སློབ་ཕྲུག་གི་འོས་ལངས།

ནུས་ལྡན་ལས་འགུལ་དེ་འདི་ནས་ཚོགས་ཁག་གི་ཆབ་སྲིད་ཀྱི་ངོ་བོར་མི་འཁྲིད་རྒྱུའི་རེ་སྐུལ་ཞུ།

ཨ་མའི་བུ་འདི་དག་ལ་སྙིང་ནས་དད་གུས་ཞུ། ད་ནི་དབུས་ཁམས་གཉིས་ཀྱི་སློབ་ཕྲུག་ཚོས་འདི་ལྟར་བྱེད་ཐུབ་ན་ཅི་མ་རུང་། རེབ་ཀོང་འདི་ཁ་བྲོ་བ་ཞིག་ཡོད། སྔོན་མ་ས་བྱི་ཞི་རྒོལ་ཆེན་མོའི་མེ་ལྕེ་ཐོག་མ་དེ་རེབ་ཀོང་ལས་མཆེད་ནས་མདོ་དབུས་ཁམས་གསུམ་དུ་ཁྱབ་སོང་། ད་ལན་ཡང་སློབ་ཕྲུག་འོས་ལངས་ཆེན་མོའི་མེ་ལྕེ་འདི་རེབ་ཀོང་ལས་མཆེད་ནས་མདོ་དབུས་ཁམས་གསུམ་དུ་མཆེད་པར་སྨོན།

ཁ་ཡོད་ལག་ཡོད་ཀྱི་ལས་འགུལ་གནད་ལ་ཕོག་པ་རེད།

རེབ་ཀོང་བས་འོས་ལངས་ཀྱི་དབུ་སྣེ་འདི་རྒྱ་མཚོའི་རྦ་རླབས་བཞིན་འཕྱུར་ཏེ་བོད་ཡུལ་ཡོང་ལ་ཁྱབ་པར་ཤོག

དེའང་རྒྱ་ནག་གཞུང་གི་རྩ་ཁྲིམས་ནང་དུ་དམངས་གཙོའི་ལམ་ནས་ཁྲིམས་ལུགས་ཀྱིས་མི་རིགས་ས་ཁོངས་རང་སྐྱོང་དབང་སྒྱུར་བྱེད་པ་དང་། མི་རིགས་ཚང་མ་འདྲ་མཉམ་དང་། ཆོས་ལུགས་དད་མོས་རང་དབང་དང་། མི་རིགས་ཀྱི་སྐད་ཡིག་རང་དབང་དུ་བེད་སྤྱོད་བྱེད་པ་སོགས་ཀྱི་ཁེ་དབང་མི་རིགས་ཚང་མར་འདྲ་མཉམ་དུ་ཡོད་པར་འཛམ་གླིང་ཡོངས་སུ་ཁྱབ་སྤེལ་བྱས་ཡོད་ནའང་དོན་དངོས་སུ་འགྲོ་བ་མིའི་རིགས་ལ་ལྷན་སྐྱེས་སུ་གྲུབ་པའི་རང་དབང་གི་ཐོབ་ཐང་ལོངས་སུ་སྤྱོད་པའི་གོ་སྐབས་ནི་རི་བོང་གི་རྭའི་སྤུན་ཟླར་གྱུར་ཡོད་པ་ནི་ད་ཐེངས་ཀྱི་མདོ་སྨད་རེབ་གོང་ས་ཁུལ་གྱི་ན་གཞོན་སློབ་ཕྲུག་མང་པོའི་སེམས་གཏིང་གི་རྨ་ཁ་ལས་ཕྱིར་མངོན་པའི་ཞི་བའི་སྐད་འབོད་འདིས་གསལ་བར་རྟོགས་ཤིང་། དེ་ནི་དེང་རབས་སྤྱི་ཚོགས་གསར་བའི་ནང་དུ་རྒྱ་ནག་གིས་གྲངས་ཉུང་མི་རིགས་རྣམས་ལ་གཉའ་གནོན་དང་། གདུག་རྩུབ། བཙན་འཛུལ་གཏོང་བཞིན་པའི་འཆིང་རྒྱ་ལས་གྲོལ་ཏེ་དུས་རབས་ཀྱིས་སྤྲད་པའི་སྐབས་སུ་བབ་པའི་ལས་འགན་ལྗིད་མོ་ཕྲག་ཏུ་བཞེས་ནས་རང་རེའི་མི་རིགས་ཀྱི་རིག་གཞུང་སྲུང་སྐྱོབ་བྱེད་པའི་མདུན་སྐྱོད་ཀྱི་གོམ་པ་དང་པོ་དེ་སྣེ་ཁྲིད་བྱེད་པའི་དེད་དཔོན་དུ་འགྱུར་པར་འོས་སོ། །

