མདུན་ངོས།
About Us
Advertisement
བོད་ཀྱི་དུས་བབ།
  • གསར་འགྱུར།
    • ༸གོང་ས་མཆོག གསར་འགྱུར།
    • བཙན་བྱོལ།
    • བོད་ནང་།
    • རྒྱལ་སྤྱི།
    • རྒྱ་ནག
    • ༧གོང་ས་མཆོག གསུང་འཕྲིན།
  • རྩོམ་ཡིག།
    • བསམ་ཚུལ།
    • སྒྱུར་རྩོམ།
  • བརྙན་མཛོད།
    • གླེང་མོལ།
    • མེ་ལོང་།
    • ང་ཡི་བཙན་བྱོལ་བ།
    • གངས་ཕྲུག
    • དྲ་བརྙན་གསར་འགྱུར།
  • ཁྱབ་བསྒྲགས།
    • གླ་ཡོད་ཁྱབ་བསྒྲགས།
    • དུས་བབ་ཀྱི་གསལ་བསྒྲགས།
  • པར་མཛོད།
    • ང་ཚོའི་པར།
    • གསང་འགྱུར་པར་རིས།
  • དཔེ་དེབ།
  • རྩོམ་སྒྲིག་པའི་གཏམ།
  • ང་ཚོའི་སྐོར།
    • བོད་ཀྱི་དུས་བབ་ཀྱི་བྱུང་རིམ།
    • རྩ་ཆེའི་གསུང་འཕྲིན་ཁག
    • English
    • Chinese
No Result
ཆ་ཚང་གཟིགས།
  • གསར་འགྱུར།
    • ༸གོང་ས་མཆོག གསར་འགྱུར།
    • བཙན་བྱོལ།
    • བོད་ནང་།
    • རྒྱལ་སྤྱི།
    • རྒྱ་ནག
    • ༧གོང་ས་མཆོག གསུང་འཕྲིན།
  • རྩོམ་ཡིག།
    • བསམ་ཚུལ།
    • སྒྱུར་རྩོམ།
  • བརྙན་མཛོད།
    • གླེང་མོལ།
    • མེ་ལོང་།
    • ང་ཡི་བཙན་བྱོལ་བ།
    • གངས་ཕྲུག
    • དྲ་བརྙན་གསར་འགྱུར།
  • ཁྱབ་བསྒྲགས།
    • གླ་ཡོད་ཁྱབ་བསྒྲགས།
    • དུས་བབ་ཀྱི་གསལ་བསྒྲགས།
  • པར་མཛོད།
    • ང་ཚོའི་པར།
    • གསང་འགྱུར་པར་རིས།
  • དཔེ་དེབ།
  • རྩོམ་སྒྲིག་པའི་གཏམ།
  • ང་ཚོའི་སྐོར།
    • བོད་ཀྱི་དུས་བབ་ཀྱི་བྱུང་རིམ།
    • རྩ་ཆེའི་གསུང་འཕྲིན་ཁག
    • English
    • Chinese
No Result
ཆ་ཚང་གཟིགས།
བོད་ཀྱི་དུས་བབ།
No Result
ཆ་ཚང་གཟིགས།

གསལ་ལྷང་ལྷང་གི་བསྒྲཊ་གཏམ། པདྨ་བསམ་གྲུབ།

བོད་ཀྱི་དུས་བབ།
༢༠༡༠/༡༠/༢༧
Share on FacebookShare on TwitterShare on EmailShare on Whatsapp

པདྨ་བསམ་གྲུབ།   ཤེས་རབ་དགའ་ཚལ་གླིང༌།

 

སྤྱི་ལོ་༢༠༡༠ཟླ༡༠ཚེས་༡༩ཉིན། ང་རང་རྒྱུན་ལྡན་ལྟར་ཚོར་དྲག་གིས་མ་ཟིན་པའི་སྣང་བ་ཐན་ཐུན་དེའི་ཀློང་དུ།  སོས་དལ་བག་ཕེབས་ཀྱི་སློབ་ཁྲིད་ཅིག་བྱས་རྗེས། ཡིན་ཤག་ཤག་གི་ངང་ནས་རང་ཤག་དུ་ལོག དེར་དྲ་རྒྱའི་ཁ་ཕྱེས་པ་ན། བོད་མདོ་སྨད་ཀྱི་ཡུལ་ཁག་ཅིག་ཏུ་སློབ་ཕྲུག་ཚོས་མི་རིགས་སྐད་ཡིག་སྐྱོབ་པའི་འབོད་སྐད་བསྒྲགས་ཡོད་པ་རྟོགས། སྐབས་དེར་བདག་གི་དྲན་ངོར་འཆར་བ་སྟེ། ཕྱི་རྐྱེན་ནང་རྐྱེན་གང་མང་གིས་མི་རིགས་གསོན་གནས་ཀྱི་ཚེ་སྲོག་གཡང་ལ་དེད་ཅིང༌། བོད་མི་རིགས་ཀྱི་སྲོག་རྩར་གྱུར་བའི་སྐད་ཡིག་གི་རྩ་ལམ་ཁད་ཀྱིས་བསྒགས་དུས་འདིར། ཤི་ལ་ཁད་ཀྱི་མེ་རོ་དེ་སླར་ཡང་མདོ་ཁམས་སྨད་ནས་གསོས་བྱུང་སྙམ། 

