ཀྲུང་ཧྭའི་ཤེས་རིག་དར་སྤེལ།

ཡྭལ་དངོས་ཀྱི་གནས་ཚུལ། ད་ལྟ་ཚེས་ཉེར་བཞི་ཉིན་གྱི་ཞོགས་པའི་ཆུ་ཚོད་
བདུན་དང་སྐར་མ་བཞི་བཅུ་རེད། གཅན་ཚ་རྫོང་མི་རིགས་སློབ་འབྲིང་དང་བོ་དང་
གཉིས་པ་གཉིས་ཀྱི་སློབ་མསྟོང་གསུམ་ལ་ཉེ་བ་ཙམ་གྱིས་ སྲི་གཞུང་གི་མདུན་དུ་
སྐད་འབོད་དང་རྔམ་སྟོན་ཁྲོམ་སྐོར་ཤུགས་ཆེན་བྱེད་དང་བྱེད་མུས་འདུག
ཡིད་སྐྱོ་བ་ཞིག་ལ་བདག་ལ་པར་ཆས་མེད་པས་པར་མཁོ་འདོན་བྱེད་མ་ཐུབ་ཐ།
དགྲ་སྟ་ནས
ཞེས་བོད་ནང་གི་དྲ་ཚིགས་ཤིག་གི་མཆན་ནང་བཀོད་འདུག

ལ་རྒྱ་ཆེ་ཡ་ལ་རྒྱ་ཆེ།
ཁྱོད་ཚོ་ནི་དོན་ངོ་མའི་བོད་མི་འོ།
སྙིང་སྟོབས་ཆེ་འོ་སྙིང་སྟོབས་ཆེ།
ཁྱོད་ཚོ་ནི་དོན་ངོ་མའི་བཙན་པོའི་རྒྱུད།།

འབོད་སྒྲ་གཅིག་དང་དམིགས་ཡུལ་གཅིག་ལང་ཕྱོགས་གཅིག་གི་ལས་འགུལ་ལ་ངོ་མ་ལྗིད་ཉམས་ལྡན་པའི་འབྲས་བུ་མི་དམན་པ་ཞིག་ཐོན་སྲིད་།

ཀྲུང་དབྱང་མི་རིགས་སློབ་གྲྭ་ཆེན་མོའི་དགེ་མིང་བ་སྟུག་རྒྱའི་བཀའ་སྲུང་མགོན་པོའམ་རིག་པའི་ཁུ་བྱུག་ཏུ་འབོད་པས་སྤྱི་ལོ་༢༠༡༠ལོའི་ཟླ་༡༠པའི་ཚེས་༡༨ལ་ཤར་མར་བྲིས་པའི་དཔྱད་རྩོམ་ཞིག་གི་གཤམ་དུ་འདི་འདྲ་ཞིག་འཁོད་འདུག

ཱཱཱ”དེང་རབས་ཀྲུང་གོའི་གྲངས་ཉུང་མི་རིགས་ཀྱི་དམངས་སྤྱིའི་ཡིག་རྨོངས་སེལ་བ་ནས་སློབ་ཆུང་དང༌། སློབ་འབྲིང་དང་མཐོ་རིམ་སློབ་འབྲིང༌། དེ་ནས་རིམ་པར་ཆེད་སྦྱོང་སློབ་གསོ་ནས་མཐོ་རིམ་སློབ་གསོ་སོགས་སློབ་གསོའི་ལས་རིགས་ཆེ་ཆུང་དང་མཐོ་དམན་གང་དུ་མི་རིགས་རང་རང་གི་སྐད་དང་ཡི་གེ་གཙོ་བོར་བཟུང་བའི་སྒོ་ནས་ཕྱི་ནང་གི་རིག་གནས་ཐམས་ཅད་དང་། ཁྱད་པར་དུ་ཚན་རིག་དང་ལག་རྩལ་སོགས་སློབ་སྦྱོང་དང༌། བེད་སྤྱོད། འཕེལ་རྒྱས་གཏོང་རྒྱུ་ནི་ཀྲུང་གོའི་ཁྱད་ཆོས་ལྡན་པའི་སྤྱི་ཚོགས་རིང་ལུགས་ཀྱི་ཆ་རྐྱེན་འོག་ཏུ་ཏང་དང་རྒྱལ་ཁབ་ཀྱི་རྩ་ཁྲིམས་དང༌། མི་རིགས་སྲིད་ཇུས། མི་རིགས་རང་སྐྱོང་བཅའ་ཁྲིམས་སོགས་ལག་ལེན་དུ་བསྟར་བའི་ཆབ་སྲིད་ཀྱི་འོས་འགན་ཆེས་གལ་ཆེན་ཞིག་ཡིན་པ་ཤེས་དགོས་སོ། །”
ཁོང་གི་རྩོམ་ཡིག་འདི་ཆ་ཚང་གཟིགས་འདོད་ན། ལྷ་ས་ཆོས་གྲོགས་དྲ་ཚིགས་http://www.lhasan.cn/Item/Show.asp?m=1&d=194འདིར་གཟིགས་རོགས།།