དེ་རིང་ཆབ་ཆ་ནས་སློབ་མ་ཁྲི་ལྷག་ཅིག་གིས་ཞི་བས་ངོ་རྒོལ་བྱས་ཏེ་སྲིད་གཞུང་ལ་མི་རིགས་འདྲ་མཉམ་དང་ཐོབ་ཐང། སྐད་ཡིག་ལ་རང་དབང་དགོས་པའི་དགོས་འདུན་བཏོན་འདུག་ཟེར། དེ་བཞིན་དུ་རྩི་གོ་ཐང་རྫོང་གི་སློབ་མ་རྣམས་ཀྱིས་ཀྱང་ཞི་བའི་རྔམ་སྟོན་ཁྲོམ་སྐོར་གྱི་དེ་ལྟར་དགོས་འདུན་བཏོན་འདུག་ཟེར། དེ་མིན་ཟི་ལིང་གི་སློབ་གྲྭ་ཆེན་མོའི་སློབ་མ་རྣམས་དང་ལྷ་ས་ནས་ཀྱང་དེ་ལྟར་ལངས་ཡོད་པའི་གནས་ཚུལ་ཞིག་འདུག་པས་རྒྱུས་ཡོད་རྣམས་ཀྱིས་འབྲེལ་བ་བྱས་ཏེ་གནས་ཚུལ་དུས་ཐོག་སྤེལ་རྒྱུ་ཁ་ཚ་དགོས་གཏུགས་ཀྱི་ལས་དོན་ཞིག་ཡིན་ལ། དེ་བཞིན་དུ་རྒྱལ་སྤྱི་སྒང་དུ་ཁྱབ་བསྒྲགས་དང་རེ་སྐུལ་བྱེད་རྒྱུ་ནི་གལ་ཆེ།

སློབ་ལྭ་གྱོན་པའི་ན་ཆུང་གཞོན་ནུ་འདི་ཚོའི་རང་གི་མི་རིགས་དང་སྐད་ཡིག་ལ་དུང་ཞེན་དང་། ལ་རྒྱའི་མགོ་བོ་གྱེན་ཏུ་བཏེགས་ནས་རླབས་ཆེན་གྱི་བྱ་གཞག་འདི་འདྲ་སྤེལ་བ་ནི་དངོས་གནས་ཡིད་མགུ་ཞིང་། ཁོང་ཚོའི་སྙིང་སྟོབས་དང་ཆོད་སེམས་ལ་ང་ཚོའི་གུས་བཀུར་ཞུ།

