གལ་སྲིད་ང་རང་སྔོན་འགྲོའི་འོས་གཞིའི་ནང་སླེབས་པ་ཡིན་ན། མང་ཚོགས་ཀྱི་རེ་འདོད་བཞིན་བཀའ་ཁྲིའི་འོས་གཞིར་འདུག་རྒྱུ་ཡིན་ཞེས་བཀའ་ཟུར་བཀྲ་ཤིས་དབང་འདུས་མཆོག་གིས་གསུངས་འདུག
འདས་པའི་ཟླ་གཉིས་ཀྱི་གོང་དུ་བོད་ཀྱི་གཞུང་འབྲེལ་མིན་པའི་ཚོགས་པ་ཁག་གིས་བཀའ་ཟུར་བཀྲ་ཤིས་དབང་འདུས་མཆོག་ཚུད་པའི་མི་སྣ་འགའ་ཕྱི་ལོ་ ༢༠༡༡ ལོའི་བཀའ་བློན་ཁྲི་པའི་འོས་མིའི་ཁོངས་སུ་ཕྱིར་བསྒྲགས་བྱས་ཡོད་ཀྱང་། སྐབས་དེར་ཁོང་གིས་ངོས་བཞེས་མ་གནང་པར་གནས་སྐབས་རིང་དགོངས་པ་ཞུས་ཡོད་ཀྱང་། ཕྱིས་སུ་ཡུ་རོབ་ཀྱི་བོད་རིགས་ཚོགས་སྡེ་ཁག་གི་སྐུ་ཚབ་དང་མང་ཚོགས་བཅས་ནས་ཡང་ཡང་རེ་སྐུལ་ཞུས་ཡོད་སྟབས། བཀའ་ཟུར་བཀྲ་ཤིས་དབང་འདུས་མཆོག་གིས་མང་ཚོགས་ཀྱི་རེ་འདོད་ལྟར། ཁོ་རང་ཕྱི་ལོ་ ༢༠༡༡ ལོའི་བཀའ་ཁྲིའི་འོས་གཞིར་བཞེངས་རྒྱུ་ཡིན་པའི་ཁས་ལེན་བྱས་ཡོད་པ་རེད།
བཀྲ་ཤིས་དབང་འདུས་ལགས་ཀྱིས་རང་ཉིད་བཀའ་ཁྲིར་བཞེངས་འདོད་ཡོད་མེད་སྐོར་ལ། ཉེ་སྔོན་ཚོགས་པ་ཁག་ཅིག་གིས་ང་རང་བཀའ་ཁྲིའི་འོས་གཞིར་ལངས་རྒྱུ་ཡིན་མིན་སྐོར་དྲིས་སྐབས་ངས་ལངས་རྒྱུ་མིན་ཞེས་ཞུས་པ་ཡིན། ཡང་ཁ་ཤས་ཀྱིས་ང་ལ་ཁྱེད་རང་འོས་གཞིར་ལངས་འདོད་མེད་ཀྱང་མང་ཚོགས་ཀྱིས་འོས་བླུགས་པ་ཡིན་ན་ཅི་ཞིག་བྱེད་རྩིས་ཡོད་ཟེར་ནས་བཀའ་འདྲི་གནང་གི་འདུག དེ་འདྲ་བྱུང་བ་ཡིན་ན། སྐབས་ཐོག་དེ་ལ་བསམ་བློ་གཏོང་དགོས་རྒྱུ་ཡིན། འོས་སུ་ལ་ལྡུག་མིན་དེ་མང་གཙོའི་སྤྱི་ཚོགས་ཀྱི་གཞི་རྩའི་ཐོབ་ཐང་ཞིག་ཡིན་སྟབས། མི་མང་གི་ངོས་ནས་འོས་སུ་ལ་ལྡུག་མིན་རིམ་བཞིན་གསལ་པོ་ཆགས་ཡོང་གི་རེད། གལ་སྲིད་ང་རང་སྔོན་འགྲོའི་འོས་གཞིའི་ནང་སླེབས་པ་ཡིན་ན། མང་ཚོགས་ཀྱི་རེ་འདོད་བཞིན་བཀའ་ཁྲིའི་འོས་གཞིར་འདུག་རྒྱུ་ཡིན། ཞེས་དང་།
