ཁ་སང་ཕྱི་ཚེས་ ༩ ཉིན་ཨོ་བྷ་མ་རྒྱ་གར་ནས་ཧིན་རྡུ་ནི་ཤི་ཡར་རྒྱལ་དོན་གཟིགས་སྐོར་དུ་འབྱོར་ཡོད་ལ། རྒྱལ་ཁབ་འདི་ནི་འཛམ་གླིང་སྟེང་གི་ཁ་ཆེའི་རྒྱལ་ཁབ་ཆེ་ཤོས་ཡིན་འདུག་ལ། ཐེངས་འདིའི་ཁོང་གི་རྒྱལ་དོན་གཟིགས་སྐོར་སྐབས་སུ་ཨོ་བྷ་མས་འཛམ་གླིང་སྟེང་གི་སྟོབས་ལྡན་དམག་ཤུགས་ཅན་ཚོས་མི་རིགས་ཉམས་ཆུང་ཚོ་དམིགས་འབེན་དུ་འཛིན་གྱི་ཡོད་རུང་། ཨ་རིར་མཚོན་ན་ཁ་ཆེ་མི་རིགས་ཚོར་དམག་འཁྲུག་རྒྱག་རྒྱུའི་བསམ་བློ་མེད། ཨ་རི་དང་ཧིན་རྡུ་ནི་ཤི་ཡ་རྒྱལ་ཁབ་གཉིས་ཕན་ཚུན་དགའ་ཕྱོགས་དང་རིན་ཐང་སྤེལ་རེས་ཀྱིས་མཛའ་མཐུན་གྱི་འབྲེལ་བ་དམ་ཟབ་ཏུ་གནས་ཡོད། སྔོན་མ་ང་རང་ཆུང་དུས་ལོ་བཞིའི་རིང་རྒྱལ་ཁབ་འདིར་བསྡད་པ་རེད། དེ་དུས་ངས་ཤེས་རྟོགས་བྱུང་བ་ནི་རྒྱལ་ཁབ་འདིའི་དཔལ་འབྱོར་གྱི་འཕེལ་རྒྱས་དང་། མང་ཚོགས་ཕལ་ཆེ་བ་ཁ་ཆེ་མི་རིགས་ཡིན་ཡང་ཆོས་ལུགས་གཞན་ལ་བཟོད་སྲན་དང་མཐུན་ལམ་ཆེན་པོ་ཡོད་པ་དེ་འཛམ་གླིང་གི་མིག་དཔེར་བལྟ་འོས་པ་ཞིག་རེད། ཅེས་བསྔགས་བརྗོད་བྱས་ཡོད།
ཨོ་བྷ་མས་མུ་མཐུད་དུ་མཉམ་སྒྲིལ་ཐོག་དྲག་སྤྲོད་པར་གདོང་ལེན་བྱེད་ཕྱོགས་སྐོར་ནས་བརྗོད་དོན། མི་སྒེར་སུ་ཡིན་རུང་སོ་སོའི་དད་མོས་ཙམ་གྱིས་གང་ཟག་སྒེར་དེའི་བསམ་སྤྱོད་ལ་འགྲེལ་བཤད་རྒྱག་དཀའ་བ་ཇི་བཞིན། ཧིན་རྡུ་ནི་ཤི་ཡའི་རྒྱལ་ཁབ་ཀྱང་ཁ་ཆེ་མི་རིགས་ཙམ་མ་ཡིན་པའི་འགྲེལ་བཤད་ཅིག་ཡོད། ང་ཚོས་ཤེས་གསལ་ལྟར་འདས་པའི་ལོ་མང་རིང་ཨ་རི་དང་ཁ་ཆེའི་སྤྱི་ཚོགས་བར་རྩོད་རྙོག་ག་ཚོད་ཅིག་ལྷག་བསྡད་ཡོད་པ་རེད། ང་རང་ཨ་རིའི་སྲིད་འཛིན་ཞིག་གི་ངོས་ནས། གནད་དོན་འདི་དག་གཙང་སེལ་ཡོང་ཐབས་བྱ་རྒྱུའི་ཆོད་སེམས་བཟུང་ཡོད། ངས་གསལ་བོ་བཟོ་རྒྱུ་ཞིག་ལ། ཨ་རིས་དུས་ནམ་ཡང་ཁ་ཆེ་མི་རིགས་དང་དམག་འཁྲུག་མི་བྱ། དེ་ལས་ལྡོག་ཏེ། ང་ཚོ་མཉམ་འབྲེལ་གྱིས་ཨོལ་ཁཱོ་ཌ ( Al-Qaeda) དང་ཁོ་ཚོའི་ཕྱོགས་གཏོགས་ཚང་མ་རྩ་མེད་བཟོ་དགོས། ཁོ་ཚོར་ཆོས་ལུགས་གང་འདྲ་ཞིག་གི་མགོ་ཁྲིད་ཀྱི་ཐོབ་ཐང་མེད། བྱེ་བྲག་ཏུ་འཛམ་གླིང་ཁ་ཆེ་ཆོས་ལུགས་ལྟ་བུ་ཞིག་གི་མགོ་ཁྲིད་ཀྱི་ཐོབ་ཐང་ནམ་ཡང་མེད། ཡིན་ནའང་གཟབ་ནན་བྱ་དགོས་པ་ཞིག་ནི། གཏོར་རྒོལ་ལ་དམིགས་མཁན་དེ་ཚོས་འཇིགས་སྐུལ་དང་དྲག་སྤྱོད་པའི་རྨང་གཞི་གཏོང་བར་འཇིགས་སྐུལ་བ་དང་དྲག་སྤྱོད་པ་རང་གི་མིང་ཐོག་ནས་ནམ་ཡང་ངོས་ལེན་དང་འགྲེལ་བརྗོད་བྱ་མི་སྲིད། ཅེས་འབོད་སྐུལ་ཡང་ཞུས་འདུག
