ཟླ་འདིའི་ཕྱི་ཚེས་ ༡༡ ཉིན་བྷེལ་ཇམ་གྱི་གྲོང་ཁྱེར་ཨན་ཀྲི་ཝུ་ཕན་རུ་བྷེལ་ཇམ་བོད་རིགས་སྤྱི་མཐུན་ཚོགས་པ་དང་ཡུ་རོབ་བོད་རྒྱ་མཛའ་འབྲེལ་མཐུན་ཚོགས་གཉིས་ཀྱི་གོ་སྒྲིག་འོག ༧གོང་ས་མཆོག་ལ་ནོ་བྷེལ་ཞི་བདེའི་གཟེངས་རྟགས་ཕུལ་ཏེ་ལོ་ ༢༡ འཁོར་བ་དང་། འདི་ལོའི་ནོ་བྷེལ་ཞི་བདེའི་གཟེངས་རྟགས་རྒྱ་རིགས་དམངས་གཙོ་དོན་གཉེར་བ་ལིག་ཞོ་པོ་ལ་ཕུལ་བའི་བརྟེན་འབྲེལ་མཛད་སྒོ་ཞིག་ཚོགས་འདུག མཛད་སྒོའི་སྐུ་མགྲོན་དུ་བྷེལ་ཇམ་བོད་གཞུང་སྐུ་ཚབ་དོན་གཅོད་བཀའ་ཟུར་བཀྲ་ཤིས་དབང་འདུས་མཆོག་དང་། འཇར་མན་རྒྱ་རིགས་དམངས་གཙོ་དོན་གཉེར་བ་སྐུ་ཞབས་ཧྤན་ཡོན་ཙུང་། ཧོ་ལན་ནས་རྒྱ་རིགས་དམངས་གཙོ་དོན་གཉེར་བ་ཕང་ཞའོ་མིན་དང་མའོ་ཞའོ་མིང་སོགས་ཆེད་ཕེབས་ཀྱིས་གཏམ་བཤད་གནང་ཡོད།
མཛད་སྒོའི་ཐོག་མར་སྐུ་མགྲོན་དག་གིས་༧གོང་ས་མཆོག་གི་སྐུ་པར་མཐོང་གྲོལ་ཆེན་མོར་མཇལ་དར་སྒྲོན་ཞིང་། དེའི་རྗེས་ཚོགས་པ་གཉིས་ཀྱི་རྒྱུན་ལས་ཚོས་ནོ་བྷེལ་གཟེངས་རྟགས་བསྟོད་དབྱངས་མཉམ་ལེན་གནང་ཞིང་། བོད་རིགས་སྤྱི་མཐུན་ཚོགས་པའི་ཚོགས་གཙོ་དང་ཡུ་རོབ་བོད་རྒྱ་མཛའ་འབྲེལ་ཚོགས་པའི་ཚོགས་གཙོ་གཉིས་ཀྱིས་མཛད་སྒོ་དང་འབྲེལ་བའི་གཏམ་བཤད་གནང་ཡོད།
དེ་རྗེས་རྒྱ་རིགས་དམངས་གཙོ་དོན་གཉེར་བ་གསུམ་གྱིས་གཏམ་བཤད་གནང་བའི་ནང་དོན་གཙོ་བོ་ནི། ལོ་ངོ་ ༢༡ གི་གོང་དུ་༧གོང་ས་ཏཱ་ལའི་བླ་མར་འཛམ་གླིང་ཞི་བདེ་གཟེངས་རྟགས་ཕུལ་བ་དང་། ད་ལོ་རྒྱ་རིགས་ལིག་ཞོ་པོ་ལ་གཟེངས་རྟགས་ཐོབ་ཡོད་ཀྱང་། བློ་ཕམ་པ་ཞིག་ལ་རྒྱ་ནག་གི་ཐ་ཤལ་བྱ་སྤྱོད་འོག