བགྲེས་ཡོལ་ནས་སྡེ་སྲིད་ཁྲི་པའི་བར། འཇིཊ་བྲལ་བསྟན་འཛིན།

ང་ཚོར་དགོས་པའི་བཀའ་ཁྲི་ནི་བོད་རྒྱ་ཆེ་མི་མང་ལ་དང་གཙང་ལྷད་མེད་ཀྱི་བརྩེ་བ་ཡོད་ཐོག མི་མང་གི་དོན་དུ་ཁ་ཡོད་ལག་ཡོད་ཀྱི་ལས་དོན་གྲུབ་ཐུབ་མཁན་ཞིག་ཡིན་པ་ལས་རང་གི་རིག་གཞུང་ཐོག་ནས་བོད་ལྗོངས་ཞིབ་འཇུག་ཙམ་ཡང་འབྲི་མི་ཐུབ་མཁན་གྱི་གཞོན་ནུ་ཀླད་སྟོང་བ་དེ་འདྲ་དགོས་དོན་མེད་སྙམ།

འདིར་སྡེ་སྲིད་ཁྲི་པའི་སྐོར་གླེང་གི་འདུག འདིའི་སྐོར་ངས་ཉེ་ཆར་ཁ་བརྡ་དྲ་ཚིགས་ཐོག་རྩོམ་ཡིག་ཅིག་སྤེལ་བ་འདིར་འབྲེལ་བ་ཆེ་བས་དྲ་གྲོགས་ཚོའི་དཔྱད་གཞིར་དྲངས་པ་གཤམ་གསལ།

