སི་ཁྲོན་ཞིང་ཆེན་གྱི་བླ་སྦྲུལ་ ༢༥ ལ་རྒྱལ་གཅེས་ཆོས་གཅེས་དང་སྲིད་གཞུང་གི་ངོས་ལེན་ཡོད་པའི་བླ་སྤྲུལ་གྱི་ལག་འཁྱེར་སྤྲད་འདུག་ལ། གཞུག་ཕྱོགས་ཁོང་ཅག་གིས་ཁ་བྲལ་ལ་རྒྱབ་སྐྱོར་བྱས་ཚེ་ལག་འཁྱེར་ཕྱིར་བསྡུ་ཙམ་དུ་མ་ཟད། བླ་སྤྲུལ་གྱི་མིང་ཐོབ་ཀྱང་མེད་པ་བཟོ་རྒྱུ་ཡིན་ཟེར།
༼ སི་ཁྲོན་ཉིན་རེའི་ཚགས་པར། ༽ སྟེང་གནས་ཚུལ་སྤེལ་བ་ལྟར་ན། ཟླ་འདིའི་ཕྱི་ཚེས་ ༢༤ ཉིན་ཁྲིན་ཏུའུ་གྲོང་ཁྱེར་དུ་སི་ཁྲོན་ཞིང་ཆེན་བོད་བརྒྱུད་ནང་བསྟན་ཆོས་ལུགས་ཀྱི་སྤྲུལ་སྐུའི་ལག་ཁྱེར་སྤྲོད་པའི་མཛད་སྒོ་ཟེར་བ་ཞིག་ཚོགས་ཡོད་ཅིང་། མཛད་སྒོ་དེའི་སྟེང་ཐུབ་བསྟན་དགེ་ལེགས་རིན་པོ་ཆེ་ཞུ་བ་ཞིག་དང་ངག་དབང་མཁས་གྲུབ་རིན་པོ་ཆེ་ཞུ་ཞིག རྒྱལ་རོང་བྱམས་པ་རྟ་མགྲིན་མཁས་གྲུབ་དང་། སྦང་ཁ་སྐལ་བཟང་རིན་ཆེན། ཞིང་ཀུན་ཀླུ་རོང་ཡེ་ཤེས་གྲགས་པ་དབང་ཕྱུག་ཞུ་བ་བཅས་ས་ཁྲོན་ས་ཁུལ་གྱི་བླ་སྤྲུལ་ ༢༠ ལ་རྒྱལ་གཅེས་ཆོས་གཅེས་བླ་སྤྲུལ་གྱི་ལག་འཁྱེར་སྤྲད་ཡོད་པ་དང་། གཞན་བླ་སྤྲུལ་ ༥ ལ་རྒྱ་ནག་གཞུང་གིས་གསར་དུ་ཆོག་མཆན་ཐོབ་པའི་བླ་སྦྲུལ་གྱི་ལག་འཁྱེར་སྤྲད་ཡོད་འདུག
མཛད་སྒོ་དེའི་སྟེང་སི་ཁྲོན་ཞིང་ཆེན་གྱི་དྲུང་ཆེ་ལིས་ཁྲོན་ཞཱི་གཙོ་བྱས་པའི་ཞིང་ཆེན་རྒྱུན་ལས་ལྷན་ཚོགས་ཀྱི་དཔོན་རིགས་ཁག་ཅིག་དང་། ཞིང་ཆེན་འཐབ་ཕྱོགས་གཅིག་གྱུར་ཁང་གི་འགན་འཛིན། ཞིང་ཆེན་ནང་བསྟན་མཐུན་ཚོགས་ཀྱི་སྐུ་ཚབ་བཅས་མཉམ་ཞུགས་བྱས་ཡོད་ཅིང་། མཛད་སྒོའི་ཐོག་ལིས་ཁྲོན་ཞཱི་ཡིས། ཏང་ཀྲུང་དབྱང་དང་རྒྱལ་སྲིད་སྤྱི་ཁྱབ་ཁང་གིས་བོད་ཁུལ་གྱི་གནད་དོན་ལ་གདེང་འཇོག་ཚད་མཐོན་པོ་བྱས་ཤིང་། ལྷག་པར་དུ་བོད་བརྒྱུད་ནང་བསྟན་གྱི་བྱ་བཞག་ལ་སྔར་ལས་ལྷག་པའི་དོ་སྣང་བྱེད་ཀྱི་ཡོད་སྐོར་དང་། བོད་བརྒྱུད་ནང་བསྟན་གྱི་བླ་སྤྲུལ་ལས་སྣེ་དག་གི་ཐོབ་ཐང་ངོས་འཛིན་དང་། ལག་འཁྱེར་སྤྲོད་ཕྱོགས་ལ་ཞིབ་འཇུག་དང་དོ་སྣང་ཆེ་རུ་གཏོང་རྒྱུ་ཡིན་སྐོར་བརྗོད་འདུག