བོད་ནང་གི་དྲ་ཚིགས་ཁག་ཅིག་ཏུ་གནས་ཚུལ་སྤེལ་བ་ལྟར་ན། ཉེ་ཆར་བོད་ནང་གི་བོད་མི་རྫོང་ཁ་ཡོན་ཏན་དོན་གྲུབ་ཟེར་བ་ཞིག་གིས་བོད་ཡིག་གི་དབྱངས་གསལ་ལས་གྲུབ་ཅིང་། བོད་ཡིག་གི་བརྡ་སྤྲོད་སློབ་སྦྱོང་ལ་ཕན་པའི་རོལ་རྩེད་རྣམ་པ་ཅན་གྱི་བོད་ཡིག་གི་ཤོག་ཤོ་བརྡ་དག་གི་དཔར་གཞི་ཞིག་བསྒྲིགས་ཡོད་འདུག་ལ། མི་རིང་བར་བོད་པའི་སྤྱི་ཚོགས་ཁྲོད་འགྲེམས་སྤེལ་བྱ་འཆར་ཡོད་འདུག
ཁོང་གིས་གསར་གཏོད་བྱས་པའི་ཤོག་ཤོ་རོལ་རྩེད་དེའི་ནང་། བོད་ཀྱི་ཡི་གེའི་སྲོག་དང་རྐྱེན། ཕ། མ། བུ་ཚའི་ཡི་གེ་ཞེས་སྡེ་ཚན་ལྔར་བསྡུས་ཡོད་ཅིང་། རོལ་རྩེད་འདིའི་དགོས་དབང་དང་བསྟུན་ཏེ་སྲོག་ཡིག་ལྔའི་ཚེག་དང་། རྐྱེན་གྱི་ཡི་གེ་དབུ་ཁྱུད། ཕུར་ཤད། སྦྲུལ་ཤད། རིན་ཆེན་སྤུངས་ཤད་བཅས་བསྡུས་མེད་ཀྱང་། དེ་མིན་གྱི་གསལ་བྱེད་སུམ་ཅུ། སྔོན་རྗེས་བཅོ་ལྔ། ཡང་འཇུག་གཉིས། གུག་ཀྱེད་བརྩེགས་འདོགས་ཀྱི་ཡི་གེ་བཅུ་གཅིག་བཅས་ཁྱོན་ཡི་གེ་ང་བརྒྱད་ཆ་ཚང་བ་བཀོད་ཡོད་པར་མ་ཟད། རྩེད་མོ་འདི་ཕོ་ཡིག་དང་མ་ནིང་གི་ཡི་གེ མོ་ཡིག ཤིན་ཏུ་མོའི་ཡི་གེ་བཅས་ཚན་པ་བཞིར་དབྱེ་སྟེ། དེ་དག་སོ་སོར་ཁ་དོག་མི་འདྲ་བ་བཞིས་མཚོན་པར་བྱས་ཡོད་འདུག་ལ། འཛམ་གླིང་ནང་རྒྱ་ཁྱབ་ཏུ་སྤྱོད་བཞིན་པའི་ཤོག་ཤོ་དང་གཅིག་མཚུངས་ཀྱི་རྩེ་སྟངས་ཐད་ཁག་གསུམ་ཙམ་ལས་གཞན་རྩེ་སྟངས་འདྲ་མིན་སྣ་ཚོགས་ཀྱི་ལམ་ནས་རྩེ་ཆོག་གི་ཡོད་འདུག
ཤོག་ཤོ་རོལ་རྩེད་འདི་གསར་གཏོད་ཀྱི་དམིགས་ཡུལ་གཙོ་བོ། བོད་ཡིག་འདི་ཉིད་འཛམ་གླིང་གི་སྔོན་ཐོན་འཕྲུལ་རིག་གི་སྟེང་དུ་གོམ་པ་སྤོས་ཏེ་བཀོལ་སྤྱོད་ཀྱི་ནུས་པ་ཆེ་རུ་འགྲོ་བཞིན་ཡོད་ཀྱང་། ད་དུང་རྩེད་རིགས་སོགས་ཀྱི་སྟེང་དུ་བོད་ཡིག་རྒྱུགས་ཆེ་བར་གཏོང་བ་དང་བཀོད་སྤྱོད་ཁྱབ་རྒྱ་ཆེ་རུ་གཏོང་ཆེད་ཡིན་འདུག་ལ། མི་རིང་བར་བོད་ཡིག་གི་ཤོག་ཤོ་བརྡ་དག་རོལ་རྩེད་དེ་སྤྱི་ཚོགས་ནང་པར་འགྲེམས་བྱ་རྒྱུ་ཡིན་འདུག
གསར་འགོད་པ། དོན་གོ
སྐད་ཡིག་སྦྱོང་ཐབས་གསར་གཏོད་བྱས་པ་སྙིང་ནས་བཀའ་དྲིན་ཆེ་ཞུ། ཡི་རངས་ཞུ། དེའི་རིགས་མང་ཙམ་བྱུང་ན་ལེགས། དེང་རབས་དང་མཐུན་པའི་འཕྲུལ་རིགས་དང་རོལ་རྩེད་ཡོད་ན་བྱིས་པ་ཆུང་ཆུང་རྣམས་ལ་དགེ་མཚན་ཤིན་ཏུ་ཆེ་སྙམ། རང་གི་སྐད་ཡིག་རིན་ཅན་བཀོལ་སྤྱོད་གང་མང་གནང་རོགས།
