ཛ་དྲག་གི་དུས་སུ་ཐོབ་ཐང་རྩོད་རྒྱུ་གལ་ཆེན་མ་རེད། – ཆུ་སྐྱེས་སྒྲོལ་མ།

ཚང་མའི་ཁ་ནས་བོད་ཀྱི་ཆོས་དང་རིག་གཞུང་ཟེར་ནས་ཤེས་པ་ཙམ་མ་ཡིན་པ་ལག་ལེན་བལྟ་དགོས་པ་གལ་ཆེ།

ཆུ་སྐྱེས་སྒྲོལ་མའི་བསམ་ཚུལ་ཡང་དག་ཡིན་མིན་གང་ལྟར་ཡང་རང་གི་བསམ་ཚུལ་སྤེལ་བ་ལ་རྗེས་སུ་ཡིད་རང་ཡོད།་

ཁྱེད་ཀྱི་རྩོམ་ཡིག་འདི་འདྲར་སྤེལ་བར་དགའ་བསུ་ཞུ། སྤྱིར་ཆིག་སྒྲིལ་ཟེར་བ་འདི་ཡོང་བར་མི་བུ་རང་ཉིད་ནས་འགོ་བརྩམས་དགོས་པ་ལས། གཞན་ཞིག་ལ་རེ་སྒུག་བྱས་ཀྱང་མི་འགྲིག རང་ཉིད་ནས་འགོ་བརྩམས་པ་ལ་རང་ཉིད་ལ་དྲང་བདེན་དང་ལྷག་བསམ་དགོས་པ་ཡིན། རང་ཉིད་ལ་གོ་སྐབས་གཅིག་འབྱུང་ཚེ། མ་འོངས་པར་བསམ་བློ་མི་བཏང་བར། མ་རབས་ཀྱི་བྱེད་སྟངས་འདིར་ང་ཚོས་མི་དགའ། བོད་རིག་པའི་ཞིབ་འཇུག་གི་ཚོགས་འདུའི་ཐཽག་བསྐྱོད་ནས་ཚུར་མི་འོང་མཁན་རྣམས་ནི། མ་རབས་ཐ་ཤལ་གྱི་མི་བུ་ཞིག་ཡིན་པར་ངོས་འཛིན་བྱེད་ཀྱི་ཡིན།

གཞན་ལ་བལྟ་བའི་མིག་ཡོད་ཀྱང།
རང་ལ་བལྟ་བའི་མེ་ལོང་དགོས།

ས་སྐྱ་ལེགས་བཤད་ལས།
བསྟོད་པས་དགའ་བར་མི་འགྱུར་ལ།།
སྨད་པས་མི་དགར་མི་འགྱུར་ཞིང༌།།
ཞེས་སོགས་གིས་སྔོན་བསུས་ནས། འདིར་ཕེབས་ཀྱི་དྲ་གྲོགས་ལྷན་རྒྱས་ལ་བཀྲ་ཤིས་བདེ་ལེགས་ཞུ་བཞིན་ཡོད།

གཤམ་གྱི་འདི་ངས་ཁ་བརྡ་དྲ་ཚིག་ནང་བཀོད་པའི་མཆན་རེད། དེར་འདྲེན་བཀོད་བྱས་པ་ཡིན།
ངས་ཛ་དྲག་གིས་གནས་ལས་སྐྱོབ་དགོས་ཀྱི་འདུག་ཟེར་བ་ནི།
བོད་པའི་ཁ་དཔེར། སྔོན་ལ་ཨེ་ཤེས་ལྟོས། དེ་ནས་ཨེ་ཡག་ལྟོས། ཞེས་པ་ལྟར། དང་པོ་ང་ཚོས་འཇིགས་ལ་ཉེ་བའི་བོད་ཀྱི་ཆོས་དང་རིག་གཞུང་བཟང་པོ་དེ་རྣམས་སྐྱོབ་ཐབས་ལ༌། ང་ཚོས་བོད་ནང་གི་ཆོས་དང་རིག་གཞུང་མ་ཉམ་རྒྱུད་འཛིན་ཐུབ་རྒྱུར་ཆིག་སྒྲིལ་གྱི་ལས་འགུལ་སྤེལ་དགོས་ཀྱི་འདུག དེ་མིན་ཆ་ར་གྲུ་བཞི་ཞིག་ཕྱོགས་བཞིར་གཡས་འཐེན་གཡོན་འཐེན་བྱས་ན། དོན་མེད་ངལ་བའི་རྒྱུ་ལས་དེའི་ཆ་ཤས་ཤིག་ཐོབ་དཀའ། གལ་ཏེ་ང་ཚོས་ཆ་ར་དེ་མཉམ་རུབ་ཀྱིས་ཁ་ཕྱོགས་གཅིག་ལ་ནུས་ཤུགས་གཅིག་གིས་འཐེན་ན། རས་ཡུག་དེ་ཆ་ཚང་བ་ཞིག་ཕྱོགས་གཅིག་ལ་ཐོབ་པར་ཐེ་ཚོམ་ཅི། དེ་ནས། ང་ཚོས་རིག་གཞུང་བཅོས་སྒྲིག་ཟེན་ནའི་འདྲ། རྙིང་འདོར་གསར་དར་ལ་འབད་ཆོག་གི་རེད། དཔེར་ན། ཁྱེད་ཅག་གིས་དགོངས་དོན་བཟང་པོ་བཞིན། གུས་མོ་ཡང༌། གཤན་པ། ལྕགས་བཟོ་བ། རྫ་མཁན་སོགས་བོད་སྤྱི་ཚོགས་ནང་སྨད་ཡུལ་དུ་བརྩི་བར་དུས་ནམ་ཡང་སྲོལ་ངན་ལ་བལྟ་མཁན་ཞིག་ཡིན། དེ་དང་དེ་ལ་སོགས་པ་རྣམས་ང་ཚོས་བྱི་དོར་བྱས་ཆོག་མོད། དང་པོ་བྱིས་དོར་མ་བྱས་གོང༌། བྱིས་དོར་བྱེད་དགོས་སའི་ཡུལ་དེར་སླེབས་པར་ཛ་དྲག་གི་འབད་དགོས་ཀྱི་འདུག བསམ་བློ་ཐོངས་དང༌།
གོང་ས་མཆོག་གི་སྐུ་ན་ལོ་རེ་ནས་ལོ་རེ་བགྲེས་ནས་བགྲེས་སུ་འགྲོ་བཞིན་ཡོད། བོད་མི་ཚང་མས་དེའི་སྐོར་ལ། སེམས་ཁྲལ་དང་དངངས་འཚབ་བྱེད་བཞིན་ཡོད། མཐའ་ན། གོང་ས་མཆོག་སྐུ་ཚེ་མ་ཟིན་པའི་གནས་སྐབས་ཚུན་ལའང་བགྲོ་གླེང་དང༌། ཡང་སྲིད་རིན་པོ་ཆེ་ངོས་འཛིན་ཞུ་ཕྱོགས་ཚུན་ཆད་ལ་བསམ་ཚུལ་དང་སེམས་ཁྲལ་བྱེད། འོན་ན། གོང་ས་མཆོག་ཞལ་མ་ཞུགས་པའི་དུས་ངན་ཞིག་ཤར་ཚེ། བོད་དོན་གླེང་མཚམས་འཇོག་གམ་ཟེར་ན། དེ་མཚམས་བཞག་གི་མ་རེད། ཡིན་ནའི་མགོན་པོ་གང་ཉིད་ཞལ་ཞུགས་སྐབས་དང་ནུས་པ་མི་འདྲ། དེ་བཞིན་ལྷ་སྲས་རྒྱལ་པོ་འདྲ་བའི་བཀའ་ཁྲི་ཞིགས་ཕེབས་ཀྱང་བོད་མི་ཚོས་ཁོང་གི་ཞལ་ལ་ཉན་ཨེ་ཡོང༌། ཁག་པོ་རེད། དེར་བརྟེན། ང་ཚོས་ཐོབ་ཐང་མ་རྩོད་པར་ཛ་དྲག་ལ་འབད་ནས། བོད་ནང་དུ་ཕྱིར་ལོག་ཐུབ་པ་བྱེད་རྒྱུ་དེ་ལས་འགན་ཨང་དང་པོར་འཇོག་དགོས་ཀྱི་འདུག དེ་མིན་ང་དང་ང་འདྲ་བའི་བྱེས་བོད་མི་ཚོས། ཐག་རིང་ཐག་རིང་ཞིག་ནས། ཛ་དྲག་གིས་བོད་ཀྱི་རིག་གཞུང་སྐྱོབ་ཐུབ་ཀྱི་མ་རེད། བོད་ཀྱི་ཆོས་དང་རིག་གཞུང་ཛ་དྲག་གིས་སྐྱོབ་དགོས་ན། དེ་ལྟར་ཛ་དྲག་གིས་བོད་ལ་ལོག་ཐུབ་རྒྱུར་འབད་དགོས་ཀྱི་འདུག དེ་ལྟར་ལས་འདུལ་སྤེལ་དགོས་ཀྱི་འདུག

