རྩོམ་པ་པོ་ལིག་ཞོ་པོ་ལ་ནོ་བྷེལ་ཞི་བདེ་གཟེངས་རྟགས་ཐོབ་མ་ཐག ༧གོང་ས་མཆོག་གིས་འཚམས་འདྲིའི་བཀྲ་ཤིས་བདེ་ལེགས་ཀྱི་གསུང་འཕྲིན་ཞིག་བསྩལ་ཡོད་པའི་ནང་བཀོད་དོན། ལིག་ཞོ་པོ་ལ་ཞི་བདེ་གཟེངས་རྟགས་ཐོབ་པ་དེ་ནི། རྒྱ་ནག་མི་དམངས་ནང་ཆབ་སྲིད་དང་ཆོས་ལུགས། རྩ་ཁྲིམས་བཅོས་སྒྱུར་གྱི་འདོད་པ་འཛིན་མཁན་ཇེ་མང་དུ་འགྲོ་བཞིན་ཡོད་པར་རྒྱལ་སྤྱིའི་སྤྱི་ཚོགས་ཀྱིས་ངོས་འཛིན་ཐོབ་པ་ཞིག་ཆགས་ཡོད་ལ། ངོས་རང་སྒེར་གྱི་ཐོག་ནས་ཀྱང་འཕེལ་རིམ་འདི་ནི། ལིག་ཞོ་པོ་ལྟ་བུའི་རྒྱ་ནག་གི་དམངས་གཙོ་དར་སྤེལ་དང་། རང་དབང་དོན་གཉེར་བ་ཚོས་ ༢༠༠༨ ལོའི་རྩ་འཛིན་ཡིག་ཆར་ས་རྟགས་བསྐྱོན་པ་དེས་ང་རང་ལ་བློ་སྟོབས་ཆེན་པོ་ཞིག་སྐྱེས་སུ་བཅུག་བྱུང་། སྐབས་དེར་ང་རང་པོ་ལན་ཌིར་སྐྱོད་བཞིན་པའི་དུས་ཚིགས་ཤིག་ཏུ་འཁེལ་སྟབས། ཉིས་སྟོང་བརྒྱད་ལོའི་རྩ་འཛིན་ཡིག་ཆ་དེ་སྤྱན་འབུལ་ཞུས་ཏེ་ཉིན་གཉིས་རྗེས་ཏེ། ༢༠༠༨ ལོའི་ཟླ་ ༡༢ ཚེས་ ༡༢ ཉིན་ངས་ལས་དོན་དེར་ཡིད་སྨོན་གྱི་གསལ་བསྒྲགས་ཤིག་སྤེལ་ཡོད། ངོས་རང་ནས་རྒྱ་ནག་གི་མི་རབས་གསར་པ་ཚོས་དམངས་གཙོའི་ལམ་སྲོལ་ལོངས་སུ་སྤྱོད་ཐུབ་པའི་ཡིད་ཆེས་བྱུང་ཞིང་། རྒྱ་ནག་ནང་དོན་དངོས་དང་མཐུན་པའི་སྒྱུར་བཅོས་ཆེན་པོ་ཞིག་གཏོང་ཐུབ་པ་ཡིན་ན། དེས་འཆམ་མཐུན་དང་བརྟན་ལྷིང་། དཔལ་ཡོན་ལྡན་པའི་སྤྱི་ཚོགས་ཤིག་བསྐྲུན་ཐུབ་པ་མ་ཟད། འཛམ་གླིང་ཁྱོན་ཡོངས་ལ་ཞི་བདེ་བསྐྲུན་པར་ཕན་རླབས་ཆེན་པོ་འབྱུང་གི་རེད། མཐའ་དོན་ངོས་རང་གིས་གོ་སྐབས་འདི་བཟུང་སྟེ། རྒྱ་ནག་གཞུང་ལ་ལིག་ཞོ་པོ་ཀློད་གྲོལ་ཡོང་རྒྱུར་བསྐྱར་དུ་འབོད་སྐུལ་ཞུ་བཞིན་ཡོད་ལ། འདི་དང་ཆབས་ཅིག་སྨྲ་བརྗོད་རང་དབང་གི་གནད་དོན་ཐོག་བཙོན་འཇུག་བྱས་ཡོད་པའི་ཆབ་སྲིད་བཙོན་པ་རྣམས་ཀྱང་། གང་མྱུར་ཀློད་གྲོལ་ཡོང་བའི་འབོད་སྐུལ་ཞུ་རྒྱུ་ཡིན། ཞེས་བཀོད་འདུག