བོད་ཀྱི་བླ་སྲོག་འཛིན་མཁན་ཡོད་ན་མེད་ན་བོད་ནང་ན་གནས་ཡོད་པའི་བོད་རིགས་དེ་ཚོ་རང་རེད་འདུག ངོ་མ་ད་རེའི་བོད་ཡིག་གི་བརྡ་དག་རོལ་རྩེད་ཅེས་པའི་ཤོག་ཤོ་འདི་བསམ་ན་སེམས་ནས་བཟོད་མ་ཐུབ་པའི་ཚོར་བ་ཞིག་དེད་འོང་འདུག
བློ་མཐུན་དོན་འགྲུབ་ལགས་ལ་སྙིང་ཐག་པ་ནས་བཀྲ་ཤིས་བདེ་ལེགས་ཞུ།
ཁོང་གིས་བཟོ་བསྐྲུན་གནང་བའི་རྩེད་ཆས་ནི་དུས་དང་འཚམས་པ་ཞིག་ཡིན་འདུག་པས་མ་འོངས་པའང་ཡར་རྒྱས་དང་མུ་མཐུད་ནས་གནང་ཐུབ་ན་ལེགས།
ཤི་རེ་གོ་ངའི་ལག་ཏུ་གཅིག་འབྱོར་ན།
གསར་བཏོད་ཀྱི་བྱ་བ་འདིར་བཀའ་དྲིན་ཤིན་ཏུ་ནས་ཆེ་ཞུ་སྤྲོ། པོད་ནི་བོད་ཡིག་དར་སའི་བསྟི་གནས་ངོ་མ་དེ་ཡིན་སྟབས་གསར་སྤེལ་གྱི་བྱ་བ་འདི་རིགས་གང་མང་གང་མགྱོགས་དགོས་གལ་མཐོང་། གནས་ཚུལ་སྤེལ་སྟངས་ཀྱི་གཤིས་ལ་བལྟས་ཚེ། ཤོག་ཤོ་འདི་ཆ་ལག་ཚང་ཞིང་བོད་ཀྱི་དབྱངས་གསལ་ཀུན་གྱི་འགྲོ་སྟངས་ཤིག་ཚང་ནས་ཡོད་བཟོ་མི་འདུག་པས་གང་ཟབ་སྤུས་དག་དགོས་པ་གལ་ཆེན་ཡིན། རྒྱུ་མཚན་ནི་ཐེངས་གཅིག་སློབ་ཕྲུག་གི་སྣང་བར་འཇགས་པ་དེ་ཡང་བསྐྱར་བཟོ་བཅོས་བྱེད་པའི་གོ་སྐབས་ཕྲ།
བརྩན་བྱོལ་གྱི་བོད་མི་ཚོ་ནི་ཕྱི་རྒྱལ་ལ་འགྲོ་རྒྱུའི་ཚང་ཁ་དང་། ཕྱི་རྒྱལ་གྱི་མི་སེར་བྱེད་རྒྱུའི་བསམ་བློ་ལས་གཞན་མེད། བོད་ནང་གི་བོད་མི་ཚོས་བོད་ཀྱི་རིགས་གཞུང་དང་སྐད་ཡིག་སྲུང་སྐྱོབ་བྱེད་རྒྱུ་དང་། བོད་ལ་རང་དབང་ཐོབ་རྒྱུའི་བསམ་བློ་ལས་གཞན་མེད། བསམ་བློ་འདི་གཉིས་ཀྱི་ཁྱད་པར་ལ་གཅིག་བསྟོས་དང་།
བོད་ནང་གི་བོད་མི་ཚོའི་སེམས་ཤུགས་དང་ལྷག་བསམ་ལ་ཡི་རངས་ཤོར།
བཙན་བྱོལ་ནང་དུ་ཆོལ་ཁ་སོ་སོས་རང་གི་ཆོལ་ཁ་རྒྱལ་ཐབས་དང་དར་སྤེལ་གཏོང་བའི་ཞོར་ལ་དངོས་ཤུགས་བརྒྱུད་གསུམ་ནས་ཆོལ་ཁ་གཞན་གྱི་མགོ་བོ་རྡོག་པས་གནོན་ཅི་ཐུབ་བྱེད་པའི་བྱེད་སྟངས་ལ་ཡི་མུག་ཤོར།
ཡོན་ཏན་དོན་འགྲུབ་མཆོག་ལ་གུས་པས་སྙིང་ཁོང་རུས་པའི་གཏིང་ནས་བཀའ་དྲིན་ཆེ་ཞུས་པ་ཡིན། རང་དབང་ལུང་པར་བསྡད་ཡོད་པའི་བོད་མི་དག་གིས་མི་ཚོང་རྒྱག་པ་ལས་གཞན་གཅིག་ཀྱང་འཇོན་གྱི་མི་འདུག
བོད་ནང་ན་བོད་ཡིག་དང་བོད་སྐད་ལ་ཐབས་ཤེས་འདྲ་མིན་ཐོག་ནས་ཤིག་རྒྱག་གི་འདུག་་་རྗེས་སུ་ཡུ་རིང་ཡོད་་་བཙན་བྱོལ་ནང་ན་་་་་་་་་་
བོད་ཡིག་དང་། བོད་སྐད་སྐྱོབ་ཐབས་བཟང་།