ཟམ་གདོང་རིན་པོ་ཆེ་སྡེ་སྲིད་ཁྲི་པར་ཕེབས་ཀྱི་རེད།
འཇིགས་མེད་བཀྲ་ཤིས་ཀྱིས།

༄༅།། ཟམ་གདོང་རིན་པོ་ཆེ་བཀའ་ཁྲི་ཟུར་ནས་གང་དུ་ཕེབས་རྒྱུ་ཡིན་མིན་སྐོར་གླེང་སློང་ཞིག་དེ་སྔོན་ནས་ཡོང་གི་ཡོད། ཁ་ཤས་ཀྱིས་སྤྱི་འཐུས་ནང་ལ་ཕེབས་ཀྱི་རེད་ཟེར། ཁ་ཤས་ཀྱིས་ཁྲིམས་ཞིབ་ཁང་ལ་ཕེབས་ཀྱི་རེད་ཟེར། ཁ་ཤས་ཀྱིས་རི་ཁྲོད། ཁ་ཤས་ཀྱིས་གདན་ས། ཁ་ཤས་ཀྱིས་སླར་ཡང་ཝཱར་ཎར་ཕེབས་ཀྱི་རེད་ཟེར། དེ་ཐམས་ཅད་ལ་ཡིན་སྲིད་པའི་ཆ་རེ་ཡོད་པས་མཐའ་གཅིག་ཏུ་མ་རེད་ལབ་མི་ཐུབ། འོན་ཀྱང་སྤོབས་པ་མཐའ་ཡས་ཟེར་བས་ཟམ་གདོང་རིན་པོ་ཆེ་དོལ་དགོན་གསར་པའི་ནང་དུ་འཛུལ་སྲིད་སྐོར་བཤད་སོང། དེ་ནི་གཏན་ནས་མི་སྲིད་པ་ཞིག་རེད། ཆུ་བོ་གངྒཱ་ཝཱ་རཱཎ་སཱི་ནས་དཀྱོགས་ཏེ་རྒྱ་ནག་གི་རྒྱལ་ས་པེ་ཅིན་ལ་བཞུར་གྱི་རེད་ཟེར་བ་དང་མཚུངས། འདི་འདྲའི་མི་སྲིད་པ་ཞིག་བཤད་དགོས་དོན་གང་ཡིན་ནམ། མི་སྲིད་པའི་རྟོག་བཟོ་འདི་རིགས་ལ་དཔྱད་ཀྱང་དགོས་པ་ཆུང་བས་བཞག
ཟམ་གདོང་རིན་པོ་ཆེ་བཀའ་ཁྲི་ཟུར་ནས་གང་དུ་ཕེབས་མིན་གྱི་དོན་དངོས་ཐོག་བཤད་ན། སྤྱི་འཐུས་སོགས་ཀྱི་ནང་གནས་སྐབས་ཕེབས་སྲིད་ཀྱང་ཕེབས་གཏན་འཁེལ་བ་ཞིག་མ་རེད་སྙམ། ཕེབས་གཏན་འཁེལ་བ་ནི་རིང་མིན་སྡེ་སྲིད་ཁྲི་པར་ཕེབས་རྒྱུ་ཡིན་པ་དེ་རེད། འདི་ནི། གཅིག་ནས། ༸གོང་ས་མཆོག་གིས་བགྲེས་ཡོལ་ཆ་ཚང་གནང་རྒྱུའི་བཀའ་ཕེབས་བཞིན་པར་མ་ཟད། དགུང་ནའི་བབས་ཀྱིས་ཀྱང་དེ་ལྟར་གནང་རྒྱུ་བཟློག་ཐབས་མེད་པ་ཆགས་ཡོང་གི་ཡོད། བོད་མི་ཚོའི་ངོས་ནས་ཨུ་ཚུགས་ག་ཚད་ཞུས་ཀྱང་དེ་ལ་བཟློག་ཐབས་མེད།
གཉིས་ནས། བཙན་བྱོལ་ནང་གི་ཤེས་འཇོན་གཉིས་ལྡན་གྱི་རྩེ་ཕུད་ཟམ་གདོང་རིན་པོ་ཆེ་བཀའ་ཁྲིའི་ལས་གནས་ནས་འཁྱུར་ལ་ཉེ་ཡོང་གི་ཡོད། ཁོང་དབུ་སྐྲ་དཀར་ནའང་ད་དུང་ཕྱག་ལས་གནང་མི་ཐུབ་པའི་ཚོད་མིན་པས། མུ་མཐུད་དུ་ཁོང་ལ་བོད་བསྟན་སྲིད་ཀྱི་མཛད་འགན་བསྐུར་དགོས་ལ། དེའང་མཛད་འགན་སྔར་ལས་ལྷག་པ་ཞིག་བསྐུར་དགོས།
གསུམ་ནས། ༸གོང་ས་མཆོག་གིས་ནམ་རྒྱུན་༸རྒྱལ་བ་རིན་པོ་ཆེ་མེད་པ་ནང་བཞིན་ལས་ཀ་བྱེད་དགོས་པ་དང་འགན་འཁྱེར་དགོས་པ་རེད་ཅེས་བཀའ་གནང་བཞིན་པ་ལྟར། ད་ནི་ཁོང་སྐུ་འཚོ་བཞུགས་ཀྱི་རིང་འདིར། ཁོང་མེད་པ་ནང་བཞིན་ལས་ཀ་ཆ་ཚང་བ་ཞིག་བྱེད་སྟངས་སྦྱང་དགོས་པ་རེད། ལག་ལེན་དུ་བསྟར་དགོས་པ་རེད། རྗེས་མ་དུས་ཚོད་དེ་ལ་སླེབས་རག་བར་དུ་བསྒུགས་ནས་སྡོད་མི་རུང། དེ་བསྒུགས་པས་ཕན་ཐོགས་མེད། སྔོན་ཚུད་ནས་སྦྱོང་བརྡར་གནང་དགོས་པ་རེད། འདི་གལ་ཆེན་པོ་རེད། ༸གོང་ས་མཆོག་ནས་བགྲེས་ཡོལ་ཆ་ཚང་གནང་དགོས་གསུངས་པའི་རྒྱུ་མཚན་གྱི་གཙོ་བོའང་འདི་ཡིན་ངེས།
དེས་ན་༸རྒྱལ་བ་རིན་པོ་ཆེས་བགྲེས་ཡོལ་ཆ་ཚང་གནང་སྟེ། བོད་གཞུང་གི་འགན་འཛིན་དབང་ཆ་མ་བཞེས་ཚེ་ཇི་ལྟར་བྱེད་དགོས་ཤེ་ན། བཙན་བྱོལ་བོད་མིའི་བཅའ་ཁྲིམས་ནང་གསལ་བ་ལྟར། སྡེ་སྲིད་ལྷན་ཚོགས་འཛུགས་དགོས་པ་དང་། སྡེ་སྲིད་ལྷན་ཚོགས་དེའི་ནང་སྡེ་སྲིད་ཁྲི་པ་ཞིག་དགོས། དེ་ལ་ཟམ་གདོང་རིན་པོ་ཆེ་ཏག་ཏག་ཡོད་པ་རེད། སྡེ་སྲིད་ཁྲི་པ་ནི་བཀའ་བློན་ཁྲི་པའི་ཡན་ཞིག་རེད། སྡེ་སྲིད་ལྷན་ཚོགས་འདི་༸གོང་ས་མཆོག་སྐུ་འཚོ་བཞུགས་མེད་པའི་སྐབས་འཛུགས་རྒྱུ་ཞིག་མིན་ནམ་བསམ་མཁན་རེ་ཟུང་ཡོད་སྲིད་ཀྱང་། དེ་འདྲ་མ་རེད། སྐུ་འཚོ་བཞུགས་སྐབས་ལ་བཙུགས་ཆོག་གི་ཡོད་པ་རེད། དེ་ནི་བཅའ་ཁྲིམས་དོན་ཚན་སོ་གཅིག་པའི་ནང་།
༼༡ ཀ ༸གོང་ས་༸སྐྱབས་མགོན་ཆེན་པོས་རྒྱལ་ཁབ་དང་གཞུང་གི་མཛད་ཁུར་མ་བཞེས་པའི་གནས་ཚུལ་བྱུང་སྐབས་དང།
ཁ རྒྱལ་ཁབ་དང་། མི་མང་གི་ཁེ་ཕན་ཆེ་ཤོས་ཀྱི་དོན་དུ་སྤྱི་འཐུས་ལྷན་ཚོགས་ཀྱི་སྤྱི་འཐུས་རྩ་འབོར་གྱི་བཞི་ཆ་གསུམ་ཡན་གྱིས་མོས་མཐུན་ཐོག་ཆེས་མཐོའི་ཁྲིམས་ཞིབ་ཁང་ལ་གོ་བསྡུར་དང་འབྲེལ། ༸གོང་ས་༸སྐྱབས་མགོན་ཆེན་པོ་མཆོག་གི་འགན་འཛིན་མཛད་ཁུར་རྣམས་སྡེ་སྲིད་ལྷན་ཚོགས་ཀྱིས་ལག་ལེན་མ་བསྟར་མཐུ་མེད་ཀྱི་ཐག་གཅོད་བྱུང་སྐབས་བཅས་སུ་གཞུང་གི་འགན་དབང་འཛིན་མཁན་སྡེ་སྲིད་ལྷན་ཚོགས་ཤིག་དགོས་པ་ཡིན།༽ ཞེས་གསལ་ཡོད། ནང་གསེས་༼ཀ༽པའི་ནང་དུ་༸གོང་ས་མཆོག་སྐུ་མ་འཚོ་བའི་སྐབས་དེ་ཚུད་ཡོད་ཀྱང་དེ་ཁོ་ན་མིན། བགྲེས་ཡོལ་གནང་སྟེ་མཛད་ཁུར་མ་བཞེས་པའི་སྐབས་སུའང་དེ་ཇི་བཞིན་རེད།
གཞན་ཡང། ༸རྒྱལ་བ་རིན་པོ་ཆེས་བགྲེས་ཡོལ་ཆ་ཚང་གནང་སྟེ། བོད་གཞུང་གི་འགན་འཛིན་དབང་ཆ་དང་རྒྱལ་ཁབ་དབུ་ཁྲིད་ཀྱི་མཚན་གནས་བཞེས་ཀྱི་མིན་གསུངས་པ་འདིས། ༸རྒྱལ་བ་རིན་པོ་ཆེས་བོད་མི་མང་གི་འདི་ཕྱིའི་༸སྐྱབས་མགོན་གནང་གི་མིན་གསུངས་པ་མ་རེད། དེ་ནི་བོད་མིའི་དད་པ་དམ་ཚིག་ལ་འགྱུར་བ་མ་སོང་བར་དུ་གནང་རྒྱུ་ཡིན་ཡིན་པ་རེད། འོ་ན་ག་རེ་གསུང་གི་ཡོད་པ་རེད་ཅེ་ན། ཞེ་ས་མ་ཞུས་ན་༸རྒྱལ་བ་རིན་པོ་ཆེས་བོད་གཞུང་གི་ལས་བྱེད་གནང་གི་མིན་གསུང་གི་ཡོད་པ་རེད། ད་ཆ་༸རྒྱལ་བ་རིན་པོ་ཆེ་བོད་གཞུང་གི་ལས་བྱེད་ནང་གི་ལས་བྱེད་མཐོ་ཤོས་དེ་རེད། ད་ལས་བྱེད་འདི་ནས་བགྲེས་ཡོལ་གནང་གི་ཡིན་གསུང་གི་ཡོད་པ་རེད། ཁོང་དང་སྐུ་ན་མཉམ་པའི་ལས་བྱེད་གཞན་པ་རྣམས་སྔ་མོ་ནས་བགྲེས་ཡོལ་ཞུས་ཚར་བ་རེད། ཞེ་ས་མ་ཞུས་པར་གསལ་པོ་བྱས་ནས་བཤད་ན་དེ་འདྲ་ཞིག་རེད། ཁ་ཤས་ཀྱིས་བགྲེས་ཡོལ་གནང་རྒྱུའི་གསུང་འདི་ལ་གོ་ནོར་ཐེབས་ཀྱི་ཡོད་ཚོད་འདུག དེས་ན། མི་རིང་བར་བགྲེས་ཡོལ་ཆ་ཚང་གནང་བའི་སྐབས་སུ་སྡེ་སྲིད་ལྷན་ཚོགས་འཛུགས་རྒྱུ་དང། ཟམ་གདོང་རིན་པོ་ཆེ་སྡེ་སྲིད་ཁྲི་པར་ཕེབས་རྒྱུ་འདི་འདྲ་ཞིག་ ཕྱོགས་དུ་མ་ནས་དུས་ལ་བབ་ཡོང་གི་ཡོད་པས། སྤོབས་པ་མཐའ་ཡས་ཟེར་བ་སོགས་ཀྱིས་མི་དགོས་པའི་འཇིགས་སྣང་དང་གཟུགས་མེད་ཀྱི་གྲིབ་བཟོ་བྱེད་མི་དགོས་སོ།།