ད་ཐེངས་བོད་ནང་དུ་སློབ་ཕྲུག་ཚོས་སྐད་ཡིག་གི་ཆེད་དུ་སྐད་འབོད་བྱས་པ་དེ་ཞི་རྒོལ་དང་དྲག་རྒོལ་གང་ཡང་མ་རེད། འདི་ནི་བོད་མི་རིགས་ལ་ཐོབ་ཐང་དང་བདག་དབང་ཡོད་པའི་སྐད་ཡིག་སྲུང་སྐྱོབ་དགོས་པའི་འབོད་སྐུལ་ཙམ་རེད། གཞིས་པ་ཚོས་ལས་འགུལ་ཅི་འདྲ་ཞིག་བརྩམས་ཀྱང་ང་ཚོས་དེ་ལ་འགྲེལ་ལོག་བརྒྱགས་ཏེ་ཞི་རྒོལ་དང་དྲག་རྒོལ་གྱི་ཐ་སྙད་ཅིག་སྦྱར་ཏེ་རྒྱ་ནག་གཞུང་གི་ཁྲིམས་འགལ་གྱི་ལས་འགུལ་ལྟབུ་ཞིག་བཟོ་བཞིན་ཡོད།
འདི་ནི་རྒྱ་གཞུང་གི་ཁྲིམས་འགལ་དང་སྲིད་ཇུས་ལ་གནོད་པའི་ལས་འགུལ་དེ་འདྲ་གང་ཡང་མ་རེད། རྒྱ་ནག་མི་དམངས་སྤྱི་མཐུན་རྒྱལ་ཁབ་འདིའི་ཁྲིམས་འོག་ཏུ་ཡོད་པའི་མི་རིགས་ཤིག་གི་བསམ་བློའི་རྟོགས་སད་དང་ཡར་རྒྱས་ཀྱི་མངོན་རྟགས་རེད། རྒྱ་ནག་མི་དམངས་སྤྱི་མཐུན་རྒྱལ་ཁབ་ཡར་རྒྱས་དགོས་ན་དེའི་སྒྲིག་འཛུགས་ཀྱི་ཆ་ཤས་བོད་མི་རིགས་དང་དེའི་སྐད་ཡིག་རིག་གཞུང་སྲུང་སྐྱོབ་བྱེད་པ་ནི་ད་ལྟའི་རྒྱ་ནག་གི་སྲིད་ཇུས་ལ་བོད་ཀྱི་སློབ་ཕྲུག་ཚོས་རྒྱབ་སྐྱོར་དང་མཐུན་འགྱུར་བྱས་པ་ལས།
རྒྱ་ནག་གི་སྲིད་ཇུས་དང་རྩ་ཁྲིམས་དང་མི་མཐུན་པའི་ཁྲིམས་འགལ་དང་རྒོལ་བ་གཏན་ནས་མ་རེད། དེས་ན་ཕྱི་ལོགས་ན་ཡོད་པའི་བོད་མི་ཚོས། སློབ་ཕྲུག་ཚོས་སྤེལ་བའི་ཁྲིམས་མཐུན་གྱི་ལས་འགུལ་དེ་ཞི་དྲག་གི་རྒོལ་བའི་ཐ་སྙད་ཅིག་བཙན་སྤྱར་བྱས་ཏེ་ཁོང་ཚོ་ཁྲིམས་འགལ་དང་ཉེས་ཅན་ཞིག་མ་བཟོ་རོགས་གནང།

