དེ་རིང་དགོང་མོའི་ཆུ་ཚོད་ ༡༠ དང་ཕྱེད་ཀའི་སྟེང་བོད་ཀྱི་དགུ་བཅུ་གསུམ་ལས་འགུལ་ཚོགས་པའི་ཚོགས་ཆེན་ཐེངས་ལྔ་བ་ཡོངས་སུ་མཇུག་བསྒྲིལ་ཅིང་། རྒྱུན་ལས་གསར་འདེམས་ཁྲོད་འོད་ཟེར་སྤྲུལ་སྐུ་མཆོག་སྐབས་ལྔ་བའི་དགུ་བཅུ་གསུམ་ལས་འགུལ་ཚོགས་པའི་ཚོགས་གཙོར་བདམས་ཐོན་བྱུང་ཡོད།
ཉིན་གྲངས་བཞིའི་རིང་གི་དགུ་བཅུ་གསུམ་གྱི་ཚོགས་ཆེན་སྟེང་། རྒྱུན་ལས་སྐབས་བཞི་བའི་རྩིས་ཁྲར་གཙང་བཤེར་དང་། མ་འོངས་པར་ལས་ཁུངས་ཀྱི་ལས་ཀ་བྱེད་ཕྱོགས་དང་བོད་རང་དབང་སླར་གསོའི་ཆེད་ལས་འགུལ་སྤེལ་སྟངས་བཅས་ལ་བགྲོ་གླེང་གོ་བསྡུར་གནང་ཡོད་པ་མ་ཟད། ཚོགས་པའི་སྒྲིག་གཞི་བསྐྱར་བཅོས་བྱས་ཏེ། འབྱུང་འགྱུར་རྒྱུན་ལས་བསྟུད་མུར་ཐེངས་གཉིས་ལས་བསྐྱར་འདེམས་མི་ཆོག་པ་དང་། སྐབས་རེ་རེའི་རྒྱུན་ལས་ཁོངས་སུ་ཆོལ་ཁ་རེ་ནས་མི་གཉིས་རེ་ངེས་པར་དུ་བསྐོ་འཇོག་བྱ་དགོས་པའི་གཏན་འབེབས་བྱུང་ཡོད། འདས་པའི་ལོ་འཁོར་གསུམ་རིང་གི་རྩིས་ཁྲའི་ནང་གསལ་བ་ལྟར་ན། ད་ཆར་དགུ་བཅུ་གསུམ་ལས་འགུལ་ཚོགས་པར་མ་དངུལ་ཧིན་སྒོར་ས་ཡ་བརྒྱད་དང་དྲུག་འབུམ་དགུ་ཁྲི་ཆིག་སྟོང་སུམ་བརྒྱ་ ༨༦༩༡༣༠༨།༢༡ ཙམ་ཡོད་ཅིང་། ཚོགས་མི་ཁྱོན་བསྡོམས་ ༥༤༠ ཙམ་ཡོད་འདུག
དོ་ནུབ་རྒྱུན་ལས་གསར་འདེམས་ཀྱི་དངོས་གཞིའི་འོས་བསྡུའི་ཁྲོད། ལྷ་ཆབ་སྦྱིན་པར་འོས་གྲངས་ ༡༢༥ དང་། ཀླུ་མཁར་བྱམས་ལ་ ༡༢༤ ། འོད་ཟེར་སྤྲུལ་སྐུར་ ༡༡༧ ། གངས་ལྷ་མོར་ ༩༧ ། ཟླ་བ་བཀྲ་ཤིས་ལ་ ༩༠ ། འཇམ་དཔལ་ལེགས་བཟང་ལ་ ༨༦ ། བསོད་ནམས་ཚེ་རིང་ལ་ ༨༡ ། བློ་བཟང་རྒྱ་མཚོར་ ༧༨ ། སྤེན་པ་ཚེ་རིང་ལ་ ༧༦ ། ཚེ་རིང་ནོར་བུ་ལ་ ༧༡ ། བཟོད་པར་ ༧༡ ། ཚེ་རིང་བསམ་འགྲུབ་ལ་ ༥༨ ། བློ་བཟང་ལུང་རིགས་ལ་ ༥༨ ། དཔལ་ལྡན་ལ་ ༥༦ ། ཐུབ་བསྟན་ཡུར་འཕེལ་ལ་ ༡༥ བཅས་ཐོབ་ཡོད།
གོང་གསལ་མི་བཅོ་ལྔ་བོ་དེ་དག་སྐབས་ལྔ་བའི་དགུ་བཅུ་གསུམ་ལས་འགུལ་ཚོགས་པའི་རྒྱུན་ལས་སུ་བསྐོ་བཞག་བྱུང་ཞིང་། དེ་དག་ལས་ཡང་བསྐྱར་ཚོགས་གཙོ་བསྐོ་བཞག་གི་འོས་བསྡུའི་ཁྲོད་འོས་འཕེན་པ་གྲངས་ ༡༦༤ བྱུང་ཡོད་པ་ལས། འོད་ཟེར་སྤྲུལ་སྐུ་མཆོག་ལ་འོས་གྲངས་ ༡༠༢ དང་། ཀླུ་མཁར་བྱམས་ལགས་སུ་འོས་གྲངས་ ༥༢ ། ཚེ་རིང་ནོར་བུ་ལགས་སུ་འོས་གྲངས་ ༣ བཅས་ཐོབ་སྟེ། འོད་ཟེར་སྤྲུལ་སྐུ་མཆོག་སྐབས་ལྔ་བའི་དགུ་བཅུ་གསུམ་ལས་འགུལ་ཚོགས་པའི་ཚོགས་གཙོར་བསྐོ་བཞག་བྱུང་ཡོད།
ཚོགས་འདུ་མཇུག་བསྡོམས་སྟེང་ཚོགས་གཙོ་རྙིང་པ་ངག་དབང་འོད་འབར་ལགས་ཀྱིས་གསུང་བཤད་གནང་དོན། དེ་རིང་དགུ་བཅུ་གསུམ་ལས་འགུལ་ཚོགས་པའི་ཚོགས་ཆེན་ཐེངས་ལྔ་བ་བཀྲ་ཤིས་ལོ་ལེགས་ཐོག་མཇུག་སྒྲིལ་ཐུབ་པ་བྱུང་བ་མ་ཟད། སྐབས་རྗེས་མིའི་རྒྱུན་ལས་བཅོ་ལྔ་དང་ཚོགས་གཙོ་བཅས་འོས་འདེམས་བྱུང་ཡོད། རྒྱུན་ལས་རྙིང་པ་ཕལ་ཆེ་བས་ལོ་དྲུག་རིང་ཕྱག་ལས་མཉམ་དུ་བྱས་པ་རེད། ང་རང་གི་ངོས་ནས་མ་འདང་ས་དང་ནོར་འཁྲུལ་ཤོར་ཡོད་ས་ཏན་ཏན་ཡོད་ལ། ཕན་ཚུན་ཁ་རྩོད་ཚིག་རྩོད་ཀྱང་བྱུང་བ་རེད། འོན་ཀྱང་དེ་དག་ཡོངས་རྫོགས་སྤྱི་བའི་དོན་དག་ཡིན་སྟབས། ཞེ་སེམས་ལ་ཉར་བ་རྩ་བ་ནས་མེད། རྒྱུན་ལས་གསར་པ་ཚོ་ཡང་དེ་བཞིན་རེད། མ་འགྲིག་མ་འཐུས་པ་བྱུང་ན། སྐབས་རྗེས་མའི་ཚོགས་ཆེན་བར་བསྒུག་འདུག་རྒྱུ་མ་ཡིན་པར་སྐབས་འཕྲལ་སྐབས་འཕྲལ་དུ་གསལ་བཤད་དང་ཡོ་བསྲང་བྱ་དགོས་པ་རེད། ཅེས་དང་།