་ལྟའི་བོད་ནང་གི་སློབ་འབྲིང་སློབ་མའི་ལོ་ཚོད་དམ་ན་ཚོད་ཀྱི་ཆ་ནས་བཤད་ན་བཙན་བྱོལ་གྱི་འཛིན་གྲྭ་བརྒྱད་པ་དང་དགུ་བར་འགྲོ་བཞིན་པའི་སློབ་མ་ཚོ་དང་ཤིན་ཏུ་ན་མཉམ་ཟེར་ན་མི་ཆོག་པ་མེད། ཁོ་ཚོ་མང་ཆེ་ཤོས་ནི་ལོ་བཅུ་གསུམ་ནས་བཅོ་བརྒྱད་བར་གྱི་ན་ཚོད་ཅན་རྐྱང་རྐྱང་ཡིན་པ་མ་ཟད། ཕ་མ་དང་ཡུན་རུང་ཁ་བྲལ་མ་མྱངས་པའི་སྤྱིར་བཏང་གི་བྱིས་པ་པྲ་ཚག་ཚོ་དང་ཤིན་ཏུ་མཚུངས་ཆོག་ཆོག་ཡིན།
ཡིན་ཡང་བློ་ངོར་མི་ཤོང་བ་ཞིག་ནི། ཁོ་བ་ཚོ་ནི་འདུ་ཤེས་དང་ཡོ་ལང་གསར་བ་ཞིག་གི་དར་ཆ་སྒྲེང་མཁན་དུ་འགྲེང་ཞིང་། བཙན་པོར་གཉའ་མི་སྒུར་བར་མི་རིགས་ཀྱི་ལས་དབང་ལ་ཀི་རིང་འདེབ་ཕོད་པའི་གཞོན་ནུ་གསོན་ཤུགས་ཀྱིས་བཏེགས་པ་རྐྱང་རྐྱང་དུ་གྱུར་འདུག་པ་མ་ཟད། ད་ལོ་ཡང་རྨ་ཆུའི་སློབ་འབྲིང་ནས་སྣེ་ཁྲིད་དེ་བསང་ཆུ་དང་ཀན་ལྷོ།་ཞོན་ཧ། རེབ་གོང་སོགས་བོད་ཁུལ་ཀྱི་བོད་རིགས་སློབ་འབྲིང་གང་མང་ཞིག་གི་སློབ་མ་ཚོའི་སྤོབས་པ་དང་སྙིང་སྟོབས་ཀྱིས་བསྒུལ་ཞིང་ལོ་རྒྱུས་ཀྱིས་བརྗེད་མི་སྲིད་པའི་ལས་འགུལ་མི་ཉུང་བ་ཞིག་སྤེལ་བ་འདིས་ནི། ང་ཚོར་རང་བཞིན་གྱིས་བསམ་གཞིགས་གསར་བ་ཞིག་གི་རྒྱགས་ཕྱེ་གསར་བ་ཞིག་སྤྲོད་ཀྱིན་ཡོད་པ་མ་ཡིན་ནམ།

འདི་ནི་ཆེས་རླབས་ཆེ་བའི་ལས་འགུལ་ཞིག་ཡིན་པ་དང་། འདིས་ནི་བོད་ཀྱི་མི་རབས་གསར་བའི་སེམས་ཤུགས་དང་སྙིང་སྟོབས་སོགས་ཡུག་གཅིག་ཏུ་མཚོན་པར་བྱས་འདུག འདི་དག་གི་རྗེས་སུ་སློབ་མ་སྙིང་རྗེ་བོ་ཁ་ཤས་ལ་མནར་གཅོད་ཚད་མེད་གཏོང་རྒྱུར་སྒུག་བསྡད་ཡོད་པར་བསམ་ན་ངོ་མ་ཤ་འདར་ཞིང་སྙིང་ཚ་གི་འདུག

