ཟླ་འདིའི་ཕྱི་ཚེས་ ༢༥ ཉིན་རྔ་པ་ཁུལ་རྔ་པ་རྫོང་ཁྲིན་ཀན་སྡེ་བའི་དོན་ཁོ་རྒྱག་པ་ཞུ་བར་རྔ་པ་ཁུལ་འབྲིང་རིམ་མི་དམངས་ཁྲིམས་ཁང་གིས་ཆབ་སྲིད་ཀྱི་ནག་ཉེས་ཅན་ལ་འགེབས་སྲུབ་བྱས་པའི་ཉེས་མིང་འོག ལོ་ ༤ ཡི་བཙོན་འཇུག་ཁྲིམས་ཐག་བཅད་ཡོད་འདུག
དོན་ཁོ་རྒྱག་པ་ལགས་ཐོག་མར་ཕྱི་ལོ་ ༢༠༠༩ ཟླ་ ༨ ཚེས་ ༢༥ ཡས་མས་ལ་འཛིན་བཟུང་བྱས་པ་ཞིག་ཡིན་ཞིང་། དེ་ནི་༢༠༡༠ ཟླ་ ༤ ཚེས་ ༩ ཉིན་ལོ་ ༡༣ གྱི་བཙོན་འཇུག་ཁྲིམས་ཐག་བཅད་ཟིན་པའི་རྔ་པ་ཀིརྟི་དགོན་གྱི་གྲྭ་ཆོས་དར་ལགས་སྦས་སྐུང་བྱས་པའི་ཉེས་མིང་འོག་ཐེངས་འདིར་ཁྲིམས་ཆད་བཅད་ཡོད་འདུག
ཕྱི་ལོ་ ༢༠༠༨ ལོའི་ཞི་རྒོལ་ཆེན་མོའི་རྗེས་སུ་དོན་ཁོ་རྒྱག་པ་སོགས་འཛིན་བཟུང་བྱེད་དགོས་པའི་བརྡ་ཁྱབ་ཡི་གེ་ས་གནས་གང་སར་སྦྱར་ནའང་འཛིན་བཟུང་བྱེད་ཐུབ་མེད་ཀྱང་། ལོ་དེའི་ལོ་མཇུག་ཙམ་ལ་ཁོང་གིས་མགོ་བཏགས་ཞུས་པར་བརྟེན། ཟླ་ ༡ དང་ཉིན་བཅུ་གྲངས་ཤིག་ལ་བཀག་བསྐྱིལ་བྱས་རྗེས་རྒྱ་སྒོར་ཆིག་ཁྲི་ལྔ་སྟོང་ ༡༥༠༠༠ གི་ཉེས་ཆད་བཅད་དེ་ཕྱི་ཚུལ་དུ་ཀློད་གྲོལ་བཏང་ནའང༌། ཕྱི་ལོ་ ༢༠༠༩ ཟླ་ ༨ ཚེས་ ༢༥ ཉིན་གྱི་མཚན་མོ་སླར་ཡང་དོན་ཁོ་དང་ཁོང་གི་གཟའ་ཟླ་བསོད་ལྷ་གཉིས་རང་ཁྱིམ་ནས་གློ་བུར་དུ་འཛིན་བཟུང་བྱས་ཡོད་ཅིང་། དེ་ནས་ཟླ་ ༥ ཙམ་གྱི་རྗེས་སུ་བསོད་ལྷ་ཀློད་གྲོལ་བཏང་ནའང་དོན་ཁོ་མུ་མཐུད་ཐག་གཅོད་གང་ཡང་མ་བྱས་པར་བཀག་ཉར་བྱས་ཤིང་། ཁོང་བཀག་ཉར་བྱས་པའི་དུས་ཡུན་ལོ་གཅིག་ཙམ་གྱི་རིང་ས་གནས་གང་དུ་བཀག་ཉར་བྱས་ཡོད་མེད་ཀྱང་ཤེས་རྟོགས་ཐུབ་མི་འདུག ཉེ་ཆར་ཕྱི་ཚེས་ ༢༥ ཉིན་རྔ་པ་འབྲིང་རིམ་མི་དམངས་ཁྲིམས་ཁང་གིས་ལོ་ ༤ ཡི་ཁྲིམས་ཐག་བཅད་འདུག
