འཛིན་རིམ་བཅུ་གཅིག་གི་སློབ་ཕྲུག་བརྒྱ་སྐོར་ཞིག་ལ། བཙན་བྱོལ་བོད་མིའི་མང་གཙོ་དང་དང་བོད་ནང་གི་དངོས་ཡོད་གནས་སྟངས་སྐོར་ཀྱི་ཟབ་སྦྱོང་སྤྲོད་ཀྱི་ཡོད་པའི་མཇུག་བསྡོམས་མཛད་སྒོའི་སྟེང་། ཤེས་རིག་བཀའ་བློན་མཆོག་གིས་ད་ལྟའི་སློབ་ཕྲུག་ཁྱེད་ཅག་མ་འོངས་པར་བོད་མི་རིགས་དང་རྒྱལ་ཁབ་ཀྱི་རླབས་ཆེན་མི་སྣ་ཆགས་དགོས་པའི་ལམ་སྟོན་སློབ་གསོ་གནང་ཡོད།
ཉིན་འདི་འགར་ངྷ་ཤོད་བོད་ཁྱིམ་ཚོགས་ཁང་དུ་བོད་ཀྱི་གྲོས་ཚོགས་དང་སྲིད་བྱུས་ཉམས་ཞིབ་ཁང་གིས་བཙན་བྱོལ་སློབ་གྲྭ་ཁག་གི་འཛིན་རིམ་བཅུ་གཅིག་པའི་སློབ་ཕྲུག་བརྒྱ་སྐོར་ཞིག་ལ་༼བཙན་བྱོལ་བོད་མིའི་མང་གཙོ་དང་བོད་ནང་གི་དངོས་ཡོད་གནས་སྟངས་ངོ་སྤྲོད།༽ ཅེས་པའི་བརྗོད་གཞིའི་ཐོག་ཟབ་སྦྱོང་སྤྲོད་ཀྱི་ཡོད་པ་ལྟར། དེ་རིང་ཕྱི་དྲོ་ཟབ་སྦྱོང་དེའི་ཉིན་མཐའ་མའི་མཇུག་བསྡོམས་མཛད་སྒོའི་སྟེང་། སྐུ་མགྲོན་གཙོ་བོ་བོད་གཞུང་ཤེས་རིག་བཀའ་བློན་ཐུབ་བསྟན་ལུང་རིགས་མཆོག་གིས་ཐེངས་འདིའི་ཟབ་སྦྱོང་ཐོག་གི་རིག་རྩེད་འགྲན་བསྡུར་ཁག་གི་ཨང་རིམ་དང་པོ་དང་གཉིས་པར་བྱ་དགའ་གསོལ་རས་བསྩལ་བ་དང་སྦྲགས་གསུང་བཤད་གནང་དོན། ང་ཚོ་བཙན་བྱོལ་དུ་ཡོང་དགོས་པའི་དམིགས་ཡུལ་གཙོ་བོ་བོད་ཀྱི་རྩ་དོན་འཐབ་རྩོད་ཆེད་རེད། ང་ཚོའི་རྩ་དོན་འཐབ་རྩོད་ཀྱི་གོམ་པ་དང་པོ་ཟེར་ན་འདྲ་ལ་གཞི་རྩ་ཟེར་ནའང་འདྲ། ཚང་མའི་རྨང་གཞི་སློབ་སྦྱོང་བྱ་རྒྱུ་དེ་ཆགས་ཡོད། ང་ཚོ་བཙན་བྱོལ་ལ་འབྱོར་མ་ཐག་རྡོག་བསྒྲིལ་ཏེ། ལས་དོན་མང་པོའི་ཁྲོད་ནས་ཐོག་མར་སློབ་གྲྭ་གསར་འཛུགས་བྱས་ཤིང་། གཞོན་སྐྱེས་ཚོར་སློབ་སྦྱོང་སྤྲོད་རྒྱུའི་ཐབས་ཤེས་བྱས་པ་རེད།
