཞིག་རེད། འོས་བླུགས་མཁན་མི་དམངས་ལ་མཐོང་ཆུང་དང་དམའ་འབེབས་ཙམ་དུ་མ་ཟད། བསྟན་འཛིན་རྣམ་རྒྱལ་ལ་འོས་བླུགས་ན་མི་རབས་གསར་པ་ཕམ་པ་དང་བོད་ཕམ་པ་རེད་ཟེར་ན་ག་རེ་གསུངས་ཀྱི་ཡོད་རེད། མི་སྒེར་དང་ཚོགས་པ། སྐྱིད་སྡུག་ཁག་གི་འོས་ཤོག་སུ་ལ་འཕེན་དང་མ་འཕེན་དེ་ཁོ་རང་དང་ཁོ་རང་ཚོའི་རང་དབང་དང་ཐོབ་ཐང་ཡིན་ལ། འོས་གཞི་ཁྲོད་ཀྱི་གང་ཟག་རྣམ་པས་ཉིན་མཚན་དུས་དྲུག་ཏུ་དངོས་ཤུགས་བརྒྱུད་གསུམ་ནས་འབད་པ་བྱེད་བཞིན་པའང་ཚོགས་པ་དང་སྐྱིད་སྡུག ཐ་ན་མི་སྒེར་གཅིག་ཡན་ཐབས་ཀྱི་རྒྱབ་སྐྱོར་དང་འོས་ཤོག་ཐོབ་པའི་ཆེད་དུ་རེད།
སྐུ་ཉིད་ལ་བོད་ཡིག་གི་ཤེས་ཚད་ཅུང་ཡག་པོ་ཡོད་ཚོད་ལ་བསམ་བློའི་ཆུ་ཚད་དེ་འདྲ་སྐྱོ་བོ་ཡིན་དགོས་དོན་གང་ཡིན་ནམ། ཕལ་ཆེེར་མདོ་སྨད་ཕྱོགས་ཀྱི་རབ་ཟུར་གྲས་ཡིན་པ་འདྲ། གུས་པའི་བཤད་པ་ཐིག་སོང་ངམ།