ཡང་ཁོང་གིས་སྔོན་མ་ཚོགས་པ་སྒྲིག་འཛུགས་ཁག་གི་རེ་འདོད་དང་ལེན་མ་བྱས་པའི་སྐོར་བརྗོད་དོན། སྔོན་མ་ང་བཀའ་ཁྲིའི་འོས་གཞིའི་ནང་མ་ཞུགས་པའི་རྒྱུ་མཚན་གང་ཡིན་ཟེར་ན། ང་ལ་སེམས་ཤུགས་མེད་པ་དང་ལས་ཀ་བྱ་འདོད་མེད་པ་སོགས་གང་ཡང་མིན། ངས་མི་ལོ་ ༤༠ རིང་གཞུང་ཞབས་ནང་ལས་ཀ་བྱས་པ་རེད། ལྷག་པར་དུ་ལོ་ ༡༧ ཙམ་བཀའ་ཤག་ཏུ་བསྐྱལ་བ་རེད། དེའི་སྟབས་ཀྱིས་ལས་ཀ་བྱ་རྒྱུ་ཞིག་ཡོད་ན་གོ་སྐབས་ཚང་མ་ཐོབ་ཚར་བ་རེད། ད་ཆར་ལོ་ན་རྒན་པ་ཆགས་ཡོང་དུས་སྡུག་ཏུ་འགྲོ་རྒྱུ་མ་གཏོགས་དེ་ལས་ལྷག་པ་ཞིག་ཡོང་ཁག་པོ་རེད། ཡིན་ནའང་མི་མང་གི་ཐོབ་ཐང་དང་རང་དབང་། ཐག་གཅོད་བཅས་ལ་ང་ཚོས་བརྩི་བཀུར་དགོས་པ་རེད་ཅེས་གསུངས་འདུག
བཀའ་ཟུར་བཀྲ་ཤིས་དབང་འདུས་ལགས་ནི་ཕྱི་ལོ་ ༡༩༤༧ ལོར་བོད་དུ་འཁྲུངས་ཤིང་། ང་དགུ་ལོར་ཁོང་གི་ཕ་མ་དང་ལྷན་དུ་བཙན་བྱོལ་དུ་འབྱོར་ཏེ་མ་སུ་རི་སློབ་གྲྭར་ཞུགས། ཕྱི་ལོ་ ༡༩༧༠ ལོར་དབྱིན་ཇིར་ཕྱིན་ཏེ་སྲིད་དོན་རིག་པའི་ཐོག་སློབ་སྦྱོང་བྱས་ཤིང་། ཕྱི་ལོ་ ༡༩༧༣ ལོར་གཞུང་ཞབས་ཁོངས་སུ་འཛུལ་ཞུགས་བྱས་ཏེ་ལོ་མང་རིང་བཀའ་བློན་དང་སྐུ་ཚབ་དོན་གཅོད། ནང་སྲིད་དང་ཕྱི་དྲིལ་ལས་ཁུངས་བཅས་བཅས་སུ་ཕྱག་ལས་གནང་ཡོད་ལ། ད་ལྟ་ནུབ་ཡུ་རོབ་སྐུ་ཚབ་དོན་གཅོད་ཀྱི་ཕྱག་ལས་གནང་མུས་ཡིན་འདུག
གསར་འགོད་པ། དཔལ་ལྡན།
གལ་སྲིད་ང་རང་སྔོན་འགྲོའི་འོས་གཞིའི་ནང་སླེབས་པ་ཡིན་ན། མང་ཚོགས་ཀྱི་རེ་འདོད་བཞིན་བཀའ་ཁྲིའི་འོས་གཞིར་འདུག་རྒྱུ་ཡིན། མི་མང་གི་ཐོབ་ཐང་དང་རང་དབང་། ཐག་གཅོད་བཅས་ལ་ང་ཚོས་བརྩི་བཀུར་དགོས་པ་ཡིན་ཞས་གསུངས་འདུག སྐུ་ངོ་མཆོག་གི་དྲང་གཏམ་གསུངས་པ་འདིས་ཀྱང་བབ་བརླིང་བརྟན་གསུམ་ཡོད་པ་མཚོན་པས་རྒྱ་ཆེའི་མང་ཚོགས་ནས་སྐུ་ངོ་བཀྲ་ཤིས་དབང་འདུད་མཆོག་ལ་འོས་ཤོག་འཕེན་རོགས་ཞེས་བསྐུལ་མ་ཞུ་གི་ཡོད།
