གནས་ཚུལ་བཏང་འབྱོར་བྱུང་བ་ལྟར་ན། དེ་རིང་ཡུ་རོབ་ཧོ་ལན་ཌིའི་རྒྱལ་ས་ཨམ་སུར་ཌམ་དུ་བོད་རིགས་སློབ་ཕྲུག་ཁག་ཅིག་གིས་ཉིན་འདི་དག་ལ་བོད་ནང་གི་སློབ་མ་ཚོས་སྐད་ཡིག་སྲུང་སྐྱོབ་ཐད། རྒྱ་གཞུང་ལ་ཞི་བའི་རྔམ་སྟོན་ཁྲོམ་སྐོར་གཅིག་རྗེས་གཉིས་མཐུད་དུ་བྱེད་ཀྱིན་ཡོད་པའི་ཐད། གདུང་སེམས་མཉམ་སྐྱེད་དང་རྒྱབ་ལངས་དཔུང་རོགས་ཀྱི་ལས་འགུལ་ཞིག་སྤེལ་ཡོད་འདུག་ལ། སྐབས་དེར་སློབ་ཕྲུག་དེ་དག་གིས་ལ་བ་དཀར་པོ་གྱོན་ཞིང་། མགོ་ལ་ཞ་མོ་ནག་པོས་གཡོགས་ཏེ། སྐེ་ལ་བྱང་བུ་བཏགས་ཤིང་། དེའི་སྟེང་༼ རྒྱ་གཞུང་གིས་ང་ཚོ་བོད་པའི་ལྕེ་གཅོད་ཀྱིན་འདུག ང་ཚོ་ལ་རྒྱབ་སྐྱོར་ཞིག་གནང་རོགས ༽ ཞེས་པའི་འབོད་ཚིག་བཀོད་དེ། གྲོང་འཁྱེར་གྱི་དཀྱིལ་ནས་རྒྱ་གཞུང་ལ་ཞི་བའི་ངོ་རྒོལ་ཞིག་བྱས་ཡོད་འདུག་ལ། བོད་རིགས་སློབ་ཕྲུག་དེ་དག་གི་ལས་འགུལ་དེར་ས་གནས་མང་ཚོགས་ཚོས་དོ་སྣང་ཆེན་བྱུང་ཡོད་འདུག
དྲ་ངོས་ཀྱི་གནས་ཚུལ་ཚང་མའི་པར་དབང་བོད་ཀྱི་དུས་བབ་ལ་ཡོད།
འགྲིག་གི། འདི་ཆབ་སྲིད་ཀྱི་གནད་དོན་མ་རེད། རིག་གཞུང་གི་གནད་དོན་རེད། འདི་རྒྱལ་ཁབ་གང་ལའང་གཏུགས་ཆོག་པ་རེད་ལ། དེ་ལུགས་ཀྱི་རྒྱབ་སྐྱོར་ཡང་ཞུས་ཆཽག་གི་རེད།
ལས་དོན་འདིར་གྲོགས་ཇིང་སྲས་སོགས་ཀྱིས་སྤེལ་བ་འདྲ་བའི་སྙིང་ནས་དགའ་བསུ་ཡོད།
སློབ་ཕྲུག་གི་ཞི་བའི་ལས་འགུལ་འདི་ནི་ནམ་རྒྱུན་བཙན་བྱོལ་བ་་ཚོས་ལས་འགུལ་གྱི་རྣམ་པ་ལས་ལོགས་སུ་གྱུར་ཞིང་། ཚིག་རིས་མང་པོས་གཏམ་བཤད་ལྟ་བུ་མིན་པར་དེང་དུས་ཀྱི་བདེན་དཔང་རྩོད་པའི་རྣམ་དཔྱོད་ཀྱི་རིག་པ་གསར་པའི་ལམ་སྟོན་དང་འབྲེལ་བའི་ལས་རིམ་དམིགས་བསལ་བ་ཞིག་འདུག་པར་སྙིང་ནས་དགའ་བསུས་ཡི་རང་།
ང་ཚོ་འཇིག་རྟེན་འདིར་འཚོ་འདོད་བྱེད་དགོས་ན་ངེས་པར་དུ་རང་གི་སྐད་ཡིག་སྲུང་སྐྱོབས་བྱེད་དགོས།
འབོད་ཚིག་༼ང་ཚོའི་ལྕེ་གཅོད་ཀྱི་འདུག༽ཞེས་པ་དངོས་གནས་བདེན་པ་རེད་བོད་པས་བོད་ཡིག་མི་ཤེས་ན་ལྕེ་ཡིས་འགུལ་སྐྱོད་བྱེད་མི་ཐུབ་མཁན་ལྐུགས་པ་དང་ཁྱད་པར་ཅི་ཡང་མེད།
གཞོན་སྐྱེས་ཚོས་དཔུང་བ་མཉམ་སྒྲིག་ནས་གཅིག་ལ་གཅིག་མཐུན་གྱི་རྒྱབ་སྐྱོར་གནང་བར་རྗེས་སུ་ཡིད་རང་ཞུ་རྒྱུ་ཡིན།
སློབ་ཕྲུག་ཚོས་ལྭ་བ་་དཀར་པོ་གྱོན་དགོས་པའི་རྒྱུ་མཚན་ནི། ང་ཚོ་ང་ཚོའི་བོད་པའི་སྐད་ཡིག་ལ་ལྷག་བསམ་རྣམ་དག་ཡིན་ཡང་རྒྱ་ནག་གི་ང་ཚོ་ལ་མི་འདོད་བཞིན་དུ་ཞྭ་མོ་འདི་འདྲ་བ་གྱོན་གྱི་འདུག་ཞེས་པའི་རྒྱུ་མཚན་ཡིན་པ་དང་།
ཆོལ་ཁ་ཆོས་ཀྱིས་འཐེན་འཁྱེར་མེད་པར་བོད་པའི་གཞོན་སྐྱེས་ཚོས་འདི་དཔུང་བ་མཉམ་གཤིབ་ནས་གཅིག་ལ་གཅིག་མཐུན་དང་རྒྱབ་སྐྱོར་བྱས་པ་དེ་རྗེས་སུ་ཡི་རང་དང་། བཀའ་དྲིན་ཆེ་ཞུས་པ་ཡིན།