རྒྱ་གར་གྱི་གདོད་མའི་ལུས་རྩལ་རྩ་རླུང་སྒོམ་སྒྲུབ་རྒྱུན་འཛིན་པ་སློབ་དཔོན་སི་ཝ་མི་རམ་ཌི་ཝཱ་མཆོག ཉིན་འདི་འགར་ཧི་མ་ཅཱལ་མངའ་ཁུལ་དུ་སྐོར་སྐྱོད་བྱེད་ཀྱིན་ཡོད་པའི་དུས་ཚོད་དང་བསྟུན་ཏེ། ངྷ་ས་ས་གནས་མགོ་འཛིན་གྱིས་གདན་ཞུ་གནང་བ་ལྟར། ཁ་སང་ཕྱི་ཚེས་ ༡༤ ཉིན་བཞུགས་སྒར་ཐེག་ཆེན་ཆོས་གླིང་གཙུག་ལག་ཁང་དུ་ཕེབས་ཡོད་ཅིང་། སྐབས་དེར་བཀའ་བློན་ཁྲི་པ་ཟམ་གདོང་རིན་པོ་ཆེ་མཆོག་དང་ཆོས་རིག་བཀའ་བློན་ཚེ་རིང་ཕུན་ཚོགས། དེ་བཞིན་བཞུགས་སྒར་ཁུལ་གྱི་སེར་སྐྱ་མི་དམངས་ལྷན་འཛོམས་ཐོག སྒོམ་སྒྲུབ་པ་སི་ཝ་མི་རམ་ཌི་ཝཱ་མཆོག་གིས། ༧གོང་ས་ཏཱ་ལའི་བླ་མ་མཆོག་གིས་འཚེ་མེད་ཞི་བའི་ལྟ་གྲུབ་ལ་བརྟེན་ཏེ། འཇིག་རྟེན་སྐྱེས་འགྲོ་ཡོངས་ཀྱི་འཕྲལ་དང་ཕུགས་ཀྱི་བདེ་རྩ་མ་ལུས་བསྒྲུབས་དང་སྒྲུབ་མུས་ཡིན་པ་མ་ཟད། ཁོང་གིས་རིན་ཐང་གཞལ་དུ་མེད་པའི་འཛམ་གླིང་སྤྱིའི་རིག་གནས་རྩ་ཆེན་ཞིག་སྲུང་འཛིན་གནང་ཡོད།
བྱེ་བྲག་གིས་བོད་མིའི་སྲོལ་རྒྱུན་རིག་གཞུང་བཟང་བོ་ཉམས་པ་སླར་གསོ་དང་། ཡང་སྒོས་གནའ་བོའི་རྒྱ་གར་བའི་ལྟ་གྲུབ་རྩ་ཆེན་པོ་ཞིག་འཛིན་སྐྱོང་སྤེལ་གསུམ་གནང་གིན་ཡོད་པ་འདི་བསྔགས་བརྗོད་ཞུ་དགོས་པ་ཞིག་ཆགས་ཡོད་པ་རེད། ཅེས་༧གོང་ས་མཆོག་ལ་བསྔགས་བརྗོད་དང་འབྲེལ། ཁོང་གིས་དུས་རྒྱུན་ལུས་སེམས་ཀྱི་ཉམས་ལེན་བྱེད་སྟངས་དང་རྩ་རླུང་སྒོམ་སྒྲུབ་ཀྱི་ཕན་ནུས་སོགས་ངོ་སྤྲོད་གནང་སོང་། མཇུག་ཏུ་ཆོས་རིག་བཀའ་བློན་མཆོག་གིས་སྒོམ་སྒྲུབ་པ་ཁོང་ཐེངས་འདིར་བཞུགས་སྒར་དུ་ཕེབས་པར་དགའ་བསུ་ཞུས་པ་དང་འབྲེལ་མཇུག་བསྡོམས་གསུངས་བཤད་གནང་ཡོད་ལ། བཀའ་ཁྲི་ཟམ་གདོང་རིན་པོ་ཆེ་མཆོག་གིས་སྟོན་པ་ཐུབ་པའི་དབང་བོའི་སྐུ་བརྙན་ཞིག་འདེགས་འབུལ་ཞུས་སོང་།
ད་བོད་མི་ཚོས་རྩ་རླུང་སྒོམ་སྒྲུབ་ལ་དོ་སྣང་ཞེ་བོ་གཅིག་བྱེད་ཀྱི་འདུག
བོད་མི་རིགས་ནི་ཨང་གསར་ཚ་བོ་ཞེ་བོ་གཅིག་ཡོད།
སྔོན་མ་བོད་ཀྱི་རྒྱལ་བློན་བླ་མ་དེ་ཚོས་འདི་འདྲ་རང་བྱས་ཡོད།
ད་ག་བ་འགྲོ་གི་ཡོད་མེད་མི་ཤེས།
འགའ་ཞིག་ནི་ཡི་ཤུ།
འགའ་ཞིག་ནི་ཁ་ཆེ།
འགའ་ཞིག་ནི་ཧིན་དྷུ།
འགའ་ཞིག་ནི་ཆོས་མེད།
དེ་ནས་གཏད་སོ་གང་ཡང་མེད་མཁན་ཞིག་ཏུ་སླེབ་ངེས་རེད་འདུག
བོད་ཀྱི་རྩོམ་པ་པོ་གྲགས་ཅན་སྐུ་ཞབས་ཞོགས་དུང་ལགས་བཙོན་གྲོལ་བྱས་ནས་རང་ཁྱིམ་དུ་ཕེབས་འདུག་པའི་གནས་ཚུལ་འདུག གནས་ཚུལ་འདི་ན་ཡོད།
http://www.rangwang.net/?essayId=923