ཉིས་སྟོང་ལོར་བོད་མིའི་ཆབ་སྲིད་ཀྱི་མགོ་ཁྲིད་མི་མང་གིས་ཐད་ཀར་འོས་འདེམས་བྱས་པ་ནས་བཟུང༌། ངོས་ནས་བོད་ཀྱི་གནད་དོན་ཐད་ཕྱེད་བགྲེས་ཡོལ་གྱི་གནས་བབ་ཐོག་བསྡད་པ་ཡིན། ད་ཆ་ངོས་རང་བགྲེས་ཡོལ་ཆ་ཚང་བྱ་རྒྱུར་རེ་བ་བྱེད་ཀྱི་ཡོད། ཅེས་༧གོང་ས་མཆོག་གིས་གསུངས་ཡོད།
ཉིན་འདི་འགར་༧གོང་ས་མཆོག་གི་ཨ་རུ་ཁུལ་དུ་ཆིབས་སྒྱུར་སྐྱོང་བཞིན་ཡོད་པ་ལྟར། ཕྱི་ཚེས་ ༡༢ ཉིན་བྱང་ཁ་ལེ་ཧྤོ་ནི་ཡའི་བོད་རིགས་སྤྱི་མཐུན་ཚོགས་པའི་མགོ་ཁྲིད་རྣམ་པ་དང་ས་གནས་མི་མང་གི་ཕེབས་བསུའི་ཁྲོད་སེན་རྗོ་སིའི་ཚོམས་ཁང་དུ་ཆིབས་བསྒྱུར་བསྐྱངས་ཏེ། ཚོགས་གཙོ་སྐལ་རྡོ་ཨོ་དཀར་ཚང་གིས་ལས་བསྡོམས་སྙིང་བསྡུས་སྙན་སྒྲོན་དང་སྦྲགས། སྤྱི་མཐུན་ཚོགས་པའི་ཁོངས་སུ་བོད་མི་ ༢༠༠༠ ཙམ་ཡོད་པ་དང༌། སྤྱི་ཁང་ཞིག་ཀྱང་བསྐྲུན་འཆར་ཡོད་སྟབས། མ་འོངས་པར་སྤྱི་ཁང་གསར་པར་རབ་གནས་གནང་སྐྱོང་ཡོང་བའི་གསོལ་འདེབས་ཡང་ཞུས་སོང༌། ༧གོང་ས་མཆོག་གིས་དེར་ཡོད་བོད་རིགས་དང་ཧི་མ་ལ་ཡའི་རི་རྒྱུད་ཀྱི་མི་མང་ལ་མཇལ་ཁ་གནང་ཞིང༌། སྐབས་དེར་ཁོང་གིས། བོད་པའི་ཐུན་མོང་མ་ཡིན་པའི་ཕ་མེས་ནས་ཡོད་པའི་རིག་གཞུང་ཕྱུག་པོ་དེ་སྒྲིག་གཤོམ་བྱེད་རྒྱུ་དང༌། ཕྱག་མཆོད་འབུལ་བྱེད་ཡུལ་ཙམ་དུ་མ་སོང་བར་ངེས་པར་དུ་སྦྱང་ནས་ཤེས་པ་བྱ་དགོས་པ་དང༌། བཀའ་བསྟན་འགྱུར་དེ་ཚོ་སློབ་དེབ་ལྟ་བུར་རྩིས་ནས་སློབ་སྦྱོང་བྱ་དགོས། བཀའ་འགྱུར་དང་བསྟན་འགྱུར་གྱི་པོ་ཏི་སློབ་སྦྱོང་བྱ་རྒྱུ་དེ་རབ་བྱུང་གཅིག་པུ་མ་གཏོགས་ཁྱིམ་པས་སློབ་སྦྱོང་བྱ་མི་ཆོག་པ་དེ་འདྲ་མ་རེད། ལོ་རྒྱུས་ལ་བལྟས་ན་ཁྱིམ་པའི་ཁྲོད་དུའང་ཁྱིམ་པ་པཎྜི་ཏ་བྱུང་ཡོད། ཅེས་བཀའ་གནང་ཡོད།
