ཟླ་འདིའི་ཕྱི་ཚེས་ ༢༦ ཉིན་གྱི་སྔོ་དྲོར་མཚོ་སྔོན་མཚོ་ལྷོ་ཁུལ་གུང་ཧོ་རྫོང་མི་རིགས་སློབ་འབྲིང་གིས་སྐབས་དང་པོའི་བསྡུས་གྲྭ་སྦྱངས་འབྲས་ངོམ་པའི་མཛད་སྒོ་ཞིག་ཚོགས་ཡོད་ཅིང་། མཛད་སྒོ་དེའི་ཐོག་མཚོ་ལྷོ་ཁུལ་དགེ་ཐོན་སློབ་གླིང་དང་ཁུལ་མི་རིགས་མཐོ་འབྲིང་དང་པོ། གུང་ཧོ་རྫོང་མི་རིགས་སློབ་ཆུང་དང་པོ་དང་། སློབ་ཆུང་གཉིས་པ་སོགས་ཀྱི་དགེ་རྒན་དང་མགོ་ཁྲིད་རྣམས་མཉམ་ཞུགས་གནང་ཡོད་འདུག
ཐེངས་འདིའི་མཛད་སྒོའི་ཐོག་འཛིན་གྲྭ་ཁག་གི་སློབ་ཕྲུག་ཕོ་མོ་ཚོས་རྟགས་གསལ་གྱི་ལམ་ནས་ཚད་མ་བརྩད་དེ་འགྲན་བསྡུར་བྱས་ཡོད་པ་དང་མཇུག་མཐར་སྐར་གྲངས་ལྟར་བྱ་དགའ་ཡང་སྤྲད་ཡོད་འདུག ཐེངས་འདིའི་སློབ་ཕྲུག་ཚོའི་ཚད་མ་རྩོད་རྒྱུགས་ཀྱི་འགྲན་བསྡུར་འདི་ནི། གུང་ཧོ་རྫོང་མི་རིགས་སློབ་འབྲིང་གིས་གསར་བསྒྲིགས་བྱས་པའི་སློབ་ཚན་ལ་གཞི་བཟུང་སྟེ། འཛིན་རིམ་བརྒྱད་པའི་བོད་ཡིག་གཏན་ཚིགས་རིག་པའི་ནང་དོན་ལྡན་པའི་བསྡུས་གྲྭའི་སློབ་དེབ་ཡིན་ཞིང་། བསླབ་གཞི་བཅོས་བསྒྱུར་བྱས་ཐོག་སློབ་ཆེན་གྱི་སྐབས་སློབ་དགོས་པའི་སྐོར་ཡང་ཡོད་འདུག ཁོང་ཚོས་བྱ་འགུལ་འདིའི་ཐད། རིག་པ་གཞོན་དུས་གཏན་ཚིགས་རིག་པ་སྦྱངས་པས་ན། སློབ་མའི་རྟོག་དཔྱོད་བསམ་གཞིགས་ཀྱི་ནུས་པ་སྐྱེད་སྲིང་བྱ་ཆེད་ཡིན་སྐོར་བརྗོད་འདུག
བསྡུས་གྲྭའི་སྦྱངས་འབྲས་ངོམ་པ།
བསྡུས་གྲྭའི་སྦྱངས་འབྲས་ངོམ་པ།
![Uyghur Scholar Rahile Dawut [Photo: Uyghur Human Rights Project]](https://tibettimes.net/wp-content/uploads/2023/09/Uyghur-Scholar-Rahile-Dawut-Photo-Uyghur-Human-Rights-Project-360x180.jpg)
འདི་ཕལ་ཆེར་དུས་ཚོད་ཆུ་བཟོས་སུ་བཏང་པ་རེད།
༄༅། ། ཁྱོད་རྣམ་པས་འདི་འདྲའི་བཟི་བརྗིད་ལྡན་པའི་མཛད་སྒོ་གནང་བར་སྙིང་དབུས་ནས་ཐུགས་རྗེ་ཆེ་གྲངས་མེད་ཞུ་བཞིན་ཡོད། རྗེས་མ་ཡང་འདི་དང་དེ་བཞིན་གང་མང་གོ་བསྒྲིག་ཡོང་བར་མཁྱེན། ཁྱོད་རྣམ་པས་ལས་དོན་གོང་ནད་གོང་དུ་འཕེལ་བར་སྨོན།
ད་ངོ་མ་བོད་ནང་གི་བུ་རབ་ཚ་རྒྱུད་ཚོའི་མདུན་དུ་ང་ཚོ་ངོ་གནོང་དགོས་པ་ཞིག་རེད་མི་འདུག་གམ
བོད་ནང་གི་དགེ་སློབ་འདི་དག་དངོས་གནས་ལས་སླ་བོ་མི་འདུག ང་ཚོ་རང་དབང་ལུང་པར་དགེ་མེད་དུ་སྣང་པའི་རིག་གནས་འདི་ལྟ་བུ་ཡང་རྒྱུ་འཛིན་བྱེད་པའི་ཚུལ་ལ་ལྟོས་ན་བོད་ནང་གི་མི་འདི་དག་རྣམ་དཔྱོད་ཧ་ཅང་ལྡན་གྱིན་འདུག དེ་ཙམ་མ་ཟད་༸གོང་ས་མཆོག་གི་བཀའ་དགོངས་ཡང་དེ་རེད། དངོས་གནས་ཡག་པོ་འདུག