དྲ་གྲོགས་འཇིགས་བྲལ་ལགས། མང་གཙོའི་སྤྱི་ཚོགས་ཀྱི་འགྲོ་ལུགས་ནང་དུ་མི་མང་གི་བཀའ་ལུང་ཉིད་དབང་ཚད་རེད། དེ་སྔའི་བཀའ་བློན་ཁྲི་བ་(དོན་དངོས་བཀའ་བློན་བགྲེས་པ་ཟེར་དགོས་)དང་། མི་མང་གིས་ཐད་ཀར་འོས་འདེམས་བྱས་པའི་བཀའ་ཁྲིའི་དབང་ཚད་ལ་མ་འདྲ་བའི་གནས་ལུགས་ཧ་ཅང་མང་སྟེ་སྲིད་གཞུང་བྱ་བའི་འཛིན་སྐྱོང་ལམ་ལུགས་ལ་ལེགས་པར་དཔྱད་ཚེ་འདི་ཉིད་ཚོར་ངེས་ཤིང་། གྲོས་ཚོགས་ཀྱིས་གཏན་འབེབས་མ་བྱས་པར་བཀའ་ཤག་གིས་སྲིད་བྱུས་བཏང་ཆོག་མིན་དང་། གྲོས་ཚོགས་ཀྱིས་ཁྲིམས་འཆར་ངོར་འཁྱེར་མ་འོང་བའི་གྲོས་ཆོད་ཁག་ངེས་པར་དེང་ལེན་བྱེད་དགོས་ཡོད་མེད་ཀྱི་རྩོད་གཞི་འབྱུང་བཞིན་པ་ནི་དེང་གི་བཀའ་ཤག་གི་དབང་ཚད་མཚོན་གྱི་ཡོད་པ་དང་། དེང་བཀའ་ཤག་ནི་བཀའ་ཁྲི་ལྟེ་བ་ཡིན་པའི་སྲིད་འཛིན་ལས་ཁུངས་མཐོ་ཤོས་ཤིག་ཡིན་པ་དེ་ཉིད་དོ།

ཨ་མའི་བུ་ཟེར་བའི་དྲ་གྲོགས་དང་། བསྟན་འཛིན་སྟོབས་རྒྱལ་ཟེར་བའི་དྲ་གྲོགས་གཉིས་ནས་གུས་པར་སྐྱོན་བརྗོད་དང་དམའ་འབེབ་གང་ཤེས་བྱས་འདུག་ལ། མཐའ་ན་གུས་པར་དགག་པ་མཐའ་གཅིག་ཏུ་བྱེད་རྒྱུ་ཡིན་སྐོར་བརྗོད་འདུག

ཡིན་ནའང་། རྣམ་པ་ལྷན་རྒྱས་ལ། གུས་བརྩི་དང་བཅས་ཞུ་རྒྱུ་ལ། གུས་པས་སྤེལ་བའི་རྩོམ་ཡིག་འདིའི་ནང་བསྟན་པའི་བྱུང་རིམ་གྲུབ་དོན་དང་བཅས་པར་གང་ཡང་ལབ་ཐུབ་མི་འདུག རྗེས་ཕྱོགས་མི་ལ་དགག་པ་འབྲི་དུས་ཁ་ངན་ཚིག་ངན་གྱིས་སྡུག་རིགས་ངན་ཚད་ཤོད་པ་ལས། གང་དགག་བྱའི་དོན་དེ་ལ་རེ་རེ་བཞིན་དགག་ན་མི་ཚོས་ཁྱོད་རང་གཉིས་ཀྱི་གཏམ་བརྗོད་ལ་རྒྱུ་མཚན་མི་འདུག་རང་ཟེར་གྱི་མ་རེད། དེ་མིན་ཁོང་ཁྲོ་ཟོས་བཞག སུ་ཡིན་ནམ། ལྐུགས་པ་རང་རེད་ཟེར་གྱི་རེད། ད་ལན་དེ་ཙམ་ཡིན། ལན་འབྲི་འདོད་ན་སེམས་ལྷོད་ལ་བབ་ནས་བྲིས་ན་ཡག་པོ་ཡོད་རེད།

དྲ་གྲོགས་རས་པ་ལགས་ཀྱིས་བསམ་ཚུལ་གསུང་པར་དགའ་ནས་ཡོད།

བསམ་ཚུལ་ཤོད་ཆོག་པ་ཞིག་ཆགས་ཡོད་པ་རེད། སྡེ་སྲིད་མེད་པ་བཟོ་དགོས་མིན་དེ་སྤྱི་འཐུས་གྲོས་ཚོགས་ཀྱིས་ཐག་གཅོད་དགོས་པ་ཞིག་རེད།

བཅའ་ཁྲིམས་ཐོག་མར་བཟོ་དུས་སུ་བཀའ་བློན་ཁྲི་པར་སྐུ་དབང་གང་ཡོད་པ་དེ་ལ་ད་ལྟ་འགྱུར་བ་གང་ཡང་ཕྱིན་ཡོད་མ་རེད། ཡིན་ནའང་བཀའ་ཁྲི་འོང་ལུགས་ལ་འགྱུར་བ་ཞེ་དྲག་ཕྱིན་ཟིན་པ་རེད། མདོར་ན་བཀའ་ཁྲི་མི་མང་ནས་ཐད་ཀར་འོས་འདེམས་བྱས་ཡོད་ཀྱང་དེ་རྩིས་ཀྱི་དབང་ཆ་དམིགས་བསལ་བ་གང་ཡོད་མ་རེད།

སྤུན་ཟླ་ཚོ། འབྲེལ་ཐག་འདི་ལ་ཞིབ་དུ་གཟིགས་ནས་དེ་ནས་བསམ་བློ་ཞིབ་མོ་ཞིག་གཏོང་།
http://www.gyalwarinpoche.com/intentionDetail.php?id=1

ངོ་མ་བསམ་ཚུལ་དེ་ཡག་ག
མདུང་རྩེའི་ཟིན་བྲིས་ནས་བཤུས།
བགྲེལ་ཡོལ་དང་འབྲེལ་བའི་རྣམ་རྟོག་གི་ལམ་ནས་མྱུལ་བའི་སྡེ་སྲིད་ཁྲི་པ།