དེ་བཞིན། འཐབ་ཕྱོགས་གཅིག་གྱུར་ཁང་གི་འགན་འཛིན་གྱིས་གཏམ་བཤད་བྱས་དོན། དེ་རིང་བོད་བརྒྱུད་ནང་བསྟན་གྱི་བླ་སྤྲལ་ལས་སྣེ་དག་ལ་ངོས་འཛིན་ལག་འཁྱེར་སྤྲོད་བཞིན་ཡོད་པ་འདི་ནི། ཏང་ཀྲུང་དབྱང་གིས་བོད་བརྒྱུད་ནང་བསྟན་ལ་འཛིན་པའི་སྲིད་ཇུས་ཀྱི་ཁ་ཕྱོགས་ཤིག་དང་། བོད་བརྒྱུད་ནང་བསྟན་གྱི་ཆོ་ག་ཕྱག་ལེན་ཁག་ཡང་དག་གིས་ལག་བསྟར་བྱ་ཆེད་ཡིན་པ་མ་ཟད། ཚུལ་ལྡན་དང་ཁྲིམས་མཐུན་གྱི་སྒོ་ནས་ཆོས་ལུགས་གནད་ཡོད་མི་སྣ་སྐྱེད་སྲིང་དང་སྲུང་སྐྱོབ་བྱ་ཆེད་ཡིན་ལ། མ་འོངས་པར་ཆོས་ལུགས་གནད་ཡོད་མི་སྣ་དང་བླ་སྤྲུལ་ཁག་གིས་རྒྱལ་སྤྱི་དང་རྒྱལ་ནང་གི་གནས་སྟངས་ལ་གཞིགས་ཏེ། ཕུགས་རྒྱང་རིང་བོར་དམིགས་ཐུབ་པར་བྱ་ཆེད་ཡིན་ཞེས་བརྗོད་ཡོད་འདུག
ཐེངས་འདིའི་རྒྱ་གཞུང་གི་བྱ་འགུལ་དེ་ནི་སི་ཁྲོན་ཞིང་ཆེན་གཅིག་པུར་ལག་བསྟར་བྱས་པ་ཞིག་མིན་པར། འདི་ལོའི་ཕྱི་ཟླ་ ༡༠ བའི་ཚེས་ ༢༢ ཉིན་ཀན་སུའུ་ཞིང་ཆེན་མངའ་ཁུལ་གྱི་བླ་སྤྲུལ་ཁག་ལ་ལག་བསྟར་བྱས་ཡོད་པ་དང་། ཕྱི་ཟླ་ ༡༡ པའི་ཚེས་ ༡༨ ཉིན་མཚོ་སྔོན་མངའ་ཁུལ་དུ་ཡང་ལག་བསྟར་བྱས་ཡོད་འདུག བྱ་འགུལ་དེའི་ཁྲོད་ལག་ཁྱེར་སྤྲད་ཟིན་པའི་བླ་སྤྲུལ་དག་གིས་མི་མང་འདུ་འཛོམ་ལ་སྣེ་ཁྲིད་བྱེད་པ་དང་། སྲིད་གཞུང་ལ་ངོ་རྒོལ་བྱེད་མཁན་ལ་རྒྱབ་སྐྱོར་བྱེད་པ། རྒྱལ་ཁབ་ཁ་བྲལ་དང་མི་རིགས་མཐུན་སྒྲིལ་གཏོར་བརླག་གི་བྱ་སྤྱོད་སྤེལ་བ་སོགས་བྱས་ཚེ་ལག་འཁྱེར་ཕྱིར་བསྡུ་བྱ་རྒྱུ་ཡིན་པ་མ་ཟད། དེང་ཕྱིན་བླ་སྤྲུལ་གྱི་མང་ཐོབ་ཀྱང་མེད་པ་བཟོས་ཏེ། རྒྱལ་བཙོང་བའི་ནག་ཉེས་ཅན་དུ་རྩིས་ཏེ་ཁྲིམས་ཆད་ནན་མོ་གཅོད་རྒྱུའི་གསལ་བཤད་ཀྱང་བྱས་འདུག