གསར་འགོད་པ། དོན་འགྲུབ་བཀྲ་ཤིས།
རྒྱ་ནག་དམར་པོའི་འོག་ཏུ་ད་བར་དུ་སྡུག་གྱོང་མནར་གཅོད་མྱོངས་དང་མྱོང་བཞིན་པའི་ཆབ་སྲིད་བཙོན་པ་གཞན་སུ་ཡིན་ཡང་གློད་གྲོལ་ཐོབ་ཆེད་ནུས་པའང་ད་ལྟ་གོ་སྐབས་འདི་དང་བསྟུན་ནས་འདོན་དགོས་པ་མཐོང་།
རྒྱ་ནག་ཧན་མི་རིགས་ལོ་རྒྱུས་ཀྱི་མེ་ལོང་ཁྲོད་དུ་གཟི་མདངས་མངོན་པར་འཕྲོ་བའི་ལེའུ་གསར་པ་ཞིག་རང་དབང་རྩོམ་པ་པོ་ལེའུ་ཞོ་པོའུ་མཆོག་གིས་བཞག་འདུག་པས། ད་ཐེངས་རྒྱ་ནག་་དམར་པོའི་དྲགས་ཤུགས་ཀྱི་འཇིགས་སྣང་ཡོད་མིན་ལ་མ་ལྟོས་པར། མི་མང་རྣམས་ཀྱིས་མགྲིན་དབྱངས་གཅིག་གི་ཐོག་ནས་སྐུ་ཞབས་ཁོང་བཙོན་ལས་བླངས་ཏེ། དེ་སྔོན་ཞི་བདེ་གཟེངས་རྟགས་བཞེས་མྱོང་མཁན་རླབས་ཆེ་མི་སྣ་རྣམས་དང་གཅིག་མཚུངས་སྡིངས་ཆ་དེའི་ཐོག་ནས་འཛམ་གླིང་མི་མང་ལ་དྲང་བདེན་གྱི་བསྒྲགས་གཏམ་དེ་ངེས་པར་དུ་སྒྲོག་ཐུབ་པར་ཅི་ནས་ཀྱང་རྩོད་དགོས། དམིགངས་བསལ་རྩོམ་པ་པོ་རྣམས་ཀྱིས་སྨྱུག་ཁ་རྒྱ་ནག་དམར་པོའི་སྲིད་གཞུང་ལ་ཕྱོགས་ཏེ་གནས་ལུགས་ཀྱི་ཚིགས་མཚོན་འཕེན་དགོས་པ་དེ་ནི་སྐབས་བབ་ཀྱི་འོས་འགན་འབའ་ཞིག་་མ་ཡིན་ནམ་དྲ་གྲོགས་ཚོ། སྤྱིར་རྩོམ་པ་པོ་ཁོང་གི་རིགས་རུས་རྒྱ་ནག་ཧན་མི་རིགས་ཡིན་མོད། ཁོང་གི་སྙིང་སྟོབས་དང་སྙུགས་བསྲིང་གིས་དྲང་བདེན་དང་འགྲོ་བ་མིའི་ཐོབ་ཐང་རྩོད་ལེན་གྱི་རྐྱེན་པས་བཙོན་ཟས་ལ་རོལ་དགོས་བྱུང་སྟབས། འཛམ་གླིང་མི་མང་སྤྱི་དང་་རྒྱ་ནག་དམར་པོའི་སྲིད་གཞུང་གཉིས་དབར་འགལ་ཟླའི་གནད་དོན་དེ་དྲང་བདེན་དང་རང་དབང་་ཡིན་པས། ད་རེས་གོ་སྐབས་འདི་བཟུང་ནས་རྒྱ་དམར་པོའི་གཡོ་སྒྱུ་ཧམ་བཟུང་གིས་འཚོས་པའི་གདོང་རས་ངོ་མ་དེ་འཛམ་གླིང་མི་མང་ལ་སྤྱན་འབུལ་དུ་བཤམ་དགོས