ཡང་ཁོང་གིས། སངས་རྒྱས་ཀྱི་ཆོས་དང་ཕ་མེས་ཀྱི་རིག་གཞུང་སློབ་རྒྱུ་དེ་དེང་དུས་ཀྱི་ཤེས་ཡོན་སློབ་པར་མེད་དུ་མི་རུང་བའི་ཆ་རྐྱེན་ཞིག་ཆགས་ཡོད། སྐུ་མདུན་གོང་མའི་སྐབས་སུ་དེང་དུས་ཀྱི་ཤེས་ཡོན་སློབ་སྦྱོང་བྱ་རྒྱུ་གལ་ཆེན་དུ་གཟིགས་ཏེ། བོད་པའི་སློབ་ཕྲུག་དབྱིན་ཡུལ་ལ་སློབ་སྦྱོང་དུ་གཏོང་རྒྱུའི་དགོངས་བཞེས་གནང་འདུག་ཀྱང༌། མཇུག་འཁྱོལ་ཐུབ་པ་ཞིག་མ་བྱུང་བ་ནི་འཐུས་ཤོར་རེད། དེར་བརྟེན་དེང་དུས་ཀྱི་ཤེས་ཡོན་སྦྱང་བརྩོན་ལ་དོ་སྣང་བྱས་ཏེ་རིགས་གཅིག་རྐང་འཛིན་པ་ཆགས་ཐུབ་པ་བྱ་རྒྱུ་ཧ་ཅང་གལ་ཆེན་པོ་རེད་ཅེས་གསུངས་ཡོད། དེ་བཞིན་ཁོང་ལ་དེང་སང་བོད་པའི་བཟང་སྤྱོད་ཉམས་འགྲོ་གི་མེད་དམ་སྙམ་པ་དེ་འདྲའི་ཚོར་སྣང་ཡོང་གི་ཡོད་སྟབས། མ་འོངས་པར་བོད་པ་ཚོས་དེའི་ཐད་དོགས་ཟོན་བྱ་དགོས་པ་དང༌། བོད་མི་རེ་ཟུང་གིས་སོ་སོའི་སྒེར་དོན་གྱི་ཆེད་དུ་མགོ་བདེ་པོ་དང་སྐྱག་རྫུན་བཤད་པ་ལ་བརྟེན་ནས་བོད་སྤྱི་བའི་མཚན་སྙན་ལ་གནོད་པའི་གནས་ཚུལ་ཡོང་གི་ཡོད་པ་དེ་དག་སླར་མི་འབྱུང་བ་བྱ་དགོས་པའི་བཀའ་ནན་བསྩལ་སོང༌།
ཉིན་དེའི་ཉིན་རྒྱབ་རྒྱུད་སྟོད་གསང་སྔགས་ཆོས་ཚོགས་ཀྱིས་ྋགོང་ས་མཆོག་ལ་བོད་དགོན་གསར་སྐྲུན་གྱི་ལས་འཆར་སྙན་སྒྲོན་ཞུས་ཡོད་ཅིང༌། སྐབས་དེར་༧གོང་ས་མཆོག་གིས། རྒྱ་གཞུང་གིས་བོད་ནང་གི་དགོན་སྡེ་ ༦༠༠༠ ལྷག་ཙམ་གཏོར་བཤིག་ཚབས་ཆེན་བཏང་ཡོད་ཀྱང༌། འདིར་རྒྱུད་སྟོད་ཆོས་ཚོགས་ཚུགས་ཐུབ་པ་ནི་གལ་ཆེན་པོ་ཡིན་ཞེས་དང༌། དངོས་གནས་ནང་ཆོས་སྦྱོང་སའི་བསྟི་གནས་ནི་བོད་ཀྱི་ཕྱི་ལོག་ལ་ཆགས་ཡོད། བཙན་བྱོལ་ནང་ཡོད་པའི་བོད་པའི་དགོན་སྡེ་གྲྭ་ཚང་ཁག་གི་ནང་དགེ་འདུན་པ་ ༡༠༠༠༠ ཙམ་དང༌། བཙུན་མ་ ༣༠༠༠ ཙམ་གྱིས་ནང་ཆོས་སློབ་གཉེར་བྱེད་ཀྱི་ཡོད་སྐོར་དང༌། རྒྱུད་སྟོད་ཆོས་ཚོགས་ཀྱིས་བོད་དགོན་གསར་སྐྲུན་གྱི་ལས་འཆར་དེ་ཡང་ནང་ཆོས་སློབ་སྦྱོང་བྱེད་ས་གཅིག་པུ་མ་ཡིན་པར་ལྟ་གྲུབ་འདྲ་མིན་བར་གོ་བསྡུར་བྱ་ས་དང༌། ནང་པ་དང་ཚན་རིག་པའི་བར་ལ་གོ་བསྡུར་སྦྱང་བཤད་བྱ་ཡུལ་ཞིག་ཏུ་འགྱུར་ཐུབ་པ་བྱ་དགོས་པའི་མངགས་བཀོལ་ཡང་གནང་སོང༌།