༼གོང་གསལ་གསར་འགྱུར་ནང་གི་བླ་སྤྲུལ་དག་གི་ཡོང་ཁུངས་དང་ཆོས་བརྒྱུད་གྲུབ་མཐའ། དགོན་པ་དང་ཡུལ་ལུང་གང་གི་བླ་སྤྲུལ་ཡིན་མིན་ཁ་གསལ་མེད་སྟབས་རྒྱ་ཡིག་གི་སྒྲ་གདངས་རང་སོར་བཞག་ཡོད༽
གསར་འགོད་པ། དོན་གོ
![The Dalai Lama offers blessings to his followers at his Himalayan residence in the northern hill town of Dharamshala, India, on December 20, 2024 [Priyanshu Singh/Reuters]](https://tibettimes.net/wp-content/uploads/2025/05/Screen-Shot-2025-05-09-at-3.37.35-PM-360x180.png)
འོ་རེད། བླ་སྤྲུལ་རྣམས་ཀྱིས་ལག་ཁྱེར་དེ་བོད་བྲིས་འདུག་གམ། ཡང་ན་རྒྱ་ཡིག་བྲིས་འདུག།
ཕར་ལྟ་དུས་རྒྱ་ཡིག་ཡིན་པའི་ཟོ་ཞིག་འདུག།
རྒྱ་མི་འདི་ཚང་གི་བླ་སྤྲུལ་འདི་ཚོ་ལ་ཆ་རྐྱེན་གང་འདྲ་ཞིག་སྤྲོད་ཡོད་ན། མ་འོངས་པའི་ལས་ཕྱོགས་ཀྱི་ཐད་ལ་ཡིན་དམ། ཡང་ན་ལས་ཚར་བའི་རྟག་མ་ཡིན་ན། ངོ་མ་བླ་སྤྲུལ་འདི་ཚོའི་སེམས་ལ་གང་ཞིག་དྲན་བཞིན་ཡོད་ན།
ཅིག་བྱས་ན་ཁོང་ཚོ་ལ་ཡང་རང་དབང་མེད་པའི་དབང་གིས་ལག་ཁྱེར་འདི་ཚོ་སྤྲད་ཡོད་རྒྱུ་རེད།
ཡང་ཅིག་བྱས་ན་བླ་སྤྲུལ་འདི་ཚོ་ཚང་མ་དེ་ག་ཙམ། རྒྱ་དམར་ཁོང་ཚོའི་རྫུན་མ་བཟོས་པ་ཡིན་རྒྱུ་རེད།
གང་ལྟར་ཀྱང་བོད་གཞུང་དམངས་ཡོངས་ཀྱིས་འདི་ལ་ཡང་དཔྱད་པ་རེ་བྱས་ན་ལེགས།
དཔར་དང་པོ་དེ་ལ་ལྟོས་དང་། བླ་སྤྲུལ་ཚོས་རྒྱ་དཔོན་ཚོའི་མདུན་ནས་དབང་ཞུ་གི་ཡོད་པ་ལྟ་བུ་ཞིག་མི་འདུག་གམ། ཧཧཧ
ད་རྒྱ་མི་རྒྱ་མི་ཟེར་ན་ཡང་དང་པོ་འདི་ན་བོད་པའི་བྱབ་ཆུང་ཞིག་ཡོད་པ་ཐག་ཆོད། ལག་འཁྱེར་སྤྲོད་མཁན་དང་ལེན་མཁན་གཉིས་ཀར་སེམས་མེད་ཀི།
འཛུམ་མདངས་ཀྱིས་མི་གསོད་ཟེར་བ་ནི་འདི་ལ་ཟེར་བ་རེད་དོ།།
སྒང་ལ་རྒྱ་ཡིག་ཡིག་ཆེན་བྲིས་ནས་འོག་ལ་བོད་ཡིག་ཡིག་ཆུང་བྲིས་ན་ཡང་ཁྱད་མེད་ང་ལ་སྤྲུལ་སྐྲུའི་ལག་འཁྱེད་རག་ན་འགྲིག་ག ཞེས་པ་ལྟ་བུར་མཐོང་། ། ཧཧཧཧཧཧཧཧ