སྐུ་ངོས་འཕེབས་པར་འཚམས་དྲིན་བཀྲ་ཤིས་བདེ་ལེགས་ཞུ།
ཐུགས་རྗེ་ཆེ།།
བཀའ་ཟུར་བཀྲ་ཤིས་དབང་འདུས་ལགས། སྐུ་མཁྱེན། འཚང་ཁ་མ་རྒྱག་རོགས།
རྒན་རབས་པ་རྣམས་ཀྱིས་ཀྱང་ཞུམ་པ་མེད་པའི་སྙིང་སྟོབས་དང་ལྷག་བསམ་གྱིས་རྒྱུད་བསྐུལ་ཏེ་བོད་རྒྱ་ཆེ་མི་མང་གི་དོན་དུ་འབད་པ་ལྷུར་ལེན་གནང་བར་རྗེས་སུ་ཡི་རང་དང་བསྔགས་བརྗོད་ཞུ་རྒྱུ་ཡིན། འོན་ཀྱང་༸གོང་ས་མཆོག་སྐུ་འཚོ་བཞུགས་ཀྱི་བསྐལ་བཟང་དུས་བཟང་འདིར་མི་རབས་གསར་པ་ཞིག་ལ་བཀའ་བློན་ཁྲི་པའི་ཐུགས་འགན་དེ་ལྟ་ཚོད་ཅིག་གནང་ཐུབ་ན་ཡག་པོ་འདུག འབྱུང་འགྱུར་རྒན་རབས་པ་རྣམས་རིམ་གྱིས་བྱོན་ཏེ་གློ་བུར་དུ་གཞོན་སྐྱེས་ཚོར་འགན་དེ་བསླེབ་ན་སྐུ་ངལ་འཕྲད་སྲིད་པ་རེད།
དེར་བརྟེན་བགྲེས་པ་རྣམས་ཀྱིས་སློབ་སྟོན་འོག་གཞོན་སྐྱེས་རྣམས་ལ་གོ་སྐབས་དེ་གནང་ཐུབ་ན་ཡག་པོ་འདུག།
སྔོན་རབ་ནས་མི་དམངས་ཀྱི་མདུན་དུ་ཁྱེད་ཀྱིས་སྐྱོང་བ་ཐུགས་རྗེ་ཆེ་ད་ནི་བཞུགས་རོགས་གནང་།།
ད་ཐེངས་བཀའ་ཁྲིའི་འོས་གཞིར་ལང་མཁན་རྣམས་ནི། ཁ་ཅིག་རང་ཉིད་བཀའ་ཁྲིར་ཆགས་པའི་དམིགས་ཡུལ་ཡོད། ཁ་ཅིག་རང་ཉིད་ཀྱི་མིང་སྤྱི་ཚོགས་ཁྲོད་དུ་ཁྱབ་པར་དམིགས་ཡོད། ཁ་ཅིག་གཞན་ལ་གནོད་ཤུགས་སྤྲོད་ཆེད་རེད། འོན་ཀྱང་དེ་དག་སུ་ཡང་མང་གཙོའི་སྒྲོམ་གཞི་ལས་བརྒལ་འདུག་བརྗོད་མི་འདུག རྒྱལ་སྤྱིའི་འགྱུར་འགྲོས་དང་རྒྱ་ནག་གི་ཆབ་སྲིད་བོད་གཞིས་བྱེས་གཉིས་ཀྱི་གནས་སྟངས་དང་བཀའ་ཁྲིའི་འོས་གཞིར་བཞེངས་མཁན་རྣམས་ཀྱི་ཤེས་ཡོན་སོགས་གནས་ཚད་གང་ལ་བསམ་གཞིག་བྱས་ཀྱང་༢༠༡༡ལོའི་བཀའ་ཁྲིར་མཁས་དབང་བློ་བཟང་སེང་གེ་འོས་ཤོས་སུ་མཐོང་། མ་ཚད་བཙན་བྱོལ་སྤྱི་ཚོགས་ཀྱི་མི་མང་ཡོངས་ལ་རང་དབང་ཐོག་ནས་འོས་བླུགས་རྒྱུ་བྱུང་ན་བློ་བཟང་སེང་གེ་ལ་འོས་ཐོབ་རྒྱུ་རེད། འོན་ཏང་སྐུ་དྲག་རིང་ལུགས་ཀྱི་མི་སྣ་མང་པོས་ཆབ་སྲིད་དང་དཔལ་འབྱོར། ཆོལ་ཁ་དང་ལུང་ཚན་སོགས་ཅི་རིགས་ཀྱི་སྒོ་ནས་མི་མང་ལ་གནོད་ཤུགས་དང་བསླུ་བྲིད་མང་པོས་སྒོ་ནས་མི་མང་པོ་ཞིག་ལ་ཡང་དག་པའི་མང་གཙོའི་འཚོ་བ་རང་དབང་དུ་ལོངས་སྤྱོད་བྱེད་པ་ལ་བར་ཆད་ཆེན་པོ་བྱེད་ཀྱི་ཡོད། དེས་ན་སྒེར་སོ་སོས་རང་ཉིད་ཀྱི་འོས་ཤོག་རང་ཉིད་ལ་དབང་འདུག་དང་ཡང་ན་གཞན་དབང་དུ་འགྱུར་འདུག་ལེགས་པར་བརྟགས་ནས་མང་གཙོའི་ཁེ་དབང་གཞན་འོག་ཏུ་མ་སོང་བར་རང་ཉིད་ཀྱི་རྣམ་དཔྱོད་བེད་སྤྱོད་བཏང་ནས་རང་དབང་དུ་ལོངས་སྤྱོད་པར་ཞུ།
དྲ་གྲོགས་ལྷན་རྒྱས། ང་ཚོའི་སྤྲི་འཐུས་ལྷན་རྒྱས་ལ་གཟིགས་དང། ཁ་སྔོན་ནས་བཅའ་ཁྲིམས་ལ་བཟོ་བཅོས་རྒྱག་རྒྱུ་མེད་པར་མང་མོས་བྱུང་བ་རེད་གསུངས་སོ། ད་ཡང་བཅའ་ཁྲིམས་ལ་བཟོ་བཅོས་རྒྱག་རྒྱུ་དེ་གྲོས་ཚོགས་ནང་འཁྱེར་རྒྱུར་ཐག་བཅད་པ་རེད་གསུངས་སོ། ངའི་ལྟ་སྟངས་བྱས་ན་ཁ་སྔོན་རང་ཉིད་ཀྱི་ཕྱོགས་གཏོགས་དང་ཡང་ན་རང་ཉིད་བཀའ་ཁྲིར་ཐོབ་ཀྱི་རེད་སྙམ་པ་དང་ཡང་ཉེ་འཆར་བཀའ་ཁྲིའི་འོས་གཞིར་ལྟ་དུས་རང་གི་ཕྱོགས་གཏོགས་ལ་བཀའ་ཁྲི་ཕར་ཟད་རང་ཉིད་ལ་བཀའ་བློན་ཞིག་བྱེད་པའི་སྒོ་སྐབས་མེད་པ་མཐོང་དུས་གཞི་ནས་བཅའ་ཁྲིམས་ལ་བཟོ་བཅོས་རྒྱག་རྒྱུར་མོས་མཐུན་བྱུང་བ་རེད། ང་ཚོའི་སྤྱི་འཐུས་ཚོའི་ལྗིད་ཚད་གང་ཙམ་ཞིག་འདུག།། ཁོང་ཚོ་དངོས་འབྲེལ་ཆབ་སྲིད་ཀྱི་རྔོན་པ་རང་རེད།
བཀའ་ཟུར་བཀྲ་ཤིས་དབང་འདུས་ལགས་བཀའ་ཁྲིའི་འོས་གཞིར་འདུག་རྒྱུ་ཡིན་ཟེར་བ་དང་དྲང་གཏམ་གསུངས་འདུག་པས་གུས་བཀུར་ཞུ་བཞིན་ཡོད། མ་ཚད་ཁྱེད་ཀྱི་བློ་དཀར་སེམས་དཀར་དང་ལྷག་གསམ་རྣམ་དག་ཐོག་ནས་བོད་སྤྱི་པའི་ལས་དོན་བྱེད་ཡོད་པའི་རྗེས་སུ་ཡིད་རང་ཡོད།
