ཟླ་སྔོན་མའི་ཟླ་མཇུག་ནས་རྒྱ་ནག་ནང་གནམ་གཤིས་ཇེ་འཁྱག་ཏུ་སོང་སྟེ། ལྷོ་རྒྱུད་ཀྱི་གྲོང་ཁྱེར་ཆེ་ཁག་མང་པོ་ཞིག་ལ་ཁ་བའི་གནོད་འཚེ་ཆེན་པོ་ཐེབས་ཀྱི་ཡོད་པ་དང་། ཕྱི་ཟླ་ ༡ ཚེས་ ༡ ནས་ཁ་བའི་འབབ་ཤུགས་སྔར་ལས་ཆེ་རུ་ཕྱིན་ཏེ། ལྷོ་ཁུལ་ཧའོ་ནན་དང་། ཟི་ཁྲོན། ཁྲུང་ཆིན། ཀོས་ཀྲུག་བཅས་ཞིང་ཆེན་ལྔའི་ནང་ཁང་ཆར་ཆེན་པོ་བབས་ཏེ། མི་མང་གི་སྡོད་ཁང་ ༡༢༠༠ ལྷག་རྡིབ་བཤིག་ཏུ་སོང་ཡོད་པ་དང་། སྡོད་ཁང་ ༦༦༠༠ ལྷག་ལ་གནོད་སྐྱོན་ཐེབས་ཏེ་མང་ཚོགས་ཁྲི་ ༥་༨ ལྷག་འཁྱག་རླུང་གི་ནམ་ཟླའི་ཁྲོད་གནས་སྤོར་བྱེད་དགོས་བྱུང་ཞིང་། མང་ཚོགས་ཁྲི་ ༣༨༣་༣ ལྷག་གི་འཚོ་བར་དཀའ་ངལ་འཕྲད་ཡོད་འདུག
དེ་བཞིན་ས་གཞིར་འཁྱག་དར་ཆགས་ཏེ་ས་ཞིང་མུའུ་ཁྲི་ ༡༤༢༤༠ ཙམ་གྱི་འབྲུ་རིགས་དང་སྔོ་ཚལ་སོགས་ཁེངས་ཏེ་ཞིང་ལས་སོ་ནམ་ལ་གནོད་སྐྱོན་ཚབས་ཆེན་ཕོག་སྟེ། སྤྱིའི་གྱོང་གུད་རྒྱ་སྒོར་དུང་ཕྱུར་ ༡༣་༥ ལ་སླེབས་ཡོད་པ་རེད། དེར་མ་ཟད་ས་ཁུལ་དེ་དག་གི་འགྲིམ་འགྲུལ་གཞུང་ལམ་ཡོད་ཚད་ཁ་བས་མནན་ཞིང་། འཁྱག་དར་ཆགས་ཏེ་མྱུར་བགྲོད་གཞུང་ལམ་ཁག་སྒོ་བརྒྱག་དགོས་བྱུང་ཡོད་པ་དང་། དངོས་ཟོག་སྐྱེལ་འདྲེན་ཡང་མཚམས་ཆད་ཡོད་འདུག དེ་བཞིན། ཆུ་དང་གློག་སོགས་ཀྱང་འདོན་སྤྲོད་མ་ཐུབ་པའི་དཀའ་ངལ་ཡང་འཕྲད་བཞིན་ཡོད་འདུག ས་ཁུལ་དེ་དག་ནང་འཁྱག་དར་མཐུག་ཚད་ཧའོ་རྨིས་ ༦་༥ ཡོད་འདུག
གསར་འགོད་པ། ཚེ་རིང་རྒྱལ།
བོད་དུ་གངས་སྐྱོན་ཟེར་བ་མང་ཡང་། རྒྱ་ནག་ལ་གངས་སྐྱོན་བྱུང་བ་འདི་ཅུང་གནས་ཚུལ་ཡ་མཚན་རེད།
ཨོམ་མ་ཎི་པད་མེ་ཧྰུང་། །
མ་གྱུར་སེམས་ཅན་ཐམས་ཅད་ཀྱི་དོན་དུ་ཨོམ་མ་ཎི་པདྨའི་ཧྰུམ།