གསར་འགོད་པ། བནྡེ་སྐྱབས།
![Because of high altitudes in the Himalayas, difficult terrain and often poor weather, the Kailash Manasarovar pilgrimage if one of the most challenging in the world [File: Purnima Shrestha/Reuters]](https://tibettimes.net/wp-content/uploads/2026/05/Screen-Shot-2026-05-14-at-5.25.22-PM-360x180.png)
ཨ་རིའི་སྲིད་འཛིན་ཨོ་བྷ་མས་འཛམ་གླིང་ནང་ཞི་བདེ་བསྐྲུན་པའི་དམིགས་འདུན་ཡོད་ན་ཨ་རིའི་དམག་མི་དབྱི་རག་ན་ཡོད་པའི་ཨ་རིའི་དམག་མི་དེ་དག་མགྱོགས་མྱུར་ངང་ཕྱིར་འཐེན་གྱི། མིའི་སྤྱི་ཚོགས་ནང་དམག་འཁྲུགས་མེད་པ་བཟོ་བའི་ཐབས་ལམ་ཉག་གཅིག་སྟེ།བྱམས་སྙིང་རྗེའི་སྐོར་ལ་བསམ་བློ་ཅི་ཙམ་མང་བ་དེ་ཙམ་གྱིས་དེ་ཉུང་རུ་འགྲོ་བ་དང་།བདེ་སྐྱིད་འཚོ་བ་གསར་བ་ཞིག་བསྐྲུན་པའི་གཞི་ཚུགས་པ་རེད་མ་གཏོགས། དེ་ལྟར་མ་ནུས་ན་ཞི་བདེ་གཟེངས་རྟགས་ཅི་ཙམ་རག་ཅིང་མིང་ཙམ་ལས་ཅི་ཡང་མི་ཕན། ཐབས་ལམ་གཞན་ཞིག་བཙལ་ན་ཡང་རྙེད་ཁག་པོ་རེད། འོན་ཀྱང་དེང་སང་མི་ཚང་མས་དེ་ལས་ལྡོག་སྟེ་བསམ་བློ་གཏོང་གི་འདུག དེ་ནོར་བ་རེད་བསམ་གྱིན་འདུག
མིའི་སྤྱི་ཚོགས་ནང་དམག་འཁྲུགས་མེད་པ་བཟོ་བའི་ཐབས་ལམ་ཉག་གཅིག་ནི་།བྱམས་སྙིང་རྗེའི་སྐོར་ལ་བསམ་བློ་ཅི་ཙམ་མང་བ་དེ་ཙམ་གྱིས་དེ་ཉུང་རུ་འགྲོ་གི་རེད་མ་གཏོགས། ཐབས་ལམ་གཞན་ཞིག་བཙལ་ན་ཡང་རྙེད་ཁག་པོ་རེད། འོན་ཀྱང་དེང་སང་མི་ཚང་མས་དེ་ལས་ལྡོག་སྟེ་བསམ་བློ་གཏོང་གི་འདུག དེ་ནོར་བ་རེད་བསམ་གྱིན་འདུག
ཁོ་བོས་ཕྱོགས་གང་ནས་བལྟས་ན་ཡང་ ཨོ་བྷ་མ་ཨ་རིའི་སྲིད་འཛིན་བསྐོས་པ་་ནས་བཟུང་སྟེ་ཨ་རི་སྟོབས་ཆེན་རྒྱལ་ཁབ་ཀྱི་སྲིད་འཛིན་གྱི་ནུས་པ་དེ་ཡོངས་སུ་ཉམས་པར་འགྱུར་བར་མཐོང་ གང་ཡིན་ཟེར་ན་སྔར་རྗོརཇ་བྷུཤི་སྲིད་འཛིན་ཡིན་པའི་སྐབས་སུ་ཨ་རིའི་སྲིད་འཛིན་གྱི་ཆེ་མཐོང་ཇི་འདྲ་ཆེན་པོ་ཡོད་ རྒྱལ་ཁབ་གཞན་གྱི་སྲིད་འཛིན་ཡོངས་རྫོགས་ཟིལ་གྱིས་གནོན་པའི་ནུས་པ་ཡོད་པ་ཡིན་ ད་ནི་ཨ་རི་སྲིད་འཛིན་ལ་རྒྱལ་ཁབ་གཞན་གྱིས་ཚུར་ཟིལ་གྱིས་གནོན་གྱིན་འདུག་ ཧ་ཧ་ཧ་
