དཔལ་ཇོ་ནང་པའི་དམིགས་བསལ་ཚོགས་ཆེན་དང་པོ།

ང་རང་གིས་ངོས་ནས་རྒྱལ་བ་ཇོ་ནང་པ་ལ་དདཔ་དང་དག་སྣངཡོད་ སྒྲུབ་བརྒྱུད་ཤིང་རྟ་མཆེད་བརྒྱད་ནང་ནས་དབུ་མ་གཞན་སྟོང་པ་ཐུན་མོང་མ་ཡིན་པ་ཡོད་ཐུགས་རྗེ་ཆེ་ཞུ་

བསེ་ཀུན་དགའ་རྒྱ་མཚོ་ལགས།
ངས་ཁྱེད་ཀྱིས་མཐའ་གཅིག་ཏུ་ནོར་འདུག་ཟེར་བ་མིན།  འོན་ཀྱང་ཁལ་ཁ་རྗེ་བཙུན་དམ་པའི་སྐུ་ཕྲེང་བརྩི་སྟངས་ཏེ་ནོར་འདུག་སྙམ།   ང་ལ་མཚོན་ན་ཇོ་ནང་ལ་རྒྱུས་མངའ་ཆེན་པོ་མེད་མོད།   སྔོན་ཆད་བོད་དུ་སྡོད་སྐབས།   ཇོ་ནང་རྗེ་བཙུན་ཏཱ་ར་ནཱ་ཐའི་གསུང་སྒྲུབ་ཐབས་རིན་འབྱུང་གྱི་དབང་རྗེས་གནང་ཡོངས་རྫོགས་ཨ་ལགས་གུང་ཐང་ཚང་གི་མདུན་ནས་ཐོབ་མྱོང་།   དེ་ཕྱིན་ཇོ་ནང་གི་སྐོར་དང་།   ལྷག་པར་རྗེ་བཙུན་ཏཱ་ར་ནཱ་ཐའི་སྐོར་ལ་བསམ་བློ་མང་པོ་གཏོང་མྱོང་ལ།   ཁོང་གི་མཛད་རྣམ་མ་བཅོས་ལྷུག་པའི་རྟོགས་བརྗོད་དང་།   ཀུན་དགའ་གྲོལ་མཆོག་གིས་མཛད་པའི་ཁོང་གི་སྐུ་ཕྲེང་ཁག་གི་མཛད་རྣམ་ཁག་ཞིབ་ཚགས་བཀླགས་མྱོང་།   ད་དུང་རྗེ་བཙུན་དམ་པའི་འཁྲུངས་རབས་ཕྱོགས་བསྒྲིག་ཟེར་བའི་དེབ་ཆུང་ཞིག་ཀྱང་མཐོང་མྱོང་།   
གལ་ཏེ་ཁྱེད་ཀྱིས་རྗེ་བཙུན་ཏཱ་ར་ནཱ་ཐའི་སྐུ་ཕྲེང་ཡོངས་རྫོགས་བགྲང་གི་ཡིན་ན།   ཐོག་མར་པཎྚི་ཏ་འབར་བའི་གཙོ་བོ་ནས་བརྩིས་དགོས།   དེ་ལྟར་བརྩིས་ན་ངོ་མཚར་བའི་སྐུ་སྐྱེ་བཅུ་བཞིའི་ཐོག་ཁལ་ཁ་སྐུ་ཕྲེང་དགུ་བསྣན་ན་ག་ཚོད་རེད།   ད་དུང་ཏཱ་ར་ནཱ་ཐའི་སྐུ་ཕྲེང་སྐོར་ལ་དང་པོ་ཀུན་དགའ་བོ་ནས་བརྩི་སྟངས་ཞིག་ཀྱང་མཇལ་མྱོང་མོད།   ཡོངས་གྲགས་ལྟར་བྱས་ན་འབར་བའི་གཙོ་བོ་ནས་བརྩི་གིན་འདུག་སྙམ།