སྐུ་ངོ་མཆོག་ལ་རྒྱས་མངའ་གང་ཡང་མེད་ལ་དེ་སྔོན་བསྟན་འཛིན་ཐོག་མེད་ནས་གསུངས་དོན་ལྟར་ན་ཡག་པོ་ཡོད་པ་བཇོད་འདུག གནས་ཚུལ་གཞན་གྱི་གསུང་བ་ལྟར་ན་ཁྱེད་ཀྱི་སྐུ་གཟུགས་བདེ་ཐེངས་མེད་པ་བཇོད་འདུག་ཁྱེད་ཀྱི་དགོས་པ་ཡོད་ས་མ་རེད།
བཀའ་དྲིན་ཆེ་་་་་་་ཁྱེད་ཉིད་འདི་ལྟར་ཡང་ཕེབས་ཐུབ་པ་ནི་ཧ་ཅང་དགའ་འོས་པ་ཞིག་རེད་བཀའ་དྲིན་ཆེ་་་་་་་་་་བཀའ་དྲིན་ཆེ། ཁྱེད་ལ་སྙིང་ནས་བཀའ་དྲིན་ཞུ།
ངོ་མ་ཁོང་གི་མཛད་རྗེས་བསྔགས་བར
དྲྭ་གྲོགས་ཚོ། བཀའ་ཟུར་ཁོང་གིས་བཀའ་མོལ་ག་དུས་གནང་ཡང་བབས་བརླིང་བརྟན་གསུམ་ངང་ནས་གསུངས་ཀྱི་རེད། ངའི་བལྟ་ཚུལ་ནས་བཤད་ན་ཁོང་གིས་བཀའ་ཁྲིའི་ཞབས་སྟེགས་ཀྱི་ཆེད་དུ་ཡར་བཞེངས་ཁུལ་ཡང་གནང་མི་འདུག་ལ་མར་བཞུགས་ཁུལ་ཡང་གནང་མི་འདུག དེ་བས་ཁོང་གིས་ “ལྷག་པར་དུ་ལོ་ ༡༧ ཙམ་བཀའ་ཤག་ཏུ་བསྐྱལ་བ་རེད། དེའི་སྟབས་ཀྱིས་ལས་ཀ་བྱ་རྒྱུ་ཞིག་ཡོད་ན་གོ་སྐབས་ཚང་མ་ཐོབ་ཚར་བ་རེད། ད་ཆར་ལོ་ན་རྒན་པ་ཆགས་ཡོང་དུས་སྡུག་ཏུ་འགྲོ་རྒྱུ་མ་གཏོགས་དེ་ལས་ལྷག་པ་ཞིག་ཡོང་ཁག་པོ་རེད།” ཅེས་ཁོང་ལ་འོས་མ་ལྡུག་རོགས་ཞེས་མཁས་པོའི་ངང་ནས་ཤུགས་ཀྱིས་བསྟན་འདུག་ལ། གཏམ་གྱི་སྙིང་དོན་བཤད་ཟིན་ཡང་ད་དུང་མི་མང་གིས་རེ་བ་རྒྱག་གི་ཡོད་ན་མང་ཚོགས་ཀྱི་རེ་བ་ཡིན་པས་བཀའ་ཁྲིའི་འོས་གཞིའི་ཁོངས་སུ་སྡོད་རྒྱུ་ཡིན་ཞེས་གསུངས་འདུག རྒྱུ་མཚན་དེར་བརྟེན་སུས་ཁོང་ལ་རྒྱུ་མཚན་ག་གེ་མོ་ཞིག་གིས་འོས་མ་བླུགས་ཀྱང་ཁྱད་པར་མེད་ལ་དགུང་ལོ་བགྲེས་པ་ཞིག་ཞབས་སྟེགས་ཀྱི་ཆེད་དུ་བཞེངས་པའི་སེམས་ཁྲལ་སྐྱེས་དགོས་དོན་དེ་བས་ཀྱང་མ་མཆིས།
གཞོན་པའི་ནང་འཇོན་ཐང་ཅན་མི་འདུག་ག
