བོད་ཀྱི་འགྲོ་བ་མིའི་ཐོབ་ཐང་དང་མང་གཙོ་འཕེལ་རྒྱ་ལྟེ་གནས་ཁང་གིས་གནས་ཚུལ་སྤེལ་བ་ལྟར་ན། ཟླ་སྔོན་མའི་ནང་ལྷ་ས་ལྷོ་ཁ་ས་ཁུལ་འབྲིང་རིམ་མི་དམངས་ཁྲིམས་ཁང་གིས་རྒྱལ་ཁབ་ཀྱི་བདེ་འཇགས་ལ་གནོད་སྐྱོན་བཏང་བའི་ཉེས་མིང་འོག བོད་མི་བསོད་ནམས་བག་གྲོ་དང་བཀྲ་ཤིས་སྟོབས་རྒྱལ་གཉིས་ལ་ལོ་ ༡༥ ནས་ ༥ བར་གྱི་དུས་བཀག་བཙོན་འཇུག་གི་ཁྲིམས་ཐག་བཅད་ཡོད་འདུག
ཁོང་གཉིས་ལ་ཁྲིམས་ཐག་གཅོད་དོན་ནི། ཉེ་བའི་ལོ་འགའི་རིང་རྒྱ་ནག་གཞུང་གིས་ལྷོ་ཁ་ས་ཁུལ་མཚོ་སྣ་རྫོང་དེ་ནི། བོད་དང་རྒྱ་གར་གཉིས་ཀྱི་ས་མཚམས་ཡིན་པར་དམིགས་ཏེ། དེར་ཡོད་མང་ཚོགས་ལ་དམིགས་གསལ་ཆབ་སྲིད་ཀྱི་སློབ་གསོ་སྤྲད་དེ་དམ་དྲག་ཤུགས་ཆེན་བྱེད་ཀྱི་ཡོད་འདུག་ལ། ༢༠༠༩ ལོའི་ལོ་དཀྱིལ་ཙམ་ལ་གློ་བུར་དུ་ས་གནས་སྤྱི་བདེ་ཚན་པས་བོད་མི་བཀྲ་ཤིས་སྟོབས་རྒྱལ་དང་། བསོད་ནམས་བག་གྲོ་གཉིས་ལ་ཆབ་སྲིད་ཀྱི་དོགས་གཞི་ཡོད་ཚུལ་གྱི་ཉེས་མིང་འོག་འཛིན་བཟུང་བྱས་ཡོད་འདུག ལོ་གཅིག་རིང་ཁོང་གཉིས་གར་ཡོད་ཅི་བྱུང་གི་གནས་ཚུལ་ཤེས་རྟོགས་མེད་ཀྱང་། འདི་ལོའི་ཕྱི་ཟླ་ ༡༠ བའི་ནང་གློ་བུར་དུ་ནང་མི་སོགས་ལ་བརྡ་ལེན་གང་ཡང་མེད་པའི་ཐོག་ནས་ལྷོ་ཁ་ས་ཁུལ་འབྲིང་རིམ་མི་དམངས་ཁྲིམས་ཁང་གིས་རྒྱལ་ཁབ་ཀྱི་བདེ་འཇགས་ལ་གནོད་སྐྱོན་བཏང་བའི་ཉེས་མིང་བཀལ་ཏེ། བསོད་ནམས་བག་གྲོ་ལ་ལོ་ ༡༥ དང་བཀྲ་ཤིས་སྟོབས་རྒྱལ་ལ་ལོ་ ༥ ཡི་དུས་བཀག་བཙོན་འཇུག་གི་ཁྲིམས་ཐག་བཅད་དེ། ལྷ་ས་གྲོང་ཁྱེར་གྱི་བཙོན་ཁང་ཞིག་ཏུ་གནས་སྤོར་བྱས་ཡོད་འདུག
རང་ལོ་ ༣༠ ཡིན་པའི་བཀྲ་ཤིས་སྟོབས་རྒྱལ་ལགས་ཀྱང་མཚོ་སྣ་རྫོང་སྦྱོར་ར་ཞང་ཁོངས་ཀྱི་སྒེར་གཉེར་ཚོང་པ་ཞིག་ཡིན་འདུག་ཅིང་། བསོད་ནམས་བག་གྲོ་ལགས་ནི། ༡༩༦༥ ལོར་མཚོ་སྣ་རྫོང་སྦྱོར་ར་ཞང་ཁོངས་སུ་སྐྱེས་ཤིང་། ས་གནས་སློབ་འབྲིང་ཐོན་རྗེས་གུང་ཁྲན་ཏང་ནང་ཞུགས་པའི་ཏང་མི་ཞིག་ཀྱང་ཡིན་འདུག་པ་མ་ཟད། སྒེར་གྱི་ཚོང་གཉེར་བྱས་ཏེ་སྤྱི་ཚོགས་སྟེང་མང་ཚོགས་སྐྱོ་བོའི་རིགས་ལ་སྨན་བཅོས་སོགས་ཀྱི་རོགས་སྐྱོར་དང་དགོན་པ་ཞིག་གསོ། ས་གནས་ཀྱི་སློབ་མ་སྐྱོ་བོའི་རིགས་ལ་སློབ་ཡོན་དང་ཟས་གོས་སོགས་ཀྱི་རོགས་སྐྱོར་བྱེད་མཁན་གྱི་ཚོང་པ་ཆེན་པོ་ཞིག་ཡིན་འདུག་ལ། དེ་སྔ་ཁོང་ལ་འབྲེལ་ཡོད་ཚན་པས་སྔོན་ཐོན་ཞབས་ཞུ་བའི་བྱ་དགའ་ཡང་ཕུལ་མྱོང་ཡོད་འདུག