དེ་མིན་རྗེ་བཙུན་ཀུན་དགའ་གྲོལ་མཆོག་ནས་དམིགས་བསལ་བརྩི་སྟངས་ཞིག་མེད།  ཀུན་དགའ་གྲོལ་མཆོག་དང་།   ཏཱ་ན་ནཱ་ཐ་གཉིས་ལ་རྗེ་བཙུན་ཞེས་འབོད་སྲོལ་ཡོད་མོད།   ཁལ་ཁ་རྗེ་བཙུན་དམ་པ་ཞེས་འབོད་སྲོལ་གཏན་ནས་མེད།   ཁལ་ཁ་ཟེར་བ་ནི་སོག་པོའི་ཁལ་ཁ་ཚོ་བཞི་ལ་ཟེར་བ་རེད།   ཏཱ་ར་ནཱ་ཐའི་སྐུ་སྐྱེ་ཕྱི་མ་དེར་འཁྲུངས་བས་དེ་ནས་བཟུང་ཁལ་ཁ་རྗེ་བཙུན་དམ་པ་ཞེས་གྲགས་པ་རེད།  རྒྱུ་མཚན་འདི་གཅིག་པོས་ཀྱང་ཤེས་ཐུབ། 
སྐབས་འདིར་ངེད་གཉིས་ཀྱི་རྩོད་བཞིན་པ་ནི།   ཁལ་ཁ་སྐུ་ཕྲེང་རིམ་བྱོན་རེད།   དེའི་དང་པོ་བློ་བཟང་བསྟན་པའི་རྒྱལ་མཚན་རེད།    དེ་ནས་བཟུང་ཁལ་ཁ་རྗེ་བཙུན་དམ་པ་ཞེས་ཡོངས་སུ་གྲགས་འདུག    ད་བར་སྐུ་ཕྲེང་དགུ་ཕྱིན་ཡོད་པ་རེད།  རྗེ་བཙུན་དམ་པ་འདི་བ་ཚང་ལ་སྐུ་ཕྲེང་དགུ་བ་ཞེས་སོག་ཡུལ་དུ་ཡོངས་གྲགས་རེད།   
ཏཱ་ར་ནཱ་ཐ་ཀུན་དགའ་གྲོལ་མཆོག་གི་སྤྲུལ་སྐུ་ཡིན་པ་ངས་ཀྱང་ཤེས་ཀྱི་ཡོད་མོད།   ཀུན་དགའ་གྲོལ་མཆོག་ཁལ་ཁ་རྗེ་བཙུན་དམ་པའི་སྐུ་ཕྲེང་དང་པོར་བརྩི་སྲོལ་ཞིག་གཏན་ནས་མེད།   ཡོད་ན་ཁལ་ཁ་རྗེ་བཙུན་ཀུན་དགའ་གྲོལ་མཆོག་ཟེར་དགོས་པ་ཡིན་ནམ།   
མདོར་ན་ཏཱ་ར་ནཱ་ཐའི་སྐུ་ཕྲེང་ཡོངས་རྫོགས་བརྩི་སྐབས།   ཀུན་དགའ་བོ་འམ་འབར་བའི་གཙོ་བོ་ནས་ཁལ་ཁ་སྐུ་ཕྲེང་དགུ་བ་བར་དུ་བརྩི་དགོས།   
ཁལ་ཁ་སྐུ་ཕྲེང་རིམ་བྱིན་བརྩི་སྐབས་ཁལ་ཁ་སྐུ་ཕྲེང་དང་པོ་ནས་བརྩི་དགོས།   འདི་དག་སྤྱིར་བླ་མ་གཅིག་གི་སྐུ་ཕྲེང་ཡིན་མོད།   མཚན་ཐོགས་སྟངས་ཀྱི་ཆ་ནས་བརྩི་སྟངས་ཡང་མི་འདྲ་བ་ཡོད་པ་ཤེས་དགོས།   
ཁྱེད་ལ་དེ་བས་གསལ་ཁ་རེ་གསུང་རྒྱུ་ཡོད་ན་གསུང་དང་ངས་ཁས་ལེན་བྱེད་ངེས་ཡིན།   དེ་མིན་མ་དག་རྒྱུན་འབྱམས་སུ་འགྲོ་བའི་ཉེན་ཁ་འདུག    དྲ་ཐོག་འདིར་ཇོ་ནང་པ་རེ་ཡོད་ན་འདིའི་ཐད་ཅིག་གསུང་རོགས་ཞུ།   གཅིག་བྱས་ན་ཁྱེད་ཇོ་ནང་པ་ཞིག་ཡིན་སྲིད།   ཡིན་ན་ཇོ་ནང་སྐོར་ལ་ང་ལས་ཁྱེད་མཁས་པ་སྨོས་མ་དགོས་པས་དགོངས་ཁྲེལ་མེད་པར་གསལ་བོར་གསུང་རོགས་ཞུ།

རྒྱ་སྟག་དཀར་པོ་ལགས།
གྲུབ་མཐའ་བཞི་ཟེར་བའི་ཐ་སྙད་འདི་གང་ནས་བྱུང་ཤེས་སམ།  ཡོངས་གྲགས་གྲུབ་མཐའ་བཞི་ཟེར་བ་དེ་སྔོན་ཆད་འཕགས་ཡུལ་དུ་དར་བའི་ནང་པའི་གྲུབ་མཐའ་བཞི་ཡིན་པ་ལས་བོད་དུ་མ་རེད།  བོད་དུ་དར་བའི་གྲུབ་མཐའ་ཡོངས་རྫོགས་དབུ་མའི་གྲུབ་མཐའ་རེད།  དེ་ལ་ནང་གསེས་ཀྱི་དབྱེ་བ་མང་པོ་ཡོད།  དཔེར་ན་སྒྲུབ་རྒྱུད་ཤིང་རྟ་བརྒྱད་ལྟ་བུ་རེད།   ཇོ་ནང་པ་ནི་སྤྱིར་བོད་རྒྱུད་གྲུབ་མཐའ་བ་ལས་ལོགས་སུ་མེད་མོད།   ཆོས་བརྒྱུད་ཐུན་མོང་མ་ཡིན་པ་ཞིག་རེད།  
ཇོ་ནང་པའི་ཁྱད་ཆོས་གཙོ་བོ་དཔལ་དུས་ཀྱི་འཁོར་ལོའི་དབང་བཀའ་ཉམས་ལེན་བྱིན་རླབས་དོན་རྒྱུད་དང་བཅས་པ་སྟོན་པ་སངས་རྒྱས་ནས་བཟུང་ད་ལྟ་བའི་རྒྱུན་མ་ཆད་པར་འཛིན་སྐྱོང་སྤེལ་གསུམ་གནང་གིན་ཡོད་པ་དེ་རེད། 
དེར་བརྟེན་༧གོང་ས་མཆོག་གིས།   མདོ་རྒྱུད་གཞན་དང་བཤད་སྲོལ་མི་མཚུངས་པའི།།
ཤིང་རྟེའི་སྲོལ་ཆེན་དུས་ཀྱི་འཁོར་ལོའི་རྒྱུད།།
མི་ཉམས་འཛིན་ཅིང་སྤེལ་བའི་བཀའ་བབ་པ།།
ཇོ་ནང་པ་ཡི་བསྟན་པ་རྒྱས་གྱུར་ཅིག།
ཅེས་བོད་ཀྱི་ཆོས་རྒྱུད་གཞན་དག་ལས་ལོགས་སུ་བཀར་ཏེ་གསུངས་པ་རེད།     གལ་ཏེ་ཇོ་ནང་ཆོས་རྒྱུད་གཞན་པའི་ཁོངས་སུ་འདུ་ཡི་ཡོད་ན་དེ་འདྲ་གསུངས་དོན་མེད།     
ད་དུང་༧གོང་ས་མཆོག་གིས་མཛད་པའི་རིས་མེད་བསྟན་རྒྱས་སྨོན་ལམ་དུ་ཡང་།    
ལུང་རྟོགས་བཀའ་བབ་བུ་ཇོ་ལུགས་ཟུང་གི།     ཞེས་རྒྱ་གར་བཙན་བྱོལ་བོད་མིའི་ཁྲོད་མ་དག་འརྒྱུན་འབྱམས་སུ་ཆགས་པའི་ཐ་སྙད་དེ་ལས་ལོགས་སུ་བཀར་ཏེ་གསུངས་ཡོད།
བོད་ཀྱི་ཆོས་འབྱུང་ལོ་རྒྱུས་ཡོད་དོ་ཅོག་ཏུ་ཇོ་ནང་ཆོས་རྒྱུད་བཞི་ལས་ལོགས་སུ་བཀར་ཡོད་པ་མ་ཟད།   ཚིག་གི་བདག་པོ་༧གོང་ས་ཐམས་ཅད་མཁྱེན་པས་རྡོ་རྗེའི་བཀའི་ཚིགས་སུ་བཅད་དེ་ལན་གཅིག་མིན་པར་ཡང་ཡང་གསུང་གིན་ཡོད་པ།   མིག་དང་རྣ་བ་ཡོད་ཚད་ཀྱི་སྤྱོད་ཡུལ་དུ་གྱུར་ཡོད།