 

དེ་ཡང་གནའ་བོའི་བོད་ཀྱི་ལོ་རྒྱུས་ཡིག་ལམ་དུ། སྔ་མོ་སྔ་མོ་བོད་ཡུལ་དབུས་ཀྱི་ཕྱོགས་ན། དགོངས་པའི་དཀྱེལ་ཡངས་བ་རྒྱལ་པོ་སྲོང་བཙན་གྱིས། ལ་རྒྱའི་དཔངས་མཐོ་བ་བློན་པོ་ཐོན་མི་སོགས་ལ་གསེར་དངུལ་ནོར་གྱི་རྫོངས་བ་དཔག་དུ་མེད་པ་བཏང་ལ། དུས་དེ་ནས་བཟུང་སྟེ། དུས་ཀྱི་བྱུང་བའི་འགྲོས་དང་བསྟུན་ནས། ཐུ་བྷོད་བོད་ཀྱི་དཔའ་རྟུལ་རིམ་བྱོན་གྱིས་“ལམ་བགྲོད་པར་དཀའ་བའི་རྒྱ་གར་སོགས་སུ། ལུས་ཚ་གྲང་ཆེ་ཡང་དཀའ་བ་སྤྱད་”དེ་ཡི་གེ་གསར་གཏོད་དང་རིག་གནས་ནང་འདྲེན་མཛད་པས། ད་གཟོད་ཁོང་ཅག་གིས་བོད་ཡུལ་འདི་ཤར་རྒྱ་ནག་དང་ལྷོ་རྒྱ་གར། ནུབ་གཟིག་ཡན་དང་བྱང་ཁྲོམ་དང་བཅས་པའི་དབུས་ནས། གོ་ལའི་ཏོག་ཏུ་འགྱིང་བར་བྱས་སྐད།

 

ཐེངས་འདིར་བྱིས་པ་བསམ་མེད་དུ་འདོད་པའི་སློབ་ཕྲུག་ཚོས། རང་རློམ་ཆེ་བའི་རྒན་རབས་པ་ཚོར་འདི་ལྟར། ཚ་ཐག་ཆོད་པའི་འགྲམ་ལྕག་ཅིག་བགྲད་པ་ན། བོད་སྐད་ཡིག་ཁ་ལ་ཁྱེར་བའི་ང་རང༌། གླ་ཕོགས་འདི་ཟ་རྒྱུར་ངོ་ཚ་ཞིག་སྐྱེས་བྱུང༌། འོན་ཀྱང་ཡུལ་དུས་ཐམས་ཅད་ཀྱི་རྒན་རབས་པ་ཚོ་དེ་ལྟ་མ་ཡིན་ཏེ། སྤྱི་ལོ་ཞེ་དགུའི་ཚུན་དུ་བོད་དུ་རྒྱ་ཡིས་བཙན་འཛུལ་བྱས་ཤིང༌། དུས་དེར་བོད་སྐད་ཡིག་ཀྱང་རྙིང་བཞི་ལས་འགུལ་གྱི་སྨྱོ་ཧམ་དུ་ཚུད་དེ། ཕལ་ཆེར་རྩ་སྟོང་དུ་སོང་མོད། རོ་ཡི་རི་བོའི་འོག་དང༌། ཁྲག་གི་མཚོ་མོའི་འཇིངས་ནས་ལྷག་ལུས་སུ་སོང་བའི་རྒན་པོ་མགོ་སེ་འགའ་ཡིས་བོད་ཀྱི་སྐད་ཡིག་འདི་ཤི་ཐོག་ནས་བསྐྱར་དུ་གསོན་པར་བྱས་ལ། ཁོང་ཚོའི་རྗེས་རབས་པ་ཚོས་ཀྱང་སྐད་ཡིག་འདིའི་ལུས་སེམས་ལ་སྔར་བཞིན་ཤད་བསྐྱེད་པ་མ་ཟད། དེ་ལ་སྐབས་འཚོལ་སྣ་ཚོགས་ཀྱིས་དུས་ཀྱི་ཟས་བཅུད་གསར་པའང་བླུད་དེ། རེ་ཞིག་ལ་བོད་ཡུལ་དུ་ཕ་སྐད་གཙང་མའི་མཁའ་དབུགས་འབྱིན་རྔུབ་བྱེད་པའི་སྐལ་བཟང་བསྐྲུན་མོད།