བགྲེལ་ཡོལ་འབྲེལ་བའི་རྣམ་རྟོག་གི་ལམ་ནས་མྱུལ་བའི་སྡེ་སྲིད་ཁྲི་པ།
ཉེ་ཆར་༧གོང་ས་མཆོག་གི་གསུང་བཤད་འགའ་ཞིག་དང་ལྷག་པར་རྒྱ་གར་གྱི་ ༼ cnn ༽གསར་འགོད་པས་འབྱུང་འགྱུར་༧གོང་ས་མཆོག་གི་ཡང་སྲིད་སྐོར་དང་། བོད་ཀྱི་དབུ་ཁྲིད་གནང་ཕྱོགས་སྐོར་ལ་བཀའ་འདྲི་ཞུས་པའི་ལན་དུ། ཡང་སྲིད་སྐོར་གྱི་གནད་དོན་ཐད་ལོ་ཉི་ཤུ་སུམ་ཅུའི་གནས་ཚུལ་ཡིན་པས་ད་ལྟ་བྲེལ་བ་མེད་པར་གསུངས་པ་དང་། བོད་ཀྱི་དབུ་ཁྲིད་གནང་ཕྱོགས་ཐད་ཟླ་བ་དྲུག་བདུན་མཚམས་ནས་ངོས་རང་བགྲེས་ཡོལ་ཆ་ཚང་ཞུ་གི་ཡིན་ཞེས་བཀའ་སློབ་ཕེབས་ཡོད་འདུག དེར་བརྟེན་བཙལ་བྱོལ་བོད་མིའི་སྤྱི་ཚོགས་ཁྲོད་གནས་ཚུལ་དེའི་ཐད་ད་ལྟ་གླེང་སློང་ཤུགས་ཆེར་བྱེད་ཀྱིན་ཡོད་ལ། བཀའ་ཤག་གིས་ཀྱང་འདིའི་ཐད་ཐུགས་ཚབ་ཆེན་པོ་གནང་གི་ཡོད་ཚོད་འདུག དེར་མ་ཟད་དེང་སང་ས་གནས་འགའ་ཞིག་དང་། གཞུང་འབྲེལ་མ་ཡིན་པའི་ཚོགས་ཁག་དང་སེ་ར་ཆོས་སྒར་གྱིས་མཚོན་པའི་དགོན་པ་གྲྭ་ཚང་རེ་ཟུང་གིས་༧གོང་ས་མཆོག་མུ་མཐུད་དེ་བོད་ཀྱི་དབུ་ཁྲིད་དུ་བཞུགས་སུ་གསོལ་བའི་སྙན་ཞུ་འབུལ་བཞིན་འདུག དེ་ནི་རྒྱ་ནག་གཞུང་གིས་བསམ་བཞིན་ཤེས་བཞིན་དུ་དྲང་བདེན་གྱི་ཁ་ཕྱོགས་གཞན་དུ་སྒྱུར་བཞིན་པའི་ཆབ་སྲིད་ཀྱི་ལོག་འགྲེལ་དང་། རང་གཞུང་གི་ངོ་ལྐོག་གཡོ་ཟོལ་མེད་པའི་ཆབ་སྲིད་ཀྱི་གནས་བབ་དང་འཛམ་གླིིང་མི་མང་སྤྱི་དང་ཁྱད་པར་ཆབ་སྲིད་ཀྱི་ཐོམ་ཞ་གཡོགས་པའི་རྒྱ་མི་རིགས་ཚོར་བདེན་དོན་ར་འཕྲོད་བྱེད་པའི་གོ་སྐབས་བཟང་པོ་ཞིག་ཏུ་འཁུམས།
གནས་དོན་འདིའི་དཔྱད་ཞིབ་བྱེད་པ་ལ།
དང་པོར་༧གོང་ས་མཆོག་བགྲེང་ཡོལ་ཆ་ཚང་གནང་རྒྱུའི་བཀའ་སློབ་དེའི་བྱུང་རྐྱེན་གང་ཡིན་དང་། མཐའ་གཅིག་ཏུ་མགོན་པོ་མཆོག་བགྲེས་ཡོལ་ཕེབས་པ་ཡིན་ན་བཙན་བྱོལ་བོད་གཞུང་གི་ཆབ་དཔལ་རིག་གསུམ་གྱི་གནས་བབ་ཇི་འདྲ་ཞིག་ཏུ་འགྱུར་མིན་ཐད་དཔྱད་ཞིབ་བྱེད་གལ་ཆེ།
བྱུང་རྐྱེན་སྐོར་ལ་མི་མང་ནང་གླེང་ཚུལ་སྣ་མང་ཞིག་མཆིས་ཤིང་། ལ་ལས་དེ་ནི་དྲ་རྒྱ་ཁག་དང་གསར་ལམ་ཁག་ཏུ་བོད་མི་རེ་ཟུང་གིས་༧གོང་མཆོག་གལ་ཆེའམ། མང་གཙོ་གལ་ཆེ་ཞེས་དང་། བཙན་བྱོལ་ནང་ཚད་ལྡན་གྱི་མང་གཙོ་མེད་ཚུལ་དང་། མི་མང་ནས་ད་དུང་མང་གཙོ་ངང་སྒུག་བྱས་ཡོད་ཚུལ་སོགས་བསམ་ཚུལ་འདྲ་མིན་སྤེལ་བར་བརྟེན་༧གོང་ས་མཆོག་ནས་ད་ལྟའི་མང་གཙོ་འདིས་མི་མང་བྱིངས་ཀྱི་འདོད་ཐོག་འགྲོ་གི་མེད་པའི་ཐུགས་དྭོགས་གནང་སྟེ། བཀའ་སློབ་དེ་ལྟར་ཕེབས་པའི་ངོས་འཛིན་བྱེད་པ་དང་། བཀའ་ཤག་གིས་ཆེད་དུ་གཉེར་ནས་དེ་ལྟར་བཟོས་པར་ངོས་བཟུང་བ་སོགས་འགྲེལ་ཚུལ་སྣ་མང་མཆིས། ཕྲན་གྱིས་གནས་དོན་འདིའི་ཐད་བསམ་གཞིགས་མང་པོ་བྱས་པ་ཡིན། འདི་ནི་༧གོང་ས་མཆོག་གི་སྔ་ཕྱིའི་བཀའ་སློབ་གུང་བསྒྲིགས་ནས་ཐག་གཅོད་པ་མ་གཏོགས་རང་འགར་བྱུང་རྒྱལ་དུ་སྨྲས་པ་ཙམ་ལ་སྙིང་པོ་ཅི་ཡང་མེད་པར་འདོད། ཉེ་ཆར་སེ་ར་བླ་སྤྱིའི་འདུ་ཁང་ནང་དུ་མི་མང་ཚོགས་ཆེན་མཇུག་བསྡུའི་གསུངས་བཤད་སྐབས་བཙན་བྱོལ་དུ་འབྱོར་ནས་ཐོག་མར་མང་གཙོ་དབུ་བསྙེས་པའི་སྐོར་དང་། དེ་ནས་མང་གཙོའི་འཕེལ་རིམ་འགྲོ་ཕྱོགས་ཐད་དང་། རྒྱལ་བ་རིན་པོ་ཆེའི་སྐུ་དབང་སྐོར་བགྲོ་གླེང་རིམ་པས་བརྒྱུད་དེ་མང་མོས་སུམ་ཉིས་ཀྱིས་འོས་བསྡུའི་སྒོ་ནས་ཐག་གཅོད་དགོས་པའི་སྐོར་བཅའ་ཁྲིམས་གསལ་ཡོད་པར་གསུངས་ཡོད། ལྷག་པར་ ༢༠༠༡ ལོ་ནས་བཀའ་བློ་ཁྲི་པ་ཐད་ཀར་མི་མང་ནས་འོས་འདེམས་བྱས་ཏེ་ཁོང་ཉིད་ཕྱེད་བགྲེས་ཡོལ་དུ་བཞུགས་པ་དང་། སྐབས་དེར་བགྲོ་གླེང་རིམ་བརྒྱུད་ཀྱི་ལམ་ནས་གྲོས་ཚོགས་དང་མི་མང་སོགས་ལ་ཁྱེད་ཅག་གི་ལས་ཀ་བྱེད་སྐབས་རྒྱལ་བ་རིན་པོ་ཆེ་མེད་པ་ལྟར་བྱས་ན་ཡག་པོ་ཡོད་རེད་ཅེས་གསུངས་མྱོང་ཡོད་པར་བཀའ་ཕེབས་ཡོད།
དེ་ནི་༧གོང་ས་མཆོག་གིས་མི་རབས་གསར་བར་ཚོད་བགམས་ཐེངས་ཤིག་གནང་གི་ཡོད་པ་དང་། ལྷག་པར་རྒྱ་ནག་གིས་མི་བདེན་རྫུན་སྒྲོག་བྱེད་ཀྱིན་པའི་ཆབ་སྲིད་ཀྱི་རྫུན་ཕུགས་ཐེངས་ཤིག་གཏིབ་ཀྱི་ཡོད་པར་མཐོང་། གནས་སྟངས་འདི་༧གོང་ས་མཆོག་གི་སྔ་ཕྱིའི་བཀའ་སློབ་དག་ལ་གསན་ཞིབ་ལེགས་པར་བྱས་ཏེ་དཔྱད་བརྗོད་སྤེལ་བ་ཡིན་ན་མང་ཚོགས་ཀྱི་གོ་རྟོགས་སད་ཐུབ་པ་དང་། རང་ཉིད་བོད་མི་ཞིག་གི་འགན་འཁྲི་དང་དུ་བླངས་པར་སེམས། ཚུལ་འདི་ནི་སེ་ར་བླ་སྤྱིའི་འདུ་ཁང་དུ་མཇུག་སྡོམ་གསུངས་བཤད་ལ་གཞིགས་ན་ལམ་ཙམ་ཚོད་དཔྱད་བྱེད་ཐུབ། ཁོང་བགྲེས་ཡོལ་ཕེབས་རྐྱེན་དེ་དབུ་མའི་ལམ་ལ་གྲུབ་འབྲས་མེད་པ་དང་སེམས་ཤུགས་ཆགས་པ་མ་ཡིན་ལ། ལས་འགན་འདི་ལས་གཡོལ་ཐབས་དེ་བས་ཀྱང་གནང་གི་མེད། ༧གོང་ས་མཆོག་ནི་བོད་མིའི་ལུགས་གཉིས་ཀྱི་དབུ་ཁྲིད་ཡིན་ལ། གཞིས་བྱེས་བོད་མིའི་སེམས་ཁོང་གི་རེ་བ་ཉག་ཡོད་པ་ནི་༧གོང་ས་མཆོག་ཡིན། བོད་ཆོས་ལྡན་ཞིང་འདི་༧འཕགས་མཆོག་སྤྱན་རས་གཟིགས་ཀྱི་གདུལ་ཞིང་ཡིན་པས་དམིགས་བསལ་གྱི་འབྲེལ་བ་དམ་ཟབ་ཡོད། དེར་བརྟེན་༧གོང་ས་མཆོག་ནི་སྤྱན་རས་གཟིགས་མི་ཡི་གར་དུ་རོལ་བ་ཡིན་སྟབས་ཁོང་གི་ཐུགས་རྗེ་སྐྱབས་འོག་ནས་བོད་འབངས་ནམ་ཡང་དོར་མི་སྲིད་ལ། མགོན་པོ་མཆོག་གི་བཀའ་སློབ་ཀྱང་དེ་དང་མཐུན་པར་ཕེབས་ཡོད། ༧གོང་མཆོག་གི་མཛད་འཕྲིན་དང་རླབས་ཆེན་གྱི་དགོངས་དག་ང་ཚོས་བློ་ཡུལ་དུ་ཆུབ་པར་དཀའ་བས་འོལ་ཚོད་ཀྱིས་དཔྱད་གཏམ་འདྲ་མིན་སྤེལ་བཞིན་པ་དག་འོས་འཚམས་སུ་མ་མཐོང་ངོ་།