བོད་མི་རིགས་ཀྱི་རིག་གཞུང་རང་སྲོག་ལས་གཅེས་པའི་སློབ་ཕྲུག་ཚོའི་བསམ་དོན་བཞིན་འགྲུབ་པའི་རེ་བ་དང་བོད་ཕྱི་ནང་གཉིས་ཀྱིས་ཐོབ་ཐང་འདིའི་ཐོག་ཆབ་སྲིད་ཀྱི་ཟློས་གར་དང་བྲལ་བའི་ཐོག་རྒྱབ་སྐྱོར་ཤུགས་ཆེ་གནང་རོགས་གནང་།
མ་གཞི་བོད་མིའི་ཆོས་དང་རིག་གཞུང་ཁོར་ཡུག། མདོར་ན་སྣོད་བཅུད་གཉིས་རྩ་མེད་གཏོང་བའི་མགྱོག་ཤུགས་ཇེ་ཆེར་འགྲོ་བཞིན་པའི་ཐོག་ང་ཚོས་ངེས་པར་དུ་ཞི་བའི་གྲོས་མོལ་བྱེད་རྒྱུ་ལས་ཕར་ག་ཚོད་ཀྱག་ཀྱག་བྱས་ན་ཚུར་ཀྱག་ཀྱག་བྱེད་རྒྱུ་ཡིན་པ་མིག་མཐོང་རེད། དེ་རྗེས་གྱོང་ང་ཚོར་རག་གི་འདུག། དཔེར་ན་ཨོ་ལིམ་པིཀ་རྩེད་འགྲན་སྐབས་ང་ཚོས་གང་ལ་གང་འཚམ་ལས་འགུལ་སྤེལ་དེ་ཕྱིར་བསྒྲགས་དང་རྒྱ་དམར་སུན་པོ་བཟོས་ཡོད་པ་རེད། དེ་རྗེས་སྔར་ལས་ལྷག་བོད་མིའི་གནད་ཡོད་དང་ཤེས་ལྡན་མི་སྣ་རྣམས་ལས་གནས་ལས་ཕྱིར་ཕུད་དང་བཙོན་འཇུག་བཀག་ཉར་བྱེད་རྒྱུ་ཇེ་མང་དུ་འགྲོ་བཞིན་པ་གསལ་པོ་རེད།
བོད་ནང་ལྟ་བུར་མཚོན་ན་བོད་མིའི་ཤ་ཁྲག་རུས་གསུམ་ཅན་བོད་ཀྱི་སྐད་ཡིག་དང་རིག་གཞུང་ལ་སྣང་མེད་གཏོང་མཁན་དང་དོན་དུ་བོད་མི་ཡིན་ལ་རྣམ་པ་རྒྱ་རིགས་ཡིན་པ་དེ་བས་ཇེ་མང་དུ་འགྲོ་བཞིན་ཡོད། འདི་ཚོའི་འགྱུར་འགྲོས་ལ་གཞིག་ཚེ་ང་ཚོས་རང་བཙན་བསྒུག་ནས་བསྡད་ན། སྔོན་དུ་བོད་ཀྱི་སྣོད་བཅུད་རིག་གཞུང་དང་བཅས་པ་རྩེ་མེད་འགྲོ་བ་འདི་ཐོབ་ཉེན་ཧ་ཅང་ཆེ། ཉིན་དེ་ནས་བཟུང་ཅི་ཡང་མེད་པའི་ལྟ་བ་རྙེད་པ་ལས་རང་བཙན་བློས་བཏང་ཏེ་རིག་གཞུང་དང་ཁོར་ཡུག་བརྟན་ཐབས་ལ་འབད་ན། ཁ་ཚ་དགོས་གཏུགས་རེད།
དེང་རྒྱ་གཞུང་གི་དཔལ་འབྱོར་ཡར་རྒྱས་ཀྱི་མགྱོག་ཚད་དང་། བོད་མིའི་ངོ་བོ་རླག་པའི་མགྱོག་ཚད་འདྲ་པོ་ཆགས་ཡོད་པ་རེད། སྔ་མོ་པཎ་ཆེན་རིན་པོ་ཆེས་གཙོས་གནད་ཡོད་དཔའ་བོ་ཁ་ཤས་ཡོད་པ་ཚོར་རྒྱའི་འགོ་འཁྲིད་ཚོ་འཛེམ་གྱི་ཡོད་ལ་དེང་སང་སྣང་བ་གང་དྲན་བྱས་ཀྱང་འཛེམ་ས་ཚེར་ས་གཅིག་ཀྱང་མེད་པ་རེད།

ཁོ་ཚོའི་ཚེ་སྲོག་ལ་བར་ཆད་མེད་པར་སྨོན།།
བསམ་དོན་འགྲུབ་པར་སྨོན།།

ང་ཚོས་ཕྱི་རོལ་ནས་ཁྱབ་བསྒྲགས་དང་རྒྱབ་སྐྱོར་གྱི་རྣམ་པ་གང་ལ་བརྟེན་ཡང་སློབ་ཕྲུག་དག་གི་དགོས་འདོད་བཞིན་སྐད་ཡིག་བཀོལ་སྤྱོད་རང་དབང་ཞེས་པ་དེ་རྩ་འཛིན་གྱིས་འབྲེལ་ཡོད་སྡེ་ཚན་དང་གསར་འགྱུར་བརྒྱུད་ལམ་ཁག་ཏུ་ཁྱབ་བསྒྲགས་བྱ་རྒྱུ་གལ་ཆེ་བ་ལས། མི་རིགས་བར་གྱི་འགལ་ཟླ་སོགས་ཀྱི་གླེང་གཞི་དགོས་མཁོ་མེད་པའི་ཆབ་སྲིད་ཀྱི་ཉོག་གཏམ་མང་བོ་དང་མཉམ་དུ་སྦྲེལ་ན་སློབ་ཕྲུག་དག་གི་མ་འོངས་པའི་མདུན་ལམ་ལ་གནོད་ངེས་པ་དང་། པར་རིས་དེ་དག་ལས་གདོང་གསལ་བོ་མཐོང་བ་དག་རབ་རིབ་ཏུ་བསྒྱུར་ན་ལེགས་པར་སེམས།