སློབ་མ་ཚོས་རྒྱ་ནག་གཞུང་གི་ཁྲིམས་ལུགས་དང་མཐུན་པའི་ཞི་བའི་འབོད་བསྐུལ་བྱས་པ་དེ་དག་ལ་རིམ་པས་གྲུབ་འབྲས་སྨིན་པའི་རེ་བ་ཡོད། གསར་འགོད་པ་རྣམ་པ་དང་ཀློག་པ་པོ་རྣམ་པས་ཁོང་ཚོའི་བསམ་འདུན་ཞི་བ་དང་། བདེན་པ་ཡོད་པའི་གནས་ལུགས་ལ་རྒྱལ་སྤྱིས་དོ་སྣང་ཡོང་བའི་རེ་བ་བྱ་རྒྱུར་འབད་བརྩོན་བྱ་དགོས་པ་ལས། གཞུང་ལ་ངོ་རྒོལ་བྱས་པ་ཟེར་བ་དང༌། དེ་ལས་ཁག་ཅིག་གིས་མ་ཤེས་ཤེས་མདོག་གིས་བསམ་ཚུལ་ཤུགས་ཆེ་བྲིས་ཏེ་དོགས་པ་ལ་དགའ་བའི་རྒྱ་ནག་གཞུང་ནས་སླར་ཡང་དོགས་གཞི་བྱུང་སྟེ་ལས་འགུལ་དེ་ཚོར་བར་ཆད་གཏོང་བའི་བསམ་ཚུལ་མ་འབྲི་རོགས། གདུང་སེམས་མཉམ་སྐྱེད་བྱ་སྐབས་འུར་རྒྱག་པ་དང༌། བོད་ནང་འབྲེལ་བ་མེད་བཞིན་དུ་འབྲེལ་བ་ཡོད་མདོག་གིས་མ་ཤེས་ཤེས་ཁུལ་བྱེད་པའི་མཆན་དེ་འདྲ་མ་བཀོད་རོགས་གནང་ཞུ་རྒྱུ་ཡིན་ལ། སློབ་ཕྲུག་ཞུ་འབོད་གནང་མཁན་ཚོའི་གྲངས་ཚད་དེ་དག་ཀྱང་རྒྱུན་དུ་སློབ་གྲྭའི་ནང་སློབ་ཕྲུག་གི་གྲངས་འབོར་དང་མཐུན་པ་དང་། སློབ་མ་ཡོངས་ཀྱི་མཉམ་ཞུགས་བྱས་ཡོད་མིན་ལ་གཟིགས་ཏེ་འོས་མཚམས་ཤིག་གསུང་རོགས་གནང་ཞུ་རྒྱུ་ཡིན་ལ། མཐའ་མ་དེར་ཞི་བའི་འབོད་བསྐུལ་ཞུ་མཁན་གྱི་སློབ་ཕྲུག་རྣམས་ལ། དངོས་གནས་ཁ་བ་ཅན་པའི་བོད་ཕྲུག་རངརེད་འདུག་ཅེས་ཞུ་རྒྱུ་ཡིན།

པེ་ཅིན་མི་རིགས་སློབ་གྲྭར་ཡོད་པའི་བོད་རིགས་སློབ་ཕྲུག་རྣམས་ལ་གུས་འདུད་དང་དུང་སེམས་མཉམ་སྐྱེད་ཡོད།
མ་འོངས་པའི་མདུན་ལམ་དང་མི་རིགས་ཀྱི་སྲོག་རྩ་གཉིས་ནི། ད་ལྟ་གལ་ཆེ་བའི་འགག་ཕྲང་ཞིག་རེད།
མི་རིགས་ཀྱི་སྲོག་རྩ་བརྟན་པོར་གནས་ན། མ་འོངས་པའི་མདུན་ཐོག་ཏུ་གོམ་པ་སྤོ་ཐུབ།
གཞན་གྱིས་བཀོད་འདོམས་དང་བསྐུལ་འདེད་ཞིག་གིས་མདུན་བསྐྱོད་ཀྱི་གར་སྟེགས་ཐོག་ལ་འབུད་མི་ཐུབ།

སློབ་མ་འདི་ཚོའི་སྙིང་སྟོབས་དང་རིག་འགྲོས་ཅན་གྱི་ངོ་རྒོལ་དེ་དག་ལ་སྙིང་ནས་ཡི་རངས་དང་བར་ཆད་མེད་པར་སྨོན་ལམ་འདེབས།