རྒྱ་བོད་མི་རིགས་འདི་གཉིས་དམར་པོའི་སྲིད་དབང་གཅིག་སྡུད་འོག ད་དུང་མདུན་ལམ་ཧ་ཅང་ཀྱག་ཀྱོག་ཆེ་ཡང་། སྲིད་དབང་གཅིག་སྡུད་ཀྱིས་མི་ལ་མནར་གཅོད་གཏོང་ཐུབ་ཀྱང༌། མི་དམངས་ཀྱི་རང་དབང་དང་དམངས་གཙོའི་སེམས་ཁམས་ལ་ནམ་ཡང་མནར་གཅོད་གཏོང་ཐབས་མེད་ཟེར།
ཨ་རིའི་ནེའུ་ཡོག་དང་ནིའུ་འཇར་སི་ས་གནས་བོད་རིགས་སྤྱི་མཐུན་ཚོགས་པའི་གོ་སྒྲིག་འོག ཕྱི་ཚེས་ ༡༡ ཉིན་གྱི་གུང་གསེང་དང་བསྟུན་ཏེ། ༧གོང་ས་མཆོག་ལ་ནོ་བྷེལ་ཞི་བདེའི་གཟེངས་རྟགས་ཕུལ་ཏེ་ལོ་ངོ་ ༢༡ འཁོར་བ་དང་། རྒྱ་རིགས་ལིག་ཞོ་པོ་ལ་འདི་ལོའི་ནོ་བྷེལ་གཟེངས་རྟགས་ཐོབ་པར་དགའ་སྟོན་རྟེན་འབྲེལ་གྱི་མཛད་སྒོ་ཞིག་ཚོགས་ཡོད་འདུག མཛད་སྒོ་དེའི་སྟེང་། རྒྱ་རིགས་རྩོམ་པ་པོ་དང་སྲིད་དོན་དབྱེ་ཞིབ་པ་ཁྲན་ཕོ་ཁུང་དང༌ཀོ་ལིམ་པ་ཡ་གཙུག་ལག་སློབ་གཉེར་ཁང་གི་ཝང་ཅུན་ཐའོ་རྣམ་གཉིས་ཀྱིས་གསུངས་བཤད་གནང་ཡོད་འདུག
ཁྲན་ཕོ་ཁུང་གིས་གཏམ་བཤད་གནང་དོན། རྒྱ་རིགས་ལིག་ཞོ་པོ་ལ་ནོ་བྷེལ་ཞི་བདེའི་གཟེངས་རྟགས་ཐོབ་པ་དང་། ལོ་ངོ་ཉེར་གཅིག་གི་སྔོན་ལ་བོད་ཀྱི་དབུ་ཁྲིད་ྋགོང་ས་མཆོག་ལ་ནོ་བྷེལ་ཞི་བདེའི་གཟེངས་རྟགས་ཕུལ་བ་འདི་གཉིས་ནི། ང་ཚོ་རྒྱ་རིགས་དང་ཁྱེད་ཅག་བོད་རིགས་ཡོངས་ཀྱི་གཟི་བརྗིད་ཅིག་ཡིན་ལ། བོད་རྒྱ་མི་རིགས་གཉིས་ནི་རྒྱ་ནག་དམར་གཞུང་གི་གཅིག་སྡུད་སྲིད་དབང་འོག་དཀའ་སྡུག་མྱོང་མཁན་གཅིག་གྱུར་ཡིན་སྟབས། མི་རིགས་གཉིས་བར་སྔར་ལས་འཆམ་མཐུན་བྱ་རྒྱུ་ནི་ཧ་ཅང་གི་གལ་ཆེ་ཡིན། རྒྱ་ཡུལ་དུ་བཀའ་དྲིན་ཆེ་བའི་འབྲི་ཆུ་དང༌རྨ་ཆུའི་འབྱུང་ཁུངས་བོད་ཡིན་ཞིང་། ཁ་སྐོམ་དུས་ཁྲོན་པ་དྲན། ཞེས་པའི་དཔེ་ལྟར་རྒྱ་རིགས་མི་མང་གིས་བོད་ཀྱི་བཀའ་དྲིན་དུས་ནམ་ཡང་བརྗེད་མི་སྲིད། ཅེས་དང་། ྋགོང་ས་ཏཱ་ལའི་བླ་མ་མཆོག་ནས་ལིག་ཞོ་པོ་ལ་ཞི་བདེའི་གཟེངས་རྟགས་འབུལ་དགོས་པའི་རྒྱབ་སྐྱོར་གནང་བར་ང་ཚོ་རྒྱ་རིགས་ཚང་མས་ཐུགས་རྗེ་ཆེ་ཞུ་རྒྱུ་ཡིན་ཞེས་སོགས་གསུངས་ཡོད།
དེའི་རྗེས་རྒྱ་རིགས་ཝང་ཅུན་ཐའོ་ཡིས། ད་ལོ་ཞི་བདེའི་གཟེངས་རྟགས་ལྷན་ཚོགས་ཀྱིས་ལིག་ཞོ་པོ་ལ་ཞི་བདེའི་གཟེངས་རྟགས་ཕུལ་དགོས་པའི་རྒྱུ་མཚན་ཁ་ཤས་དྲངས་ཡོད་པའི་ནང་གི་གལ་ཆེ་ཤོས་གཅིག་ནི། ༼ ཐིག་བརྒྱད་རྩ་འཛིན་ཡིག་ཆ ༽ ཞེས་པ་དེ་ཡིན་ཚུལ་གསུངས་ཡོད་ལ། ཐིག་བརྒྱད་རྩ་འཛིན་ཡིག་ཆ་དེས་ྋགོང་ས་ཏཱ་ལའི་བླ་མ་མཆོག་གི་ཆབ་སྲིད་བཞེད་དགོངས་ལ་བརྡ་ལན་བྱས་ཡོད། ང་རང་ ༡༩༩༤ ལོར་ཨ་རིར་འབྱོར་སྐབས། ྋགོང་ས་མཆོག་ཨ་རིར་ཕེབས་པའི་སྐབས་དང་འཁེལ་འདུག དེ་དུས་ཨ་རི་བ་ཁ་ཤས་ཀྱིས་ང་ྋགོང་ས་མཆོག་ལ་མཇལ་རྒྱུའི་དུས་ཚོད་བསྒྲིག་རྒྱུ་ཡིན་སྐོར་བཤད་ཀྱང་། ངས་ངོས་ལེན་བྱ་མ་ཕོད། རྒྱུ་མཚན་ནི། སྐབས་དེ་དུས་ངའི་སེམས་ཀྱི་ཏཱ་ལའི་བླ་མ་ནི་རྒྱ་ནག་གཞུང་གིས་དྲིལ་བསྒྲགས་བྱས་པའི་ཏཱ་ལའི་བླ་མ་དེ་རེད། འོན་ཀྱང་། ༡༩༩༥ ལོར་ང་ ྋགོང་ས་མཆོག་ལ་དངོས་སུ་མཇལ་རྒྱུའི་གོ་སྐབས་བྱུང་ཞིང༌། ཁོང་གི་བྱམས་དང༌སྙིང་རྗེ། གཞན་བཀུར་དང་རྣམ་དཔྱོད། ལྷག་པར་དུ་ཁོང་གི་ཆབ་སྲིད་ཀྱི་བཞེད་དགོངས་དེ་དག་ཤེས་ཡོང་སྐབས་ངའི་སེམས་ལ་རྦད་དེ་འགྱུར་བ་ཐེབས་སོང༌།
ལོ་ངོ་ཉེར་གཅིག་སྔོན་ལ་ཞི་བདེའི་གཟེངས་རྟགས་བཞེས་མཁན་བོད་རིགས་ཁོང་ད་དུང་ཡང་རང་ཡུལ་བྲལ་ཏེ་བཙན་བྱོལ་དུ་བཞུགས་ཡོད་པ་དང༌། ད་ལོའི་ཞི་བདེ་གཟེངས་རྟགས་ཐོབ་མཁན་རྒྱ་རིགས་ཁོང་ད་ལྟ་རང་དབང་བྲལ་ཏེ་བཙོན་ཁང་དུ་ཡོད་པ་འདི་གཉིས་ལ་བསམ་ན། རྒྱ་བོད་མི་རིགས་འདི་གཉིས་དམར་པོའི་སྲིད་དབང་གཅིག་སྡུད་འོག ད་དུང་མདུན་ལམ་ཧ་ཅང་ཀྱག་ཀྱོག་ཆེ་ཡང་། སྲིད་དབང་གཅིག་སྡུད་ཀྱིས་མི་ལ་མནར་གཅོད་གཏོང་ཐུབ་ཀྱང༌། མི་དམངས་ཀྱི་རང་དབང་དང་དམངས་གཙོའི་སེམས་ཁམས་ལ་ནམ་ཡང་མནར་གཅོད་གཏོང་ཐབས་མེད། ཅེས་གསུངས་ཡོད།