 

བཙན་འཛུལ་བས་མི་རིགས་སྐད་ཡིག་ལ་བརྟེན་ཞིང༌། སྐད་ཡིག་མི་རིགས་སུ་འཐིམ་པའི་ཆོས་ཉིད་དེ་སྨག་མེད་དུ་གཏོང་ཆེད། དངོས་ཤུགས་བརྒྱུད་གསུམ་ནས་གླགས་འཚོལ་ནའང༌། ན་གཞོན་ཚོ་མ་ཤི་ན། མི་རིགས་འདི་འཆི་མི་སྲིད། ད་ལྟ་ཕ་ཡུལ་དུ་རྒྱ་སྐད་ཀྱི་བཙན་འཛུལ་ཧ་ཅང་རྒོད་པས། མི་རིགས་དང་སྐད་ཡིག་ལ་ཞེན་པ་དཀར་བའི་རྒྱུད་བཟང་གི་བུ་ཕྲུག་ཚོས། ད་ནི་རང་གི་ན་ཚོད་ལས་བརྒལ་བའི་འགན་ཁུར་ཕྲག་ཏུ་བླངས་ཐལ། ཁོང་ཚོས་“མི་རིགས་འདྲ་མཉམ། སྐད་ཡིག་རང་དབང༌།”ཞེས་པའི་གད་རྒྱངས་གཉོམ་པོས་གནམ་ས་འགེངས་བར་བྱས་ཏེ། དུས་རབས་ཉེར་གཅིག་པའི་བོད་ཁ་བ་ཅན་གྱི་བདག་པོ་རུ་གཟི་བརྗིད་ཀྱིས་ལངས་བྱུང༌། དེ་ནི་སྙིང་རྗེ་རྗེའི་བོད་རིགས་སློབ་ཕྲུག་ཚོའི་སེམས་ལ་བཅིངས་བའི་“བོད་ཡིག་འཇིགས་མི་སྲིད། བོད་སྐད་ཉམས་མི་སྲིད”པའི་བརྟན་ཅག་ཅག་གི་རྡོ་རྗེའི་དམ་བཅའ་རེད་ལ། དེ་ནི་བོད་ཀྱི་མ་འོངས་སོན་རྩ་ཚོས་དུས་རབས་དང་ལོ་རྒྱུས་ལ་སྤྲིངས་བའི་གསལ་ལྷང་ལྷང་གི་བསྒྲགས་གཏམ་ཞིག་ཀྱང་ངོ༌།།     

མཆན། 3

  1. དཔལ་མགོན། says:
    ལོ་ 12 སྔོན།

    པད་མ་བསམ་གྲུབ་ལགས་ཀྱི་རྩོམ་ཡིག་ལ་བཤད་རྒྱུ་ཅང་རྙེད་མ་སོང་། འོ་ ་ཆག་འཇིག་གི་འཇིག་ལ་ས་ཡང་འཇུག་བྲིས་པ་ནོར་འདུག གཞན་པ་འབྲི་ཐབས་ཅུང་བཟང་བ་མི་འགྲོ་སྙམ།

    Reply
  2. དཔལ་མགོན། says:
    ལོ་ 12 སྔོན།

    ཐེངས་འདིའི་བོད་ནང་གི་སློབ་ཕྲུག་གི་སྐད་ཡིག་ལས་འགུལ་ཐད་ལ་བྲིས་པའི་རྩོམ་ཡིག་གཅེས་བཏུས་བྱས་ཏེ་པར་སྐྲིན་བྱེད་འཐུབ་ན་ཡག་པོ་འདུག