སློབ་སྦྱོང་ཡོད་པ་ཡིན་ན། རྩ་དོན་གྱི་ལག་ཆ་སྤུས་དག་པོ་ཞིག་དང་བརྟན་པོ་ཞིག དེ་བཞིན་རྣམ་དཔྱོད་དང་ལྡན་པའི་ཐོག་ནས་ལས་འགུལ་སྤེལ་ཐུབ་པ་བཅས་ལ་དམིགས་ཏེ། ༧གོང་ས་མཆོག་གིས་སློབ་གྲྭའི་ལས་དོན་ལ་ཤུགས་བརྒྱབ་པ་རེད། གཞོན་སྐྱེས་ཚོར་སློབ་སྦྱོང་སྤྲོད་རྒྱུའི་དམིགས་ཡུལ་གཙོ་བོ་གང་ཡིན་ཟེར་ན། བོད་རང་གི་ཐུན་མོང་མ་ཡིན་པའི་སྐད་ཡིག་དང་རིག་གཞུང་། གོམས་གཤིས་སོགས་མི་ཉམས་རྒྱུན་འཛིན་བྱས་པའི་ཐོག་ནས་དེང་རབས་ཀྱི་རིག་གནས་གསར་བ་སློབ་སྦྱོང་བྱ་རྒྱུ་གནད་ཀྱི་སྙིང་པོར་བཟུང་ཡོད་སྟབས། རིག་གཞུང་བསྟི་གནས་མང་པོ་ཞིག་སྔ་རྗེས་སུ་གསར་རྒྱག་གནང་པ་རེད། འོན་ཀྱང་བར་ལམ་ང་ཚོའི་སྤྱི་ཚོགས་ནང་མི་འབོར་ཇེ་ཉུང་དུ་ཕྱིན་པའམ། ཡང་ན་མང་པོ་ཞིག་རྩྭ་བཟང་ས་ལ་ཕྱིན་པ་གང་ཡིན་ཆ་མ་འཚལ་ཡང་། ཕྲུ་གུ་ཉུང་དུ་ཕྱིན་པའི་དབང་གིས་འཛིན་གྲྭ་སྒོ་རྒྱག་དགོས་བྱུང་བ་དང་སློབ་གྲྭ་ཉུང་དུ་འགྲོ་བའི་གནས་ཚུལ་མང་པོ་བྱུང་ཡོད། ཅེས་ ༡༩༥༩ ལོ་ནས་ད་ལྟའི་བར་གྱི་སློབ་གྲྭ་གསར་འཛུགས་ཀྱི་བརྒྱུད་རིམ་ངོ་སྤྲོད་གནང་བྱུང་ལ།
ཁོང་གིས་མུ་མཐུད་དོན། ད་ལྟའི་ཆར་ང་ཚོའི་སློབ་གྲྭ་ཁག་ཏུ་ནང་སྦྱོང་ guide book ཞེས་པ་དེ་ཧ་ཅང་དར་སྲོལ་ཆེ་རུ་ཕྱིན་ཡོད། དེ་སློབ་མ་ཙམ་དུ་མ་ཟད་དགེ་རྒན་དང་། སློབ་ཕྲུག་གི་ཕ་མ་ཚོའི་ངོས་ནས་ཀྱང་ཆེད་མངགས་བེད་སྤྱོད་གཏོང་དུ་འཇུག་གི་ཡོད་པ་རེད། དེ་ཡག་པོ་མ་རེད། ཡིག་ཚད་གཅིག་པུར་བསམ་བློ་གཏོང་གི་ཡོད་པ་རེད། སྔོན་མ་ང་ཚོས་སྐབས་ལ་ guide book ཟེར་བ་དེ་དགག་བྱ་གཙོ་བོ་ཞིག་རེད། ལྷགས་པ་རྒྱག་པ་ལྟ་བུ་མིན་པར་དངོས་གནས་སློབ་སྦྱོང་བྱ་ཐུབ་མཁན་ཞིག་བྱ་དགོས། ང་ཚོའི་སྲོལ་རྒྱུན་གྱི་སློབ་སྦྱོང་བྱེད་སྟངས་ལྟར་ན། གཞན་ལ་ཐོས་པ་བྱེད་པ་དང་། རང་གིས་བསམ་པ་བྱེད་པ། དེ་བཞིན་སྤྱོད་པ་དང་སྒོམ་པ་བཅས་རིམ་པ་གསུམ་གྱི་ཐོག་ནས་སྦྱོང་སྲོལ་ཡོད་པ་ལྟར། ང་ཚོས་དེ་དག་ཡ་མ་བྲལ་བ་ཞིག་བྱ་རྒྱུ་གལ་ཆེན་པོ་རེད།