ངས་བལྟས་ན་ད་ལྟ་གཞི་ནས་གཉིད་བསད་པ་བཞིན་བྱས་པ་འཕྱི་དྲགས་འདུག སྐྱོན་ཡོན་ཐེར་འདོན་བྱེད་པ་ཡར་བསྐྱེད་ཀྱི་གནད་ཡིན་སྟབས་འདི་ནས་ཚིག་འགའ་བརྗོད་སྙིང་འདོད། ཉིད་ཀྱི་བྲིས་པའི་ཁ་ཕྱོགས་ནི་སློབ་གསོ་དང་འདུན་པ་ཞིག་གི་ཆེད་ཡིན་པ་རྟོགས་ནུས་མོད། བརྗོད་བྱ་དང་རྗོད་བྱེད་སོགས་ཁ་ཐོར་དང་གནད་ལ་འཁེལ་བ་ཞིག་བྱེད་ཐུབ་མི་འདུག རང་བཞིན་གྱི་ཆ་ནས་སྤྱི་ཚོགས་གཉིད་སློང་གི་བློས་བཏེགས་བཟང་མོད་ཅི་ཞིག་དོན་རྐྱེན་ནས་འཐབ་ར་གཞི་འཛིན་བྱེད་ཐུབ་མི་འདུག འཕྱི་དྲགས་འདུག་ཞེས་པ་ཡང་དེ་སྔོན་ནས་གླེང་སློང་བྱས་ཚར་འདུག་ལ། ད་ལྟ་དྭོགས་སློང་གི་བླ་རྩ་ཡང་རྙེད་ཐུབ་མེད་པ་དེ་རེད། མ་གཞི་ཡང་བསྐྱར་གསལ་འདེབས་བྱེད་མི་ཆོག་པ་མིན་མོད་རྩ་བ་འཇུས་ནས་རྩེ་མོ་དོར་མི་རུང་བ་ཡིད་ལ་ངེས་དགོས།

སེམས་པ་རྣམ་དག་ཡིན་སྲིད། ཡིག་ནོར་མང༌། བསམ་ཚུལ་ཁ་ཐོར་འདུག མདུན་གྱི་བསམ་ཚུལ་ནང་ཡོང་བའི་འོས་བབ་མི་འདུག

ཛ་དྲག་གི་གནས་སྟངས་ལས་སྐྱོབས་ཐབས་བྱེད་རྒྱུ་གལ་ཆེན་པོ་རེད་ལ། ལོ་རྒྱུས་ཀྱི་རང་བཞིན་ལྡན་པའི་ཐོབ་ཐང་རྩོད་རྒྱུ་དེ་ཡང་དེ་བས་གལ་ཆེ།
ད་དུང་ཁྱེད་རང་གིས་གཟིགས་པའི་ཛ་དྲག་གི་གནས་སྟངས་དེ་དག་ལས་ཛ་དྲག་གཞན་ཞིག་ནི། གཞིས་སུ་བཞུགས་པའི་མི་རིགས་ཀྱི་ལ་རྒྱ་ལྡན་པའི་དཔའ་བོ་དང་། རིག་གཞུང་ལ་དུངས་པའི་ཤེས་ལྡན་རྩོམ་པ་པོ་མང་དག་ཅིག་རྒྱ་དམར་གྱིས་གཅིག་འཇུག་གཉིས་མཐུད་ཀྱིས་འཛིན་བཟུང་བྱས་ཏེ། བོད་ཀྱི་མཐུན་མོང་མ་ཡིན་པའི་ཆོས་དང་རིག་གཞུང་དམིགས་མེད་དུ་བཟོ་བཞིན་པ་མ་ཟད། བྱེས་ལ་ཡོད་པའི་རྩོམ་པ་པོ་དང་། ཤེས་ལྡན་པ་མང་པོ་ཞིག་ཀྱང་རང་མགོ་གང་ཐོན་གྱི་ནུབ་ཕྱོགས་བདེ་ལྡན་ཞིང་ལ་རིམ་གྱིས་བགྲོད་དེ། རང་རེའི་རྩ་ཆེན་རིག་གཞུང་དེ་ཁ་ཙམ་ཚིག་ཙམ་གྱི་རིན་ཐང་ཅན་ཞིག་དང་། ལྗང་མདོག་འབར་བའི་ཤོག་སྒོར་དེ་དོན་དམ་པའི་གདམས་པའི་མཐིལ་དུ་འཛིན་ན། ནམ་ཞིག་ང་ཚོའི་ཕ་མེས་ཀྱི་གཅེས་ནོར་དེ་མཆེ་བ་མེད་པའི་གླང་ཆེན་ཞིག་དང་། མཇུག་མ་མེད་པའི་ཝ་མོ་ལྟ་བུར་འགྱུར་རྒྱུའི་ཉེན་ཁ་དེ་ཡང་ཛ་དྲག་ཅིག་མ་ཡིན་ནམ།།

ཁ་གསལ་ལ་གོ་བདེ་བ་ཞིག་བྲིས་འདུག འོན་ཀྱང་གཞན་ཕྱོགས་ནས་འདི་ལྟ་བུའི་བསམ་བློ་བ་དག་རྨོང་དད་པ་བརྩི།