རྟ་ནག་སྐལ་བཟང་ལུང་རིགས་ཀྱིས་བོད་སྒྱུར་བྱས།
དམག་ཆེན་གཉིས་པའི་རྗེས་སུ་རང་སྐྱོང་གི་ཁེ་དབང་ཡང་སྤང་ལ་མེ་སྟག་འཐོར་བ་བཞིན་ཕྱོགས་གང་སར་ཁྱབ་པར་གྱུར་ཅིང་། “མི་བུའི་ཆེས་མཐོའི་ཁེ་དབང་”ཡང་མི་བུ་རེ་རེ་ཡི་སེམས་ལ་བྱང་པར་གྱུར། གྲངས་ཉུང་མི་རིགས་ཀྱི་རང་དབང་དང་རང་བཙན་གྱི་འདུན་པས་ཀུན་ནས་བསླངས་པའི་མི་རིགས་ཀྱི་འགལ་བ་མཐའ་དག་ཀྱང་ཐག་གཅོད་བྱ་ཐུབ་པ་བྱུང་ཞིང་། སྲིད་དོན་མཁས་ཆེན་དག་གི་ཁྲིམས་མཐུན་རང་བཞིན་གྱི་ཐབས་ཤེས་དང་། ནུས་པ་རྒྱལ་ཡོངས་ཀུན་ཏུ་སྤྱོད་ཐུབ་པ་བྱུང་སྟབས། དམངས་གཙོ་ནི་རིམ་བཞིན་འཛམ་གླིང་གི་རྒྱལ་ཁབ་ཕལ་མོ་ཆེའི་སྤྱི་ཤེས་ལྟ་བུར་གྲུབ་སོང་བ་རེད། དམངས་གཙོའི་ལྟ་ཚུལ་གྱི་རིན་ཐང་འདི་མི་དམངས་ཀྱི་ཁེ་དབང་གཏན་འབེབས་ཁྲོད་རིན་ཐང་ལྡན་པས། མང་བོ་མང་བོ་ཞིག་གིས་དམངས་གཙོའི་རང་ལུགས་ལ་བརྩི་མཐོང་དང་གདེང་འཇོག་བླ་མེད་གནང་ཞིང་། གྲངས་ཉུང་མི་རིགས་སྲུང་ཞིང་སྐྱོབ་པའི་རྩ་དོན་ཞིག་ལྷང་ངེར་གསལ་ཡོང་བ་རེད། མདོ་དོན་བཤད་ན། དམངས་གཙོའི་ལམ་ལུགས་ཀྱིས་གྲངས་ཉུང་མི་རིགས་ལ་མགོན་སྐྱབས་མཛད་དགོས་པ་གསལ་བོར་མཚོན་ཡོད་པ་དེའོ།།
དེ་ལྟ་ནའང་དམངས་གནོད་དུས་རབས་ནས་བརྒྱུད་འོང་བའི་བཙན་པོས་གཉོམ་ཆུང་ཟ་བའི་ཁྲིམས་སྲོལ་དེ་ནི་རང་དབང་དང་རང་བཙན་གྱི་རེ་འདུན་ཞུ་བའི་གྲངས་ཉུང་མི་རིགས་ཚོར་སྡུག་བསྔལ་སྦྱིན་པའི་སྲིད་གཞུང་འབའ་ཞིག་ཡིན་ཞིང། ཁོ་ཚོས་རྒྱལ་སྤྱིའི་སྤྱི་ཚོགས་ཀྱི་དྲང་བདེན་དང་དོན་དངོས་ལ་ཁ་རྡུང་གཏོང་བ་དང་། བཀག་སྡོམ་བྱེད་པ་རེད། རྒྱལ་སྤྱིའི་ཁོར་ཡུག་ཁྲོད་ཀྱི་དམངས་གཙོའི་ལམ་ལུགས་ལ་ཡིད་ཆེས་མངའ་བའི་རྒྱལ་ཁབ་དག་གིས་མི་རིགས་ཀྱི་འགལ་བ་ཐག་གིས་གཅོད་པའི་སྐབས་སུ། མི་དམངས་ཀྱི་རང་དབང་རྩ་དོན་ལ་བརྩི་