གསར་འགོད་པ། དོན་གོ
ཨ་ཁ་ཁ་་་་་་ཨོཾ་མཎི་པདྨེ་ཧུཾཿ། ཨོཾ་མཎི་པདྨེ་ཧུཾཿ། ཨོཾ་མཎི་པདྨེ་ཧུཾཿ།
ཡང་མནར་གཅོད་ཚད་མ་གཏོང་རྒྱུ་རེད་ཡ། བོད་མིའི་ལས་དབང་འདི་བཤད་ཤེས་ཀྱིན་མི་འདུག
བོད་མི་རིགས་ལ་ཤ་ཚ་མཁན་དང་། བོད་ཀྱི་རིག་གནས་ལ་དགའ་ཞེན་ཅན། བོད་ཀྱི་སྐད་ཡིག་དང་། རིག་གཞུང་། ནང་བསྟན་ཆོས་ལུགས། བོད་ཀྱི་ན་གཞོན་ཚོའི་སློབ་གསོ། བོད་པའི་སྤྱི་ཚོགས་བཅས་ཕྱོགས་སར་བྱས་རྗེས་རིམ་བཞིན་འཇོག་མཁན་གྱི་མི་སྣ་ཅན་ཚོ་རྒྱ་འདྲེ་གདུག་རྩུབ་ཅན་འདིས་རྩ་མེད་བཏང་དང་གཏོང་བཞིན་ཡོད།
ལས་ལ་བརྩོན་བཞིན་དཔའ་ངར་ལྡན་པའི་སྙིང་དང་མཆོད་སེམས་དེ་ཇི་སྲིད་གངས་ཅན་ལྗོངས་དང་ཁ་བ་གངས་ཅན་པ་ཚོ་མ་སྟོང་གིས་བར་དུ་དེ་སྲིད་དུ་གནས་དགོས་ལ་མུ་མཐུད་གནས་ཏེ་རྩོད་ངེས་རེད།
གངས་ཅན་ལྗོངས་ཀྱི་ཆོས་སྲིད་བྱ་བའི་གདུགས།།
འདེགས་པའི་སྲིད་ཞུར་གཏོགས་པའི་སྐྱེ་བོ་ཀུན།།
ལྷག་བསམ་རྣམ་དཔྱོད་དཔུང་པ་རབ་བརྟན་ཅིང་།།
སྐྱེ་ཀུན་ཕྱག་ན་པདྨོས་རྗེས་བཟུང་ཤོག།
ཨ་ཁ། དགའ་བཞིན་དགའ་བཞིན་ངང་ནས། སྐྱོ་དགོས་འདུག་ཀྱང་། ཡང་བསྐྱར་དགའ་བའི་དུས་ཤིག་ངེས་པར་ཤར་ངེས་རེད་ཨ། ཚང་མས་རིགས་པ་འགྲིམས་ལ། སེམས་ཤུགས་མ་ཆགས།
ང་ནི་ངོ་མར་བོད་ནང་ལ་ཡོད་པའི་བོད་རིགས་དང་དམིགས་བསལ་བོད་རང་སྐྱོངས་ལྗོངས་ནང་དུ་གནས་པའི་བོད་རིགས་རྣམས་ལ་སྙིང་རྗེ་གིན་ གང་ལགས་ཟེར་ན་ནག་ཉེས་ཆུང་ཆུང་བྱེད་ན་ཡང་བཙོན་ཆད་ལོ་ཡུན་རིང་པོ་བཀལ་གྱིན་འདུག་ ད་དུང་ཧ་ལས་པའི་དམ་དྲགས་ཆེན་པོ་བྱེད་གིན་འདུག་ ངོ་མ་བོད་ཡོངས་བཙོན་ཁང་བཞིན་དུ་འགྱུར་གྲབ་འདུག་ ཡང་དེ་སྔོན་ཚོང་པ་རྡོ་རྗེ་བཀྲིས་ལགས་ལ་ཚེ་བཙོན་བཀལ་བ་དང་༢༠༠༨ ལོའི་ཡར་ལངས་སྐབས་སུ་ཚུད་པའི་བོད་རིགས་རྣམས་ལ་བཙོན་ཆད་ལོ་ཡུན་ཇི་འདྲ་རིང་པོ་བཀལ་འདུག་གམ་ ཕྱོགས་གཅིག་ནས་བསམ་ན་བོད་རང་སྐྱོངས་ཕྱི་ན་ཡོད་པའི་བོད་རིགས་རྣམས་སྲིད་བྱུས་གུ་ཡང་བ་དང་ཐ་ན་ཁྲིམས་ཁང་ནང་ནས་བཙོན་ཆད་ལོ་ཡུན་ཡིན་ན་ཡང་ཐུང་བ་བཀལ་གྱིན་ཡོད་ རྒྱ་ནག་གིས་བོད་ཀྱི་ས་ཁུལ་གཉིས་ལ་དེ་འདྲའི་དབྱེ་བ་ཆེན་པོ་འབྱེད་དོན་ཅི་ཡིན་ནམ་
ཁོང་གཉིས་ཀྱིམཛདརྗེས་ལ་བསྔགས་དང་སྡུག་སེམས་མཉམ་སྐྱེདཞུ།