གོང་གི་གནས་ཚུལ་དེ་ཀིརྟི་གྲྭ་ཚང་གི་ཀ་ཉག་ཚེ་རིང་ལགས་ཀྱིས་མཁོ་སྤྲོད་བྱས།
གོང་གི་གསར་འགྱུར་ནང་གི་་་་་་ཕྱི་ལོ་ 2009 ཟླ་ 4 ཚེས་ 9 ་་་་་་ཞེས་པ་ནོར་འདུག་པས་་་་དེ་ལུགས་ཀྱིས་་་་་་་་ཕྱི་ལོ་ 2009 ཟླ 8 ཚེས་ 25 ཡས་མས་ཤིག་ལ་་་་་་་ཞེས་པའི་ཟླ་ཚེས་དེས་བཅོས་རོགས་གྱིས།
རྒྱ་ནག་པོའི་སྲིད་བྱོས་ལ་འགྱུར་བ་ཞིག་མ་སོང་བར་དུ་ང་ཚོའི་འདི་ལྟར་བཙན་འོག་ནས་སྡུག་གི་མི་ཚེ་སྐྱེལ་དགོས་པ་སྨོས་མེད་རེད
འགྱུར་བ་ཞིག་བྱིན་ན་ད་བཟོད་སྐྱིད་ལ་ཉལ་རྒྱུ་རེ་ཡོང་བའི་རེ་བ་བྱེད་རྒྱུ་ལས།གཞན་སུ་ཞིག་གིས་ཁ་མཚོན་གཅོད་ཐུབ་བམ
གཞན་ལ་སྐྱབས་མི་བཅོལ་བའི་བུ་རྒོད་པོ་དག་གིས་སྡུག་མྱོང་བ་དང་གཞན་གྱི་སྐྱབས་འོག་དུ་སྐྱིད་ལ་ཉལ་ནས་ཡོད་པ་གཉིས་ཀྱིས་གདོང་རྒྱུད་གཅིག་ཀྱང་གནམ་རྒན་མའི་མཐུ་འོག་ནས་སྐྱིད་སྡུད་འདྲ་མཉམ་མིན་པ་དེ། ལས་ཞེས་པ་འདི་ལ་ཁག་འཇོག་རྒྱུ་ལས་གཞན་མེད་པ་འདྲ།
རྒྱ་ནག་གཞུང་གིས་ད་དུང་ངོ་གདོང་གཉིས་བསྟན་ཏེ་བོད་དོན་ཐད་ལ་ལས་ཀ་བྱེད་ཀྱི་འདུག ནམ་ཞིག་ང་ཚོ་གཞིས་བྱེས་ལྷན་འཛོམས་བྱུང་སྟེ་རྒྱ་ནག་གཅིག་གི་ལངས་ཕྱོགས་བཟུང་སྟེ་རྒྱ་ནག་གི་རྩ་ཁྲིམས་ཀྱི་སྒྲོན་གཞིའི་འོག་ཏུ་བོད་རྒྱ་དབྱེ་བ་མེད་པར་རྒྱ་ནག་གཅིག་སྟེ ཀྲུང་ཧྭ་མི་དམངས་སྤྱི་མཏུན་རྒྱལ་ཁབ་ཀྱི་རྒྱལ་དར་འཕྱར། རྒྱལ་གླུ་བླངས་ན་འདི་ལྟར་མི་བཟུང་ཚེ་བཙོན་གྱི་གནས་སྟངས་ལ་འགྱུར་བ་འགྲོ་གི་རེད་དམ། ཡང་སྙིང་བོད་མི་རིགས་འདི་ལ་བདེ་སྐྱིད་ཅིག་ཡོང་གི་རེད་དམ།