ཁྱེད་ཚོ་ནི་ང་ཚོའི་མ་འོངས་པ་ཡིན་པར་མ་ཟད། མ་འོངས་པའི་ང་ཚོའི་སྤྱི་ཚོགས་དང་རྒྱལ་ཁབ། མི་རིགས་གང་འདྲ་ཞིག་ཆགས་མིན་དེ་ཁྱེད་རང་ཚོར་རག་ལུས་ཡོད་ལ། ང་ཚོའི་ད་ལྟའི་མི་རབས་དང་མ་འོངས་པའི་མི་རབས་བར་གྱི་མཐུད་མཚམས་དེ་ཡང་ཁྱེད་རང་ཚོས་གནང་དགོས་པ་རེད། མ་འོངས་པའི་རྒྱལ་ཁབ་ཀྱི་འཛིན་སྐྱོང་དང་འཐབ་རྩོད་སོགས་ཕྱོགས་ཡོངས་ནས་ཁྱེད་རང་ཚོས་འགན་འཁུར་དགོས་སྟབས། སློབ་གྲྭའི་དཔེ་དེབ་གཅིག་པུ་མིན་པར་བཙན་བྱོལ་བོད་གཞུང་གི་དམངས་གཙོའི་ཀ་བ་གསུམ་གཙོ་བྱས་ཏེ། གཞུང་གི་ལྷན་ཁང་ཁག་དང་གཞུང་འབྲེལ་མ་ཡིན་པའི་ཚོགས་པ་ཁག་གི་གནས་སྟངས། སྤྱི་ཚོགས་ཀྱི་གནས་སྟངས་སོགས་ཕྱོགས་ཡོངས་ལ་དོ་སྣང་བྱས་ཏེ། མ་འོངས་པར་སློབ་སྦྱོང་བྱེད་ཕྱོགས་དང་དམིགས་ཡུལ། སློབ་ཚན་ལེན་སྟངས་སོགས་ལ་ངེས་པར་དུ་དོ་སྣང་བྱ་དགོས་པ་རེད། ཅེས་གསུང་བྱུང་།
མཐར་ཁོང་གིས་སློབ་ཕྲུག་གི་ཕ་མ་ཚོའི་སློབ་གསོ་སྤྲོད་སྟངས་འགྲིག་གི་མེད་སྐོར་གསུང་དོན། སྔོན་མ་ང་ཚོའི་དུས་སྐབས་སུ་སློབ་གསོ་སྤྲོད་མཁན་མང་ལ། སློབ་གསོ་སྤྲོད་སྟངས་ཀྱང་ཡང་དག་ཅིང་ཚུལ་དང་ལྡན་པ་ཞིག་རེད། ད་ལྟའི་དུས་འདིར་ཕ་མ་མང་པོ་ཞིག་གིས་ཕྲུ་གུར་ “དབྱིན་ཡིག་ལ་ཤུགས་རྒྱག་དགོས་པ་རེད། ཨ་རི་ལ་འགྲོ་དགོས་པ་རེད” “གྲུང་བོ་བྱོས། ཁེ་བཟང་རེད།” “ཉམས་ཆུང་མ་བྱེད། གྱོང་རག་གི་རེད། “ ཅེས་སློབ་གསོ་སྤྲོད་ཀྱི་ཡོད་པ་ལས་༸གོང་ས་མཆོག་ལ་ཞབས་ཞུ་བསྒྲུབ་དགོས་པ་རེད། བོད་གཞུང་ལ་ཞབས་ཞུ་བསྒྲུབ་དགོས་པ་རེད་ཟེར་མཁན་དཀོན་པོ་རེད། སློབ་སྦྱོང་བྱེད་པ་དེ་ལྟོ་གོས་ཁོ་ནའི་ཆེད་ཡིན་པ་ལྟ་བུའི་སློབ་གསོ་གཏོང་གི་ཡོད། དོན་དངོས་ཐོག་ཤེས་ཡོན་སློབ་སྦྱོང་བྱེད་པའི་དགོས་པ་རྒྱུ་མཚན་གཙོ་བོ་མི་ཚེ་དོན་དང་ལྡན་པ་ཞིག་དང་། དེ་ཡང་མི་རིགས་དང་རྒྱལ་ཁབ། འཇིག་རྟེན་ལ་ཕན་ཐོགས་མཁན་ཞིག་ཆགས་རྒྱུ་མ་ཟད། རང་གི་དབུ་ཁྲིད་དང་གཞུང་། སྤྱི་ཚོགས་བཅས་ལ་ཤ་ཞེན་ཡོད་པའི་ཐོག་མི་རིགས་དང་རིག་གཞུང་གི་རྒྱུན་འཛིན་པ་ཞིག་བྱ་རྒྱུ་གལ་ཆེན་པོ་རེད། ཅེས་གསུངས་སོང་།
