ཁ་སང་གཟའ་ཉི་མའི་དགོང་མོ་འགྲུལ་པ་ ༡༠༠ ལྷག་ཡོད་པའི་ཨི་རན་གྱི་དམངས་སྤྱོད་གནམ་གྲུ་ཞིག་རྒྱལ་ས་ཊེ་རན་ནས་འཕུར་སྐྱོད་བྱས་ཏེ། ཨི་རན་ནུབ་ཕྱོགས་ཀྱི་ཨོ་རུམ་ཡེ་གྲོང་ཁྱེར་གནམ་ཐང་དུ་འབབ་ལ་ཉེ་སྐབས་བློ་བུར་དུ་གས་འཐོར་བྱུང་སྟེ། མི་ ༧༧ ཙམ་རྐྱེན་ལམ་དུ་ཕྱིན་ཡོད་པ་དང་། འགྲུལ་པ་ལྷག་མ་རྣམས་ལ་རྨས་སྐྱོན་ཚབས་ཆེན་ཕོག་ཡོད་འདུག
དོན་རྐྱེན་དེ་བྱུང་མ་ཐག་ཨ་རན་སྲིད་འཛིན་གྱིས་བཀའ་བཏང་སྟེ། དོན་རྐྱེན་དེའི་སྔ་ཕྱིའི་རྒྱུ་རྐྱེན་ལ་ཞིབ་བཤེར་ནན་མོ་བྱ་དགོས་སྐོར་བརྗོད་སྐབས། དེ་ནི་གནམ་གྲུའི་ལྷུ་ལག་ཅིག་ལ་སྐྱོན་ཤོར་བར་ངོས་འཛིན་གསལ་བསྒྲགས་བསྐྱངས་ཡོད་ཀྱང་། དེ་རིང་གསར་དུ་གནས་ཚུལ་ཐོན་པ་ལྟར་ན། གནམ་གྲུའི་ནང་གི་འགྲུལ་པ་ཞིག་གི་ལག་ནས་སྒམ་ཆུང་ནག་པོ་ཞིག་གས་འཐོར་བྱུང་ཡོད་སྐོར་བརྗོད་འདུག
ཨི་རན་ནི་འཛམ་གླིང་གི་གནམ་གྲུ་བརྡབ་སྐྱོན་དང་གས་འཐོར་དོན་རྐྱེན་མང་ཤོས་བྱུང་ཡུལ་ཞིག་ཆགས་ཡོད་པ་དང་། དེ་ནི་ཨི་རན་རྒྱལ་ཁབ་རང་གིས་གནམ་གྲུ་བཟོ་སྐྲུན་ཐུབ་ཀྱི་མེད་པར་ཨ་རི་དང་ཨུ་རུ་སུ་སོགས་རྒྱལ་ཁབ་གཞན་ནས་ཉོ་བཞིན་ཡོད་པ་དང་། ཨ་རི་དང་ཨུ་རུ་སུ་སོགས་ནས་གནམ་གྲུ་སྤུས་ཚད་ཞན་པའི་རིགས་དང་། ལྷག་པར་དུ་བེད་སྤྱོད་དུས་ཡུན་རྫོགས་ཏེ་ཁག་ཐག་མེད་པའི་རིགས་ཨི་རན་ལ་ཚོང་བསྒྱུར་བྱེད་ཀྱི་ཡོད་པས་ཡིན་སྐོར་བརྗོད།
གསར་འགོད་པ། བནྡེ་སྐྱབས།
སྙིང་རེ་རྗེ་ཤི་བོ་དེ་ཚོ་་་་་་་ཨོྃ་མ་ཎི་པདྨེ་ཧཱཾཿ་་་ཨོྃ་མ་ཎི་པདྨེ་ཧཱཾཿ་་་ཨོྃ་མ་ཎི་པདྨེ་ཧཱཾཿ་་་
ཨོྃ་མ་ཎི་པདྨེ་ཧཱཾཿ་་་ཨོྃ་མ་ཎི་པདྨེ་ཧཱཾཿ་་ཨོྃ་མ་ཎི་པདྨེ་ཧཱཾཿ་་་་་་་་་་་་་་་་་་་་་་་
སྙིང་རྗེ་
ཤི་བོ་དེ་ཚོའི་ཆེད་དུ་བསྔོ་སྨོན་བྱེད