ང་ཚོ་རྒྱུན་ལས་རྙིང་པ་ཚོའི་ངོས་ནས་ལས་བསྡོམས་དང་རྩིས་ཁྲ་གང་ཐད་ནས་གྲུབ་འབྲས་མི་དམན་པ་ཞིག་བླངས་ཡོད་དྲན་ཡོད། འདི་དག་ང་ཚོ་མཉམ་རུབ་ཐོག་བྱུང་བ་ཞིག་ཡིན་སྟབས། ལས་རོགས་ཚང་མ་ལ་ཐུགས་རྗེ་ཆེ་ཞུ་རྒྱུ་ཡིན། དེ་བཞིན་གཞུང་འབྲེལ་མ་ཡིན་པའི་ཚོགས་པ་ཁག་དང་མཉམ་འབྲེལ་ཐོག་ལས་ཀ་བྱས་ཏེ། ལས་འགུལ་སྤེལ་ཕྱོགས་དང་འཛིན་སྐྱོང་བྱེད་སྟངས། ཐ་ན་རྩིས་ཁྲ་ཉར་སྟངས་ཚུན་ལ་ཕན་ཐོགས་ཆེན་པོ་བྱུང་སོང་། མ་འོངས་པར་མུ་མཐུད་དུ་རྒྱུན་ལས་གསར་པ་ཚོར་རོགས་འདེགས་ཡོང་བའི་འབོད་སྐུལ་ཞུ་རྒྱུ་ཡིན། དེ་བཞིན་གསར་འགྱུར་བརྒྱུད་ལམ་ཁག་གིས་ཀྱང་ང་ཚོས་ལས་འགུལ་གང་ཞིག་སྤེལ་ཡང་བརྒྱུད་བསྒྲགས་ཡག་པོ་གནང་སོང་། སླད་ནས་ཀྱང་རྒྱབ་སྐྱོར་ཡོང་བའི་རེ་འདུན་ཞུ་བཞིན་ཡོད། ཅེས་བརྗོད་བྱུང་།
མཇུག་མཐར་ཚོགས་གཙོ་གསར་པ་འོད་ཟེར་སྤྲུལ་སྐུ་མཆོག་གིས་གསུང་བཤད་གནང་དོན། དེ་རིང་ངས་སྐད་ཆ་གྲ་འགྲིག་པོ་ཞིག་བཤད་ཐུབ་ས་མ་རེད། གང་ཡིན་ཟེར་ནས་ང་ཚོགས་གཙོར་འདུག་བསམ་པ་ཞིག་རྩ་བ་ནས་མེད་སྟབས། དེ་རིང་གློ་བུར་དུ་འདི་འདྲ་ཞིག་ཆགས་ཡོང་སྐབས་གང་ཡང་དྲན་གྱི་མི་འདུག ང་ཚོགས་གཙོར་འདུག་འདང་མེད་ཟེར་བ་དེ་ཡང་། གཅིག་ནས་དུས་ཚོད་རག་གི་མི་འདུག་ལ། གཉིས་ནས་ང་ལ་དམིགས་བསལ་གྱི་ནུས་འཇོན་གང་ཡང་ཡོད་པ་མ་རེད། འོན་ཀྱང་། སྐབས་མཚམས་སུ་གཅིག་རེ་གཉིས་རེ་བྱས་ཏེ་དགོངས་པ་ཞུས་ན་དེ་ཡང་འགྲིག་གི་མེད་སྟབས་དང་ལེན་བྱས་པ་ཡིན།
སྐབས་སྔ་མའི་རྒྱུན་ལས་ཚོའི་ངོས་ནས་ཕྱག་ལས་ཧ་ཅང་ཡག་པོ་གནང་འདུག སེམས་གཏིང་ནས་ཐུགས་རྗེ་ཆེ་ཞུ་རྒྱུ་ཡིན་ལ། གཞུང་འབྲེལ་མིན་པའི་ཚོགས་པ་ཁག་གིས་ཕྱིར་གྲུ་མཉམ་འདེགས་བྱས་པ་དེ། མ་འོངས་པར་ཡང་སྔར་རྒྱུན་བཞིན་མཉམ་རུབ་ཡོང་རྒྱུར་འབོད་སྐུལ་ཞུ་བཞིན་ཡོད། ང་རང་གིས་གློ་བུར་དུ་དྲན་སོས་པ་ཞིག་ལ། ཚོགས་པ་འདིའི་སྒྲིག་གཞིའི་མགོར་གླེང་བརྗོད་ཀྱི་ཚུལ་དུ་༧གོང་ས་མཆོག་གི་བཀའ་སློབ་ཅིག་བཞག་ཡོད། མ་འོངས་པར་ང་ཚོས་བཀའ་སློབ་དེའི་ནང་དོན་གཞིར་བཟུང་ལག་བསྟར་བྱ་རྒྱུ་ཡིན། དེ་གཅིག་ཡིན། ལས་ཀ་རིམ་པས་བྱེད་སྐབས་འགྲིག་དང་མ་འགྲིག་མང་པོ་ཡོང་གི་རེད། དེ་བཞིན་ནོར་འཁྲུལ་དང་འཐུས་ཤོར་ཡང་འབྱུང་གི་རེད། སྡུག་ཤོས་ཤིག་ལ་ང་རང་རླུང་ཚ་བོ་དང་སྐད་ཆ་ཁ་རུ་ཁ་ཐུག་ཅིག་ཡིན། དེ་དག་ལ་བསམ་ཤེས་གནང་རོགས་ཞུ་རྒྱུ་ཡིན། ཞེས་བརྗོད་བྱུང་།
གསར་འགོད་པ། དོན་འགྲུབ་བཀྲ་ཤིས།
![The Dalai Lama offers blessings to his followers at his Himalayan residence in the northern hill town of Dharamshala, India, on December 20, 2024 [Priyanshu Singh/Reuters]](https://tibettimes.net/wp-content/uploads/2025/05/Screen-Shot-2025-05-09-at-3.37.35-PM-360x180.png)
