གནས་ཚུལ་བཏང་འབྱོར་བྱུང་བ་ལྟར་ན། མགོ་ལོག་གི་རྩོམ་པ་པོ་འཇིགས་བྱེད་ཚེ་རིང་ལགས་རྒྱ་གཞུང་གིས་འཛིན་བཟུང་གིས་ཉིན་ ༡༡ རིང་གཅར་རྡུང་འདྲི་རྩད་བྱས་མཐར་དངུལ་གཏའ་མར་བཞག་པའི་འོག་ནས་ཀློད་གྲོལ་ཙམ་བཏང་ཡོད་ཀྱང་། ཁོང་གི་སྔར་གྱི་ལས་གནས་ལས་ཕྱིར་ཕུད་བཏང་ཡོད་འདུག
འཇིགས་བྱེད་ཚེ་རིང་ལགས་ཟླ་སྔོན་མའི་ཕྱི་ཚེས་ ༢༠ ཉིན་ས་གནས་ཉེན་རྟོག་པས་འཛིན་བཟུང་བྱས་ཡོད་པ་དང་། ཉེན་རྟོག་པ་འབྱོར་སྐབས་ཁོང་གིས་གློག་ཀླད་ནང་ལས་ཀ་བྱེད་ཀྱི་ཡོད་པ་དང་ཁེལ་ཏེ། ཉེན་རྟོག་པ་ཚོས་ཁོང་གི་གློག་ཀླད་དང་ལས་ཁུངས་ནང་སྔོག་བཤེར་བྱས་ཡོད་པ་མ་ཟད། གློག་ཀླད་ནང་གི་གླེང་མོལ་དང་སི་
ཁོང་ཉེན་རྟོག་ལས་ཁུངས་སུ་ཁྲིད་དེ་འདྲི་རྩད་མནར་གཅོད་ཚད་མེད་བཏང་ཡོད་པ་མ་ཟད། ཕྱི་ལོག་གི་མི་སུ་དང་སུ་ལ་འབྲེལ་བ་ཡོད་མེད་དང་། ཁ་བྲལ་བྱ་འགུལ་སྤེལ་པའི་རྩོམ་གྲོགས་དག་གིོ་མིང་དང་ལས་གནས་གསལ་བོ་བཤད་ན། བྱ་དགའ་གྱ་ནོམ་པ་སྤྲོད་རྒྱུ་ཡིན་སྐོར་སོགས་ཀྱང་བཤད་ཡོད་འདུག མཐར་དངུལ་གཏའ་མར་བཞག་སྟེ་ཟླ་སྔོན་མའི་ཕྱི་ཚེས་ ༣༡ ཉིན་ཁྱིམ་ཏུ་བཏང་ཡོད་ཀྱང་། ད་ཆར་ཁོང་གི་གཟུགས་པོའི་གནས་སྟངས་ཧ་ཅང་སྐྱོ་བོར་ཆགས་ཏེ། ཉེན་རྟོག་པའི་ལྟ་རྟོག་འོག་སྨན་བཅོས་བྱེད་ཀྱི་ཡོད་འདུག
ད་དུང་། རྩོམ་པ་པོ་འཇིགས་བྱེད་ཚེ་རིང་ལགས་ཀྱི་གློག་ཀླད་མ་ལགས་དང་བཅས་པ་ཉེན་རྟོག་པའི་ལག་ཏུ་ཤོར་ཡོད་སྟབས། ཁོང་དང་འབྲེལ་བ་ཡོད་མཁན་ཚོས་དེ་སྔ་གློག་ཀླད་བརྒྱུད་ཁོང་ལ་འབྲེལ་བ་གནང་བྱེད་ཀྱི་བརྒྱུད་ལམ་ཁག་ལ་དོགས་ཟོན་བྱ་དགོས་པའི་འབོད་སྐུལ་ཡང་ཞུས་འདུག
གནས་ཚུལ་ཐོས་པར་ལྟར་ན་འདི་ཟླའི་ཚེས་༥ཉིན་དིང་རི་ས་ཁོངས་སུ་བལ་ཡུལ་ནས་སླེབས་པའི་གྲྭ་བཙུན་ལྔ་བཅུ་ང་གྲངས་ཞིག་རྗོང་ཉེན་རྟོགས་པས་འཛིན་བྱས་ཡོད་འདུག ཕྱི་ཚེས་༥ཉིན་ནས་དིང་རི་རྫོང་ཉེན་རྟོགས་པས་དིང་རིའི་ས་ཁོངས་སུ་བལ་ཡུལ་ནས་སླེབས་པའི་གྲྭ་བཙུན་ལྔ་བཅུ་ང་གྲངས་ཞིག་ག་ཡིན་མེད་པར་འཛིན་བཟུང་ཀྱིས་ཉིན་བཞི་ཙམ་རིང་དིང་རི་རྫོང་ཉེན་རྟོགས་ཁང་དུ་བཅུག་ཡོད་འདུག ས་གནས་མང་ཚོགས་ཀྱིས་འགྲེལ་བརྗོད་དུ་ད་ཐེངས་འཛིན་བཟུང་གིས་རྐྱེན་གཙོ་བོ་ནི་༸གོང་ས་མཆོག་གིས་གསུང་ཆོས་གནང་གིན་ཡོད་པས་རེད་ཟེར། གང་ལྟར་རྒྱུ་རྐྱེན་གང་ཡིན་མེད་པར་གློ་བུར་དུ་བཙན་འཁྲིད་བྱས་པས་མ་ཚད་ཉིན་གཉིས་ཀྱི་གོང་དུ་གྲྭ་བཙུན་རྣམས་གཞི་རྩེ་ཉེན་རྟོགས་ཁང་དུ་འཁྲིད་དེ་ད་ལྟ་འཐུག་འཕྲད་བྱེད་བཅུག་གི་མིན་འདུག་ཟེར།
