ཁ་སང་ཕྱི་ཚེས་ ༡༡ ཉིན་ཨ་རིའི་ཕྱི་སྲིད་དྲུང་ཆེ་ལྕམ་ཧེ་ལཱརེ་ཁུ་ལེན་ཊོན་ལགས་གསང་བའི་ཐོག་ནས་ཨེ་ཤ་ཡའི་ཡེ་མེན་Yemen རྒྱལ་ཁབ་ཏུ་གཟིགས་སྐོར་ལ་བསྐྱོད་ཡོད་འདུག དེ་ནི་ཁོང་མོ་ཐེངས་འདིར་པར་ཤིན་མཚོ་གླིང་ཁུལ་དུ་རྒྱལ་དོན་གཟིགས་སྐོར་དུ་བསྐྱོད་པའི་ཞོར་དུ་བདེ་འཇགས་དམག་མིས་སྲུང་སྐྱོབ་དམ་པོའི་འོག་གསང་བའི་ཐོག་ཡེ་མེན་གྱི་རྒྱལ་སར་འབྱོར་ཡོད་འདུག དེ་ནི་ཡེ་མེན་ནང་དུ་ཨོལ་ཁ་ཋ་འཇིགས་སྐུལ་རིང་ལུགས་བསྟི་གནས་ཤིག་ཆགས་ཡོད་པ་དང་། ཁོང་ཅག་གི་འགུལ་སྐྱོད་འཆར་འགོད་བྱེད་སའི་ལྟེ་བ་ཞིག་ཆགས་ཡོད་འདུག
ཐེངས་འདིར་དྲུང་ཆེ་ལགས་ཡེ་མེན་རྒྱལ་ཁབ་ཀྱི་སྲིད་འཛིན་སྐུ་ཞབས་ཨ་ལེ་ཨབ་ཌུལ་ལཱ་Ali Abdullah Saleh དང་། དེ་བཞིན་རྒྱལ་ཁབ་དེ་གའི་གཞུང་འབྲེལ་དང་གཞུང་འབྲེལ་མ་ཡིན་པའི་མཐོ་རིམ་དཔོན་རིགས་ཚོར་མཇལ་འཕྲད་གནང་སྐབས། ཨ་རིའི་ངོས་ནས་ཡེ་མེན་རྒྱལ་ཁབ་དང་མཉམ་ལས་རོགས་འདེགས་ཐད་ནུས་ཤུགས་འདོན་རྒྱུ་ཡིན་སྐོར་བརྗོད་འདུག་ལ། གཞན་ཨོལ་ཁ་ཋ་ཤོག་ཁག་རྩ་གཏོར་གཏོང་བར་ཨ་རིའི་དམག་དཔུག་གིས་རྒྱབ་སྐྱོར་བྱ་རྒྱུ་དང་། ཡེ་མེན་ནང་གི་སྤྱི་ཚོགས་དང་དཔལ་འབྱོར་ཡར་རྒྱས་ཐད་རོགས་སྐྱོར་བྱ་རྒྱུ་ཡིན་སྐོར་སོགས་ཀྱང་ཁས་ལེན་བྱས་ཡོད་འདུག ཡེ་མེན་གཞུང་ཕྱོགས་ནས་ཀྱང་ཨོལ་ཁ་ཋ་འཇིགས་སྐུལ་རིང་ལུགས་པར་ཁ་གཏད་གཅོག་རྒྱུར་ཨ་རིའི་དམག་དོན་རྒྱབ་སྐྱོར་ནི་གནད་འགག་ཆེ་ཤོས་སུ་ངོས་འཛིན་བྱེད་ཀྱི་ཡོད་འདུག
གསར་འགོད་པ། བནྡེ་སྐྱབས།
བནྡེ་སྐྱབས་ལགས།
ཧ་ཅང་བཟང་གི་གསར་འགྱུར་ཅུང་གསར་བ་རེད། ཡིན་ན་ཡང་གསར་འགྱུར་བརྒྱུད་ལམ་དག་ལ་བལྟས་ན་ཧ་ཅང་དལ་གྱི་འདུག གང་ལྟར་འབད་བརྩོན་བྱ་ཡ་གལ་ཆེན་རེད།