ཕྱི་ཚེས་ ༡༢ ཉིན་ཁེ་ན་ཌར་གནས་སྡོད་བསོད་ནམས་འོད་ཟེར་ལགས་ཀྱིས་འདི་གའི་གསར་འགོད་པར་གནས་ཚུལ་མཁོ་སྤྲོད་བྱས་པ་ལྟར་ན། དེ་རིང་ཁེ་ན་ཌ་ཊོ་རོན་ཊོ་ཨོན་ཊེ་རི་ཡོ་བོད་རིགས་སྤྱི་འཐུན་ཚོགས་པའི་གོ་སྒྲོག་འོག ༧གོང་ས་མཆོག་གིས་ནོ་བྷེལ་ཞི་བདེའི་གཟེངས་རྟགས་བཞེས་ཏེ་མི་ལོ་ཧྲིལ་བོ་ ༢༡ འཁོར་བའི་དུས་དྲན་སྲུང་གཙི་བྱས་སོང་།
མཛད་སྒོའི་སྐུ་མགྲོན་གཙོ་བོར་ཁེ་ན་ཌའི་ཕྱི་མི་གཞིས་སྤོར་ལྷན་ཁང་གི་བློན་ཆེན་མཆོག་ཆེད་ཕེབས་གནང་སྟེ། ༧གོང་ས་མཆོག་གི་མཛད་འཕྲིན་ལ་བསྔགས་བརྗོད་མཛད་པ་དང་སྦྲགས། ལོ་གསར་བའི་ནང་དུ་བོད་མི་ཆིག་སྟོང་ཙམ་ཁེ་ན་ཌའི་ནང་སྐྱབས་བཅོལ་དུ་ལེན་རྒྱུར་དབུས་གཞུང་ནས་ཆོག་མཆན་བཀའ་འཁྲོལ་ཐོབ་ཟིན་པའི་ཁྱབ་བསྒྲགས་གནང་སོང་ཟེར།
བསོད་ནམས་འོད་ཟེར་གྱིས། སྤྱིར་བཏང་༧གོང་ས་མཆོག་གིས་ལོ་ཤས་སྔོན་ནས་བཟུང་ཁེ་ན་ཌའི་སྲིད་བློན་མཆོག་ལ་བོད་མི་རྣམས་སྐྱབས་བཅོལ་དུ་ལེན་རྒྱུའི་རེ་སྐུལ་གནང་ཡོད་པ་རེད་ལ། བོད་རིགས་སྤྱི་མཐུན་ཚོགས་པས་ཀྱང་ཁེ་ན་ཌའི་དབུས་གཞུང་ལ་ནན་བསྐུལ་ཐེངས་མང་ཞུས་ཡོད་པ་པ་ལྟར། ཐེངས་འདིར་དངོས་སུ་ཐག་གཅོད་བྱུང་སྟེ་ཁྱབ་བསྒྲགས་བྱས་པ་རེད་ཟེར།
ཡང་ཁོང་གིས་གནས་ཚུལ་དེ་དང་འབྲེལ་ཏེ་བརྗོད་དོན། ད་ལྟའི་ཆར་གྲོང་ཁྱེར་འདིའི་ནང་གཏན་སྡོད་བོད་མི་དྲུག་སྟོང་ཙམ་ཡོད་པའི་ཚོད་དཔག་བྱེད་ཀྱིན་ཡོད་ལ། འབྱུང་འགྱུར་གྱི་ལོ་དྲུག་བདུན་ནང་བོད་མི་ཆིག་ཁྲི་ལས་བརྒལ་རྒྱུ་རེད། ང་ཚོའི་ས་ཁུལ་འདིར་བོད་རིགས་མང་པོ་ཡོད་སྟབས་དུས་རྒྱུན་གྱི་མཛད་སྒོ་རིགས་ཀྱི་སྟེང་ཧ་ཅང་འཁྲུགས་ཆ་དོད་པོ་ཡོད་ན་ཡང་། ཐེངས་འདིའི་༧གོང་ས་མཆོག་གི་ཞི་བདེའི་གཟེངས་རྟགས་ཀྱི་ཉིན་མོར་གནམ་གཤིས་གྲང་མོ་ཡིན་སྟབས་མི་མང་བོ་བསླེབས་མི་འདུག ཅེས་ངོ་སྤྲོད་གན་བྱུང་།