༧གོང་ས་མཆོག་གིས་གསར་འགོད་པ་ཚོར་བཀའ་གནང་དོན། ད་ཆ་བགྲེས་ཡོལ་ཆ་ཚང་བྱེད་རྒྱུའི་རེ་བ་བྱེད་ཀྱིན་ཡོད་སྐོར་བཀའ་གནང་དོན། ངོས་རང་གང་དུ་ཕྱིན་ཡང་རྩ་བའི་དམ་བཅའ་གསུམ་ཡོད། ཡིན་ན་ཡང་ཕྱི་ལོ་ ༢༠༠༠ ལོར་བོད་མིའི་ཆབ་སྲིད་ཀྱི་མགོ་ཁྲིད་མི་མང་ནས་ཐད་ཀར་འོས་འདེམས་བྱེད་ཀྱི་ཡོད་སྟབས། ང་རང་གི་དམ་བཅའ་གསུམ་པ་སྟེ། བོད་ཀྱི་གནད་དོན་གྱི་ཐད་ལ་གང་ཉིད་ནི་ཕྱེད་བགྲེས་ཡོལ་གྱི་གནས་བབ་ཏུ་ཡོད་ཅིང༌། ད་ཆ་རྦད་དེ་བགྲེས་ཡོལ་ཆ་ཚང་བྱ་རྒྱུར་རེ་བ་གནང་གི་ཡོད། ཅེས་དང༌། དེ་བཞིན་ཁོང་གིས། ལིག་ཞོ་པའོ་ཡིས་ ༢༠༠༨ གྱི་རྩ་འཛིན་ཡིག་ཆའི་སྐོར་གནས་ཚུལ་ཐོན་སྐབས་ནས་རྒྱབ་སྐྱོར་བྱས་ཡོད་པར་མ་ཟད། ནོ་བེལ་ཞི་བདེའི་གཟེངས་རྟགས་བཞེས་མཁན་རྣམས་དང་མཉམ་དུ་ཁོང་ལ་ཞི་བདེའི་གཟེངས་རྟགས་ཕུལ་དགོས་པའི་རྒྱབ་སྐྱོར་གྱི་མཚན་རྟགས་ཀྱང་བཀོད་ཡོད་ཚུལ་སོགས་གསར་འགོད་པར་ལན་འདེབས་གནང་ཡོད་པར་མ་ཟད། དེར་ཡོད་གསར་འགོད་པ་རྣམས་ལ་འགྲོ་བ་མིའི་བཟང་པོའི་ཡོན་ཏན་དང་ཆོས་ལུགས་འཆམ་མཐུན་གོང་སྤེལ་གྱི་ཐད་ལ་སྐུད་འདེད་ཀྱི་ནུས་པ་དང་འབོད་སྐུལ་གནང་ཡོད་པ་རེད།
ཕྱི་ཚེས་ ༡༣ ཉིན་ྋགོང་ས་མཆོག་དགེ་ལྡན་ཆོས་གླིང་ཆོས་ཚོགས་ཀྱིས་གསོལ་འདེབས་གནང་བ་ལྟར། སེན་རྗོ་སི་གཙུག་ལག་སློབ་གཉེར་ཁང་དུ་ཆིབས་བསྒྱུར་གནང་སྟེ། དེར་ཡོད་མི་མང་ ༥༠༠༠ ཙམ་ལ་ནང་ཆོས་དར་སྤེལ་གྱི་ལོ་རྒྱུས་དང་ངོ་སྤྲོད་དང་གནང་རྗེས་འོད་དཔག་མེད་ཀྱི་རྗེས་གནང་བསྩལ་ཡོད་ལ། ཉིན་རྒྱབ་དུ་རཱ་ཝུན་སི་ཝོར་ཌི་ཞེས་པའི་སློབ་ཕྲུག་ ༣༠༠ ཙམ་ལ་མཇལ་ཁ་དང་བཀའ་སློབ་གནང་བར་མ་ཟད། སློབ་ཕྲུག་ཚོ་དང་མཉམ་དུ་དྲི་བ་དྲི་ལན་གནང་ཡོད་པ་དང༌། དེར་ཡོད་རཱོ་ནལ་མེལ་ཁེལ་ཌོ་ནལ་ཞེས་པའི་ནད་གཞི་ཅན་གྱི་ཕྲུ་གུ་ལྟ་སྐྱོང་ཚོགས་པར་ཆིབས་བསྒྱུར་གྱིས་ཕྲུ་གུ་རྣམས་ལ་མཇལ་ཁ་གནང་བར་མ་ཟད། བོད་ཀྱི་གསོ་བ་རིག་པའི་སྨན་པ་བསྟེན་དགོས་པ་དང༌། མ་འོངས་བོད་སྨན་གྱི་ཐོག་ནས་སྨན་བཅོས་བྱ་དགོས་བྱུང་ཚེ་ཁོང་ཉིད་ནས་སྐུ་ཚབ་དོན་གཅོད་བརྒྱུད་བོད་པའི་སྨན་པ་གཏོང་རྒྱུའི་གོ་སྒྲིག་ཞུ་ཆོག་ཅེས་བཀའ་སློབ་གནང་ཡོད་པ་རེད། ཐེངས་འདིར་ྋགོང་ས་མཆོག་ཕེབས་པའི་ནད་གཞི་ཅན་གྱི་བྱིས་པ་ལྟ་སྐྱོང་ཁང་དེའི་ནང་བོད་པའི་ཕྲུ་གུ་གཉིས་ལྷག་ཡོད་འདུག