གུས་བཀུར་ཞུ་བཞིན་ཡོད། སྐུ་ངོས་ལགས་ཀྱི་སྙིང་སྟོབས་དང་། དྲང་གཏམ་ལ་དགའ། སྔོན་འགྲོའི་འོས་ཤོག་འཕེན་གྱིན་ཡིན
སྐབས་སུ་བབ་པའི་བཀའ་ཁྲི་དེ
་རྒྱལ་སྤྱིའི་ཁྲིམས་ལུགས་ལ་མཁས་པ་ཞིག་
ཡོང་ཐབས་ན་ཧ་ཅང་ཡག་པོ་འདུག
ད་ང་ཚོའི་རྒྱལ་སྤྱིའི་ཁྲིམས་ལུགས་གཞི་བཟུང་ནས་
འགྲོ་བ་མིའི་རིགས་ཀྱི་ཐོབ་ཐང་དང་
ཁོར་ཡུག་སྲུང་སྐྱབས་སོགས་ཀྱི་མཚོན་པའི་ཁྲིམས་ཡིག་དག་གི
ཉེན་ཁའི་གནས་སུ་ལྷུང་པའི་ཕ་ས་དང་ཡུལ་མི་དག་ལ་རེ་བ་ཅུང་
ཙམ་ཡོད།
༄༅།།བཀའ་ཟུར་བཀྲིས་དབང་འདུས་ལགས་བཀྲ་ཤིས་བདེ་ལེགས།
སྔ་ཕྱི་བར་གསུམ་དུ་ཁྱེད་ཀྱི་བློ་དཀར་སེམས་དཀར་དང་ལྷག་གསམ་རྣམ་དག་ཐོག་ནས་
བོད་སྤྱི་པའི་ལས་འགྲུབ་པ་ཤེས་རྟོགས་བྱུང་་་་་་་་་་་རྗེས་སུ་ཡིད་རང་ཞུ་ཡི་ཡོད
མ་འོང་པར་ཁྱེད་ཀྱི་ལས་དོན་དེ་འདྲ་ཞིག་འགྲུབ་པའི་ཡིད་ཆེས་ཡོད་་་
གལ་སྲིད་ཁྱེད་རང་འཀའ་བློན་ཆག་པ་ཡིན་ན་ལོ་མང་རིང་རེ་སྒུག་བྱས་པའི་སྤོ་བོ་དམག་ལོག་རྣམས་ཀྱི་འཚོ་བར་དམིགས་གསལ་གྱི་བལྟ་རྟོགས་གནང་རོག་གནང་་་་་་་ཐུགས་རྗེ་ཆེ།
བཀའ་ཟུར་བཀྲ་ཤིས་དབང་འདུས་ལགས། ངས་དང་པོ་ཁྱོད་རང་ལ་འོས་བླུགས་འདོད་བྱས་པ་ཡིན། གང་ཡིན་ཟེར་ན། ཁྱོད་རང་བཀའ་ཤག་ཏུ་ལོ་མང་ཕྱག་ལས་གནང་སྐབས་སྤྱི་མི་ཚད་ལྡན་ཞིག་ཡོད་པ་ཕྱོགས་མང་པོ་ནས་གོ་མྱོང་། ཡིན་ནའང་ད་ལྟ་ངས་ཁྱོད་རང་ལ་འོས་རྩ་བ་ནས་བླུག་གི་མིན། དེ་ཡང་ང་ལ་རྒྱུ་མཚན་ཡོད།
༡ ཁྱོད་རང་སྤྱི་མི་ཞིག་ཡིན་པ་ཤེས་སྟབས་ངས་བརྩད་གཅོད་བྱས་ཏེ་ཁྱོད་རང་གི་གནས་ཚུལ་ལ་ཉན་ཞིབ་བྱས་པ་ཡིན། འདི་ལོ་གཏན་འཁེལ་ཤེས་པ་གང་བྱུང་ཟེར་ན། ད་ལྟ་ཁྱོད་རང་གི་ཀླད་པར་སྐྱོན་བྱུང་ཡོད་པ་དང་། དེའི་རྐྱེན་གྱིས་མི་ངོ་ཆོད་ཀྱང་མིང་ཁ་ནས་མི་ཐོན་མཁན་ཞིག་ཆགས་ཟིན་པ་དེ་རེད། ན་ཚ་དེ་ཡི་རྐྱེན་གྱིས་ཁྱོད་རང་ཡུ་རོབ་སྐུ་ཚབ་དོན་གཅོད་ནས་དགོངས་པ་ཞུས་ཟིན་པ་དེ་རེད།