སྐབས་འཚོལ་བ་འགའ་ཞིག་གིས་ཆེད་དུ་དཀྲོག་གཏམ་བཟོ་བཞིན་འདུག་པས་དེའི་ཐད་རང་རེའི་སྐྱེ་བོ་ཀུན་གྱི་དོ་སྣང་ངེས་པར་བྱེད་དགོས། དེ་དག་གིས་མིང་འདོགས་སྣ་ཚོགས་ཀྱིས་བཀའ་ཁྲི་ཟམ་གདོང་རིན་པོ་ཆེར་མིང་ཆད་ངན་པ་བཟོ་བཞིན་ཡོད། དཔེར་ན། ཉེ་ཆར་འཇིོགས་བྲལ་ཟེར་བ་ཞིག་གིས་དུས་བབ་དྲ་ཐོག་ཏུ་བཀའ་ཁྲིས་ཆེད་དུ་གཉེར་ནས་༧གོང་ས་མཆོག་བགྲེས་ཡོལ་ཞུ་རུ་འཇུག་པ་དང་། གལ་ཏེ་༧གོང་ས་མཆོག་བགྲེས་ཡོལ་གནང་བ་ཡིན་ན་བཀའ་ཁྲི་ཟམ་གདོང་རིན་པོ་ཆེ་མཆོག་སྡེ་སྲིད་ཁྲི་པར་འགྲོ་སེམས་ཡོད་པའི་ཁུངས་མེད་ཀྱི་འཆལ་གཏམ་སྒྲོག་གིན་འདུག ལྷག་པར་འདི་ལོ་དང་སྔ་ལོར་བཙན་བྱོལ་ནང་རྩོམ་ཡིག་ལམ་ནས་བསམ་ཚུལ་འདྲ་མིན་བརྗོད་པ་དཔེར་ན། རྒྱལ་བ་རིན་པོ་ཆེ་དང་མང་གཙོ་སུ་གལ་ཆེ་ཞེས་དང་། བཙན་བྱོལ་ནང་མང་གཙོ་མཚན་ཉིད་ཚང་བ་མེད་རབས་དང་། མང་ཚོགས་ཀྱིས་མང་གཙོའི་ཁེ་དབང་ལོངས་སུ་སྤྱོད་རྒྱུར་ངང་སྒུག་བྱས་ཡོད་ཚུལ་སོགས་སྤེལ་བ་དག་བཀའ་ཤག་གི་གསུངས་འཕྲིན་དུ་དེ་དག་ལ་ལན་འདེབས་གསལ་པོར་མཛད་པའི་རླབས་ཆེན་གྱི་མཛད་བཟང་རྣམས་ལ་ལེགས་གསོལ་མེད་པར་དྲིན་ལན་ལོག་འཇལ་གྱིས་དེའི་རྒྱབ་ལྗོངས་ངན་པ་ཡོད་ཚུལ་འཆལ་གཏམ་སྤེལ་བ་དག་དགག་པ་ཚ་ནན་བྱ་རྒྱུ་ཡིན་ལ། ལོ་རྒྱུས་ཉག་ཕྲ་བའི་སོ་མཚམས་སུ་བཙན་བྱོལ་སྤྱི་ཚོགས་ཁྲོད་༧གོང་ས་མཆོག་གི་མངའ་འོག་ཏུ་སྒལ་ཚིགས་དྲང་པོར་སྲོང་པའི་མི་བུ་གཅིག་ཉིད་མངའ་བ་དེ་ལ་སྐྱོན་འདོགས་སྣ་ཚོགས་བྱེད་པ་ནི་ང་ཚོས་ནམ་ཡང་བརྗེད་མི་སྲིད་ལ་བརྗེད་ཀྱང་ག་ལ་རུང་། ལོ་རྒྱུས་ཀྱི་རྡོ་རིང་ངོས་སུ་བྲིས་ཟིན་པའི་ཟམ་གདོང་བླ་མའི་མཛད་རྗེས་དག་སུས་ཀྱང་བསུབ་མི་ཐུབ་ལ། བསུབ་པར་སྦྱོར་བ་རྩོམ་མཁན་དག་ནི་མིའི་རང་དབང་གི་རྣམ་དཔྱོད་བེད་དུ་ཕྱིན་ནས་བསམ་བློ་གཞན་གྱི་བྲན་གཡོག་ཏུ་ཚུད་པ་འབའ་ཞིག་ཡིན་པ་ཟུར་བལྟས་ལེབ་མཐོང་རེད། མངོན་ལྐོག་བརྒྱུད་གསུམ་ནས་བཀའ་ཤག་དང་བཀའ་བློན་ལ་མདའ་རྩེ་གཏོད་ཀྱིན་པའི་མི་བུ་སྐོར་ཞིག་གིས་ཅི་ཡང་གླེང་སྲིད་ལ་གླེང་གིན་འདུག་མོད། གཅིག་ནས་ཁོ་ཚོས་ངག་ནས་བཙན་བྱོལ་གཞུང་དང་བཀའ་ཤག་ཅེས་སྨྲས་ནའང་ཞེ་འདོད་༧གོང་ས་མཆོག་ལ་ཟུར་ཟ་བྱེད་ཀྱིན་ཡོད་པ་བརྒྱ་ཁ་གཅིག་མཐུན་རེད། གཉིས་ནས་ཁོ་ཚོས་བཤད་པ་དག་ནི་གཡག་ཞར་གྱིས་རྩྭ་ཟ་བ་དང་གཉིས་སུ་མེད་པ་ཕྱོགས་དང་ཟུར་གཅིག་མ་གཏོགས་བལྟ་མི་ཤེས་པས་ཨུ་ཚུགས་ཀྱིས་མདུན་ཕྱོགས་ཀྱི་རྐང་ལམ་གཅིག་དང་། དེར་བགྲོད་ཀྱིན་པའི་ལྐོག་གཡོ་བ་དག་གིས་ཅི་ཟེར་ཉན་ནས་དྲ་ཐོག་འགོད་པ་དང་སྨྲ་བརྗོད་ཀྱི་ལམ་ནས་གཞན་ལ་བརྒྱུད་སྒྲོག་བྱེད་ཀྱིན་ཡོད། ། དེ་དག་གིས་གླེང་བཞིན་པའི་སྐད་ཆའི་མ་མ་ཁོ་ཚོ་མིན་པར་མི་མངོན་དབྱིངས་སུ་གབ་པའི་རྣམ་ཤེས་སྨྱོིན་པའི་དྲག་དམག་གི་བཀོད་འདུམ་ཡིན་པར་ངེས། ཆ་འཇོག་འཕེར་བའི་སྐད་ཆ་ཞིག་མིན་སྟབས་ཡལ་བར་དོར་ནས་བདེན་ལུགས་ཀྱི་ངོ་གདོང་ལ་ཐེངས་ཤིག་བལྟ་བར་འདོད།

