བོད་རིགས་རྩོམ་པ་པོ་ཚེ་རིང་ནོར་བུ་ལགས་སུ་རྒྱ་ནག་རྒྱལ་ཡོངས་ཀྱི་རྩོམ་རིག་གཟེངས་རྟགས་ཤིག་ཐོབ་ཡོད་འདུག ཉེ་ལམ་རྒྱ་ནག་རྒྱལ་ཡོངས་ཀྱི་སྐབས་ལྔ་བའི་རྩོམ་རིག་དཔྱད་འདེམས་ཁྲོད། ཕྱི་ལོ་ ༢༠༠༧ ནས་ ༢༠༠༩ བར་གྱི་རྩོམ་རིག་ཁག་ལ་དཔྱད་ཞིབ་བྱས་མཐར། བརྩམས་སྒྲུང་དང་སྙན་ཞུའི་རྩོམ་ཡིག སྙན་ངག འབོལ་རྩོམ། རྩོམ་གཞུང་དང་དཔྱད་བརྗོད་བཅས་ཀྱི་རྩོམ་སྟངས་རིགས་ལྔ་ཡི་ཕུལ་བྱུང་བརྩམས་ཆོས་དག་ལ། ལུའུ་ཞོན་རྩོམ་རིག་གཟེངས་རྟགས་དེ་སྤྲད་ཡོད་ཅིང་། བོད་རིགས་རྩོམ་པ་པོ་ཚེ་རིང་ནོར་བུ་ལགས་ཀྱི་༼ ཚེ་ཐར་དུ་བཏང་བའི་གཡང་དཀར་ལུག ༽ ཅེས་པར་བརྩམས་སྒྲུང་ཕུལ་བྱུང་བྱ་དགའ་དེ་ཐོབ་ཡོད་འདུག ཁོང་ནི་གྲངས་ཉུང་མི་རིགས་ཤིག་ལ་ལུའུ་ཞོན་རྩོམ་རིག་བྱ་དགའ་ཐོབ་མཁན་ཐོག་མ་དེ་ཆགས་ཡོད་འདུག
རྩོམ་པ་པོ་ཚེ་རིང་ནོར་བུ་ལགས་ནི་ཕྱི་ལོ་ ༡༩༨༡ ལོར་བོད་ལྗོངས་སློབ་གྲྭ་ཆེན་མོའི་བོད་ཡིག་སྡེ་ཁག་ཏུ་ཞུགས་ཏེ། བོད་ཡིག་རྩོམ་རིག་གི་སློབ་རམས་པའི་མཚན་གནས་བླངས་ཡོད་འདུག་ལ། ༡༩༨༦ ལོར་སློབ་ཐར་ཕྱིན་རྗེས་བོད་ལྗོངས་ཉིན་རེའི་ཚགས་པར་དང་བོད་ལྗོངས་རྩོམ་རིག་སྡེ་ཁག་བཅས་སུ་ཕྱག་ལས་གནང་བཞིན་ཡོད་འདུག ཁོང་གིས་དུས་རྒྱུན་རྒྱ་ཡིག་ཐོག་རྩོམ་རིག་སྣ་ཚོགས་འབྲི་བཞིན་ཡོད་འདུག་ལ། ༢༠༠༩ ལོར་༼ ཨ་མི་རི་ཁ ༽ ཞེས་པའི་སྒྲུང་ཐུང་ཞིག་བྲིས་ཏེ། རྒྱ་ནག་ནང་སྐད་གྲགས་ཆེ་བའི་༼ ཀྲུང་གོའི་ལོ་རེའི་བརྩམས་སྒྲུང་གཅེས་བསྡུས ༽ ཞེས་པར་བདམས་བཀོད་བྱས་ཡོད་འདུག
གསར་འགོད་པ། དོན་འགྲུབ་བཀྲ་ཤིས།
རྩོམ་པ་པོ་ཁྱེད་ལ་རྩོམ་རིག་གི་བྱ་དགའ་ཐོབ་པར་དགའ་བསུ་ཞུ་བ་ཡིན།
ཁོང་ཉིད་ནི་དངོས་གནས་རིག་པའི་དཔའ་བོ་ཞིག་རེད།རྒྱ་ཡིག་དང་དབྱིན་ཡིག་གི་ལམ་ནས་རྟྩོམ་ཡིག་སྤེལ་ཏེ་འཛམ་གླིང་སྒྱུ་རྟྩལ་རྟྩོམ་པ་པོ་རྣམས་དང་འགྲན་བཙུགས་ནས་འདི་འདྲའི་རྟགས་མ་བླངས་པ་ནི་བོད་ཀྱི་གཟི་བརྗིད་ཅིག་རེད།
རྒྱ་ཡིག་གི་ལམ་ནས་རྟྩོམ་མི་ཆོག་ཚེ།དབྱིན་ཡིག་སོགས་སྐད་ཡིག་གཞན་དག་གི་ལམ་ནས་ཀྱང་རྟྩོམ་མི་ཆོག་ཅེས་བརྗོད་པ་དང་འདྲའོ།ཁོང་ནི་བོད་ཡིག་རྟྩོམ་རིག་སྡེ་ཁག་ནས་མཐར་ཕྱིན་པ་ཞིག་ཡིན་པས་བོད་ཡིག་ལ་བྱང་ཆ་ཡོད་པ་སྨྲ་མི་དགོས་པ་ཞིག་རེད།སྒྱུ་རྟྩལ་དང་ཆབ་སྲིད་གཉིས་མཉམ་དུ་བསྲེས་པའི་ཆ་ཡོད་མོད།སྤྱིར་རྟྩོམ་པ་པོ་ཁོང་ཉིད་དང་འདྲ་བར་སྒྱུ་རྟྩལ་རྣལ་མ་འཚོལ་སྣྙེག་བྱེད་མཁན་ཞིག་ཡིན་ཚེ་སྒྱུ་རྟྩལ་དང་ཆབ་སྲིད་གཉིས་ནི་གཏན་དུ་གནས་ཐབས་མེད་པར་སོ་སོར་བྲལ་བའི་ཕུང་བོ་ཤ་སྟག་གོ