འཇོག་བླ་མེད་གནང་ལ། མི་དམངས་ཀྱི་མངོན་འདོད་ཉིད་གནད་དོན་འགངས་ཆེན་དུ་བརྩིས་ནས་གཏན་འབེབས་བྱས་པ་རེད། དེ་ལྟ་ནའང་སྒེར་གཅོད་སྲིད་གཞུང་ནི་དེ་ལས་ལྡོག་སྟེ། མི་དམངས་ཀྱི་སེམས་དོན་གཙིགས་སུ་གཟུང་རྒྱུ་ལྟ་ཅི། ད་དུང་དྲག་ཤུགས་སྤྱོད་པ་དང་། མཚོན་ཆ་བཀོལ་བ་སོགས་ཀྱི་དྲག་སྤྱོད་འདྲ་མིན་བྱ་བ་དེའོ།།
རྒྱ་ནག་ནི་མི་རིགས་ཆེས་མང་བའི་རྒྱལ་ཁབ་ཅིག་ཡིན་པར་མ་ཟད། མི་རིགས་ཀྱི་འགལ་བ་དེའང་རྒྱལ་ཁབ་གཞན་དག་དང་བསྡུར་ན་ཁབ་ལས་རྣོ་ཆེ་ཞིང་། མེ་ལས་དབལ་ཚ་བ་ཞིག་ཡིན། བོད་དང་། ཞཱིན་ཅང་། ཐེ་ཝན་བཅས་ཀྱི་གནད་དོན་ནི་རྒྱལ་སྤྱིའི་སྤྱི་ཚོགས་ཀྱི་གནད་དོན་ཞིག་ཏུ་གྲུབ་ཚར་བས། ད་ནི་གནད་དོན་ཆེན་པོའི་ངོར་གྲུབ་ཚར་བས་ཐག་གིས་གཅད་དཀའ་བའི་ཚད་དུ་ཡོད་དེ། མེ་འོབས་ཀྱི་སྟ་རེ་ལེན་པ་དང་འདྲའོ།། བདག་གི་བསམ་ཚུལ་འདི་ལྟ་སྟེ། གནད་དོན་འདི་ཐག་གིས་གཅད་པར་བྱ་བའི་ཐབས་ལམ་ཕུལ་དུ་བྱུང་བ་དེ་ནི། མི་དམངས་ཀྱི་སེམས་འདུན་ལ་ཞིབ་མོར་ཉན་ཞིང་། མཁྲེགས་བཟུང་གི་ལྟ་ཚུལ་ལས་ཕྱི་ནུར་བགྱིས་ཏེ་དམངས་གཙོའི་ལམ་ལུགས་ལ་བརྩི་འཇོག་དང་། ཞི་བདེའི་གྲོས་མོལ་བྱ་རྒྱུ་དེའོ།། ངོ་མཚར་བ་ཞིག་ལ། སྐམ་ས་ཆེན་མོའི་མི་དམངས་ལས་འགུལ་བ་ཁ་ཤས་ནི་མི་བུའི་རང་དབང་གི་གོ་དོན་ཅི་ཡང་རྙེད་མེད་པའི་སྐས་རིམ་གྱི་དམངས་གཙོ་བ་ཁ་ཤས་ཡིན་ཞིང་། གྲངས་ཉུང་མི་རིགས་དག་གིས་རྒྱ་ནག་ལ་མི་རིགས་རང་དབང་གི་སེམས་དོན་ཡར་ཞུའི་སྐབས་སུ་ཁོ་ཚོར་ཐེ་ཚོམ་སྤུ་ཙམ་ཡང་མེད་པར་རྒྱ་ནག་མི་རིགས་ཆེན་པོའི་རིང་ལུགས་ཀྱི་ཕྱོགས་སུ་ལང་བ་དེའོ།།