ལག་འཁྱེར་བླངས་ནས་བླ་སྤྲུལ་ཡོང་གི་ཡོད་ན་ཧུའུ་ཅིན་ཐའོ་ལ་ལག་འཁྱེར་མཐོ་ཤོས་དེ་མ་སྤྲད་པ་གང་ཡིན་ནམ།
མ་དྲན་དགུ་དྲན་རང་རེད། ཆོས་དུག་ལ་ངོས་འཛིན་མཁན་གུང་ཁྲན་གྱིས་བླ་སྤྲུལ་ཐག་གཅོད་བྱེད་ན་ད་གནས་སྟངས་ག་པར་སླེབས་འདུག
གུང་ཁྲན་འདིའི་འོག་ནས་བོད་པ་ཚང་གིས་ལས་གསོག་རྒྱུ་མེད་ན་མ་གཏོགས་ཚང་མ་བསགས་སོང་།
ང་ཚོའི་སྲུང་མ་ཡི་དམ་ཚོས་ཀྱང་ལག་འཁྱེར་བླངས་ཚར་བ་མིན་ནམ་་་་་གོ་རྒྱུ་ཅང་མི་འདུག
གསར་འགོད་པ་ལགས།་ཐུགས་རྗེ་ཆེ།
བླ་སྤྲུལ་འདི་དག་ཆོས་རྒྱུད་དང་གྲུབ་མཐའ་གང་ཡིན་དང་དེ་དག་གི་ལོ་རྒྱུས་མདོར་ཙམ་ཞིག་འདི་གར་འགོད་ཐུབ་ན་ཡག་པོ་འདུག
འདི་དག་ནི་ངོ་མ་བོད་ཀྱི་གཏམ་དཔེར།
ཁ་སངས་ན་གོ་བདེ།་
ནམ་སངས་ན་འགྲོ་བདེ་ཞེས་པ་དེ་ཡིན་འདུག་པས།
ངེས་པར་དུ་འདི་ཚོའི་གནས་ཚུལ་ལ་རྒྱུས་མངའ་བྱེད་དགོས་པ་འདུག་
བོད་ཀྱི་གཏམ་དཔེར།
དགྲ་ཕྱི་དགྲ་མ་ཡིན་ནང་དགྲ་ཡིན།ཞེས་པ་ཞིག་ཡོད་པས་གཟིགས་དང་འདི་ཚོར།
ཁོང་ཚོ་ནི་གུང་ཕྲན་ལ་དགའ་སྣང་ཡོད་པའི་རྒྱུ་མཚན་ཙམ་ཅིག་མིན་ཅིང་ཁོང་ཚོར་དགོས་པ་ནི་དཀོར་ནག་དང་མིང་གྲགས་སྐམ་པོ་དེ་དགོས་པ་རེད་རྒྱུ་མཚན་དེ་ལ་བརྟེན་ནས་སྤྲེལ་ལད་འཁྲབ་ཀྱི་ཡོད་རེད།
ངེས་པར་དུ་འདི་ཚོའི་ལོ་རྒྱུས་འབུད་ཙམ་ཅིག་དང་ཆོས་རྒྱུད་ཆོས་ལུགས་གྲུབ་མཐའ་དགོན་པ་སོགས་གང་ཡིན་ཐབས་ཤེས་བྱེད་དེ་གནས་ཚུལ་གསལ་པོ་འགོད་རོགས།
མ་གཞི་ནས་ངས་དེ་སྔོན་མཆན་ཁ་ཤས་ཤིག་བཏགས་ཡིན་ཏེ་འདིར་འགོད་ཀྱི་མི་འདུག་རྒྱུ་མཚན་གང་ཡིན་མ་ཤེས།
ད་པེ་ཡག་སོང་། བཙན་བྱོལ་ནང་དུ་ཡང་ལགས་རྟགས་འདི་སླེབས་གྲོ་ཡོད་རྒྱུ་རེད། དྲ་མགྲོན་ཚོས་གཟིགས་སྣང་ལ་སུ་ལ་འབབ་ཀྱི་རེད་དམ།
ཉལ་ཁ་གཏམ་ངན་ཞིག་གོ་སོང་།
འོན་ཀྱང་གསར་འགོད་པ་ལགས་སུ་བཀའ་དྲིན་ཆེ་ཞུ་།