མ་འོངས་བོད་ཀྱི་སོན་རྩ་ཟེར་བ་འདི་འདྲ་ཞིག་ལོས་ཡིན། དངོས་གནས་ཡིད་སྨོན་ཤོར་བ་ཞིག་འདུག ཁོ་ཚོའི་ཚེ་སྲོག་ལ་བར་ཆད་མེད་པར་ཤོག ཁོ་ཚོའི་བསམ་དོན་དེ་འགྱོག་ནས་མྱུར་འགྲུབ་ཤོག བོད་རྒྱལ་ལོ། ངའིགཅེས་པའི་སྤུན་ཟླ་ཚོ་རྒྱལ་ལོ།

ལོ་ན་བཅུ་དྲུག་བཅུ་བདུན་ཙམ་ལ་སོན་པའི་ལོ་ཆུང་སློབ་མ་འདི་དག་གིས་ལག་ཏུ་་་་མི་རིགས་འདྲ་མཉམ་དང་སྐད་རིགས་འདྲ་མཉམ་་་་དགོས་ཞེས་སྐད་འབོད་གནང་བཞིན་ཡོད་པ་འདི་མཐོང་མ་ཐག་སེམས་ནང་བརྗོད་དུ་མེད་པའི་དགའ་བ་དང་སྤོབས་པ་ཞིག་རང་བཞིན་གྱིས་སྐྱེས་ཡོང་གིན་འདུག

བོད་ཀྱི་བླ་ན་མེད་པའི་དབུ་འཁྲིད་༸ གོང་ས་རྒྱལ་བ་རིན་པོ་ཆེའི་ཅི་གསུང་བཀའ་བཞིན་སྒྲུབ་མཁན་གྱི་མ་འོངས་བོད་ཀྱི་སོན་རྩ་རྣམས་ཀྱིས་རྒྱ་མི་རིགས་དང་བོད་མི་གཉིས་ཀར་ཕན་པའི་གཉིས་ཕན་ཁོ་ནའི་ལམ་ནས་ཞི་བའི་ཐབས་ལམ་འཚོལ་དགོས།

མི་དབང་མཁས་པ་བཀའ་ཁྲི་ཟམ་དོང་མཆོག་གིས་གསུང་ལྟར། རྒྱ་བོད་མཐུན་སྒྲིལ་ཆེན་པོ་ཁྲི་ལོར་བརྟན་པར་ཤོག །