དེ་རྗེས་སྐུ་ཚབ་དོན་གཅོད་བློ་བཟང་སྙན་གྲགས་མཆོག་གིས་བར་ལམ་ནས་ྋགོང་ས་མཆོག་གིས་ཆབ་སྲིད་ཀྱི་མཛད་འགན་མི་བཞེས་པར་བགྲེས་ཡོལ་དུ་ཕེབས་རྒྱུའི་བཀའ་བསྩལ་བ་བརྒྱུད་ལམ་ཁག་ཏུ་ཐོན་དང་ཐོན་ཞིང་ཡོད་པ་དེ་ཚོར་མང་ཚོགས་ནས་ངེས་པར་དུ་དོ་སྣང་དང་འབྲེལ་བློ་ཚབ་ཀྱི་ཚོར་སྣང་ཞིག་ཡོང་དགོས་པའི་སྐོར་དང༌། རྒྱ་ནག་གཞུང་དང༌། ལྷག་པར་དུ་འཐབ་ཕྱོགས་གཅིག་གྱུར་ལས་ཁུངས་ནས་བོད་མིའི་ཆིག་སྒྲིལ་གྱི་ནུས་པ་རྩ་མེད་བཟོ་རྒྱུའི་ངན་བྱུས་སྣ་ཚོགས་སྤེལ་གྱིན་ཡོད་པ་དེ་དག་གི་མགོ་སྐོར་འོག་མི་ཚུད་རྒྱུར་ཐུགས་སྣང་དགོས་པའི་སྐོར། བོད་མི་རིགས་ཀྱི་སྐད་ཡིག་གཙོ་བོར་གྱུར་བའི་རིག་གཞུང་ལ་གཞོན་སྐྱེས་ཚོའི་རྒྱུད་ལ་འཇགས་ཐབས་བྱ་རྒྱུར་ཕ་མ་སོ་སོ་དང༌། ཁྱིམ་ཚང་སོ་སོ། སྤྱི་ཚོགས་བཅས་ཁྱོན་ཡོངས་ནས་འགན་ཁུར་ཆེ་ཙམ་བཞེས་དགོས་པའི་སྐོར་སོགས་གསུངས་ཤིང་།
སྐབས་དེར་ས་གནས་བོད་རིགས་སྤྱི་མཐུན་ཚོགས་པའི་ཚོགས་གཙོ་ཚེ་རིང་བཟང་པོ་ལགས་ནས་ཀྱང་། རྒྱ་རིགས་གྲོགས་པོ་ཡོངས་ལ་འཚམས་འདྲི་དང༌། ལིག་ཞོ་པོ་ལ་ཞི་བདེ་གཟེངས་རྟགས་ཐོབ་པར་བཀྲ་ཤིས་བདེ་ལེགས་ཞུས་པ་དང་སྦྲགས་ཉིན་མོའི་སློབ་གྲྭའི་སློབ་ཕྲུག་དང༌ཆོལ་གསུམ་ཟློས་གར་ཚོགས་པ། ཚོགས་པ་སྐྱིད་སྡུག་ཁག མི་སྒེར་བ་བཅས་ནས་གཞས་དང་ཞབས་བྲོ་འཁྲབ་སྟོན་བྱས་ཡོད། མཇུག་ཏུ་ས་གནས་སྤྱི་མཐུན་ཚོགས་པའི་ཚོགས་གཞོན་བསོད་ནམས་རྒྱ་མཚོ་ལགས་ནས་ཐུགས་རྗེ་ཆེ་ཞུའི་གསུང་བཤད་གནང་སྟེ་མཛད་སྒོ་དངོས་གཞི་མཇུག་བསྒྲིལ་ཅིང་། ཕྱི་དྲོའི་གཞས་དང་ཞབས་བྲོའི་ལས་རིམ་སྐབས། རྒྱ་རིགས་ ༡༠ ཡིས་ནོ་བྷེལ་ཞི་བདེ་གཟེངས་རྟགས་ཚོགས་ཆུང་གིས་ཕྱི་ཟླ་ ༡༢ ཚེས་ ༡༠ ཉིན་གཟེངས་རྟགས་འབུལ་བཞེས་ཀྱི་མཛད་སྒོར་གྲ་སྒྲིག་བྱས་ཡོད་པའི་གླུ་གཞིས་ “རྨོ་ལི་ཧྭ” ཞེས་པ་མཉམ་ལེན་བྱས་ཡོད་འདུག
༼ གོང་གི་གསར་འགྱུར་དེ་བོད་གཞུང་ཨ་རིའི་སྐུ་ཚབ་དོན་གཅོད་ཁང་གི་རྒྱ་རིགས་འབྲེལ་མཐུད་པ་ཟུང་དྲུང་ཀུན་དགའ་བཀྲ་ཤིས་ལགས་ཀྱིས་མཁོ་གཏོང་བྱས་ཤིང་། གསར་འགོད་པ་དོན་འགྲུབ་བཀྲ་ཤིས་ཀྱིས་བསྡུ་སྒྲིག་བྱས། ༽
this is good news
ད་ལྟའི་གནས་སྟངས་སོགས་མང་ཚོགས་ལ་གསལ་བཤད་བྱས་འདུག ཉིན་དེར་ཚོགས་པའི་ངོས་ནས་སྤྱི་ཁང་གསར་ཉོའི་ཆེད་མང་ཚོགས་ལ་ཞལ་འདེབས་བསྡུ་རུབ་བྱས་པ་ལྟར། ས་གནས་བོད་རིགས་མང་ཚོགས་ཀྱིས་ཁྱོན་ཨ་སྒོར་བཞི་འབུམ་སུམ་ཁྲི་ལྔ་སྟོང་ ༤༣༥༠༠༠ ཙམ་ཞལ་འདེབས་གནང་རྒྱུའི་ཐོ་འགོད་བྱས་ཡོད། མང་ཚོགས་ནས་ཁས་ལེན་གནང་བའི་སྒོར་མོ་སྤྱི་མཐུན་ཚོགས་པར་འབྱོར་མཚམས་དེར་ཡོད་འབྱོར་ལྡན་ཁྱིམ་ཚང་ཞིག་གིས་སྤྱི་ཁང་གསར་ཉོའི་ཐད་ཨ་སྒོར་སུམ་འབུམ་ ༣༠༤༥༠༠ ལྷག་ཁ་སྣོན་གྱི་ཚུལ་དུ་ཞལ་འདེབས་གནང་རྒྱུ་ཡིན་འདུག ད་ཆར་ས་གནས་བོད་རིགས་སྤྱི་མཐུན་ཚོགས་པར་སྤྱི་ཁང་གསར་ཉོའི་ཆེད་ཨ་སྒོར་ས་ཡ་ ༢ ཙམ་ཡོད་ཐོག ཁས་ལེན་ཐོབ་པའི་ཞལ་འདེབས་རྣམས་བསྡོམས་ན་སྤྱི་ཁང་གསར་ཉོའི་ལས་གཞིར་ཁྱོན་ཨ་སྒོར་ས་ཡ་ ༢༧༥༠༠༠ ཙམ་བསྡུ་རུབ་བྱེད་ཐུབ་བྱུང་ཡོད། སྐབས་དེར། མཛད་སྒོར་ཕེབས་པའི་རྒྱ་རིགས་ཏཱ་ཧེ་ཞུ་བ་ཞིག་གིས་ཀྱང་རིག་གཞུང་བསྟི་གནས་ཀྱི་སྤྱི་ཁང་འདི་བོད་པ་ཙམ་མིན་པར་རྒྱ་རིགས་མང་ཚོགས་ལའང་ཕན་ཐོགས་ཡོད་ཅེས་བརྗོད་དེ་ཞལ་འདེབས་ཨ་སྒོར་༡༠༠༠ ཙམ་ཕུལ་ཡོད་འདུག