བོད་ཀྱི་དགུ་བཅུ་གསུམ་ལས་འགུལ་ཚོགས་པའི་ཚོགས་གཙོ་གཙོས་རྒྱུན་ལས་གསར་པ་རྣམས་ལ་བཀྲ་ཤིས་བདེ་ལེགས་ཀྱི་འཚམས་འདྲི་ཡོད། ནང་ཁུལ་འཆམ་མཐུན་དང་གོང་བུ་གཅིག་སྒྲིལ་གྱིས། བོད་དོན་འཐབ་རྩོད་ཀྱི་ལས་དོན་ཡོངས་ལ་གྲུབ་འབྲས་སྔར་ལས་ལྷག་པ་ཡོང་བའི་སྨོན་འདུན་ཡོད།
ད་དུང་གསལ་བཤད་ཅིག་ཞུས་ན་བཟང་པར་སྙམ། གྷན་དི་མཆོག་རྒྱ་གར་གྱི་རྩ་དོན་རྩོད་མཁན་ནམ་ཆབ་སྲིད་པ་བཟང་བ་དེ་ཡིན་པ་ལས། སྲིད་དོན་པའམ་ཆབ་སྲིད་པ་ངན་པ་དེ་མིན་པ་ནི་རྒྱ་གར་བཙན་ཐོབ་པ་ན་ཁོང་གིས་གོ་ས་གང་ཡང་མ་བཞེས་པ་དེས་མཚོན། འདི་ཚོ་ལ་ཐུགས་བསམ་ལེགས་པ་བཞེས་ན་ངས་བཤད་པར་གོ་རྒྱུ་ཞིག་ཡོད།
ཆབ་སྲིད་ཟེར་བའི་ཚིག་འདི་ལ་གོ་ས་བཟང་ངན་གཉིས་ཡོད་པ་ཉེ་ཆར་ཁོ་བོའི་ཟིན་བྲིས་ཤིག་ཏུ་ཡང་བཀོད་ཡོད་། ཁྱེད་ཀྱིས་གྲ་བས་ཆབ་སྲིད་མི་འཇོན་ཞེས་པའི་ཤུགས་ལས་ཆབ་སྲིད་ཀྱི་གོ་བ་ངན་པ་དེ་ལ་གོ་རྒྱུ་ཡིན་པར་ཤུགས་ཀྱིས་གྲུབ་པ་རེད། ངས་དེ་གཞིར་བཞག་གིས་ཁྱེད་ལ་ལན་བྲིས་པ་ཡིན། ཁོང་རྣམས་ཀྱིས་གནང་བ་དེ་ནི་ཆབ་སྲིད་བཟང་བ་འམ་བོད་ཀྱི་རྩ་དོན་གྱི་ཆེད་ཡིན་པས་རང་རེའི་ངོས་ན་བལྟས་ན་ཆབ་སྲིད་ཡག་པ་དེ་དང་རྒྱ་མིའི་ངོས་ནས་བལྟས་ན་ཆབ་སྲིད་སྡུག་པ་དེ་རེད། དེས་ན་ད་ཁྱེད་ཀྱིས་བོད་ཀྱི་རྩ་དོན་རྩོད་པ་ལ་གྲ་བས་མི་འཇོན་པ་གང་ཡོད་གསུང་དགོས་ཀྱི་འདུག དེ་མིན་ཁྱེད་ཀྱི་གསུང་རྣམས་རྒྱུན་ལྡན་བཞིན་དུ་འགྱུར་།
༩་༡༣་གྱི་ཚོགས་གཙོ་གསར་བ་ལ་རྟེན་འབྲེལ་ཞུ།
རིག་གནས་གསར་རྗེས་ཆེན་མོའི་ལས་འགུལ་དང་དགུ་བའི་བཅུ་གསུམ་ཉིན་གྱི་ལས་འགུལ་སོགས་མི་ཡོང་བར་ཤོག
ཚོགས་པ་འདི་མིང་འདོགས་ལུགས་ཁྱད་མཚར་ཞིག་འདུག
འོད་ཟེར་སྤྲུལ་སྐུ་རིན་པོ་ཆེ་མཆོག་ལ་འཚམས་འདྲི་བཀྲ་ཤིས་བདེ་ལེགས་ཞུ།
ཨ་མཆོད་འཇམ་ཚུལ་ལགས། རྒྱ་ནག་གུང་ཏང་ལ་ཆབ་སྲིད་ཀྱི་དཀའ་ངལ་སྤྲོད་མཁན་ཚོགས་པ་འདིའི་ཚོགས་མི་ཚང་མ་ཆབ་སྲིད་ཀྱི་དཀའ་ངལ་འོག་རྒྱའི་མནར་གཅོད་དང་སྡུག་སྦྱོང་འོག་ལོ་མང་བཙོན་ཁང་འགྲིམ་མཁན་གྱི་བོད་ཀྱི་དཔའ་བོ་དང་དཔའ་མོ་ཤ་སྟག་རེད།
དང་པོ། ཚོགས་པ་འདིའི་མིང་ལའང་ ༩།༡༠།༣ ཞེས་ཆབ་སྲིད་ཀྱི་ལས་འགུལ་དང་ཐད་ཀར་འབྲེལ་བ་ཡོད།
གཉིས་པ། ཚོགས་པ་འདིའི་ཚོགས་མི་ཡིན་ཕྱིན་ཚང་མ་ཆབ་སྲིད་ཀྱི་དཀའ་ངལ་འོག་སྐྱབས་བཅོལ་དུ་སླེབས་པ་ཤ་སྟག་རེད།
གསུམ་པ། ཚོགས་པ་འདིའི་ལས་དོན་བོད་བསྟན་སྲིད་ཀྱི་དོན་དུ་རང་སྲོག་བློས་གཏོང་བྱེད་མཁན་གྱི་རྒྱལ་གཅེས་དཔའ་བོ་དང་དཔའ་མོ་ཚོའི་བྱས་རྗེས་དང་དཀའ་སྡུག་ཚང་མ་འཛམ་གླིང་ནང་ཁྱབ་བསྒྲགས་བྱེད་བཞིན་ཡོད་པ་དེ་རེད།
བཞི་པ། རྒྱ་ནག་གི་ཆབ་སྲིད་ཐད་ལ་སྐྱོན་དང་ནོར་འཁྲུལ་ཇི་ཡོད་དུས་ཐོག་གསལ་བཤད་དང་འགྲེལ་བརྗོད་བྱེད་བཞིན་ཡོད་པ་རེད།