བོད་ནང་གི་བོད་མིའི་སྙིང་སྟོབས་དང་གོ་རྟོགས་འདི་དང་འདི་ལྟ་བུས་བོད་བསྐྱབ་གི་རེད། དེ་མིན་བོད་རྒྱ་ཞི་མོལ་དང་བཀའ་ཁྲི་འོས་འདེམས་དེ་ཚོ་ལ་ངས་དོ་སྣང་ཆེན་པོ་ཞིག་བྱེད་ཀྱིན་མེད། བོད་ནང་གི་མིས་གྲུང་ཧྭ་མི་མང་སྤྱི་མཐུན་རྒྱལ་ཁབ་ཀྱི་རྩ་ཁྲིམས་ནང་ན་གང་ཡོད་པའི་ཐོབ་ཐང་དེ་ལེན་ཤེས་དགོས་པ་དེ་གལ་ཆེན་པོ་རེད། དེང་སྐབས་དེ་ཙམ་ལས་ང་ཚོས་བྱེད་ཐུབ་གི་མི་འདུག ཡིན་ན་ཡང་བཙན་བྱོལ་བའི་ངོས་ནས་གྲུང་ཧྭ་མི་མང་སྤྱི་མཐུན་རྒྱལ་ཁབ་ཀྱི་རྩ་ཁྲིམས་ནང་ན་གང་ཡོད་པ་དེ་ལས་གཞན་གང་ཡང་མི་དགོས་ཞེས་ལབ་ན་ཞབས་འདྲེན་རེད། ལོ་རྒྱུས་ལ་ནག་ཐིག་བཀོད་པ་རེད། གང་ཡིན་ཞེ་ན་བཙན་བྱོལ་བ་ལ་གཞན་གང་ཡང་མེད་མོད་མིང་ཆེན་པོ་ཁུར་ཡོད་པས་སོ༎
སྐབས་འདིའི་ངོ་རྒོལ་ལས་འགུལ་འདི་དང་མཉམ་དུ་རྩ་ཁྲིམས་དང་བཅའ་ཁྲིམས་དང་སྒྲིག་ཁྲིམས་གཞིར་བཞག་གིས་སྙན་ཞུ་མང་པོ་འབུལ་དགོས་པ་དེ་ལས་ཀྱང་གལ་ཆེན་པོ་རེད། སྤྱིར་ན་སྙན་ཞུ་སྔོན་དུ་འབུལ་དགོས་པ་དང་། སྙན་ཞུ་དེ་ཡང་དང་པོ་རྫོང་ནས་རང་སྐྱོང་ཁུལ་དང་ཞིང་ཆེན་རིམ་པར་འབུལ་དགོས་པ་དང་། གལ་ཏེ་ཞིང་ཆེན་མན་ཆོད་ཀྱིས་སྙན་ཞུར་རྩིས་འཇོག་མ་བྱས་ན་དབུས་གྲུང་དབྱང་ལས་ཁུངས་ལ་འབུལ་དགོས་ཀྱིན་ཡོད་འདུག སྙན་ཞུའི་རེ་འབྲས་དོན་སྨིན་མ་བྱུང་ན་གཞི་ལས་ངོ་རྒོལ་ཁྲོམ་སྐོར་བྱེད་དགོས་པ་གལ་ཆེན་རེད།
ང་ཚོས་མི་རིགས་རང་སྐྱོང་གི་ཁྲིམས་ཡིག་དེ་ཚོ་བཀླགས་ཡོང་དུས་མི་ཆོག་ཟེར་བ་མང་པོ་ཞིག་ཡོད་མོད་ཆོག་ཟེར་བ་དེ་ལས་ཀྱང་མང་བ་ཤེས་དགོས་ཀྱིན་འདུག མདོར་ན་རྒྱ་ནག་གི་ཁྲིམས་ཚུད་པའི་འཛམ་གླིང་གི་ཁྲིམས་ཚང་མ་ཡང་མི་ཡུལ་དེའི་མི་མང་ལ་ཉེས་ཆད་གཅོད་སྟངས་ཤིག་མ་ཡིན་པར་མི་མང་གི་ཁེ་ཕན་སྲུང་ཐབས་ཤིག་ཡིན་པར་ངེས་ཤེས་རྙེད་དགོས་པ་ཧ་ཅང་གལ་ཆེན་དོན་ཆེན་རེད། དབྱིན་ཡིག་གི་law དང་legal ཟེར་བའི་མིང་ཚིག་འདི་ལ་དེང་སྐབས་ང་ཚོས་ཁྲིམས་ཟེར་བའི་ཐ་སྙད་འདི་སྦྱར་རྐྱང་བྱས་པ་དེ་ཡང་ཅུང་ཙམ་འགྲིགས་མེད་པ་འདྲ། ཐ་སྙད་གཞན་ཞིག་སྦྱར་ན་ཅུང་ཙམ་དྲག་གི་མེད་དམ་སྙམ། ང་ཚོའི་བག་ཆགས་ཀྱི་ངོར་ཁྲིམས་ཟེར་དུས་རྡུང་བརྡེགས་འཕྲོག་གསུམ་དང་གསོད་གཅོད་མནར་གསུམ་ཞིག་ལ་གོ་བའི་བག་ཆགས་ཤིག་ཡོད་པས་ཁྲིམས་ཟེར་དུས་རང་ཤུགས་ཀྱིས་སྐྲག་སྣང་ཞིག་ཡོང་གིན་ཡོད་པ་འདྲ།

རེབ་སྐོང་གི་སློབ་གྲ་བས་སྐད་འབོད་བྱས་པ་འདིས་ཕན་ལས་གནོད་ཆེ། ཁམས་ཕྱོགས་དང་ལྷ་ས་ནས་འདི་འདྲའི་སྐད་བྱས་ན་རྒྱག་དགོས་པ་དང་རྒྱབ་ན་ཡང་སྐྱོན་ཆེར་ཡོད་པ་མ་རེད། ས་དེ་དག་ན་སློབ་གྲ་ཉུང་བ་དང་ཡོད་ཀྱང་བོད་ཡིག་སློབ་ཚན་པས།
སྐད་འབོད་བྱས་ན་ད་ལྟ་རེབ་སྐོང་དང་ཆབ་ཆ་ནི་བོད་ཡིག་གི་གཞི་རྐང་འཛིན་ས་ཡིན་པས་རྒྱ་མིས་དམིགས་འབེན་ལ་བཟུང་ནས་མེད་པར་བཟོ་སྲིད་གི་རེད།