གསར་འགོད་པ། ཨ་རིག་འགྱུར་མེད།
ཡང་བསྐྱར་སྐུ་དྲག་ཚང་གི་ཉེ་འབྲེལ་ཡོངས་ལ་གོ་སྐབས་རག་པ་ཙམ་ལས། ཉམས་ཆུང་བོད་མི་དཀའ་ངལ་དངོས་ཡོད་མཁན་ཚོར་གོ་སྐབས་དེ་རིགས་སྤྲོད་མི་ཐུབ་པ་ཧ་གོ་གི
གཏམ་འདི་ཐོས་སྐབས་འཇིག་སྐྲག་ཞིག་སྐྱེས་སོང་། བོད་པ་ཚོ་འདི་ལྟར་ཕྱི་རྒྱལ་གྱི་སྤྱི་་ཚོགས་ཆེན་པོའི་ནང་སིམ་འགྲོ་རྒྱུ་ཡིན་པ་ཐག་གི་ཆོད།
བོད་མི་མིརེ་ངོ་རེ་སོ་སོའི་ཉིན་རེའི་འཚོ་བ་དེ་གཞན་རྟེན་སྲིན་འབུ་འདྲ་བྱེད་མ་དགོས་པར་སོ་སོའི་རྐང་པའི་སྒང་ཡར་ལངས་ཐུབ་རྒྱུ་དེ་ངའི་རེ་བ་ཆེ་ཤོས་ཡིན།
བལ་རྒྱལ་གྱིས་བར་ཆད་བྱས་མེད་ན། ཆུ་སྒང་གི་བོད་མི་གཅིག་སྟོང་ཐམ་པ་ཡང་ཨ་རིའི་ནང་སླེབས་ཡོད་རྒྱུ་རེད། ཕངས་ང་ལ། ཕངས་ང་ལ།
འགའ་ཞིག་གིས་རང་གི་མི་རིགས་འདིའི་རིགས་རྒྱུན་དང་རྩ་དོན་ལས་དེང་རབ་ཀྱི་ཡོ་བྱེད་ཀློག་ཀླད་སོགས་དང་ས་ཆ་གཡར་མ་ཞིག་ལ་ཁང་རྩེགས་རྫིག་པོ་རེ་རྒྱབ་མོ་ཊ་དང་ལག་འཁྱེར་ཁ་པར་རྫིག་ཐག་ཆོད་རེད་ཁྱེར་ནས་མི་ཡུལ་ནས་མགོ་བཅགས་ནས་འགྲོ་ན་འདོད་པ་ཙམ་ལས། རང་གི་བུ་ཕྲུག་ཚོའི་ལུས་ཐོག་ནས་བོད་དྲི་ཡལ་བཞིན་པ་དང་མཐའ་ན་རང་ཉིད་ཀྱང་ཕྱི་མིན་བོད་མིན་ཞིག་དུ་འགྱུར་བཞིན་ཡོད་པ་ཤེསཀྱིན་མེད་པ་འདྲ། ངོ་མ་སྙིང་རྗེ་པ་ཞིག་རེད་ རྐུབ་བཙུག་ས་ལག་མཐིལ་ཙམ་ཡང་མེད་པར་ད་དུང་རྐང་པ་བརྐྱང་ན་འདོད་པའི་མི་བུ་ཚོའི་རང་ཉིད་ཀྱི་གནས་བབས་ངོ་མ་དེ་མཁྱེན་ན་རེད།
ཆང་རག་གི་མྱོས་ཟིན་པ་དག་ལ་རྒྱུ་མཚན་དང་གནས་ལུགས་བཤད་ས་མེད།
དེར་བརྟན་དེང་རབ་གྱི་དངོས་པོ་སོགས་ཀྱི་ཆེད་དུ་རང་གི་རྩ་དོན་དོར་པ་དག་ཀྱང་དེ་བཞིན་རེད། ་མཐའ་དོན་་་་རྒྱ་གར་བ་དུང་ཕྱིར་མང་པོ་གནས་ཐུབ་སར་བོད་མི་ཚོ་ཅི་ཞིག་གི་མ་མཐུས་པ་རེད། དེ་ནི་རྩ་དོན་སྦད་དེ་དོར་ནས་རང་ཉིད་ཁོ་ནས་ཁེ་གྲགས་ལ་འདོད་རྔམ་ཆེ་གྲགས་པས་རེད།
