ཨ་རིའི་ལྐོག་ཇུས་རེད་ཟེར།

བྷུ་ཤི་གཞུང་རང་གིས་རང་གི་ཁང་བརྩེགས་དེ་གཉིས་གཏོར་བ་དེ་ཕལ་ཆེར་བདེན་པ་རེད། གང་ཡིན་ཟེར་ན་ཁང་པ་དེ་ཞིག་འགྲོ་སྐབས་ནང་དུ་ཡོད་པའི་མི་ཁ་ཤས་གསོན་པོར་ལུས་པ་ཚོས་བཤད་ན་གནམ་གྲུས་བརྡབ་པ་དང་ལྷན་དུ་ཁང་པའི་འོག་ཤོད་དུ་འབར་རྫས་བརྒྱ་སྟོང་མང་པོ་གད་སོང་ཟེར། དེ་བཞིན་ཁང་པ་མཐོན་པོ་དེ་མར་ཞིག་སྟངས་ཡང་ཆེད་ལས་པ་ཚོས་ཁང་གོག་བཤིག་སྟངས་ལྟ་བུ་ལས་བརྡབ་སྐྱོན་གྱིས་བཤིག་པ་ལྟ་བུ་ཞིག་མི་འདུག་ཟེར། ཕན་ཏྲ་རྒན་དུ་གནམ་གྲུའི་བརྡབ་སོང་ཟེར་བའི་བུ་ག་དེར་གནམ་གརུ་ཤོང་གིན་མི་འདུག་ཟེར། དེ་བཞིན་དེ་ན་གནམ་གྲུ་ཆག་རོ་དེ་ཡང་སྟོན་རྒྱུ་མི་འདུག་ཟེར། དེ་བཞིན་དུ་གཞུང་གིས་གནམ་གྲུ་ཁྲིད་མཁན་རེད་ཟེར་ནས་མི་ཁ་ཤས་ཤིག་གི་མིང་ཁྱབ་བསྒྲགས་བྱས་པ་དེ་ཁ་ཤས་ཤིག་གསོན་པོར་འདུག ཁ་ཤས་ཤིག་ནི་ཡིག་ཆ་རྩད་ཞིབ་བྱས་དུས་མི་དེ་འདྲ་བ་ཞིག་གཏན་ནས་མི་འདུག་ཟེར། དེ་དང་དེ་ལ་སོགས་པ་དཔང་རྟགས་བརྒྱ་སྟོང་མང་པོ་ཞིག་བགྲང་རྒྱུ་འདུག

འོ་དེ་འདྲ་ཞིག་ཨ་རི་བའི་མི་མང་ནང་དང་གཞན་ཡང་ཆབ་སྲིད་ཀྱི་མི་སྣ་འགའ་ཞིག་གིས་བཤད་པར་གོ་མྱོང།
འོན་ཀྱང་ངས་དེ་ལ་ཡིད་ཆེས་དེ་ཙམ་ཞིག་མ་བརྙེད།
དངོས་གནས་སྲིད་དོན་པ་ཟེར་བ་དེ་ཚོར་ཡིད་ཆེས་ཁག་པོ་རེད།
རང་ཉིད་ཐོབ་ཐབས་སུ་གང་ཡིན་ནའང་བཤད་སྲིད་པ་རེད།