ལྔ་པ། བོད་ནང་གི་བོད་མི་སྤྱི་དང་ལྷག་དོན་ཆབ་སྲིད་བཙོན་པ་ཚོའི་གནས་སྟངས་ལ་གཞིགས་ཏེ་ཆབ་སྲིད་ཀྱི་ལས་འགུལ་དུས་ནས་དུས་སུ་སྤེལ་བཞིན་བཞིན་ཡོད་པ་དེ་རེད།
དྲུག་པ། རྒྱ་ནག་གུང་ཁྲན་ཏང་ལ་ཆབ་སྲིད་ཀྱིས་ཐད་ཀར་དཀའ་ངལ་སྤྲོད་མཁན་ངོ་མ་ཚོགས་པ་འདིའི་ཚོགས་མིས་རང་སྲོག་བློས་བཏང་དང་དཔའ་ངར་ཞུམས་མེད་ཀྱི་སྙོང་སྟོབས་དེ་རེད།
བདུན་པ། ཁོང་ཚོའི་ཚེ་སྲོག་དང་། ནང་མི། བུ་ཕྲུག ཁྱིམ་ཚང་། རྒྱུ་ནོར་སོགས་ཡོད་ཚད་བོད་མི་རིགས་ཀྱི་ལས་དབང་དུ་བཏང་དང་གཏོང་བཞིན་ཡོད་པ་དེར་གུང་ཁྲན་ཏང་གི་ཡ་ང་དང་སྙིང་རྗེ་སྤུ་ཙམ་མེད་པར་དམར་གསོད་དང་། མནར་གཅོད། བཙོན་འཇུག་སོགས་བྱེད་བཞིན་པ་དེ་ཆབ་སྲིད་དང་འབྲེལ་བ་མེད་ཟེར་ན་གང་ཡིན།
འོ་ན་༩།༡༠།༣ གྱི་ཚོགས་པ་འདི་ཆབ་སྲིད་དང་འབྲེལ་བ་མེད་ན་ཚོགས་པ་འདིའི་ཚོགས་མི་ལྔ་བརྒྱ་ཙམ་བོད་ནང་རྐུན་མ་བརྒྱབ་མཁན་དང་། འཇག་པ་རྒྱག་མཁན། གང་བྱུང་མི་གསོད་དང་། ཁྲིམས་འགལ་བྱས་ཏེ་རྒྱའི་བཙོན་འོག་ཏུ་བཅུག་པ་ཤ་སྟག་ཡིན་ནམ།
དོན་ཚན་གཉིས་པ་དེ་འོ་ན་ཚོགས་པ་འདི་ད་བར་གྲྭ་པས་གཙོ་སྐྱོང་བྱེད་བཞིན་ཡོད་ན་༩།༡༠།༣ གྱི་ལས་འགུལ་ཚོགས་པ་དེ་བོད་ཀྱི་གྲྭ་བཙུན་གྱི་རང་དབང་དང་གྲྭ་པའི་ཐོབ་ཐང་ཆེད་དུ་བཙུགས་པ་ཞིག་རེད་དམ།
དོན་ཚན་གསུམ་པ་དེ་འོད་ཟེར་སྤྲུལ་སྐུས་ཚོགས་པ་འདི་ཐོག་མར་བཙུགས་ན་ཚོགས་པ་འདི་སྒྲིག་གཞི་དང་། བྱུང་སོང་། དངུལ་རྩིས་ཁ་གསལ། ཚོགས་མིའི་ཐོབ་ཐང་། ལས་འགུལ་སོགས་གནད་དོན་མང་པོར་ལམ་ཙམ་ཐུད་ཤོར་གང་འདྲ་སེ་ཕྱིན་པ་རེད་དམ།
ཚོགས་པ་འདིའི་སྒྲིག་གཞི་དང་། བྱུང་སོང་། དངུལ་རྩིས་ཀྱི་རྩིས་ཁྲ་ཁ་གསལ། ཚོགས་པའི་མང་དངུལ་སྒོར་འབུམ་བརྒྱ་ལྷག་ཙམ་ཞིག་གསོག་འཇོག་ཐུབ་པ་སོགས་ཚོགས་གཙོ་ངག་དབང་འོད་འབར་དང་། དྲུང་ཆེ་བྱ་དོར་ཕུན་ཚོགས་དབང་རྒྱལ་གྱི་སྐབས་ནས་རིམ་པས་ཚགས་ཚུད་བྱུང་འདུག
ད་དུང་ངས་ཁྱེད་ཉིད་ལ་ཞིབ་ཚགས་ཞུ་དགོས་པ་མཐོང་མ་སོང་། གལ་ཏེ་མཁྱེན་འདོད་ན་བརྟག་ཅིང་དཔྱད་པའི་སྒོ་ནས་ངེས་ཤེས་ཐོབ་དགོས།
འོད་ཟེར་སྤྲུལ་སྐུ་མཆོག་ལ་མཚམས་འདྲི་བཀྲ་ཤིས་བདེ་ལེགས་ཞུ།
རིན་པོ་ཆེ་ནི་ཆོས་སྲིད་གཉིས་ལ་མཁྱེན་རྒྱ་ཆེ་བའི་རྒྱལ་བའི་དགོངས་པ་ཇི་བཞིན་འགྲུབ་པའི་རེ་བ་ཧ་ཅང་ཆེ།།
དགུ་བཅུ་གསུམ་ལས་འགུལ་ཚོགས་པའི་ཚོགས་གཙོ་གསར་པ་འོད་ཟེར་རིན་པོ་ཆེར་བདེ་བཀྲིས་བདེ་ལེགས་ཀྱི་འཚམས་འདྲི་ཞུ་བ། དགུ་བཅུ་གསུམ་ལས་འགུལ་ཚོགས་པ་དེ་ནི། ཚོགས་གཙོ་ངག་དབང་འོད་འབར་ལགས་ཀྱི་རིང་འབུར་དུ་ཐོན་པའི་ཡར་ར྄ྒྱས་དང་ཚགས་ཚུད་བྱུང་བ་མ་ཟད། བཙན་བྱོལ་ནང་བོད་དོན་ལས་འགུལ་ས྄པེལ་མཁན་གྱི་ཆབ་ས྄ིད་ཚོགས་པ་གལ་ཆེ་ཞིག་ཏུ་གྱུར་ཡོད་པ་ཚང་མས་མཁྱེན་གསལ་རེད།
ཀླུ་མཁར་བྱམས་ལགས་ལ་ཚོགས་གཙོ་མ་ཐོབ་པ་དེ་བློ་ཕམ་ཡོད།དགུ་བཅུ་གསུམ་ཚོགས་མི་རྣམས་ཀྱི་རྗེས་མ་ཀླུ་མཁར་བྱམས་ཡོང་ཐབས་བྱ་དགོས་པ་དེ་ཧ་ཅང་གལ་ཆེ་དུ་མཐོང་།སྤྱིར་ང་ལ་སྐད་ཆ་བཤད་པའི་དབང་ཆ་མེད་ཀྱང་སེམས་ཤུགས་ཙམ་ཡིན།