གསར་འགོད་པ། དོན་གོ
ལུས་བདེན་ཆུང་གསུམ་ཚངས་མ་སློབ་སྒྲྭ་ལ་གཏོང་དགོས་
ཚང་མ་ལ་བཀྲིས་བདེ་ལེགས། ད་ང་ཚོས་ཁྱེད་མི་རེད་ང་ལྟ་ཟེར་ན་ཕན་མེད་རེད། དེ་ལས་ཚང་མས་མ་འོང་པ་ཡ་རྒྱས་གང་འདྲ་དགོས་མིན་དང་བོད་ཀྱི་མ་འོང་པའི་རེ་བ་བྱེད་སའི་སློབ་ཕྲུག་ཚོར་རང་གི་རྒྱལ་ཁག་དང་མི་རིགས་ལ་དོ་སྣང་ཡོང་བར་གང་བྱེད་དགོས་མིན། ཐབས་ཤེས་གསར་པ་རེ་གསུང་གནང་དང།
“ད་ལྟའི་དུས་འདིར་ཕ་མ་མང་པོ་ཞིག་གིས་ཕྲུ་གུར་ “དབྱིན་ཡིག་ལ་ཤུགས་རྒྱག་དགོས་པ་རེད། ཨ་རི་ལ་འགྲོ་དགོས་པ་རེད” “གྲུང་བོ་བྱོས། ཁེ་བཟང་རེད།” “ཉམས་ཆུང་མ་བྱེད། གྱོང་རག་གི་རེད། “ ཅེས་སློབ་གསོ་སྤྲོད་ཀྱི་ཡོད་པ་ལས་༸གོང་ས་མཆོག་ལ་ཞབས་ཞུ་བསྒྲུབ་དགོས་པ་རེད། བོད་གཞུང་ལ་ཞབས་ཞུ་བསྒྲུབ་དགོས་པ་རེད་ཟེར་མཁན་དཀོན་པོ་རེད།”
ནང་དོན་འདི་དང་། “གྲུང་བོ་བྱོས། ཉམས་ཆུང་མ་བྱེད། གྱོང་རག་གི་རེད།” ཅེས་པའི་འགོ་བརྗོད་བར་ཁྱད་ཆེན་པོ་ཤོར་མི་འདུག་གམ།
སྐད་ཆ་རྙིང་པ་བསྐྱར་ལོག་མ་བྱེད་རོགས་ཁྱེད་ཀྱི་འགན་འཁྲི་གཙོ་བོ་དེ་སློབ་གྲྭ་ཁག་ཏུ་བོད་ཡིག་གི་ཆུ་ཚད་འཐོར་འདེགས་གཏོང་བ་དེ་ཡིན་ནོ།།
སློབ་ཕྲུག་རྣམས་ལ་མི་ཉན་མི་རུང་རྐྱང་རྐྱང་གི་དབང་སྐུར་དམ་བཞག་མི་གནང་བར། བསམ་ཕོད་པ། འདྲི་ཕོད་པའི་རང་དབང་སྤྲོད་རྒྱུའི་རེ་བ་ཡོད། དགེ་རྒན་ཚོ་ལ།
གྲོགས་དོན་གོ་ལགས།
རྩོམ་གྱི་ཁ་བྱང་ལ་ཡིག་ནོར་བྲིས་ན་ཡག་པོ་ཁྱོན་ནས་མཐོང་གིན་མི་འདུག ནང་དུ་ཡོང་སྲིད་པ་རེད།
ཁྱེད་ཀྱི་གྲོགས་མིང་འཛིན་པ་ཅན་ནས།
གསར་འགྱུར་འདིའི་ཁ་བྱང་མཐོང་བ་ནས་ཤེས་རིག་བཀའ་བློན་གྱི་བཀའ་སློབ་ཡིན་པ་ཤེས་སོང་། ཁོང་གིས་ཤེས་ཡོན་དང་འབྲེལ་ནས་སློབ་གསོ་གཏོང་དུས་བཀའ་སློབ་འདི་རང་གནང་གིན་རེད། ད་དུང་ས་སྐྱ་ལེགས་བཤད་ཀྱི་ལུང་ཁ་ཤས་བགྲང་གིན་རེད། འོན་ཀྱང་བཀའ་སློབ་འདི་ནི་རླབས་ཆེན་གྱི་བཀའ་སློབ་ཞིག་ལས་སྐྱར་བཟློས་བྱེད་པ་ལྟ་བུ་ཞིག་ལ་ངོས་འཛིན་བཞིན་མེད། ་