མཁས་དབང་དགེ་ཆོས་དང་དཔལ་དོན་གྲུབ་རྒྱལ་གཉིས་ཀྱི་བསམ་བློའི་ནུས་ཤུགས་རེབ་གོང་ན་ད་དུང་གསོན་པོ་ཡིན་པ་ཚོར་གི སློབ་མའི་སྙྀང་སྟོབས་ལ་དགའ་གི སློབ་འཆར་གཞི་བཏང་ནོ་ལེགས་ཀི སློབ་མ་དངོསགནས་་རེད། མི་རིགས་ཀྱི་ལྟ་བ་འདི་ལྟར་འཛིན་དགོས་པ་རེད། སྐད་ཡིག་ཆེད་དུ་འདི་ལྟར་ཤི་ཡང་འགྱོད་པ་མེད་པ་བྱེད་དགོས་ནི་རེད། དངོས་གནས་བོད་མི་རིགས་ལ་རེ་བ་ཡོད་པ་མཚོན་གི

བོད་ནང་གི་མང་ཚོགས་དང་སློབ་ཕྲུག་དག་གིས་རང་ཉིད་ཀྱི་ཚེ་སྲོག་དོར་དེ་འདི་ལྟར་སྐད་འབོད་བསྐོར་བསྐྱོད་བྱེད་དུས། བཙན་བྱོལ་ནང་གི་བོད་མི་ཚོ་ཁྱི་ལ་རྒྱག་བྱེད་ཀྱི་གཡུག་པ་དེའང་མི་ཉན་ཀི ་ད་རེབ་ཀྱི་ལས་འགུལ་དེ་ནི་རླབས་ཆེན་གྱི་ལས་འགུལ་དང་། འབོད་ཚིག་དེ་ནི་སྙན་འཇེབས་ཀྱི་འབོད་ཚིག་ཅིག་འདུག་ག ངོ་རྒོལ་གྱི་འཛུལ་ཞུགས་པ་ཚང་མར་གཅར་རྡུང་མི་ཡོང་བའི་སྨོན་ལམ་འདེབས་ཆོག་ཀྱང་། རྒྱ་དེ་བ་ཚང་གི་ཁ་ནང་ནས་ད་ཅིག་དཀའ་ཀོ གང་ལྟར རླབས་ཆེན་གྱི་བྱ་བཞག་དེ་ནམ་ཡང་རླབས་ཆེན་གྱི་ངོ་བོར་གནས་འདུག་གི་རེད།

རླབས་ཆེན་གྱི་ལས་འགུལ་རྒྱལ་བར་གྱུར་ཅིག   ཕྱི་ཕྱོགས་ཀྱི་གསར་འགོད་ལས་རིགས་པ་དང་།   ཟིན་བྲིས་བདག་པོ་རྣམས་ཀྱིས་དོན་དག་འདིའི་ཐབས་གཟབ་གཟབ་བྱས་ནས་གསར་འགྱུར་དང་ཟིན་བྲིས་སྤེལ་རོགས།   ལས་འགུལ་འདི་ཡོངས་གྲགས་ཀྱི་བོད་རྒྱའི་འཐབ་རྩོད་ཟེར་བ་དང་འབྲེལ་བ་མེད་པས་དེ་ལུགས་བྱེད་དགོས།  
ལྷག་པར་ཁོང་ཚོའི་འབོད་ཚིག་༼མི་རིགས་འདྲ་མཉམ།   སྐད་ཡིག་རང་དབང་།༽  གཉིས་ཁོ་ན་ཡིན་པས་འདི་གཉིས་ལ་བཅོས་སླད་རྩ་བ་མ་བྱེད་རོགས།   རྒྱ་བཙོག་ཚང་གིས་ལས་འགུལ་འདིའི་ཁ་ཕྱོགས་བསྒྱུར་ཐབས་ལ་སྒུག་བསྡད་ཡོད་རེད།
དེ་ཙམ་ཡིན།

