བོད་མི་མང་སྤྱི་འཐུས་སྨོན་ལམ་མཐར་ལགས་ཀྱིས་གནས་ཚུལ་བཏང་འབྱོར་བྱུང་བ་ལྟར་ན། མདོ་ཁམས་ཆབ་མདོ་ས་ཁུལ་སྡེ་དགེ་འཇོ་མདའ་རྫོང་འཛི་སྒར་དགོན་པའི་གྲྭ་ཀརྨ་དཔལ་བཟང་རང་ལོ་ ༢༦ ཅན་དང་། མི་ཕམ་དགེ་ལེགས་རང་ལོ་ ༢༢ ཅན་གཉིས་ལ་ ༢༠༡༠ ཟླ་ ༡༠ ཚེས་ ༢༥ ཉིན་འཇོ་མདའ་རྫོང་ནས་ལོ་ ༩ དང་ཕྱེད་ཀྱི་བཙོན་འཇུག་ཁྲིམས་ཐག་བཅད་ཡོད་འདུག
ཕྱི་ལོ་ ༢༠༠༩ ལོར་འཇོ་མདའ་རྫོང་ཁོངས་ཀྱི་བོད་མི་རྣམས་ཀྱིས་ས་ཞིང་མ་བཏབ་ཅིང་སྒོ་བཤས་སྤང་བ་སོགས་དང་། དམིགས་བསལ་འཛི་སྒར་དགོན་གཙོས་པའི་དགོན་སྡེ་ཁག་ནས་རྒྱལ་གཅེས་ཆོས་གཅེས་ཀྱི་སློབ་གསོར་དང་ལེན་མ་གནང་བ་སོགས་ཀྱི་གནས་ཚུལ་བྱུང་སྟབས། རྒྱ་གཞུང་གིས་རླངས་འཁོར་ཆེ་ཆུང་འདྲ་མིན་མང་པོ་སྤྲད་ཀྱང་བོད་མི་རྣམས་ཀྱིས་བླངས་མེད།
ད་ལོའི་གསུམ་བཅུའི་དུས་དྲན་དགོང་མོ་འཇོ་མདའ་རྫོང་འཛི་སྒར་ཞཱང་དུ་རྒྱ་གཞུང་ལ་ངོ་རྒོལ་ཆེད་རྒྱ་གཞུང་གིས་ས་གནས་མང་ཚོགས་ལ་སྤྲོད་འཆར་ཡོད་པའི་རླངས་འཁོར་མེར་བསྲེགས་བཏང་ཡོད་པ་དང་། དེའི་རྗེས་རྒྱ་གཞུང་གི་ཉེན་རྟོག་པས་འཛི་སྒར་དགོན་པའི་གྲྭ་པ་ཁག་ཅིག་འཛིན་བཟུང་བྱས་རྗེས་ཁོང་གཉིས་ཉེས་ཅན་གྱི་གཏེ་བོ་ཡིན་པར་ངོས་འཛིན་བྱས་ཏེ། དུས་ཚོད་རིང་པོར་བཀག་ཉར་གྱིས་འདྲི་བརྩད་བྱས་ཡོད་པ་མ་ཟད། འཛི་སྒར་དགོན་པར་ཁྲིད་ཡོང་ནས་གྲྭ་མང་ལ་ཁོང་གཉིས་ཀྱི་བྱ་སྤྱོད་ངན་པ་དེ་ལྟ་བུ་གྲྭ་མང་བྱིངས་ཀྱིས་བྱས་ན་མི་འགྲིག་པའི་འཇིགས་སྐུལ་བྱས་ཡོད་འདུག་ལ། མཐར་ཉེ་ལམ་་ཕྱི་ཟླ་ ༡༠ པའི་ནང་ཁྲིམས་ཐག་བཅད་པ་ཞིག་ཡིན་འདུག
![Because of high altitudes in the Himalayas, difficult terrain and often poor weather, the Kailash Manasarovar pilgrimage if one of the most challenging in the world [File: Purnima Shrestha/Reuters]](https://tibettimes.net/wp-content/uploads/2026/05/Screen-Shot-2026-05-14-at-5.25.22-PM-360x180.png)
མི་འགའ་ཤས་ཀྱིས་ང་ཚོ་རེ་བས་ཕུང་འདུག་ཟེར་སོང་།ངའི་འཆའ་སྣང་ལ་དེ་ནི་ནོར་འཁྲུལ་མིན་ནམ་དྲིན་གྱི་འདུག གང་ཡིན་ཟེར་ན་རྒྱ་ཆེན་དཔལ་བོ་རྣམས་ཀྱིས་མཛད་རྗེས་དེ་ཡི་དབངགིས་བོད་མི་རིགས་ལ་གྲུབ་འབྲས་ལེགས་པོ་བྱུང་ཡོད་རེད།
ང་ཚོ་དངོས་གནས་རེ་བའི་ཕུང་འདུག་མི་ལྔ་ཅུའི་ནང་ལ་བོད་མི་དེ་དག་གི་མ་ཤི་དམྱལ་བའི་སྡུག་བསྔལ་མྱོང་བ་རེད་ལྷ་འདྲེ་ཡིན་ཡང་སྙིང་རྩ་འདར་ཤིག་ཤིག་བྱུང་ཡོད་ད་ང་ཚོ་རྨོངས་གཉིད་ལས་སད་དགོས་འདུག་རེ་བ་གཅིག་པུ་ལ་ལྟ་ན་ངོ་མ་ཕུང་ཡོང་།གཅིག་དང་གཉིས་མ་རེད་མི་རིགས་ཡོངས་ལ་ཐུབ་ཚོད་བྱེད་སོང་།།