འཇིགས་བྲལ་ལགས། ཁྱེད་རང་གི་འདོད་མོས་དེར་བསམ་གཞིགས་བྱེད་དགོས་པ་ཞིག་རེད།

དྲ་གྲོགས་ཚོ།
ཁ་བྱང་འདིའི་ནང་ལ་༼འཛམ་གླིང་བོད་དོན་ཕྱོགས་བསྡུས་༽ཞེས་པའི་གསར་འགྱུར་ཡག་པོ་ཞིག་འདུག
http://www.youtube.com/user/Danaktsang#p/u/42/Ct9USeMJJHo

བཙན་བྱོལ་བོད་མིའི་བཅའ་ཁྲིམས་ལས།
དོན་ཚན་སོ་གཅིག་པ། སྡེ་སྲིད་ལྷན་ཚོགས།

《༡ ཀ ༧གོང་ས་༧སྐྱབས་མགོན་ཆེན་པོས་རྒྱལ་ཁབ་དང་གཞུང་གི་མཛད་ཁུར་མ་བཞེས་པའི་གནས་ཚུལ་བྱུང་སྐབས་དང་།

ཁ རྒྱལ་ཁབ་དང་། མི་མང་གི་ཁེ་ཕན་ཆེ་ཤོས་ཀྱི་དོན་དུ་སྤྱི་འཐུས་ལྷན་ཚོགས་ཀྱི་སྤྱི་འཐུས་རྩ་འབོར་གྱི་བཞི་ཆ་གསུམ་ཡན་གྱིས་མོས་མཐུན་ཐོག་ཆེས་མཐོའི་ཁྲིམས་ཞིབ་ཁང་ལ་གོ་བསྡུར་དང་འབྲེལ་༧གོང་ས་སྐྱབས་ཆེན་པོ་མཆོག་གི་འགན་འཛིན་མཛད་ཁུར་རྣམས་སྡེ་སྲིད་ལྷན་ཚོགས་ཀྱིས་ལག་ལེན་མ་བསྟར་མཐུ་མེད་ཀྱི་ཐག་གཅོད་བྱུང་སྐབས་བཅས་སུ་གཞུང་གི་འགན་དབང་འཛིན་མཁན་སྡེ་སྲིད་ལྷན་ཚོགས་ཤིག་དགོས་པ་ཡིན།》ཞེས་གསལ་འདུག

དྲ་གྲོགས་འཇིགས་བྲལ་ལགས་ཀྱིས་གསུངས་པ་ལྟར་ཡིན་གཅིག་མིན་གཉིས་སྡེ་སྲིད་ལྷན་ཚོགས་ཤིག་དགོས་ཞེས་བཅའ་ཁྲིམས་སུ་ཁ་གསལ་མཐོང་རྒྱུ་མི་འདུག

བཀའ་ཁྲི་ཡིས་ལྷོ་ཕྱོགས་སུ་གསུངས་པའི་བཀའ་སློབ་དེ་ལ་འཇིགས་བྲལ་གྱིས་འགྲེལ་བཤད་རྒྱབ་སྟངས་འདི་སྔོན་མ་་རྡི་ལི་མ་བྱུང་ཀྲི་ལ་གཞི་ཆགས་སུ་བརྒྱ་དཔོན་ཞིག་གིས་༧གོང་ས་མཆོག་གི་སྐུ་པར་ཁུར་ཡོང་ནས་མི་དམངས་ལ་གཏམ་བཤད་གནང་དོན་དུ། ཁྱོད་ཚོས་རྒྱལ་བ་རིན་པོ་ཆེན་གདམ་གྱི་ཡིན་ནམ་ལི་ཐང་ཨ་ཐར་གདམ་གྱི་ཡིན། ཞེས་པ་ལྟར་རེད་མི་འདུག་གམ།་་་་ཧ་ཧ་

བཙན་བྱོལ་སྤྱི་ཚོགས་ནང་དུ་མི་ངན་དང་དཔོན་ངན་ཚོས་༧གོང་ས་མཆོག་ཁ་ལ་ཁུར་ནས་བོད་མི་ཚོད་ལྡན་དང་རྒྱལ་གཅེས་ལྷག་བསམ་ཅན་ཚོའི་ཐོག་ཏུ་ཉེས་མིང་བཀོད་པ་ཉུང་ཉུང་རྩ་བ་ནས་མིན་པ་དེ་ཡང་བོད་རྒྱ་ཆེ་མི་དམངས་ཀྱིས་མཁྱེན་དང་མཁྱེན་བཞིན་པ་རེད།

ཐུགས་རྗེ་ཆེ། དགོས་པ་བྱུང་ན་རིམ་བཞིན་ཞུ་ཆོག་ཞུ་རྒྱུ་ཡིན།

དྲ་གྲོགས་ཁག་ཅིག་ཕེབས་ནས་བསམ་ཚུལ་འགའ་གསུངས་འདུག་པར་དགའ་བསུ་ཞུ།
དེ་ནས་༸གོང་ས་མཆོག་གིས་བགྲེས་ཡོལ་ཞུ་བ་ཞུ་ལུགས་ཤིག་ཡོད་པ་རེད། དུས་རྒྱུན་དུ་ནས་༸གོང་ས་མཆོག་གིས་བོད་མི་ཚོར་ང་མེད་པ་ནང་བཞིན་བྱོས་ཨ་ཞེས་གསུང་བཞིན་པ་དེ་དང་། དྲ་གྲོགས་ཁག་ཅིག་གིས་ཀྱང་ཕ་མའི་བུ་ཕྲུག་ལ་འགྲོ་ལུགས་སློབ་པ་དེ་བཞིན་ཡིན་སྐོར་བརྗོད་པ་དེ་གནད་འགག་དངོས་རེད།