དུས་བབ་ཚང་ལགས་ངའི་མཆན་ད་དུང་བཀོད་མི་འདུག རྒྱུ་མཚན་ག་རེ་ཡིན་ན
ད་འཁྲབ་དགོས་པ་མ་རེད། ཁྱེད་རང་གིས་མ་བཤད་ཀྱང་ང་ཚོས་ཧ་གོ་གི་ཡོད། ཁྱེད་རང་བཀའ་བྱེད་རིང་གི་ཕྲུ་གུའི་མཇུག་འབྲས་ལ་ལྟོས་དང་། འཛིན་རིམ་བཅུ་པར་སླེབས་ཀྱང་དབྱིན་བོད་གཉིས་ཐད་ནས་གཏོང་ཡིག་ཐབ་ཆག་ཙམ་འབྲི་མི་ཤེས་མཁན་མང་ཐག་ཆོད་འདུག ངོ་མ་ཡིད་སྐྱོ་དགོས་པ་རེད། ག་རེ་བྱས་ནས་ཕ་མ་གཤེ་གཤེ་གཏོང་གིན་ཡོད། ཕྲུ་གུ་མང་ཆེ་བར་ཕ་མ་སློབ་གསོ་ཕར་ཞོག་ཐ་ན་གཤིབ་པའི་གོ་སྐབས་ཡོད་པ་མ་རེད། མདོར་ན་སྤྲེལ་སླད་ལྟ་བུ་འཁྲབ་ཀྱང་གོ་རིམ་དགོས་པ་རེད། ཁྱི་སྐྱག་་་་་་་་་་་་་་་་་་་་
ཐུབ་བསྟན་ལུང་རིག་མཆོག་ལ་འཚམས་འདྲི་ཞུས་པ་དང་ཁྱབ་ཅིག ང་ཚོ་ད་དུང་སློབ་གསོས་འདང་གི་མེད་པ་གསལ་བོ་རེད། སློབ་གསོ་རྒྱག་སྟངས་དེ་དེང་སང་ཁྱིམ་ཚང་ནས་སློབ་དགེ་བརཐོན་ཡོད་པ་འདྲ། ང་ཚོ་ལ་དགོས་པ་དེ་དངོས་གནས་མི་ནུས་པ་ཅན་རེད། བྱིས་པའི་བསམ་ཚུལ་རྒྱུས་ལོན་བྱས་ནས་མི་ནུས་པ་ཅན་ཞིག་བསྐྲུན་རྒྱུ་སྐུ་ངོ་མཆོག་གི་ཕྲག་ཏུ་བབ་པའི་ལས་ཀ་རེད། བྱིས་པའི་སེམས་ཁམས་དང་མཐུན་པའི་སློབ་དེབ་བསྒྲིག་རྒྱུ་དེ་ཡང་སྐུ་ངོའི་ལས་ཀ་རེད། དོན་མི་གོ་བའི་ཆོས་ཚིག་དེ་དག་གིས་སློབ་མ་ཚོའི་སེམས་ལ་བག་ཆགས་གང་འདྲ་ཞིག་འཇོག་གི་ཡོད་པ་ལ་རྒྱུས་ལོན་བྱེད་དགོས། ང་ལམ་འདི་བརྒྱུད་ནས་སོང་བ་ཡིན་ཁྱེད་ཚོ་ཡང་འདི་བརྒྱུད་ནས་འགྲོ་དགོས་ཞེས་བཤད་ན་དག་དག་ཡོད་མེད་ལ་བསམ་གཞིག་གཏོང་རོགས།
དུས་བབ་ལགས། ངས་ཟུར་བལྟའི་སློབ་དེབ་དང་འབྲེལ་བའི་མཆན་བུ་ཞིག་བཏབ་ཀྱང་། ད་དུང་དག་མཆན་ཞིབ་བཤེར་མ་ཐོབ་པ་དེ་འདྲ་གང་ཡིན་ནམ། གནད་དོན་གང་འདུག་གསལ་བཤད་གནང་རོག་གནང་། དུས་ཁོམ་མ་བྱུང་བ་ནི་མིན་་ཚོད་རེད། ཐུགས་རྗེ་ཆེ།