དགུ་བཅུ་གསུམ་གྱི་ལས་འགུལ་ཚོགས་པ་ཚོགས་གཙོ་གསར་པ་འོད་ཟེར་སྤྲུལ་སྐུ་མཆོག་ལ་འཚམས་འདྲི་བཀྲ་ཤིས་བདེ་ལེགས་དང་། ཚོགས་རྙིང་ངག་དབང་འོད་འབར་མཆོག་ཚོགས་གཙོའི་ལས་གནས་སྐབས་བོད་སྤྱི་བའི་རྩ་དོན་ཐད་ལ་ལས་འགུལ་རབ་དང་རིམ་པ་གནང་བ་རྗེས་སུ་ཡི་རང་བསྔགས་བརྗོད་ཡོད། ཡིན་ནའང་། བོད་ནང་བསྡད་སྐབས་བོད་ཀྱི་རྩ་དོན་ཐད་ལ་ལས་འགུལ་སྣ་ཚོགས་སྤེལ་ཏེ་རྒྱ་ཡིས་འཛིན་བཟུང་བྱས་ནས་བཙོན་ཁང་ནང་མནར་གཅོད་དང་དཀའ་སྡུག་ཚད་ལས་འདས་པ་མྱང་ནས་ཐར་གློད་བཀྲོལ་ཐོབ་སྟེ་རྒྱ་གར་དུ་བྲོས་འབྱོར་སླེབས་སྐབས་དགུ་བཅུ་གསུམ་ལས་འགུལ་ཚོགས་པ་ས་བཅར་ཏེ་གང་ཟག་རང་ཉིད་ཀྱི་བོད་ཀྱི་ཆོས་དང་རིག་གཞུང་མི་རིགས་ཐོག་ལས་འགུལ་སྤེལ་སྟངས་སྐོར་འགྲེལ་བཤད་རྒྱས་ཤིང་ཞིབ་ཚགས་བཤད་ནས་ཆབ་སྲིད་བཙོན་པ་ཚོགས་མི་ཁོངས་སུ་འཛུལ་། དེ་ནས་དགུ་བཅུ་གསུམ་ལས་འགུལ་ཚོགས་པའི་སྒྲིག་གཞིའི་འོག་ཐོབ་ཐང་ཐམས་བཅད་ལོངས་སུ་སྤྱད་དང་སྤྱོད་བཞིན་པ་ཡིན། བློ་ཕམ་པ་ཞིག་ལ་རང་བཙན་རྩོད་ལེན་པ་ཀླུ་མཁར་བྱམས་ལ་ད་ལན་ཚོགས་གཙོར་གོ་སྐབས་མ་རག་པ་བློ་ཕམ་ཡོད་།
ཨ་ལགས་འོད་ཟེར་རིན་པོ་ཆེ་མཆོག་དགུ་བཅུ་གསུམ་ལས་འགུལ་ཚོགས་པའི་ཚོགས་ཆེན་ཐེངས་ལྔ་བའི་ཚོགས་གཙོ་འདེམས་ཐོན་བྱུང་བར་རྟེན་འབྲེལ་ཞུ།ཡིན་ནའང་རྒྱ་བོད་ཉམས་ཞིབ་པ་སྐུ་ཞབས་ཀླུ་མཁར་བྱམས་ལགས་ད་ཐེངས་ཚོགས་ཆེན་འདིའི་ཚོགས་གཙོ་འདེམས་ཐོན་མ་བྱུང་བ་ནི་བློ་ཕམ་སྐྱེས་དགོས་བ་ཞིག་རེད།ཨང།།ད་ལྟའི་བོད་མིའི་སྤྱི་ཚོགས་ནང་ཁཽང་དང་ཁོང་ལྟ་བུའི་མི་སྣ་གལ་ཆེན་གང་མང་གསོ་སྐྱོང་བྱེད་རྒྱུ་དང་ལས་ཞུགས་འགན་ཁྲིད་དང་ལེན་གནང་རྒྱུ་ཧ་ཅང་གལ་འགངས་ཆེ་བ་མཐོང་།ཨ་ཁུ་ཀླུ་མཁར་བྱམས་ལགས་སུ་བཀྲ་ཤིས་བདེ་ལེགས་ཞུ།
དགུ་བཅུ་གསུམ་གྱི་ཚོགས་གཙོ་གསར་པ་འོད་ཟེར་སྤྲུལ་སྐུ་མ
“དངོས་གཞིའི་མི་མང་གི་རེ་འདོད་དེ་སྒེར་གཅོད་ལྟ་བུ་བྱས་པའི་ཚོར་སྣང་ཞིག་འདུག” ཅེས་གསུང་པ་ལ་འགྲེལ་བཤད་ཅིག་གནང་ན་ཡག་པོ་འདུག་བསམ། ཚོགས་གཙོ་འོས་བསྡུ་དང་རྒྱུན་ལས་ཀྱི་འོས་བསྡུའི་འོས་འཕེན་ཕྱོགས་མི་འདྲ་བས་ཚོགས་གཙོའི་སྐབས་འོས་གྲངས་མར་ཟག་མི་སྲིད་པ་ཞིག་ཡེ་ནས་མ་རེད།
དྲ་གྲོགས་ནད་པ་ལགས་སོགས་ལ་ཞུ་རྒྱུ། གྲ་བས་ཆབ་སྲིད་མི་འཇོན་ཞེས་པའི་གསུང་ཚུལ་ཁྱེད་ཀྱིས་ལན་མང་གོ་བ་འདྲ། ཐོག་མར་ཞུ་རྒྱུ་ཚོགས་པ་འདི་ཆབ་སྲིད་ཀྱི་ཚོགས་པ་ཞིག་ཡེ་ནས་མིན་བོད་ཀྱི་རྩ་དོན་རྩོད་པའི་ཚོགས་པ་ཞིག་རེད། འདི་ཁྱེད་ཀྱིས་མི་ཤེས་པ་དང་པོ་རེད། གཉིས་པ་ཚོགས་པ་འདིའི་འགོ་འཛུགས་མཁན་གྲ་བ་ཡིན་ན་བར་སྐྱོང་མཁན་ད་བར་དུ་གྲ་བ་ཤ་སྟག་རེད། འདི་ཁྱེད་ཀྱིས་མ་ཤེས་པ་གཉིས་པ་དེ་རེད། གསུམ་པ་འོད་ཟེར་རིན་པོ་ཆེ་ཚོགས་པ་འདི་འཛུགས་མཁན་དེ་ཡིན་ཞིང་ཚོགས་གཙོ་དང་པོ་ཡང་ཁོང་ཉིད་རེད། ཁོང་གི་ཕྱག་ལས་མགོ་བཙུག་པ་འཇུག་བསྐྱེལ་བའི་ཐུགས་མདུན་བཟུང་ཡིན། འདི་ཁྱེད་ཀྱིས་མ་ཤེས་པ་གསུམ་པ་རེད། དེ་ལྟར་ཁྱེད་ཀྱིས་མ་ཤེས་པའི་བཀའ་མོལ་མང་ཙམ་སྔ་ཕྱིར་གསུང་གི་འདུག་སྙམ།