གཅིག་ད་ལྟ་མིའི་ལུང་པར་འཁྱམ་དགོས་བྱུང་ཡོད་པ་དང་གཅིག་ཤོས་རྒྱའི་བཙོན་འོག་ཏུ་བཞུགས་ཡོད། ང་ཚོས་དུས་རྟག་ཏུ་༧གོང་ས་ཏཱ་ལའི་བླ་མ་མཆོག་གི་འཚེ་མེད་ཞི་བའི་ཐབས་ལམ་ལ་གུས་བརྩི་ཞུ་རྒྱུ། རྒྱ་ནག་གི་དབང་འཛིན་པ་ཉུང་ཤས་ཞིག་གིས་རང་གི་སྲིད་དབང་སྲ་བརྟན་ཡོང་ཐབས་ལ་བོད་རྒྱ་མི་རིགས་གཉིས་བར་འགལ་ཟླ་མང་པོ་བཟོས་པ་མ་གཏོགས། སྤྱིར་བོད་རྒྱ་མི་རིགས་གཉིས་ཀྱི་མི་མང་རྣམས་སྤུན་ཟླ་ལྟ་བུའི་བརྩེ་སེམས་ཡོད་ལ། ཐུན་མོང་གི་སེམས་འདུན་གཅིག་ཡོད་པ་ནི། རང་རང་གི་རིག་གཞུང་བཟང་པོ་སྲུང་སྐྱོབ་བྱ་ཆེད་དམངས་གཙོའི་གཞུང་ཞིག་དགོས་རྒྱུ་དེ་ཡིན། ཞེས་སོགས་བརྗོད་ཡོད།
བོད་རྒྱ་ཐུན་མོང་གི་དུས་ཆེན་ཉིན།
བོད་རྒྱ་ཐུན་མོང་གི་དུས་ཆེན་ཉིན།
བོད་རྒྱ་ཐུན་མོང་གི་དུས་ཆེན་ཉིན།
བོད་རྒྱ་ཐུན་མོང་གི་དུས་ཆེན་ཉིན།
༼ བྷེལ་ཇམ་གནས་བཞུགས་ལྷག་པ་ཚེ་རིང་གིས་མཁོ་གཏོང་དང་། དོན་འགྲུབ་བཀྲ་ཤིས་ཀྱིས་བསྡུ་སྒྲིག་བྱས། ༽
བཀུར་འོས་རང་གཞུང་གི་མཛད་གཙོ་རྣམ་པས་ཡང་ཡང་འདི་ལྟ་བའི་རྒྱ་མི་རིགས་དང་ལྷན་དུ་ལས་འགུལ་རེ་སྤེལ་ཐུབ་ན་ནུས་ངེས་ཅན་ཞིག་ཐོན་པ་
གདོན་མི་ཟའོ།།
བྷེལ་ཇམ་གྱི་ལས་འགུལ་བཀོད་སྒྲིག་པ་ཚོར་ཐུགས་རྗེ་ཆེ་ཞེས་ཞུ་འདོད་བྱུང་། དེ་ནི་བོད་རྒྱ་གཉིས་ཀྱི་དཀའ་ངལ་སེལ་བྱེད་ཀྱི་ཐབས་ལམ་ཡག་ཤོས་ཤིག་ཏུ་མཐོང་། དེར་བརྟེན་ཁྱེད་ཚོས་མུ་ཐུད་དེ་ལྟར་གནང་རོགས་ཤེས་འབོད་སྐུལ་ཞུ།
ད་ལྟའི་བར་ང་ཚོས་བོད་རྒྱ་མཛའ་འབྲེལ་སོགས་མང་པོ་བཤད་བཞིན་པ་འདི་རང་བཞིན་གྱིས་འདི་ལྟར་ཡོང་དགོས་པ་ཞིག་ལོས་ཡིན། དེ་མིན་ན་ང་ཚོའི་བཤད་པ་ཐམས་ཅད་དོན་མེད་དུ་སོང་བ་ལོས་ཡིན།
དེ་རིང་སྔ་དྲོར་བལྟས་པའི་གསར་འགྱུར་བཟང་ཤོས་འདི་ཡིན། འདི་ནི་༸རྒྱལ་བའི་དགོངས་བཞེད་དང་། བཙན་བྱོལ་བོད་གཞུང་གི་ཆབ་སྲིད་ལང་ཕྱོགས་ཀྱང་དེ་དང་ཡོངས་སུ་མཐུན། ཇི་སྲིད་བོད་རྒྱ་གཉིས་སེམས་ཐག་ཉེ་རུ་མ་འགྲོ་བ་དེ་སྲིད་དུ་ཞི་བདེ་ཡོང་ཐབས་མེད་པས། ཧ་ཅང་དགའ། ཐུགས་རྗེ་ཆེ། ད་དུང་ལས་འགུལ་འདི་རིགས་ལ་ཤུགས་གང་ཐུབ་གནང་དགོས་གལ་འདུག