དྲ་གྲོགས་ཚོ་དང་བསམ་ཚུལ་ཡོད་པའི་བོད་སྤྱི་བའི་ཤེས་དགོས་པ་གཉིས་ཡོད།དང་པོ། མི་ལོ་ལྔ་བཅུ་འགྲོ་ཟིན་ཡང་ད་དུང་ང་ཚོའི་ནང་ཤེས་ཚུལ་བློ་ཁེལ་ཐུབ་པ་ཞིག་བརྒྱ་ཅུའི་གཅིག་ཟིན་མེད་པ་དེ་རྐྱེན་གང་ཡིན་དེ་ངོ་ཤེས་དགོས་པ་དེ་རེད།
གཉིས་པ། ང་ཚོ་བཙན་བྱོལ་ནང་ཕྱིའི་རྒྱལ་ཁབ་ཁག་གི་ནང་བོད་མི་གཅིག་ཀྱང་འགྲོ་ཐུབ་མེད་པ་ཡིན་ན་ང་ཚོའི་འཆཽ་བ་ད་ལྟ་གང་འདྲ་ཞིག་ཡིན་ཀྱི་རེད་དེ་ངོ་ཤེས་དགོས་པ་དེ་རེད། མཐར་ཐུག་ན་གཞན་མི་ལས་རང་མའི་དགའ།
ནུབ་ཕྱོགས་སྟོབས་ཆེན་རྒྱལ་ཁབ་ཁག་གི་ཁྲིམས་ལུགས་ཀྱི་འོག་ཏུ་ཉམ་ཆུང་ལ་ཐུབ་ཚོད་གཏོང་ས་མེད་ལ་མཐའ་ན་ཕ་མས་ཀྱང་ཕྲུ་གུ་ལ་རྡུང་མི་ཆོག་པ་འདི་ནི་དད་པ་བྱེད་དགོས་སའི་ཁྲིམས་ལུགས་ཤིག་ཡིན། དེང་རབས་ཀྱི་རྗེས་སུ་ལུས་པའི་བོད་ལྟ་བུ་ལ་མཚོན་ན་ན་ཚོད་མ་ཟིན་པའི་ཕྲུ་གུ་ཚོ་ལ་ལས་ཀ་བྱས་བཅུག་གི་ཡོད་ལ་རྫིའུ་བཏང་བ་ནི་གྲངས་ཀྱི་མི་ལངས།
འགྲོ་བ་མིའི་ཐོབ་ཐང་ཞེས་ཁ་ནས་འབོད་ཞོར་ནང་དུ་བཟའ་མི་བུ་ཕྲུ་ཉམ་ཆུང་ཚོ་ལ་ཉེན་རྡུང་བཏང་བ་ནི་དམ་པའི་ལྷ་ཆོས་དང་འཇིག་རྟེན་མི་ཆོས་གཉིས་ཀ་དང་མཐུན་གྱི་མེད་པས་ཁྱོད་རང་ཁ་བཙམ་ན་དགའ་ལེ་རེད། ཞབས་འདྲེན་ཞུ་མ་བསྡད།
བོད་སྤྱི་པའི་དོན་དག་བཤད་པར་བློ་རྒྱ་དེ་ལས་ཆེ་ཙམ་དགོས་ལེ་རེད།
བོད་མི་ཚང་མ་ལ་ལྟོ་གོས་ཡག་པོ་རག་དགོས་པ་ངའི་རེ་བ་ཡིན།
བོད་མི་ཚང་མ་ལ་གློག་ཀླད་རེ་ཡོད་དགོས་པ་ངའི་རེ་བ་ཡིན།
བོད་མི་ཚང་མ་ལ་ཤེས་ཡོན་ཡོད་དགོས་པ་ངའི་རེ་བ་ཡིན།
བོད་མི་ཚང་མ་ལ་བདེ་སྐྱིད་ཡོད་དགོས་པ་ངའི་རེ་བ་ཡིན།
བོད་མི་ཚང་མ་ལ་བོད་དོན་འཐབ་རྩོད་བྱེད་ཐུབ་པའི་ཆ་རྐྱེན་ཡོད་དགོས་པ་ངའི་རེ་བ་ཡིན།
བོད་མི་ཚང་མས་གློག་ཀླད་རྒྱུད་ནས་བོད་མི་རིགས་ཀྱི་གསར་འགྱུར་ལྟ་ཐུབ་དགོས་པ་ངའི་རེ་བ་ཡིན།