    Reply
  3. དཀར་མཚོ་སྐྱིད། says:
    ལོ་ 12 སྔོན།

    གོང་གི་རྩོམ་ཡིག་འདི་བཀླགས་པ་དང་མཉམ་དུ་རང་གི་སེམས་ཚོར་ཞིག་བརྗོད་པར་འདོད་དེ་བོད་ཀྱི་སྐད་ཡིག་དང་རིག་གཞུང་གི་བདག་དབང་དེ་བོད་ཀྱི་མིའི་རིགས་མཐའ་དག་ལ་ལོ་ངོ་སྟོང་ཕྲག་མང་པོར་ལྷན་སྐྱེས་སུ་ཡོད་པའི་བསམ་བློ་དང་། གོམས་གཤིས། མི་ཚེ་ལ་སོགས་པའི་བདེ་སྡུག་གི་ངོ་བོར་གྲུབ་པའི་ཆོས་ཉིད་ཀྱི་ཐོབ་ཐང་ཞིག་ཡིན་པ་ལས་རྒྱ་ནག་གིས་མི་རིགས་རང་ལུགས་གཙོ་བོར་བཟུང་སྟེ་རྒྱལ་ཁབ་གཅིག་གྱུར་དང་སྐད་ཡིག་གཅིག་གྱུར་ཟེར་ནས་དམངས་གཙོའི་རང་དབང་དང་འདྲ་མཉམ་གྱི་ཐོབ་ཐང་གང་ཡང་མེད་པར་བཙན་དབང་གིས་བོད་ཀྱི་ཐུན་མོང་མ་ཡིན་པའི་བཟང་སྤྱོད་ཀྱི་ཁྱད་ཆོས་རྣམས་ཀླ་ཀློ་འཇིགས་སུ་རུང་བའི་རྒྱ་ནག་པོའི་གཏུམ་སྤྱོད་ཀྱི་བསམ་བློར་མངོན་ལྐོག་གཉིས་ནས་བསྒྱུར་ཐབས་བྱེད་པ་ལ་དྲག་པོའི སྟོབས་ཤུགས་ཁོ་ན་བེད་སྤྱོད་བྱེད་པའི་གདུག་རྩུབ་ཀྱི་བྱ་སྤྱོད་ལ་མགོ་བོ་ནམ་ཡང་མི་སྒུར་པར་རང་སྲོག་བློས་གཏོང་གི་ལས་འགུལ་སྤེལ་བར་ཞུམ་པ་མེད་པའི་བོད་རིགས་གཞོན་སྐྱེས་སློབ་ཕྲུག་འདི་དག་གི་སྙིང་སྟོབས་ནི་དུས་རྟག་ཏུ་ང་ཚོའི་སེམས་ལ་རྡོ་ལ་རི་མོ་བརྐོས་པ་ལྟར་བཟུང་ཡོད།

    Reply

དཔྱད་མཆན་སྤེལ། Cancel reply

Your email address will not be published. Required fields are marked *

སྤྱི་ཚོགས་དྲ་གནས།

ཁྱབ་བསྒྲགས།

དྲ་ངོས་ཀྱི་གནས་ཚུལ་ཚང་མའི་པར་དབང་བོད་ཀྱི་དུས་བབ་ལ་ཡོད།

གློག་འཕྲིན།

editor@tibettimes.net | office@tibettimes.net

ཁ་པར།

+91-98823-47075 | +91-92189-38041 | +91-81972-44372
No Result
ཆ་ཚང་གཟིགས།
  • གསར་འགྱུར།
    • ༸གོང་ས་མཆོག གསར་འགྱུར།
    • བཙན་བྱོལ།
    • བོད་ནང་།
    • རྒྱལ་སྤྱི།
    • རྒྱ་ནག
    • ༧གོང་ས་མཆོག གསུང་འཕྲིན།
  • རྩོམ་ཡིག།
    • བསམ་ཚུལ།
    • སྒྱུར་རྩོམ།
  • བརྙན་མཛོད།
    • གླེང་མོལ།
    • མེ་ལོང་།
    • ང་ཡི་བཙན་བྱོལ་བ།
    • གངས་ཕྲུག
    • དྲ་བརྙན་གསར་འགྱུར།
  • ཁྱབ་བསྒྲགས།
    • གླ་ཡོད་ཁྱབ་བསྒྲགས།
    • དུས་བབ་ཀྱི་གསལ་བསྒྲགས།
  • པར་མཛོད།
    • ང་ཚོའི་པར།
    • གསང་འགྱུར་པར་རིས།
  • དཔེ་དེབ།
  • རྩོམ་སྒྲིག་པའི་གཏམ།
  • ང་ཚོའི་སྐོར།
    • བོད་ཀྱི་དུས་བབ་ཀྱི་བྱུང་རིམ།
    • རྩ་ཆེའི་གསུང་འཕྲིན་ཁག
    • English
    • Chinese

Welcome Back!

OR

Login to your account below

Forgotten Password?

Retrieve your password

Please enter your username or email address to reset your password.

Log In

Add New Playlist