སྐུ་ཞབས་ལིའི་ཞོའོ་པོའོ་ལགས་སུ་ནོར་ཝེར་ཞི་བདེའི་གཟིངས་རྟགས་ཕུལ་བར་སྙིང་ནས་མཚམས་འདྲི་ཞུ།། ཁོང་གི་ཅི་བསམ་ཐམས་ཅད་འགྲུབ་པར་སྨོན།
ཀྱེ་མ་ཀྱེ་ཧུད། བཀྲ་ཤིས་པའི་ལྷ་བསང་གཏོང་ས་ལ། ལྟས་ངན་པའི་འུར་སྒྲ་མ་རྒྱག་ཅེས་བོད་ཀྱི་གཏམ་དཔེ་ལྟར། གནས་ཚང་ཟེར་བས་༸གོང་ས་མཆོག་གི་བཀའ་ཡིག་ནང་གསལ་བའི་སྨྲ་བརྗོད་རང་དབང་གི་ཐོག་བཙོན་འཇུག་བྱས་ཡོད་པའི་ཆབ་སྲིད་བཙོན་པ་རྣམས་ཀྱི་ནང་བོད་མི་ཆབ་སྲིད་བཙོན་པ་རྣམས་ཚུད་མིན་གྱི་དོགས་པ་བྱེད་པ་ནི་རང་ཉིད་ནམ་རྒྱུན་ནས་ཕྱོགས་ཞེན་ཁོ་ནས་ཡང་དག་པའི་ཕྱོགས་ཐམས་ཅད་ལོག་པར་མཐོང་བ་ཞིག་མ་ཡིན་ནམ། ༸གོང་ས་མཆོག་ནས་ལིའུ་ཞོ་པོ་ལ་མཚམས་གསུང་འཕྲིན་གནང་བ་ཡང་བོད་ཀྱི་རང་དབང་བསྐྱར་གསོ་དང་འཛམ་གླིང་ནང་གི་བཙན་དབང་སྒེར་གཅོད་རིང་ལུགས་པ་ཆེ་ཤོས་ཡིན་པའི་རྒྱ་ནག་དཔོན་ངན་ཚོའི་འོག་ཏུ་ཚུད་པའི་མི་སེར་རྣམས་ཀྱི་དོན་དུ་ཡིན་པ་རྣམ་དཔྱོད་ཅན་གྱིས་ཅིའི་ཕྱིར་མི་རྟོགས། ད་ལྟའི་དུས་སུ་ང་ཚོས་མཐབ་རྩོད་རྒྱ་གཞུང་ལ་བྱེད་དགོས་པ་གནས་ཚང་ཟེར་བ་ཁྱེད་ཀྱིས་ཨེ་ཤེས། རྒྱ་གུང་ཁྲན་ལ་ཚིག་གིཅག་ཀྱང་མི་བཤད་པར་ནང་དམག་ཁོ་ན་རྒྱག་མཁན་འདི་དག་རྒྱ་མི་གུང་ཁྲན་ག྄ི་རྒྱུག་ཁྱི་ཡིན་མིན་ང་ཚོས་ག་ལེར་ལྟ་དགོས་པ་ཞིག་གོ།
ཨ་ཕོ་དྲ་མཁན་རྟ་མགྲིན་ཚེ་རིང་ལགས། གུས་པས་བག་ལེབ་འགའ་བསྲེག་ཞོར་ཡང་སྐྱར་བསམ་བློ་ཇི་ལྟར་བཏང་ཡང་ ༼འདི་དང་ཆབས་ཅིག་སྨྲ་བརྗོད་རང་དབང་གི་གནད་དོན་ཐོག་བཙོན་འཇུག་བྱས་ཡོད་པའི་ཆབ་སྲིད་བཙོན་པ་རྣམས་ཀྱང་། གང་མྱུར་ཀློད་གྲོལ་ཡོང་བའི་འབོད་སྐུལ་ཞུ་རྒྱུ་ཡིན། ༽ཞེས་པའི་ནང་དུ་བོད་མི་ཚུད་ཡོད་མེད་ཐེ་ཚོམ་སྐྱེས་གཞི་རེད། སྨྲ་བརྗོད་རང་དབང་གི་ཆབ་སྲིད་བཙོན་མ་ཞེས་པ་ལས་པར་བསྐྲུན་རང་དབང་གི་གནད་དོན་ཐོག་བཙོན་འཇུག་བྱས་པའི་ཆབ་སྲིད་བཙོན་མ་ཚུད་མེད་པས། སྔ་མ་རྒྱ་ནག་པ་དང་ཕྱི་མ་བོད་དང་མི་རིགས་གཞན་པ་ཤུགས་ཆེ་བས། བྱས་ཙང་དེ་གཉིས་ངོ་བོ་དང་གོ་དོན་མི་གཅིག་པའི་དོན་དག་གཉིས་རེད། དེ་ལུགས་ཁ་གསལ་དགོས་པ་མ་ཡིན་ནམ།
འདི་དང་ཆབས་ཅིག་སྨྲ་བརྗོད་རང་དབང་གི་གནད་དོན་ཐོག་བཙོན་འཇུག་བྱས་ཡོད་པའི་ཆབ་སྲིད་བཙོན་པ་རྣམས་ཀྱང་། གང་མྱུར་ཀློད་གྲོལ་ཡོང་བའི་འབོད་སྐུལ་ཞུ་རྒྱུ་ཡིན། ཞེས་འཁོད་ཡོད་པ་འདིའི་ནང་དུ་བོད་མི་རྩོམ་པ་པོ་ཚོ་ཚུད་མེད་པ་རེད་དམ། བག་ལེབ་རེ་བསྲེག་ཞོར་སྐྱར་དུ་བསམ་བློ་རེ་གཏོང་ཐུབ་ན་ཡག་ས་རེད།
འདི་དང་ཆབས་ཅིག་སྨྲ་བརྗོད་རང་དབང་གི་གནད་དོན་ཐོག་བཙོན་འཇུག་བྱས་ཡོད་པའི་ཆབ་སྲིད་བཙོན་པ་རྣམས་ཀྱང་། གང་མྱུར་ཀློད་གྲོལ་ཡོང་བའི་འབོད་སྐུལ་ཞུ་རྒྱུ་ཡིན། ཞེས་འཁོད་ཡོད་པ་འདིའི་ནང་དུ་བོད་མི་རྩོམ་པ་པོ་ཚོ་ཚུད་མེད་པ་རེད་དམ། བག་ལེབ་འགའ་བསྲེག་ཞོར་ཡང་སྐྱར་བསམ་བློ་ཞིག་གཏོང་རོགས་གནོངས།
སྐུ་ཞབས་ལིའི་ཞོའོ་པོའོ་ལགས་སུ་ནོར་ཝེར་ཞི་བདེའི་གཟིངས་རྟགས་ཕུལ་བར་སྙིང་ནས་མཚམས་འདྲི་དང་། ཁོང་གིས་ཐུགས་མདུན་ལྟར་འཛམ་གླིང་ཞི་བདེར་ཁྱབ་པའི་སྨོན་འདུན་ཞུ།
རྟེན་འབྲེལ་ཞུ་འོས་པ་ཞིག་རེད། དེ་དང་ཆབས་ཅིག་བོད་མི་རྩོམ་པ་པོ་རྣམས་གློད་གྲོལ་ཡོང་བར་འབོད་སྐུལ་ཞུས་མེད་པ་ནི་དངོས་གནས་གོ་སྐབས་ཡག་པོ་ཞིག་ཤོར་བཅུག་པ་རེད། གཅིག་བྱས་ན་བོད་ནང་གཞན་མི་ལས་རང་མིར་དོ་སྣང་མི་བྱེད་པའི་བཤད་སྟངས་བྱུང་མི་སྲིད་པའང་མ་རེད། ངས་བག་ལེབ་འགའ་བསྲེག་ཞོར་དོན་དག་འདིར་བསམ་བློ་གཏོང་གི་ཡོད། དྲ་མཁན་ཚོས་ཅི་ཞིག་ལ་བསམ་བློ་གཏོང་བཞིན་ཡོད་དམ།