ཡིན་ནའང་ད་ལྟ་༸གོང་ས་མཆོག་གིས་བགྲེས་ཡོལ་ཞུ་བཞིན་པ་འདིའི་རྒྱབ་ལྗོངས་ལ་འགྲེལ་བཤད་མང་པོ་དང་འབྲེལ་ནས་བསམ་ཚུལ་མང་པོ་ཞིག་ཐོན་བཞིན་ཡོད་པ་རེད། འགྲེལ་བཤད་གནང་མཁན་གཅིག་བཀའ་བློན་ཁྲི་པ་མཆོག་རེད། ཁོང་ཕྱི་ལོ་ ༢༠༡༠ ཕྱི་ཟླ་ ༡༡ ཚེས་ ༡༤ ཉིན་སྦེལ་ཀོབ་མི་མང་ལ་བཀའ་སློབ་་གནང་སྐབས་ནང་དོན་འདི་འདྲ་ཞིག་གསུངས་གནང་ཡོད། དེ་ཡང་ྋགོང་ས་མཆོག་གི་དབུ་ཁྲིད་ལ་ལྟོས་མི་དགོས་པའི་བོད་མིའི་མང་གཙོའི་ལམ་སྲོལ་ཞིག་དགོས་པ་ལས་ད་ལྟའི་ལམ་སྲོལ་འདི་མང་གཙོ་མིན་ཚུལ་ལ་སོགས་པའི་བསམ་ཚུལ་གྱི་རྐྱེན་ལ་བརྟེན་ནས་༸གོང་ས་མཆོག་གིས་བགྲེས་ཡོལ་ཞུ་གནང་རྒྱུའི་ཉེན་ཁ་ཡོད་སྐོར་གསུངས་སོང་། གལ་ཏེ་དེ་འདྲ་ཡིན་ན་ང་ཚོས་༸གོང་ས་མཆོག་ལ་བགྲེས་ཡོལ་རྩ་བ་ནས་འབུལ་མི་ཐུབ་པ་ཞིག་རེད། གང་ཡིན་ཟེར་ན། བསམ་ཚུལ་འདྲ་མིན་བརྗོད་མཁན་དེ་ཚོ་དང་༸གོང་ས་མཆོག་གཉིས་ནས་བོད་མི་མང་ལ་སུ་དགོས་ཀྱི་གདམས་ཀར་གྱུར་བཞིན་ཡོད་པ་དེ་རེད།

དྲ་གྲོགས་ཁག་གཅིག་གིས་དངོས་པོའི་གནང་ཚུལ་ཁོ་ནར་བསམ་བློ་བཏང་བ་ལས་དངོས་པོའི་གནས་ཚུལ་ལ་བསམ་བློ་གཏོང་མི་ཐུབ་པའི་ཞན་ཆ་འགའ་འདུག་སྙམ། ༸གོང་ས་མཆོག་གིས་ད་ང་བགྲེས་ཡོལ་བྱ་རྒྱུ་ཡིན་ཞེས་དེ་སྔོན་ནས་གསུངས་མྱོང་པ་མ་ཟད་ལྷག་པར་དུ་ད་ལོ་ཡང་དམིགས་བསལ་གྱི་ཐེངས་མང་པོ་ཞིག་གསུངས་ཀྱི་ཡོད་པ་དངོས་ཡོད་རེད། དེ་ནི་༸གོང་ས་མཆོག་གི་བོད་མིའི་ལས་དོན་རྒྱབ་ཏུ་སྐྱུར་བ་ཞིག་ག་ལ་ཡིན་དེ་ལ་ཡང་དགག་བྱ་དགོས་པ་རྒྱུ་མཚན་དུ་མ་ཞིག་ཡོད་རེད་སྙམ།
དཔེར་ན། དེ་སྔོན་༸གོང་ས་མཆོག་གིས་ཨ་རིའི་གྲོས་ཚོགས་ནང་གི་གསུང་བཤད་དང་བོད་རྒྱ་གཉིས་ཕན་དབུ་མའི་ལམ་གྱི་སྐོར་ལ་ཐོག་མར་གསུང་དུས་མི་མང་པོ་ཞིག་ཧ་ལས་ཧོན་ཐོར་བྱུང་ཡོད་ཀྱང་ད་ཆ་དངོས་ཡོད་གནས་ཚུལ་དེ་ལས་ལྷག་པའི་བོད་རྒྱའི་དཀའ་ངལ་སེལ་ཐབས་ཀྱི་ལམ་བུ་མེད་པས་སོ། ༸གོང་ས་མཆོག་གི་དགོངས་གཞི་ལ་སྐུ་ཉིད་མ་བཞུགས་པའི་ཉིན་དེ་ནས་བོད་ཀྱི་རྩ་དོན་ཡལ་མི་འགྲོ་བར་བོད་མི་ཚོས་རྕ་དོན་ལ་འཐུས་ཤོར་མེད་པར་ཕྱག་ལས་སྔར་བཞིན་གནང་ཐུབ་པ་བྱ་རྒྱུ་དེ་ཡིན། མདོར་ན་༸གོང་ས་མཆོག་མ་བཞུགས་པའི་ཉིན་དེ་ནས་བོད་ཀྱི་གནད་དོན་དེ་འཇུག་སྒྲིལ་བ་ཡིན་ན་ང་ཚོའི་དགྲ་བོས་གདེང་ཚོད་བྱས་པ་དེ་གནས་ལ་འཁེལ་བ་ཞིག་རེད་མི་འདུག་གམ།

དེའི་སྐོར་ལ་ལན་ཇི་འདྲ་རྒྱག་དགོས་མི་ཤེས་ཐལ་ ངོ་མ་༧གོང་ས་མཆོག་ནི་སྐུ་ཚེ་ཇི་ཙམ་བཞུགས་བཤད་མི་ཤེས་ཐལ་ བྱས་ཙང་བོད་མི་མང་གཙོའི་གཞུང་དེ་རང་གི་རྐང་པའི་སྟེང་དུ་རང་ཚུགས་ཀྱི་སྒོ་ནས་ལངས་དགོས་པ་ཡིན་ ༧གོང་ས་མཆོག་ལ་ད་དུང་ལོ་ག་ཚོས་རིང་རྒྱབ་མཉེས་ནད་འདུག་རྒྱུ་ཡིན་
ཡང་ཕྱོགས་གཞན་ནས་༧གོང་ས་མཆོག་གི་སྐུའི་གཙི་བརྗིད་ཀྱི་དབང་གིས་ང་ཚོ་བོད་མི་རིགས་ཀྱི་འཆམ་མཐུན་དང་ལྷིང་འཇགས་དང་ཞི་བདེ་སོགས་འོང་བཞིན་ཡོད་པས་མེད་དུ་མི་རུང་བ་ཆགས་ཡོད་ ཁོང་ལྟ་བུ་ལས་གཞན་སུ་སེར་སྐྱ་སུ་གང་གིས་ཀྱང་བོད་ཀྱི་གོང་བུ་རྡོག་རྩ་གཅིག་སྒྲིལ་ལ་ཕན་ཐོགས་བསྐུན་མི་ཐུབ་པ་ཡིན་
བྱས་ཙང་ཕྱོགས་གཉིས་ཀ་རྒྱུ་མཚན་ལྡན་པ་རེད་འདུག་ བྱས་ཙང་ང་ནི་དེའི་སྐོར་ལ་འགྲེལ་བཤད་རྒྱག་ཤེས་ཀྱིན་མི་འདུག་ ༧གོང་ས་མཆོག་བགྲེས་ཡོལ་བྱེད་དགོས་རེད་ཟེར་མཁན་དེ་དག་གི་རང་དབང་ལ་ཡང་བརྩི་མཐོང་ངེས་པར་དུ་བྱེད་དགོས་པ་ཡིན་ དེ་མིན་ད་ལྟའི་ཟམ་གདོང་བླ་བའི་གཞུང་གིས་རང་བཙན་གཙང་མའི་ལངས་ཕྱོགས་འཛིན་མཁན་དག་ལ་ལྟ་ཚུལ་བཞིན་བལྟས་པ་ཡིན་ན་དྲང་པོ་མིན་སྙམ་ འདི་ངའི་བསམ་ཚུལ་ཡིན་

གྲོགས་པོ་ལགས་དང་པོ་ཁྱེད་རང་གི་་སེམས་ལ་དག་ཤུར་བྱ་དགོས་་ངས་བྱས་ན་ཁྱེད་རང་གི་ལུས་སེམས་ཐ་དད་འདྲ་བ་འདུག་དཀར་ནག་