དེ་རིང་འདིར་སྐུ་ངོ་བཀའ་བློན་དང༌། སློབ་དགེ་ སློབ་ཕྲུག་གསུམ་འཛོམས་འདུག་པས་གཤེ་གཤེ་མྱོང་མཁན་དེ་ཕྲུག་གུའི་ཕ་མ་རྣམས་རེད་འདུག། ཡང་ཉིན་གཅིག་སྐུ་ངོ་དང་ཕ་མ་དགེ་རྒན་བཅས་འཛོམས་ན་ལེ་ལན་དེ་ཕྲུག་གུར་འདའ་ངེས་ལ། དེ་བཞིན་སྐུ་ངོ་དང་ཕ་མ་ཕྲུག་གུ་བཅས་འཛོམས་ན་ལེ་ལན་ཡོངས་རྫོགས་དགེ་རྒན་ལ་འདའ་ངེས་རེད། དོན་དངོས་ནི་གཞོན་སྐྱེས་རྣམས་ཀྱི་ལྟ་སྤྱོད་ལ་ངན་ཕྱོགས་ཀྱི་འགྱུར་བ་ཇི་སྙེད་ཅིག་བྱུང་དང་འབྱུང་བཞིན་པ་ནི་དངོས་སུ་ཕྲུག་གུ་རྣམས་ཚར་ལོང་བྱེད་སའི་ཁོར་ཡོག་དེའི་ཁོངས་སུ་གཏོགས་ཚད་དང་། སྒོས་སུ་ཕ་མ། དགེ་རྒན། རྒྱུན་དུ་ཕྲུག་གུ་རྣམས་ཀྱི་ཡིད་དབང་འགུག་ནུས་ཆེ་བའི་དབང་ཡུལ་རྣམས་བཅས་གསུམ་པས་ལན་པ་ཡིན་ལ། བརྒྱུད་ནས་ཤེས་རིག་གཙོས་བོད་གཞུང་གི་ལམ་སྟོན་གནང་ཕྱོགས་ལ་ཡང་ཐུག་ཡོད། དེས་ན་བཀའ་སྤྱི་གཉིས་ཀྱིས་དབུས་འབངས་ཀྱི་ཁ་ལོ་སྒྲུར་མཁན་རྣམས་ཀྱིས་སྤྱི་ཚོགས་ཧྲིལ་པོའི་སྒྲོམ་གཞིར་བཅོས་འགྱུར་ཆེ་ཙམ་ཞིག་གནང་པར་མཐོང་ངོ་༎
བཀའ་བློན་མཆོག་གིས་གསུང་བཤད་ཡག་པོ་གནང་འདུག དེ་ག་རང་རེད་དེང་སྐབས་ཀྱི་ཕྲུ་གུའི་ཕ་མ་རྣམས་ཀྱིས་སློབ་གསོ་སྤྲོད་སྟངས་དེ་ག་རང་རེད་འདུག ཆིག་ཆིག་མ་བྱེད་མ་གཏོགས་གྱོང་རག་གི་རེད། འདི་འདི་བྱས་དང་ཁེ་བཟང་རག་གི་རེད་སོགས་ཁེ་གྱོང་གཉིས་ཀྱི་བསླབ་བྱ་རྐྱང་རེད་འདུག དེས་ནས་འདི་ཐོག་ལ་ང་ཚོས་ག་རེ་བྱེད་ཐུབ་ས་རེད་སྨྱུག་ཐོགས་པ་རྣམ་ལ་ཡང་འགན་ཡོད་རེད་བསམ་གྱི་ཡོད།
བཀའ་བློན་མཆོག་གིས་གསུང་པ་དེ་བདེན་པ་རེད། ཕ་མའི་སློབ་གསོ་ཡང་གལ་ཆེན་པོ་རེད། དེ་ལས་ཀྱང་གལ་ཆེ་བ་དང་འགན་ཆེ་བ་ནི་སློབ་ཕྲུག་ཚོའི་མེ་ཚེ་ཕྱེད་ཀ་སློབ་གྲྭའི་ནང་དུ་སྐྱེལ་གྱི་ཡོད་པ་ཡིན་དུས། ཤེས་རིག་གི་ཐོག་ལ་ཕྱག་ལས་གནང་མཁན་ཚོས་ཉིན་གཅིག་ཙམ་མ་ཡིན་པར་འགན་ཁུར་ཡོད་པ་གནང་ན་་དོན་དམ་པའི་གྲུབ་འབྲས་ཐོན་ངེས་རེད།