རྒྱ་གཞུང་གིས་སློབ་ཕྲུག་དེ་ཚོས་འབོད་སྒྲ་ལ་ཆབ་སྲིད་ཀྱི་མིང་འདྲ་མིན་མེད་པའི་ཐོག་ནས་བསམ་བཞེང་བྱེད་དགོས་པ་གལ་ཆེ་པོ་ཞིག་རེད།

རྒྱ་གཞུང་གིས་བོད་ཕྲུག་དེ་ཚོས་འབོད་སྒྲ་ལ་ཆབ་སྲིད་ཀྱི་མིང་འདྲ་མིན་མེད་པའི་ཐོག་ནས་བསམ་བཞེང་གནང་བའི་རེ་བ་ཆེན་པོ་ཡོད།

གནས་ཚུལ་འདིའི་ཤུགས་རྐྱེན་ཆོལ་ཁ་གསུམ་ལ་ཁྱབས་སྲིད་པའི་ན། ང་ཚོས་གཟབ་ནན་གྱིས་བལྟ་དགོས་པ་ཞིག་དང་། ཕྱི་རྒྱལ་གྱི་བརྒྱུད་ལམ་ཁག་ལ་གནས་ཚུལ་དུས་ཐོག་མཁོ་སྤྲོད་བྱ་དགོས་པའང་གལ་ཆེན་པོ་རེད།

ཏཱ་ན་བློ་བཟང་ལགས་ཀྱིས་གནས་ཚུལ་མཁོ་འདོན་གནང་བ་ཐུགས་རྗེ་ཆེ།
ད་དུང་མུ་མཐུད་དེ་ང་ཚོས་སྐར་ཆ་རེ་རེའི་གནས་ཚུལ་ཞིབ་ཕྲ་དགོད་མ་ཐུབ་ཀྱང་ཉིན་མ་རེ་རེའི་གནས་ཚུལ་འཚོལ་སྒྲུབ་བྱ་གལ་ཆེ།
ཡིན་ན་ཡང་ལས་འགུལ་འདི་བོད་ནང་གི་འབོད་རང་བྱས་ནས་བཞག་ན་མ་གཏོགས་དེ་ལས་རྒལ་བའི་ཁྱབ་བསྒྲགས་འགྲོ་ཐབས་སུ་སྒྲོ་བཏགས་སོགས་མ་གནང་རོགས་གནང་།
རྒྱུ་མཚན་ཁོང་ཚོས་ལས་འགུལ་སྤེལ་བར་ཞིབ་འཇུག་ནན་མོ་བྱས་ནས་སྤེལ་བའི་ལས་འགུལ་འདིའི་རིགས་ལ་ང་ཚོས་དེའི་སྒང་ལ་ཚིག་གཅིག་བསྣན་པ་ཡིན་ན་ཁོང་ཚོའི་ལས་འགུལ་ལ་གནོད་པ་ཆེན་པོ་ཐེབས་ངེས་པས་གཟབ་ནན་བྱ་གལ།
མཁྱེད་དཔྱོད་ཡོངས་པ་ཚོས་ཁྱབ་བསྒྲགས་བྱེད་སྟངས་དང་ཕན་གནོད་སྐོར་ལ་ལམ་སྟོན་ཁ་གསལ་རེ་གནང་ཐུབ་ན་མ་གཏོགས་ང་ཚོས་རླབས་ཆེ་བའི་ལས་འགུལ་འདི་ཚོ་འཕྲོ་བརླགས་སུ་བཏང་ན་བོད་མི་སྤྱི་བོ་གནམ་བསྟན་ཡོངས་ཀྱི་གསབ་ཐབས་བྲལ་བའི་གྱོང་གུད་ཚབས་ཆེན་མ་ཡིན་ནམ།

ད་ཐེངས་ཀྱི་ངོ་རྒོལ་འབོད་ཚིག་ཡག་གི འདི་དག་གི་མངོན་འདོད་ཡིད་བཞིན་དུ་འགྲུབ་པའི་སྨོན་འདུན་ཞུ།

སློབ་ཕྲུག་དག་ནི་རང་རེའི་ཡིད་བཞིན་གྱི་ནོར་བུ་ཡིན་ཟེར་བའང་འདི་ལ་ཟེར།