ཡིན་ནའང་། ཨོ་བྷ་མས་སྐད་ཆ་འདི་མི་བཤད་རང་བཤད་ཆགས་ཡོད། ན་ནིང་གི་ནོ་བྷེལ་གཟེངས་རྟགས་ཀྱང་འདིའི་ཆེད་དུ་ཁོང་ལ་ཐོབ་པ་རེད།
ཁོང་ཚོའི་སྐད་ཆར་ཉན་ན་སྙིང་ཉེ་ཉེ་རྐྱང་ཡིན་ནི་རེད། ཡིན་ནའང་ལག་བསྟར་ལ་ཇི་ལྟར་ཕབ་མིན་དེ་རེད།
གཏམ་བཤད་ཡག་པོ་སྤེལ་འདུག་ཨ་རི་སྲིདའཛིན་ཡིན་པ་དོན་གོ་ཆོད་འདུག
འདི་ན་གལ་ཆེ་བས་གཏམ་བཤད་ཞིག་རེད། ཁ་ཆེ་བ་རྣམས་ཀྱིས་ཤེས་དགོས་པ་ཞིག་ཀྱང་རེད།
དེང་སང་གི་ཆབ་སྲིད་པ་ཚོས་རང་གི་ལྟ་བ་དང་མ་མཐུན་ཚེ་ལམ་ལུགས་སྐྱོག་བཤད་བྱེད་བཞིན་ཡོད། དཔེན་རྒྱ་གཞུང་ནས་ཏྰ་ལའི་བླ་མས་རྒྱ་མི་རིགས་ལ་ང་རྒོལ་བྱེད་བཞིན་ཡོད་ཅེས་པ་དང་།
འཇིགས་སྐུལ་པ་ཚོས་ཨ་རི་ནས་ཁ་ཆེའི་ཆོས་ལུགས་པ་དང་མི་རིགས་ལ་དགྲར་བཟུང་ཡོད་ཅེས་བཤད་ཀྱིད་ཡོད།
འདི་རིགས་འདི་ཆབ་སྲིད་ས་སྐྱོད་བཤད་ལམ་ལུགས་རེད།
དེ་རིང་སྟོབས་ཆེན་ཨ་མི་རི་ཁའི་སྲིད་འཛིན་འདིས་ཁ་ཆེ་མི་རིགས་དང་ཁ་ཆེ་ཆོས་ལུགས་པ་ལ་ཆེས་མཐོང་དང་མཉམ་ལས་ཀྱི་སྐུལ་འདེད་གནང་འདུག་ལ། དེ་དང་ཆབས་ཅིག་ཨ་ཁཱ་ཌཱ (Al-Qaeda) ཡི་འཇིགས་སྐུལ་དང་ཆོས་ལུགས་ཁ་ཁྱེར་གྱི་བྱ་བ་དེ་ཚོ། ཁོང་ཚོའི་དམིགས་ཡུལ་བསྒྲུབ་པར་ནུས་པ་ཆེས་ཤོས་ཤིག་ཡིན་རུང་། སྲིད་འཛིན་འདིས་སྡིངས་ཆ་གཅིག་གི་ཐོག་ནས་དུས་ཡུན་ཐུང་ཐུང་ཞིག་ལ། ཁོང་ཚོའི་འཇིགས་སྐུལ་འཇིགས་སྐུལ་ལ་མི་བརྩི་བ་དང་ཁོ་ཚོས་ཆོས་ལུགས་ཀྱི་དབུ་ཁྲིད་བྱེད་པར་རློམ་ཡང་དོན་དངོས་སུ་ཆོས་ལུགས་ཀྱི་དབུ་ཁྲིད་དུ་མི་བརྩི་ཟེར་བཞིན། ཁ་ཆེ་བ་དང་ཁ་ཆེའི་ཆོས་ལུགས་པ་སོགས་ཨ་རི་དང་མཐུན་ཕྱོགས་སུ་ལེན་ཐབས་གནང་འདུག་པ་དེ་མཐོང་སྣང་མཛེས་པོ་ཞིག་འདུག་ཀྱང་། འོ་ན། ཨ་རིས་ཁ་གཏད་བྱས་པའི་འཇིགས་སྐུལ་བ་དེ་སུ་རེད། ཅེས་པའི་དྲི་བ་དེས་གོང་གི་བཀའ་མོས་དེ་ཚོའི་གཞུག་གུ་བཅད་དེ་སྙིགས་སྣོད་དུ་དོར་ཉེན་ཆེན་པོ་འདུག་་་་་་་་་་མ་རེད་པས།