གསར་འགོད་པ། དོན་གོ
![The Dalai Lama offers blessings to his followers at his Himalayan residence in the northern hill town of Dharamshala, India, on December 20, 2024 [Priyanshu Singh/Reuters]](https://tibettimes.net/wp-content/uploads/2025/05/Screen-Shot-2025-05-09-at-3.37.35-PM-360x180.png)
བོད་མི་ལག་དམར་བ་ཞིག་གིས་ལག་ལ། ༧སྐུའི་སྐུ་སྲོག་བཞག་ནས་ཕེབས། མི་དགོས་དོན་གཙོ་བོར་གནང་པ་མིན་འགྲོ ང་དང་འདྲ་བའི་དྭོགས་གནད་ཡོད་ན་སོམས་ཤིག
འདི་ནི་སྐད་ཆ་སྙན་པོ་ཞིག་ཁྱོན་ནས་མ་རེད་ཡ།
ད་ནི་གོང་ས་མཆོག་བགྲེས་ཡོལ་ཆ་ཚང་བཞུགས་གི་ཡིན་གསུངས་ན་ཡང་མི་ཚོར་ཁ་རོག་གེར་སྡོད་འདུག་པ་ཅི་རེད།
གསར་འགོད་པ་ལགས། ༼ལྟ་སྐྱོང་ཁང་དེའི་ནང་དུ་བོད་པའི་ཕྲུ་གུ་གཉིས་ལྷག་ཡོད་འདུག༽ ཅེས་པ་འདི་ལ་གོ་བ་ལེན་སྟངས་གང་འདྲ་རེད། བོད་པའི་ཕྲུ་གུ་གཉིས་ལུས་ཡོད་འདུག་ཅེས་གོ་དགོས་པ་རེད་དམ་ཡང་ན་བོད་པའི་ཕྲུ་གུ་གཉིས་དང་ཕྱེད་ཀ་ཡོད་པའི་དོན་རེད།
དྲྭ་བདག་ལགས། དགུ་བཅུ་གསུམ་ལས་འགུལ་ཚོགས་པའི་ཚོགས་གཞོན་གསར་པ་ཀླུ་མཁར་བྱམས་ཀྱི་བཏབ་པའི་འཆན་བུ་བསུབ་སོང་། མི་ངན་དེ་འགེབས་སྲུང་བྱེད་དགོས་དོན་ཅི་ཡིན་ནམ། ངེས་པར་དུ་གསལ་བཤད་གནང་རགས།
ཁོ་པའི་འཆན་བུ་དཔར་བཤུས་ཀྱི་ཉར་ཡོད། དགོས་གལ་བྱུང་ཚེ་དྲྭ་ལམ་གཞན་ནས་ཁྱབ་བསྒྲགས་བྱེད་ངེས་ཡིན།
༸ གོང་ས་མཆོག་གང་དུ་ཞབས་སོར་འཁོད་ཀྱང་དེ་རུ་འཛམ་གླིང་འགྲོ་བ་མིའི་རིགས་ཀྱི་བྱམས་བརྩེ་དང་། ཞི་བདེ། འཚེ་བ་མེད་པའི་ལྟ་གྲུབ། བདེ་སྐྱིད་བཅས་འགྲོ་བ་མིའི་རིགས་ཀྱི་བྱམས་བརྩེའི་ས་བོན་འདེབས་བཞིན་ཡོད།
༸ གོང་ས་མཆོག་གང་དུ་བཀའ་དྲིན་ཆིབས་སྒྱུར་བསྐྱངས་ནའང་དེ་རུ་འཛམ་གླིང་ཆོས་ལུགས་ཀྱི་མཛའ་བརྩེ་དང་། ཆེ་མཐོང་། མཐུནསྒྲིལ། འགྲོ་བ་མིའི་རིགས་ཀྱི་སེམས་ཀྱི་ཞི་བདེའི་ས་བོན་འདེབས་བཞིན་ཡོད།