འོན་ཀྱང་སྐབས་འཚོལ་བ་རེ་ཟུང་གིས།   རྒྱུ་མཚན་སྣ་གཅིག་མེད་པར་ཇོ་ནང་ས་སྐྱའི་ཁོངས་རེད་ཟེར་བ་ནི།   རྒྱུ་མཚན་དང་དམིགས་ཡུལ་གཞན་པ་ཞིག་ཡོད་པ་ཚང་མས་ཤེས་གསལ་ལྟར་རེད།
ཡང་གཞན་ཞིག་གིས།   ཁལ་ཁ་རིན་པོ་ཆེ་ཏཱ་ར་ནཱ་ཐའི་སྐུ་ཕྲེང་བཅུ་གཅིག་པ་རེད་ཟེར་བ་ནོར་བ་དེར།   ཁལ་ཁ་རིན་པོ་ཆེ་ཏཱ་ར་ནཱ་ཐའི་སྤྲུལ་སྐུ་ཡིན་པ་བདེན་མོད།   སྐུ་ཕྲེང་བཅུ་གཅིག་པ་མ་རེད།   ཁལ་ཁ་སྐུ་ཕྲེང་དང་པོ་རང་བྱུང་ཡེ་ཤེས་རྡོ་རྗེ་འམ་བློ་བཟང་བསྟན་པའི་རྒྱལ་མཚན་ཏཱ་ར་ནཱ་ཐའི་སྤྲུལ་སྐུ་རེད།   དེ་ནས་ད་བར་དུ་བརྩིས་པ་ཡིན་ན་སྐུ་ཕྲེང་བཅུ་བ་རེད།   ཡིན་ན་ཡང་ཁལ་ཁ་རྗེ་བཙུན་དམ་པའི་སྐུ་ཕྲེང་བརྩི་དུས་ཁལ་ཁ་སྐུ་ཕྲེང་དང་པོ་ནས་བརྩི་དགོས།   དེས་ན་ད་ལྟའི་ཁལ་ཁ་རིན་པོ་ཆེ་ཁལ་ཁ་སྐུ་ཕྲེང་དགུ་བ་རེད།  
སྤོབས་པ་ལགས་ཀྱིས།   ཁལ་ཁ་རིན་པོ་ཆེ་ཇོ་ནང་གི་བསྟན་བདག་ལ་མི་འོས་ཚུལ་གསུངས་པ་རྒྱུ་མཚན་མེད་སྙམ།   ཁལ་ཁ་རིན་པོ་ཆེ་ཇོ་ནང་གི་བསྟན་བདག་ཏུ་༧གོང་ས་ཐམས་ཅད་མཁྱེན་པས་ཐད་བསྐོས་གནང་བ་མ་ཟད།   གཞིས་བྱེས་ཇོ་ནང་ཡོངས་ཀྱིས་བརྩི་བཀུར་བྱེད་བཞིན་ཡོད་པས།   དེ་ལས་ལྷག་པའི་སྒྲུབ་བྱེད་ཅིག་མི་དགོས།   གཞན་བཀྲ་ཤིས་རྒྱལ་མཚན་ཟེར་བ་དེ་སུ་ཡིན་གསལ་བོར་མི་ཤེས་ལ་ཁོང་ཇོ་ནང་གི་བསྟན་བདག་ལ་འོས་མིན་ཡང་མི་ཤེས།
དེ་རིང་དེ་ཙམ་ཡིན།

ཁལ་ཁ་རྗེ་བཙུན་ཟེར་བ་འདི་པཎ་ཆེན་བློ་བཟང་ཆོས་རྒྱན་ཡིན་ནམ་ཞིག་གིས་ཁོ་རང་གི་སློབ་མ་ཞིག་ཏཱ་ར་ན་ཐའི་སྤྲུལ་སྐུ་ཡིན་པར་ངོས་བཟུངས་རྗེས་སུ་ཁལ་ཁ་རིན་པོ་ཆེའི་སྐྱེ་ཕྲེང་དུ་སྒྲོ་བཏགས་པ་ཞིག་བྱུང་བ་རེད། དུས་རབས་ཉི་ཤུ་པའི་མགོ་སྟོད་དུ་སོག་པོ་དམར་ཤོག་ཏུ་གྱུར་རྗེས་སོག་པོའི་གཞུང་གིས་ཁལ་ཁའི་དབང་ཆ་མེད་པ་བཟོས་པ་མ་ཚད་ཕྱིན་ཆད་ངོས་འཛིན་བྱེད་མི་ཆོག་པ་བཟོས་པ་རེད། སྤྱིར་ན་སྐྱེ་ཕྲེང་དུ་བཏགས་པའི་ཁལ་ཁ་རྗེ་བཙུན་སྔོན་མ་ཚང་མ་དགེ་ལུགས་པའི་བླ་དཔོན་ཤ་སྟག་ལས་ཇོ་ནང་པ་ལ་འབྲེལ་བ་སྤུ་ཙམ་ཡང་མེད་པ་རེད། གཅིག་བྱས་ན་ཇོ་ནང་པ་བསྣུབ་དགོས་ཟེར་མཁན་གྱི་གྲས་ཡིནའགྲོ། སྐུ་གོང་མ་ཞིག་གིས་འཇམ་བཞད་ཡིག་ཆ་ཞིག་ལ་འགྲེལ་བ་ཡིན་ནམ་ཞིག་ཀྱང་བརྩམས་ཡོད་སྙམ། དེ་ཡིན་ན་གཞན་སྟོང་དགག་མཁན་ཞིག་ནི་ཡིན་པར་ཐག་ཆོད་པ་རེད། ད་ལྟའི་འདི་གང་ཞིག་བྱས་ནས་ཇོ་ནང་པའི་ནང་དུ་འཚངས་ཡོང་བ་ཡིན་གང་ཤེས།

དཔལ་རྒྱལ་བ་ཇོ་ནང་པ་ལ་ཆོས་རྒྱུད་ཆོས་ལུགས་སྤྱི་མཚུངས་ཀྱི་སྤྱི་འཐུས་དང་བླ་ཆེན་སོགས་ཀྱི་གོ་གནས་འབུལ་རྒྱུར་རྒྱབ་སྐྱོར་ཡོད།
འགའ་ཞིག་གིས་ཧམ་སེམས་ཀྱིས་གཞན་གྱི་བླ་མ་དང་ཆོས་རྒྱུད་ལ་སྡང་ཟུག་གིས་འགོག་རྐྱང་བྱེད་པ་ནི་མ་འོས་པ་རེད།
སྔར་གྱི་གཏིང་ནད་རྣམས་རྟག་ཏུ་ཁོག་པར་བཅངས་ན་སོལ་བ་དང་འདྲ་བའི་སེམས་ལ་ནམ་ཡང་དཀར་འདོན་མི་སྲིད་དོ།
ཇོ་ནང་པ་ཁྱེད་རང་ཚོ་ཡིན་ནའང་ཤུགས་རྒྱབ་དགོས།
སྤྲེལ་ལད་འཁྲབ་སྟེ་མི་བསྡོད་པར་༧གོང་ས༧་མཆོག་སྙན་ཞུ་འབུལ་དགོས་ཁོང་གིས་སྐྱབས་གནང་གི་རེད།
གཞན་སུ་གཅིག་གིས་བྱེད་ཀྱི་མ་རེད།
ས་སྐྱ་བ་ཚོ་ཆབ་སྲིད་ལ་ཧ་ལས་པའི་འཇོན་པོ་རེད།
རང་རིན་པོ་ཆེ་ཡིས་མ་འཇོན་ན།
རོགས་རིལ་མ་མགོ་ཡིས་སྐྱོབས་ལུགས་མེད་དོ།

མ་གཞི་ཆོས་ལུགས་ཆོས་བརྒྱུད་ཀྱི་དབྱེ་བགར་ནི་ང་མཚོན་ན་ཕ་རིའི་ལ་རེད། ཡིན་ནའང་། སྤོབས་པ་མཐའ་ཡས་ལྟར་གང་བྱུང་མི་སྒེར་ལ་སྐྱོན་འཛུགས་བྱས་ན་དེ་ཡག་པོ་མཐོང་མ་སོང་། དེ་བཞིན་དུ། མི་སྒེར་ལ་སྐྱོན་འཛུགས་ཀྱི་ལས་འདི་དག་ལ་སྤྱི་སྙོམས་ཀྱི་ཐོག་ནས་སྟངས་འཛིན་བྱས་ན་ལེགས་པར་སེམས།

དཔལ་ཇོ་ནང་པའི་དམིགས་བསལ་ཚོགས་ཆེན་ཐེངས་དང་པོ་འཚོགས་གྲུབ་པར་འཚམས་འདྲི་བཀྲ་ཤིས་བདེ་ལེགས་ཞུ་བ་དང་ཆབ་གཅིག་རང་གི་བསམ་ཚུལ་མདོ་ཙམ་ཞུ་འདོད་བྱུང།