བོད་མི་ཚང་མས་དེང་རབས་ཀྱི་བརྡ་འཕྲིན་རྒྱུད་ནས་བོད་ཡིག་ཡར་རྒྱས་གཏོང་ཐུབ་དགོས་པ་ངའི་རེ་བ་ཡིན།
བོད་ཚང་མ་ལ་དངུལ་གྱི་དཀའ་ངལ་མེད་པ་ཞིག་ཡོང་ཐུབ་དགོས་པ་ངའི་རེ་བ་ཆེ་ཤོས་ཡིན།
འདི་ཚོ་ཚང་དགོས་པ་ལས་འདོད་ངོམས་ཆེ་དྲགས་པར་ག་ནས་ཡིན། རང་གི་མི་རིགས་ལ་བདེ་སྐྱིད་དགོས་ན་ཉུང་མཐའ་ཡང་འདི་ཚོ་ཚང་དགོས།
འདོད་ངོམས་མིན། འདོད་ངོམས་མིན། འདོད་ངོམས་མིན། སྡུག་ཐུག་པའི་ཆ་རྐྱེན་ཡིན། ཐབས་ཟད་པའི་ངར་སྐད་ཡིན། ཁྱེད་ཀྱིས་ཀྱང་བོད་མི་ཉམ་ཐག་ཚོའི་ལྟོ་གོས་བསམ་གཞིགས་མ་བྱས་ན་ངས་ཀྱང་ཁྱོད་ལ་བརྩི་བཀུར་བྱ་ཐབས་བྲལ་སོང་།
༧་གོང་ས་མཆོག་དང་བཙན་བྱོལ་བོད་གཞུང་ལ་ལག་གཉིས་ཐད་མོ་སྦྱར་ནས་ཞུ་གསོལ། བོད་མི་ཚང་ལ་གཏོར་ལུང་གཏོར་མ་བྱེད་རོགས། འདི་ལྟར་སཽང་ན་ཕྱིའི་་བོདམི་གཏོར་མཁན་དང་་ཁོ་ཚོའི་སྐད་ཡིག་མེད་པར་བཟོ་མཁན་གྱི་ནག་ཉེས་ཕོགས་སྲིད་པ་རེད།དེ་ལས་རྒྱ་བལ་འབྲུག་གསུམ་གྱི་ནང་གི་གཞིས་ཆགས་ཁག་ས་ཕྱོགས་གཅིག་ལ་གཅིག་སྒྲིལ་བྱེད་ཐུབ་ན་བོད་པའི་དཔལ་འབྱོར་དང་རིགས་གཞུང་སྲུང་སྐྱོབ་བྱེད་པ་དེ་ལས་ལྷག་ཅིག་མི་འདུག ཕྱི་རྒྱལ་ལ་བསླེབས་པའི་བོད་པ་བརྒྱ་ཆའི་བདུན་ཅུ་ལྷག་གིས་རང་བཙན་ལག་དེབ་ཀྱི་པྱ་ཁྲལ་སྤྲོད་གི་མེད་ལ། ཁོ་ཚོའི་བུ་ཕྲུག་ཚོའི་ནང་བོད་སྐད་གཙང་མ་བཤད་མཁན་བརྒྱ་ཆའི་ལྔ་ཡང་ཟིན་ཁག་པོ་ཡིན།
གླེན་བཤད་འདི་འདྲ་ཞིག་བཤད་ན་འདོད།། རང་གཞུང་ནས་དངོས་ཤུགས་རྒྱུད་གསུམ་གྱི་སྒོ་ནས་ཕྱི་རྒྱལ་ལ་གཏོང་གང་ཐུབ་བྱེད་བཞིན་པ་དེ་བོད་སྤྱི་བའི་ད་ལྟའི་དུས་ལ་གཟིགས་ཀྱིན་ཡོད་པ་རེད་དམ། དེ་ལྟར་ཡིན་ན་བོད་སྤྱི་བའི་དོན་དེ་སྐྱབས་བཅོལ་བོད་མི། མི་རེ་ངོ་རེ་ནས་འཚོ་བའི་དཀའ་ངལ་སེལ་ཐུབ་པ་ཙམ་གྱི་བོད་སྤྱི་བའི་འདོད་དོན་འགྲུབ་སོང་བ་ཡིན་ནམ། དེ་ལྟར་མིན་པར་བོད་སྤྱི་དོན་དེ་རང་ས