གངས་ཅན་གྱི་ན་གཞོན་རྩོམ་པ་པོ་ཚེ་རིང་ནོར་བུ་ལགས་སུ་རྩོམ་རིག་གི་བྱ་དགའ་ཐོབ་པར་དགའ་བསུ་ཞུ།
མ་འོངས་པར་ཡང་ཁོང་དང་འདྲ་བའི་རྩོམ་པ་པོ་གང་ཙམ་ཞིག་བསྐྱེད་བསྲིང་ཡོང་ཐུབ་པ་བྱེད་དགོས་ལ། འཛམ་གླིང་ནོར་ཝེའི་ཕུལ་བྱང་རྩོམ་རིག་གི་བྱ་དགའ་དེ་དགུན་དུས་གྲང་ངར་ཆེ་སར་སྐྱེ་བའི་གངས་ལྷ་མེ་ཏོག་ཚོར་ཡང་འཐོབ་ཐུབ་པའི་སྨོན་འདུན་དང་། རེ་བ། ཡིད་ཆེས་བཅས་བྱེད་དགོས།
སློབ་སྦྱོང་བྱེད་དགོས། ལས་ལ་གཞོལ་དགོས། དཀའ་ཚེགས་མྱོང་དགོས། འབད་བརྩོན་བསྟེན་དགོས། ཕུགས་བསམ་བཅངས་དགོས། རང་ཉིད་ལ་རང་གིས་ཡིད་ཆེས་བྱེད་དགོས། སྒྲུབ་འབྲས་སོན་དགོས། སྙན་གྲགས་རྒྱས་དགོས། ཞབས་འདེགས་ཞུ་དགོས།
ཆབ་སྲིད་པ་ནི་ཀྱག་ཀྱོག་གི་ལམ་ཁ་ནས་རྒྱལ་དགོས་དུས། འདི་ཡིན་འདི་མིན་གྱི་ཐག་གཅོད་བྱེད་དཀའ་བ་ཞིག་རེད། བྱ་དགའ་ལ་མི་ལྟ་བར་བྱེད་སྟངས་ལ་ལྟ་རྒྱུ་རེད།
རྒྱ་ནག་གིས་བྱ་དགའ་ཐོབ་ཡོད་དུས་ཁོང་རྒྱ་ཡིག་ལས་བོད་ཡིག་མི་ཤེས་པའི་རྒྱ་དགའ་མ་ཞིག་ཡིན་པ་གདོན་མི་ཟ།
བོད་ནང་གི་སྤུན་ཟླ་ཚོར་སྡིགས་ན་མི་ཆོག
ཚེ་ཐར་དུ་བཏང་བའི་གཡང་དཀར་ལུག
ཁོ་རིང་གིའི་ཚོལ་སྣང་དངོས་ཡིན་རྒྱུ་རེད
རང་ཉིད་ཀྱི་ཚེ་སྲོག་སྦྱིན་བདག་གི་ལག་དུ་ཡོད་པར་འདོད་པའི་ལུག་གཡོང་མོ་ཞིག་ཡིན་རྒྱུ་རེད།
རི་བོང་ཁྱོད་ཀྱི་ཁ་རྒྱགས་པ་་བཤད་རྒྱུ་མང་གྲགས་འདུག་ད།
གྲང་ཉུང་མི་རིགས་ཤིག་ལ་རྩོམ་རིག་བྱ་དགའ་ཐོབ་པ་འདི་དགའ་དགོས་པའི་ལས་དོན་ཞིག་ཡིན་པ་ལས་ངན་པ་ཞིག་ག་ལ་ཡིན། ཁྱོད་ཀྱིས་བཤད་པ་བོད་ནང་གི་རྩོམ་པ་པོ་དང་དགའ་བསུ་ཐོབ་པའི་མི་དེ་དག་ངན་པ་དག་དག་ཡིན་ན་། ཁྱོད་ཀྱིས་བཙན་བྱོལ་ནས་བཟང་བོ་ཞིག་ཅི་ཞིག་བསྒྲུབ་ཡོད། ཁ་རྒྱགས་པ་བཤད་མ་ཡོང་ཨ། རང་དབང་ལོང་བ་རེད་ཟེར་ནས་བོད་ནང་གི་སྤུན་ཟླ་ཚོར་སྡིགས་རྐྱང་མ་རེད། དེ་རིང་ཁ་སང་བོད་ནང་ན་མི་རིགས་སྐད་ཡིག་དང་བླ་སྲོག་གི་ཆེད་དུ་རང་ལུས་འབེན་ལ་འགྱོག་དུས་ང་ཚོས་ཅི་ཞིག་འགྱོན་གི
རྒྱ་དམར་གྱིས་བྱ་དགའ་སྤྲད་བཞིན་ཡོད་དུས་ད་ཅིག་འགྲིག་མེད། བཀྲ་ཤིས་བདེ་ལེགས་ཞུ་རྒྱུ་མིན།