ཚོགས་གཙོ་གསར་པ་འོད་ཟེར་རིན་པོ་ཆེ་ལ་འཚམས་འདྲི་བཀྲིས་བདེ་ལེགས་ཞུ། སྐུ་ཉིད་ཕྱོགས་སུ་མ་ལྷོང་བའི་ལས་རྒྱུན་སྐྱོང་ཐུབ་པའི་རེ་བ་ཡོད། སྐུ་ཉིད་ལ་མི་མང་ཚོས་དྷ་ས་ཡོད་པའི་ཆུ་སྒང་གསར་པ་ཟེར་བ་དེ་དང་ཇོ་ཉམ་གཉིས་ཀྱིས་སྐུ་ཉིད་བེད་སྤྱོད་བཞིན་འདུག་ཟེར་གྱི་འདུག་དེ་བརྟན་གཟབ་གཟབ་གནང་རོགས་གནོངས།
དགུ་བཅུ་གསུམ་གྱི་ཚོགས་གཙོ་གསར་པར་བཀྲིས་བདེ་ལེགས་ཞུ། ཚོགས་གཙོ་རྙིང་པ་ངག་དབང་འོད་འབར་སྐབས་ནས་བཟུང་ཚོགས་པ་དེ་ཡག་པོ་ཞེ་དྲགས་ཆགས་སོང༌། ཚོགས་པ་འདིའི་མི་རྣམས་ཀྱིས་དངོས་གནས་བོད་ཕྱི་ནང་གཉིས་སུ་བཀའ་ལས་ཤི་མ་ཤི་བརྒྱབ་པ་རེད། རྗེས་སུ་ཡི་རང་ཡོད།
གྲྭ་པ་ཞིག་གིས་ཚོགས་པའི་འགོ་ཁྲིད་ན་མི་འགྲིག་པ་དེ་འདྲ་རང་ཨི་ཡིན། དགུ་བཅུ་གསུམ་ཞེས་པའི་མིང་ཐོགས་ས་༡༩༨༧་ ལོའི་ཟླ་བ་༩་ ཚེས་༢༧་ ཉིན་རྒྱ་ནག་གཞུང་ལ་ཞི་རྒོལ་ཐོག་མར་གནང་མཁན་དེ་ཚོ་གྲྭ་པ་རེད་ད། དེ་ཚོས་ག་རེ་འཇོན་མི་འདུག དེ་ནས་བཟུང་བོད་ནང་ཞི་རྒོལ་རིམ་པ་མང་པོ་དེ་དག་གི་ནང་གྲྭ་པ་ག་ཚོད་ཞུགས་པ་དང༌མི་སྐྱ་ག་ཚོད་ཞུགས་པ་རེད་བསམ་བློ་ཐོངས། བཙན་བྱོལ་ནང་གི་ངོ་རྒོལ་དང་ཟས་བཅད་བོད་ལ་སྐྱོད་པའི་ལས་འགུལ་དེ་ཚོའི་ནང་གཟིགས་དང༌། གྲྭ་པ་མང་བ་འདུག་དང་མི་སྐྱ་མང་བ་འདུག དམར་ཉིལ་ཉིལ་རེད། དཀའ་ལས་ཚང་མ་གྲྭ་པས་བརྒྱབ། འགོ་ཁྲིད་ཚང་མ་མི་སྐྱས་བྱེད་དགོས་ཟེར་ན་ག་རེ་ཟེར་བ་རེད།
དགུ་བཅུ་གསུམ་ཚོགས་པའི་ཚོགས་གཙོ་གསར་པ་འོད་ཟེར་སྤྲུལ་སྐུ་གཙོས་པའི་རྒྱུན་ལས་ཡོངས་ལ་འཚམས་འདྲི་ཞུ་བ་དང་དེ་སྡོན་ལྟར་མི་མངས་ཁྲོད་ལབ་གླིང་གང་ཡང་མེད་པའི་ཐོག་བྱ་བ་ལམ་འགྲོ་ཡོང་བའི་སྨོན་ལམ་ཞུ་བོད་མི་རིགས་དང་རིག་གཞུངས་ལ་ཞབས་འདིབ་ཞུ་ཐུབས་པའི་རེ་བ་དང་སྨོན་ལམ་ཡོད་
འོད་ཟེར་རིན་པོ་ཆེ་ལགས། ཁྱེད་ཚོགས་གཙོ་འོས་ཐོན་བྱུང་བ་དགའ་འོས་པ་རེད། ཡིན་ནའང་ལས་དོན་གང་ཡང་བྱེད་ཐུབ་ཀྱི་རེད་ལ། རྒྱུན་ལས་ནང་ཁུལ་འཆམ་མཐུན་ཡང་སྔ་བས་ཇེ་སྡུག་འགྲོ་ཡི་རེད། གང་ཡིན་ཟེར་ན་ཀླུ་མཁར་བྱམས་དང་གངས་ལྷ་མོ་སླེབས་ཡོད་པ་སོང་ཙམ། ཁོང་གཉིས་སྤྱི་ཚོགས་དང་སྒྲིག་འཛུགས་ནང་འཆམ་མཐུན་ངང་མཉམ་ལས་བྱེད་ཤེས་མཁན་ཞིག་མ་རེད་ལ། དེ་ལས་སྡུག་ཏེ་རང་གཤིས་དང་ང་རྒྱལ་ཅན་ཞིག་དང༌། ལས་རོགས་ཕན་མཚུན་བསྟུན་མཁན་མི་ཤེས་མཁན་ཐ་ཤལ་བ་གཉིས་རེད། ཁོང་གཉིས་ནི་སྤྱི་ཚོགས་ནང་འགྲོ་འདུག་མི་ཤེས་མཁན་དང༌། མི་ཤེས་ན་ཤེས་ཟེར་མཁན་དང་མ་འཇོན་ན་འཇོན་ཟེར་མཁན་ངོ་ཚ་ཁྲེལ་གཞུང་གང་ཡང་མེད་པའི་ཕོ་མོ་ཆ་གཅིག་རེད། ཧ་ག་སྙིང་བརྗེ། མི་ལུས་ཐོབ་ཀྱང་དོན་མེད། གཟིགས་ཧ་ང་ཚོ་ལྟད་མོ་རྗེས་ནས་མཐོང་ཡོང༌།
གསར་དུ་འདེམས་ཐོན་བྱུང་བའི་ཚོགས་གཙོ་དབུས་པའི་རྒྱུན་ལས་རྣམ་པ་ཡོངས་ལ་
མཚམས་འདྲི་བཀྲིས་བདེ་ལེགས་ཞུ་རྒྱུ་དང་ཁྱེད་རྣམ་པ་ལས་དོན་རྣམས་ཁ་བཤད་དོན་ཐོག་ཆོད་པ་ཡོང་བའི་རེ་བ་ཡོད།