ཏཱ་ལའི་བླ་མའི་བོད་ལྗོངས་རང་སྐྱོང་གི་དགོངས་པ་ནི་རྒྱ་ཆེ་བ་མ་ཟད། གནས་ལུགས་དང་ལྡན་པ་ཞིག་དང་། དོན་དངོས་ཀྱི་སྟེང་ནས་ཀྱང་ཞི་བདེའི་ལམ་ནས་གྲོས་གླེང་བྱེད་པའི་ལྷག་བསམ་གཤའ་མ་དེ་མཚོན་ཡོད། ཐེ་ཝན་གསར་བའི་སྲིད་གཞུང་གིས་མི་དམངས་ཀྱི་སེམས་འདུན་ལག་ལེན་མ་བྱས་པ་ཡིན་ན། ལོ་རྒྱུས་ཀྱི་བདེན་པ་དང་གཏན་འབེབས་ཡོད་ཚད་ཀྱང་སྣེ་འཛིངས་ཅན་དུ་འགྱུར་བས། ཐེ་ཝན་མི་དམངས་ཀྱིས་རང་ཉིད་ཀྱི་རང་དབང་ལོངས་སྤྱོད་ཀྱི་དབང་ཚད་ཀྱང་འགག་སོང་བ་ཡིན་ནོ།།
༼༢༠༠༠ ལོའི་ཟླ༡༡ཚེས༢༤ལ་པེ་ཅིན་གྱི་རང་ཁྱིམ་དུ་བྲིས།༽
རྩོམ་ཡིག་འདི་རྩོམ་པ་བོ་ཁོང་ལ་ཞི་བདེ་གཟེངས་རྟགས་ཐོབ་པས་བཀྲ་ཤིས་མཚོན་བྱེད་དུ་བསྒྱུར་བའོ།།
སྒྱུར་རྩོམ་འདི་འདྲའི་རིགས་ཀྱིས་རྒྱ་རིགས་ཤེས་ཡོན་ཅན་དང་དྲང་བདེན་ལ་ཕྱོགས་པ་།མང་གཙོ་ལ་དགའ་མཁན་རྣམས་ཀྱི་བསམ་བློའི་ཁ་ཕྱོགས་རྟོགས་པར་ཕན་ཐོག་ཆེན་པོ་འདུག་པས་རྟ་ནག་ལགས་ལ་བཀའ་དྲིན་ཆེ་ཞུ་རྒྱུ་
རྒྱ་རིགས་ཞིག་གིས། “ཏཱ་ལའི་བླ་མའི་བོད་ལྗོངས་རང་སྐྱོང་གི་དགོངས་པ་ནི་རྒྱ་ཆེ་བ་མ་ཟད། གནས་ལུགས་དང་ལྡན་པ་ཞིག་དང་། དོན་དངོས་ཀྱི་སྟེང་ནས་ཀྱང་ཞི་བདེའི་ལམ་ནས་གྲོས་གླེང་བྱེད་པའི་ལྷག་བསམ་གཤའ་མ་དེ་མཚོན་ཡོད།”
བོད་རིགས་ཞིག་གིས། “ཏྰ་ལའི་བླ་མས་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་ “། ?
བརྒྱ་སྐྱོར་ཡོད་བགོད་སྤྲོ་བ་ཞིག་མ་རེད་དམ།
རྩོམ་ཡིག་འདི་བོད་བསྒྱུར་བྱས་པ་ལེགས།
རྒྱ་རིགས་ཞིག་གིས། “ཏཱ་ལའི་བླ་མའི་བོད་ལྗོངས་རང་སྐྱོང་གི་དགོངས་པ་ནི་རྒྱ་ཆེ་བ་མ་ཟད། གནས་ལུགས་དང་ལྡན་པ་ཞིག་དང་། དོན་དངོས་ཀྱི་སྟེང་ནས་ཀྱང་ཞི་བདེའི་ལམ་ནས་གྲོས་གླེང་བྱེད་པའི་ལྷག་བསམ་གཤའ་མ་དེ་མཚོན་ཡོད།”
བོད་རིགས་ཞིག་གིས། “ཏྰ་ལའི་བླ་མས་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་ “། ?
ཐུགས་རྗེ་ཆེ་ཧ་ཅང་ལེགས་པོ་བསྒྱུར་འདུག་་་་མུ་མཐུད་འདི་རིགས་བསྒྱུར་བར་འབད་རོགས།