རྒྱ་གཞུང་གིས་བཙན་འཁྲིད་བྱས་པ་ནི་ད་ཐེངས་ཙམ་མ་ཡིན་པར་ཟླ་གཅིག་ཙམ་གྱི་གོང་དུ་དིང་རི་ནས་ཡིན་པའི་ཁྱོ་གའི་མིང་ལ་ནོར་བུ་དང་ཁོང་གི་བཟའ་ཟླ་གཉིས་བལ་ཡུལ་དུ་འགྲོ་མཁན་གྱི་གནས་སྐོར་བ་ཁག་གཅིག་ལ་རོགས་པ་བྱས་ཚུལ་སྐྱོན་བཙུགས་ཏེ་ཉེན་རྟོགས་པས་འཛིན་བྱས་པས་མ་ཚད་ནག་ཉེས་ཚབས་ཆེན་བསགས་པས་ཚེ་བཙོན་དུ་བཅུག་རྒྱུའི་ཁྲིམས་ཐག་བཅད་འདུག ནོར་བུ་བཟའ་འཚོ་གཉིས་ལ་མཚོན་ན་རང་ཉིད་ཇ་ཁང་ཆུང་ཆུང་ཞིག་ལ་བརྟེན་ནས་འཚོ་བ་སྐྱེལ་བཞིན་ཡོད་ལ་ད་ཆ་ཁོང་གཉིས་ལ་ཕྲུ་གུ་གཉིས་གསུམ་ཡོད་སྐད་འདུག རྒྱ་གཞུང་གིས་དིང་རིའི་ས་ཁོངས་སུ་མི་ཁ་ཤས་ཟླ་ཕོག་སྤྲད་དེ་གསང་མྱུལ་བྱེད་བཅུག་གིན་པའི་གནས་ཚུལ་འོག་ད་ཆ་ག་ཡིན་མེད་པར་འཛིན་བཟུང་དང་ཉེས་ཆད་གཏོང་གིན་པའི་གནས་ཚུལ་འདུག
རྩོམ་པ་པོ་འཇིགས་བྱེད་ཚེ་རིང་ལགས་རྒྱ་གཞུང་གིས་འཛིན་བཟུང་བྱས་པ་དེ་ལ་ངའི་ངོས་ནས་བློ་འགྱོད་ཆེན་པོ་དང་། རྒྱབ་སྐྱོར་གཙང་ཐག་ཆོད་པའི་ཐོག་ནས་མྱུར་དུ་གློད་གྲོལ་ཡོང་པའི་རེ་འདུན་ཞུ་རྒྱུ་ཡོད། ཚིག་སྐམ་པོ་གཅིག་གིས་སྨོན་ལམ་འདེབས་པ་ལས་གཞན་ཕན་ཐོགས་གང་བྱེད་ཐུབ་ཀྱིན་མི་འདུག་པས། བློ་མ་ཕམ་ཞེས་པའི་གསོལ་འདེབས་ཤིས་ཚིག་ཅིག་ཕུལ་ན་འདོད་བྱུང་།
རྒྱ་སྟག་ངར་མ་རྒྱ་རྫོང་ནགས་གསེབ་ནས༎
བློ་འགྱོད་མེད་པའི་རིགས་ཀྱི་མགོ་འཕང་ཆེད༎
རང་སྲོག་དོར་ནས་རང་རིགས་ལ་རྒྱའི་ཆེད༎
ཁྲག་གི་སྙན་ངག་བྲིས་པ་ཨེ་མ་མཚར༎
སྙིང་ལ་རུས་པ་བཅུགས་པའི་དཔའ་པོ་ཁྱེད༎
ཡུན་རིང་སྙིང་ལ་བཅངས་པའི་ལ་རྒྱ་དེ༎
མ་བཟོད་ཕྱི་རུ་སྐྱུར་པ་གདོང་མཆོངས་ཁྱེད༎
ཕྱི་ཕྱོགས་བོད་རིགས་ཡོངས་ཀྱི་གུས་བརྩི་ཡོད༎
སླར་ཡང་གཉིས་སྟོང་བཅུ་གཅིག་གི་ལོ་འགོ་ནས་དམར་དམག་གི་བོད་ནང་འགྲོ་བ་མའི་ཐོབ་ཐང་ལ་རྩིས་མེད་གཉེས་བཅོས་བྱེད་རན་སོང་། ཨ་ཁ་ཁ་ཤུ་རེ་གོ མཉམ་འ
བྲེལ་རྒྱལ་ཚོགས་གང་ན་ཡོད་མགོན་མེད་སྐྱབས་མེད་ཚོར་མི་མཐོང་ངམ།