དགུ་བཅུ་གསུམ་ཚོགས་པའི་རྒྱུན་ལས་གསར་བ་རྣམས་ལ་འཚམས་འདྲི་བཀྲ་ཤིས་བདེ་ལེགས་དང་། མ་འོངས་ན་ཁྱེད་ཅག་གི་ལས་དོན་ཆེ་ཕྲ་ཆུང་ཁག་ཅི་ཡོད་ལེགས་འགྲུབ་ཡོང་བའི་སྨོན་འདུན་ཞུ། སྒོར་མོའི་ཕྱོགས་ནས་འགྲིག་འདུག ད་ཚོགས་གཙོ་མཆོག་འོད་ཟེར་རིན་པོ་ཆེ་ཟེར་ན་ཕྱག་མོ་གཟིགས་ནས་སྐད་དྲགས་ཡོད་རེད། སྒོར་མོ་ཇེ་མང་དང་མི་ཤེས་ས་ནས་མོ་བཏབ་ན་ཡག་པོ་འདུག
དེའི་རྗེས་ནས་ཁྱེད་ཅག་གི་དངོས་གཞིའི་འོས་གྲངས་མཐོ་བ་རྣམས་ཚོགས་གཙོ་བསྐོ་བཞག་སྐབས་མར་ཟགས་པ་ཡག་རྟགས་ཤིག་མ་རེད་བསམ། དངོས་གཞིའི་མི་མང་གི་རེ་འདོད་དེ་སྒེར་གཅོད་ལྟ་བུ་བྱས་པའི་ཚོར་སྣང་ཞིག་འདུག
དགུ་བཅུ་གསུམ་ཟེར་བའི་ཚོགས་པ་འདིའི་ཚོགས་མིར་ཆ་བཞག་ན་ཆབ་སྲིད་བཙོན་པ་ཤ་སྟག་རེད། ཡིན་ནའང་ཚོགས་པ་འདི་ཚོགས་མི་རྣམས་ཀྱི་ཆབ་སྲིད་ཤེས་ཚད་དེ་ཧ་ཅང་སྐྱོ་པོ་རེད་འདུག
ཚོགས་པ་བཙུགས་ནས་ཚོགས་གཙོ་སྐུ་ཞབས་སྟོབས་ལྡན་དང་། སྐུ་ཞབས་ངག་དབང་འོད་འབར། སྐུ་ཞབས་འོད་ཟེར་བ་བཅས་ཀྱིས་མགོ་འཁྲིད་ཀྱིན་པ་དེ་རེད།
གྲྭ་པས་ཆོས་ཤེས་པ་མ་གཏོགས་གྲྭ་བཙུན་གྱིས་ཆབ་སྲིད་ཀྱི་མགོ་འཁྲིད་རྩ་བ་ནས་བྱེད་མི་རུང་བ་ཡིན་ཏེ་བྱས་ན་ཐ་མ་དེར་ཕམ་ཉེས་འགྲོ་རྒྱུ་ལས་ཅི་ཡང་མེད།
བཅོམ་ལྡན་འདས་ཀྱིས་སྐྱེས་རབས་ལས། གལ་ཏེ་ཆོས་སྤྱོད་ཁྱིམ་གྱི་སོ་ནམ་འཆོར། །ཁྱིམ་ལ་ཕྱོགས་ན་ཆོས་ཀྱང་ག་ལ་འགྲུབ། །ཆོས་ཀྱི་ལས་ནི་རབ་ཏུ་ཞི་བ་ཡིན། །ཁྱིམ་གྱི་ལས་ནི་དྲག་ཤུལ་ཅན་གྱིས་འགྲུབ། །
ཅེས་ཆོས་སྲིད་གཉིས་ཀྱི་ངོ་བོ་དེ་གཞི་གཅིག་ཏུ་གནས་མི་ཐུབ་པར་ཁྱིམ་པས་ཆོས་ལ་མགོ་འཁོར་ན་ཁྱིམ་གྱི་སོ་ནམ་ཤོར་བ་དང་། གྲྭ་པས་དགོས་པའི་ཆོས་མ་བྱེད་པར་མི་དགོས་སྲིད་དོན་ནང་བཞུགས་ན་ཆོས་ཀྱང་མི་འགྲུབ་ལ་སྲིད་ཀྱང་ཕམ་ཉེས་སུ་འགྲོ་རྒྱུ་ཡིན་ཞེས་གསལ་པོར་གསུངས་འདུག
དེར་བརྟེན་༡༩༥༩ ལོའི་ཡར་སྔོན་དུ་བོད་པའི་ཆོས་པ་ཚོས་དགོས་པའི་ཆོས་མ་སྒྲུབ་པར་མི་དགོས་སྲིད་དོན་ནང་བཞུགས་སྟབས། མཐར་བོད་དེ་བལྟ་ས་དང་བརྟེན་ས་གང་ཡང་མེད་པའི་ཐབས་སྡུག་འདི་འདྲ་ཞིག་གྱུར་པ་རེད།
མ་ཟད་ཁྱིམ་པ་མི་དྲག་ཚོས་དགོས་པའི་ཁྱིམ་གྱི་སོ་ནམ་ཆབ་སྲིད་དང་། དཔལ་འབྱོར། དམག་དོན། ལག་རྩལ་སོགས་ཀྱིས་ལས་ཀ་མ་བྱས་པར་མི་དགོས་ཆོས་ལུགས་ལ་རྨོངས་དད་རྐྱང་པ་བྱས་ནས་བསྡད་སྟབས་ཐ་མ་དེར་ཆོས་ཀྱང་མ་བྱང་། སྲིད་ཀྱང་མ་བྱུང་། དཔལ་འབྱོར་ཡང་མ་བྱུང་། བལྟ་ས་དང་བརྟེན་ས་གང་ཡང་མེད་པ་འདི་ཆགས་པ་རེད།
ད་དུང་རྨོངས་གཉིད་ལས་མ་གསང་བ་དེ་བོད་པས་ལས་ངན་གང་ཞིག་བྱས་པའི་རྐྱེན་ཡིན་ནམ། འོ་ན་བོད་རྒྱལ་ཁབ་དང་བོད་མི་རིགས་ཐབས་སྡུག་འདི་འདྲ་གཅིག་ཏུ་གྱུར་པ་དེ་ཚང་མ་་་་རྒྱ་མིས་བཟོས་པ་རེད་དམ་་་་ དཀོན་མཆོག་གིས་བཟོས་པ་རེད་དམ་་་་་་ལས་ཀྱིས་བཟོས་པ་རེད་དམ་་་་་་་་ཤེས་པ་རྣལ་དུ་ཕབ་ནས་སོམས་ཤིག་་་་་་བཙན་པོ་སྲོང་བཙན་སྒམ་པོའི་བོད་ཕྲུག་ཚོ་་་་་་་་་་་་་་་་་
ཚོགས་གཙོ་རིན་པོ་ཆེ་་་ལ་འཚམས་དྲིན་བཀྲ་ཤིས་བདེ་ལེགས་ཞུ་།
དེ་བཞིན་རྒྱུན་ལས་པ་ཡོང་ལ་ཡང་བཀྲ་ཤིས་དེ་ལེགས་།
རང་བཙན་བརྩོད་ལེན་པ་ཀླུ་མཁར་བྱམས་ལགས་ལ་འོས་མ་ཐོབ་པ་དེ་དངོས་གནས་བློ་ཕམ་བྱུང།