༢ ད་ཆ་བསམ་བློ་གང་ནས་བཏང་ཡང་བོད་ཀྱི་རྩ་དོན་འཐབ་རྩོད་འདི་མི་རབས་བརྒྱུད་སྤྲོད་ཀྱི་ལམ་དུ་འགྲོ་དགོས་པ་དེ་རེད། ཁྱོད་རང་བཀྲས་མཐོང་བསྟན་འཛིན་རྣམ་རྒྱལ་ལས་ལོ་ལྔ་དྲུག་གི་ཆེ་བ་ཡོད། དེ་བས་ཁྱེད་རྣམས་ཀྱི་སྙིང་སྟོབས་དང་ལྷག་བསམ་ལ་སྐྱོན་བརྗོད་གང་ཡང་མེད་དེ། དཱ་ཁྱེད་རྣམས་ཟུར་དུ་བཞུགས་ནས་མི་རབས་གསར་པ་ཚོར་སློབ་སྟོན་གནང་དགོས་པ་དང་། ཁྱེད་རྣམས་དགོངས་པ་རྫོགས་རྗེས་སུ་ཡང་མི་རབས་གོང་མའི་མཛད་ཕྱོགས་མི་རབས་གསར་པའི་ལག་ཏུ་རྩིས་འཕྲོད་ཡོད་པ་ཞིག་གནང་རོགས།
གུས་ཞབས་དང་བརྩི་མཐོང་བྱེད་རྒྱུ་དེ་འགྲོ་བ་མིའི་ཡ་རབ་སྤྱོད་བཟང་གི་རྨང་གཞི་ལྟ་བུ་རེད་ལ་ལྷག་པར་དུ་བོད་མིའི་གཙོའི་ནང་བ་དང་མཐའ་ན་མི་སྒེར་སོ་སོའི་སྤྱོད་པ་ཡང་འདིས་དབྱེ་བ་འབྱེད་ངེས་ཡིན། དེར་བརྟན་མང་གཙོ་དང་སྨྲ་བརྗོད་རང་དབང་སོགས་ཁ་ལ་ཁྱེར་དེ་རྒན་རབ་པ་དག་ལ་ཚིག་ངན་ཁ་ནས་ཐོན་ཆོག་ཆོག་བྱས་པ་འདིའི་རང་ཉིད་ཀྱི་ཕྱི་ནང་གསང་གསུམ་ཁྲོམ་ལ་བསྟན་ལས་གཞན་ཅི།
དེས་ན་ང་ཚོ་ཚང་མས་གང་ས་ཅི་ཐད་ནས་གཟབ་ནན་ཐོག་སྨྲ་བརྗོད་རང་དབང་ལ་ལོང་སུ་སྤྱོན་ན་ཅི་འདྲ་འདུག
ཁོང་གིས་གསུངས་འདུག
༼ ལྷག་པར་དུ་ལོ་ ༡༧ ཙམ་བཀའ་ཤག་ཏུ་བསྐྱལ་བ་རེད། དེའི་སྟབས་ཀྱིས་ལས་ཀ་བྱ་རྒྱུ་ཞིག་ཡོད་ན་གོ་སྐབས་ཚང་མ་ཐོབ་ཚར་བ་རེད། ད་ཆར་ལོ་ན་རྒན་པ་ཆགས་ཡོང་དུས་སྡུག་ཏུ་འགྲོ་རྒྱུ་མ་གཏོགས་དེ་ལས་ལྷག་པ་ཞིག་ཡོང་ཁག་པོ་རེད། ༽
འདི་བདེན་པ་རེད་པ་ཁོང་ལ་དེ་སྔ་ལས་ལྷག་པའི་ནུས་པ་བཏོན་ཡག་མེད་པ་གསལ་པོ་གསུང་འདུག
ད་དུང་ཨུ་ཙུགས་བྱེད་མཁན་དེ་ཚོ་ག་རེ་བསམ་གྱི་ཡོད་ན།
ཡང་རྒན་པོ་ཞིག་བཀའ་བློན་ཁྲི་བའི་རྐུབ་སྟེགས་ཀྱི་ཆེད་དུ་ཡར་བཞེངས་ཁུལ་བྱས་འདུག་འ།