་ཤོར་ནས་སླར་ཕྱིར་ལོག་བྱེད་དགོས་པ་དེ་ཡིན་ན། བྱེད་ལུགས་འདི་དོན་མཐུན་དུ་མི་སེམས། རྒྱུ་མཚན་མང་དུ་ཡོད་ཀྱང་རང་དོན་གཙོར་བཟུང་དང་སྤྱི་དོན་ཁ་འཁྱེར་ཚོའི་ཉན་ན་མི་སྤྲོ་བས།སྨྲ་ན་མི་འདོད། འོན་ཀྱང་འདི་ལྟར་བཤད་ན་འདོད། ད་ལྟའི་ཕྱི་ཡུལ་ལ་གནས་བཞུགས་བྱས་པའི་ཕ་མ་རིགས་མི་གཅིག་པའི་བོད་ཕྲུག་ཚོ་དང་རིགས་གཅིག་ཀྱང་རྩམ་དྲི་མི་བྲོ་བའི་བོད་ཕྲག་་་་ད་དུང་རང་ཉིད་བོད་ཡིན་པའི་འདུ་ཤེས་ཙམ་ཡང་མེད་པ་དང་རང་ཉིད་བོད་ཡིན་པ་ལ་སྤམ་ཤོར་བའི་བོད་ཕྲག་དང་རང་གི་ཕ་མའི་འདུ་ཤེས་ཡལ་བ་མ་ཟད་ཕ་མ་ཚོའི་ཁ་རྡུང་དང་ལག་པ་ཅུང་ཙམ་རེ་བརྐྱང་བའི་ཉེར་ལེན་ལས་ཕ་མ་བཙོན་དུ་བཅུག་པ་དང་བཅུག་ལ་ཁད་སོགས་ཉིན་རེ་ནས་ཟླ་རེར་མང་དུ་འགྲོ་བཞིན་པ་འདི་ནི་ཕྱི་རྒྱལ་ལ་གཏོར་ཅི་ཐུབ་དང་འགྲོ་གང་ཐུབ་བྱས་པས་ཉེར་འབྲས་རེད། ད་འདི་ལྟར་སོང་ན་ང་ཚོ་སྟེ།་གདོང་དམར་བོད་མི་དེ།མི་ཐོག་གཅིག་མི་འགོར་བར་གདོང་ལེབ་དང་གདོང་སེར་གདོང་ནག་གསུམ་ལ་འགྱུར་རྒྱུ་ཡིན་པ་ཐག་ཆོད་པ་མ་རེད་དམ།
རྒྱ་ནག་པོའི་ཡོད་དགུ་རྩལ་དུ་བཏོན་ནས་རྒྱ་རིགས་ཚོ་རང་རིགས་ནང་དུ་བསྲེ་གང་ཐུབ་བྱས་འབྲས་ནི། གདོང་ལེབ་ལེབ་དང་ཉྭ་སྤོམ་པོའི་བོད་རིགས་ཅིག་འཕེར་བཞིན་ཡོད། རང་གཞུང་གིས་ནུས་པ་ཡོད་དགུ་བཏོན་ནས་ཕྱི་ཡུལ་དུ་གཏོང་གང་ཐུབ་བྱས་འབྲས་ལ། གདོང་དང་སྐྲ་སེར་པོའི་རིགས་ཅིག་དང་གདོང་ནག་པོ་དངཁ་ཤ་འཐུག་པོ་སོ་དཀར་པོ་རྐང་ལག་རིང་པོའི་བོད་རིགས་གཉིས་འཕེར་བཞིན་ཡོད།
འདི་ལྟར་ཆས་ན་བོད་སྤྱི་དོན་ལ་ཕན་གནོད་གང་བྱུང་གིན་ཡོད་པ་རེད།
༧གོང་ས་མཆོག་གི་དམིགས་ཡུལ་གཙོ་བོ་བོད་མི་རྣམས་ལ་བདེ་སྐྱིད་ཐོབ་དགོས་པ་འདི་རེད། དེས་རྒྱུ་མཚན་གྱིས་ཁ་ན་ཊའི་སྲིད་བློན་མཆོག་ལ་བོད་མི་སྐྱབས་བཅོལ་ལེན་རོགས་ཞེས་རེ་བསྐུལ་བྱས་པ་ལུས་ཡིན།