༸ གོང་ས་མཆོག་གང་དུ་ཞབས་ཀྱིས་བཅག་ན་དེ་རུ་བོད་བརྒྱུད་ནང་བསྟན་དང་། བོད་ཀྱི་ཆབ་སྲིད། བོད་ཀྱི་རིག་གཞུང་། བོད་ཀྱི་གཟི་བརྗིད། བོད་མིའི་སྤྱི་ཚོགས། བོད་ཀྱི་སྐད་ཡིག བོད་མིའི་ལ་རྒྱ། བོད་མིའི་ཡ་རབས། བོད་མིའི་གཤིས་སྤྱོད་སོགས་ཀྱི་ས་བོན་གོང་ནས་གོང་ཐོར་འདེབས་བཞིན་ཡོད།
དེའི་ཕྱིར་༸ གོང་ས་སྐྱབས་མགོན་ཆེན་པོ་གང་ཉིད་བགྲེལ་ཡོལ་ཆ་ཚང་དུ་ཕེབས་ཐུབ་རྒྱུའི་དུས་བབ་གཅིག་ལ་སླེབས་བཞིན་ཡོད་པ་དེས་བོད་མི་རིགས་ཀྱི་གནད་དོན་འདི་རང་བཞིན་རང་ཡལ་དུ་འགྲོ་རྒྱུའི་ཚབ་ལས་མ་འོངས་པའི་མི་རབས་གསར་པ་ཚོས་སྲི་ཞུའི་ལས་དོན་གང་སར་ཞུམ་མེད་སྙིང་སྟོབས་ཀྱིས་འགན་འཁུར་ཐུབ་པའི་ཚད་རྟགས་གཅིག་སྟོན་བཞིན་ཡོད་སྟབས་ང་ཚོས་བོད་མི་རིགས་འདི་
༸ ཀུན་གཟིགས་པཎ་ཆེན་རིན་པོ་ཆེའི་དམ་པའི་ཐུགས་དགོངས་ལྟར་ལས་ལ་བརྩོན་བཞིན་དཔའ་ངར་ལྡན་པའི་བོད་མི་རིགས་ཀྱི་སྤོབས་པ་གཅིག་ད་ཆ་འཛམ་གླིང་གང་སར་གྲགས་བཞིན་ཡོད་སྟབས་ངོ་མ་དགའ་འོས་པའི་གཏམ་བཟང་གཅིག་ཡིན།
༸ རྒྱལ་བའི་སྐུ་ལས་བརྗིད་པ་མེད། །༸ རྒྱལ་བའི་གསུང་ལས་སྙན་པ་མེད།།
༸ རྒྱལ་བའི་ཐུགས་ལས་ཟབ་པ་མེད། །གསང་གསུམ་མཛད་འཕྲིན་རྒྱས་གྱུར་ཅིག །
ད་ནི་༧གོང་ས་མཆོག་གིས་ཡོངས་སུ་སྐུ་ངལ་གསོས་སོང་། ཆོས་སྲིད་གཉིས་ཀྱི་འགན་དེ་མཚམས་འཇོག་བྱས་སོང་།
ཁོང་གིས་ད་བར། ” ང་ལ་ལས་འགན་ཆེན་པོ་གསུམ་ཡོད། དང་པོ། འགྲོ་བ་མིའི་རིན་ཐང་གོང་མཐོར་གཏོང་རྒྱུ་དང་། གཉིས་པ། འཛམ་གླིང་གི་ཆོས་ལུགས་འཆམ་མཐུན། གསུམ་པ། བོད་པའི་བདེན་མཐའ་གསལ་ཐབས་བཅས་ཡིན” ཅེས་གསུང་བཞིན་ཡོད།
འོན་ཀྱང་། ཉེ་ཆར་ཞིག་ནས་ཁོང་གིས། ད་ནི་ང་རང་གིས་བགྲས་ཡོལ་ཆ་ཚང་ཞིག་གི་ཐོག་ལ་བསམ་བློ་གཏོང་གི་ཡོད་གསུངས་ཡོད་ཅིང་། ཐེངས་འདིར་ཁ་གསལ་བོའི་ཐོག་ནས་ང་རང་གི་ལས་འགན་གསུམ་པ་མཚམས་འཇོག་བྱ་རྒྱུ་ཡིན་གསུངས་པ་དེ། མཐར་གཏུག་ན་བོད་དོན་མཚམས་འཇོག་བྱ་རྒྱུ་ཡིན་གསུངས་པ་དེ་རེད།་