དྲ་གྲོགས་མིང་ངོ་མ་མེད་མཁན་ཁག་ཅིག་ནས་༸གོང་ས་མཆོག་བགྲེས་ཡོལ་ཞུ་དགོས་རེད་ཟེར། མིང་ངོ་མ་མེད་སྟབས་ལན་འདེབས་བྱེད་རིན་རང་མི་འདུག་བསམ་གྱི་ཡོད།

དེ་ནས་དྲི་བ་ཞུ་རྒྱུ་གཅིག་ལ། བཀའ་བློན་ཁྲི་པ་མཆོག་གིས་༸གོང་ས་མཆོག་གནས་སྟངས་གང་འདྲ་ཞིག་གི་འོག་ནས་བགྲེས་ཡོལ་ཞུ་གི་ཡོད་སྐོར་གྱི་འགྲེལ་བཤད་གནང་གི་ཡོད་པ་ཤེས་ཀྱི་ཡོད་དམ། དེ་གནད་འགག་ཅིག་ཏུ་ངོས་འཛིན་བྱེད་དགོས་རེད་བསམ་གྱི་འདུག མདོར་ན་རྩོམ་ལུས་འདིའི་ངོས་ནས་ཁྱེད་ལ་བཙན་བྱོལ་སྤྱི་ཚོགས་ཀྱི་ཆབ་སྲིད་འཕེལ་རིམ་གང་འདྲ་ཞིག་བརྗོད་ཀྱི་འདུག

ཕྱོགས་གཞན་ཞིག་ནས་བཤད་ན་གོང་ས་མཆོག་བགྲེས་ཡོལ་བཞུས་གནང་བ་ནི་ཡག་པོ་ཞིག་རེད། དཔེར་ན་ཁོང་ནི་སྐུ་ཚེ་ཡུན་གནས་ཞིག་མིན་པ་ང་ཚོ་ཚང་མས་མཁྱེན་གསལ་རེད། དེ་དོན་ད་ལྟ་ཁོང་སྐུ་འཚོ་བཞུགས་སྐབས་བཙན་བྱོལ་གྱི་བོད་མི་རྣམས་ལ་རང་མགོ་རང་ཐོན་གྱི་སྦྱོང་བསྡར་ཡག་པོ་ཞིག་རེད། དེ་མིན་མ་འོངས་པར་ཁོང་མེད་སྐབས་བཙན་བྱོལ་གཞུང་དེ་ལུག་ཕྲུག་ཨ་མ་བརླག་པ་བཞིན་ག་འགྲོ་དེ་འགྲོ་དང་ག་བྱེད་འདི་བྱེད་མེད་པ་ཆགས་ཡོང་།།།

སྤྱིར་སྐད་ཆ་འདིའི་རིགས་མི་སྒེར་བ་ཞིག་གི་སྐད་ཆ་ཡིན་ཞེས་ལབ་ན་ལེམ་པོ་ཡོད་པ་ལས་གཞིས་བྱེས་གཉིས་ཞེས་ལབ་ཡོང་དུས་མི་འདིར་དམིགས་ཡུལ་ཞིག་ཡོད་པའམ། ཡང་ན་མིའི་བཀོད་བྱུས་འོག་ཤོར་ཟིན་པ་གསལ་བོ་རེད་མ་གཏོགས་འདི་འདྲའི་སྐད་ཆ་རྫིག་པོ་བཤད་མཁན་ཡོད་སྲི་ཀྱི་མ་རེད།

གོང་ས་མཆོག་གིས་སྲིད་ཕྱོགས་ནས་དགོངས་པ་ཞུས་པ་ཙམ་གྱིས་བོད་ལ་རང་མགོ་རང་ཐོན་གྱི་སྦྱོང་བརྡར་རེག་གི་ཡོད་པའི་ཁར། དེང་གི་བར་ཡེ་ཤེས་དབྱངས་དཔྱད་ཅེས་པའི་ཁ་གཡར་ས་དེ་རྩ་མེད་བཟོ་གི་ཡོད་པ་རེད་ལ། དེ་ནི་གོང་ས་མཆོག་ལ་དད་པ་ཡོད་མཁན་ཞིག་ཡིན་ན་ངེས་པར་དུ་དང་ལེན་བྱེད་དགོས་་ཞིག་རེད། དེ་ལས་ལྡོག་ན། ཉུང་མཐར་མཇུག་འབྲས་འགའ་བྱུང་སྲིད་པ་གཤམ་གསལ།

༡ ལོ་རྒྱུས་ཀྱི་བྱུང་བ་ལས་འཕྲོས་པའི་ཆད་ལྷག་མཐའ་དག་གོང་ས་མཆོག་གིས་ཁུར་ཉེན་ཡོད་པ།
༢ གོང་ས་མཆོག་ལའང་ཚེ་ལོ་ཁྲི་ཐུབ་ཀྱི་ནུས་པ་མེད་ཙང་དེའི་ཡར་སྔོན་བོད་པ་འདི་ཚོ་རང་མགོ་རང་ཐོན་ཡོད་པ་གཟིགས་ཐུབ་པ་བྱུང་ན་སེམས་པ་སྤྲོ་ཐུབ་པས། སྐུ་ཚེ་ཇེ་རིང་དང་འགྲོ་དོན་རྒྱ་ཆེར་སྤེལ་ཐུབ།
༣ གོང་ས་མཆོག་གིས་སྲིད་འགན་ལས་དགོངས་པ་ཞུས་པ་བརྒྱུད་ནས་རྒྱ་གཞུང་གིས་བོད་ཀྱི་གནད་དོན་དེ་བཞིན་གོང་ས་མཆོག་གི་སྒེར་དོན་རེད་ཅེས་པར་ལན་ཡག་ཐག་ཆོད་ཅིག་རྒྱག་ཐུབ་ཡོད།
༤ གལ་སྲིད་གོང་ས་མཆོག་གི་གདམ་ག་འདར་ལམ་འགྲོ་མ་བྱུང་བ་ཡིན་ན། རྒྱ་གཞུང་གི་འདོད་ཐོག་ཏུ་སོང་ཡོད་པས། གོང་ས་མཆོག་སྐུ་གྲོངས་པ་དང་བོད་དོན་མཇུག་རྫོགས་པ་རེད་ཅེས་ལམ་འགྲོ་བྱུང་ཐུབ་ཡོད།
༥ གོང་ས་ནི་བོད་ཀྱི་གོང་ས་ཡིན་པས། སྲིད་འགནབཞེས་མ་བཞེས་གང་ལྟར་ནུས་པ་དེ་ག་རང་འདོན་ཐུབ་པས། བོད་ལ་སྐུ་ཚེ་བརྟན་ཅིང་ནུས་པ་ཕུན་སུམ་ཚོགས་པའི་གོང་ས་ཞིག་ལས་གཞན་དགོས་པ་མེད།

མཐར་ཚང་མ་ལོས་སེམས་གནད་ལ་ཕབ་ནས་བགྲོ་གླེང་བྱེད་འོས་པ་ལས། སྐད་ཅིག་མས་བསྐྱེད་པའི་ཚོར་བའི་དབང་དུ་མི་འགྲོ་བར་པཱ་ལེ་བསྲེག་མཁན་ཞིག་ནས་སྤྱི་དོན་ཁུར་ལེན་གྱིས་ཞུ་བ་བྱེད་ཀྱི་ཡོད། ཡིན་ནའང་། ཁེ་བཟང་ཁོ་ནར་དམིགས་པའི་སྲིད་དོན་པ་ཚོ་ཐེངས་འདིེར་ཕྱི་ལ་རིམ་པས་འབུད་ངེས་པས། ཚང་མ་ལོར་ངོ་ཤེས་པར་བྱེད་པའི་གོ་སྐབས་ཐོན་ཡོད།