བཙན་བྱོལ་བོད་གཞུང་གི་མཆོག་ཏུ་གྱུར་པའི་སྤྱི་འཐུས་ཚོགས་ཟུར་ཀརྨ་ཆོས་འཕེལ་མཆོག་གིས་གསུངས་པ་ལྟར་བཀའ་སྤྱི་གཉིས་ཀྱིས་ཀྱང་བོད་མི་ཉམ་ཐག་རྣམས་གཏོང་དགོས་ལས་སོ་སོར་རྩྭ་ལྗང་སར་ཞིག་དང་ལྟོ་བརྒྱ་སར་ཞིག་ཁེ་ཕན་ཡོད་སར་ཞིག་ལ་འགྲོ་གང་ཐུབ་བྱེད་པ་ཡིན་ན་རྒྱུ་འབྲས་དང་མཐུན་མི་ཡོང་།
ཉམ་ཐག་བོད་མིའི་བདེ་སྡུག་སྤྱི་འཐུས་གྲོས་འཚོགས་ནང་དུ་གླེང་ཐུབ་མཁན་སྤྱི་ཟུར་ཀརྨ་ཆོས་འཕེལ་ལྟ་བུ་མང་ཙམ་མ་འོང་སྤྱི་འཐུས་ནང་དུ་ཕེབས་ཐུབ་པ་ཡིན་ན་བྱ་བ་འདི་དོན་དང་ལྡན་པའི་ཐོག་ནས་ལེགས་གྲུབ་ཡོང་ངེས་རེད།
གཉིས་ནས་གཞོན་སྐྱེས་མཁས་དབང་བློ་བཟང་སེང་གེ་མ་འོང་བཀའ་ཁྲི་ཡིན་པས་ཁོང་གིས་བོད་མི་ཉམ་ཐག་ཚོའི་བདེ་སྡུག་ལ་བསམ་གཞིག་བྱེད་ངེས་རེད་སྙམ།
ད་ཡིན་ན་་་་་་བཙན་བྱོལ་བོད་མི་ཉམ་ཐག་རྣམས་ལ་སྐྱིད་ཀྱི་ཉི་མ་ཤར་བའི་དུས་ལ་སླེབས་ཡོང་གི་ཡོད།
དགའ་དགོས་པའི་གསར་འགྱུར་ཞིག་གནང་བར་དུས་བབ་ཚང་ལ་བཀའ་དྲིན་ཆེ་ཞུ།
བོད་མི་སྐྱབས་བཅོལ་བ་ཕྱི་རྒྱལ་ཁག་ཏུ་གཏོང་དགོས་མིན་ལ་བོད་པའི་སྤྱི་ཙོགས་སུ་བསམ་བློ་མཐུན་དང་མི་མཏུན་འདྲ་མིན་ཡོད་པ་རེད། དེ་ཡང་བསམ་བློ་གཏོང་ཕྱོགས་མ་འདྲ་བ་རེ་རེད་པས། གལ་སྲིད་ང་ཚོས་བོད་མི་ཕྱི་རྒྱལ་དུ་འགྲོ་བ་ཇི་ཙམ་བཀག་ཀྱང་དེ་ཙམ་གྱིས་སྒོར་མོ་ཕོན་ཆེན་སྤྲད་དེ་ཁྲིམས་དང་མཐུན་མིན་འདྲ་མིན་ནས་ལམ་ཁ་རེ་བཙལ་ཏེ་སོང་དང་འགྲོ་བཞིན།་མ་འོངས་པར་འགྲོར་འགྱུར་ན། ཡོད་མེད་བྱས་ཏེ་སྒོར་མོ་ཕོན་ཆེན་གཡར་དཀྱིལ་བྱས་ཏེ་ཕྱི་རྒྱལ་གང་རུང་དུ་ཐར་ཐབས་བྱེད་ལ་ལས། འདི་ལྟ་བུ་ལམ་ཁ་ནི་དངོས་གནས་ཡག་པོ་དང་བཀའ་དྲིན་ཆེན་པོ་རེད་བསམ་ཡོད།
བཙན་གཤོལ་བོད་མི་རྣམས་ཕྱི་རྒྱལ་ཁག་ཏུ་ལ་གཏོར་དང་ལུང་གཏོར་བཏང་ན་འདི་མ་འོངས་བོད་སྤྱིའི་ཆབ་སྲིད་ལ་ཁེ་ཕན་ཡོད་མེད་རྟོགས་དཀའ། འོན་ཀྱང་ནང་མི་ཁ་ཤས་ཕྱི་རྒྱལ་ཁག་ལ་གཏོང་ཐུབ་ན་ངེས་པར་དུ་ཁོང་ཚོའི་འཚོ་བ་ལ་ཕན་ཐོག་ཆེན་པོ་འོང་སྲིད།