གོང་དུ་དྲ་གྲོགས་གནམ་ལྕགས་ལགས་དང་རྒྱ་མཚོ་སོགས་ཀྱིས་ཀྱང་ཇོ་ནང་པའི་གནས་སྟངས་ལ་གཟིགས་ནས་སྐད་ཆ་དྲང་མོར་བཤད་འདུག ངས་ཀྱང་དེ་དག་ལ་རྒྱབ་སྐྱོར་བྱེད་རྒྱུ་ཡིན་པ་མ་ཟད། ང་ཚོས་ངོས་ནས་ངེས་པར་དུ་འདིའི་ཕྱོགས་ལ་བསམ་བློ་གཏོང་རན་རེད་བསམ་གི
གོང་ས་མཆོག་གིས་ཇོ་ནང་བསྟན་པའི་བདག་པོ་མངའ་གསོལ་བ་དང་། དགོན་སྡེ་ཕུལ་བ་འདི་དང་། བོད་ཀྱི་ཆོས་བརྒྱུད་ཁག་གི་བླ་ཆེན་རྣམས་ཀྱིས་ཇོ་ནང་ཆོས་བརྒྱུད་ལ་བརྒྱབ་གཉེར་ཕུལ་བ་ཞིག་སྔོན་མ་ཞིག་ལ་དུས་བབ་ཚག་པར་སྟེང་དུ་བཀོད་སོང་། དེ་དག་ལ་གཞིག་ན་ད་མང་པོ་ཞིག་ལ་བསམ་བློ་གཏོང་ས་ལྷག་མི་འདུག་བསམ་གི
ཆོས་བརྒྱུད་ཚང་མར་ཆོས་བརྒྱུད་ཀྱི་སྤྱི་འཐུས་དགོས་ན་ཇོ་ནང་པ་ལ་ཡང་ཆོས་བརྒྱུད་སྤྱི་འཐུས་སྤྲད་ན་འོས་ཤིང་འཚམས་པ་ཞིག་དང་། སྐབས་ལ་བབ་པ་ཞིག་ཡིན་པ་མ་ཟད་ཕྱིས་འདུག་བསམ་གི
སྤྱིར་བཏང་ང་ལ་མཚོན་ན་ཆོས་བརྒྱུད་སྤྱི་འཐུས་མི་དགོས་གི་ཟེར་མཁན་གྱི་གྲས་ཡིན། འོན་ཀྱང་ཡོད་ན་ཡོད་མཚུངས་དང་མེད་ན་མེད་མཚུངས་དགོས་གི་བསམ་གི། དྲ་གྲོགས་ཚོ་རང་རང་སོ་སོས་འདིའི་སྐོར་ལ་བསམ་བློ་རེ་བཏང་ནས་བསམ་ཚུལ་རེ་འདོན་ན་ཡག་གི་འདོད་གི

ཁལ་ཁ་རྗེ་བཙུན་དང་བཀྲ་ཤིས་རྒྱལ་མཚན་ལྟ་བུས་ཇོ་ནང་པའི་བསྟན་པའི་བདག་པོ་ཡོང་གི་མ་རེད། ཁལ་ཁ་རྗེ་བཙུན་དམ་པ་ཟེར་བ་འདི་ཇོ་ནང་པ་དང་འབྲེལ་བ་གང་ཡང་ཡོད་པ་མ་རེད། འདི་སོག་པོའི་དགེ་ལུགས་པའི་བླ་དཔོན་ཞིག་རེད། ཁལ་ཁ་སྐུ་གོང་མ་ལྟ་བུ་ཡིན་ན་རྔོན་པ་ཐེབས་ཆག་ཅིག་ལ་རྒྱལ་བ་རིན་པོ་ཆེ་སྐུ་ཕྲེང་བཅུ་གསུམ་པ་དང་མ་མཐུན་མཁན་ཞིག་རེད། འདི་ཇོ་ནང་པའི་བསྟན་པའི་བདག་པོ་ག་འདྲ་བྱས་ནས་ཆགས་པ་ལ་ཞིབ་འཇུག་ཅིག་མ་བྱས་ན་འགྲིགས་གི་མི་འདུག

དཔལ་ཇོ་ནང་པའི་སྤྱི་འཐུས་སྐུ་ཚབ་ཐོབ་པ་དང་ནང་བསྟན་ཡུན་དུ་གནས་འགྱུར་ཅིག