དེ་སྔོན་གྱི་ཚོགས་གཙོ་ངག་དབང་འོད་འབར་ལགས་ལ་རྡ་སའི་མི་དམངས་ཁྲོད་ལབ་གླེང་མང་དག་ཞིག་འདུག་ལ་ཐ་ན་མདོ་སྟོད་སྤྱི་མཐུས་འོས་མིའི་ཁྱབས་སྒྲགས་ཀྱི་པར་ཁྲོད་དུ་ཁོང་གི་སྐུ་པར་ལ་རི་མོ་བྲི་བ་དང་སྐོག་པ་སོགས་མི་འདོད་པའི་རྣམ་པ་མང་དག་ཅིག་མཐོང་རྒྱུ་འདུག་ལ་དགུ་བཅུ་གསུམ་གྱི་ཚོགས་གཙོའི་ལས་གནས་ཀྱང་མེད་པ་དང་མདོ་སྟོད་སྤྱི་མཐུས་ཀྱང་མ་ཐོབ་པ་ཡིན་ན་ཁོང་གིས་ཕྱག་ལས་གང་ཞིག་གནང་རྩིས་ཡོད་དམ། ཁོང་ལྟ་བུའི་མི་ཤེས་འཇོན་གཉིས་ལྡན་ཞིག་ལ་དེང་གི་དུས་འདིར་ལབ་གླེང་མེད་པ་མི་སྲིད་པས་བཤད་ཚད་བདེན་པ་ཡིན་རྒྱུ་མ་རེད་དེར་བརྟེན་ཁོང་ལས་མེད་དུ་ལུས་ན་དངོས་གནས་བློ་འཕང་དགོས་པ་ཞིག་རེད།
དགུ་བཅུ་གསུམ་གྱི་ཚོགས་གཙོ་ཡང་བསྐྱར་གྲྭ་པ་ཞིག་བསླེབས་འདུག གྲྭ་པས་མི་སྐྱ་ཡི་བདེ་སྡུག་ཇི་བཞིན་ཤེས་ཀྱི་མེད་སྟབས་ལས་བྱེད་རྣམས་ཀྱི་དཀའ་ངལ་དེ་མུ་མཐུད་གནས་རྒྱུ་རེད།
ལས་ལས་འཇིག་རྟེན་སྣ་ཚོགས་སྐྱེས་ཞེས་པ་བདེན་པ་རེད། ཀླུ་མཁར་བྱམས་མི་འདོད་བཞིན་དུ་བླ་མ་གྲྭ་པའི་འོག་ལ་མི་སྡོད་ཀ་མེད་ཆགས་འདུག
དགུ་བཅུ་གསུམ་ཚོགས་པའི་ཚོགས་གཙོ་གསར་པ་འོད་ཟེར་སྤྲུལ་ལ་འཚམས་འདྲི་བཀྲ་ཤིས་བདེ་ལེགས་ཞུ།
སྒྲིག་གཞི་བསྐྱར་བཅོས་བྱས་ཏེ་རྒྱུན་ལས་སྐབས་རེ་རེའི་ནང་ཆོལ་གསུམ་གྱི་འཐུས་མི་གཉིས་རེ་ངེས་པར་ཡོད་དགོས་བཟོས་པ་ནི་བདེ་སྡུག་ཆ་མཉམ་ཡོང་བའི་དགེ་མཚན་ཆེས་ཆེར་ལྡན།
མུ་མཐུད་དེ་ཚོགས་པ་ཡར་རྒྱས་དང་བོད་དོན་ལ་སྔར་ལས་ལྷག་པའི་ཞབས་འདེགས་སྒྲུབ་ཐུབ་པ་་ཡོང་བའི་རེ་སྐུལ་ནན་ཏན་ཞུ།
སྔར་ཡང་བྱས་རྗེས་བཞག་ཡོད་ལ་ཕྱིས་ཀྱང་དེ་ལྟར་འཇོག་པའི་རེ་བ་ཡོད།
སྟབས་ཉེས་པ་ཞིག་ལ་ཀླུ་མཁར་བྱམས་ཀྱི་མགོ་སྟེང་ནས་ཆབ་སྲིད་ཀྱི་ལས་ཀ་བྱེད་མཁན་དེར་སྤྲུལ་སྐུ་ཞིག་བསླེབས་ཞག
ཟམ་གདོང་བླ་མ་སྤྲུལ་སྐུ་ཞིག་དང་བླ་མ་ཞིག གྲྭ་པ་ཞིག་ཡིན་པ་བཅས་ཀྱིས་ཀླུ་མཁར་བྱམས་ཀྱིས་འོས་ཤོག་བླུགས་མེད་ཟེར། སྤོབས་པ་དང་བཅས་ཏེ་བཤད།
ད་ཕལ་ཆེར་སྤྲུལ་སྐུ་ཞིག་གི་ཆབ་སྲིད་ཀྱི་མགོ་འཁྲིད་འོག་ནས་ཁོ་པས་ལས་ཀ་ཞིག་ཇི་ལྟར་བསྒྲུབ་རྒྱུ།
ཨ་ལ་རྩེད་མོ་ཡིན། ཁྱད་མཚར་པོ་དེ་འདྲ་གང་དུའང་ཡོང་གི་རེད། དེར་ཧ་ལས་རྒྱུ་ཡོད་ནི་མ་རེད་ཡ།
ཚོགས་གཙོ་མཆོག་གི་དབུས་ལྷན་རྒྱས་ལ་བཀྲ་ཤིས་བདེ་ལེགས་དང་ལས་དོན་སྔར་ལས་ལྷག་པའི་ལེགས་འགྲུབ་ཡོང་བའི་སྨོན་འདུན་ཞུ།
དགུ་བཅུ་གསུམ་གྱི་ལས་བྱེད་ཡོངས་ལ་བཀྲ་ཤིས་བདེ་ལེགས་ཡོད། དཔར་དེའི་སྒང་ནས་མང་ཆེ་ཤོས་ངོ་ཤེས་པ་རྐྱང་རྐྱང་རེད། ཁྱེད་རང་ཚོས་ཕྱག་ལས་དོན་སྨོན་ཡོང་བ་དང་བོད་སྤྱི་བའི་དོན་ལ་ཚོགས་པ་གཞན་དང་མཉམ་དུ་ལས་འགུལ་རྒྱ་ཆེན་པོ་སྤེལ་ཐུབ་པའི་རེ་བ་དང་བཅས།
ཐེངས་འདིར་དགུ་བཅུ་གསུམ་ལས་འགུལ་ཚོགས་པའི་ཚོགས་གཙོར་བདམས་ཟིན་པའི་འོད་ཟེར་སྤྲུལ་སྐུ་མཆོག་ནི། ༡༩༩༡ ཡས་མས་ནང་ཚོགས་པ་འདི་ཐོག་མར་གསར་འཛུགས་གནང་མཁན་གྲས་ཡིན་ཞིང་། ད་ཆར་ཁོང་སེར་སྨད་གྲྭ་ཚང་ནང་བཞུགས་ཡོད་འདུག