ཡིན་ནའང་ཕྱི་རྒྱལ་ལ་སླེབ་རྗེས་རང་གི་འཚོ་བ་མ་གཏོགས། བོད་སྤྱིའི་བདེ་སྡུག་སེམས་ནས་བརྗེད་འགྲོ་མཁན་གྱི་གྲངས་འབོར་བརྒྱ་ཆའི་ ༥༥ ཟིན་ཡོད། འདི་དངོས་ཡོད་གནས་ཚུལ་ལ་རྗེས་ལོན་བྱས་པ་རེད།
ཁེ་ན་ཌའི་གཞུང་དང་༸འདི་ཕྱིའི་སྐྱབས་གནས་དམ་པ་༸གོང་ས་སྐྱབས་མགོནཆེན་པོ་མཆོག་སླབས་ཆེན་ཀྱི་ཕྱིན་མཐུ་ལས་བྱུང་བ་ཡིན་པ་བོད་མི་ཚོ་དང་ལྷག་པར་ཏུ་དྲ་རྒྱ་ནང་གི་དྲ་ལས་ཚོའི་ཤེས་དགོས་པ་ཞིག་རེད། ཡག་པོ་རེད་བོད་མི་ཚོ་བདག་པོ་རེ་ཡོད་ན་བྱེད་རན་རེད།ལོ་ངོ་ལྔ་བཅུ་འགྲོ་ཚར་ཡང་ད་དུང་ང་ཚོ་རྐུང་པ་ཡག་པོ་ཞིག་ཚིགས་ཐུབ་མེད།བོད་རང་གི་ནང་ཁུལ་ནས་རྣམ་རྟོག་མང་གྲགས་པས་རྐྱེན་བྱས་པ་དང་ཕྱོགས་གཞན་ཞིག་ནས་བཤད་ན་འཚོ་བའི་དཀའ་ངལ་ལ་ཐུག་ཡོད་རེད་བསམ་གི་ཡོད།སློབ་མ་མང་པོ་ཞིག་སློབ་ཆེན་དུ་འགྲོ་མ་ཐུབ་འབྱོར་ལྡན་འགའ་ཞིག་གི་བུ་གུ་ངན་ཤོར་ཏུ་སོང་དེ་དག་གི་ནང་ནས་ང་ཚོ་རྗེས་སུ་ལས་པ་རང་རེད།
ཁོ་བོས་འདི་ནས་མི་འགྱངས་པར་གསལ་བཤད་ཀྱིས་བསམ་ཚུལ་ཐུང་ཐུང་ཞིག་སྤེལ་བར་འབད་བརྩོན་བྱ་རྒྱུ་ཡིན། དབྱིན་ལན་དོན་གཅོད་ཐུབ་བསྟན་བསམ་འགྲུབ་ལགས་ཀྱིས་ནོར་ཝེ་ཕྱི་འབྲེལ་ལས་ཁུངས་དང་འབྲེལ་བ་བྱུང་ཞིང་། བོད་མི་སྟོང་ཕྲག་གཅིག་སྐྱབས་བཅོལ་དུ་ལེན་ཞེས་རེ་སྐུལ་ཞུ་ཡོད་ཅིང་། ད་ ནི་ང་ཚོས་གོ་སྐབས་འདི་དག་སྣང་མེད་དུ་མ་བཞག་པར་བོད་གཞུང་མང་གཉིས་ནས་ནོར་ཝེར་བོད་མི་ཆིག་སྟོང་སླེབས་ཐུབ་ཐབས་ཀྱང་ཁ་ཚ་དགོས་གཏུགས་རེད་བསམ་གྱིན་འདུག
གཞིས་བཞུགས་བོད་མིའི་ནང་དུ་རྒྱ་ནག་པོའི་རྒྱ་རིགས་སྲེ་ཅི་ཐུབ་བྱས། བཙན་འབྱོར་གཞུང་ནས་མགོ་སེར་ཚོའི་ནང་དུ་རང་རིགས་བསྲེ་གང་ཐུབ་བྱས། ད་ཡིན་ན་ལོ་མང་འགོར་རྒྱུ་མ་རེད་ཡ་་་་་་་་་་་་་་་་་་་་་་་་ཚར་་་་ཚར་་་ཚར། དེའི་མིང་ལ་རང་ཉིད་རང་གི་བླག་ཟེར་བ་རེད།
འདི་ནི་གཏམ་བཟང་ཞིག་ཡིན་དུ་ཆུགས། འོན་ཀྱང་ཡང་ན་ནིང་གི་ཨ་རིར་ལེན་འཆར་གྱི་བོད་མི་ཆིག་ཁྲི་ལྟ་བུ་ཞིག་མི་ཆགས་པའི་ངེས་པ་མེད། འདི་ནི་ཨོ་སི་ཁྲི་ལེ་ཡར་འགྲོ་བཞིན་པའི་དཀའ་སྡུག་ཅན་གྱི་ཆབ་སྲིད་བཙོན་མར་སྤྲད་ན་མ་གཏོགས། སྤྱི་ཚོགས་གང་རུང་ལ་སྤྲད་ན་རྙོག་དྲར་ཆགས་ནས་འགྲོ་མི་ཐུབ་པ་ཡོང་ངེས།
ཟླ་བ་འགའ་ཤས་ཀྱི་སྔོན་ལ་དབྱིན་ལན་དོན་གཅོད་ཐུབ་བསྟན་བསམ་འགྲུབ་ལགས་འདི་གར་ནོར་ཝེ་རྒྱལ་སར་ཆེད་དུ་ཕེབས་དང་། ཁོང་གིས་ནོར་ཝེ་ཕྱི་སྲིད་ལས་ཁུངས་དང་གླེང་མོལ་བྱུང་ཞིང་ནོར་ཝེ་སྲིད་གཞུང་ནས་བོད་མི་ཅིག་སྟོང་ཐམ་པ་སྐྱབས་བཅོལ་དུ་ལེན་རོགས་ཞེས་ཞུ་འདུག
ཁེ་ན་ཌའི་གཞུང་དང་༸འདི་ཕྱིའི་སྐྱབས་གནས་དམ་པ་༸གོང་ས་སྐྱབས་མགོན་ཆེན་པོ་མཆོག ཁེ་ན་ཌའི་བོད་རིགས་སྤྱི་མཐུན་ལྷན་ཚོགས་ཚང་མར་སྙིང་ནས་ཐུགས་རྗེ་ཆེ་གནང་། འདི་ནི་བོད་མིའི་བཟང་སྤྱོད་ཀྱི་རིག་གཞུང་ལ་སླར་ཡང་རྒྱལ་ཁ་དང་མཐོང་ཆེན་ཐོབ་པའི་གནས་ཚུལ་བཟང་པོ་ཞིག་རེད། ང་ཚོས་རྟག་ཏུ་རིན་ཐང་ཆེ་ཤོས་སུ་བརྩིས་རུང་བའི་རིག་གཞུང་འདི་ཉིད་བོད་མི་རེ་རེས་སྲུང་བཞིན་འདུག་དགོས་པ་ནི། ང་ཚོས་དོར་དུ་མི་རུང་བའི་འཛམ་གླིང་མི་མང་ལ་ཞབས་འདེགས་འཇལ་ཐུབ་པའི་ལས་འགན་ཆེ་ཤོས་དེ་ཡིན། ཐེངས་འདིར་ཁེ་ན་ཌར་སུ་འགྲོ་གི་རེད་ཟེར་བ་ནི་ད་ལྟའི་བཀའ་སྤྱིའི་གཏམ་གླེང་ལས་འཁྲུག་ཆ་དོད་པ་ཡོང་ངེས་ཡིན་པས། སྤྱི་ཚོགས་ནང་དཔལ་འབྱོར་གྱི་གནས་སྟངས་སྐྱོ་ཤོས་དང་བོད་མི་སྐྱོ་ཤོས་དེ་ཚོར་འཐོབ་ན་ཧ་ཅང་དགའ་བ་ཞིག་ཡིན། དཔེར་ན། ལ་དྭགས་བྱང་ཐང་ལྟ་བུར་གོ་སྐབས་སྤྲད་་ན་བཙན་བྱོལ་བོད་མིའི་སྤྱི་ཚོགས་ལ་འགྱུར་བ་འགྲོ་ངེས་རེད།